Unicode
တစ်သက်လုံး မကြားရတော့ဘူး လို့ မှတ်ယူထားတဲ့ စကားတစ်ခွန်း ကို အခုလိုအခိုက်တန့်မှာ ကြားလိုက်ရတာမို့ နေဥတ္တရာ စိတ်နဲ့ကိုယ်နဲ့ မကပ်တော့ပါ ။
သူ့ကို ဝီရဦးခေါင် ဆိုတဲ့ မကောင်းတဲ့ကောင်က ချစ်တယ်တဲ့ ။ မောင် လို့တောင် အဲ့ဒီမကောင်းတဲ့ကောင်ကလေးက နာမ်စားသုံးလိုက်သေးတယ် ။
နေနေ့မှာ ရင်ခုန်ရမလား ရင်တုန်ရမလားလည်းမသိတော့ပါ။ပြီးတော့ သူသိတာ ဝီရဦးခေါင်က သူ့ကို အမြဲတမ်း မုန်းနေခဲ့တာ မဟုတ်ဘူးလား ။
အခုမှ ဘာလို့ ရုတ်တရက်ကြီး ချစ်တယ်လို့ ထပြောရတာတုန်း ။အန်တီရို့ ရဲ့ စနက်ကြောင့် ဝီရဦးခေါင် အခုလိုတွေလုပ်ပြီးသူ့ကို လာအီနေတာများလား ။
" တစ်ယောက်ထဲ ခေါင်းယမ်းလိုက် ခေါင်းခါလိုက်နဲ့ အရူးလေးကျနေရော "
ဘာပြန်ပြောရမှန်းမသိ၍ မျက်စောင်းတစ်ချက်သာထိုးပေးလိုက်သည် ။
" အတည်ပြောတာပါ မောင် မညာပါဘူး နေနေ "
နေနေ့ပါးစပ်ကလည်း ကော်နဲ့ ကပ်ထားသလိုဖြစ်နေကာ ဘာတစ်ခွန်းမှပင်ထွက်မလာခဲ့ ။
" မောင် မင်းကို ချစ်တယ် ပြောနေတာကို ဒီလိုကြီးပဲ မောင့်ကို ကြည့်မနေပါနဲ့ "
" မဟုတ်ဘူး ငါ ခဏ ။ ခဏလောက် နေပါဦး "
" ဟင့်အင်း မောင် မင်းနဲ့ အတူတူရှိချင်တယ် "
" ရူးနေတာလား ဝီရဦးခေါင် "
" ဘယ်အရူးက သူ့ကိုယ်သူ မောင်လို့ ပြောလို့လဲ "
" မင်းလို အရူးကတော့ ပြောချင်ပြောမှာပေါ့ "
" ခင်ဗျား ကလေ အကောင်းကို ပြောလို့ မရဘူး မောင် စိတ်မကောင်းဖြစ်သွားပြီ "
" သိရင် ပြီးတာပဲ "
" ဂျစ်တစ်တစ်နဲ့ ဖက်နမ်းလိုက်ရရင်တော့ မောင်လွန်တယ် ဖြစ်တော့မယ် "
" လူရမ်းကား "
" နေနေတစ်ယောက်ထဲကိုပဲ မောင်ကရမ်းကားတာ "
" အရူး "
တွေ့လား အရူးလို့ပြောလိုက်တော့လည်း သူ့ဟာသူ ဘာတွေသဘောကျပြီး ရယ်နေမှန်း မသိ။ ဝီရဦးခေါင် တစ်ယောက်ကတော့ တစ်ကယ်ကို ရူးနေပါပြီ ။
