ရာသီဉတုက သိသိသာသာ အအေးဓာတ်လျော့ကျသွားတာကြောင့် သိုးမွေးအနွေးထည် အသားရောင်နုနုလေးတစ်ထည်သာဝတ်ပြီး နေး အောက်ထပ်ကိုဆင်းလာခဲ့သည်။ နေးကိုတွေ့တော့ မီးဖိုးခန်းထဲမှာ ချက်ပြုတ်နေတဲ့လစ်ဒီက အပြုံးနဲ့ဆီးကြိုလာသည်။
" ဘေဘီ... မနက်စာဘာပြင်ပေးရမလဲ "
" ရတယ် လစ်ဒီ... ကိုကိုနဲ့အပြင်သွားမှာ "
" မစ္စတာလျှန်က မနက်အစောကြီးပဲထွက်သွားပြီလေ "
နေးပြောတာကိုနားထောင်ပြီး အံ့ဩကြီးစွာနဲ့ ပြန်ပြောလာသည့်လစ်ဒီကိုကြည့်ပြီး နေး နှစ်နှစ်ခြိုက်ခြိုက်ပြုံးလိုက်သည်။ ပြီးတော့မှ မီးဖိုခန်းကောင်တာစားပွဲကိုကျော်ကာ ခါးကိုင်းလို့ လစ်ဒီအနားကို တိုးတိုးလေးကပ်ပြောလိုက်သည်။
" ခဏနေကျရင် ကိုကိုက နေးနေးကိုပြန်လာခေါ်မယ်လို့ အာရုံရနေတယ် "
" ဘေဘီက ဘယ်လိုသိ... "
လစ်ဒီက နေးကိုမယုံသလိုပြန်ကြည့်လာပြီးတော့မှ သဘောပေါက်သွားသည်ထင်ပါရဲ့။ ခေါင်းတညိတ်ညိတ်လုပ်ပြီး ဘေစင်ထဲမှာရှိတဲ့ဟင်းရွက်တွေကိုသာ ရေဆေးနေတော့သည်။
" လစ်ဒီ... ဂရင်းရောဟင် "
မနေ့ညကတည်းက ကိုကိုက မနက်စောစောအစည်းအဝေးရှိကြောင်း နေးကိုပြောထားသည်။ အစည်းအဝေးကသိပ်မကြာနိုင်တာကြောင့် မနက်စာစားဖို့ ပြန်လာခေါ်မယ်ဆိုတာပါ တစ်ခါတည်းပြောထားပြီးသားဖြစ်သည်။ ကိုကို့ကိုစောင့်နေရင်းနဲ့ စားပွဲပေါ်မှာတင်ထားတဲ့ချယ်ရီသီးတစ်လုံးကို နေး နှိုက်စားရင်း ဂရင်းကိုမတွေ့မိတာကြောင့် လစ်ဒီကိုမေးလိုက်သည်။
" ရှိတယ်... အပေါ်ထပ်မှာ ယောဂကျင့်နေတာထင်တယ် "
" အော်.. ဟုတ်... လစ်ဒီ နေးနေး သွားတော့မယ် "
" မစ္စတာလျှန်က လာပြီမို့လို့လား "
လစ်ဒီနဲ့စကားပြောနေရင်း ' ကိုယ် နောက်ဆယ်မိနစ်လောက်နေရင် ရောက်မယ်... အဆင်သင့်ပြင်ထားနော် ' ဆိုတဲ့စာတိုလေး ဝင်လာတာကြောင့် စားလက်စချယ်ရီသီးလေးကို အမြန်မြိုချပြီး အပြင်ကိုအလျင်စလိုနဲ့ ပြေးထွက်သွားမိသည်။ နေး အလောတကြီးနဲ့ပြေးထွက်သွားကြောင့် လစ်ဒီကလည်း အိမ်ရှေ့တံခါးပေါက်ထိကို လိုက်လာခဲ့သည်။
YOU ARE READING
My Beautiful SPOUSE
General Fictionဆက္ကဘုံလျှန် (Sakka Bxon Hlxan) နေးလက်ျာ (Nayy Lattyar) (own creation) Starting Date ••• 24/9/2021 Ending Date •••