『Unicode 』
အခန်း ( ၂၅ ) : ကတိများ။
※※※※※※※※※※※※※※※※※※※※
ချန်ပေါ်ချောင်၏ဆံပင်အရောင်သည် ကျန်းကျွယ်ကဲ့သို့ပင် ; သူတို့နှစ်ဦးလုံး လုံးဝအနက်ဖြစ်ပေငြား အရှည်ကတော့ ကျန်းကျွယ်ထက် ပိုတို၏။ ဆံသားကမူ ကျန်းကျွယ်ထက် ပိုထူ၍ပိုကြမ်းသည်။ ညာဘက်နားဘေးရှိ ခြစ်ရာတစ်ခုမှ အပ သူ့မျက်နှာထက်တွင်အမာရွတ်မရှိသလောက်ပင် ; အမြောက်ဆန်ထိရာမှ ဖြစ်လာဟန်တူ၏။အကယ်၍ ချန်ပေါ်ချောင်သာသားသားနားနားဝတ်ဆင်ထားပါလျှင် မည်သူကမှ သူ့ကိုယ်ပေါ်တွင် ဤမျှအမာအရွတ်များလိမ့်မည်ဟု ထင်ကြမှာမဟုတ်ပေ။
သူတို့တွေ အိပ်ရာထက်မှာ လှဲရင်း ကျန်းကျွယ်သည် ကိုယ်ကို ကွေးလျက် ချန်ပေါ်ချောင်နှင့် မျက်နှာချင်းဆိုင်လိုက်၏။
အခန်းက အလွန်မှောင်လွန်းနေသည်ဟုပဲ ခံစားရ၍ပေလားမသိ ချန်ပေါ်ချောင်သည် ဘေးကို လှည့်ကာ အိပ်ရာဘေးရှိမီးအိမ်ကို လှမ်းဖွင့်လိုက်သည်။ ကျန်းကျွယ် မျက်လုံး ပင့်ကြည့်မိရာ ချန်ပေါ်ချောင့်၏ ကျောပြင်ပေါ်မှ မီးလောင်အမှတ်ကို တွေ့လိုက်ရ၏။
ချန်ပေါ်ချောင်အား ခြေရာခံစက် ကူထုတ်ပေးချိန်က ကျန်းကျွယ် ၎င်းကို မြင်ဖူးပြီးဖြစ်သော်လည်း ထိုစဉ်က သူ့မှာသေချာကြည့်ချိန်မရှိလိုက်ပေ။ သူ ဖွဖွလေးထိကြည့်ရုံဖြင့်ပင် ချန်ပေါ်ချောင်ထံမှ ယဉ်ကျေးစွာ တားမြစ်ခံခဲ့ရသည်။
အိပ်ရာဘေးရှိ မီးအိမ်က အလွန်မှိုင်းတာမို့ လက်ဝါးဆိုဒ်လောက်အရွယ် မီးလောင်အမှတ်အား ကြောက်စရာကောင်းစွာထင်ဟပ်နေစေ၏။
ကျန်းကျွယ် လက်လှမ်း၍ ထိကြည့်လိုက်ရာ လက်မောက်မှ ချန်ပေါ်ချောင်တစ်ယောက် အလိုလို တင်းခနဲ့ဖြစ်သွားခဲ့ပြီး အမြန်ပြန်လည် လျှော့ချလိုက်သည်ကို ခံစားရမိ၏။
ချန်ပေါ်ချောင်သည် အသံတစ်ချက်ပင်မပြုပဲ အသက်ကိုသာ ရှုနေ၏။ သူ့ကျောပြင်သည် မြင်သာသော ကောက်ကြောင်းများနှင့် သန်မာသည့်ခံစားချက်ကိုပေးစွမ်းသည်။ မှိုင်းပျပျမီးရောင်အောက်ဝယ် ယင်းက လူအများကို စစ်တပ်ထဲဝင်လာစေရန် ဝါဒဖြန့်သည့် ပိုစတာအလားပေ။ အနည်းငယ် ခုံးထွက်နေသော ကြွက်သားများက စစ်မြေပြင်ကိုကိုယ်စားပြုပြီးအမာရွတ်တွေကတော့ ဆုတံဆိပ်တွေပင်။
YOU ARE READING
ဆည်းဆာရိပ်လမ်းသွယ် || ဘာသာပြန် || 『Completed』
Romance" ကျန်းကျွယ် " " အွန်း " " နောက်တစ်ခါဆို ပန်းပေးတာက ရပေမဲ့ မိုးမမိစေနဲ့ "