بيـــن وصـــالك أوصاف ؛
أستغفر الله العظيم وأتوب اليه 🩶
*
المجلس ,دخل فيصل على اخر كلامها يضحك من نطقت لدانه بزعل : اعرف ! بس فيصل حيوان والله
لفوا عليه من نطق : ليه حيوان فيصل؟
وديم : لانه مزعلني !!
جلس بجنبها يبتسم ويحاوط كتفها , يناظر اخته : ليه تلعبين بعقل زوجتي علي ؟
دانه : مالعبت فيها هي المسكينه الي انفجرت تفضفض
فيصل : بصدقك هالمره بس عشانك حامل , مبروك ياعبيطه مابغيتي تخليني خال ولا عشان خليناك تصيرين عمه غرتي منا
هزت راسها بايه : بموت غيره منكم
ضحك يهز راسه : كويس انك اعترفتي بس الحين ممكن تطلعين تخلينا انا وزوجتي لحالنا ؟
ناظرته وديم بذهول : سلامات ترا المجلس مو غرفه النوم !
فيصل : وعشانك مراح تجين معي غرفه النوم , بنجلس هينا
دانه : قليل ادب فيصل انت مره قليل ادب
فيصل : الله يسلمك والله
ضحكت بدون رد تقوم وتتركهم لحالهم ياخذون راحتهم , تطلع لجناحها وغرفتها تحديداً ويبتسم داخلها كله من شافته متمدد على السرير والواضح انه توه جا لانه بدلته لسى مانزلها : عزوزي
ميل راسه نحوها من مشت له تجلس بجنبه , ورفع نفسه يجلس , يقربها له يقابلها : عيوني ؟
دانه : وحشتني مره
عبدالعزيز : وأنا أكثر والله
رفعت يدها لصدره تفكك زراره بدلته : كيف كان دوامك ؟
عبدالعزيز : سيئ , حر
عقدت حواجبها : حر !
هز راسه بايه : موت حر
دانه : والله برد
عبدالعزيز : ايء برد ؟ حبيبتي انتي ماتطلعين برا تشوفين الحر , تحت المكيف وتقولين برد
رفعت يدها تحاوط عُنقه تنسدح خلفها وينسدح معاها ترتفع يده تلقائياً لبطنها يسمعها : تبيني اطلع وش اسوي يعني مثلاً ؟ اصدم بسيارتك الجديده ولا افرفر كفيهات حايل الي ختمتها
عبدالعزيز : على الطاري السياره , شرايك بلوحتها
ابتسمت بوسع تذكر لوحتها 'دنو , 4 ' : تجنن بس ليه الاربعه ! كان المفروض تكون واحد
عبدالعزيز : اربعه
انحنى لخدها يقبّلها : لأنك الأولى
ابتسمت من قبّلها مره ثانيه تغمض عينها : والثانيه
عاد قُبّلته للمره الثالثه والرابعه ينطق : والثابته , والاخيره
ميلت وجها تبتسم : يعني انا شرعك كله ؟
هز راسه بايه : انتي دنيتي كلها
ابتسمت بدون رد , وابتسم لها يميل جسده نحوها يقربها منه أكثر : سولفي لي , وحشتني سوالفك
رفعت يدها ليده الي على بطنها تلعب بعروق كفه : وش اسولف فيه ؟
عبدالعزيز : الي ودك , كيف كان يومك انتي ؟
دانه : كله احراج , تخيل جو ابوي واخواني وخوالي وابوك واخوانك , كلهم باركوا لي عشان البيبي بس والله مُباركاتهم كلهم عباره عن احراجات
ابتسم لانهم بعد باركوا له بس بستعباط ورسايل صريحها 'مابغيتوا' : محد مصدق , امك تقول مستحيل شلون اقنعتها ماتدري انك ماقتنعتي خير شر
دانه : وربي فجر أنقذت حياتي , تعرف مين كان يسمعنا؟
عبدالعزيز : الباب كان مفتوح
دانه : وليش ماسكرته يوم تدري !
عبدالعزيز : مانتبهت الا بعدين والله
دانه : والله كنت بموت امي كانت بتذبحني معاهم , تعرف انها جتني ذاك اليوم سفلت فيني رغم أنها صدقت كلامك انت وفجر بس سفلت فيني تقول احطيت عشان اذا فكرتي تسقطينهم مستقبلاً تذكرين تسفيلي لك
عبدالعزيز : اعتبريها محاولات اقناع اكثر من تسفيل
هزت راسها بنفي : بس انا للحين مو مقتنعه
عقد حواجبه : للحين ؟
هزت راسها بأيه : للحين , احاول اتعايش مع الوضع بس
ناظرت السقف , تشتت نظرها عن عيونه وعنه : اتعايش مع التسع الشهور الي ماعرف كيف بتمر
بلعت ريقها تشعر فيه يحرك يده على بطنها بدون رد , ولفت عليه يراودها سؤال واحد ودها تسأله : انا هاذي مشاعري وانت تعرف , انت وش مشاعرك ؟
ضحك غصب يناظرها : تسأليني ؟
هزت راسها بايه , وناظرها يبتسم : انتي خليتي فيني مشاعر دنو ؟
عقدت حواجبها : يعني وش ؟
عبدالعزيز : يعني الله يعديها على قلبك انتي بس
وقلبه ؟ عداها وسكت , مشاعره أصبحت نحوها بس , ان زعلت حاول يرضيها وان عصبت هداها وسكت وان بكت ضمها لصدره , تقلبات مزاجها تهلكه , تهده , مره تتعايش مع وجودهم بضلوعها ومره تكره وجودهم في بطنها , وتشكي له ! تخيله يكره اليوم الي فكر فيه بوصلها , تتعبه بشكل ماتتصوره بذات الحظه الي بدوا فيها بفقره الوحام ومشواره , معد صارت تتقبل شيء , كل شيء صار عندها لا ويقلب لها معدتها فوق تحت , كل شيء حتى بعض وجيه البشر الي المفروض يكونون اهلها , لكنها معد تتقبل حتى وجيهم , الا من عفا الله عنهم وتتقبل يجونها , ووديم مثلها مو اهون منها ابد , يومها كله عباره عن دموع وبُكى بشكل مايتصوره مخلوق حتى وقت تضحك ؟ تتساقط دموعها تبكي ! , هم مو على بعضهم بفتره حملهم ابد .. وهذا السبب الي مزعل شهد فقدها الكبير لهم وسط ضجيج اصواتهم واجتماعاتهم ماكانوا بينهم , جلس بجنبها ريان يحاوط كتفها يهمس : شفيه الحلو زعلان ؟
زمّت شفايفها بدون رد , وعقد حواجبه ينحني لها يقابل وجها وسط ضجيج خواله وخالاته : شوشو اشبك ؟ مين مزعلك ؟
رفع انظاره من تكلمت فجر : فاقده وديم ودنو , من الصباح تقول مكانهم فاضي انا مره زعلانه
ابتسم بستغراب يمسك يدها : تبيني اقول لفيصل وعزوز يجيبونهم ؟
هزت راسها بنفي : لا حرام ماودهم يجون هم
ريان : يغيرون جوا
هزت راسها بنفي , وضحك من نزل فيصل بوديم : رحبوا بشيخه ام نواف لو سمحتوا !
ابتسمت غصب روحها ابتسمت من انتثرت تراحيب خوالها وخالاتها لها , يلف عليها يناظرها : جت وديم بقت دانه
فجر : دانه مراح تنزل لو تموت
ريان : لا بتنزل عشان شوشو عيوني تنزل
ضحكت بسخريه : مانزلت عشان جدتي وامها تبيها تنزل عشان شوشتك
ابتسمت ام سعود تجلسها بجنبها تريح جسدها : معليه ياماما معليه هو دايم البكر كذا يلعب بنفسيه
سعود : كأنها سبه تمسّني يالغاليه ؟
طلال : تمسنا كلنا والله
ضحك فهد يبوس بنته الي بحضنه : احلا بكر بنتي
هيفاء : هدتني
رغد : ايه بس انتي ماسويتي دراما زي وديم ودنو
وديم : ان شاء الله تحملين قريب يارب
فجر : إسقاط نجمي
وديم : زواجها قريب
لفوا على العيال الي بعيدين عنهم بمسافة يسولفون بمُختلف السوالف مثلهم تماماً تضحك سحاب لان وجها حمر , ولان فعلاً زواجها من محمد قريب حددوه وتمموه الاسبوع القادم مع زواج رسيل ورائد الي حصلت احداث كثيره في حياتهم اولها ملكتهم واخرها تحديد زواجهم , للحظه مادخل مازن يرفع حواجبه بذهول : مجتمعين بدوني !
هز راسه عزام : ليه ماتدري ان الجمعات بدونك احلا؟
فجر : من غير شر عليه ! خير !
ابتسم يرمي لها بوسه , ويمشي يجلس على كنبه منفرده يسحبها له يجلسها معاه , بجنبه يحاوطها على طقطقه خوالها عليه وهو ؟ لا حياه لمن تنادي يتاملها , ويبتسم : وحشتيني مره
فجر : اكثر والله
امتنان : طيب قصروا أصواتكم , استحوا شوي
مزون : درب الحياء يمين وهم كلهم يسار
ابو ماجد : اهم شيء الوضع بينهم حلال , غيره معليه نتغاضاء عنه
هز راسه ذياب : تغاضوا عن مازن وفجر شوي وديورو على سلطان والجوهره
توجهات الانظار لهم من ابتسموا ثنتينهم بورطه تناظرهم ام محمد بستغراب : وش من مُصيبه اليوم بعد ؟
ام خالد : بنيتوا عماره وطاحت ؟
هزوا روسهم بنفي , وعقدت حواجبها ام ذياب : وش سويتوا
سلطان : المشروع الي كنا بنسويه
سكت , وناظره ابو سالم ينتظره يكمل : ايه ؟
تنفس بوهقه : فشل
روان : مافيه مصيبه بالموضوع طيب ؟
ذياب : المصيبه مو بفشله المصيبه ان فلوس المشروع كلها فلوس حرام
توسعت انظارهم بصدمه , وناظرهم ذياب يهز راسه : وجوني يعلموني
الجوهره : طيب انت مُحامي نبيك تنقذنا ! مادرينا انك بتفضحنا
صد عنهم ذياب يعلمهم السالفه كلها : خوي الشيخ هذا اقترح عليه اقتراح , اقترح انه يبني له عماره ويدفع هو تكاليفها كلها ! العماره هاذي كل فلوسها حرام وكل الي بيصير فيها حرام ! مسكوا خويه وعلى الحافه كانوا بيمسكونه معه لو مالحقت عليه كانوا هو الحين مرمي بقاع السجون
بلع ريقه سلطان يناظرهم يناظرونه , وناظرهم ابو تركي مايستوعبهم : والله تنسحب رخصكم كلها , مانتم صاحين انتم !
عازم : اعرف الناس تنجح بس انتم تفشلون
راشد : وكل فشل ؟ اردى من الثاني
ابو طلال : شيلوا المشاريع من راسكم خلاص انثبروا بالبيت عساكم ماقد فلحتوا !
~ فــوق ~
بعيداً عن ضجيجهم وتهزيائهم المستمر لسلطان والجوهره , دخل يشعر ببروده الغرفه وظلامها يمشي لدولاب على مهله ينزل بدلته , يبدل ملابسه , وتشعر فيه يمشي نحوها وهو واقف يلبس تيشيرته انحنى لها يقبّل خدها يهمس : نايمه ؟
هزت راسها بنفي , تستقر يده على بطنها من ميلت جسدها نحوه : ماودك تصحين طيب ؟ تنزلين ؟ كلهم تحت يبونك
دانه : يبون يهزئوني
ابتسم بستغراب : لا ليه يهزئونك
دانه : مدري اسمعهم مستلمين سلطان والجوهره من اليوم
هز راسه بايه : مو شيء جديد كل يوم مستلمين واحد هم
ناظرته بدون رد , وميل راسه : ننزل ؟
دانه : ودك تنزل انت انزل
عبدالعزيز : مبي بدونك
رفعت اناملها لشعره وارتخى لها ينحني من رفعت اول جسدها له , تلمس شفايفه بثغرها , تقبّله , تستقر يده الي كانت على بطنها ورا ظهرها , يتركها تنهي قُبلتها متى ماودها , تنطق بقُربه : ولا انا ودي اجلس بدونك
عبدالعزيز : يعني ؟
رفعت كتفها بعدم معرفه تحاوط رقبته : يعني الي ودك انت , وش ودك انت ؟
عبدالعزيز : نهرب
دانه : وين ؟
رفع كتفه بعدم معرفه : وين تبين انتي ؟
دانه : تبي الصدق ؟ احسني ودي اروح الكوخ حقك لين اولد والله معد فيني أحيل اقابل احد , حتى فجر وشهد احسني بديت اتوحم عليهم
عبدالعزيز : مشكله والله
دانه : والله المشكله اذا بديت اتوحم عليك معاهم
عبدالعزيز : وش نسوي بذي الحاله ؟
رفعت كتفها بعدم معرفه , وعقد حواجبه : ماقوى ابعد عنك طيب انا ؟
دانه : والله انا أقوى , وحامي مره قوي !
عبدالعزيز : الله يستر منك بس
ضحكت , وابتسم يتقدم يقبّل ضحكتها بعُمق مشاعره يهمس : طيب يلا نستغلك شوي مدام الامور باقي مانقلبت ضدي للحين
رفعت يدها تمسك ذراعه : استغلني بالكوخ مو هينا , الحين خل ننزل لهم نجلس معاهم شوي قبل نروح
عبدالعزيز : صدق والله تبين نروح جد ؟
هزت راسها بأيه : والله ودي مره بعد
عبدالعزيز : وش لك ؟
ابتسمت : حاضر وتم
هز راسه يبتسم : حاضر وتم , وتمين بعد , يلا قومي
قامت معه تبدل ملابسها , يبتسم داخله كله من نزلت بجامتها يبان بطنها الصغير يضحك : وشو ذا البطن دنو وشو !
انحنى لها يقبّل بطنها مايتحمل , ولا يتخيل ان ممكن يطلع لها بطن اكثر من كذا , رفع كفه يلمسها يستشعرهم داخلها يهمس مبتسم : مين الي كبر وصار روح وسط بطن ماما !
ابتسمت ماتغفل عن مشاعر قلبه ابد , يبيهم ومتقبلهم ولا ماكان بكل مره يكلمها يستقر كفه عليهم , والحين يقبّلهم , يرتفع لها يقبّل خدها هي بعد يهمس : ماتحملك والله
رفعت تيشيرتها تلبسه وعض شفايفه يشوفها مبتسمه بس ماعندها رد ابد إلا انها نطقت من طالت نظراته : ننزل عزوزي تأخرنا , ونروح المغرب ؟
هز راسه : الي ودك , متى مابغيتي نمشي , نمشي
شابكت كفها بكفه تنزل معاه وهم كلهم اخر مره شافوها قبل سبوعين تجي وتروح وترجع تختفي ومن دخلت ؟ صرخوا البنات وضحكت غصب عن روحها ابتسمت من تقدموا لها يحضنونها وقبل الحضن ! سالوها اذا عادي او لا , تبتسم تهز راسها : كلكم عادي الا شوشو
توسعت انظارها بصدمه , وضحكت كيان بذهول : حرام عليك من اليوم تدعي تجين !
دانه : امزح تعالي
قربت لها تضمها بشوق وابتسم عبدالعزيز يتركها بينهم ويروح لجهت العيال الي بدوا يطقطقون عليه كونه الزوج الصالح الي اختفى مع زوجته , ناظره فيصل من جلس جنبه : مين حامل انت ولا هي ؟ وراك مختفي معها ؟
عبدالعزيز : اختك هرموناتها قويه
فيصل : ماشافت اختك طيب
عبدالعزيز : مستحيل وديم اهون والله
فيصل : والله موب اهون ابد اربع وعشرين ساعه تصيح
عبدالعزيز : عيوني هي
قام من بجنبه يمشي لها يجلس بجنبها وبجنب امه يحضن اكتافها ويبوس خدها : كيفك ؟
وديم : مو بخير , من زمان ماشفتك تعرف ؟
هز راسه بايه : اعرف , والله كل شوي بجيك بس صديقتك ماخلت فيني عقل
وديم : فداها عقلك وقلبك وكلك
عبدالعزيز : والله فداها
ابتسمت , وابتسم معاها يسالها : ايوه اخبارك واخبار النونو
وديم : كلنا تمام حمدلله
عبدالعزيز : عرفتي وشو ؟
هزت راسها بأيه تبتسم : امس
عبدالعزيز : بنت ؟
وديم : ولد , نواف سمي خالو
عبدالعزيز : ليه ماتسمينه عبدالعزيز افضل
ضحكت تهز راسها بنفي : البيبي الثاني ان شاء الله , انا ابي اصير ام نواف الحين
لانت ملامحه لان وقع 'ام نواف' على قلبه كبير كيف يعني توامه صارت ماما ؟ مثل ماهي الحين ضحكت تضمه : وانت بعد بتصير ابو ترا لا تناظرني كذا !
هز راسه بايه يضحك : غريب الشعور مره !
رفعت عيونها له تبتسم : وش تسميهم ياغريب الشعور انت ؟
عبدالعزيز : دنو تسميهم
رفعت نظرها لدانه الي جلست بين خالاتها : عيوني والله محلوه ؟
عبدالعزيز : دايم حلوه
عضت شفايفها تضحك : اوف !
ابتسم يسند راسه على راسها يتامل دانه امامه تجلس بين خالاته ومن نظراتهم تجاهه واضح انهم يتكلمون عنها بس ماتسمعهم من ضجيج الأصوات ترمي لهم بوسه , وضحكت وديم بعبط تنطق "لمين لي ولا له؟" لتجيبها بلكم الاثنين , يبتسم داخله كله من شعور , مشت لها فجر تجلس بجنبها : تبوسينهم وانا ماتبوسيني ؟
دانه : ابوس مين ؟
فجر : اشوفك دنو لا تستعبطين بوسيني يلا
قربت لها خدها وضحكت غصب تبوسها , وغطت وديم عيون عبدالعزيز : حفاظاً على مشاعرك حبيبي لا تشوف
عبدالعزيز : اعشقك للحين تفهميني
وديم : افا عليك بس
وسرقهم الوقت باجمل لحظاته , تاخذهم السوالف العشوائيه وضجيج العالي , الكثيره في مجلس واحد مليئ بهم جميعاً باختلاف اهتماتهم يجمعهم .
