『Unicode 』
အခန်း ( ၁.၁ ) : သေဒဏ်စီရင်ခြင်း
***********************************
1.
ချန်ပေါ်ချောင်ဟာ အာရှပြည်ထောင်စုစစ်အကျဉ်းထောင်၅တွင် သုံးလမျှအချိန်ကုန်ခဲ့သည်။ ထိုကာလအတောအတွင်း သူဟာ ၂၉နှစ်ပြည့်မွေးနေ့ကိုတစ်ယောက်တည်း ကျင်းပခဲ့ရသလို ဖခင်ဖြစ်သူ၏ ဈာပနကိုလည်း လွဲချော်ခဲ့ပြီး စစ်တပ် အရာရှိဟောင်း ခြောက်ယောက်တို့အား ကွပ်မျက်ခဲ့တာကိုလည်း မျက်ဝါးထင်ထင်တွေ့ကြုံခဲ့ရသည်။
သူတစ်ဦးတည်းနေထိုင်ရသည့် အကျဉ်းခန်းသည် သေဒဏ်စီရင်သောနေရာနှင့် သိပ်မဝေးလှ။ ပုံမှန်ဆိုလျှင် စစ်ရာဇဝတ်သားကို အကျဉ်းခန်းထဲမှ ခေါ်ထုတ်သွားပြီးလျှင် သေဒဏ်စီရင်သည့်သေနတ်သံနှင့် သေနတ်သံကြောင့် ငှက်တွေလန့်ကာ အတောင်တဖျပ်ဖျပ်နှင့်ပျံသော အသံများကို ကြားရဖို့ ၁၀မိနစ်သာကြာသည်။ မတိုးတိမ်သော AKM အော်တိုရိုင်ဖယ်က စစ်ပွဲဗုံသံကဲ့သို့ဖြစ်ပြီး အာရှပြည်ထောင်စု အစွန်အဖျား၏ မြူဆိုင်းနေသော ကောင်းကင်ထက်ဝယ် ပဲ့တင်ခတ်နေတော့သည်။
ခြောက်ယောက်မြောက် အရာရှိကို စီရင်ပြီး နောက်တစ်နေ့ ၊ ဒီဇင်ဘာ ၂၅ရက်မနက်ခင်းတွင် ချန်ပေါ်ချောင် တရားခွင်ဝင်ရတော့သည်။
အကြမ်းထည်ထောင်ဝတ်စုံကို ၀တ်ဆင်ထားလျက် လက်မှာ စတီးလက်ထိတ်ခတ်ခံထားရပြီး သူသည် တရားစီရင်ခန်းတွင် ထိုင်နေကာ တရားလိုရှေ့နေမှ အားတက်သရော စွဲချက်တင်နေမှုတွေကို အသက်မဲ့စွာ နားထောင်နေခဲ့၏။
တရားရုံး၏အနောက်ဘက်တွင် အာရှပြည်ထောင်စု၏ကင်မရာများ ပြေးလွှားနေကြပြီး အာရှပြည်ထောင်စုအချမ်းသာဆုံးလူ၏သားဖြစ်သူ ၊ စစ်တပ်ဗိုလ်မှုးဟောင်း ချန်ပေါ်ချောင်၏တရားခွင်ကို ပြည်ထောင်စုတစ်ခုလုံးသို့ တိုက်ရိုက်ထုတ်လွှင့်ပေးခဲ့သည်။
နိုင်ငံတော်သစ္စာဖောက်မှု ၊ ဖခင်အား သတ်ဖြတ်မှုနှင့်တကွ သက်သေသက္ကာယခိုင်လုံသော လူသတ်မှု လေးခု။
YOU ARE READING
ဆည်းဆာရိပ်လမ်းသွယ် || ဘာသာပြန် || 『Completed』
Romance" ကျန်းကျွယ် " " အွန်း " " နောက်တစ်ခါဆို ပန်းပေးတာက ရပေမဲ့ မိုးမမိစေနဲ့ "