💌 Part - 15 💌
---------------
တစ်ညလုံးဘာလုပ်နေခဲ့သလဲမသိဘဲ အခုမှအိပ်နေသော ဝူတန်ဂိုဏ်းချုပ်ကြီးကိုကြည့်ရင်း စိတ်ပျက်လက်ပျက်ဖြင့် ခေါင်းကုတ်ပစ်မိသည်။
စောင်ပါးလေးခြုံပေးထားပေမယ့် ထိုစောင်ကိုရင်ဘတ်ပေါ်မှာသာတင်ထားပြီး ခြေထောက်တစ်ဖက်က ဆိုဖာကျောမှီပေါ်လှမ်းတင်ထား၍ ကားယားကြီးဖြစ်နေ၏။
သုံးယောက်ထိုင်ဆိုဖာဖြစ်လင့်ကစား သူ့အရပ်နှင့်မလွတ်သောကြောင့် ကျန်ခြေထောက်တစ်ဖက် ထွက်နေတာကလည်း ထိုးထိုးထောင်ထောင်...
"ခစား နင်အိပ်ချင်ရင် အခန်းထဲသွားအိပ်"
ဟု နှိုးပေမယ့် လှုပ်တောင်မလှုပ်တာမို့ သူမကပဲလက်လျှော့လိုက်ရ၏။
ထို့ကြောင့် သူ့ကိုပစ်ထားခဲ့ကာ မီးဖိုခန်းဝင်လာခဲ့ပြီး ထမင်းပေါင်းအိုးအရင်တည်ပြီး ရေခဲသေတ္တာဖွင့်ကြည့်တော့ ကြက်သားပြားတွေရှိသည်။
ဈေးလည်းမသွားချင်တော့၍ ကြက်သားပြားကိုပဲချက်ပြီး နောက်ထပ်ငရုတ်သီးထောင်းနှင့် ချဥ်ရေဟင်းချက်တော့မည်ဟု စိတ်ကူးလိုက်သည်။
အားလုံးကျက်ခါနီးမှ ခြေသံကြားလိုက်၍ လှည့်ကြည့်မိတော့ ခစားက ခေါင်းစုတ်ဖွားဖြင့် ရေခဲသေတ္တာကိုဖွင့်ပြီး ရေဘူးတစ်ဘူးယူနေ၏။
ခစားသည် လူရှုပ်လူပွေဆိုပေမယ့် အိပ်ယာကနိုးလာသည့် အခုပုံစံကတောင်ကြည့်ကောင်းပြီး ဘယ်ရှူထောင့်ကနေကြည့်ကြည့် သန့်ပြန့်လင်းလက်နေသည့် အဆင်လေးဖြစ်သည်။
မျက်ခုံးထူထူတွေက အမြဲလိုလိုတွန့်ကုပ်နေတတ်၍ ဂျစ်ကန်ကန်ပုံစံထွက်နေကာ နှာတံပေါ်သူမို့ ပိုပြီးကြည့်ကောင်းသည်။
အသားအရောင်ကလည်း အဖြူလည်းမဟုတ်၊ အဝါလည်းမဟုတ်သလို သေချာကြည့်လေ ပိုပြီးချောလာမိလေဆိုလျှင် မိုးမြေလွန်မလားမသိ။
"ဟင်းချက်နေတာလား"
"အင်း"
"ငါ့ဖို့ပါလား ပါလိုက်ပါ ဗိုက်ဆာတယ်"
သူပဲမေး၊ သူပဲဆုံးဖြတ်သွားပြီး ထမင်းစားစားပွဲမှာ ထိုင်ခုံတစ်လုံးဆွဲပြီးထိုင်ကာ မိုးမြေကိုမော့ကြည့်လာ၍ သားသားကိုပြေးသတိရမိသေးသည်။
ဒင်းဟာလည်း သားသားလို ထိုင်ရာမထဘဲ မိုးမြေကိုသာ ဂျီကျတတ်သည့်သတ္တဝါဆိုးလေးသာဖြစ်၏။
ထို့ကြောင့် ထမင်းနှင့်ဟင်းတွေကို ပန်းကန်တွေနှင့်သေချာခူးခပ်ပေးလိုက်တော့ သူက မစားသေးဘဲ ထမင်းဝိုင်းကိုသာ ငူငူကြီးကြည့်နေပြန်သည်။
YOU ARE READING
မိုးမြေခစား
Romance"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
