Unicode [အပိုင်း-၁၉]
"Please don't be in love with someone else.."
ဖုန်းသံမြည်သဖြင့်မပွင့်သေးသောမျက်လုံးနှင့်သာစမ်း၍ဖုန်းကိုယူလိုက်ပြီးကိုင်လိုက်သည်။
"သက်နှင်းရေ မောနင်း"
"နင်ရူးနေလား စောစောစီးစီး"
"ဟင် မစောတော့ပါဘူး အသက်ရဲ့ ညကစောစောမအိပ်လို့လား"
"အိပ်တယ် အိပ်တယ် ဒါဘဲမလား"
"နေ..နေပါဦးအသက်ရဲ့ မောင်ပြောဦးမယ်"
"ဘာမောင်တွေဘာတွေတုန်း စောစောစီးစီးဟာ သော်တာရာ..ငါအိပ်ချင်တယ်လို့.."
"ဘာလို့ပို့စာတွေမဖတ်တာလည်း တစ်ခုခုဖြစ်နေတာလားလို့"
"စာ.."
သော်တာပြောမှသက်နှင်းလည်း chat box တွေအကုန်ဝင်ကြည့်မိသွားတော့ တယ်လီဂရမ်မှာလည်း Unseen စာ၁၀စောင်၊မက်ဆင်ဂျာမှာ အစောင်၂၀ဆိုပြီးဝင်ထားသည်ကိုတွေ့တော့သက်နှင်းတောင်စဥ်းစားမိသွားသည်။'ငါဘာတွေလွတ်သွားတာပါလိမ့်'
"တွေ့ပြီလား"
"ဟင်..မတွေ့ပါဘူး မသိဘူး ဘာစာတုန်း"
"ဟော ထားလိုက်တော့ စိတ်ဆိုးနေတာလားလို့ချော့ရသေးတယ်"
"ငါစိတ်ဆိုးအောင်နင်ဘာလုပ်ထားလည်း"
မကြည်အသံဖြင့်မေးလိုက်တော့ သော်တာ့ဘက်ကခဏတာတိတ်ဆိတ်သွားသည်။
"မလုပ်ထားပါဘူး လုပ်ထားလည်း စိတ်ဆိုးပြေတော့"
"အဲ့လိုရလား ဒါပဲအဲ့တာဆို"
"နေ..ပါဦး ဘာတွေဖြစ်နေတာတုန်းလို့ စကားကိုဘယ်လိုတွေပြောနေတာ အိပ်ချင်နေတာလား အဲ့တာဆိုလည်း အိပ်တော့ ပြီးမှပြန်ဆက်တော့မယ်နော် တာ့တာ"
သူ့ဘာသာပြောပြီးချသွားသည် သက်နှင်းလည်းဘာမှတွေးမနေပဲဆက်အိပ်လိုက်သောကြောင့် မေ့လယ်စာတွေပါလွတ်ကုန်သည် အမေနှိုးလည်းမထ အဖေနှိုးလည်းမထနှင့် ဒီတိုင်းသာထားလိုက်တော့သည်။
