Acacia's POV
Bumaling ang mga mata nito sa akin “How did you get here? Paano ka nakalabas sa kwarto ko?” Bakas sa kaniyang Mukha ang pagtataka. Saglit akong napatitig sa kaniya. Ewan ko ha, matagal ko na siyang nasisilayan ng ganito, yung bagong gising, magulo ang buhok at parang bangang ang itsura, pero ngayon lang siya nagmukhang HOT sa paningin ko.
Bago pa man ako makaisip ng kung ano ay inirapan ko na siya saka ipinagpatuloy ang naudlot kong pagsubo ng pagkain ko. 'Wag niya kasing minamaliit ang matalinong kagaya ko tsk!
“Anong ibig mong sabihin, Anak? Did you lock her in your room?” Rinig kong tanong ni Tito Waze. Batid kong lahat sila ay gulat sa kanilang narinig mula kay Jerk. Napatingin ako kay Macarine na nasa left side ko ng kalabitin niya ako. She gave me a 'Anong ibig sabihin niya?' look. I just shrugged my shoulders saka muling nagpatuloy sa kinakain ko
“You locked Aca in your room?” si Kuya Draviz. Sinulyapan ko si Deron na nakatayo pa rin sa hamba ng pintuan. His facial expression is damn-err hirap i-explain. Hindi ba kapani-paniwalang natakasan ko siya?
“How did you get here?” muling tanong nito na hindi man lang pinansin ang Daddy at Kuya niya. J*rk talaga tsk!
“I used the door behind you” Irap kong sagot sa kaniya saka muling kumain.
“Wait...he locked you in his room?” binalingan ko ng tingin si Kuya Dwight na ngayon ay kunot na kunot na ang noo. Paulit-ulit yung tanong nila ah. Tinignan ko muna isa-isa yung magkakapatid na pare-pareho ang reaksiyong nakapaskil sa kanilang mga Mukha. Lahat ay tila hindi makapaniwala. Puro kunot ang mga noo.
Tumango ako ng dalawang beses sa kaniya bilang sagot
“Yup. Nagselos kasi siya sa Fiancé ko, Kuya, kaya niya ako kinulong. Sabi niya pa 'I won't let you out of this room until we get back in manila'” saad ko na ginaya pa ang boses ni j*rk sabay tingin sa kaniya na ngayon ay wala ng emosyon ang mukha
“Deron? Really?” si Kuya Draviz.
Ewan ko ha, pero natatawa ako sa sinabi ko. Pero totoo naman yun e, sinabi niya yon
Hindi naman umimik si Deron, sa halip ay naglakad ito patungo sa direksiyon ko. Sinundan ko siya ng tingin hanggang sa huminto siya sa harapan ko. Tumingala ako para matignan ko siya sa mukha
“Paano ka nakalabas? Answer me!” Batid sa tono nito yung inis. Tinaasan ko siya ng kilay
“I used my brain. May kasabihan nga diba, kahit gaano pa katalino ang matsing naiisahan din. You're the monkey” Saad ko saka nagpatuloy na sa pagkain ko. Meron siyang ibinulong na hindi ko masiyadong narinig.
“Umupo ka na muna Deron at kumain” Ani Tita Denice. Sumunod naman si J*rk dahil umalis na siya sa tabi ko at pumwesto sa tabi ni Dimitri na tila hindi pa rin yata nakaka-move on sa nalaman niya dahil nakakunot pa rin ang noo niya tapos nakatulala
“Kumain na muna tayo” Dagdag pa ni Tita. Nagsimula naman silang mag-sigalawan. Kapag si Tita talaga yung nagsalita, sumusunod silang lahat
Naging tahimik na ang hapag at tanging tunog lamang ng mga kubyertos ang tanging maririnig. Paminsan minsan ay napapa-sulyap ako kay Deron dahil ramdam ko yung mga mata niyang nasa akin, at syempre tama na naman ako. Iniirapan ko na lang siya
Pagkatapos naming kumain ay hinatak ko agad si Asi patungo sa labas ng glass house para magpahangin. Sumunod na rin sa amin sina Mac at Broc
“Kinulong ka talaga ni Deron, for real?” si Broc na hindi na yata maka-move on
“Ewan ko ha, but Deron's action these past few days was quite weird. I am not sure pero parang nagseselos talaga siya sa inyo ni Asi” Saad ni Macarine.
