အချစ်တွေနဲ့ မိုးထားတဲ့ အိမ်
အခန်း (၁၆)" ယံလေး... "
ကော်ဖီဆိုင်လေးအတွင်းမှာ ကောင်မလေးတွေ အားနေသည့်တိုင် တမင်တကာပင် ယောင်္ကျားလေးနာမ်စားကို ခေတ်သစ် ရွေးခေါ်လိုက်သည်။ မုန့်ကောင်တာလေးထဲသို့ မုန့်တွေကို အစီအရီ ထားနေသည့် ထိုကောင်လေးက တစ်ချက်လှည့်ကြည့်ပြီး သူ့ဆီ လျှောက်လာသည်။
" ဟုတ် ဘာများ အမှာရှိမလဲ "
မနေ့ညက သူ မဟုတ်သည့်အတိုင်းပင်။ ကော်ဖီဆိုင်ထဲက လေသံချိုချိုလေးတွေ အပြင်ရောက်ရင် ကြက်ပျောက်ငှက်ပျောက် ဖြစ်သွားလေရဲ့။
" ဟို...Love Coffee တစ်ခွက်၊ ယံလေး ဖျော်ပေးနော်။ ဟိုကောင်မလေးတွေ ဖျော်တာ မကြိုက်ဘူး "
မျက်ခုံးလေးပင့်ကာ ကိုယ့်ကို မလိုလားဟန် အရိပ်လေးက မျက်ဝန်းလေးထဲမှာ ပြေးလွှားလှုပ်ရှားလျက်။
" နောက်ထပ်ရော ဘာမှာဦးမလဲ ခင်ဗျာ "
ဟန်ဆောင်အပြုံးတုလေးရယ် ခနဲ့တဲ့တဲ့နှင့် လေသံမပျော့မမာ လေးက ခေတ်သစ် ကို ကလိကလိ ဖြစ်အောင် ထိုးဆွပေးနေသည်။ ရင်ထဲမှာ ယားကျိကျိနဲ့ ထိုအခိုက်အတန့်လေးက စိတ်လှုပ်ရှားစရာ ကောင်းလွန်းနေသည်။
" ကော်ဖီထဲ အချစ်များများ ပိုထည့်ပေးနော် "
" ဗျာ "
" သြော် မှားလို့ရယ်။ အချိုများများ ထည့်ပေးလို့။ အရမ်းမချိုနဲ့နော်။ ဆီးချိုတက်ပြီး ရောဂါရမှာစိုးလို့။ ကျွန်တော်က အခုမှ သက်ဆိုင်သူ မရှိသေးတဲ့ Single လေးပဲ ရှိသေးတာလေ၊ ဟဲဟဲ "
ဒီယံပျိုး မနည်း စိတ်ကို ဆွဲဆန့်ထားရသည်။
*ရိသဲ့သဲ့ စကားတွေနဲ့ မျက်နှာကလည်း စပ်ဖြီးစပ်ဖြီးနဲ့...ဘယ်လိုကောင်မှန်းကို မသိဘူး*
စိတ်ထဲ မကျေနပ်စွာ ရေရွတ်လိုက်မိသည်။
" ဟို...နို့ပေါင်မုန့်တစ်ထုပ်ကို နွှေးပြီးယူခဲ့ပေးပါနော်။ ဒါပါပဲ အကိုချောလေး ခင်ဗျ "
Menu စာအုပ်လေးကိုင်ပြီး ကောင်တာလေးဆီ သူ ထွက်လာခဲ့သည်။ အမျိုးအမည်မသိတဲ့ ခံစားချက် တချို့ကြောင့် သူ၏ နှလုံးသားလေး ယိမ်းထိုးစွာ လှုပ်ခုန်လျက်ရှိသည်။
YOU ARE READING
အချစ်တွေနဲ့ မိုးထားတဲ့ အိမ် {𝓒𝓸𝓶𝓹𝓵𝓮𝓽𝓮} - အခ်စ္ေတြနဲ႔ မိုးထားတဲ့ အိမ္
RomanceRomance ဆန်ဆန် ဇာတ်အိမ်လေးနဲ့ အချိုတစ်လိုင်း ကြိုက်တတ်သူလေးတွေ အတွက် 💙🫰 အော်သာ - မိုင်းမိုင် Romance ဆန္ဆန္ ဇာတ္အိမ္ေလးနဲ႔ အခ်ိဳတစ္လိုင္း ႀကိဳက္တတ္သူေလးေတြ အတြက္ 💙🫰 ေအာ္သာ - မိုင္းမိုင္