Habang nagpi-fill up ako sa ibinigay na form sa akin ni Dra. Brent ay napapansin ko na parang nakatitig siya sa akin. Actually kanina ko pa nahahalata yung kakaibang pagtitig niya, kahit nung chini-check niya ako kanina. Nag-angat ako sandali ng tingin upang bahagya siyang sulyapan, at hindi nga ako nagkamali
“May problema ho ba, Dra.?” tanong ko sa kaniya. Mabilis naman siyang umiling saka nag-iwas ng tingin sa akin. Nagtatakang ipinagpatuloy ko na lang ang ginagawa ko
Ng matapos ako sa pag-fill-up ay ibinigay ko na rin iyon sa kaniya. Tumayo na rin ako para maka-uwi na. Tapos na rin kasi ang check up ko kanina at sabi naman niya ay healthy ang baby ko
“Siya nga pala, Miss Dela Paz” Napalingon ako sa kaniya “Yes po?”
“Wala ka bang kasama?”
“Uhm.. meron po. Nasa labas”
“How about your parents?” Bigla akong natigilan.
“Ah eh.. wala po akong parents—I mean, hindi ko po sila kasama. Yung Papa ko nasa America, tapos yung Mama ko naman...I don't know where she is” sagot ko saka tipid na ngumiti sa kaniya. Napansin ko ang biglaang paglungkot ng mga mata niya. Bakit?
“D-do they know about your pregnancy?” tanong pa nito. Alanganin akong umiling
“Hindi ko pa po nasasabi sa Papa ko” sagot ko. Medyo nagtataka ako sa itinatanong niya
“I s-see. Anyway, Take care on your way home, okay?” anito
“I will po. Salamat po ulit, Dra. Brent” Saad ko
“I'll send you off, okay lang ba?” presinta nito na inilingan ko na lang
“Hindi na po. Nandiyan lang naman po sa labas yung kasama ko. ” pag-tanggi ko “Salamat po ulit”
“O-okay. Mag-iingat ka” tipid itong ngumiti sa akin
Naglakad na ako palapit sa pintuan, at bago pa man ako tuluyang lumabas ay nilingon ko pa siya ulit. Ngumiti siya sa akin ng magtama ang mga mata naming dalawa. Ngumiti at kumaway na lang din ako saka ako tuluyang lumabas
Paglabas ko ay bahagya pa akong nagulat ng madatnan ko si Deron sa labas ng pintuan
“How was it? May mga kailangan bang ibinilin ang Doctor para sa baby? Ikaw, may kailangan ka bang vitamins or anything?” tanong nito. Bakas sa ekspresyon ng kaniyang Mukha yung care ng isang Ama. Sasagot na sana ako ng biglang tumunog ang cellphone ko. Kinuha ko iyon sa bulsa ng jogging pants na suot ko saka sinagot ang tawag. Lumayo din ako ng kaunti kay Deron
“Hello”
( “Are you done with your check up?” )
“Ah oo” sagot ko saka ko sinulyapan ng tingin si Deron na mariing nakatingin sa akin.
( “Sakto. Nandito na ako sa parking. Hintayin mo na lang ako diyan” ) sagot ni Asi sa kabilang linya
“Sige. Hintayin na lang kita dito sa waiting area”
( “okay” )
Pagbaba ko ng tawag ay bumalik ako sa pwesto ni Deron
“Salamat nga pala sa pagsama sa akin dito” puno ng sensiridad kong wika.
“Uuwi ka na ba? Hatid na kita” offer niya. Medyo naninibago pa rin ako sa ikinikilos niya. Hindi ako sanay na ganito siya makitungo sa akin. Umaatras tuloy pagiging maldita ko. Dapat ay ini-ignore ko siya.
