『Unicode』
အခန်း ( ၅ ) - ဖေရှု့၏ အစီအစဉ်။
※※※※※※※※※※※※※※※※※※※※
Safe Houseသည် မြို့ အနောက်တောင်ပိုင်းရှိ အဆောက်အအုံနိမ့်တစ်ခုဖြစ်ကာ ဘန်ကောက်ဆိပ်ကမ်းနှင့်အလွန်နီး၏။
ကျန်းကျွယ် ထွက်သွားချိန်၏ အများစုမှာ ချန်ပေါ်ချောင်ဟာ Safe House၏ ပြတင်းပေါက်ဘေးက လက်တင်ပါသောကုလားထိုင်မှာထိုင်၍ မှန်ပြတင်းအပြင်ဘက်တွင် တဖြည်းဖြည်းနစ်မြုပ်သွားသော ဝိုးတဝါး နေပုံရိပ်ကို ကြည့်နေလိုက်သည်; တခြားသော အချိန်အပိုင်းအခြားလေးတွင်တော့ သူဟာ ဖေရှု့နှင့်ဖုန်းပြောခဲ့သည်။
ဖေရှု့၏ အဖေ ဖေရှောက်ယုံးသည် ကျောက်ဟွားစွမ်းအင်၏ ဘုတ်အဖွဲ့ဝင်ဒါရိုက်တာများထဲမှ တစ်ယောက် ဖြစ်ခဲ့ဖူးသည်။ သူဟာ လွန်ခဲ့သည့်နှစ်များမှ ကျောက်ဟွားစွမ်းအင်၏ စီမံခန့်ခွဲရေးကနေ နှုတ်ထွက်လိုက်ပြီး မိန်းမကိုခေါ်ကာအာရှပြည်ထောင်စု၏ မြောက်ပိုင်းရှိ လက်အောက်ခံနိုင်ငံသေးတစ်ခုတွင် အခြေချခဲ့သည်။
ဖေရှောက်ယုံးသည် ဥက္ကဋ္ဌ ချန်ကျောက်ယန်နှင့် အတွေးအခေါ်မတူပဲ အဖွဲ့မှ အတင်းအကျပ် ဖယ်ရှားခံရကာ အာဏာရုပ်သိမ်းခံခဲ့ရသည်ဟု ကောလာဟလများရှိခဲ့သော်လည်း ဒါက ကိစ္စမဟုတ်ပေ။
ဖေရှောက်ယုံးသည် ချန်မိသားစုမှ အာရှပြည်ထောင်စု မြောက်ပိုင်းတွင် မြှုပ်နှံထားသော မျိုးစေ့ဖြစ်၏။ချန်ကျောက်ယန်တည်ထောင်ထားသော ကော်ပိုရေးရှင်းအင်ပါယာကြီးကို တိုးချဲ့ရန် အမြစ်တွယ်၍ အစို့ထွက်မည့်အချိန်ကောင်းကို စောင့်နေခဲ့တာပင်။
ချန်ပေါ်ချောင်သည် ကျန်းကျွယ် ဘယ်အချိန်မှာ တိရစ္ဆာန်ဆေးရုံမှ ပြန်လာမလဲ မသိနိုင်သောကြောင့် ဇာတ်ကြောင်းကို အတိုချုံ့၍ ဖေရှု့ကို ဖြစ်ကြောင်းကုန်စင်ပြောပြလိုက်သည်။
အတိမ်းအစောင်းမခံသည့်အခြေအနေ၌ သည်တစ်ကြိမ် ချန်ပေါ်ချောင်အား ကယ်ဆယ်လိုက်သည်မှာ ရုတ်တရက်ဆန်ကာမထင်မှတ်ထားစရာပေ။ ဖေရှု့ မပေါ့ဆရဲပဲ သူနှင့်အတူ မြောက်မြားစွာသောအတိုင်ပင်ခံပုဂ္ဂိုလ်တွေခေါ်ယူထားခဲ့၏။
YOU ARE READING
ဆည်းဆာရိပ်လမ်းသွယ် || ဘာသာပြန် || 『Completed』
Romance" ကျန်းကျွယ် " " အွန်း " " နောက်တစ်ခါဆို ပန်းပေးတာက ရပေမဲ့ မိုးမမိစေနဲ့ "