Unicode [အပိုင်း-၁]
"သော်တာမဏိဝေ! နင်တော်တော် ဖြစ်နေတာလားဟမ်..ငါ့မှာလေ ဖြေရှင်းလိုက်ရတဲ့ ပြသနာတွေ သားမွေးထားလားတောင်အောင့်မေ့ရတယ်။ဘာမှမဟုတ်တဲ့ အရာလေးတွေနဲ့နင်စိတ်မထိန်းနိုင်တာနဲ့ပဲ သူများသားသမီးကို ထိပါးစော်ကားရလားဟမ် ဖြေလေ ဖြေ"
"သူတို့ကရော သမီးကို စကားတွေနဲ့ထိပါးစော်ကားတာ အမေသိလို့လား။သမီးရှင်းပြတာနားထောင်လား"
"သူတို့က စကားနဲ့လေ နင်က လက်နဲ့လေ စကားကထိလည်းခဏပဲ ခုက ဟိုဘက်က ကလေးကဆေးရုံတောင်ရောက်နေပြီ"
"သမီးကိုသူတို့ပြောတဲ့စကားသာ ကိုယ်ထိလက်ရောက်ဖြစ်မယ်ဆိုရင် သမီးခု သချ်ိုင်းကုန်းရောက်နေပြီ သိလား"
"ပြောလေ ဆိုးလေပဲ မွေးရကြိုးကိုမနပ်ဘူး"
"အာ့ဆိုမမွေးပါနဲ့လား!!"
သော်တာမဏိဝေ ဘဝမှာပထမဆုံး အမေဖြစ်သူကိုပြန်အော်ချင်းဖြစ်သည်..။သူအော်ပြီးအမေဖြစ်သူ၏အခန်းပြင်ထွက်လာတော့ သူနောင်တရမိတာတော့အမှန်ပင် သို့သော်လည်း သားသမီးတစ်ယောက်က မွေးရကြိုးမနပ်သူဟုပြောခံရလိုက်ခြင်းဟာ ဘဝပျက်ချိန်တစ်ခုပင်ဖြစ်မည်။
အခန်းထဲပဲ ဝင်လာလိုက်တော့ ဖုန်းသံကြားတာကြောင့်
ကုတင််ပေါ်မှဖုန်းကိုကောက်ယူလိုက်တော့ ချစ်ရတဲ့ဖွားဖြစ်နေတယ်လေ..။"ဟယ်လို..ဖွား"
"အေး သမီးရေ ဖွားပြောစရာရှိလို့၊မနက်ဖြန်ဖွား ပြင်ဦးလွင်လာမှာသိလား"
"တကယ်လားး"
"ဒါပေါ့ မြေးရဲ့ ဖွားအိမ်ရှင်းခိုင်းထားတယ်"
"ဟင်..သမီးတို့နဲ့လာမနေဘူးလား"
"မနေတော့ပါဘူး မြေးရယ် ဖွား နဲ့လာနေမယ်မလား"
"မရဘူးထင်တယ်နော်.."
"အော် ဒေါ်ထက်သော်နေတာ ကိုဖွားပြောလိုက်ပါ့မယ်"
"မေမေနဲ့စကားပြန်ပြောပြီလား"
"ဒီလိုပါပဲ မိဘနဲ့သားသမီးက ရန်ဖြစ်လည်းခဏပေါ့"