Unicode [အပိုင်း-၂၂]
ဒီနေ့ကတော့ ပြန်ရမည့်နေ့ဖြစ်သောကြောင့် သော်တာပစ္စည်းတွေထည့်စရာရှိထည့်ပြီး ဟိုတယ် check out လုပ်နေတုန်း ခင်ယွန်းအိမ်ဆီမှဖုန်းဝင်လာသောကြောင့် ဟိုတယ် reception မှရန်နေပြီးဖုန်းကိုင်လိုက်သည်။
"ဟယ်လို"
"ဟယ်လို အေးသော်တာရေ နင်အခုသွားတော့မှာလား"
"အေးဟုတ်တယ် ငါအခုcheck out လုပ်နေတာ"
"အေးအဲ့တာလှမ်းမေးတာ ငါ့ကိုပြင်ဦးလွင်ရောက်ရင် ညစာကိုနင်ကျွေးရမှာနော်"
"အဲ့တာကို အစောကြီးလှမ်းဆက်တယ်ဟုတ်လား သစ္စာရှိတယ်နော်"
"ငါလည်း check out လုပ်တော့မှာပျင်းလို့သာနေနေတာ ရောက်လည်း နင်အရင်ရောက်မယ်ထင်တယ်"
"အေးပေါ့ ပုံမှန်ပဲမောင်းရမှာ"
"ok ok ဟိုရောက်မှတွေ့မယ် see you"
"ok see you"
ဖုန်းချလိုက်တော့မှ လုပ်စရာရှိတာတွေလုပ်ပြီး တစ်ခါတည်းထွက်လာလိုက်သည်။ဘာမှလည်းဝယ်မနေပဲ ပြင်ဦးလွင်ရောက်အောင်သာ ဂရုတစိုက်မောင်းနှင်လာလိုက်သည်၊လိုင်စင်မရှိသေးသော်လည်း သွားချင်သလိုသွားနေသော သော်တာအတွက် ဦးလင်းမဏိနိုင်မှာပင် တာဝန်ယူထားရသည်၊၁၂နှစ်တည်းက ကားမောင်းတက်သော သော်တာ့အတွက်ဆိုင်ကယ်ဆိုသည်မှာတော့ အေးဆေးပင်ဖြစ်သည်။
တစ်မြို့ပြီးတစ်မြို့ဖြတ်ကာ ပြင်ဦးလွင်တောင်အတက်သို့ရောက်သော် နေ့လယ် ၁၁ကျော်နေပြီဖြစ်သည်၊နေမှာလည်းအပူရှိန်မှာပြင်းလှသော်လည်း တောင်ပေါ်သို့ရောက်လေ ဆောင်းတွင်း၏လေအပူရှိန်မှာအေးလေဖြစ်သည်။
ပြင်ဦးလွင်အဝင် ပြင်ဦးလွင်မှကြိုဆိုပါ၏ ဟူသောစာသားလေးကိုမြင်တော့ သော်တာပြုံးမိသွားကာ အရှိန်ပိုမြန်မိလာသည်၊ချစ်ရသူနှင့်တွေ့ဖို့သူမစောင့်နိုင်ဖြစ်နေလေသည်၊အိမ်အရင်မပြန်ပဲ သက်နှင်းအိမ်ကို အရင်ဝင်မလို့ ကြံထားလေသည်၊သက်နှင်းသော်တာဘယ်နေ့ပြန်လာမည်မသိသောကြောင့် သော်တာကိုမြင်ရင်အံ့သြသွားနိုင်လေ၏။