ﺍﺻﻄﺪﻣﺖ ﻧﺪﻯ ﺑﻜﺘﻒ ﻳﻮﺳﻒ ، ﺍﻋﺘﺬﺭﺕ ﻟﻪ ﺑﺪﻭﻥ ﺃﻥ ﺗﻨﻈﺮ ﺇﻟﻴﻪ ﻷﻧﻬﺎ ﻛﺎﻧﺖ ﻣﺸﻐﻮﻟﺔ ﺑﺎﻟﻨﻈﺮ ﻟﺸﺎﺷﺔ ﻫﺎﺗﻔﻬﺎ ، ﻣﻤﺎ ﺩﻓﻌﻪ ﻟﻠﺘﻌﺠﺐ ﻣﻦ ﺗﺼﺮﻓﻬﺎ ﻭ ...
- ﻳﻮﺳﻒ ﻭﻫﻮ ﻳﺘﺠﻪ ﻟﻠﺪﺍﺧﻞ : ﺍﻭﻭﻑ ، ﺍﻟﺠﻮ ﺣﺮ ﺟﺪﺍﺍﺍﺍ ، ﺃﻧﺎ ﻣﺶ ﻋﺎﺭﻑ ﻣﺶ ﺑﻴﺮﻛﺒﻮﺍ ﺗﻜﻴﻔﺎﺕ ﻟﻴﻪ ﻫﻨﺎ؟
- ﻧﺪﻯ ﻭﻫﻲ ﻣﻤﺴﻜﺔ ﺑﻬﺎﺗﻔﻬﺎ ﻭﺗﺘﺠﻪ ﻟﻠﺨــﺎﺭﺝ : ﺍﻟﺸﺒﻜﺔ ﻭﺣﺸﺔ ﺍﻭﻱ ﻫﻨﺎ !!..
ﻃـــــــــﺎﺍﺍﺍﺥ
- ﻧﺪﻯ ﻭﻫﻲ ﺗﻨﻈﺮ ﻟﻬﺎﺗﻔﻬﺎ : ﺳﻮﺭﻱ
- ﻳﻮﺳﻒ ﺑﺘﻌﺠﺐ : ﻫـــــﻪ !..
ﺗﺴﻤﺮ ﻳﻮﺳﻒ ﻓﻲ ﻣﻜﺎﻧﻪ ﻧﺎﻇﺮﺍً ﻟﻠﻔﺘﺎﺓ ﺍﻟﺘﻲ ﺍﺻﻄﺪﻣﺖ ﺑﻪ ﻭﻫﻲ ﺗﺘﺠﻪ ﻟﻠﺨﺎﺭﺝ ﻭﻛﺄﻧﻪ ﻣﺠﺮﺩ ﺷﻲﺀ ﻧﻜﺮﺓ ﻻ ﻗﻴﻤﺔ ﻟﻪ ﻭ ..
- ﻳﻮﺳﻒ ﻭﻫﻮ ﻳﺘﺎﺑﻌﻬﺎ ﺑﻌﻴﻨﻴﻪ : ﻣﻴﻦ ﺩﻱ؟؟ ﻭﺍﺯﺍﻱ ﺗﺨﺒﻄﻨﻲ ﻛﺪﻩ ﺑﻜﺘﻔﻬﺎ ﻭﻣﺘﺒﺼﻠﻴﺶ ﺣﺘﻰ ﺑﻌﺪﻫﺎ !! ﻭﺑﻌﺪﻳﻦ ﻟﻤﺎ ﺍﻋﺘﺬﺭﺗﻠﻲ ﻣﺎ ﺭﻓﻌﺘﺶ ﺭﺍﺳﻬﺎ ﻭﻻ ﺑﺼﺖ ﻓﻲ ﻭﺷﻲ ، ﻣﻤﻢ .. ﺩﻩ ﺃﻧﺎ ﻛﺄﻧﻲ ﺃﺻﻼً ﻣﺶ ﻣﻮﺟﻮﺩ ﻗﺪﺍﻣﻬﺎ ، ﺣﺎﺟﺔ ﻏﺮﻳﺒﺔ ﻓﻌﻼً !
- ﻣﺮﻭﺍﻥ ﻣﻦ ﺑﻌﻴﺪ : ﺍﻳﻪ ﻳﺎ ﻋﻢ ﺟﻮﻭﻭ ، ﻛﻞ ﺩﻩ ﺑﺘﺠﻴﺐ ﺣﺎﺟﺔ ﺳﺎﻗﻌﺔ ، ﺩﻩ ﺍﻟﻤﺤﻞ ﻗﺼﺎﺩ ﺍﻟﻜﻠﻴﺔ
- ﻳﻮﺳﻒ : ﻫﻪ .. ﺑﺘﻘﻮﻝ ﺣﺎﺟﺔ
- ﻣﺮﻭﺍﻥ : ﺩﻩ ﺍﻧﺖ ﻣﺶ ﻣﻌﺎﻳﺎ ﺧﺎﻟﺺ
- ﻳﻮﺳﻒ ﻭﻫﻮ ﻣﺴﺘﻤﺮ ﻓﻲ ﺍﻟﻨﻈﺮ ﺃﻣﺎﻣﻪ : ﺃﻫﺎ
- ﻣﺮﻭﺍﻥ : ﺍﻧﺖ ﺑﺘﺒﺺ ﻋﻠﻰ ﻣﻴﻦ ﻛﺪﻩ ؟؟
- ﻳﻮﺳﻒ : ﺃﺻﻞ ﻓﻲ ﺑﺖ ﻛﺪﻩ ﺧﺒﻄﺘﻨﻲ ﻭﺁﺁﺁ ...
- ﻣﺮﻭﺍﻥ : ﺑﺖ ﻓﻴﻦ ﻳﺎ ﻋﻢ ، ﺩﻩ ﻣﺎﻓﻴﺶ ﻓﻲ ﺍﻟﻄﺮﻗﺔ ﺩﻱ ﺇﻻ ﺍﻧﺎ ﻭﺍﻧﺖ
- ﻳﻮﺳﻒ ﻭﻫﻮ ﻳﺘﺠﻪ ﻟﺨﺎﺭﺝ ﺍﻟﻜﻠﻴﺔ : ﻷ ﻛﺎﻥ ﻓﻲ ﺑﻨﺖ ﻫﻨﺎ ﻛﺪﻩ ﻭﺁﺁﺁ ... ﺍﺳﺘﻨﻰ ﺃﻧﺎ ﻫﺎﻃﻠﻊ ﺃﺷﻮﻓﻬﺎ ﺑﺮﺍ
- ﻣﺮﻭﺍﻥ ﻭﻫﻮ ﻳﺤﺎﻭﻝ ﺍﻟﻠﺤﺎﻕ ﺑﻪ : ﻳﺎ ﻋﻢ ﻳﻮﺳﻒ ﺍﺳﺘﻨﻰ ، ﻫﺎﺗﺸﻮﻑ ﻣﻴﻦ ﺑﺲ ، ﻣﺎﺗﻔﻬﻤﻨﻲ !.
ﺗﻮﺟﻪ ﻳﻮﺳﻒ ﺧﺎﺭﺝ ﺍﻟﻜﻠﻴﺔ ﻭﻫﻮ ﻳﺒﺤﺚ ﺑﻌﻴﻨﻴﻪ ﻋﻦ ﺗﻠﻚ ﺍﻟﻔﺘﺎﺓ ﺍﻟﺘﻲ ﺻﺪﻣﺘﻪ ، ﻭﻟﻜﻨﻪ ﻟﻢ ﻳﺠﺪﻫﺎ ﻭ ...
- ﻣﺮﻭﺍﻥ : ﺍﻧﺖ ﻳﺎ ﺑﻨﻲ ، ﻣﺎﺗﻘﻮﻟﻲ ﺑﺘﻌﻤﻞ ﺍﻳﻪ ؟؟
- ﻳﻮﺳﻒ : ﻣﺶ ﻻﻗﻴﻬﺎ
- ﻣﺮﻭﺍﻥ : ﻫﻲ ﺍﻳﻪ ﺩﻱ ؟؟
- ﻳﻮﺳﻒ : ﺍﻟﺒﺖ ﺍﻳﺎﻫﺎ
- ﻣﺮﻭﺍﻥ : ﻣﺎﻓﻴﺶ ﻳﺎ ﻋﻢ ﺃﻱ ﺑﻨﺎﺕ ، ﺗﻌﺎﻟﻰ ﺑﺲ ﺟﻮﺍ ﻷﺣﺴﻦ ﺍﻟﻈﺎﻫﺮ ﺍﻥ ﻭﻗﻔﺘﻚ ﻓﻲ ﺍﻟﺸﻤﺲ ﺃﺛﺮﺕ ﻋﻠﻰ ﺩﻣﺎﻏﻚ
- ﻳﻮﺳﻒ ﺑﻀﻴﻖ : ﻷ ﺍﻧﺎ ﻭﺍﺛﻖ ﻡ ﺍﻟﻠﻲ ﺑﻘﻮﻟﻬﻮﻟﻚ ، ﻫﻲ ﻛﺎﻧﺖ ﺧﺎﺭﺟﺔ ﻣﻦ ﺍﻟﻜﻠﻴﺔ ﻭﺃﻧﺎ ﺩﺍﺧﻞ ﻭﺧﺒﻄﺖ ﻓﻴﺎ ﻭﺳﺎﺑﺘﻨﻲ ﻭﻣﺸﺖ ﻣﻦ ﻏﻴﺮ ﺣﺘﻰ ﻣﺎ ﺗﺒﺼﻠﻲ
- ﻣﺮﻭﺍﻥ : ﻃﻴﺐ ﻣﺎﺷﻲ ، ﺗﻌﺎﻟﻰ ﺑﻘﻰ ﺟﻮﺍ
- ﻳﻮﺳﻒ : ﺍﻧﺖ ﺑﺘﺎﺧﺪﻧﻲ ﻉ ﺃﺩ ﻋﻘﻠﻲ
- ﻣﺮﻭﺍﻥ : ﻫﻮ ﺍﻧﺖ ﻋﻴﻞ ﺃﻧﺎ ﺑﻀﺤﻚ ﻋﻠﻴﻪ ﺑﻜﻠﻤﺘﻴﻦ
- ﻳﻮﺳﻒ : ﻣﺎﺗﺸﻮﻑ ﻃﺮﻳﻘﺘﻚ
- ﻣﺮﻭﺍﻥ : ﻃﻴﺐ ﻣﺶ ﺍﻧﺖ ﻗﻮﻟﺖ ﺍﻧﻬﺎ ﻛﺎﻧﺖ ﺧﺎﺭﺟﺔ ﻣﻦ ﺍﻟﻜﻠﻴﺔ ﻭﺧﺒﻄﺖ ﻓﻴﻚ
- ﻳﻮﺳﻒ : ﺍﻩ
- ﻣﺮﻭﺍﻥ : ﺑﺴﻴﻄﺔ ، ﻳﺒﻘﻰ ﺃﻛﻴﺪ ﺍﻟﺒﺖ ﺩﻱ ﻓﻲ ﺍﻟﻜﻠﻴﺔ ﻣﻌﺎﻧﺎ
- ﻳﻮﺳﻒ : ﺃﻫﺎ
- ﻣﺮﻭﺍﻥ : ﻳﺒﻘﻰ ﻳﺎﺑﻮﺍﻟﻌﺮﻳﻒ ﻫﻨﺸﻮﻓﻬﺎ ﺃﻛﻴﻴﻴﻴﺪ ﺗﺎﻧﻲ
- ﻳﻮﺳﻒ : ﺻﺢ
- ﻣﺮﻭﺍﻥ : ﺗﻌﺎﻟﻰ ﺑﻘﻰ ﻧﺸﻮﻑ ﺍﻟﻤﺰﺯ ﺍﻟﺠﺪﺍﺩ ﻋﺎﻣﻠﻴﻦ ﺍﻳﻪ
- ﻳﻮﺳﻒ : ﻣﺎﺷﻲ ..
- ﻣﺮﻭﺍﻥ : ﻓﺎﺗﻚ ﺑﻘﻰ ﺣﺎﺟﺔ ﺇﻧﻤﺎ ﺍﻳﻴﻴﻴﻴﻴﻴﻴﻴﻴﻪ .. ﺍﻳﻴﻴﻴﻴﻴﻪ
- ﻳﻮﺳﻒ : ﻃﺐ ﻭﺭﻳﻬﺎﻧﻲ
- ﻣﺮﻭﺍﻥ : ﺗﻌﺎﻟﻰ ، ﻫﺘﻼﻗﻴﻬﺎ ﻣﻊ ﺍﻟﻮﺍﺩ ﻣﺎﺟﺪ ﺑﻴﻈﺒﻄﻬﺎ ﻓﻲ ﺍﻷﺳﺮﺓ ﺑﺘﺎﻋﺘﻪ
- ﻳﻮﺳﻒ : ﻣﺎﺟﺪ ﺩﻩ ﻣﺶ ﻋﺎﺗﻖ
- ﻣﺮﻭﺍﻥ : ﺃﻝ ﻳﻌﻨﻲ ﺍﻧﺖ ﺍﻟﻠﻲ ﺳﺎﻳﺐ ﺣﺪ
- ﻳﻮﺳﻒ : ﺍﺣﻢ .. ﺩﻩ ﺍﻧﺎ ﻛﺸﻜﻮﻝ ﺍﻟﻤﺤﺎﺿﺮﺍﺕ ﺍﺗﻤﻠﻰ ﻣﻦ ﻛﺘﺮ ﺃﺳﺎﻣﻲ ﺍﻟﺒﻨﺎﺕ ﺍﻟﻠﻲ ﻣﺘﺴﺠﻠﺔ ﻓﻴﻪ
- ﻣﺮﻭﺍﻥ : ﻫﻮ ﻛﺸﻜﻮﻝ ﻭﺍﺣﺪ ﺑﺲ ، ﻗﻮﻝ ﻛﺸﺎﻛﻴﻞ ﻛﺘﻴﺮ
.................................
ﻓﻲ ﻣﺪﺭﺳﺔ ﻧﻴﺮﺓ ،،،،
ﻛﺎﻧﺖ ﻧﻴﺮﺓ ﺗﺸﻌﺮ ﺑﺎﻟﻀﻴﻖ ﻟﺘﻮﺍﺟﺪﻫﺎ ﻓﻲ ﺗﻠﻚ ﺍﻟﻤﺪﺭﺳﺔ ﻭﺍﻟﺘﻲ ﻣﻦ ﻭﺟﻬﺔ ﻧﻈﺮﻫﺎ ﻻ ﺗﻠﻴﻖ ﺑﻤﺴﺘﻮﺍﻫﺎ ، ﻛﺎﻧﺖ ﺗﻨﻈﺮ ﻟﺰﻣﻴﻼﺗﻬﺎ ﺑﺘﻌﺎﻟﻲ ﻣﻤﺎ ﺩﻓﻌﻬﻦ ﻟﻠﺘﻬﺎﻣﺲ ﻭﺍﻟﺤﺪﻳﺚ ﻋﻨﻬﺎ ﻭ ...
- ﻓﺘﺎﺓ ﻣﺎ : ﺷﺎﻳﻔﺔ ﺍﻟﺒﺖ ﺩﻱ ﺑﺘﺒﺼﻠﻨﺎ
- ﻓﺘﺎﺓ ﺍﺧﺮﻯ : ﺑﺎﻳﻦ ﻋﻠﻴﻬﺎ ﻭﺍﺧﺪﺓ ﻓﻲ ﻧﻔﺴﻬﺎ ﻣﻘﻠﺐ ﻛﺒﻴﺮ
- ﻓﺘﺎﺓ ﻣﺎ : ﺩﻩ ﺃﻧﺎ ﻣﻤﻜﻦ ﺃﻗﻮﻡ ﺃﻋﺮﻓﻬﺎ ﻗﻴﻤﺘﻬﺎ ﺍﻟﻮﻗﺘﻲ
- ﻓﺘﺎﺓ ﺍﺧﺮﻯ : ﺳﻴﺒﻚ ﻣﻨﻬﺎ ، ﺩﻱ ﻣﺎﺗﺠﻴﺶ ﺟﻤﺒﻚ ﺣﺎﺟﺔ
ﻛﺎﻧﺖ ﻫﻨﺎﻙ ﻓﺘﺎﺓ ﺗﺠﻠﺲ ﺑﺎﻟﻘﺮﺏ ﻣﻨﻬﻤﺎ ﻭﺗﺴﺘﻤﻊ ﺇﻟﻰ ﻣﺎ ﺗﻘﻮﻻﻥ ﻣﻤﺎ ﺩﻓﻌﻬﺎ ﻟﻠﻨﻬﻮﺽ ﻭﺍﻟﺘﻮﺟﻪ ﺇﻟﻰ ﻧﻴﺮﺓ
- ﻧﺴﻤﺔ : ﺻﺒﺎﺡ ﺍﻟﺨﻴﺮ ﻋﻠﻴﻜﻲ
- ﻧﻴﺮﺓ ﻭﻫﻲ ﺗﺘﻔﺤﺼﻬﺎ : ﻫﻪ
- ﻧﺴﻤﺔ : ﺃﻧﺎ ﻧﺴﻤﺔ ، ﺑﺼﻲ ﺍﻟﺒﻨﺘﻴﻦ ﺍﻟﻠﻲ ﻫﻨﺎﻙ ﺩﻭﻝ ﻋﻤﺎﻟﻴﻦ ﻳﺘﻜﻠﻤﻮﺍ ﻋﻠﻴﻜﻲ
- ﻧﻴﺮﺓ ﺑﻀﻴﻖ : ﺍﻳﻴﻴﻪ ؟؟
- ﻧﺴﻤﺔ : ﺍﻗﻌﺪﻱ ﺑﺲ ، ﺍﻟﺒﻨﺘﻴﻦ ﺩﻭﻝ ﻣﻌﺮﻭﻑ ﻋﻨﻬﻢ ﺍﻧﻬﻢ ﻣﺸﺎﻏﺒﻴﻦ ﻭﻣﻤﻜﻦ ﻳﺤﻄﻮﻛﻲ ﻓﻲ ﺩﻣﺎﻏﻬﻢ ، ﻓﺄﺣﺴﻨﻠﻚ ﻣﺎﺗﺒﺼﻴﺶ ﻋﻠﻴﻬﻢ
- ﻧﻴﺮﺓ : ﻷ ﻫﻤﺎ ﻣﺎﻳﻌﺮﻓﻮﺵ ﺃﻧﺎ ﺃﺑﻘﻰ ﻣﻴﻦ
- ﻧﺴﻤﺔ : ﻃﺐ ﻣﺎ ﺃﻧﺎ ﻛﻤﺎﻥ ﻣﻌﺮﻓﺶ ﺍﻧﺘﻲ ﻣﻴﻦ ، ﻣﻤﻜﻦ ﺗﻘﻮﻟﻴﻠﻲ ﺑﻘﻰ ﺍﺳﻤﻚ
- ﻧﻴﺮﺓ : ﺃﻧﺎ ﻧﻴﺮﺓ
- ﻧﺴﻤﺔ : ﺍﻟﻠﻪ ! ﺍﺳﻤﻚ ﺣﻠﻮ ﺃﻭﻱ ، ﺍﻧﺘﻲ ﻣﻦ ﻫﻨﺎ ؟؟
- ﻧﻴﺮﺓ : ﻷ ﻃﺒﻌﺎً ، ﺃﻧﺎ ﻛﻨﺖ ﻋﺎﻳﺸﺔ ﻓﻲ ﺍﻟﺴﻌﻮﺩﻳﺔ
- ﻧﺴﻤﺔ : ﻛﻤﺎﻥ ، ﻣﺎﺷﺎﺀ ﺍﻟﻠﻪ ، ﻃﺐ ﻭﺍﻳﻪ ﺍﻟﻠﻲ ﺭﺟﻌﻚ ﻫﻨﺎ
- ﻧﻴﺮﺓ : ﺁﺁﺁ ... ﺑﺎﺑﻲ ﺷﻐﻠﻪ ﺍﺗﻨﻘﻞ ﻫﻨﺎ
- ﻧﺴﻤﺔ : ﺑﺎﺑﻲ !! ﻣﻤﻤﻢ ... ﻃﺐ ﻭﻫﻮ ﺑﻴﺸﺘﻐﻞ ﺍﻳﻪ ؟؟
- ﻧﻴﺮﺓ : ﻫﻪ ..
ﻭﻫﻨﺎ ﺩﻟﻔﺖ ﺍﻟﻤﻌﻠﻤﺔ ﺇﻟﻰ ﺩﺍﺧﻞ ﺍﻟﻔﺼﻞ ﻭ ...
- ﺍﻟﻤﻌﻠﻤﺔ : ﻳﺎﻻ ﻛﻞ ﻭﺍﺣﺪﺓ ﺗﻘﻌﺪ ﻓﻲ ﻣﻜﺎﻧﻬﺎ ، ﻭﻃﻠﻌﻮﺍ ﺍﻟﻜﺘﺐ ﺑﺘﺎﻋﺘﻜﻢ
- ﻧﺴﻤﺔ ﻫﺎﻣﺴﺔ : ﻫﻨﺒﻘﻰ ﻧﺘﻜﻠﻢ ﺑﻌﺪﻳﻦ
- ﻧﻴﺮﺓ : ﺍﻭﻙ
- ﻧﻴﺮﺓ ﻓﻲ ﻧﻔﺴﻬﺎ : ﺍﻟﺤﻤﺪﻟﻠﻪ ﺍﻥ ﺍﻟﻤﺲ ﺩﺧﻠﺖ ﻭﺇﻻ ﻛﻨﺖ ﻫﺎﺿﻄﺮ ﺃﻛﺪﺏ ﻉ ﺍﻟﺒﺖ ﺩﻱ ﻭﺍﺗﺮﺳﻢ ﻋﻠﻴﻬﺎ ، ﺑﺲ ﻣﺶ ﻻﺯﻡ ﺍﻋﺮﻑ ﺃﻱ ﺣﺪ ﺣﺎﺟﺔ ﻋﻨﻲ ، ﻻﺯﻡ ﺃﺑﻘﻰ ﺑﺎﻟﻨﺴﺒﺎﻟﻬﻢ ﺣﺎﺟﺔ ﻻﺭﺝ ﻣﺴﺘﻮﻯ ﻋﺎﻟﻲ ﺧﺎﻟﺺ
......................
ﻓﻲ ﺍﻟﻜﻠﻴﺔ ،،،،،
ﻇﻞ ﻳﻮﺳﻒ ﺻﺎﻣﺘﺎً ﻟﺒﻌﺾ ﺍﻟﻮﻗﺖ ، ﺑﻴﻨﻤﺎ ﻛﺎﻥ ﻣﺮﻭﺍﻥ ﻳﻨﺘﻘﻞ ﺑﻴﻦ ﺍﻟﻔﺘﻴﺎﺕ ﺍﻟﺠﺪﻳﺪﺍﺕ ﻭﻳﺘﻌﺮﻑ ﺇﻟﻴﻬﻦ ، ﺛﻢ ﻟﻤﺢ ﻳﻮﺳﻒ ﺍﻟﺠﺎﻟﺲ ﻓﻲ ﻣﻜﺎﻧﻪ ﻭﺗﻮﺟﻪ ﺇﻟﻴﻪ ﻭ ...
- ﻣﺮﻭﺍﻥ : ﺍﻧﺖ ﻟﺴﻪ ﺑﺮﺿﻮﻩ ﺑﺘﻔﻜﺮ ﻓﻲ ﺍﻟﺒﺖ ﺍﻟﻠﻲ ﻃﻠﻌﺘﻠﻚ ﺩﻱ
- ﻳﻮﺳﻒ : ﻫﻪ .. ﻷ
- ﻣﺮﻭﺍﻥ : ﺍﻭﻣﺎﻝ ﻗﺎﻋﺪ ﺯﻱ ﺧﺒﻴﺘﻬﺎ ﻛﺪﻩ ﻟﻴﻪ
- ﻳﻮﺳﻒ : ﺧﺒﻴﺘﻬﺎ !!
- ﻣﺮﻭﺍﻥ ﻭﻫﻮ ﻳﺼﻔﺮ : ﺍﻳﻮﻩ ، ﻳﺎ ﻋﻢ ﺍﻧﺖ ﻓﺎﻳﺘﻚ ﺣﺒﺔ ﺣﺘﺖ ﺟﺪﻳﺪﺓ ﺇﻧﻤﺎ ﺍﻳﻴﻴﻴﻪ ﻓﻮﻭﻭ
- ﻳﻮﺳﻒ : ﻃﺐ ﺗﻌﺎﻟﻰ ﻭﺭﻳﻨﻲ ﺍﻟﺤﺘﺖ ﺩﻱ
........................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻭﺻﻠﺖ ﻧﺪﻯ ﺇﻟﻰ ﻣﻨﺰﻟﻬﺎ ، ﻭﻭﺟﺪﺕ ﻭﺍﻟﺪﺗﻬﺎ ﻓﻲ ﺍﻟﻤﻄﺒﺦ ﺗﻌﺪ ﻟﻬﻢ ﺍﻟﻄﻌﺎﻡ ﻭ ..
- ﻧﺪﻯ ﻭﻫﻲ ﺗﻔﺘﺢ ﺍﻟﺒﺎﺏ : ﻣﺎﻣﺎ !!
- ﺯﻳﻨﺐ ﻣﻦ ﺩﺍﺧﻞ ﺍﻟﻤﻄﺒﺦ : ﺗﻌﺎﻟﻲ ﻳﺎ ﻧﺪﻯ ، ﺃﻧﺎ ﻓﻲ ﺍﻟﻤﻄﺒﺦ
- ﻧﺪﻯ : ﺣﺎﺿﺮ
- ﺯﻳﻨﺐ : ﻭﺍﻗﻠﻌﻲ ﺍﻟﺠﺰﻣﺔ ﺑﺮﺍ ﻳﺎ ﺣﺒﻴﺒﺘﻲ ﻋﺸﺎﻥ ﻟﺴﻪ ﻣﺎﺳﺤﺔ ﺍﻷﺭﺽ
- ﻧﺪﻯ : ﺃﻧﺎ ﺧﻼﺹ ﻗﻠﻌﺘﻬﺎ
ﺩﻟﻔﺖ ﻧﺪﻯ ﺇﻟﻰ ﺩﺍﺧﻞ ﺍﻟﻤﻄﺒﺦ ﻟﺘﺘﺤﺪﺙ ﻣﻊ ﻭﺍﻟﺪﺗﻬﺎ ﻭ ...
- ﻧﺪﻯ : ﻣﻌﻠﺶ ﻳﺎ ﻣﺎﻣﺎ ﺍﻟﻤﻮﺑﺎﻳﻞ ﻋﻠﻖ ﻭﺃﻧﺎ ﺑﻜﻠﻤﻚ
- ﺯﻳﻨﺐ : ﺃﻧﺎ ﻗﻮﻟﺖ ﻣﻮﺑﺎﻳﻠﻲ ﺃﻧﺎ ﺍﻟﻠﻲ ﺑﺎﻅ
- ﻧﺪﻯ : ﻣﺶ ﻋﺎﺭﻓﺔ ﻭﺍﻟﻠﻪ ﻳﺎ ﻣﺎﻣﺎ ، ﻓﺠﺄﺓ ﻭﺍﻧﺎ ﺑﻜﻠﻤﻚ ﻋﻠﻖ ﺍﻟﺨﻂ ﻭﻣﺎﺳﻤﻌﺘﺶ ﺣﺎﺟﺔ ﻭﺑﻌﺪ ﻛﺪﻩ ﻣﺤﻄﺘﺶ ﻣﻨﻄﻖ
- ﺯﻳﻨﺐ : ﺃﻣﺎ ﻳﺠﻲ ﺃﺑﻮﻛﻲ ﺧﻠﻴﻪ ﻳﺸﻮﻓﻪ ، ﻳﻤﻜﻦ ﻣﺤﺘﺎﺝ ﻳﺘﺼﻠﺢ
- ﻧﺪﻯ : ﺑﺼﻲ ﺃﻧﺎ ﻓﺼﻠﺘﻪ ﺧﺎﻟﺺ ، ﻫﺎﻓﺘﺤﻪ ﻭﺃﻟﻤﻊ ﺍﻟﺒﻄﺎﺭﻳﺔ ﻭﺃﺭﺟﻊ ﺍﺣﻄﻬﺎ ﺗﺎﻧﻲ ﻳﻤﻜﻦ ﻳﺸﺘﻐﻞ ، ﻭﺳﺎﻋﺘﻬﺎ ﻣﺎﻳﺒﻘﺎﺵ ﻓﻲ ﺩﺍﻋﻲ ﺍﻧﻨﺎ ﻧﻘﻮﻝ ﻟﺒﺎﺑﺎ
- ﺯﻳﻨﺐ : ﻭﻣﺎﻟﻪ ﻳﺎ ﺑﻨﺘﻲ ، ﺍﻟﻠﻲ ﻳﺮﻳﺤﻚ
- ﻧﺪﻯ : ﺍﻭﻙ
- ﺯﻳﻨﺐ : ﺧﺸﻲ ﻏﻴﺮﻱ ﻫﺪﻭﻣﻚ ﻭﺭﻳﺤﻲ ﺷﻮﻳﺔ ﻟﺤﺪ ﻣﺎﻳﺠﻲ ﻣﻴﻌﺎﺩ ﻣﺮﻭﺍﺡ ﺍﺧﺘﻚ ﻓﺎﻃﻴﻤﺎ ﻭﺗﻨﺰﻟﻲ ﺗﺠﺒﻴﻬﺎ
- ﻧﺪﻯ : ﺣﺎﺿﺮ ﻳﺎ ﻣﺎﻣﺎ
- ﺯﻳﻨﺐ : ﻫﻮ ﺍﻟﻨﻬﺎﺭﺩﺓ ﺑﺲ ، ﻭﺃﻣﺎ ﻳﺠﻲ ﺃﺑﻮﻛﻲ ﺧﻠﻴﻪ ﻳﻈﺒﻂ ﻣﻊ ﺃﺑﻮﻧﻴﻪ ﻭﻻ ﺣﺎﺟﺔ ﻳﺒﻘﻰ ﻳﻮﺩﻳﻬﺎ ﻭﻳﺠﻴﺒﻬﺎ
- ﻧﺪﻯ : ﺍﻭﻙ ، ﻣﺎﻓﻴﺶ ﻣﺸﻜﻠﺔ ﻳﺎ ﻣﺎﻣﺎ ، ﻭﺑﻌﺪﻳﻦ ﺩﻩ ﺍﻟﻤﺪﺭﺳﺔ ﻣﺶ ﺑﻌﻴﺪﺓ ﺃﺻﻼً
- ﺯﻳﻨﺐ : ﺑﺮﺿﻮﻩ ، ﺍﻟﺤﺮﺹ ﻭﺍﺟﺐ
- ﻧﺪﻯ : ﺃﻫﺎ
...........................
ﻓﻲ ﻣﻜﺘﺐ ﺻﻼﺡ ﺍﻟﺪﺳﻮﻗﻲ ﻟﻠﻤﻘﺎﻭﻻﺕ ،،،،
ﺩﻟﻒ ﻋﻠﻲ ﺇﻟﻰ ﺍﻟﻤﻜﺘﺐ ﻭﻫﻮ ﻳﺤﻤﻞ ﺃﺧﺒﺎﺭﺍً ﻋﻦ ﺷﻐﻞ ﺟﺪﻳﺪ ﻭ ..
- ﻋﻠﻲ : ﺻﻼﺡ ، ﻳﺎ ﺑﻮﺻﻼﺡ
- ﺻﻼﺡ : ﺍﻳﻮﻩ ﻳﺎ ﻋﻠﻲ ، ﻓﻲ ﺍﻳﻪ ؟
- ﻋﻠﻲ : ﺟﺎﻳﺒﻠﻚ ﺣﺎﺟﺔ ﺍﺧﺒﺎﺭ ﺍﻧﻤﺎ ﺍﻳﻴﻴﻪ ﻫﺘﺒﺴﻄﻚ ﺍﻭﻱ
- ﺻﻼﺡ : ﺍﺧﺒﺎﺭ ﺍﻳﻪ ؟؟
- ﻋﻠﻲ : ﺑﺺ ﻳﺎ ﺳﻴﺪﻱ ﻓﻲ ﺷﺮﻛﺔ ﻣﻦ ﺍﻟﻜﺒﺎﺭ ﺃﻭﻱ ﻫﺘﻌﻤﻞ ﻓﺮﻉ ﺗﺎﻧﻲ ﻟﻴﻬﺎ ﻭﻋﺎﻭﺯﻳﻦ ﺣﺪ ﻳﻤﺴﻚ ﺍﻟﻤﻘﺎﻭﻟﺔ ﺩﻱ
- ﺻﻼﺡ : ﺃﻫﺎ ، ﻭﺑﻌﺪﻳﻦ
- ﻋﻠﻲ : ﺍﺧﻮﻙ ﺑﻘﻰ ﻟﻤﺎ ﺳﻤﻊ ﺑﺎﻟﺤﻜﺎﻳﺔ ﺩﻱ ، ﺭﺍﺡ ﻟﻮﺍﺣﺪ ﺣﺎﺑﺒﻨﺎ ﺷﻐﺎﻝ ﻫﻨﺎﻙ ﻭﻛﻠﻤﻪ ﻳﺤﻂ ﺍﺳﻤﻨﺎ ﺿﻤﻦ ﺍﻟﻨﺎﺱ ﺍﻟﻤﺮﺷﺤﻴﻦ ﻟﺪﻩ
- ﺻﻼﺡ : ﻣﻤﻤﻢ ..
- ﻋﻠﻲ : ﻭﺑﺎﺫﻥ ﺍﻟﻠﻪ ﻫﻨﺘﻮﻟﻰ ﺍﻟﻤﻘﺎﻭﻟﺔ ﺩﻱ
- ﺻﻼﺡ : ﻳﻌﻨﻲ ﻟﺴﻪ ﻣﺶ ﺃﻛﻴﺪ
- ﻋﻠﻲ : ﻳﻌﻨﻲ ، ﺑﺲ ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻣﻦ ﻧﺼﻴﺒﻨﺎ
- ﺻﻼﺡ : ﺭﺑﻨﺎ ﻋﻠﺒﻪ ﺟﺒﺮ ﺍﻟﺨﻮﺍﻃﺮ
............................
ﻓﻲ ﺷﺮﻛﺔ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،،،
ﻛﺎﻧﺖ ﺍﻟﺴﻜﺮﺗﻴﺮﺓ ﺗﻌﺮﺽ ﻋﻠﻰ ﻓﻬﻤﻲ ﺍﻟﻨﻘﻴﺐ ﻣﻠﻔﺎً ﺧﺎﺻﺎً ﺑﺄﺳﻤﺎﺀ ﻟﻤﻜﺎﺗﺐ ﺑﻌﺾ ﻣﻦ ﺍﻟﻤﻘﺎﻭﻟﻴﻦ ﻭ ...
- ﺍﻟﺴﻜﺮﺗﻴﺮﺓ : ﺩﻭﻝ ﻳﺎ ﻓﻨﺪﻡ ﺃﺳﻤﺎﺀ ﺑﻤﻜﺎﺗﺐ ﺍﻟﻤﻘﺎﻭﻻﺕ ﺍﻟﻠﻲ ﺣﻀﺮﺗﻚ ﻃﻠﺒﺘﻬﺎ
- ﻓﻬﻤﻲ : ﺃﻫﺎ
- ﺍﻟﺴﻜﺮﺗﻴﺮﺓ : ﻭﻓﻲ ﺍﺳﻤﺎﺀ ﻟﻤﻜﺎﺗﺐ ﻣﻘﻮﻻﺕ ﺟﺪﻳﺪﺓ
- ﻓﻬﻤﻲ : ﻛﻢ ﺍﺳﻢ ﻋﻨﺪﻙ ؟
- ﺍﻟﺴﻜﺮﺗﻴﺮﺓ : ﻣﻤﻢ .. 3 ﻳﺎ ﻓﻨﺪﻡ
- ﻓﻬﻤﻲ : ﻃﻴﺐ ﻫﺎﺗﻠﻲ ﻣﻌﻠﻮﻣﺎﺕ ﻋﻨﻬﻢ ، ﻭﻧﺸﻮﻑ ﻳﻤﻜﻦ ﻳﻄﻠﻌﻮﺍ ﺃﺣﺴﻦ ﻣﻦ ﺍﻟﻠﻲ ﻛﻨﺎ ﺑﻨﺘﻌﺎﻣﻞ ﻣﻌﺎﻫﻢ ﻗﺒﻞ ﻛﺪﻩ
- ﺍﻟﺴﻜﺮﺗﻴﺮﺓ : ﺣﺎﺿﺮ ﻳﺎ ﻓﻬﻤﻲ ﺑﻴﻪ
- ﻓﻬﻤﻲ : ﻋﺎﻭﺯ ﺍﻟﻤﻌﻠﻮﻣﺎﺕ ﺗﻜﻮﻥ ﻋﻨﺪﻱ ﻛﻤﺎﻥ ﺳﺎﻋﺔ ﺑﺎﻟﻜﺘﻴﺮ
- ﺍﻟﺴﻜﺮﺗﻴﺮﺓ : ﺣﺎﺿﺮ ﻳﺎ ﻓﻨﺪﻡ
- ﻓﻬﻤﻲ : ﺍﺗﻔﻀﻠﻲ ﻉ ﻣﻜﺘﺒﻚ
....................
ﻓﻲ ﻣﺪﺭﺳﺔ ﻧﻴﺮﺓ ،،،،
ﺍﻧﺘﻬﻰ ﺍﻟﻴﻮﻡ ﺍﻟﺪﺭﺍﺳﻲ ، ﻭﻛﺎﻧﺖ ﻧﻴﺮﺓ ﻓﻲ ﻃﺮﻳﻘﻬﺎ ﻟﻠﻤﻨﺰﻝ ﺣﻴﻨﻤﺎ ﺃﻭﻗﻔﺘﻬﺎ ﻧﺴﻤﺔ ﻭ ...
- ﻧﺴﻤﺔ ﺑﺼﻮﺕ ﻣﺮﺗﻔﻊ : ﻧﻴﺮﺓ ، ﻧﻴـــــــــﺮﺓ
- ﻧﻴﺮﺓ ﺑﺼﻮﺕ ﻫﺎﻣﺲ : ﺍﻭﻭﻭﻑ ، ﻭﺍﻧﺎ ﻣﺶ ﻫﺎﺧﻠﺺ ﻣﻦ ﺍﻟﺒﺖ ﺩﻱ ﻭﻻ ﺍﻳﻪ
- ﻧﺴﻤﺔ ﻭﻗﺪ ﻟﺤﻘﺖ ﺑﻬﺎ : ﺍﻳﻪ ﻳﺎ ﻧﻴﺮﺓ ﻣﺶ ﺳﻤﻌﺎﻧﻲ ؟؟
- ﻧﻴﺮﺓ ﺑﺘﻌﺠﺮﻑ : ﺍﻭﻭﻩ ﻣﺨﺪﺗﺶ ﺑﺎﻟﻲ
- ﻧﺴﻤﺔ : ﻣﺶ ﻣﺸﻜﻠﺔ ، ﺍﻟﻤﻬﻢ ﺇﻧﻲ ﻟﺤﻘﺘﻚ
- ﻧﻴﺮﺓ : ﺍﻧﺘﻲ ﻋﺎﻭﺯﺓ ﺣﺎﺟﺔ ﻣﻨﻲ ؟
- ﻧﺴﻤﺔ : ﺑﺼﺮﺍﺣﺔ ﻛﺪﻩ ﻋﺎﻭﺯﺓ ﻧﺒﻘﻰ ﺃﺻﺤﺎﺏ
- ﻧﻴﺮﺓ : ﻭﻫﻮ ﺍﻟﺼﺤﻮﺑﻴﺔ ﺑﺎﻟﻌﺎﻓﻴﺔ ، ﺳﻮﺭﻱ ﻳﻌﻨﻲ ﺃﻧﺎ ﻣﺶ ﺑﺼﺎﺣﺐ ﺃﻱ ﺣﺪ
- ﻧﺴﻤﺔ : ﻣﻤﻤﻢ ... ﺑﺲ ﺃﻧﺎ ﻣﺶ ﺃﻱ ﺣﺪ
- ﻧﻴﺮﺓ ﻭﻫﻲ ﺗﺘﺤﺮﻙ ﻟﻸﻣﺎﻡ : ﺑﻘﻮﻟﻚ ﺍﻳﻪ ، ﺃﻧﺎ ﺗﻌﺒﺎﻧﺔ ﻭﻋﺎﻭﺯﺓ ﺃﺭﻭﺡ ﺍﻟﺒﻴﺖ
- ﻧﺴﻤﺔ ﻭﻫﻲ ﺗﻤﺴﻜﻬﺎ ﻣﻦ ﺫﺭﺍﻋﻬﺎ : ﻃﺐ ﺍﺳﺘﻨﻲ ﺑﺲ
- ﻧﻴﺮﺓ : ﺍﻳﻪ ﺗﺎﻧﻲ ؟
- ﻧﺴﻤﺔ : ﺑﺼﻲ ﻫﺎﺗﻠﻲ ﺭﻗﻤﻚ ﻭﺧﻠﻴﻨﺎ ﻧﺘﻜﻠﻢ
- ﻧﻴﺮﺓ : ﻣﺶ ﺑﺪﻱ ﺭﻗﻤﻲ ﻟﺤﺪ
ﺃﺧﺮﺟﺖ ﻧﺴﻤﺔ ﻫﺎﺗﻔﻬﺎ ﺍﻟﻤﺤﻤﻮﻝ ﻭﻛﺎﻥ ﻣﻦ ﺃﺣﺪﺙ ﺍﻟﻤﻮﺩﻳﻼﺕ ﺍﻟﻤﻮﺟﻮﺩﺓ ﺑﺎﻟﺴﻮﻕ ﻣﻤﺎ ﻟﻔﺖ ﻧﻈﺮ ﻧﻴﺮﺓ ، ﻭﻻﺣﻈﺖ ﻧﺴﻤﺔ ﻫﺬﺍ ﻭ ...
- ﻧﺴﻤﺔ : ﻋﺠﺒﻚ ﺍﻟﻤﻮﺑﺎﻳﻞ ؟
- ﻧﻴﺮﺓ : ﻫﻪ .. ﺁﺁﺁ ...
- ﻧﺴﻤﺔ : ﺩﻩ ﺍﻧﺎ ﻟﺴﻪ ﺟﺎﻳﺒﺎﻩ ﻣﻦ ﻛﺎﻡ ﻳﻮﻡ
- ﻧﻴﺮﺓ : ﺑﺠﺪ
- ﻧﺴﻤﺔ : ﺍﻫﺎ ، ﺧﺪﻱ ﺭﻗﻤﻲ ﻭﺭﻧﻲ ﻋﻠﻴﺎ
- ﻧﻴﺮﺓ : ﺁﺁﺁ ... ﺍﺻﻠﻲ ﻣﻌﻴﻴﺶ ﺭﺻﻴﺪ
- ﻧﺴﻤﺔ : ﻭﻻ ﻳﻬﻤﻚ ، ﺍﻧﺎ ﻣﻌﺎﻳﺎ ، ﻫﺎﺗﻲ ﺭﻗﻤﻚ ﻭﺃﻧﺎ ﻫﺮﻥ ﻋﻠﻴﻜﻲ
- ﻧﻴﺮﺓ : ﺍﻭﻙ .. ﺭﻗﻤﻲ ﻫﻮ ********
- ﻧﺴﻤﺔ ﺑﺜﻘﺔ : ﺍﻧﺎ ﻭﺍﺛﻘﺔ ﺍﻧﻨﺎ ﻫﻨﻜﻮﻥ ﺃﺻﺤﺎﺏ ﺃﻭﻱ
- ﻧﻴﺮﺓ : ﺍﻫﺎ
ﺭﻥ ﻫﺎﺗﻒ ﻧﺴﻤﺔ ﻓﺎﺳﺘﺌﺬﻧﺖ ﻣﻦ ﻧﻴﺮﺓ ﻟﻜﻲ ﺗﺠﻴﺒﻪ ﻭ ...
- ﻧﺴﻤﺔ : ﺛﺎﻧﻴﺔ ﺑﺲ ﻫﺎﺭﺩ ﻉ ﺍﻟﻤﻜﺎﻟﻤﺔ ﺩﻱ
- ﻧﻴﺮﺓ : ﺍﻭﻙ
- ﻧﺴﻤﺔ : ﺍﻭﻋﻲ ﺗﻤﺸﻲ
- ﻧﻴﺮﺓ : ﻃﻴﺐ
- ﻧﺴﻤﺔ ﻫﺎﺗﻔﻴﺎ ﻭﻫﻲ ﺗﺒﺘﻌﺪ ﻗﻠﻴﻼً ﻋﻦ ﻧﻴﺮﺓ : ﺃﻟﻮﻭﻭﻭ .. ﺍﻳﻮﻩ
- ﺍﻟﻤﺘﺼﻞ ......................... :
- ﻧﺴﻤﺔ : ﺃﻧﺎ ﻟﺴﻪ ﺧﺎﺭﺟﺔ ﺍﻫﻮﻭ ﻣﻦ ﺍﻟﻤﺪﺭﺳﺔ ، ﺍﻧﺖ ﺑﻘﻰ ﺍﻟﻠﻲ ﻓﻴﻦ ؟؟
- ﺍﻟﻤﺘﺼﻞ ............................ :
- ﻧﺴﻤﺔ ﺑﻤﻴﺎﻋﺔ : ﻻ ﻭﺍﻟﻠﻪ ، ﻭﺃﻧﺎ ﻫﺎﺻﺪﻗﻚ ﻟﻤﺎ ﺗﺤﻠﻒ ، ﺗﺆ ..
ﺍﺳﺘﻐﺮﺑﺖ ﻧﻴﺮﺓ ﻣﻦ ﻃﺮﻳﻘﺔ ﻧﺴﻤﺔ ﻓﻲ ﺍﻟﺤﺪﻳﺚ ، ﻭﻟﻜﻨﻬﺎ ﻇﻠﺖ ﺗﺘﺎﺑﻌﻬﺎ ﻓﻲ ﺻﻤﺖ ﻭ ..
- ﻧﻴﺮﺓ ﻓﻲ ﻧﻔﺴﻬﺎ : ﻣﺎﻟﻬﺎ ﺩﻱ ، ﺑﺘﺘﻜﻠﻢ ﻛﺪﻩ ﻟﻴﻪ ؟؟ ﻭﻣﻴﻦ ﺩﻩ ﺍﻟﻠﻲ ﻋﻤﺎﻟﺔ ﺗﺘﻤﺮﻗﻊ ﻣﻌﺎﻩ ﻓﻲ ﺍﻟﺘﻠﻴﻔﻮﻥ ؟؟؟ ﻃﺐ ﻭﺃﻧﺎ ﺍﺷﻐﻞ ﺑﺎﻟﻲ ﻟﻴﻪ ﺑﻴﻬﺎ ، ﻣﺎﺗﻮﻟﻊ
- ﻧﺴﻤﺔ ﻫﺎﺗﻔﻴﺎً : ﺃﻧﺎ ﺃﺻﻼً ﻭﺍﻗﻔﺔ ﻣﻊ ﻭﺍﺣﺪﺓ ﺻﺎﺣﺒﺘﻲ ، ﻳﻌﻨﻲ ﻣﺶ ﻟﻮﺣﺪﻱ
- ﺍﻟﻤﺘﺼﻞ ........................ :
- ﻧﺴﻤﺔ : ﻣﺶ ﻣﺼﺪﻗﻨﻲ ، ﻃﺐ ﺃﻧﺎ ﻫﺴﻤﻌﻚ ﺻﻮﺗﻬﺎ ﺛﻮﺍﻧﻲ ﻛﺪﻩ
- ﺍﻟﻤﺘﺼﻞ ......................... :
- ﻧﺴﻤﺔ ﺑﺼﻮﺕ ﻣﺮﺗﻔﻊ : ﻧﻴﺮﺓ ..
- ﻧﻴﺮﺓ : ﻧﻌﻢ
- ﻧﺴﻤﺔ ﻫﺎﺗﻔﻴﺎً : ﻫﺎ ﺻﺪﻗﺖ ؟
- ﺍﻟﻤﺘﺼﻞ ........................ :
- ﻧﻴﺮﺓ ﺑﻀﻴﻖ : ﺃﻧﺎ ﻣﺎﺷﻴﺔ ، ﻭﺍﺗﻜﻠﻤﻲ ﺑﺮﺍﺣﺘﻚ ﻓﻲ ﺍﻟﺘﻠﻴﻔﻮﻥ، ﺍﻧﺎ ﻣﺶ ﻓﺎﻳﻘﺔ ﻟﻠﻲ ﺑﺘﻌﻤﻠﻴﻪ ﺩﻩ
- ﻧﺴﻤﺔ : ﺍﺳﺘﻨﻲ ﻳﺎ ﻧﻴﺮﺓ
- ﻧﻴﺮﺓ : ﺍﻭﻭﻭﻑ
- ﻧﺴﻤﺔ ﻫﺎﺗﻔﻴﺎً : ﺍﻗﻔﻞ ﺩﻟﻮﻗﺘﻲ ﻭﻫﺎﻛﻠﻤﻚ ﺑﻌﺪﻳﻦ ﻷﺣﺴﻦ ﺻﺎﺣﺒﺘﻲ ﺍﻟﺠﺪﻳﺪﺓ ﺯﻋﻠﺖ
- ﺍﻟﻤﺘﺼﻞ .................... :
- ﻧﺴﻤﺔ : ﺍﻭﻙ ﻉ ﻣﻴﻌﺎﺩﻧﺎ ، ﺣﺎﺿﺮ .. ﻣﺶ ﻫﺘﺄﺧﺮ ، ﺑﺎﻱ
ﺃﺳﺮﻋﺖ ﻧﺴﻤﺔ ﺧﻠﻒ ﻧﻴﺮﺓ ﻟﻜﻲ ﺗﻠﺤﻖ ﺑﻬﺎ ﻭ ...
- ﻧﺴﻤﺔ : ﺍﻧﺘﻲ ﻣﺸﻴﺘﻲ ﻟﻴﻪ ﺑﺲ؟؟
- ﻧﻴﺮﺓ ﻭﻫﻲ ﺗﺘﻌﻤﺪ ﺗﺎﺟﻬﻞ ﺍﺳﻢ ﻧﺴﻤﺔ : ﺑﺼﻲ ﻳﺎ .. ﻳﺎ
- ﻧﺴﻤﺔ : ﺍﻧﺎ ﻧﺴﻤﺔ
- ﻧﻴﺮﺓ : ﺑﺼﻲ ﻳﺎ ﻧﺴﻤﺔ ، ﺃﻧﺎ ﻭﺍﺣﺪﺓ ﻭﻗﺘﻲ ﻣﺤﺒﺶ ﺍﺿﻴﻌﻪ ﻓﻲ ﺍﻧﻲ ﺍﺳﺘﻨﻰ ﺣﺪ ﻭﻻ ﺃﻗﻒ ﻛﺪﻩ ﻓﻲ ﺍﻟﺸﺎﺭﻉ ﻟﺤﺪ ﻣﺎ ﺣﺪ ﻳﺤﻦ ﻋﻠﻴﺎ ﻭﻳﻜﻠﻤﻨﻲ ، ﺃﻧﺎ ﻟﻴﺎ ﻟﻲ ﻭﺿﻌﻲ ﻭﻣﻘﺒﻠﺶ ﺣﺪ ﻳﻠﻤﺴﻪ ، ﺍﻭﻙ
- ﻧﺴﻤﺔ ﻭﻫﻲ ﺗﻀﻊ ﻳﺪﻫﺎ ﻋﻠﻰ ﺫﺭﺍﻉ ﻧﻴﺮﺓ : ﺳﻮﺭﻱ .. ﺃﻧﺎ ﻣﻜﻮﻧﺘﺶ ﺍﻗﺼﺪ ﻭﺍﻟﻠﻪ ، ﻣﺶ ﺗﺰﻋﻠﻲ ﻣﻨﻲ
- ﻧﻴﺮﺓ : ﺍﻭﻭﻭﻑ
- ﻧﺴﻤﺔ ﺑﺎﺻﺮﺍﺭ : ﺑﺠﺪ ﺃﻧﺎ ﺍﺳﻔﺔ ، ﻣﺶ ﺣﺎﺑﺔ ﻧﺰﻋﻞ ﻣﻦ ﺑﻌﺾ ، ﺑﻠﻴﺰ
- ﻧﻴﺮﺓ ﻭﻫﻲ ﺗﺒﻌﺪ ﻳﺪﻫﺎ : ﺑﺎﻱ
- ﻧﺴﻤﺔ ﻓﻲ ﻧﻔﺴﻬﺎ : ﻣﻤﻢ .. ﻭﻣﺎﻟﻪ ، ﻛﻠﻪ ﺑﺎﻟﺤﻨﻴﺔ ﺑﻴﺠﻲ ، ﻭﺃﻧﺎ ﺗﻘﺮﻳﺒﺎً ﻋﺮﻓﺖ ﻫﺎﺧﺸﻠﻚ ﺍﺯﺍﻱ ، ﻭﻭﺍﺣﺪﺓ ﻭﺍﺣﺪﺓ ﻫﺘﺒﻘﻲ ﺗﺒﻌﻲ !!!..
- ﻧﻴﺮﺓ ﻓﻲ ﻧﻔﺴﻬﺎ : ﺃﻧﺎ ﻏﻠﻄﺎﻧﺔ ﺍﻧﻲ ﺑﻘﻒ ﻣﻊ ﺍﻷﺷﻜﺎﻝ ﺩﻱ ، ﺃﺻﻼً ﻫﻲ ﻃﺮﻳﻘﺘﻬﺎ ﻣﺶ ﻣﺮﻳﺤﺎﻧﻲ ، ﺃﺣﺴﻦ ﺣﺎﺟﺔ ﺃﻋﻤﻠﻬﺎ ﺇﻧﻲ ﻣﻌﺮﻓﻬﺎﺵ ﺗﺎﻧﻲ ..
........................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻋﺎﺩﺕ ﻧﻴﺮﺓ ﻣﻦ ﺍﻟﺨﺎﺭﺝ ﻟﺘﺠﺪ ﻭﺍﻟﺘﺪﻫﺎ ﺗﻌﺪ ﻣﺎﺋﺪﺓ ﺍﻟﻄﻌﺎﻡ ، ﻭﻓﺎﻃﻴﻤﺎ ﺗﺘﻔﺤﺺ ﻛﺘﺒﻬﺎ ﻭﻧﺪﻯ ﺗﻌﺎﻭﻥ ﻭﺍﻟﺪﺗﻬﺎ ﻭ ...
- ﻧﺪﻯ : ﺣﻤﺪﻟﻠﻪ ﻉ ﺍﻟﺴﻼﻣﺔ ، ﺍﻳﻪ ﺃﺧﺒﺎﺭ ﺍﻟﻤﺪﺭﺳﺔ
- ﻧﻴﺮﺓ : ﺗﻘﺮﻑ
- ﻧﺪﻯ : ﻣﻤﻢ ..
- ﻓﺎﻃﻴﻤﺎ : ﻣﺎﻣﺎ ﻣﺴﺘﺮ ﺍﻟﻤﺎﺙ ﻋﺎﻭﺯ ﺍﻟﻜﺮﺍﺳﺔ ﺗﺘﺠﻠﺪ ﺑﺎﻷﺯﺭﻕ
- ﺯﻳﻨﺐ : ﺣﺎﺿﺮ
- ﻓﺎﻃﻴﻤﺎ : ﻭﻣﺲ ﺍﻟﺪﺭﺍﺳﺎﺕ ﻋﺎﻭﺯﺓ ﻛﺸﻜﻮﻝ ﺻﻔﺤﺔ ﻭﺻﻔﺤﺔ
- ﺯﻳﻨﺐ : ﻃﻴﺐ
- ﻓﺎﻃﻴﻤﺎ : ﻭﻣﺲ ﺍﻟـ .... ﺁﺁﺁﺁ
- ﺯﻳﻨﺐ ﻣﻘﺎﻃﻌﺔ : ﺃﺟﻠﻲ ﺍﻟﻄﻠﺒﺎﺕ ﺩﻱ ﻛﻠﻬﺎ ﻟﺒﻌﺪ ﺍﻟﻐﺪﺍ ، ﻭﻗﻮﻣﻲ ﺍﻏﺴﻠﻲ ﺍﻳﺪﻙ ﺧﻠﻴﻨﺎ ﻧﺎﻛﻞ
- ﻧﻴﺮﺓ : ﺍﻳﻪ ﺩﻩ ﻫﻨﺎﻛﻞ ﺑﺪﺭﻱ ! ﻣﺶ ﻣﻌﻘﻮﻝ ، ﺍﻭﻣﺎﻝ ﻣﺶ ﻫﻨﺴﺘﻨﻰ ﺑﺎﺑﺎ ﺯﻱ ﻋﻮﺍﻳﺪﻧﺎ
- ﺯﻳﻨﺐ : ﻷ ﺃﺑﻮﻛﻢ ﻫﻴﺘﺄﺧﺮ ﺍﻟﻨﻬﺎﺭﺩﺓ ، ﻭﻛﻤﺎﻥ ﺍﻧﺘﻮ ﺃﻭﻝ ﻳﻮﻡ ﺩﺭﺍﺳﺔ ﻓﺤﺮﺍﻡ ﺗﻔﻀﻠﻮﺍ ﻉ ﻟﺤﻢ ﺑﻄﻨﻜﻢ ﻛﻞ ﺍﻟﻤﺪﺓ ﺩﻱ
- ﻧﻴﺮﺓ : ﻳﺎ ﺳﻼﺍﺍﺍﺍﺍﺍﺍﻡ ﻉ ﺍﻟﺤﻨﻴﺔ
- ﻧﺪﻯ : ﺑﺲ ﻣﺘﺘﻌﻮﺩﻳﺶ ﻛﺘﻴﺮ
- ﻧﻴﺮﺓ : ﺍﻫﺎ
- ﺯﻳﻨﺐ : ﺃﻭﻣﺎﻝ ﻫﺘﺒﺪﺃﻱ ﺍﻟﻤﺠﻤﻮﻋﺎﺕ ﺍﻣﺘﻰ ؟؟؟
- ﻧﻴﺮﺓ : ﺍﻳﻪ ﻳﺎ ﻣﺎﻣﺎ ، ﻣﺎﻟﻚ ﺳﺨﻨﺔ ﻋﻠﻴﺎ ﺃﻭﻱ ﻛﺪﻩ ﻟﻴﻪ ، ﺩﻩ ﺍﻧﺎ ﻟﺴﻪ ﻓﻲ ﺃﻭﻝ ﻳﻮﻡ ﺩﺭﺍﺳﺔ
- ﺯﻳﻨﺐ : ﺍﺗﻜﻠﻤﻲ ﻛﻮﻳﺲ ﻳﺎ ﺑﺖ ﻣﻌﺎﻳﺎ ، ﺃﻧﺎ ﻣﺶ ﻭﺍﺣﺪﺓ ﺻﺎﺣﺒﺘﻚ ، ﻫﻲ ﺳﺨﻨﺔ ﺩﻱ ﻛﻤﺎﻥ
- ﻧﺪﻯ : ﻫﻲ ﻣﺎﺗﻘﺼﺪﺵ ﻳﺎ ﻣﺎﻣﺎ
- ﺯﻳﻨﺐ : ﺗﻘﺼﺪ ﻭﻻ ﻣﺘﻘﺼﺪﺗﺶ ﺍﻟﻤﻔﺮﻭﺽ ﺗﺘﻌﻠﻢ ﺍﻧﻬﺎ ﺗﺘﻜﻠﻢ ﺃﺣﺴﻦ ﻣﻦ ﻛﺪﻩ
- ﻧﺪﻯ : ﻧﻴﺮﺓ ﺍﻋﺘﺬﺭﻱ ﻟﻤﺎﻣﺎ ﺑﺴﺮﻋﺔ
- ﻧﻴﺮﺓ : ﺃﺳﻔﺔ
- ﺯﻳﻨﺐ : ﺍﺗﻔﻀﻠﻮﺍ ﻛﻠﻮﺍ ، ﺧﻠﻴﻨﻲ ﺃﺷﻮﻑ ﺍﻟﻠﻲ ﻭﺭﺍﻳﺎ ﺑﻌﺪ ﻛﺪﻩ
- ﻧﺪﻯ ﻫﺎﻣﺴﺔ ﻟﻨﻴﺮﺓ : ﻋﺎﺟﺒﻚ ﻛﺪﻩ
- ﻧﻴﺮﺓ ﺑﻀﻴﻖ : ﻫﻮ ﺍﻧﺎ ﻗﻮﻟﺖ ﺣﺎﺟﺔ ﻏﻠﻂ ، ﻭﻻ ﺃﻧﺎ ﺍﻟﻜﻠﻤﺔ ﺑﺘﺎﻋﺘﻲ ﻫﻲ ﺩﺍﻳﻤﺎً ﺍﻟﻠﻲ ﺑﺘﻘﻒ ﻓﻲ ﺍﻟﺰﻭﺭ
- ﻧﺪﻯ : ﺷﺸﺶ .. ﺧﻼﺹ
ﺍﻧﺘﻬﺖ ﺍﻟﻔﺘﻴﺎﺕ ﻣﻦ ﺗﻨﺎﻭﻝ ﺍﻟﻐﺬﺍﺀ ﺛﻢ ﺗﻮﺟﻬﻦ ﻟﻐﺮﻓﺘﻬﻦ ، ﺑﻴﻨﻤﺎ ﺃﻛﻤﻠﺖ ﺯﻳﻨﺐ ﺑﺎﻗﻲ ﺃﻋﻤﺎﻝ ﺍﻟﻤﻨﺰﻝ ...
................
ﻋﺎﺩ ﺻﻼﺡ ﻣﻦ ﻋﻤﻠﻪ ﻟﻴﺠﺪ ﺍﻟﺒﻴﺖ ﻫﺎﺩﺋﺎً ، ﻓﺎﺳﺘﻔﺴﺮ ﻣﻦ ﺯﻳﻨﺐ ﺯﻭﺟﺘﻪ ﻋﻦ ﺍﻟﺴﺒﺐ ﻭ ...
- ﺻﻼﺡ : ﺍﻭﻣﺎﻝ ﺍﻟﺒﻴﺖ ﺳﺎﻛﺖ ﻛﺪﻩ ﻟﻴﻪ؟؟
- ﺯﻳﻨﺐ : ﻧﻴﺮﺓ ﻧﺎﻳﻤﺔ ﻓﻲ ﺍﻭﺿﺘﻬﺎ ، ﻭﻧﺪﻯ ﻧﺰﻟﺖ ﻣﻊ ﻓﺎﻃﻴﻤﺎ ﻳﺸﺘﺮﻭﺍ ﺑﻘﻴﺔ ﻃﻠﺒﺎﺕ ﺍﻟﻤﺪﺭﺳﻴﻦ ﺍﻟﻠﻲ ﻣﺶ ﺑﺘﺨﻠﺺ
- ﺻﻼﺡ : ﺍﻫﺎ ، ﻃﻴﺐ ﺣﻀﺮﻟﻲ ﺍﻷﻛﻞ ﻷﺣﺴﻦ ﺗﻌﺒﺎﻥ ﻭﻫﻠﻜﺎﻥ ﻣﻦ ﺍﻟﺸﻐﻞ
- ﺯﻳﻨﺐ : ﺣﺎﺿﺮ ﻳﺎﺧﻮﻳﺎ ﻣﻦ ﻋﻴﻨﻴﺎ .. ﺃﻩ ﺑﺎﻟﺤﻖ
- ﺻﻼﺡ : ﺍﻳﻪ ﻳﺎ ﺯﻳﻨﺐ ؟
- ﺯﻳﻨﺐ : ﻛﻨﺖ ﻋﺎﻭﺯﺍﻙ ﺗﺸﻮﻓﻠﻲ ﺳﻮﺍﻕ ﻛﺪﻩ ﺗﻌﺮﻓﻪ ﻳﻮﺩﻱ ﺍﻟﺒﻨﺎﺕ ﻣﺪﺍﺭﺳﻬﻢ ﻭﻳﺠﻴﺒﻬﻢ ﺑﺪﻝ ﻣﺎ ﻳﺘﺒﻬﺪﻟﻮﺍ ﻓﻲ ﺍﻟﻤﻮﺍﺻﻼﺕ ﻣﻊ ﺍﻟﻠﻲ ﻳﺴﻮﻯ ﻭﺍﻟﻠﻲ ﻣﺎﻳﺴﻮﺍﺵ
- ﺻﻼﺡ : ﺣﺎﺿﺮ ، ﻫﺎﺷﻮﻓﻠﻚ
- ﺯﻳﻨﺐ : ﻳﺎ ﺭﻳﺖ ﻟﻮ ﻳﺒﻘﻰ ﻣﻦ ﺑﻜﺮﺓ
- ﺻﻼﺡ : ﻃﻴﺐ ، ﻫﺎﻛﻠﻢ ﻋﻠﻲ ﻭﺃﺷﻮﻑ ﺍﻥ ﻛﺎﻥ ﻳﻌﺮﻑ ﺣﺪ ﻛﻮﻳﺲ ﻭﻻ ﻷ
- ﺯﻳﻨﺐ : ﺗﺴﻠﻤﻠﻲ ﻳﺎ ﺣﺎﺝ ..
- ﺻﻼﺡ : ﻃﺐ ﻳﺎﻻ ﺑﻘﻰ ﺟﻬﺰﻱ ﺍﻟﻐﺪﺍ
- ﺯﻳﻨﺐ : ﺃﻭﺍﻡ ﻳﺎ ﺣﺎﺝ ، ﻣﺴﺎﻓﺔ ﻣﺎ ﺗﻐﻴﺮ ﻫﺪﻭﻣﻚ ﻫﺘﻼﻗﻲ ﻣﺤﻄﻮﻁ ﻉ ﺍﻟﺘﺮﺑﻴﺬﺓ ﺑﺮﺍ
- ﺻﻼﺡ : ﺭﺑﻨﺎ ﻳﺒﺎﺭﻛﻠﻲ ﻓﻴﻜﻲ ﻳﺎ ﺯﻳﻨﺐ ، ﺃﻧﺎ ﻓﻌﻼً ﺭﺑﻨﺎ ﺑﻴﺤﺒﻨﻲ ﻷﻧﻪ ﺭﺯﻗﻨﻲ ﺑﻴﻜﻲ
- ﺯﻳﻨﺐ : ﻷ ﺃﻧﺎ ﺃﻣﻲ ﺍﻟﻠﻲ ﻛﺎﻧﺖ ﺩﻋﻴﺎﻟﻲ ﻓﺮﺑﻨﺎ ﻛﺮﻣﻨﻲ ﺑﻴﻚ
- ﺻﻼﺡ : ﻷ ﺃﻧﺎ ﺍﻟﻠﻲ ﺁﺁﺁ ...
- ﺯﻳﻨﺐ ﻣﻘﺎﻃﻌﺔ : ﺍﺣﻨﺎ ﻛﺪﻩ ﻣﺶ ﻫﺎﻧﺨﻠﺺ ﻳﺎ ﺣﺎﺝ
- ﺻﻼﺡ : ﻉ ﺭﺃﻳﻚ ، ﻧﺎﻛﻞ ﺍﻷﻭﻝ ﻭﺑﻌﺪﻳﻦ ﻧﺠﻲ ﻧﺸﻮﻑ ﻣﻴﻦ ﺑﻴﺤﺐ ﺍﻟﺘﺎﻧﻲ ﺃﻛﺘﺮ
- ﺯﻳﻨﺐ : ﻫﻬﻬﻬﻬﻬﻬﻬﻬﻬﻬﻬﻬﻪ ، ﻃﻴﺐ ﻳﺎ ﺣﺎﺝ ، ﻭﺍﻫﻮ ﺗﻜﻮﻥ ﺍﻟﺒﻨﺎﺕ ﻧﺎﻣﺖ
- ﺻﻼﺡ : ﺍﻳﻮﻩ ﻳﺎ ﺯﻭﺯﻭﻭﻭ ﻳﺎ ﺟﺎﻣﺪ
..................
ﻓﻲ ﻏﺮﻓﺔ ﺍﻟﺒﻨﺎﺕ ،،،،
ﻛﺎﻧﺖ ﻧﻴﺮﺓ ﺗﻐﻂ ﻓﻲ ﺳﺒﺎﺕ ﻋﻤﻴﻖ ﺣﻴﻨﻤﺎ ﺭﻥ ﻫﺎﺗﻔﻬﺎ ﺑﺮﻗﻢ ﻏﺮﻳﺐ ، ﻟﻢ ﺗﺠﺐ ﻧﻴﺮﺓ ﻓﻲ ﺍﻟﺒﺪﺍﻳﺔ ، ﻭﻟﻜﻦ ﻻﺻﺮﺍﺭﺍ ﺍﻟﻤﺘﺼﻞ ﻋﻠﻰ ﺗﻜﺮﺍﺭ ﺍﺗﺼﺎﻟﻪ ﺍﺿﻄﺮﺕ ﻧﻴﺮﺓ ﺃﻥ ﺗﺠﻴﺒﻪ ﻭﻫﻲ ﻓﻲ ﻗﻤﺔ ﺍﻟﻀﻴﻖ ﻭ ...
- ﻧﻴﺮﺓ ﺑﺤﺪﺓ ﻫﺎﺗﻔﻴﺎً : ﺍﻟﻮﻭﻭﻭ ﺍﻳﻴﻴﻪ ، ﻓﻲ ﺍﻳﻪ ؟
- ﻧﺴﻤﺔ ﻫﺎﺗﻔﻴﺎً : ﺍﻟﻮﻭﻭﻭ ، ﻧﻴﺮﺓ ، ﺍﻧﺘﻲ ﻣﺶ ﻋﺎﺭﻓﺎﻧﻲ
- ﻧﻴﺮﺓ : ﻷ ﻣﻌﺮﻓﻜﻴﺶ ، ﻭﺍﻗﻔﻠﻲ ﺑﻘﻰ ﺧﻠﻴﻨﻲ ﺃﻧﺎﻡ
- ﻧﺴﻤﺔ : ﺩﻩ ﺍﻧﺎ ﻧﺴﻤﺔ
- ﻧﻴﺮﺓ : ﻧﺴﻤﺔ ﻣﻴﻦ ؟؟
- ﻧﺴﻤﺔ : ﻧﺴﻤﺔ ﺻﺎﺣﺒﺘﻚ ﺍﻟﻠﻲ ﻓﻲ ﺍﻟﻤﺪﺭﺳﺔ ، ﺍﻧﺘﻲ ﻛﻨﺘﻲ ﻧﺎﻳﻤﺔ ﻭﻻ ﺍﻳﻪ ؟؟؟
- ﻧﻴﺮﺓ : ﺃﻩ ﻛﻨﺖ ﻧﺎﻳﻤﺔ ، ﻭﺑﻌﺪﻳﻦ ﻃﺎﻟﻤﺎ ﺍﻧﺎ ﻣﺮﺩﺗﺶ ﻋﻠﻴﻜﻲ ﻻﺯﻣﺘﻬﺎ ﺗﺰﻫﻘﻴﻨﻲ ﺑﺎﺗﺼﺎﻟﻚ ﻛﻞ ﺷﻮﻳﺔ ﻟﻴﻪ
- ﻧﺴﻤﺔ : ﻣﻤﻤﻢ .. ﻃﺎﻟﻤﺎ ﺑﺘﺘﻜﻠﻤﻲ ﻛﺪﻩ ﻳﺒﻘﻰ ﺍﻧﺘﻲ ﻟﺴﻪ ﺯﻋﻼﻧﺔ ﻣﻨﻲ
- ﻧﻴﺮﺓ : ﺃﻧﺎ ﻻ ﺯﻋﻼﻧﺔ ﻭﻻ ﻣﻀﺎﻳﻘﺔ ، ﺃﻧﺎ ﺗﻌﺒﺎﻧﺔ ﻭﻋﺎﻭﺯﺓ ﺃﻧﺎﻡ
- ﻧﺴﻤﺔ : ﻃﻴﺐ ﺧﻼﺹ ﻫﺎﻛﻠﻤﻚ ﻭﻗﺖ ﺗﺎﻧﻲ ﺗﻜﻮﻧﻲ ﺻﺎﺣﻴﺔ ﻓﻴﻪ
- ﻧﻴﺮﺓ : ﻻ ﻭﻗﺖ ﺗﺎﻧﻲ ﻭﻻ ﺗﺎﻟﺖ ، ﺃﺣﺴﻦ ﺣﺎﺟﺔ ﺗﻌﻤﻠﻴﻬﺎ ﺍﻧﻚ ﻣﺘﻜﻠﻤﻨﻴﺶ ﺧﺎﻟﺺ ، ﺑﺎﻱ
ﺃﻏﻠﻘﺖ ﻧﻴﺮﺓ ﺍﻟﻬﺎﺗﻒ ﺩﻭﻥ ﺃﻥ ﺗﻨﺘﻈﺮ ﺃﻱ ﺭﺩ ﻣﻦ ﻧﺴﻤﺔ ﻣﻤﺎ ﺻﺪﻣﻬﺎ ﻭ ..
- ﻧﺴﻤﺔ ﻓﻲ ﻧﻔﺴﻬﺎ : ﺍﻟﻈﺎﻫﺮ ﺍﻥ ﺍﻟﻤﻮﺿﻮﻉ ﻣﺶ ﻫﻴﺒﻘﻰ ﺳﻬﻞ ﺯﻱ ﻣﺎ ﻛﻮﻧﺖ ﻣﻔﻜﺮﺓ ، ﺃﻧﺎ ﻛﺪﻩ ﻣﺤﺘﺎﺟﺔ ﺍﻓﻜﺮ ﻓﻲ ﻃﺮﻳﻘﺔ ﺃﺧﻠﻲ ﺑﻴﻬﺎ ﻧﻴﺮﺓ ﺗﺒﻘﻰ ﺻﺎﺣﺒﺘﻲ ...............
!
