[Seven-Minute Semblance] GENIUSFORSALE & VORSTELLUNGEN

Chapter 21 - Harold Coronado

Zweihänder.

13. March.
Monday, 9:00 a.m.
Harriet Medical City.

I HAD A LONG DREAM that I lost the moon.

I grieved every time I saw paperwork, every time I heard the phone ringing, and every time I walked into my empty room.

In my dream, Edward asked me why I wept for ordinary everyday things and I replied that they reminded me of the moon. It was weird, since I never really cared much for the moon.

When I woke up, I saw Ichaival sleeping on a hospital bench.

"Val," napabulong ako.

Nakabalot s'ya ng jacket at malalim ang pagkakakunot ng noo n'ya. 'Yong sakit at sama ng loob ko mula sa panaginip ko, hindi pa rin nawawala. Hindi ko alam kung bakit apektadong-apektado ako sa pagkawala ng buwan.

"Zwei?" Bumangon si Ichaival at lumapit sa 'kin habang nagkukusot ng mata. May tiningnan s'ya sa monitor sa gilid ng kama at sa pagpansin n'yang ito ay saka lang nag-register sa pandinig ko ang lahat ng mga beep at toot ng mga aparatong nakakabit sa 'kin.

"Anong nararamdaman mo, may masakit ba sa 'yo?" tanong n'ya.

"Wala na. Sina Edward? Nakauwi ba sila nang ayos?"

Tumango s'ya, pero parang may sama s'ya ng loob. "Kasama na nila ngayon si Sir Lance at Sir Arthur."

"Anong problema, Val?" Kumunot-noo ako. "May nangyari ba?"

"Wala," pagsisinungaling n'ya. "Magpahinga ka na r'yan."

"Val, ano nga 'yon?"

Sabay kaming napatingin sa heart rate monitor. Bumilis kasi ang tibok ng puso ko.

Sineryosohan ko s'ya ng tingin. "Kakalma lang ako kung sasabihin mo kung anong nangyari."

Humigpit ang pagkakatikom ng bibig n'ya bago s'ya bumuntong hininga at sumagot ng, "Sinabi sa 'kin ni Tita Elise na Wonderland ang pumatay sa papa ko."

"Wonderland?"

Umupo s'ya sa gilid ng kama. "Pinagtabuyan ko rin kahapon si Sir Arthur."

"Si mars? Bakit?"

"Bakit ko s'ya kakausapin? Pagkatapos ng mga ginawa n'ya at ng Wonderland?" Ikinuyom n'ya ang kamao n'ya. "Kinuha na nila ang papa ko, tapos ito pa ang ginawa ni Nicholas sa 'yo..."

Napangiwi ako at napatitig sa kanya. "Huh..."

"Bakit ganyan ang mukha mo?"

"Gwapo?"