Badboy's Obsession (Xander Ethan Montellarez) [COMPLETED]

Chapter 25

Dalawang buwan na ang nakalipas at medyo lumalaki na yung tiyan ko. Nung pumunta kami sa hospital ay nalaman namin na 5 weeks na pala akong nag dadalang tao. Simula noon ay palagi na lang ako nasa bahay dahil naging maselan na daw ang pag bubuntis ko. Nung ipinagbubuntis ko kase si Xhantel at Xavier ay nahirapan ako at muntik pa silang mawala. Kaya kailangan palagi akong ligtas at hindi dapat na iistress.

Kasalukuyan akong nakahiga ngayon dito sa kwarto namin ni Xander habang hinihintay ko siya. May mahalaga kasi siyang meeting ngayon kaya medyo malalate ang uwi niya. Hindi ako makatulog dahil hindi ako sanay na wala si Xander sa tabi ko. Kaya paikot ikot ako dito sa higaan at nag hahanap ng paraan para makatulog.

Mag aalas dos na ng umaga pero hindi pa rin siya umuuwi. Kanina pa ako nag hihintay at naiinip na ako. Kaya tumayo ako at napagpasyahan kong lumabas sa kwarto namin. Patay na ang lahat ng ilaw kaya gumamit ako ng flashlight para maayos na makababa sa hagdan. Dahan dahan akong nag lakad para hindi nila ako marinig. Maganda siguro kung hihintayin ko si Xander sa labas. Agad kong kinuha yung jacket ko dahil medyo malamig na sa labas. Baka magka ubo pa kami ni baby.

Akmang kukuhanin ko na sana yung jacket ng bigla akong makaramdam ng gutom. Parang gusto ko ng takoyaki at banana shake. Dali dalikong kinuha yung jacket ko at wallet bago lumabas. Naabutan kong nag babantay pa rin si Kuya Leon, Kuya Ben at iba pang mga guard sa gate. Sakto nandito si Kuya Ben, sa kaniya na lang ako mag papasama. Napansin nilang gising pa ako kaya agad silang lumapit sa akin.

“Ma'am Pearl bakit gising pa po kayo? Madaling araw na po ah? Hindi pa po ba kayo inaantok?” tanong ni Kuya Ben sa akin.

“Nagugutom ako Kuya Ben, wala sa ref yung gusto kong kainin. Pwede mo ba akong samahan bumili ng takoyaki? Nagugutom lang talaga ako, don't worry hindi naman magagalit si Xander dahil kami naman ni baby yung nagugutom.” aniya ko habang nakatingin silang lahat sa akin. Kita ko sa muka nila na nag dadalawang isip pa sila pero agad namang pumayag. Si Kuya Ben ang napili kong sumama sa akin habang yung iba naman ay naiwan para mag bantay ng gate.

“Saan po ba nakakabili ng Takoyaki Ma'am? Mayroon pa po bang mabibilhan nun? Madaling araw na po kase.” tanong ni Kuya Ben bago niya ako pinagbuksan ng pinto. Agad akong pumasok sa sasakyan bago ko sinagot ang kaniyang tanong.

“Mayroon pa, hindi naman nag sasarado ang mga bilihan ng pag kain dito. Para silang Jollibee, 24 hours din silang bukas.” i said before opening my phone. 5 hours na simula nung huling nag online si Xander. At ngayon ay hindi pa din niya nirereplayan yung last chat ko. Kahit nga seen hindi niya nagawa. Ano kayang pinag gagagawa nung lalaking yun? Saka nasaan na kaya siya ngayon?

Tahimik lang ako habang nag mamaneho si Kuya Ben. Ilang minuto din ang nakalipas bago kami nakarating dito sa Maloya Market. May mga nagtitinda dito ng iba't ibang pag kain. Agad akong bumaba mula sa sasakyan at hinanap ko yung Takoyaki stall.

Habang nag lilibot ako ay nagulat ako nang makita ko si Christian. Anong ginagawa niya dito? Kita ko ang gulat sa muka niya nang makita niya ako.

“Pearl Maxway Bendoval? Ikaw nga!”masayang aniya niya bago siya lumapit sa akin. Bigla akong natawa dahil mali nanaman yung pagkakabigkas niya sa pangalan ko. Ilang taon din kaming hindi nag kita nitong lalaking ito. Kaibigan ko siya simula nung elementary at Ninong siya nung kambal. Matagal na since nung huli kaming nag kita dahil lumipat na kami noon sa bahay ni Hunter.

“Anong Pearl Maxway Bendoval? Pearl Maxine Sandoval kase yun Christian.” nakangusong aniya ko na nagpatawa sa kaniya.

“Ano nga palang ginagawa mo dito Pearl? Madaling araw na ah? Hindi ba dapat natutulog ka na?” tanong niya sa akin.

“Hinihintay ko kase si Xander, saka bigla akong nag hanap ng takoyaki kaya nandito ako ngayon.” aniya ko bago luminga linga. Nasaan kaya yung Takoyaki stall na yun?