『Unicode』
အခန်း ( ၉ ) - ဟာရီဆန်၏ ကလပ်။
※※※※※※※※※※※※※※※※※※※※
စင်နောက်နှင့် နီးကပ်လာပြီး တံခါးနှစ်ချပ်ကို ဖြတ်လာပြီးနောက် ပွဲခန်းထဲက သီချင်းသံများကို ခပ်ရေးရေးသာကြားရတော့သည်။ လူကြီးရှိုးပွဲဝန်ထမ်းများက ခပ်သုတ်သုတ် သွားလာနေကြ၏။
ယုန်မလေးက ဟာရီဆန်ကိုရှာရန် သရုပ်ဆောင်အဝတ်လဲခန်းထဲကို ခေါ်ပေးခဲ့သည်။ဟာရီဆန်က အဝတ်လဲခန်းစားပွဲကိုမှီ၍ လှပသောအကသမားတစ်ယောက်နှင့် စကားပြောနေ၏။
ဟာရီဆန် အာ အိုဝမ် သည် အမေရိကနှင့်အာရှသွေးနှောဖြစ်ပြီး အာရှဘက်ကို ပိုတူသည့် အရပ်ရှည်သောBetaတစ်ယောက်ပင်။
သူ ထိုင်းနိုင်ငံကို ပထမဆုံးရောက်လာစဉ်က ဟာရီဆန်သည် သက်တော်စောင့်အဖြစ် လအနည်းငယ် အလုပ်လုပ်ခဲ့၏။နောက်ပိုင်း အရေးပါပုဂ္ဂိုလ်တစ်ယောက်၏ အကူအညီနှင့် သူဟာ ဘန်ကောက်မှာ လုံခြုံရေးကုမ္ပဏီတစ်ခုဖွင့်ခဲ့သည်။နာမည်ကြီးများ၊ ရာထူးရာခံရှိသူများနှင့် သိကျွမ်းလာပြီးနောက်တွင်တော့ သူဟာ လူကြီးရှိုးပွဲစီးပွားရေးကို စတင်ခဲ့၏။
ကျန်းကျွယ် သူ့ကို အရင်လအစပိုင်းတုန်းကတွေ့ခဲ့ပြီး ဟာရီဆန်အား ထိုင်းနိုင်ငံအတွင်းက သူ့အစီအစဉ်ကို ပြောပြခဲ့သည်။သူတို့နှစ်ယောက် ထိုင်ပြီး အချိန်အတော်ကြာ စကားပြောဖြစ်ခဲ့ကြ၏။
ထိုအချိန်က ဟာရီဆန်သည် ကျန်းကျွယ်တစ်ယောက် ချန်ပေါ်ချောင့်ကိစ္စမှာ ဝင်ပါမှာကို လက်မခံချင်သော်လည်း ကျန်းကျွယ်က မရမနေ သွားဖို့လုပ်သောအခါ သူက ကူညီပေးနေတုန်းပါပင်။
ကျန်းကျွယ် ဝင်လာတာကိုမြင်လျှင် ဟာရီဆန်က နှုတ်ခမ်းတွေတွန့်ပြီး စကားပြောမည်အပြု ၊ သူ့နောက်မှာ ချန်ပေါ်ချောင်ရပ်နေသည်အား မြင်သွားလေသည်။
သူ ကြောင်သွားပြီး ကျန်းကျွယ်ကို အံ့ဩတကြီးကြည့်လိုက်၏။ သူ့နှုတ်ခမ်းတွေက တစ်ခုခုပြောချင်သလို လှုပ်သွားသော်လည်း ချက်ချင်း ပြန်ထိန်းလိုက်ကာ ယုန်မလေးကို မျက်ရိပ်ပြ၍ အကသမား၏ လက်မောင်းကို ပုတ်လိုက်ပြီးပြောသည်။ " မင်းတို့ အရင် သွားနှင့်လိုက်ကြ "
YOU ARE READING
ဆည်းဆာရိပ်လမ်းသွယ် || ဘာသာပြန် || 『Completed』
Romance" ကျန်းကျွယ် " " အွန်း " " နောက်တစ်ခါဆို ပန်းပေးတာက ရပေမဲ့ မိုးမမိစေနဲ့ "