Kristine Series 55: MONTE FALCO - Island In The Sun

CHAPTER FOUR

"HORRIBLE is an understatement," matabang na sagot ni Alana. "Anyway, tama iyong taong-putik, amanos na kayo. Lamang ay
sa mukha at isang braso mo lang ang may putik."

Nawala ang ngiti ni Meredith at muling
sumimangot. Nilingon niya ang lalaking nasa
gitna na ng bukid. Bahagya pa nilang narinig
ang pasipol nitong paghuni ng isang awitin.

Alana, ever the diplomatic, said, "The only
consolation, if you can call it that, ay hindi human dirt ang ikinulapol sa iyo. Dumi lang ng putik dahil sa ulan."

"Anyway, it's our fault, Mer," ani Margie mula
sa likuran sa mababang tinig. "Naihulog natin
siya mula sa kalabaw niya at sa putik bumagsak. He could have been hurt. Nabundol mo pa ang kalabaw niya. Paano kung nasaktan mo ang. kalabaw? Di nagbayad pa tayo. Babayaran natin pati ang anak at magiging anak ng kalabaw?"

Alana was both frowning and smiling at
Margie. "What the hell are you talking about?"

Nagkibit ito. "Ganoon daw iyon, eh. Kapag
nakasagasa ka ng hayop, pati magiging anak
n'ong hayop ay babayaran mo." Muli itong
nagkibit. "Worst, we were laughing at him. I hated myself for that. Pero hindi ko napigil ang sarili ko sa anyo niya. Na-amuse akong talaga..."

Bahagyang tumango si Meredith. "Yeah. I
guess so. We were bad. Pero humingi naman
ako ng sorry at-"

"We laughed at him. That made him angry,"
Alana interrupted.

Meredith's anger subsided a little. Muli siyang
kumuha ng maraming tissue at inis na muling
pinahiran ang mukha at braso. Subalit kumalat
lang nang husto ang putik na unti-unti nang
nanigas at hindi niya matanggal kahit anong
kuskos niya.

"Hindi mo matatanggal ang mga iyan sa
tissue lang. Kailangan mong magbanlaw
sa tubig," komento ni Alana na tumulong sa
pagpunas. "Natuyo na kasi ang putik. And we
don't even have alcohol."

"Natuyo na at nagmukhang mud pack,
natatawang sabi naman ni Margie.
"Makakaharap ka ba kay Andrea nang ganyan?"

Nagkibit siya. "Do I have a choice?" Sinilip
niya ang mukha sa rearview mirror at sumimangot sa repleksiyong nakita niya roon. "Unless we can find a river in this... in this..." She trailed off. Nilinga niya ang buong paligid. Malawak na palayan at kagubatan ang nakikita niya, "nowhereland.”

She gritted her teeth. Pinihit niya ang susi sa
ignition. "Let's go find Tita Andrea's house."
Patuloy nilang binaybay ang malubak at
maputik na daan nang mula sa likuran ay excited na nagsalita si Margie. "Mer, look!" Itinuturo nito ang isang hilltop kung saan may nakatayong bahay.

At dahil malayo naman ay hindi nila gaanong
mapintahan maliban sa visible ang pulang
bubong at puting pintura ng malaking bahay.
"Sino naman kayang superrich ang may-ari
ng mansiyon na iyan? At bakit naman sa dinami-dami ng lugar sa lupa ay dito pa nagpatayo ng ganyan kalaking bahay at sa tuktok pa ng burol?" segunda naman ni Alana.

"Who's going to appreciate the house in this outback?"

"You appreciated it," ani Margie.

"Oh," Meredith exclaimed softly. "Napakalamig
marahil ng lugar na iyon. He erected his house
on the top of a hill. Saan kaya dumadaan ang
may-ari ng bahay na iyan?"

"A chopper perhaps," Alana supplied. "And
could be owned by another politician, you know."

Mahigit limang minuto pa silang nasa
daan at natakpan na ng maraming mga puno
ang mansiyon sa burol bago sila nakakita
ng matandang mapagtatanungan. Tulad ng lalaki kanina ay nakasakay rin ito sa kalabaw. Malayu-layo pa'y huminto na si Meredith at hinintay na mapatapat ang matandang lalaki sa kanila.