The Untouchable Beast

CHAPTER 34

Chapter 34: Caught

"Aray! Dahan-dahan naman, Dee!" Naiinis na singhal ko kay Dee.

"Sorry, sorry. Do I have to pull this over?" nag-aalalang tanong nito.

"Sige nga, bunutin mo nga muna at ipasok ulit. Pambihira naman, Oh! Sa entrance pa nga lang ang sakit na, ano pa kaya kung naipasok mo na 'yan lahat?"

Naramdaman ko namang dahan-dahan niya itong binunot kaya nakahinga ako nang maluwag. Huminga ako nang malalim para humugot ng lakas ng loob.

"Ipapasok ko na ulit, Mee," deklara nito.

"Okay, dahan-dahanin mo lang, ah?"

"Alright. I'll be gentle, Love. Ready?"

"Ready na ready, Dee!"

Ipinikit ko ng mariin ang aking mga mata nang maramdaman kong ipinasok niya itong muli ngunit--

"ARAY! DEE NAMAN, EH! 'DI BA SINABI KONG DAHAN-DAHAN LANG! PAGKA TALAGA DUMANAK ANG DUGO RITO, IPAPADILA KO SA'YO! MAKIKITA MO!" malakas na bulyaw ko sa kanya dahil ipinasok niya ito nang buong-buo.

"Sorry, Love... Sorry. To tell you honestly, this is my first time to do this," mahinahong sagot niya.

Kaya naman pala.

"Talaga, Dee? Ako ang pinaka-unang babae na sinuotan mo ng hikaw?" 'di-makapaniwalang tanong ko.

"Y-yeah." Napakamot ito sa kanyang batok. Kawawa naman ng dragon na 'to, napag-iwanan ng kabihasnan.

"Sige na nga, ilagay mo na yung lock ng earrings ko, Dee. Pambihira talaga, thirty minutes mo na 'yang ginagawa ngayon mo lang naipasok. Ang sakit pa ng tainga ko."

"Sorry na love," nakangusong wika nito at yumakap sa bewang ko.

"Okay na. Medyo nawala na naman ang sakit, eh."

Totoo namang ang tagal-tagal niyang isuot sa'kin ang hikaw, eh. Tinanggal kasi ito ng mga doktor noong inoperahan daw ako.

Dalawang linggo na ang nakalipas magmula nang lumabas ako ng hospital. At sa araw-araw na 'yon ay hands on sa pag-aalaga sa'kin si Dee kahit pa may trabaho siya.

Dito na rin ako nakatira sa mansyon dahil mag-asawa na raw kami. Balak nga sana ni Dee na lumipat kami sa penthouse niya pero hindi pumayag si grandma dahil wala daw akong makakasama pag nasa trabaho si Dee. Ayaw nilang katulong daw ang mag-aalaga sa'kin.

Ang bait talaga ng pamilya ni Dee. Pakiramdam ko nga baby ako e, kasi ayaw nila akong mapabayaan. Palagi akong niri-remind na uminom ng gamot at vitamins. Kaya nga minsan gusto ko nang umamin na wala talaga akong amnesia , e kaso nauunahan ako ng hiya. Siyempre hindi ko iniinom ang gamot, baka kasi matuluyan akong magka-amnesia.

"What are you thinking?" Tanong nito habang nakalingkis pa rin sa katawan ko.

"Wala naman, Dee. Iniisip ko lang na i-upload sa Facebook at Youtube 'yong video ng sayaw mo no'ng birthday ko. Siguradong magti-trending 'yon. Hehe."

"What the-!"

"Joke lang po! Ayaw ko ngang pagpiyestahan ng ibang babae yang abs mo. Private property ko kaya ang mga 'yan." Napatawa siya nang mahina at tumayo.

"Of course, I'm all yours, my love," malambing na saad niya.

"Talaga lang, ah? Kasi I'm all yours din eh, unfair naman kung hindi ka akin, 'di ba?" Tinaasan ko siya ng kilay ngunit tinawanan lang niya ulit ako.

"Come. I have a surprise for you Mee," anitong nakalahad ang kamay kaya tumayo na rin ako.

Bumaba kami sa sala at doon ay nakita ko si Mama na kausap si mommy Amethyst at daddy Stan. May isa ring nakatalikod sa amin na hindi ko nakikilala.