Perfect Love [onging]

Perfect Love-12

(Unicode)

"ဘယ်လိုပဲ စဉ်းစားကြည့် စဉ်းစားကြည့် အဲ့ဒီလူဆိုတာ သေချာတယ် Chanyeol"

"အင်း..."

"အရက်ရော အစားအသောက်ရောက အကုန်လုံးသောက်စားကြတာဆိုတော့ လုံးဝမဖြစ်နိုင်ဘူး၊ အဲ့ဒီ အအေးကျတော့ မင်းတို့နှစ်ယောက်ပဲ သောက်မိကြတာမလား"

"အင်း ဟုတ်တယ်၊ အမှန်တော့ သူက ငါ့တစ်ယောက်တည်းကိုပဲကြံစည်တာကွ၊ အအေးကို ငါတစ်ယောက်တည်းသောက်ဖို့ အခါခါပြောသွားတာ၊ ကောင်လေးကို တိုက်လိုက်မိတာငါ့အမှားပါ၊ နောက်အကြီးဆုံးအမှားကတော့ ငါ့အခန်းမှာ ကောင်လေးကိုအိပ်ခိုင်းလိုက်မိတာပဲ"

Hanwool ကခေါင်းတညိမ့်ညိမ့်လုပ်ပြီး Chanyeol ရဲ့ပုခုံးကို အသာဆုပ်ကိုင်လိုက်သည်။

"ဖြစ်ပြီးသွားပြီပဲဟာ မတတ်နိုင်တော့ဘူးပေါ့၊ မင်းကိုယ်မင်းအပြစ်တွေအရမ်းမတင်ပါနဲ့၊ ဒီလိုတွေဖြစ်လာမယ်မှန်း မင်းလည်းကြိုသိခဲ့တာမဟုတ်ဘူးလေ၊ အနာဂတ်မှာ အရေးကြီးဆုံးကတော့ မင်းရဲ့ကောင်လေးအပေါ် အများကြီးကောင်းပေးဖို့ပဲ Chanyeol"

"ဖြစ်ခဲ့သမျှကိစ္စတွေက ငါ့အမှားဟုတ်သည်ဖြစ်စေ မဟုတ်သည်ဖြစ်စေ ကောင်လေးအပေါ်မြတ်မြတ်နိုးနိုးနဲ့ထာဝရချစ်ပေးပြီး အများကြီးပေးဆပ်သွားဖို့ ငါဆုံးဖြတ်ပြီးသားပါ"

"အင်းပါ၊ မင်းပုံစံအတိုင်းတည်တည်ငြိမ်ငြိမ်ကြီးလည်းလုပ်မနေနဲ့ဦး၊ မင်းချစ်ထားတာကအသက်ငယ်ငယ်လေးနော်၊ ကလေးဆိုတာက နှုတ်အပြောရော ကိုယ်ဖိရင်ဖိရော ချစ်ပေးမှ အချစ်ဆိုတာကိုခံစားနားလည်ကြတာကွ၊ Baekhyunလေးကိုချစ်ကြောင်းခဏခဏပြောပြပြီး ဂရုတစိုက်နဲ့ချစ်ပေး၊ ကြားလား Chanyeol"

Hanwool ကို Chanyeol မျက်မှောင်ကျုံ့ကြည့်လိုက်သည်။ဆုံးမနေလိုက်ပုံများ၊ အဖေနှင့်သားလားတောင်အထင်မှားသွားစေပါသည်။

"အင်းပေါ့လေ၊ မင်းကငါ့ထက်အရင် ငယ်ငယ်ရွယ်ရွယ်လေးရထားတော့ စီနီယာလိုဖြစ်နေပြီပေါ့"

"ဟမ် ဘယ်သူကလဲ၊ ငါကလား"

မသိချင်ယောင်ဆောင်နေသူကို Chanyeol မှင်သေသေဖြင့်သာကြည့်ပေးလိုက်သည်။