" သားသားက သုတျာမှမပါရင် ကျောင်းကိုပို့်လို့ရမှာမဟုတ်ဘူး မာရီရယ် ၊ အဲဒါကြောင့် ကူညီပါဦးနော် "
ဒေါ်မြတ်မဟေသီ၏ ပေါင်ပေါ်မှာထိုင်နေသည့် ရှိန်ဝါ့မျက်နှာကလဲ ငိုမဲ့မဲ့ ။ သုတျာနဲ့ ဘယ်လိုမှခွဲထားလိုမရသည့်သားက အခုလဲ ကျောင်းတက်ရမှာကို သုတျာနဲ့အတူတူမတက်ရလို့
အိမ်မှာပြဿနာရှာနေတာကြောင့် ဒေါ်မြတ်မဟေသီက
သုတျာကို သူ့သားနဲ့အတူတူကျောင်းထားဖို့် လာပြောနေရပြန်သည်။
" မာရီတို့လဲ အတူတူထားချင်ပေမယ့် ကလေးသုံးယေမတတ်နိုင်လို့ပါာက်ကျောင်းစရိတ်ကျတော့ မမမြတ်ရယ် "
ငွေကြေးတတ်နိုင်လဲ ထားဖို့အစီအစဉ်ကိုမရှိပေမဲ့ စကားလှအောင်ပြောရသည်။
" ကျောင်းစရိတ်အတွက်က မပူပါနဲ့မာရီရယ် ၊ သုတျာလေး ပညာရေးဆုံးခန်းတိုင်တဲ့အထိ မမမြတ်တို့က တာဝန်ယူပါ့မယ် "
မာရီသဘောမကျတာလဲ ဒီအချက်ပါပဲ ။သုတျာဆိုတဲ့ကောင်က ကိုယ့်သားသမီးတွေနဲ့ တန်းတူပညာသင်ခွင့်ရမှာကို
နည်းနည်းမှမေတ္တာမထားနိုင် ။ ဒီနှစ်မှကျောင်းစတက်ရမည့် သုတျာက ရာရာစစ နာမည်ကြီး Private School မှာ ကျောင်းလိုက်တက်စရာလား ။ လေးငါးခြောက်တန်းလောက်
ကျောင်းထားပေးပြီး ကျောင်းအပြီးထုတ်မယ် ။ ပြီးရင် အိမ်က အလုပ်သမားတွေနဲ့ တစ်တန်းထဲထားဖို့ တွေးထားပြီးသား ။ ဒါက မောင်မင်းကြီးသား သျှန်းဆက်ရှိန်ဝါက သုတျာနဲ့မှ
ကျောင်းအတူတူမှမတက်ရရင် ကျောင်းမသွားပါဘူးဆိုပြီး သူ့အိမ်မှာသောင်းကျန်းနေပါတယ်တဲ့ ။
" မာရီ ရေ မမပြောတာ သဘောတူလားဟင် "
" ဟုတ်ကဲ့ သဘောတူပါတယ် မမမြတ်ရယ် ၊ မမတို့ကိုလဲ အားနာတာရယ် "
စိတ်ထဲမှာ ဘယ်လိုပဲ မကျေမနပ်ဖြစ်ဖြစ် စကားချိုချိုနဲ့ အပြုံးချိုချိုက ဒေါ်မာရီရဲ့ မူပိုင်အိုက်တင် ။ မချိုလို့လဲမရဘူးလေ ။ သုတျာအိမ်ကိုရောက်လာတဲ့နှစ်လအတွင်း သူတို့ဘက်ကနေပေးလာတဲ့လက်ဆောင်တွေအပြင် ကိုယ်တွေရဲ့ ယိုင်နဲ့နဲ့ကုမ္မဏီမှာ ရှယ်ယာလေးဆယ်ရာခိုင်နှုန်း ပါဝင်ပေးလာလေသည် ။
အဲဒီကနေရလာသည့်အကျိုးအမြတ်က သူတို့သားအတွက်
ဈေးဖိုး တစ်ခါသုံးလောက်ရှိပေမည့် ကိုယ်တွေအတွက်က ယဒုက္ခတောထဲကနေ ရုန်းထွက်လို့ရလောက်တဲ့ ပမာဏမျိုး ။
ကြာကြာဝါးမယ့်သွားက အရိုးတော့ကြည့်ပြီးရှောင်ရမယ်မဟုတ်လား ။
YOU ARE READING
သု တျာ ( သုတ်ာ ) Uni+Zaw ( Completed)
Fanfiction" မမေ့ပါနဲ့နော်အချစ် မောင်က မင်းမရှိရင် ရပ်တည်ဖို့မလွယ်တာကိုလေ ကျေးဇူးပြုပြီး အဲဒါလေးတစ်ချက်ကို မမေ့လိုက်ပါနဲ့နော် " " မေမ့ပါနဲ႔ေနာ္အခ်စ္ ေမာင္က မင္းမ႐ွိရင္ ရပ္တည္ဖို႔မလြယ္တာကိုေလ ေက်းဇူးျပဳၿပီး အဲဒါေလးတစ္ခ်က္ကို မေမ့လိုက္ပါနဲ႔ေနာ္ "
