She Crossed That Bridge

01

CHAPTER ONE

You talk too much

Shinessa

Freshman Year (Past)

I walked into the warmth of the Kyll Book Store.

The smell of books was just too addicting for me. I may exaggerate, but it's true. Ang bango-bango ng mga libro!

Agad akong pumunta sa fiction books section at nagtingin ng mga libro.

Unang kumuha ng atensyon ko ay 'yong Four Seconds to Lose. Tiningnan ko 'yong pangalan ng author. K.A Tucker. Agad akong napangiti at binasa 'yong blurb.

Ito 'yong ni-recommend sa 'kin dati ng mom ko. Basahin ko raw dahil maganda 'yong kuwento.

Just by reading what's written on the back cover, I can say that my mom's definitely right.

I believe you don't have years, or months, or weeks to impact a person's life. You have seconds to win them over, and seconds to lose them.

Napangiti ako nang mabasa ko iyon sa back cover. K.A Tucker wrote it. It was a simple yet mesmerizing quotation. Mababaw man pakinggan, pero malalim 'yong ibig sabihin niya kapag naintindihan mo 'yong isinulat niya.

"Charlie ended up having feelings for Cain."

Gulat akong napalingon sa gilid ko at napakunot ang noo ko nang makita kong ako pala 'yong kinakausap n'ong lalaking hindi ko kilala.

"Sorry, what?" tanong ko.

"The book you're holding," he pointed out. "I've read that already. Charlie ended up falling in love with Cain."

Agad na kumunot ang noo ko at tiningnan siya nang masama.

"Spoiler ka! Lumayo ka nga!" iritadong sabi ko.

Ayaw ko sa lahat ay 'yong inii-spoil ako!

Bahagya siyang natawa at umiling-iling. "I'm not spoiling anything. It's actually written on the back cover."

Nanlaki ang mga mata ko at binasa ko ulit 'yong back cover. Oo nga, nakasulat nga sa blurb. Tch! Nakaligtaan ko.

Nagtataka ko siyang tiningnan nang bigla niyang ilagay sa kamay ko 'yong librong hawak niya.

"It's a great book. You should read it," nakangiting sabi niya saka siya umalis.

Tiningnan ko 'yong librong iniabot niya sa 'kin at napangiti ako nang makita ko 'yong title. Things I Should Have Known, isinulat ni Lazebnik.

"Sige, babasahin ko t—" Agad akong natigilan nang mapagtanto kong wala na siya sa harapan ko.

Lumingon ako sa paligid at iginala ang mga mata ko para sana hanapin 'yong lalaking kausap ko kanina, pero hindi ko na siya nakita pa ulit.

Nagkibit-balikat na lang ako saka ko inilagay sa basket ko 'yong libro na iniabot niya sa 'kin kanina. Ipinagpatuloy ko ang pag-iikot at kumuha pa ako ng tatlo pang mga libro. Nakahiligan ko na talaga 'yong ganito, mag-ikot sa bookstore at bumili ng maraming libro at itambak sa shelf ko.

Sobrang dami ko nang nabasa na mga libro sa lahat ng mga binili ko, pero marami rin akong hindi pa nababasa roon dahil panay ang bili ko pa ulit ng bago. Ang hirap naman kasing magpigil bumili kapag nakaaamoy ako ng mga libro; talagang mapabibili ka na lang.