Part 20
"အဲဒီ company က တော်တော်လေးဂျီးများပြီး လိုအပ်ချက်တွေကလဲအတော်များတာ။ ကယ်လေးရဲ့အပြုံးလေးနဲ့ဖြေရှင်းလိုက်တော့လဲ GM မမက အဆင်ပြေပါတယ် အဆင်ပြေပါတယ်နဲ့ ဟုတ်နေတာပဲ"
သူတို့ကုမ္ပဏီကို နှစ်စဉ် ပွဲကြီးတွေအပ်လေ့ရှိတဲ့ client company နဲ့ အစည်းအဝေးပြီးချိန်မှာ ရဲမျိုးဇာနည်က ခပ်ညည်းညည်းလေးပြောလာတာဖြစ်သည်။
"ဟားဟားဟား ဒါကတော့ ကိုယ့်အားသာချက်နဲ့ကိုယ်ပဲလေ။ အဲဒါကြောင့် မင်းကို များများပြုံးပါလို့ပြောသားပဲ"
"ကျွန်တော်ကလဲ မျက်နှာရှစ်ခေါက်ချိုးနဲ့ client တွေကိုပြောဆိုနေတာတော့မဟုတ်ပါဘူး ကယ်လေးရာ။ ဒါပေမယ့် ကယ်လေးလိုအပြုံးမချိုတာတော့အမှန်ပဲ"
"မင်းပြုံးချင်တော့လူနဲ့ကျရင်တော့ ပြုံးတာပဲမှတ်လား .. ဟင်း .. ငါကြားတာ မင်းနဲ့ မြတ်ထူးသာယာနဲ့ အဆင်တွေပြေနေကြတယ်ဆို"
"ဘယ် .. ဘယ်သူပြောတာလဲ"
"အန်ဒရူးပြောတာလေ နှစ်ယောက်သားအလုပ်တွဲလုပ်ကြတာ အဆင်ကိုချောနေရောတဲ့။ အခုတလော အလုပ်လာအပ်တဲ့သူတွေများလွန်းလို့ လက်မလည်ကြဘူးဆို"
"ဒါကတော့ မြတ်ထူးသာယာက ကယ်လေးရဲ့ကျေးဇူးရှင်မဟုတ်လား။ အဲဒီတော့ ကယ်လေးမျက်နှာထောက်ပြီး ကျွန်တော်ကအဆင်ပြေအောင် နေရတာပေါ့။ မဟုတ်ရင် ကယ်လေးမျက်နှာပျက်မှာလေ"
ငါနားရှိလို့သာ ဒီစကားတွေကြားရတယ်၊ ငါ့နှလုံးသားကတော့ မင်းပြောတာတွေ ယုတ္တိမရှိဘူးလို့ ခံစားနေရတယ် ရဲမျိုးဇာနည်ရေ။
သူ့တူလေးက အပြင်ပန်းကြည့်တော့သာ လူမှုဆက်ဆံရေးကောင်းပေမယ့် သူကြည့်မရဘူးဆိုရင်လဲ အရိုးထဲကနေပါ မုန်းတတ်တဲ့သူမျိုးဆိုတာ သူမသိတာကြနေတာပဲ။ သူ့ကြောင့်နဲ့ မြတ်ထူးသာယာနဲ့ တည့်အောင်ပေါင်းမယ်ဆိုရင် ပြီးခဲ့တဲ့တစ်နှစ်လုံးလုံး ဒီနှစ်ယောက်ကြောင့် သူခေါင်းခဲရမှာမဟုတ်ချေ။
အခုတလောမှ ဘာဆေးစားမှားပြီး မြတ်ထူးသာယာနဲ့ ပလူးနေကြတယ်မသိပဲ ပြေလည်သွားကြတာများ။ သူ့ထက် ၁၀ နှစ်လောက်ထမင်းစောစားလာတဲ့ ဦးလေးဖြစ်သူကို လာဂျင်းထည့်ချင်နေသေးတာ ရယ်စရာ။
YOU ARE READING
သောက်ကျိုးနည်းဂေးဝတ္ထုထဲရောက်သွားတဲ့ အဖြောင့်ကောင် 'ငါ' လေး
Romanceဘဝမှာ ဂေးဝတ္ထုဆိုလို့တစ်ပုဒ်ပဲဖတ်ဖူးတဲ့ "ငါ" က ကူးပြောင်းသွားတော့ အဲဒီဂေးဝတ္ထုထဲကိုတဲ့လား ~ Own Creation ပါ၊ Translation မဟုတ်ပါဘူးနော် ~
