يا ليالي يا ليالي
يا ليالينا زمان
عودي لينا يا ليالي
واكسري حكم الزمان
رجعي لينا ماضينا
نسّي قلبي كان ما كان
يا ليالي وانتي عارفة
ما انتي في كل مكان
طمنينا ازيّ حالها
فاكرة ولا الفكر خان
خان وهان قلبي عليها
واستهانت بالهوان
لو تكون فاكرة فانا فا
كر ولو تنسى كمان
°°°
قالت الحلوة في صباها
بعد ما كبرت سنة
رسم العمر في شبابي
خط عمر من الفنا
قلت ما يكملش لوحة
تعرفي؟ إلا الخطوط
كل خط بيبني معنى
متل خيط العنكبوت
والجمال ساكن في روحك
انتي ربة الجمال
والقمر لما بيكبر
ايه مصيره الا الهلال؟
°°°
بصت الحلوة بصيصها
على قلبي فاستوى
لما لفيت ما لقيت شي
أحمى من نار الهوى
°°°
رجعت الحلوة لروحها
اللي عرفت مني روحي
لما عيّتني شفتني
وبسيوفها كوت جروحي
يا سويدا القلب روحي
لسويدا الأرض روحي
°°°
حكت الحلوة عيوبها
قلت عيبك م الجمال
يا ملاك الأرض خافت
تخطفك منها السما
فعطتلك من عيوبها
فانطبع في الصدر خال
رغم دمع الحلوة بانت
بسمة من بين اللمى
قالت الحلوة حرام
قلت ودموعك حلال؟
