(Unicode)
"ဒေါက်တာ Park ကအိမ်ထောင်သည်လေ"
"အဲ့သတင်းကြားတော့ကြားလိုက်ပေမယ့် ဟုတ်သလိုလို မဟုတ်သလိုလိုဖြစ်နေတာ"
"မင်္ဂလာပွဲကို private ပဲလုပ်သွားတာ၊ အိမ်ထောင်ဖက်ကယောက်ျားလေးလို့လည်းကြားတယ်နော်၊ သတင်းထဲမှာသေချာတော့ ဖော်မပြထားဘူး"
"သတင်းတော့မတွေ့လိုက်မိဘူး၊ ဒီတိုင်း ကြားပဲကြားမိတာ"
"သတင်းဌာနတစ်ခုကိုပဲဖိတ်တာတဲ့၊ သတင်းတောင်မှ private ဆန်ဆန်ရေးခိုင်းတာ"
"အဲ့ဒါဆိုရင်တော့ ယောက်ျားလေးဖြစ်ဖို့များတယ်နော်၊ အဲ့ဒါကြောင့် လျှို့ဝှက်နေတာပေါ့"
"အဲ့လိုတော့ မဟုတ်လောက်ပါဘူး၊ Park family တစ်ခုလုံးကတောင် လက်ခံတဲ့မင်္ဂလာပွဲပဲဟာ၊ ဒီတိုင်း လူအများကြီးနဲ့မဆောင်ချင်လို့နေမှာပေါ့"
"အော....အဲ့ဒါလည်းဟုတ်တာပဲ"
"ငါ့မင်္ဂလာဆောင်ကျရင်လည်း ငါရယ်ငါ့ယောက်ျားရယ် နှစ်ဖက်မိဘရယ်ပဲ၊ အဲ့ဒါဆို အကျွေးအမွေးအတွက်အကုန်အကျမရှိတော့ဘူးပေါ့ ဟီးဟီး"
"အောင်မယ် ငါ့ကိုမဖိတ်လို့ကတော့ မင်္ဂလာပွဲမှာကန့်ကွက်ပါတယ်လာလုပ်မှာ ဟွန့်!"
"ဟင်းဟင်း! အကျင့်လေးက!"
တမင်နားထောင်နေတာမဟုတ်ပေမယ့် ရှင်းရှင်းလင်းလင်းကြားနေရတဲ့ nurse အစ်မနှစ်ယောက်ရဲ့စကားတွေကြောင့် ဒေါက်တာ Park မှာအိမ်ထောင်ရှိမှန်း ရှီဝမ် သိလိုက်ရသည်။အရွယ်တစ်ခုရောက်နေပြီဖြစ်တဲ့လူတစ်ယောက်အဖို့ အိမ်ထောင်ရှိတာကမဆန်းပါလေ။ဒေါက်တာ Park လိုလူကိုပိုင်ဆိုင်ခွင့်ရတဲ့လူကတော့ ကံကောင်းတာပါပဲ။
"ဒါနဲ့ ငါတို့ ရှီဝမ်လေးမှာရော ရည်းစားရှိလား"
"အဲ..ဗျာ..."
"ဒီအသက်အရွယ်ပဲရောက်နေပြီ ရှိမှာပေါ့ဟဲ့၊ နောက်ပြီး ရုပ်လေးကလည်းချောချောနဲ့"
အစ်မနှစ်ယောက်ရဲ့စကားဝိုင်းက သူ့ဘက်လှည့်လာတာမို့ ရှီဝမ် အီလည်လည်လေးပြုံးလိုက်မိသည်။အခုနေ ရည်းစားရှိလားလို့မေးလာခဲ့ရင်တော့ သေချာပေါက်မရှိဘူးလို့ပဲဖြေရမှာပေါ့။ဝူဂျင်း ရဲ့ရှေ့ဆက်ပြီးလုပ်ရပ်တွေက ရှီဝမ့် ရဲ့ relationship အခြေအနေအပေါ် တိုက်ရိုက်သက်ရောက်ပါသည်။
YOU ARE READING
Perfect Love [onging]
Fanfiction"ဘာလို့ချစ်တာလဲဟင်" "မချစ်ရမနေနိုင်လို့ ချစ်တာ" "ဘာလို႔ခ်စ္တာလဲဟင္" "မခ်စ္ရမေနနိုင္လို႔ ခ်စ္တာ"