ရွှတ် ! ရွှတ် ! "
ပန်းပင်တွေရေလောင်းနေရင်းနဲ့ ခြံစည်ရိုးပေါ်ကနေ ခေါ်သံကြားတာကြောင့် လှမ်းကြည့်လိုက်တော့ မနေ့က အိမ်ကိုလာတဲ့ ဘေးအိမ်ကကောင်လေး ။ အုတ်တံတိုင်းအပေါ်မှာ သူ့ခေါင်းလေးပဲမြင်ရ၏ ။ ကိုယ်ငေးကြည့်နေတုန်းမှာ သူ့အနားကိုလာဖို့ လက်ပြခေါ်နေတာကြောင့် ရေပိုက်လေးကိုချ ခြံစည်းရိုးအုတ်တံတိုင်းနားကပ်သွားလိုက်သည်။
" ခြေထောက်က နာနေသေးလား "
" အင်း "
" ဘာအင်းလဲ ၊ နာနေရင် နာနေသေးတယ်လို့ ပြောလေ "
" နာနေသေးတယ် "
" နာနေသေးရင် အိမ်ထဲမှာထိုင်နေရမှာလေ ၊ ဘာလို့ ရေတွေဆော့နေတာလဲ "
" ရေဆော့နေတာမှ မဟုတ်တာ "
" ဆော့နေတာမဟုတ်ရင် ရေပိုက်နဲ့ ဘာလုပ်နေတာလဲ "
" ပန်းပင်တွေ ရေလောင်းနေရတာ "
" အဲဒါက လူကြီးတွေလုပ်ရတာလေ ၊ ကလေးကလုပ်စရာမှမလိုတာ "
" ငါမလုပ်ရင် အန်တီမာရီကရိုက်မှာပေါ့ "
" မရိုက်ပါဘူး အန်တီမာရီရိုက်တာကို တစ်ခါမှမမြင်ဖူးဘူး "
" ငါတော့ ခဏခဏအရိုက်ခံရတယ် ၊ အန်တီမာရီရော ဦးဦးရော နောက်ပြီး ဒေးဗစ်နဲ့ သရဖီရော ၊ အကုန်လုံး ငါ့ကိုရိုက်တယ် "
ရှိန်ဝါကတော့ တစ်ဖက်အိမ်မှာကိုယ်သွားဆော့တိုင်း တစ်ခါမှ လူကြီးတွေရိုက်တာကိုမမြင်ဘူးတာကြောင့်
" ဟုတ်လို့လား ကြောင်ပေါက်လေးရယ် "
" ငါမညာတက်ဘူး ဒီမှာကြည့် "
အနောက်ကိုလှည့်ပြလာတာမို့ ကြည့်လိုက်မိတဲ့အခါ ဘောင်းဘီတိုလေးဝတ်ထားလို့ပေါ်နေသည့် ခြေသလုံးမှာအရှိုးရာတွေကို ထပ်နေတာတွေ့လိုက်ရတာကြောင့်
" ရပြီ ရပြီ ငါယုံပြီ ဒီဘက်ပြန်လှည့်တော့ "
ကိုယ့်စကားကြောင့် ကြောင်ပေါက်လေးက အရှေ့ကိုပြန်လှည့်လာသည် ။
" ဟိုနေ့က ငါ့ကို မင်းနာမည်မပြောရသေးဘူးလေကြောင်ပေါက်လေး ၊ အဲဒါပြောပြဦး "
YOU ARE READING
သု တျာ ( သုတ်ာ ) Uni+Zaw ( Completed)
Fanfiction" မမေ့ပါနဲ့နော်အချစ် မောင်က မင်းမရှိရင် ရပ်တည်ဖို့မလွယ်တာကိုလေ ကျေးဇူးပြုပြီး အဲဒါလေးတစ်ချက်ကို မမေ့လိုက်ပါနဲ့နော် " " မေမ့ပါနဲ႔ေနာ္အခ်စ္ ေမာင္က မင္းမ႐ွိရင္ ရပ္တည္ဖို႔မလြယ္တာကိုေလ ေက်းဇူးျပဳၿပီး အဲဒါေလးတစ္ခ်က္ကို မေမ့လိုက္ပါနဲ႔ေနာ္ "
