بيـــن وصـــالك أوصاف ؛
أستغفر الله العظيم وأتوب اليه 🩶
*
فتح عيونها بنُعاس يصحى من نومه الطويل على تهزيئ امه لهم , التهزيئ الي كان من حرص وخوف وربكه ! وهلع من علموها ان وديم ودانه بالمستشفى متسممين , وديم : امي هي الي مسممتني شدخلني انا تهاوشيني ؟
ام سعود : موب انتي الي تعلميني متى اهاوشك ومتى لا !
لفت عليه خلفها تسحب المخده ترميها عليه : انت الثاني قم !
رفع يده يغطي عيونه عن اشعه الشمس بصداع : وانتي تخلين الواحد ينام ؟ احد يصحى على تهزيئ امي !
ناظرته بصدمه , دانه : وش هالعقوق !
وديم : دنو انطمي لانك انتي اكثر انسانه عاقه بالحياه
دانه : اعوذو بالله !
فزوا الثنتين من صراخها على عبدالعزيز تكمل تهزيئها عليه وزاد التهزيئ من استوعبت انه ماصلا من تقدم يفرش سجادته بعد وضوئه : الصلاه راحت الله لا يعفي عنك !
توسعت انظار وديم بدهشه : استغفر الله !
ام سعود : شيعي انت ! شيعي !
كبر يصلي من سكتت بعد ماسمحت لدكتوره تدخل وتسالهم عن حالهم , الي توحدت على "بخير" وفعلاً حالهم اليوم أفضل والوجع خف والمعده هدت , وابتسمت لهم بثناء : الحمدلله
دانه : يمدي نطلع اليوم ؟
هزت راسها بايجاب : اذا تحسون نفسكم بخير تقدرون تطلعون
وديم : شكرا لك
الدكتوره : ولو واجبي , والحمدلله على سلامتكم
خرجت تتركهم بعد ماتاكدت من سلامتهم تكتب لهم الخروج , وسلم عبدالعزيز يرفع السجاده يشوفهم يلبسون عبايتهم مُستمعين لتهزيئ ومستسلمين له , ام سعود : والله ان الرفاله شينه !
عبدالعزيز : بذات هاذي
توسعت انظارها بذهول من أشر عليها : انت احمد ربك اني قبلت فيك اصلاً
وديم : خلاص عاد تجلسون تتهاوشون الحين بعد وانا مالي خلق لكم
ام سعود : قدامي لسياره
مشوا وديم ودانه يطلعون قبلهم لسياره , ولفت وديم عليها تنطق : شكل امي ناويه تستلمنا بالمطبخ
دانه بستخفاف : شكل ؟
زفرت بملل : كله منك
دانه : عادي اطبخ ممتع
وديم : ممتع ؟ من متى ؟
دانه : من اليوم نتعلم نطبخ عشان المستقبل
وديم : ياشيخه طيري انتي والمستقبل
سرعان ماشهقت بصدمه تستوعب شيء : دنو نياف لحاله بالبيت !
هزت راسها بنفي : لا جته امه وأخذته
عقدت حواجبها : وكراتين السيرلاك من ياكلها ؟
دانه : انا
وديم : بزر
ركب عبدالعزيز وعقدت حواجبها دانه بستغراب : امك وين ؟
رفع كتفه بعدم معرفه : مدري وين راحت تقول رح للمهبل لا تجيب لي مصيبه بعد
وديم : من المهبل ؟
دانه : حنا
ضحك يهز راسه : متصالحه مع نفسك
دانه : جداً
وديم : حرام مانسوي مصايب حنا !
عبدالعزيز : انتي ؟ كنتي ماتسوين بس الحين تسوين
رفعت حاجبها : شتقصد يعني ؟
دانه : يقصد انك من جيتي معي وانتي منهبله
عض شفايفه يضحك لأنها فعلاً متصالحه مع نفسها وجداً : يعجبني الي يفهمها وهي طايره !
رفعت نظرها وديم على امها من طلعت من المستشفى واقبلت عليهم تفتح الباب الأمامي تركب : يلا حرك
وديم : وين رحتي ؟
ام سعود : شدخلك ؟
كتمت ضحكتها دانه , وابتسمت وديم بوهقه : تمونين على رقبتي يالغاليه
لفت عليه بستغراب : مو كنها كلمتك هاذي ؟
عبدالعزيز : سارقتها
وديم : والله ماشوف عليها حقوقك !
عبدالعزيز : الا حقتي وحقوقي موجوده بس انتي عمياء ماتشوفين , لازم نفصلها نظاره امي
ام سعود : من الجوال النظر عندها انعدم
وديم بدهشه : شدخــل
دانه : صحيح
عبدالعزيز : وانتي اهون منها يعني ؟
وديم بذميه : لا والله حرام عليك دنو ماتمسك الجوال !
دانه : حياتي انت تدري ان اهلي للحين يسحبونه مني ١٥ ساعه ؟ لين صارت معد تفرق معي والله
ام سعود : عسى الي يسحبه ماتمس يده النار , ولازم من اليوم اطبق هنظام ببيتنا !
ناظروهة بدهشه , وهزت راسها بتأكيد لقولها : ليش تناظروني كذا !
عبدالعزيز : انا مالي دخل ولا يشملني النظام !
رفعت حاجبها بستخفاف : وليش ان شاء الله مايشملك النظام ؟ منت من بيتنا انت !
عبدالعزيز : امي انا خلاص كبرت على ذي السوالف الله يحفظك انا الحين رجال متزوج وعندي بيت مُستقل عنكم !
ام سعود : يرحم اهلك انت والزواج هذا الي كبرك عشر سنين وشيبك
وديم : قسم بالله تراك متزوج دنو !
لفت عليها دانه بصدمه : شدخلني انا !
سرعان مانتشر صراخهم بسياره من كان بيصدم بشاحنه امامه لكنه بآخر الحظات مسك بريك من ماطيرهم إلى الأمام , ام سعود : ســوق زيــن الله ياخــذ عــدوك !
عبدالعزيز : هو الغلطان !
صفقت راسه وديم تصرخ بالم : جبهتي طارت !
دانه : روحي الحقيها !
لفت عليها تناظرها بصمت , ومسحت وجها ام سعود تسمع عبدالعزيز يضحك : الله يخلف على من زوجكم بس !
