Virgin Villain (The Villain Series 2)

Kabanata 40

NAPUNTA ang atensiyon nila sa salas nang umalingawngaw ang sigaw ni Isabella. Mabilis na tumakbo si Jasia papunta roon. Naabutan niya ang babaeng nakayuko ang mukha sa sahig, ang mga kamay nito'y nakahawak nang mahigpit sa buhok at marahas na hinihila.

Nandoon din si Imris sa tabi nito. Gulat ang mukha at nalilito sa pangyayari. Why was Imris there? She was sure she put her in her room.

"Isabella!" Nilapitan niya kaagad ito. Sinenyasahan niya si Xibel na alisin muna si Imris. Ayaw niyang makita nito si Isabella na nagkakaroon ng atake.

"Go play with Uncle Stone." Binuhat naman ni Xibel si Imris bago inabot kay Stone.

Nang makaalis, saka niya lang binalik ang atensiyon kay Isabella. "What happened?"

"Jas . . ." Nanginginig ang boses nito. Walang tigil sa pagtulo ang luhaan na nitong mga mata. "I'm scared . . ."

"You can tell me." Hinawakan niya ang mga palad nito at dahan-dahang inalis sa pagkakahila. "You can tell me. Makikinig ako. Kakampi mo ako."

"Si Drake . . ." Tinuro nito ang cell phone. "Si Drake ginugulo na naman ako!"

Muli itong napahiyaw. Nabitiwan niya ang kamay nito dahil sa lakas ng babae. Nag-amba itong sasaktan ang sarili pero pumasok si Xibel sa eksena at ito ang pumigil.

Lumuhod ito upang pantayan si Isabella. Nakakunot ang mga noo nitong pinagmasdan ang miserableng manunulat. "What did he do?"

"He threatened me," hikbing saad ni Isabella. "He threatened me that he would spread our video in public."

"What?" Nagitla siya. Sumunod na nanginig ang kaniyang mga kamao sa galit. Hula niya'y si Nevar ang nag-utos nito dahil imposibleng nagkataon lang ang deal na binigay nito sa kaniya.

Hinila ni Xibel sa isang yakap si Isabella bago napatingin sa kaniya. Nangungusap ang ginto at bughaw nitong mga mata. Kahit hindi ito nagsasalita, alam niyang umaagos na sa puso nito ang puot.

"Mga walang hiya . . ." She gritted her teeth as she thought of the two men, making Isabella suffer.

Nang humiwalay si Isabella kay Xibel, lumapit siya rito ay hinawakan ang magkabilang pisngi. "Listen. I don't want to see you like this anymore at alam kong pagod ka na rin kaya paparusahan ko sila para sa 'yo. Gusto mo na rin itong matigil, 'di ba?"

Kaagad namang tumango si Isabella. "Pagod na pagod na ako."

"I won't let him bother you again." Inalis niya ang mga luha nito sa mga mata. Sinalubong niya ang tingin nito nang kaniyang mga matang umaapaw sa galit. "I promise you. I'll make them suffer."

Niyakap niya ito. Ilang minuto rin silang nagtagal sa posisyong iyon. Ang akala niya'y lalayo si Xibel dahil nasa malapit siya subalit hindi. Nanatili lang ito sa kaniyang posisyon, ang mga kamay nito ay nakahawak pa rin kay Isabella. Kahit na tumagpi na ang kaniyang buhok sa braso nito ay pinili pa rin nitong hindi gumalaw hangga't sa kumalma si Isabella at muling makatulog.

Inayos na si Xibel ang pagkakahiga nito. Inilagay nito sa sofa ang babae.

Siya naman ay kinuha niya ang cell phone na nalaglag. Binasa niya ang nakakasukang mensahe ni Drake. Idadagdag niya ito sa kaniyang ebidensiya. Sisiguraduhin niyang mabubulok sa kulungan ang lalaki at mapapahiya sa harap ng madaming tao.

TWO days had passed and Isabella didn't leave Xibel's household, or more like he didn't let the woman leave. Natatakot si Xibel na baka may masamang mangyari sa babae kaya hindi niya ito pinaalis. Mukhang ganoon din naman ang gusto ni Isabella dahil ni isang beses ay hindi ito nagbanggit na gusto na nitong umalis.