(Unicode)
မနက်စာစားပြီးသွားကြတော့ အကုန်လုံးနေအပူဒဏ်သက်သာစေရန် အင်္ကျီရှည်ဘောင်းဘီရှည်နှင့် ဦးထုပ်အဝိုင်းတွေဆောင်းပြီး ရွာထဲဆင်းလိုက်ကြသည်။
ကောင်လေးက Chanyeol တို့ကို ရွာထဲက သူနှင့်ရွယ်တူသူငယ်ချင်း အမွှာကောင်လေးနှစ်ယောက်နှင့်မိတ်ဆက်ပေးပြီး လမ်းပြလုပ်ပေးစေပါသည်။ကိစ္စမြန်မြန်ပြီးပြီး ခရီးပိုတွင်အောင် အုပ်စုသုံးစုခွဲပြီးသွားကြမှာဖြစ်သည်။
Chanyeol ရယ် ကောင်လေးရယ်က အရှေ့ပိုင်းရွာ၊ Hanwool ရယ် Yunho ရယ် ကောင်လေးတစ်ယောက်ရယ်က အနောက်ပိုင်းရွာ၊ မိန်းကလေးနှစ်ယောက်ရယ် ကောင်လေးတစ်ယောက်ရယ်က မြောက်ပိုင်းရွာ၊ စသဖြင့် ရွာသုံးရွာကိုလူခွဲသွားကြမှာဖြစ်သည်။ကျန်နေသေးတဲ့တောင်ပိုင်းရွာကတော့ ကောင်လေးတို့ရွာဖြစ်တာမို့ နောက်ဆုံးမှသွားလည်းအဆင်ပြေပါသည်။
"ရွာတွေက အိမ်ခြေနည်းလို့ မြန်မြန်တော့ပြီးမှာပါ၊ သေချာလေးရှင်းပြပြီး မိတ်ဆက်ခဲ့ကြနော်၊ ယူနာ နဲ့ ယွန်းချယ် ကနှစ်ယောက်တွဲသွားလို့ တကယ်ပဲအဆင်ပြေရဲ့လား"
"ကျားကျားယားယားမိန်းမသားတွေပါ ဒေါက်တာရဲ့"
"ကျွန်မက ခါးပတ်နက်လေ ဟဲဟဲ"
မိန်းမသားနှစ်ယောက်ရဲ့ စိတ်ချလောက်စရာစကားတွေကြောင့် ယောက်ျားသားတွေခေါင်းတညိမ့်ညိမ့်လုပ်လိုက်ကြသည်။
"ကျွန်တော်တို့ရွာကလူတွေက စိတ်ချရပါတယ် ဦးရဲ့"
ကောင်လေးကမျက်လုံးလေးဝင့်ကြည့်ပြီး ပြောလာတာမို့ Chanyeol ပြုံးလိုက်ရင်း
"ကိုယ်ကနေရာစိမ်းမှာ မိန်းကလေးနှစ်ယောက်တည်းဖြစ်နေလို့ စိတ်ချရအောင်ပါဗျာ"
ထိုအခါမှ ကောင်လေးက Chanyeol ကိုပြုံးပြပြီး အကြည့်လွှဲသွားသည်။
"ကဲကဲ သွားကြတာပေါ့ နေအရမ်းမမြင့်ခင်လေး"
Hanwool ကအရင်နှိုးဆော်လိုက်ပြီး သွားဖို့ပြင်သည်။
"ထယ်ဝူးနဲ့လီဝူး မင်းတို့တွေ ဒေါက်တာတို့ကိုသေချာလေးခေါ်သွားပေးနော်"
YOU ARE READING
Perfect Love [onging]
Fanfiction"ဘာလို့ချစ်တာလဲဟင်" "မချစ်ရမနေနိုင်လို့ ချစ်တာ" "ဘာလို႔ခ်စ္တာလဲဟင္" "မခ်စ္ရမေနနိုင္လို႔ ခ်စ္တာ"
![Perfect Love [onging]](https://img.wattpad.com/cover/353765176-64-k737199.jpg)