Unicode [အပိုင်း-၁၅]
"ချော့လက်ကိတ်လေးပဲ ငါ့ရဲ့ဖေးဖရိပ်လေး"
" အေးပါ သိလို့ဝယ်လာတာ"
"ဒါနဲ့ကျောင်းမသွားဘူးလား"
" သွားတယ် ကိတ်ကအမေ့ကိုမှာခိုင်းထားတာ အပြန်ဝင်ယူလိုက်တာ နင်ဒီနေ့ဘယ်တွေရောက်ခဲ့လည်း"
"ငါ သွားလှူခဲ့တာ ဘုရားလည်းရောက်ခဲ့တယ် သွားလှူတာက ခရစ်ယာန်မိဘမဲ့ကျောင်းတစ်ခုမှာ"
"ကောင်းတာပေါ့ ဓါတ်ပုံရိုက်ခဲ့လား ရိုက်ခဲ့ရင်တင်လေ"
"တော်ပါပြီ ဒီတိုင်းလေးပဲကောင်းတယ်"
"နင် Page ထောင်ကြည့်ပါလား..တော်တော်လူကြိုက်များမှာ"
"စိတ်မဝင်စားပါဘူး ရှုပ်တယ်..နင်တောင် follower တွေတော်တော်များနေပြီ"
"အေးငါ တစ်သိန်းပြည့်သွားပြီ"
"အို..နင်အဲ့လောက်တောင်လူကြိုက်များတာလား"
"စိတ်ဝင်စားအောင်တင်ရတာပေါ့ဟ"
"တော်ပါတယ်နော့်.."
"ဓါတ်ပုံလေးရိုက်ကအောင် ကိတ်မုန့်နားမှာ ဖယောင်းတိုင်ပြန်ထွန်းလိုက်"
ဖယောင်းတိုင်အသစ်လေတွေးကိုယူကာ ပြန်မီးညှိ၍ ကိတ်လေးကို သော်တာနဲ့တူတူ ပြတင်းပေါက်ဘက်သို့လှည့်ကာ မြင်နေရသောလ၏အရိပ်အောက်တွင် ကိုင်ထားကာ ဖုန်း၌Flashဖွင့်၍တစ်ပုံရိုက်လိုက်သည်။ရိုက်ပြီး အောက်ကိုငုံ့ကာ ဖုန်းကိုသဲကြီးမဲကြီးကြည့်နေသော သက်နှင်းအား သော်တာဘာမှမပြောချေ။
"ရပြီ"
"ဘာရတာ"
"ထားလိုက်ပါ ရော့စား"
ကိတ်မုန့်တွင်တပ်ထားသောဇွန်းအားယူကာ အတင်းခွန့်ကျွေးသောသူမ။
"ကဲ ငါပြန်တော့မယ်.."
"လာခေါ်မှာလား"
"ဟင့်အင်း ဒီတိုင်းလမ်းလျှောက်ပြန်မှာ"
"အဝေးကြီးလေ တော်ပြီ ငါလိုက်ပို့မယ်"
"နင်ကြတော့ရော.."
