💌 Part - 54 💌
---------------
ပြန်နိုးလာကတည်းက စိတ်ရှိလက်ရှိသောင်းကျန်းနေသော မိုးမြေကြောင့် တစ်ခန်းလုံးရှိပစ္စည်းတွေလည်း ကြေမွပျက်စီးနေပြီဖြစ်သည်။
မိုးမြေ ဒီလောက်အထိ ဒေါသကြီးလိမ့်မည်ဟု သူ တစ်ခါမှမတွေးထင်ခဲ့သလို သူမ ကိုယ့်ကိုတကယ်ပဲမချစ်တော့ဘူးလားဆိုသော အတွေးက ခေါင်းထဲပြန်ရောက်လာခဲ့သည်။
"စောက်ရူး ငါ့ကိုအခုပြန်ပို့ပေး"
တစ်ခါမှမကြားခဲ့ဖူးသော အသုံးအနှုန်းတွေဖြင့် ပြန်ပို့ပေးဖို့ကိုသာ ဆက်တိုက်ပြောနေခဲ့၍ သူ့အတွေးဟာ ပိုပြီးမှန်ကန်သွားသလိုထင်မိသည်။
သို့သော် မင်းခစားဆိုတာကလည်း လွယ်လွယ်နှင့် အရှုံးပေးတတ်သူမဟုတ်ခဲ့ဘဲ...
"ငါနဲ့ညားပြီးသားမိန်းမကို ငါ့အစ်ကိုနဲ့သဘောတူရမှာလား မင်း နွားဖမ်းနေတာလား"
"ဟွန့်! နင့်အစ်ကို,ကို ငါကဘာမှမပြောဘဲ တွဲခဲ့တယ်လို့ထင်နေတာလား ခစား"
"ပြောတော့ပြောမှာပေါ့ ငါပါလို့ မင်းနာမည်တပ်ခဲ့လား ဟမ်?.. မင်းနဲ့ဖြစ်ခဲ့တဲ့ကောင်က မင်းခစားပါလို့ မင်းပြောခဲ့လား"
တကယ်ပြောခဲ့ပုံမရသော နှုတ်ခမ်းတွေက တင်းမာစွာစေ့ပိတ်သွားပြီး မိုးမြေရဲ့အကြည့်တွေက ပိုပြီးစူးရဲအေးစက်သွားသည်။
မိုးမြေဟာ ဘာလို့များ သူ့အကြောင်းကိုထိန်ချန်ပြီး ကိုကိုနဲ့လက်ထပ်ဖို့ကြိုးစားခဲ့တာလဲ...
ဒက်ဒီ့ကိုရော၊ မာမီ့ကိုပါ ပါးနပ်စွာအယုံသွင်းချုပ်ကိုင်ခဲ့မှန်း သူသိပြီးခဲ့ပြီဖြစ်ကာ အဲ့ဒါကရော ဘာအတွက်ကြောင့်လဲ...
"ပြောလိုက်ရင်ပွဲပြီးသွားမှာပေါ့ တစ်ချိန်ကနင့်မိသားစု မလိုလားခဲ့တဲ့ခြူဆီမ,က မင်းရာဇရဲ့မိန်းမဖြစ်လာတော့မှာလေ"
"ဘာ!"
"နင်စဥ်းစားကြည့်စမ်း မလိုလားလွန်းလို့ သိန်း၁၀၀ပေးပြီး နှင်ထုတ်ခဲ့တဲ့မိန်းမက နင်တို့မိသားစုကို လိုသလိုခြယ်လှယ်မယ့်မိန်းမဖြစ်လာမယ်လို့ တွေးခဲ့မိလား အဟွန်း!.. ငါလည်းမတွေးခဲ့မိဘူး
ဒါပေမယ့်ဖြစ်လာခဲ့တာပဲ"
"မိုးမြေ"
"ငါ့ကိုပြန်ပို့ပေး.. ငါလိုချင်တာက မင်းရာဇကို.. နင့်ကိုမဟုတ်ဘူး"
ΔΙΑΒΑΖΕΙΣ
မိုးမြေခစား
Ρομαντική"ငါတို့အားလုံးက ကိုယ့်အမှန်တရားနဲ့ကိုယ်၊ ကိုယ်မှန်တယ်ထင်တဲ့လမ်းပေါ်မှာ ကိုယ် ရှိနေကြတာ အဲဲ့ဒါက တခြားသူတွေရဲ့အမှန်တရားထဲမှာ ဗီလိန်ဖြစ်ချင်ဖြစ်နေမှာပေါ့... မင်းမှတ်ထား.. မင်းဘယ်လိုပဲနေနေ ဘာတွေပဲလုပ်နေနေ တခြားသူတစ်ယောက်ယောက်ရဲ့အမှန်တရားထဲမှာတော့ မင်...
