Perfect Love [onging]

Perfect Love-32

(Unicode)

Chanbaek လေးရဲ့ရက်(၁၀၀)ပြည့်ပြီးကတည်းက Baekhyun စာပြန်သင်နေသည်မှာ တစ်ပတ်ခန့်လောက်ရှိနေပြီဖြစ်သည်။

အောက်ထပ်ကဧည့်ခန်းဟာ မနက်၉နာရီကနေ နေ့လယ်နှစ်နာရီအထိက Baekhyun ရဲ့စာသင်ခန်းပင်။

"အခု xရဲ့တန်ဖိုးကို ဆရာတို့ရှာကြမယ်၊ ပုံသေနည်းအရင်ရေးလိုက်"

"ဟုတ်ကဲ့"

မှတ်မိနေတဲ့ပုံသေနည်းကို စာမျက်နှာပေါ်မှာ Baekhyun သွက်သွက်လေးချရေးလိုက်သည်။

"yတန်ဖိုးကို ဆရာတို့သိတယ်၊ ပုံသေနည်းကိုသုံးပြီးတော့..."

"အဲ..ခစ်ခစ်"

"ဟင်.."

စာသင်နေရင်း ကလေးရဲ့အသံတစ်စွန်းတစ်စကြားလိုက်တာနဲ့ Baekhyun ရဲ့ခေါင်းဟာထောင်ခနဲ။မျက်လုံးအကြည့်တွေကလည်း ကလေးရှိနိုင်မယ့်နေရာကို မျှော်ကြည့်နေသည်။

ဒီအခြေအနေက စာသင်ပေးတဲ့ဘာသာရပ်ဆရာတိုင်းကြုံနေကြဖို့ အထွေအထူးမလုပ်ဘဲ ဆရာကစာသင်တာကို ခဏရပ်ပေးထားပါသည်။Baekhyun ဟာသူ့သားလေးနှင့်ပတ်သတ်ရင် အတော်လေးစိတ်ခံစားချက်ပြင်းတာမို့ အကုန်လုံးကနားလည်ပေးထားသည်။စာသင်ရတဲ့အချိန် ငါးနာရီအတွင်းမှာ ဒေါ်လေးမီက Chanbaek လေးကိုချီပြီး မကြာခဏဆိုသလိုလည်း Baekhyun ထံလာပြရပါသေးသည်။

Baekhyun ရဲ့စိတ်တွေစာထဲပြန်ရောက်ပြီဆိုမှပဲ ဆရာလည်း စာဆက်သင်ဖို့ပြင်ရသည်။

မနက်ပိုင်း စာသင်ချိန်လေးချိန်ပြီးသွားတော့ တစ်နာရီခန့်ထမင်းစားနားပါသည်။

ထမင်းစားခန်းထဲ Baekhyun ဝင်သွားတော့ ဖွားဖွားနှင့်ဒေါ်လေးမီတို့က ထမင်းဝိုင်းပြင်ထားပြီး အဆင်သင့်စောင့်နေကြသည်။

တစ်နေ့တာလုံးအတွက် အိမ်မှာ Baekhyun တို့သားအဖရယ် ဖွားဖွားရယ် ဒေါ်လေးမီရယ်သာရှိပြီး ကျန်တဲ့လူတွေက အလုပ်ကိုယ်စီသွားကြပါသည်။Park family ကဆေးရုံအလုပ်ကိုယ်စီသွားကြပြီး Baekhyun ရဲ့အဒေါ်ဖြစ်သူကတော့ စားသောက်ဆိုင်တစ်ခုမှာ လက်ထောက်စားဖိုမှူးအဖြစ်အလုပ်ဝင်နေပါသည်။

ဖွားဖွားတို့ကိုပြုံးပြရင်း Baekhyun ခုံမှာဝင်ထိုင်လိုက်သည်။