Unicode
သူ့လက်ထဲ မုန့်ဗူးလေးထိုးပေးလာကာ ဟိုကြည့်ဒီကြည့်လုပ်နေသည့် ဝီရဦးခေါင်ကို နေနေ့မှာ သဘောကျမဆုံးတော့ ။
နေဥတ္တရာ အစားအသောက်နည်းတာနဲ့ပဲ ကျုပ်ကနေ ကျွန်တော်ဆိုတဲ့နာမ်စားကိုတောင်ပြောင်းသုံးပေးတယ်ပေါ့ ။
ရှေ့လျှောက်ရော လူလိမ္မာလေး လုပ်တော့မှာပေါ့ ဝီရဦးခေါင် တစ်ယောက် ။
" နေနေ မျက်နှာရှေ့ကိုတိုးပေး အိုးမဲတွေနဲ့ ကျုပ် ဆောရီး ကျွန်တော် သုတ်ပေးမယ် "
နေနေ ပြုံးပြုံးလေးပင်ခေါင်းငြိမ့်ပြကာမျက်နှာလေးကိုရှေ့တိုးပေး၍ခေါင်းမော့ပေးလိုက်သည် ။
" အဲ့လောက် အဲ့လောက် မကပ်နဲ့ လေ ကွာ နေဥတ္တရာ "
" မင်းပဲ တိုးခိုင်းတာလေကွာ ဘာလို့မျက်နှာကြီး ရဲနေတာလဲ ဖိုးခေါင် နေလို့ မကောင်းဘူးလား မီးခိုးတွေကြောင့် မွှန်နေပြီလား "
ဝီရဦးခေါင် နဖူးပေါ် နေနေလက်တင်ကြည့်တော့အေးစက်နေပြီး အဖျားတော့ မရှိပါဘူး ။
" ကောင်းတယ် ခင်ဗျား ကျွန်တော့်ရှေ့ကို တအားရောက်လွန်းနေတာကိုး "
" အင်းပါ တော်ပြီ မသုတ်ပေးနဲ့တော့ သွားတော့ အန်ကယ် နေမကောင်းဘူး နည်းနည်း သွားကြည့်လိုက်ဦးပြီးတော့ အကန်တွေမပြောနဲ့ဦးနော် ငါဆန်ပြုတ်ထည့်ပြီး လိုက်လာခဲ့မယ် "
ဆက်ပြီး ဒီမှာနေခိုင်းလည်း မဖြစ်၍ နေနေ ဖိုးခေါင်ကိုနောက်ကျောကနေတွန်း၍ ခြံအရှေ့ဘက်ကိုပြန်သွားခိုင်းလိုက်ရသည် ။
" အင်း အပူလောင်ဦးမယ် သတိထား "
" ဟုတ်ပါပြီ သွားသွား "
အရှေ့ရောက်သွားပြီဆိုကာမှ နေနေ ဒီဘက်ပြန့်လျှောက်လာတဲ့ ခဏ ။ အဲ့ဒီခဏ နေဥတ္တရာမှာ ခေါင်းတွေချာချာလည်ပြီး မူးဝေသွားကာ ဘာမှလည်းမမြင်ရတော့ဘဲ ပစ်လဲကျသွားတော့သည် ။
မီးဖိုပေါ်တော့ မျက်နှာမအပ်မိပါစေနဲ့ ။ တော်ကြာ ရုပ်ဆိုးသွားဦးမယ် ။ သူ ဒီလောက်ချောတာတောင်ဝီရဦးခေါင်ကအမြင်ကြည်ချင်တာမဟုတ် ။ရုပ်များဆိုးသွားလို့ကတော့ အိမ်ကနေပါကန်ထုတ်ခံရမဲ့ ဒီဇိုင်း ရှိတယ် ။
