" လေယာဉ်ပေါ် တက်ခါနီးကျရင်လည်း ကိုယ့်ကိုဖုန်းဆက်နော် . နေး "
" ဟုတ်ကဲ့ပါ "
" ပြီးတော့... "
" ခေါင်းကိုက်လာတာဖြစ်ဖြစ်၊ တစ်နေရာရာက နေလို့မကောင်းတာဖြစ်ဖြစ် တစ်ခုခုဆိုတာနဲ့ ဆရာတွေကိုပြောပြီး ကိုကို့ကို အကြောင်းကြားရမယ် . ဟုတ်တယ်မလား "
မျက်လုံးလေးစွေလို့ လျှန့်စကားတွေကို ဖြတ်ပြောလာတဲ့ နေးလက်ျာက စိတ်မရှည်တော့ဟန်။ ဘေးမှာရပ်နေတဲ့ ဂရင်းကတော့ လျှန်တို့အဖြစ်ကိုကြည့်ရင်း ခပ်တိုးတိုးရယ်သည်။
" ဟုတ်တယ် "
" အိမ်မှာကတည်းကလဲ ခဏခဏမှာပြီးပြီကို "
" ကိုယ်က စိတ်ပူလို့ပါကွာ "
" နေး ဂရုစိုက်ပါမယ်ဆို "
လျှန် နေးကိုကြည့်ရင်း သက်ပြင်းချလိုက်သည်။ လေဆိပ်ကိုမသွားကြခင် စုရပ်က နေးတို့တက္ကသိုလ်မှာမလို့ လျှန်တို့က ကြိုရောက်နေကြတာဖြစ်သည်။ တဖွဲဖွဲကျနေတဲ့ နှင်းတွေကြားထဲ လည်ပင်းကမာဖလာလေးကို နွေးထွေးအောင် သေသေချာချာပြင်ပတ်ပေးလိုက်ရင်း နေးရဲ့တစ်ကိုယ်လုံးကို ခြုံငုံကြည့်လိုက်သည်။
" အခုအနွေးထည်နဲ့ရော နွေးရဲ့လား နေး ... ကိုယ့်အင်္ကျီထပ်ဝတ်သွားမလား "
" ဟင့်အင်း ဟင့်အင်း . ရတယ် ကိုကို ... မအေးပါဘူး "
ကိုကိုက သူဝတ်ထားတဲ့ အနွေးထည်ကုတ်အရှည်ကိုပါ ချွတ်ပေးဖို့ပြင်နေပြီမလို့ နေးက ခပ်သွက်သွက်တားလိုက်ရသည်။ ဒီနေ့အဖို့ အဝတ်အစားက ကိုယ်တိုင်ရွေးချယ်ဝတ်လာတာမျိုး မဟုတ်ပဲ ကိုကိုကိုယ်တိုင် ရွေးချယ်ပြီး နေးကို အနွေးထည် အထပ်ထပ်ဝတ်ထားစေတာဖြစ်သည်။ ဒီထက်သာ ထပ်ပြီးဝတ်ရရင် နေး တော့ နှစ်ညအိပ်ခရီးအတွက် အထုပ်အပိုးထပ်ယူသွားရန်မလိုတော့ပါ။
" ဆေးတွေက နေးရဲ့လွယ်အိတ်ထဲက ညာဘက်အတွင်းအိတ်လေးထဲမှာနော်... အန်ချင်တာမျိုးဖြစ်ဖြစ်၊ ခေါင်းမူးတာဖြစ်ဖြစ်၊ အစာမကြေတာဖြစ်ဖြစ် ချက်ချင်းသောက်ရမယ်နော်... ဒေါက်တာက ဘာဖြစ်ရင်ဘာသောက်ရမလဲ ရေးပေးလိုက်တယ်မလား "
YOU ARE READING
My Beautiful SPOUSE
General Fictionဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••