بيـــن وصـــالك أوصاف ؛
أستغفر الله العظيم وأتوب اليه 🩶
*
« بيـت ابـو سعـود »
ام سعود بستغراب : اليوم غريبه صاحي بدري وجالس تفطر وش صاير بدنيا ؟
ابتسم لها بوهقه : ابشرك اني مانمت
ابو سعود : داري ماقولك مانام ؟
ام سعود : ترا نوم اليل زين
ابو سعود : جيل قلب اليل نهار وانهار ليل
تنهدت بقل حيله : الله يصلحهم
قام وهو يضحك , وناظره ابو سعود : انهبل رسمي ولدك
ام سعود : هاذي فصلات النوم , جب اختك عزيز لا تخليها
طلع يركب سيارته ويتوجه للمربط يجيب وديم قبل يروح دوامه .
« مربــط الخيــول »
زفرت تقراء رسالته انه على وصول : جا عزوز
دانه : ترا الساعه صارت 7 وحنا من امس نسولف ماطفشتي !
هزت راسها بنفي تلبس عبيتها : والله اول مره احب اسولف مع احد كذا , سوالفك تضحك مرا
دانه : والله مدري هاذي سبه ولا مدحه بس الله يرفع قدرك
وديم : لا مدحه المهم شرايك اوصلك على طريقنا
دانه : اقول روحي الله يستر عليك
وديم : أمانا كيف بترجعين ؟
دانه : ارجع نفس ماجيت عادي
وديم : طيب انا رايحه رايحه امشي مدام حارتكم على طريقنا
هزت راسها بنفي , وسمعوا صوت البوري زفرت بملل : بكيفك
دانه : سيو
لفت عليها تلوح لها وضحكت تراقب خروجها , وخرجت بعدها تمشي راجعه لبيتهم ناضرت ساعة جوالها وضحكت بورطه : والله واكلتها
استعجلت خطاويها تجري قبل تصحى امها وتبلع عقاب أقوى , انحنت تمسك ركبها ويزداد تسارع انفاسها عند وصولها : الله يستر علي
دخلت بشويش وتطلع فوق وتحديداً غرفة الماس شافتها نايمه وزفرت تتوجه لبلكونتها تفتحها وتخرج لبلكونتها هي تدخل غرفتها : وقسم بالله الوضع سهالات لو البقره تخلي بلكونتها مفتوحه غصب اقلب قرد عشان انط واجلس اتسلق !
فزت من رن جوالها وسرعان ماتقلبت ملامحها من قرت الاسم - الكريه علي - : الله يلعنك مهوب وقتك انت بعد
لفت بصدمه من الصوت الي خلفها : وينك من اليوم ؟
بلعت ريقها تشوف امها قدامها : وين يعني هينا
رفعت حاجبها : وليش لابسه عبايتك من وين جايه ومن مطلعك اصلاً ؟
دانه بتلعثم : لبست عبايتي عندي دوام وانتضر العفو يجي منك وتجين تفتحين الباب عشان اكون جاهزه واروح بسرعه اصلاً ان الحين متاخره لازم اروح الحين
دق علي ومدت لها الجوال : شوفي حتى علي يدق
ناظرت الاسم ورجعت تناظرها : انتي ماتستحين
دانه: ليــش !
أم سيف : ليش مسميته كذا ؟
ناظرت الاسم ودلكت رقبتها ماعندها رد , وابتعدت عنها ام سيف تترك الباب مفتوح : روحي لدوامك واذا رجعتي تفاهمت معك
زفرت من ورطت نفسها : هيا داومي ودوامك باقي له 4 ساعات
زفرت من غبائها تسمع امها تناديها ونزلت , تكلمت ام سيف : روحي مع ابوك سيارة يوسـ.
قاطعتها بستغراب : سيارتي انا , أنا الي شاريته بفلوسي متى صارت حقت يوسف ؟
ام سيف : دانه
اخذت مفتاح سيارتها : اروح مع ابوي عشان يجلس عشرين ساعه يعطيني محاضرات والله مافيني حيل اسمع شيء اذا رجعت ارجعي سحبيها
خرجت تركب السيارة وتخرج لشارع متوجهه للمستشفى ولعلها سجت ونست انها تسوق وصدمت , زفرت تمسك راسها : ماكان ناقصني الا هذا
نزل من سيارته يناضر الصدمه ورجع يناظر السيارة يشر لها تنزل , دانه : حلو هاذي عقوبة النحشات والورطات والكذب وعدم سماع كلام الام , ولا لقيت اصدم الا انت عاد ابو حضي ياشيخ !
نزلت وعقد حواجبه عبدالعزيز يناظرها بستغراب , زفرت : بالغلط تبي تدق على نجم دق وخل نخلص
لف يناضر الشارع الواقف ورجع يناظرها : خلاص امشي الله يستر عليك
رجع يركب سيارته , وناظرت صدمتها : اوكيه هي صح مو قويه عشان نوقف شارع ونجم بس احس مدري
رجعت تركب سيارتها وتلف لمدخل المستشفى تدخل الباركنق وتنزل , ناظرت جوالها تنشغل فيه لدقايق وتقلبت ملامحها تسمع اكثر صوت تكرهه بالحياه كلها : اشتكيتيني للمره المليون مامليتي ؟
لفت عليه : ولا بمل
علي : بنشوف من الي بيمل بنهايه انا ولا انتي
مشت تتجاهله , وضحك بسخريه : المناوبه عليك للمعلوميه
ماردت تدخل مكتبها وزفرت تشوف ورقة المناوبه فعلاً : فوق ماني جايه بدري ماني راجعه الا نص اليل ! الله يلعنكم طيب
فتحت جوالها تناضر رسالة وديم " رجعتي بيتكم ؟"
دانه "رجعت اداوم ابشرك بجلس لين الساعه ١١ تخيلي كميه الضيم الي اعيشه"
ضحكت بصدمه " اليل ! , ول بتفطسين كل ذي ساعات دوام !"
دانه " الله يعين "
وديم " ياعزتي لك بس "
دانه " معليه المهم وديم بحول لك فلوس عطيها توامك"
وديم " ليه ؟ "
حولت لها ورجعت ترسل وديم " وش صار "
دانه " صدمته بالغلط "
وديم " تمام , صار فيك شيء ؟"
دانه " لا "
نزلت جوالها تخلص أوراقها وملفاتها ولفت من وصلت اشعار من البنك ميلت شفايفها تقرأ المبلغ واسمه ونهايه الرساله - لو بغيتها اخذتها منك وانتي واقفه قدامي- دلكت رقبتها بملل : كيفك انا عطيتك وانت ماتبي ،
-
رفع حاجبه علي : دوامك بدري اليوم ! ليش متأخر ؟
عبدالعزيز : حاد..
قاطعه بصراخ سخريه : وانت دايم مسوي حادث !
مارد عليه وضرب الطاوله : سالي
استقامت بوقفتها بتوتر , وناظر عبدالعزيز : شيلي مناوبه مساعد اليوم وحطي عبدالعزيز
سالي : ابشر
مشى عبدالعزيز لمكتبه يتجاهل مُنادته عليه ودخل يغلق الباب خلفه يجلس ورفع نظره من انفتح الباب , يدخل حمد ويعقد حواجبه : وش مسوي انت وراه علي من اليوم يهدد فيك ؟
عبدالعزيز : ياحوم تسبدي حوماه
ضحك يجلس : وش مسوي ؟
دخل مساعد يرمي له بوسه : يارجال فكيتني من المناوبه الله يسعدك
دخل علي خلفه وتقلبت ملامحه : الله يقلعك انت وسميك ياشيخ
سكر الباب يضحك : شدخلني انا !
عبدالعزيز : رح غير اسمك
علي : ابشر كم عندنا عزوز حنا ؟
احتدت ملامحه : عشان سواد عيونك اغيره ؟
ضحك مساعد بطقطقه : اجل تقول المناوبه عليك ؟
لف عليه , وضحك حمد : بيجلدك والله
زفر بملل يناظرهم : صكني مناوبه لين الساعه ثنتين
حمد : يامسكين !
علي : تستاهل
عبدالعزيز : كل تراب انت
ضحكوا العيال , وجلسوا عنده يسولفون وغالباً كانت سوالفهم - طقطقه - عليه , تمر عليهم الدقايق والساعات ينسحبون فيها عند انتهئ وقت دوامهم , وفي الطرف الآخر مرت على المرضئ تتفقد احوالهم , وابتسمت بخفه من طفل يبلغ من العُمر غالباً تسع سنوات يسألها عن اهله : تاخروا كثير
اخذت منه الايباد تنزله على الطاوله : اذا قمت الصباح بيجون
عقد حواجبه : قولي والله
ابتسمت تغطيه بالبطانيه : والله , بس الحين تأخر الوقت لازم ننام صح ؟
هز راسه بإيجاب : تصبحين على خير يادكتوره .
سكرت الانوار تخرج وضحكت بسخريه : ياحبيبي انت نسبتي ماتخليني سيارة اسعاف عشان اصير دكتوره ،
نزلت لتحت تجلس في مكتب المناوبه ورفعت انظارها من دخل : خلاص ما باقي ارجعي بيتكم انا اكمل
ضحكت بستخفاف : عشان يشنقني ويعلقيني على البوابه عبرة لمن لا يخشى ؟
جلس يشحن جواله : كريهه
رفعت حاجبها : فيه كاميرات اسكت .
عبدالعزيز : ماقلت اسم انا
دانه بسخريه : ايه اساساً مو واضح نتكلم عن مين حنا
لف يناظرها لثواني ورجع يناظر جواله : خاله صقر لو تشتكين منيه للين بكره موب مسوي شيء ريحي راسك
عقدت حاجبها بصدمه : كذاب
فتح جواله يناظر اشعارات وديم : والله
دخل محادثاتها يعقد حواجبه من الاتصالات الهائله والرسائل الكثيره " حي مامت بس عندي مناوبه "
سرعان ماوصله الرد وضحك يقراء " ياكلب خوفتني الله لا يوفقك حسبت صار عليك حادث وفطست !"
لف من نطقت بستغراب : شدراك اني اشتكيته ؟
عبدالعزيز : كل سبوع وانتي مرسبنه عند صقر غـ..
رفعت حاجبها تقاطعه : تراقبني انت ؟
عبدالعزيز : وش ابي بك ؟ من اول يوم دوام لك وانتي تتهاوشين معه قلت اقول لك ريحي راسك لاني مسويها من قبلك وماجاني الا الشقى والحقد الزايد , وصقر خاله واقولها لك على البلاطه مستحيل بيسوي شيء لولد اخته
دانه : اجل المحكمه تتفاهم معه بس خلني امسك عليه شيء
ضحك بصدمه : مجنونه انتي ؟
هزت راسها بنفي , ورفع حاجبه : وش بتمسكين عليه ؟
رفعت اكتافها بعدم معرفه : خل نتفق
عبدالعزيز : على وش ؟
دانه : انت اقلب عليه
عبدالعزيز : لا تدخليني مالي صلاح انا اتورط فوق مصايبي
دانه : عشان نفتك منه , تراه مو حاقد الا عَلي وعليك
عبدالعزيز : وانا وانتي نستفيد ؟
دانه : والله نستفيد اغيب على كيفي وتروح حايل على كيفك مايقيدك شيء
رفع حاجبه : وش دراك عن حايل ! , تراقبيني انتي ؟
ضحكت بستخفاف : وديم مو مقصره طلعت بلاويك كلها
كشر : وديم خبله
دانه : معلينا منك انت ووديم
تكتف :ايوه كيف بتمسكين عليه شيء ؟
دانه : معليك هذا عنده بلاوي العن بلاويك
ناظرها بصدمه : هيه شفيك انتي ! والله ماعندي بلاوي
دانه : والله كان ودي اصدقك بس توامك فضحتك
عبدالعزيز : وش ورتك ؟
دانه : تقريباً كل شيء
عض شفايفه بقهر : آهخ وديم آهخ
دانه بفضول : ليش ماتضهر للعلام زي اخوانك ؟
رفع حاجبه بستغراب : ليش ؟
دانه : لاني انصدمت انك اخوها
عبدالعزيز : لازم اطلع عندها يعني عشان تعرفين اني اخوها ؟
دانه : المفروض يعني
عبدالعزيز : ايه يصير خير , كيف طاحت عليك هي ؟
دانه : اعرفها انا
عبدالعزيز : وكيف جتك ماتعطي احد وجه ؟
دانه : انا غير
عبدالعزيز : ولا لقيتي الا وديم تصيرين عندها غير ؟
دانه : موب شغلك
عبدالعزيز : دحدري
رن المنبهه دلال على انتهئ المناوبه ومشى للكاميرا في نهايه الصاله يكسرها , وناظرته بذهول : شتسوي انت !
اخذ جواله بستخفاف : تبينهم يمسكونا الباب ؟ على سوالفنا الخايسه ذي ؟ ورب الكون لو يرجع هو بنفسه للكاميرات ان هو الي يبلعنا المحاكم
رجع يدعس على الكاميرا يكسر عدستها , دانه : بيعرف محد مناوب الا انا وانت من بيكسر الكاميرا غيرنا ؟
عبدالعزيز : بسيطه
لف عليها يرفع كتفه : عطيني دليل ان انا الي كاسرها ؟
ناظرته بستخفاف : ذكي ماشاءالله عليك
ضحك يطلع ووقعت خروج تخرج خلفه وتركب سيارتها وصلها صوت سخريته : سوقي زين
رفعت حاجبها : اعرف اسوق ترا
ركب سيارته بستخفاف : ايه ماشاءالله
ناظرته بقهر : بالغلط صدمتك ترا !
شغل سيارته : ايه الحين بعد لا تصدميني بالغلط , اطلعي زين
شغلت سيارتها تخرج من الباركنق وتطلع من أسوار المستشفى , ضرب لها بوري كَـ حركه تصفيق -👏🏻- لها وصدت تناظر طريقها , واختلفت طُرقهم يرجعون لمنازلهم بعد يوم مُتعب ، ومُرهق لهم , نزلت تدخل البيت ورفعت انظارها لـ امها الي كانت بستقبالها , رفعت حاجبها : وينك من اليوم ؟
دانه : بالمستشفى
ناظرتها بحده : وش المستشفى هذا اللي لين الساعه ثنتين !
دانه : والله عندي المناوبه
ام سيف : ادخلي دانه ادخلي
دخلت تطلع على الدرج ووقفت من سمعت نبرتها : بتنثبرين بغرفتك يجيك ابوك يتفاهم معك
لفت عليها تبتسم بستخفاف : بتحبسيني ؟ تسوين خير علي بيلعن جدفي بكره
طلعت لغرفتها تسكر الباب وترد على اتصال وديم : صباحو
دانه : ايء صباح حياتي ؟
ضحكت : بنسبه لي صباح
دانه : ايه انتي ماعليك شرهه
وديم : افا
نزلت عبايتها ترميها : تدرين وديم اني من رجعت من عندك مو نايمه
توسعت نظراتها بصدمه : كذابه !
دانه : والله
وديم : خلاص تمام نامي الحين عشان بكره نطلع سوا للستراحه
دانه : ابشري
وديم : احبك
ابتسمت وضحكت وديم تشوفه ابتسامتها كونها فاتحه الكام : وقسم بالله انك اطلق من عرفت
دانه : ذكريني بكره ابوسك
وديم : تم
انتهت المكالمه من تمددت على سريرها تغرق في نوم عميق دام اكثر من 17 ساعه متواصله , شخص يعشق النوم لدرجه مهوله يغيب ايام عن العالم بسبب - نومه - و هاذي هي دانا وهاذي حياتها اللي اغلبها نوم ومشاكل وغالبا هي تفرغ حياتها لحلامها وتعيش بخيالها اكثر من واقعها تكنسل مواعيد ووعود بسبب حياه احلام .
