ﻳﻮﺳﻒ ﺍﻟﻬﻤﻬﻤﺎﺕ ﻭﺍﻻﻫﺎﻧﺎﺕ ﺍﻟﻤﺴﻴﺌﺔ ﻭﺍﻟﻤﻮﺟﻬﺔ ﻟﻨﺪﻯ ﻭﺇﻟﻴﻪ ، ﻓﻠﻢ ﻳﺘﺤﻤﻞ ﺃﻛﺜﺮ ﻣﻦ ﻫﺬﺍ ، ﻓﺘﺮﺟﻞ ﻣﻦ ﺍﻟﺤﺎﻓﻠﺔ ﻋﻠﻰ ﺍﻟﻔﻮﺭ ﻭﺗﻮﺟﻪ ﺇﻟﻰ ﻫﺆﻻﺀ ﺍﻟﺸﺒﺎﺏ ﻟﻴﻠﻘﻨﻬﻢ ﺩﺭﺳﺎً ﻗﺎﺳﻴﺎً ..
ﻗﺎﻡ ﻳﻮﺳﻒ ﺑﻠﻜﻢ ﺃﺣﺪﻫﻢ ﺣﻴﻨﻤﺎ ﺍﺳﺘﻤﺮ ﻓﻲ ﺗﻄﺎﻭﻟﻪ ﺑﺎﻷﻟﻔﺎﻅ ﻋﻠﻰ ﻧﺪﻯ ﻭ ..
- ﺷﺎﺏ ﺃﺧﺮ ﻣﺘﺂﻟﻤﺎ : ﺁﺁﺁﻩ .. ﺑﺘﺎﺧﺪﻧﻲ ﻉ ﺧﻮﺍﻧﺔ
- ﻳﻮﺳﻒ ﺑﻨﻈﺮﺍﺕ ﻧﺎﺭﻳﺔ ﻗﺎﺗﻠﺔ : ﻭﺃﻣﻮﺗﻚ ﻟﻮ ﻓﺘﺤﺖ ﺑﺆﻙ ﻭﺟﺒﺖ ﺳﻴﺮﺓ ﻣﺮﺍﺗﻲ ﺑﻜﻠﻤﺔ !...
- ﻣﺮﻭﺍﻥ ﻣﺸﺪﻭﻫﺎً ﺑﻤﺎ ﻳُﻘﺎﻝ : ﻣﺮﺍﺕ ﻣﻴﻦ ؟
- ﺷﺎﺏ ﻣﺎ ﺑﺎﺳﺘﻐﺮﺍﺏ : ﻣﺮﺍﺗﻚ ؟
- ﻳﻮﺳﻒ ﺑﺜﻘﺔ ﻭﺍﺿﺤﺔ : ﺍﻩ ﻫﻲ ﻣﺮﺍﺗﻲ .. !
- ﺷﺎﺏ ﺃﺧﺮ : ﻃﺐ .. ﻃﺐ ﺍﺯﺍﻱ ؟؟
- ﻳﻮﺳﻒ : ﺯﻱ ﺍﻟﻨﺎﺱ
- ﺷﺎﺏ ﺛﺎﻟﺚ ﻣﺴﺘﻔﻬﻤﺎً : ﺩﻩ ﺍﺫﺍ ﻛﺎﻥ ﻓﻲ ﻭﺍﺣﺪ ﺑﻴﻘﻮﻝ ﺍﻧﻪ ﺧﻄﻴﺒﻬﺎ ، ﻳﺒﻘﻰ ﺍﺯﺍﻱ ﺍﻧﺖ ﺑﺘﻘﻮﻝ ﺍﻧﻬﺎ ﻣﺮﺍﺗﻚ ؟؟؟
- ﻳﻮﺳﻒ : ﻛـــﺪﺍﺏ .. !
- ﺷﺎﺏ ﺃﺧﺮ : ﺑﺲ ﺁﺁﺁ ....
- ﻳﻮﺳﻒ ﺑﺜﻘﺔ : ﺭﻭﺡ ﻫﺎﺕ ﺍﻟﻠﻲ ﺑﻴﻘﻮﻝ ﻛﺪﻩ ﻋﻨﻬﺎ
- ﺷﺎﺏ ﻣﺎ : ﺗﻌﺎﻟﻮﺍ ﻳﺎ ﺟﻤﺎﻋﺔ ﻧﻨﺎﺩﻳﻠﻪ ..
- ﺷﺎﺏ ﺃﺧﺮ : ﺍﻭﻙ
- ﻳﻮﺳﻒ : ﻭﺃﻧﺎ ﻣﺴﺘﻨﻴﻜﻢ ﻋﻨﺪ ﺍﻟﺒﺎﺹ ...
ﺭﺣﻞ ﺍﻟﺸﺒﺎﺏ ﺑﺤﺜﺎً ﻋﻦ ﻋﻼﺀ ﻻﺣﻀﺎﺭﻩ ﺇﻟﻰ ﻳﻮﺳﻒ ﻟﻠﺘﺄﻛﺪ ﻣﻦ ﺻﺪﻕ ﺭﻭﺍﻳﺘﻪ .. ﻓﻲ ﺣﻴﻦ ﺣﺎﻭﻝ ﻣﺮﻭﺍﻥ ﺃﻥ ﻳﻔﻬﻢ ﻣﻦ ﻳﻮﺳﻒ ﺍﻟﺴﺒﺐ ﺍﻟﺬﻱ ﺩﻓﻌﻪ ﻻﺩﻋﺎﺀ ﻫﺬﺍ ﺑﺎﻟﻜﺬﺏ ﻋﻠﻰ ﻧﺪﻯ ﻭ ...
- ﻣﺮﻭﺍﻥ ﻭﻫﻮ ﻳﻤﺴﻚ ﺑﻜﺘﻒ ﻳﻮﺳﻒ : ﺍﻧﺖ ﺍﻳﻪ ﺍﻟﻠﻲ ﻋﻤﻠﺘﻪ ﺩﻩ ؟؟
- ﻳﻮﺳﻒ : ﺍﻟﻠﻲ ﺣﺼﻞ ﺑﻘﻰ
- ﻣﺮﻭﺍﻥ : ﻧﻌﻢ ؟؟ ﺍﻧﺖ ﻋﺎﺭﻑ ﺍﻧﺖ ﻋﻤﻠﺖ ﺍﻳﻪ ﺍﻟﻮﻗﺘﻲ
- ﻳﻮﺳﻒ : ﺃﻳﻮﻩ
- ﻣﺮﻭﺍﻥ : ﺍﻟﻜﻼﻡ ﺍﻟﻠﻲ ﺍﻧﺖ ﻗﻮﻟﺘﻪ ﺩﻩ ﻳﻮﺩﻱ ﻓﻲ ﺩﺍﻫﻴﺔ ، ﻷ ﻭﻳﻤﻜﻦ ﻳﺒﻘﻰ ﻓﻴﻪ ﻗﻄﻊ ﺭﻗﺎﺏ
- ﻳﻮﺳﻒ : ﻳﻌﻨﻲ ﻛﻨﺖ ﻫﺎﺳﻜﺖ ﺍﻟﻌﺎﻟﻢ ﺍﻟـ **** ﺩﻭﻝ ﺍﺯﺍﻱ ؟؟
- ﻣﺮﻭﺍﻥ : ﺑﺄﻱ ﻛﻼﻡ ﻏﻴﺮ ﻛﺪﻩ
- ﻳﻮﺳﻒ : ﻣﻜﺎﻧﻮﺵ ﻫﻴﺼﺪﻗﻮﺍ ، ﺩﻭﻝ ﻧﺎﺯﻟﻴﻦ ﻧﻬﺶ ﻓﻲ ﻟﺤﻢ ﻧﺪﻯ ﺑﺴﺒﺐ ﺍﻟﻜﻠﺐ ﻋﻼﺀ
- ﻣﺮﻭﺍﻥ : ﺃﻫﻮﻭ ﺍﻟﻜﻠﺐ ﺩﻩ ﻫﺎﻳﺠﻲ ﺍﻟﻮﻗﺘﻲ ﻭﻫﻴﻄﻠﻌﻚ ﻛﺪﺍﺏ ﻗﺼﺎﺩﻫﻢ ، ﻭﻣﺶ ﻫﺎﻳﻨﻮﺏ ﺍﻟﺒﻨﺖ ﻏﻴﺮ ﺍﻟﻔﻀﻴﺤﺔ ﻭﺍﻟﺴﻤﻌﺔ ﺍﻟﺒﻄﺎﻟﺔ !
- ﻳﻮﺳﻒ : ﻣﺎ ﺃﻧﺎ ﻋﺎﻭﺯﻙ ﻣﻌﺎﻳﺎ ﺍﻟﻮﻗﺘﻲ ﻧﻘﻨﻊ ﻧﺪﻯ ﺍﻧﻬﺎ ﺗﻜﻤﻞ ﻣﻌﺎﻳﺎ ﻓﻲ ﺍﻟﺘﻤﺜﻴﻠﻴﺔ ﺩﻱ
- ﻣﺮﻭﺍﻥ ﺑﺎﺳﺘﻐﺮﺍﺏ : ﺃﻧﺎ ؟؟
- ﻳﻮﺳﻒ : ﺍﻳﻮﻩ ، ﻭﺑﻌﺪﻳﻦ ﻣﺎﻓﻴﺶ ﻭﻗﺖ ، ﻻﺯﻡ ﻧﻜﻠﻤﻬﺎ ﺣﺎﻻً
- ﻣﺮﻭﺍﻥ ﺑﺼﻮﺕ ﻫﺎﻣﺲ : ﺭﺑﻨﺎ ﻳﺴﺘﺮ .. ﻭﺍﻟﻠﻪ ﺍﻟﺒﺖ ﻧﻴﺮﺓ ﺩﻱ ﻃﻠﻊ ﻋﻨﺪﻫﺎ ﺣﻖ ﻟﻤﺎ ﻗﺎﻟﺖ ﺍﻧﻬﺎ ﺭﺣﻠﺔ ﻓﻘﺮ
- ﻳﻮﺳﻒ : ﺑﺘﻘﻮﻝ ﺍﻳﻪ ؟
- ﻣﺮﻭﺍﻥ : ﻣﺎﻓﻴﺶ ، ﺑﺪﻋﻲ ﺭﺑﻨﺎ ﻳﻌﺪﻳﻬﺎ ﻉ ﺧﻴﺮ
ﺃﺳﺮﻉ ﻛﻼً ﻣﻦ ﻳﻮﺳﻒ ﻭﻣﺮﻭﺍﻥ ﻓﻲ ﺧﻄﺎﻫﻢ ﻭﺍﺗﺠﻬﻮﺍ ﻧﺤﻮ ﺍﻟﺤﺎﻓﻠﺔ ..
ﻛﺎﻧﺖ ﻧﺪﻯ ﺗﺸﻌﺮ ﺑﺎﻟﻘﻠﻖ ﻭﺍﻟﺨﻮﻑ ﻣﻤﺎ ﻗﺪ ﻳﺤﺪﺙ ، ﻭﻟﻜﻦ ﺑﻤﺠﺮﺩ ﺭﺅﻳﺘﻬﺎ ﻟﻴﻮﺳﻒ ﻭﻫﻮ ﻗﺎﺩﻡ ﻣﻦ ﺑﻌﻴﺪ ﺑﺪﺃﺕ ﺍﻟﻄﻤﺄﻧﻴﻨﺔ ﺗﻌﻮﺩ ﺇﻟﻴﻬﺎ ﺭﻭﻳﺪﺍً ﺭﻭﻳﺪﺍً ..
- ﻧﺪﻯ ﺑﺼﻮﺕ ﺧﺎﻓﺖ ﻭﻧﺒﺮﺓ ﻫﺎﺩﺋﺔ : ﺍﻟﺤﻤﺪ ﻟﻠﻪ ، ﻫﻮ ﺟﺎﻱ .. ﻗﺼﺪﻱ ﺁﺁ .. ﻫﻤﺎ ﺟﺎﻳﻴﻦ ﺃﻫﻮ
- ﻧﻴﺮﺓ : ﺃﻫﺎ
ﻇﻞ ﻳﻮﺳﻒ ﻳﻔﻜﺮ ﻓﻲ ﻭﺳﻴﻠﺔ ﺳﺮﻳﻌﺔ ﻳﺤﺎﻭﻝ ﺑﻬﺎ ﺃﻥ ﻳﻘﻨﻊ ﻧﺪﻯ ﺑﻤﺎ ﺇﺩﻋﺎﻩ ، ﻫﻮ ﻳﺮﻳﺪ ﺃﻥ ﻳُﺤﻜﻢ ﺍﻟﺴﻴﻄﺮﺓ ﻋﻠﻰ ﺍﻷﻣﻮﺭ ، ﻭﻳﻘﻄﻊ ﺗﻠﻚ ﺍﻷﻟﺴﻨﺔ ﺍﻟﺘﻲ ﺗﺘﻤﺎﺩﻯ ﻓﻲ ﻧﺸﺮ ﺍﻷﻛﺎﺫﻳﺐ ﻭﻧﻬﺶ ﺍﻷﻋﺮﺍﺽ ﺑﻼ ﺭﺣﻤﺔ ..
ﺻﻌﺪ ﻳﻮﺳﻒ ﻋﻠﻰ ﻣﺘﻦ ﺍﻟﺤﺎﻓﻠﺔ ﺃﻭﻻً ، ﺛﻢ ﺗﻼﻩ ﻣﺮﻭﺍﻥ ﺍﻟﺬﻱ ﻛﺎﻧﺖ ﻣﻼﻣﺢ ﺍﻟﺘﻮﺗﺮ ﺑﺎﺩﻳﺔ ﻋﻠﻰ ﻭﺟﻬﻪ ، ﻭﺑﺪﺃ ﻳﻮﺳﻒ ﺑﺎﻟﺤﺪﻳﺚ ﻭ ...
- ﻳﻮﺳﻒ ﺑﺘﺮﺩﺩ : ﺃﻧﺎ .. ﺃﻧﺎ ...
- ﻧﻴﺮﺓ : ﺍﻟﻜﻼﺏ ﺩﻭﻝ ﻛﺎﻧﻮﺍ ﻋﺎﻭﺯﻳﻦ ﺍﻳﻪ ؟
- ﻣﺮﻭﺍﻥ : ﺍﺣﻢ .. ﺍﺗﻜﻠﻢ ﻳﺎ ﺟﻮﻭ ﺑﺴﺮﻋﺔ ، ﻣﺎﻓﻴﺶ ﻭﻗﺖ
- ﻧﺪﻯ : ﺧﻴﺮ ؟؟
- ﻳﻮﺳﻒ ﺑﻨﺒﺮﺓ ﺻﻮﺕ ﺳﺮﻳﻌﺔ : ﺑﺼﻲ ﻳﺎ ﻧﺪﻯ ﺃﻧﺎ ﻗﻮﻟﺖ ﻟﺸﻮﻳﺔ ﺍﻷﻭﺑﺎﺵ ﺍﻟﻠﻲ ﻛﺎﻧﻮﺍ ﺑﻴﻨﻌﺮﻭﺍ ﺗﺤﺖ ﺍﻧﻚ ﺍﻧﺘﻲ ﺁﺁﺁ ...
ﻣﺎﻝ ﻣﺮﻭﺍﻥ ﻗﻠﻴﻼً ﻧﺎﺣﻴﺔ ﻳﻮﺳﻒ ﻭﻫﻤﺲ ﻓﻲ ﺃﺫﻧﻪ ﻗﺎﺋﻼً ...
- ﻣﺮﻭﺍﻥ : ﻣﺶ ﻻﺯﻡ ﺗﻘﻒ ﻋﻨﺪ ﺍﻟﺤﺘﺔ ﺩﻱ
- ﻳﻮﺳﻒ ﻫﺎﻣﺴﺎً : ﺳﻴﺒﻨﻲ ﺃﺧﺪ ﻭﻗﺘﻲ
- ﻣﺮﻭﺍﻥ : ﺍﺑﻘﻰ ﺧﺪﻩ ﺑﻌﺪﻳﻦ ، ﻟﻜﻦ ﺍﺣﻨﺎ ﺍﻟﻮﻗﺘﻲ ﻓﻲ ﻋﺮﺽ ﻛﻞ ﺛﺎﻧﻴﺔ !
- ﻳﻮﺳﻒ : ﻃﻴﺐ
- ﻧﻴﺮﺓ ﻭﻗﺪ ﻧﻔﺬ ﺻﺒﺮﻫﺎ : ﻣﺎﺗﻘﻮﻟﻮﺍ ﻓﻲ ﺍﻳﻪ ؟؟ ﺍﺣﻨﺎ ﻣﺶ ﻓﺎﻫﻤﻴﻦ ﺣﺎﺟﺔ
- ﻳﻮﺳﻒ : ﺃﻧﺎ .. ﻳﻌﻨﻲ .. ﻗﻮﻟﺖ ﻟﻠﺰﻓﺎﻳﺖ ﺩﻭﻝ
- ﻧﻴﺮﺓ : ﻗﻮﻟﺖ ﺍﻳﻪ ؟
- ﻧﺪﻯ ﻭﻫﻲ ﺗﺤﺪﻕ ﺑﻴﻮﺳﻒ : ﻫﺎ
ﻻﺣﻆ ﻳﻮﺳﻒ ﺃﻥ ﻧﺪﻯ ﺗﻘﻒ ﺃﻣﺎﻣﻪ ﻭﻫﻲ ﺗﺮﺗﺪﻱ ﺍﻟﺘﻲ ﺷﻴﺮﺕ ﺍﻟﺨﺎﺹ ﺑﻪ ﺑﺪﻭﻥ ﺧﺠﻞ ﻛﻤﺎ ﻛﺎﻧﺖ ﻗﺒﻞ ﻗﻠﻴﻞ ، ﺭﺑﻤﺎ ﻫﺬﺍ ﻷﻧﻬﺎ ﺍﻧﺸﻐﻠﺖ ﺑﻤﺎ ﺟﺮﻯ ، ﻭﻏﻀﺖ ﺍﻟﻨﻈﺮ ﻋﻦ ﺧﻮﻓﻬﺎ ﻣﻦ ﺃﻥ ﻳﺮﺍﻫﺎ ﺃﻱ ﺃﺣﺪ .. ﺷﺮﺩ ﻳﻮﺳﻒ ﻓﻲ ﻧﺪﻯ ﻭﺗﺄﻣﻠﻬﺎ ﻭﺳﻜﺖ ﻋﻦ ﺍﻟﺤﺪﻳﺚ ﻓﻬﻮ ﻟﻢ ﻳﻜﻦ ﻳﺘﺨﻴﻞ ﺃﻧﻪ ﺳﻴﺒﺪﻭ ﻋﻠﻴﻬﺎ ﺑﻤﺜﻞ ﻫﺬﺍ ﺍﻟﺠﻤﺎﻝ ، ﻭﻟﻜﻦ ﻗﻄﻊ ﺗﺄﻣﻼﺗﻪ ﺻﻮﺕ ﻣﺮﻭﺍﻥ ﻭ ...
- ﻣﺮﻭﺍﻥ ﻭﻫﻮ ﻳﺪﻓﻊ ﻛﺘﻔﻪ : ﺍﻳﻪ ﻳﺎ ﻋﻢ ، ﺍﻧﺖ ﺳﻜﺖ ﻟﻴﻪ
- ﻳﻮﺳﻒ ﻭﻗﺪ ﺃﻓﺎﻕ ﻣﻦ ﺷﺮﻭﺩﻩ : ﻫــﺎﻩ
- ﻣﺮﻭﺍﻥ : ﺍﻧﺖ ﺑﺘﻴﺠﻲ ﻟﻴﻪ ﻋﻨﺪ ﺍﻟﺤﺘﺔ ﺍﻟﻤﻬﻤﺔ ﻭﺗﺴﻜﺖ ، ﻛﻤﻞ ﺍﻟﻠﻪ ﻳﻜﺮﻣﻚ
- ﻳﻮﺳﻒ : ﻡ ﺍﻷﺧﺮ ﻛﺪﻩ ﺃﻧﺎ ﻗﻮﻟﺖ ﻳﺎ ﻧﺪﻯ ﻟﻠﻌﺎﻟﻢ ﺩﻱ ﺍﻧﻚ ﻣﺮﺍﺗﻲ !
ﻧﺰﻟﺖ ﻛﻠﻤﺎﺕ ﻳﻮﺳﻒ ﻋﻠﻰ ﻧﺪﻯ ﻛﺎﻟﺼﺎﻋﻘﺔ ، ﻛﺎﻥ ﻣﻦ ﺍﻟﻤﻤﻜﻦ ﺃﻥ ﺗﺘﺨﻴﻞ ﺃﻧﻪ ﻳﺮﻳﺪ ﺃﻥ ﻳﺒﻠﻐﻬﺎ ﺑﺄﻱ ﺷﻲﺀ ﺇﻻ ﻫﺬﺍ .. ﻟﻢ ﻳﺨﻄﺮ ﺑﺒﺎﻟﻬﺎ ﺃﻧﻪ ﻓﻌﻞ ﻫﺬﺍ ﻭ ..
- ﻧﺪﻯ ﻓﺎﻏﺮﺓ ﻓﺎﻫﻬﺎ : ﺍﻧﺖ .. ﺍﻧﺖ ﺑﺘﻘﻮﻝ ﺍﻳﻪ ؟
ﻟﻢ ﻳﻜﻦ ﺣﺎﻝ ﻧﻴﺮﺓ ﺃﻗﻞ ﺷﺄﻧﺎً ﻣﻦ ﺣﺎﻝ ﺍﺧﺘﻬﺎ .. ﻫﻲ ﻛﺎﻧﺖ ﻣﺼﺪﻭﻣﺔ ﻣﻤﺎ ﺳﻤﻌﺖ ﻭ ..
- ﻧﻴﺮﺓ : ﻣﻴﻦ ﺍﻟﻠﻲ ﻣﺮﺍﺕ ﻣﻴﻦ ؟
ﺣﺎﻭﻝ ﻳﻮﺳﻒ ﺃﻥ ﻳﻮﺟﺪ ﺍﻟﻤﺒﺮﺭﺍﺕ ﺍﻟﻤﻘﻨﻌﺔ ﻟﻸﺧﺘﻴﻦ ﻭ ..
- ﻳﻮﺳﻒ : ﺃﻧﺎ .. ﺃﻧﺎ ﻣﻘﺪﺭﺗﺶ ﺃﺳﺘﺤﻤﻞ ﺍﻧﻬﻢ ﻳﺘﻜﻠﻤﻮﺍ ﻋﻨﻚ ﻭﺣﺶ ، ﻓـ .. ﺁﺁﺁ ... ﻓﺎﺿﻄﺮﻳﺖ ﺃﻛﺪﺏ ﻭﺃﻗﻮﻝ ﻛﺪﻩ
ﻛﺎﻧﺖ ﻧﻴﺮﺓ ﻫﻲ ﺍﻷﺳﺮﻉ ﻓﻲ ﺍﻟﺮﺩ – ﻛﻌﺎﺩﺗﻬﺎ ، ﻫﻲ ﻟﻢ ﺗﻤﻬﻞ ﻧﺪﻯ ﺍﻟﻔﺮﺻﺔ ﻟﻜﻲ ﺗﺴﺘﻮﻋﺐ ﻣﺎ ﻗﻴﻞ ﻭﺗﺮﺩ ﻋﻠﻴﻪ ، ﻓﻜﺎﻧﺖ ﺭﺩﺓ ﻓﻌﻠﻬﺎ ﺣﺎﺩﺓ ﻭﺭﺍﻓﻀﺔ ﻟﻤﺎ ﺣﺪﺙ ..
- ﻧﻴﺮﺓ ﺑﻀﻴﻖ : ﺍﻟﻮﺍﺣﺪ ﻣﻤﻜﻦ ﻳﻜﺪﺏ ﻭﻳﻘﻮﻝ ﺃﻱ ﺣﺎﺟﺔ ﺇﻻ ﺍﻧﻪ ﻳﻘﻮﻝ ﻉ ﻭﺍﺣﺪﺓ ﻛﺪﻩ ، ﺍﻧﺖ ﻋﺎﺭﻑ ﻣﻌﻨﻰ ﻛﻼﻣﻚ ﺍﻳﻪ ؟؟؟ ﺍﻧﺖ .. ﺍﻧﺖ ﻛﺪﻩ ﺃﺫﻳﺖ ﺍﺧﺘﻲ ﻭﻃﻠﻌﺖ ﻋﻠﻴﻬﺎ ﺳﻤﻌﺔ ﻭﺣﺸﺔ
- ﻳﻮﺳﻒ ﻣﺪﺍﻓﻌﺎً ﻋﻦ ﻧﻔﺴﻪ : ﺃﻧﺎ ﻗﺼﺪﺕ ﺃﺣﻤﻴﻬﺎ
- ﻧﻴﺮﺓ : ﺗﺤﻤﻴﻬﺎ ﻣﻦ ﺍﻳﻪ
- ﻳﻮﺳﻒ : ﻣﻦ ﻛﻼﻡ ﺍﻟﻨﺎﺱ ﺍﻟﺰﺑﺎﻟﺔ ﺩﻭﻝ ﻋﻨﻬﺎ
- ﻧﻴﺮﺓ ﺑﻨﺒﺮﺓ ﺣﺎﺩﺓ : ﺗﻘﻮﻡ ﺗﻘﻮﻝ ﺍﻧﻬﺎ ﻣﺮﺍﺗﻚ
- ﻣﺮﻭﺍﻥ : ﻧﻴﺮﺓ ! ﺍﻫﺪﻱ
- ﻧﻴﺮﺓ ﺑﺘﻬﻜﻢ : ﻧﻌﻢ ، ﺍﻧﺖ ﻋﺎﻭﺯﻧﻲ ﺍﻫﺪﻯ ؟؟ ﺩﻩ ﺃﻧﺎ ﺍﻟﻤﻔﺮﻭﺽ ﺃﺻﻮﺕ ﻉ ﺍﻟﻠﻲ ﺣﺼﻞ ﺩﻩ .. ﻫﺎﻧﻘﻮﻝ ﻟﺒﺎﺑﺎ ﺍﻳﻪ ﻟﻤﺎ ﻧﺮﺟﻊ ، ﻛﺎﻧﺖ ﻧﺪﻯ ﻣﺴﺎﻓﺮﺓ ﻭﻫﻲ ﻣﺨﻄﻮﺑﺔ ﻟﻮﺍﺣﺪ ﻭﺭﺟﻌﺖ ﻣﺘﺠﻮﺯﺓ ﺑﺆﺋﻲ ﻭﺍﺣﺪ ﺗﺎﻧﻲ ؟؟؟ ﺍﻧﺖ ﺗﺮﺿﺎﻫﺎ ﻷﺧﺘﻚ ؟؟
ﺟﻠﺴﺖ ﻧﺪﻯ ﻋﻠﻰ ﺃﻗﺮﺏ ﻣﻘﻌﺪ ، ﻭﻇﻠﺖ ﺻﺎﻣﺘﺔ ﺗﻔﻜﺮ ﻓﻲ ﻛﻞ ﻣﺎ ﺣﺪﺙ ، ﻫﻲ ﺗﻠﻮﻡ ﻧﻔﺴﻬﺎ ﻋﻠﻰ ﻣﺎ ﺁﻟﺖ ﺇﻟﻴﻪ ﺍﻷﻣﻮﺭ ، ﻓﻠﻮ ﻛﺎﻧﺖ ﺗﻤﻬﻠﺖ ﻓﻲ ﺍﺧﺘﻴﺎﺭ ﺧﻄﻴﺒﻬﺎ ﻣﺎ ﻛﺎﻥ ﺣﺪﺙ ﻛﻞ ﻫﺬﺍ ، ﻣﺎ ﻛﺎﻧﺖ ﺍﺿﻄﺮﺕ ﻟﻠﺴﻔﺮ ﻭﻟﻼﺷﺘﺒﺎﻙ ﻣﻊ ﺍﻟﻐﻴﺮ ، ﻣﺎ ﻛﺎﻧﺖ ﺍﻵﻥ ﻣﺘﻮﺍﺟﺪﺓ ﻓﻲ ﻣﺜﻞ ﻫﺬﺍ ﺍﻟﻤﻮﻗﻒ ﺍﻟﻤﺨﺰﻱ ...
- ﻧﺪﻯ ﻓﻲ ﻧﻔﺴﻬﺎ : ﺃﻧﺎ ﺍﻟﺴﺒﺐ ﻓﻲ ﻛﻞ ﺩﻩ ، ﺃﻳﻮﻩ ﺃﻧﺎ ﺍﻟﺴﺒﺐ ﻓﻲ ﺍﻟﻠﻲ ﺣﺼﻞ ، ﻣﺎ ﺍﻧﺎ ﻟﻮ ﻛﻨﺖ ﺭﻓﻀﺖ ﻣﻦ ﺍﻷﻭﻝ ﻣﻮﺿﻮﻉ ﺍﻟﺨﻄﻮﺑﺔ ﺩﻱ ﻣﻜﻨﺶ ﺣﺼﻞ ﺩﻩ ﻛﻠﻪ ، ﻭﻻ ﻛﻨﺖ ﻫﺎﻗﺎﺑﻞ ﺍﻟﻨﺎﺱ ﺩﻱ ! ﺍﻳﻮﻩ ﻣﻜﻮﻧﺘﺶ ﻫﺒﻘﻰ ﻓﻲ ﺍﻟﻤﻮﻗﻒ ﺍﻟﻤﺤﺮﺝ ﺩﻩ !
ﻭﺟﻬﺖ ﻧﻴﺮﺓ ﺃﻧﻈﺎﺭﻫﺎ ﻧﺤﻮ ﻧﺪﻯ ﺍﺧﺘﻬﺎ ﺗﺤﺎﻭﻝ ﺃﻥ ﺗﻔﻬﻢ ﻣﻨﻬﺎ ﺳﺒﺐ ﺻﻤﺘﻬﺎ ﻭ ..
- ﻧﻴﺮﺓ ﺑﻀﻴﻖ : ﺍﻧﺖ ﺳﺎﻛﺘﺔ ﻟﻴﻪ ﻳﺎ ﻧﺪﻯ ؟؟ ﻭﻻ ﻛﻼﻣﻪ ﻋﺎﺟﺒﻚ ؟؟ ﺭﺩﻱ ﻳﺎ ﻧﺪﻯ ﻉ ﺍﻟﻠﻲ ﺑﻴﺘﻘﺎﻝ !
ﺃﺧﺬﺕ ﻧﺪﻯ ﻧﻔﺴﺎً ﻃﻮﻳﻼً ﻭﻛﺄﻧﻬﺎ ﺗﺤﺎﻭﻝ ﺃﻥ ﺗﺴﺘﺠﻤﻊ ﺑﻪ ﺷﺠﺎﻋﺘﻬﺎ ﺍﻟﺘﻲ ﺗﻼﺷﺖ ﻟﻜﻲ ﺗﺘﺤﺪﺙ ﻭ ..
- ﻧﺪﻯ : ﺃﻧﺎ .. ﺃﻧﺎ ﻣﺶ ﻗﺎﺩﺭﺓ ﺃﺻﺪﻕ ﻛﻞ ﺩﻩ
- ﻳﻮﺳﻒ ﻣﺤﺎﻭﻻً ﺗﻠﻄﻴﻒ ﺍﻷﺟﻮﺍﺀ : ﺩﻩ ﻭﺿﻊ ﻣﺆﻗﺖ ﻳﻌﻨﻲ ﺁﺁﺁ ...
- ﻧﺪﻯ ﻣﻘﺎﻃﻌﺔ : ﺃﻧﺎ ﻋﺎﺭﻓﺔ ﺇﻧﻲ ﺍﻟﺴﺒﺐ ﻓﻲ ﺍﻟﻠﻲ ﺣﺼﻞ ﺩﻩ ﻛﻠﻪ ، ﻭﻣﻘﺪﺭﺵ ﺃﻟﻮﻡ ﺃﻱ ﺣﺪ ﻉ ﺃﻱ ﻛﻠﻤﺔ ﺑﺘﺘﻘﺎﻝ
- ﻳﻮﺳﻒ ﺑﺪﻫﺸﺔ : ﺍﻧﺘﻲ ﺑﺘﻘﻮﻟﻲ ﺍﻳﻪ؟
- ﻧﺪﻯ : ﻣﺤﺪﺵ ﻳﻘﺪﺭ ﻳﻠﻮﻣﻚ ﺍﻧﺖ ﺃﻭ ﻏﻴﺮﻙ ﻟﻤﺎ ﺗﺘﻜﻠﻤﻮﺍ ﻋﻨﻲ ﻭﺗﻄﻠﻌﻮﺍ ﻛﻼﻡ ﻭﺣﺶ ﻓﻲ ﺣﻘﻲ .. ﺃﻧﺎ ﻋﺬﺭﺍﻙ .. ﺍﻟﻐﻠﻄﺔ ﻣﻦ ﺍﻷﻭﻝ ﻏﻠﻄﺘﻲ ، ﻭﺍﻧﺖ ﺑﺘﺤﺎﻭﻝ ﺗﺼﻠﺢ ﺍﻟﻐﻠﻂ ﺩﻩ
- ﻣﺮﻭﺍﻥ : ﺍﻳﻪ ﺍﻟﻜﻼﻡ ﺩﻩ ﻳﺎ ﻧﺪﻯ
- ﻧﻴﺮﺓ : ﻧﺪﻯ ﺍﻧﺘﻲ ﻗﺼﺪﻙ ﺍﻳﻪ ؟
- ﻧﺪﻯ : ﻣﺶ ﻣﻦ ﺣﻖ ﺃﻱ ﺣﺪ ﻳﺘﺤﻤﻞ ﻧﺘﻴﺠﺔ ﻏﻠﻄﺔ ﺃﻧﺎ ﻋﻤﻠﺘﻬﺎ ﻣﻦ ﺍﻟﺒﺪﺍﻳﺔ ، ﻣﺤﺪﺵ ﻟﻴﻪ ﺫﻧﺐ ﻭﻻ ﻣﺠﺒﺮ ﻉ ﺩﻩ
- ﻳﻮﺳﻒ : ﻳﻌﻨﻲ ﺍﻳﻪ؟
- ﻧﺪﻯ ﻭﻗﺪ ﻧﻬﻀﺖ ﻣﻦ ﻣﻜﺎﻧﻬﺎ : ﻳﻌﻨﻲ ﺃﻧﺎ ﻫﺘﺼﺮﻑ
- ﻧﻴﺮﺓ ﺑﻌﺪﻡ ﻓﻬﻢ : ﻫﺘﻌﻤﻠﻲ ﺍﻳﻪ ﻳﺎ ﻧﺪﻯ ؟
- ﻳﻮﺳﻒ : ﺍﻧﺘﻲ ﺭﺍﻳﺤﺔ ﻓﻴﻦ ؟؟
ﻟﻢ ﺗﺠﺐ ﻧﺪﻯ ﻋﻠﻰ ﺗﺴﺎﺅﻻﺗﻬﻢ ، ﻭﺇﻧﻤﺎ ﻧﻬﻀﺖ ﻣﻦ ﻣﻜﺎﻧﻬﺎ ﻭﺗﺮﺟﻠﺖ ﻣﻦ ﺍﻟﺤﺎﻓﻠﺔ ﻭﻫﻲ ﻋﺎﻗﺪﺓ ﺍﻟﻌﺰﻡ ﻋﻠﻰ ﺍﻧﻬﺎﺀ ﺗﻠﻚ ﺍﻟﻤﺴﺄﻟﺔ .. ﺣﺎﻭﻝ ﻳﻮﺳﻒ ﺍﻋﺘﺮﺍﺽ ﻃﺮﻳﻘﻬﺎ ﻭﻟﻜﻨﻬﺎ ﺃﺻﺮﺕ ﻋﻠﻰ ﺍﻟﻤﻀﻲ ﻗﺪﻣﺎً ﻓﻴﻤﺎ ﻫﺪﺍﻫﺎ ﺇﻟﻴﻪ ﺗﻔﻜﻴﺮﻫﺎ ﻭ ..
- ﻳﻮﺳﻒ ﻭﻗﺪ ﻭﻗﻒ ﺃﻣﺎﻣﻬﺎ : ﻧﺪﻯ ﺍﺳﺘﻨﻲ ، ﻣﺎﺗﻌﻤﻠﻴﺶ ﺣﺎﺟﺔ ﺗﻨﺪﻣﻲ ﻋﻠﻴﻬﺎ ﺑﻌﺪ ﻛﺪﻩ
- ﻧﺪﻯ : ﺑﻌﺪ ﺍﺫﻥ ﺣﻀﺮﺗﻚ .. ﺍﻟﻤﻮﺿﻮﻉ ﺩﻩ ﻳﺨﺼﻨﻲ ، ﻭﺃﻧﺎ ﻣﻠﺰﻣﺔ ﺍﻧﻲ ﺍﺣﻠﻪ
- ﻳﻮﺳﻒ : ﺍﻧﺘﻲ ﻟﻴﻪ ﺑﺘﻌﻤﻠﻲ ﻛﺪﻩ
- ﻧﻴﺮﺓ : ﺍﺳﺘﻨﻲ ﻳﺎ ﻧﺪﻯ ، ﺑﻼﺵ ﺗﻬﻮﺭ
- ﻧﺪﻯ ﻣﺤﺬﺭﺓ : ﻧﻴﺮﺓ ﻣﺘﺪﺧﻠﻴﺶ .. ﺩﻩ ﻣﻮﺿﻮﻋﻲ ، ﻭﺃﻧﺎ ﺍﻟﻠﻲ ﻫﺎﺗﺼﺮﻑ ﻓﻴﻪ
- ﻧﻴﺮﺓ : ﻫﺘﻌﻤﻠﻲ ﺍﻳﻪ ؟؟؟
- ﻧﺪﻯ : ﻫﺎﺻﻠﺢ ﻏﻠﻄﻲ !
- ﻧﻴﺮﺓ ﻭﻗﺪ ﺃﻣﺴﻜﺖ ﺑﻜﺘﻒ ﺃﺧﺘﻬﺎ : ﺍﻗﻔﻲ ﺑﺲ ﻭﻓﻬﻤﻴﻨﻲ .. ﻳﺎ ﻧﺪﻯ
- ﻧﺪﻯ ﺑﻨﺒﺮﺓ ﺣﺎﺩﺓ ﻭﻫﻲ ﺗﺰﻳﺢ ﻳﺪﻫﺎ : ﻧﻴﺮﺓ ، ﺍﻃﻠﻌﻲ ﺍﻟﺒﺎﺹ ﻭﺍﺳﺘﻨﻴﻨﻲ ﻓﻮﻕ .. ﺃﻧﺎ ﻭ .. ﺁﺁ ... ﻭﺧﻄﻴﺒﻲ ﻋﻼﺀ !
- ﻧﻴﺮﺓ ﺑﺪﻫﺸﺔ : ﺍﻳﻴﻴﻴﻪ ؟
- ﻳﻮﺳﻒ ﻏﻴﺮ ﻣﺼﺪﻗﺎً ﻟﻤﺎ ﺳﻤﻊ : ﻣﻴﻦ؟؟
- ﻣﺮﻭﺍﻥ ﺑﺪﻫﺸﺔ : ﻧـــﻌﻢ ؟؟
- ﻧﻴﺮﺓ : ﻷﻷﻷ .. ﺍﻧﺘﻲ ﺍﻛﻴﺪ ﺍﺗﺠﻨﻨﺘﻲ ؟؟
- ﻧﺪﻯ : ﺍﻟﺠﻨﺎﻥ ﺍﻧﻲ ﺃﻭﺍﻓﻖ ﻉ ﺍﻟﻠﻲ ﺑﺘﻘﻮﻟﻮﻩ ،
- ﻳﻮﺳﻒ ﻣﻘﺎﻃﻌﺎً : ﺍﻧﺘﻲ ﻋﺎﺭﻓﺔ ﺍﻟﻜﺎﺋﻦ ﺩﻩ ﻛﺎﻥ ﺑﻴﻘﻮﻝ ﻋﻨﻚ ﺍﻳﻪ
- ﻧﺪﻯ ﻭﻫﻲ ﺗﺤﺎﻭﻝ ﺗﺠﻨﺐ ﺍﻟﻨﻈﺮ ﻓﻲ ﺃﻋﻴﻨﻬﻢ : ﻣﺶ ﻣﻬﻢ ، ﺑﺲ ﻓﻲ ﺍﻷﻭﻝ ﻭﻓﻲ ﺍﻷﺧﺮ ﺩﻩ ﺧﻄﻴﺒﻲ ، ﺍﻳﻮﻩ ﻏﻠﻄﺘﻲ ﺇﻧﻲ ﺍﺗﺴﺮﻋﺖ ﻭ ﻓﺮﻛﺸﺘﻬﺎ ﻛﺎﻥ ﻻﺯﻡ ﺃﺳﺘﺤﻤﻞ ﻃﻴﺸﻪ ﻉ ﺍﻷﻗﻞ ﻟﺤﺪ ﻣﺎ ﺃﺭﺟﻊ ﻟﻮﺍﻟﺪﻱ ﻭﻫﻮ ﻳﺘﺼﺮﻑ ﻣﻌﺎﻩ ﺍﻟﺘﺼﺮﻑ ﺍﻟﺴﻠﻴﻢ
ﺃﻣﺴﻚ ﻳﻮﺳﻒ ﻧﺪﻯ ﻣﻦ ﻛﻠﺘﺎ ﺫﺭﺍﻋﻴﻬﺎ ﺑﻴﺪﻳﻪ ﻣﺤﺎﻭﻻً ﺃﻥ ﻳﺮﺩﻫﺎ ﺇﻟﻰ ﻋﻘﻠﻬﺎ .. ﻭﻟﻜﻦ ﺩﻭﻥ ﺟﺪﻭﻯ
- ﻳﻮﺳﻒ ﻭﻗﺪ ﺃﻣﺴﻜﻬﺎ ﻣﻦ ﺫﺭﺍﻋﻬﺎ : ﺍﻧﺘﻲ ﺃﻛﻴﺪ ﻣﺶ ﻃﺒﻴﻌﻴﺔ ، ﺍﻧﺘﻲ ﻭﺍﻋﻴﺔ ﻟﻠﻲ ﺑﺘﻘﻮﻟﻴﻪ ؟؟؟
- ﻧﺪﻯ ﻭﻫﻲ ﺗﺸﻴﺢ ﺑﻮﺟﻬﻬﺎ : ﻟﻮ ﺳﻤﺤﺖ ﻧﺰﻝ ﺍﻳﺪﻙ ، ﻣﺎﻳﺼﺤﺶ ﺍﻟﻠﻲ ﺑﺘﻌﻤﻠﻪ ﺩﻩ
- ﻳﻮﺳﻒ ﻭﻗﺪ ﺃﺑﻌﺪ ﻳﺪﻩ : ﺑﺲ ﻳﺼﺢ ﺍﻟﻠﻲ ﺍﻧﺘﻲ ﺑﺘﻌﻤﻠﻴﻪ ؟
- ﻧﺪﻯ : ﺍﻩ .. ﻋﻦ ﺍﺫﻧﻚ
- ﻧﻴﺮﺓ : ﺣﺮﺍﻡ ﻋﻠﻴﻜﻲ ﻳﺎ ﻧﺪﻯ ، ﺍﻧﺘﻲ ﻛﺪﻩ ﻫﺘﻌﻤﻠﻲ ﻣﺼﻴﺒﺔ
ﺗﺠﺎﻫﻠﺖ ﻧﺪﻯ ﺗﻮﺳﻼﺕ ﺍﺧﺘﻬﺎ ﻧﻴﺮﺓ ، ﻭﻣﻀﺖ ﻓﻲ ﻃﺮﻳﻘﻬﺎ ﺑﺎﺣﺜﺔ ﻋﻦ ﻋﻼﺀ ﻟﻠﺤﺪﻳﺚ ﻣﻌﻪ .. ﺣﺎﻭﻟﺖ ﻧﻴﺮﺓ ﺃﻥ ﺗﺠﻌﻞ ﻣﺮﻭﺍﻥ ﻳﺘﺪﺧﻞ ﻟﻤﻨﻌﻬﺎ ، ﻭﻟﻜﻨﻪ ﺭﻓﺾ ﻛﻲ ﻻ ﻳﺰﻳﺪ ﺍﻟﻄﻴﻦ ﺑﻠﺔ ﻭ ..
- ﻧﻴﺮﺓ ﺑﺮﺟــﺎﺀ : ﻣﺮﻭﺍﻥ ﺃﺭﺟﻮﻙ ، ﺍﻣﻨﻌﻬﺎ ﻣﻦ ﺍﻟﻠﻲ ﻫﻲ ﻫﺘﻌﻤﻠﻪ
- ﻣﺮﻭﺍﻥ ﺑﺘﺮﺩﺩ : ﺃﻧﺎ .. ﺍﻧﺎ ..
- ﻧﻴﺮﺓ : ﻧﺪﻯ ﻫﺘﻀﻴﻊ ﻧﻔﺴﻬﺎ ﻭﻣﺤﺪﺵ ﻋﺎﻭﺯ ﻳﺴﺎﻋﺪﻫﺎ
- ﻣﺮﻭﺍﻥ : ﻣﺸﻜﻠﺔ ﺍﺧﺘﻚ ﺍﻧﻬﺎ ﺭﺍﻛﺒﺔ ﺩﻣﺎﻏﻬﺎ ! ﻭﻣﺼﻤﻤﺔ ﺗﻌﻤﻞ ﺍﻟﻠﻲ ﻫﻲ ﻋﺎﻭﺯﺍﻩ ، ﻭﺃﻧﺎ ﻟﻮ ﺣﺎﻭﻟﺖ ﺃﺿﻐﻂ ﻋﻠﻴﻬﺎ ، ﺍﻟﻠﻪ ﺍﻋﻠﻢ ﻫﺘﺘﺼﺮﻑ ﺍﺯﺍﻱ .. ﻭﺃﻧﺎ ﻣﺶ ﻋﺎﻭﺯ ﺍﻟﺪﻧﻴﺎ ﺗﻮﻟﻊ ﻭﺁﺁﺁ ...
- ﻧﻴﺮﺓ ﻭﻗﺪ ﺃﺻﺎﺑﺘﻬﺎ ﺧﻴﺒﺔ ﺍﻷﻣﻞ : ﻛﻞ ﺍﻟﺮﺟﺎﻟﺔ ﺯﻱ ﺑﻌﺾ .. ﻛﻠﻪ ﺯﻱ ﺑﻌﺾ
ﺍﺑﺘﻌﺪﺕ ﻧﻴﺮﺓ ﻋﻦ ﻣﺮﻭﺍﻥ ﻭﻳﻮﺳﻒ ، ﻭﻭﻗﻔﺖ ﺑﺠﻮﺍﺭ ﺍﺧﺘﻬﺎ ﻓﺎﻃﻴﻤﺎ .. ﺗﺮﻗﺮﻗﺖ ﺍﻟﺪﻣﻮﻉ ﻓﻲ ﻋﻴﻨﻲ ﻧﻴﺮﺓ ﺣﺰﻧﺎً ﻋﻠﻰ ﺍﺧﺘﻬﺎ ، ﻭﻛﺎﻧﺖ ﺗﻠﻚ ﻫﻲ ﺍﻟﻤﺮﺓ ﺍﻷﻭﻟﻰ ﺍﻟﺘﻲ ﻳﺮﻯ ﻓﻴﻬﺎ ﻣﺮﻭﺍﻥ ﻧﻴﺮﺓ ﺑﺘﻠﻚ ﺍﻟﻄﺮﻳﻘﺔ ، ﻓﻬﻲ ﺩﺍﺋﻤﺎً ﺃﻣﺎﻣﻪ ﻛﺎﻟﻮﺣﺶ ﺍﻟﻜﺎﺳﺮ ﺍﻟﺬﻱ ﻻ ﻳﺨﺸﻰ ﺃﺣﺪ .. ﻭﻫﺎ ﻫﻲ ﺍﻵﻥ ﺗﺒﻜﻲ ﻋﻠﻰ ﺷﻘﻴﻘﺘﻬﺎ ﻛﺄﻱ ﻓﺘﺎﺓ ﻋﺎﺩﻳﺔ ﺭﻗﻴﻘﺔ .. ﺑﺪﺃﺕ ﺗﻌﻠﻮ ﺷﻬﻘﺎﺕ ﻧﻴﺮﺓ ، ﺣﺎﻭﻝ ﻣﺮﻭﺍﻥ ﺍﻟﺘﺨﻔﻴﻒ ﻋﻨﻬﺎ ﻭ ..
- ﻣﺮﻭﺍﻥ ﻭﻫﻮ ﻳﺘﺄﻣﻞ ﻧﺪﻯ : ﻣﺶ ﻣﻤﻜﻦ ﺗﻜﻮﻥ ﺩﻱ ﻧﻴﺮﺓ ﺍﻟﻠﻲ ﺃﻧﺎ ﺃﻋﺮﻓﻬﺎ ، ﺩﻩ ﻣﺎﻓﻴﺶ ﻣﺮﺓ ﺷﻮﻓﺘﻬﺎ ﻓﻴﻬﺎ ﺇﻻ ﻭﻫﻲ ﻋﺎﻣﻼﻟﻲ ﻓﻴﻬﺎ ﺃﺑﻮﺯﻳﺪ ﺍﻟﻬﻼﻟﻲ .. ﺍﺯﺍﻱ ﺗﺒﻘﻰ ﻛﺪﻩ !
- ﻧﻴﺮﺓ : ﺍﻫﻲﺀ ... ﺍﻫﻲﺀ
- ﻣﺮﻭﺍﻥ ﻭﻗﺪ ﺍﻗﺘﺮﺏ ﻣﻨﻬﺎ : ﻧﻴﺮﺓ ..
- ﻧﻴﺮﺓ ﻭﻫﻲ ﺗﻤﺴﺢ ﺩﻣﻮﻋﻬﺎ ﺑﺎﻃﺮﺍﻑ ﺃﺻﺎﺑﻌﻬﺎ : ﺍﻓﻨﺪﻡ
ﺃﺧﺮﺝ ﻣﺮﻭﺍﻥ ﻣﻨﺪﻳﻼً ﻭﺭﻗﻴﺎً ﻣﻦ ﺟﻴﺒﻪ ﺛﻢ ﻣﺪ ﻳﺪﻩ ﺑﻪ ﺇﻟﻴﻬﺎ ﻟﻜﻲ ﺗﺴﺘﺨﺪﻣﻪ ، ﻭﻟﻜﻨﻬﺎ ﺭﻓﻀﺖ ..
- ﻣﺮﻭﺍﻥ ﻭﻫﻮ ﻳﻌﻄﻴﻬﺎ ﺍﻟﻤﻨﺪﻳﻞ : ﺍﺗﻔﻀﻠﻲ
- ﻧﻴﺮﺓ : ﺷﻜﺮﺍً ﻣﺶ ﻋﺎﻭﺯﺓ
- ﻣﺮﻭﺍﻥ : ﺃﻧﺎ ﻋﺎﻭﺯﻙ ﺗﻌﺮﻓﻲ ﺇﻧﻲ ﺁﺁﺁ ...
- ﻧﻴﺮﺓ ﺑﻌﺪﻡ ﺍﻛﺘﺮﺍﺙ : ﻳﺎﻻ ﻳﺎ ﻃﻤﻄﻢ ، ﺧﻠﻴﻨﺎ ﻧﻄﻠﻊ ﻧﺴﺘﻨﻰ ﻧﺪﻯ ﻓﻮﻕ
- ﻓﺎﻃﻴﻤﺎ : ﺍﻭﻙ
ﺗﺮﻛﺖ ﻧﻴﺮﺓ ﻣﺮﻭﺍﻥ ﻭﺍﻗﻔﺎً ﺑﻤﻔﺮﺩﻩ ، ﺛﻢ ﺻﻌﺪﺕ ﻋﻠﻰ ﻣﺘﻦ ﺍﻟﺤﺎﻓﻠﺔ .. ﺷﻌﺮ ﻣﺮﻭﺍﻥ ﺃﻥ ﺑﺘﺼﺮﻓﻪ ﻫﺬﺍ ﺭﺑﻤﺎ ﺃﺻﺎﺏ ﻧﻴﺮﺓ ﺑﺨﻴﺒﺔ ﺍﻷﻣﻞ ، ﻭﻟﻜﻨﻪ ﻛﺎﻥ ﻳﺮﻳﺪ ﺍﻟﺘﻌﻘﻞ ﻗﺒﻞ ﺍﺗﺨﺎﺫ ﺃﻱ ﺧﻄﻮﺓ ﻭﻣﻦ ﺛﻢ ﺍﻟﺘﺼﺮﻑ ﺑﺤﻜﻤﺔ ..
ﻟﻢ ﻳﺴﺘﻮﻋﺐ ﻳﻮﺳﻒ ﻣﺎ ﻗﺎﻟﺘﻪ ﻧﺪﻯ ﻗﺒﻞ ﻗﻠﻴﻞ .. ﻇﻞ ﻳﺮﺩﺩ ﺩﺍﺧﻞ ﻧﻔﺴﻪ ﺃﺳﺌﻠﺔ ﺑﺎﺣﺜﺎً ﻋﻦ ﺇﺟﺎﺑﺎﺕ ﻟﻬﺎ ، ﻟﻤﺎﺫﺍ ﺗﺼﺮﻓﺖ ﻧﺪﻯ ﻫﻜﺬﺍ ؟ ﻭﻛﻴﻒ ﻳﻤﻜﻦ ﺃﻥ ﺗﺮﺗﻜﺐ ﻣﺜﻞ ﺗﻠﻚ ﺍﻟﺠﺮﻳﻤﺔ ﻓﻲ ﺣﻖ ﻧﻔﺴﻬﺎ ؟ ﻭﻛﻴﻒ ﻳﻤﻜﻨﻬﺎ ﺃﻥ ﺗﻠﻘﻲ ﺑﻨﻔﺴﻬﺎ ﻣﺮﺓ ﺍﺧﺮﻯ ﻓﻲ ﺟﺤﻴﻢ ﻫﺬﺍ ﺍﻟﺮﺟﻞ ﻭﺗﺘﺤﻤﻞ ﺇﻫﺎﻧﺎﺗﻪ ﺑﻞ ﻭﺭﺑﻤﺎ ﺍﻋﺘﺪﺍﺀﺍﺗﻪ ﺍﻟﻠﻔﻈﻴﺔ ﻭﺍﻟﺠﺴﺪﻳﺔ ﻋﻠﻴﻬﺎ ﺍﻳﻀﺎً ؟ ﻟﻤﺎ ﻛﻞ ﻫﺬﺍ ؟؟؟ .. ﻭﺍﻟﺴﺆﺍﻝ ﺍﻟﻬﺎﻡ ﺍﻟﺬﻱ ﺃﺭﺍﺩ ﺃﻥ ﻳﻌﺮﻑ ﺍﺟﺎﺑﺘﻪ ﻫﻞ ﻫﻲ ﻓﻌﻼ ﻭﺍﻗﻌﺔ ﻓﻲ ﻏﺮﺍﻣﻪ ؟؟
ﻣﺠﺮﺩ ﺍﻟﺘﻔﻜﻴﺮ ﻓﻲ ﻫﺬﺍ ﺍﻷﻣﺮ ﺃﺛﺎﺭ ﺣﻨﻘﻪ ﺍﻟﺸﺪﻳﺪ ، ﻭﺟﻌﻠﻪ ﻓﻲ ﺣﺎﻟﺔ ﻋﺼﺒﻴﺔ ..
ﺑﻠﻰ ﻧﻔﺴﻪ ﺛﺎﺋﺮﺓ ، ﺟﻮﺍﺭﺣﻪ ﻣﺸﺘﻌﻠﺔ ، ﻭﻗﻠﺒﻪ ﻣﻠﺘﺎﻉ .. ﻫﻮ ﻳﺤﺎﻭﻝ ﺃﻥ ﻳﺒﺪﻭ ﻫﺎﺩﺋﺎً ﻣﺘﻌﻘﻼً ، ﻟﻜﻦ ﻛﻞ ﺫﺭﺓ ﻓﻲ ﺟﺴﺪﻩ ﺗﺮﻓﺾ ﻫﺬﺍ .. ﻟﺬﺍ ﻟﻢ ﻳﻜﻦ ﺃﻣﺎﻣﻪ ﺃﻱ ﺧﻴﺎﺭ ﺳﻮﻯ ﺍﻻﺑﺘﻌﺎﺩ ﻋﻦ ﺍﻟﻤﻜﺎﻥ ﻭﺍﻟﺘﻮﺟﻪ ﻟﻤﻨﻄﻘﺔ ﺍﻟﻜﻮﺭﻧﻴﺶ ﻟﻌﻠﻪ ﻳﺠﺪ ﻓﻲ ﻫﻮﺍﺀ ﺍﻟﺒﺤﺮ ﻣﺎ ﻳﻬﺪﻱﺀ ﻣﻦ ﺛﻮﺭﺗﻪ ﺍﻟﺪﺍﺧﻠﻴﺔ ...
.................................
ﺗﺠﻮﻟﺖ ﻧﺪﻯ ﻓﻲ ﺃﺭﺟﺎﺀ ﺍﻟﻤﻨﻄﻘﺔ ﺑﺎﺣﺜﺔ ﻋﻦ ﻋﻼﺀ ، ﻭﺃﺧﻴﺮﺍً ﻭﺟﺪﺗﻪ ﻳﺠﻠﺲ ﻋﻠﻰ ﺃﺣﺪ ﺍﻟﻤﻘﺎﻫﻲ ﺍﻟﻘﺮﻳﺒﺔ ﻭﻳﺪﺧﻦ ( ﺍﻟﺸﻴﺸﺔ ) .. ﻭﺭﻏﻢ ﺷﻌﻮﺭﻫﺎ ﺑﺎﻻﺷﻤﺌﺰﺍﺯ ﻣﻨﻪ ﺇﻻ ﺃﻧﻬﺎ ﻓﻀﻠﺖ ﺃﻥ ﺗﺘﺤﻤﻞ ﻫﻲ ﻭﺣﺪﻫﺎ ﺍﻟﻠﻮﻡ ﻭﺍﻟﻌﺘﺎﺏ ﻋﻠﻰ ﺃﻥ ﺗﺸﺮﻙ ﻏﻴﺮﻫﺎ ﻓﻲ ﺃﻣﺮ ﻟﻴﺲ ﻟﻬﻢ ﺫﻧﺐ ﻓﻴﻪ ..
ﺍﻗﺘﺮﺑﺖ ﻧﺪﻯ ﻣﻦ ﺍﻟﻤﻘﻬﻰ ﺍﻟﺸﻌﺒﻲ ، ﺛﻢ ﺃﺷﺎﺭﺕ ﻟﻌﻼﺀ ﺑﻴﺪﻫﺎ ﺍﻟﺬﻱ ﺗﻌﻤﺪ ﻓﻲ ﺍﻟﺒﺪﺍﻳﺔ ﺃﻥ ﻳﺘﺠﺎﻫﻠﻬﺎ ﻭ ..
- ﻧﺪﻯ ﻣﻠﻮﺣﺔ ﺑﻴﺪﻫﺎ ﻭﺑﻨﺒﺮﺓ ﻣﺮﺗﻔﻌﺔ ﻧﺴﺒﻴﺔ : ﻋــ .. ﻋﻼﺀ !
- ﻋﻼﺀ ﻭﻫﻮ ﻳﺪﻳﺮ ﻭﺟﻬﻪ ﺍﻟﻨﺎﺣﻴﺔ ﺍﻷﺧﺮﻯ : ﺍﻭﻭﻭﻑ
- ﻧﺪﻯ ﻣﻜﺮﺭﺓ : ﻋـــﻼﺀ !
ﻗﺎﻡ ﺃﺣﺪ ﺍﻟﻤﺘﻮﺍﺟﺪﻳﻦ ﻓﻲ ﺍﻟﻤﻘﻬﻰ ﺍﻟﺸﻌﺒﻲ ﺑﻠﻔﺖ ﻧﻈﺮ ﻋﻼﺀ ﺑﺄﻥ ﻫﻨﺎﻙ ﻓﺘﺎﺓ ﻣﺎ ﺗﺸﻴﺮ ﺇﻟﻴﻪ ، ﻣﻤﺎ ﺃﺟﺒﺮﻩ ﻋﻠﻰ ﺃﻥ ﻳﺪﻳﺮ ﺭﺃﺳﻪ ﻧﺎﺣﻴﺘﻬﺎ ﻭ ..
- ﺷﺨﺺ ﻣﺎ ﻣﺘﻮﺍﺟﺪ ﺑﺎﻟﻤﻘﻬﻰ : ﻛﺎﺑﺘﻦ
- ﻋﻼﺀ ﻭﻫﻮ ﻳﺪﺧﻦ ﺍﻟﺸﻴﺸﺔ : ﺍﻳﻪ ؟
- ﺷﺨﺺ ﻣﺎ : ﻓﻲ ﻭﺍﺣﺪﺓ ﺑﺘﺸﺎﻭﺭﻟﻚ
- ﻋﻼﺀ ﺑﻌﺪﻡ ﺍﻫﺘﻤﺎﻡ : ﺩﻱ ﻓﻴﻦ ﺩﻱ ؟
- ﺷﺨﺺ ﻣﺎ ﻭﻫﻮ ﻳﺸﻴﺮ ﺑﻴﺪﻩ ﺣﻴﺚ ﺗﻘﻒ ﻧﺪﻯ : ﺃﻫﻲ .. ﻭﺍﻗﻔﺔ ﻫﻨﺎﻙ
- ﻋﻼﺀ : ﺃﻫﺎ .. ﻣﺘﺸﻜﺮ
ﻧﻬﺾ ﻋﻼﺀ ﻣﻦ ﻣﻜﺎﻧﻪ ﺑﻌﺪ ﺃﻥ ﺩﻓﻊ ﺣﺴﺎﺑﻪ ، ﺛﻢ ﻭﺿﻊ ﻳﺪﻳﻪ ﻓﻲ ﺟﻴﺒﻪ ﻭﺗﻮﺟﻪ ﻧﺎﺣﻴﺔ ﻧﺪﻯ ﻭﻧﻈﺮﺍﺕ ﺍﻻﺣﺘﻘﺎﺭ ﺗﻌﻠﻮ ﻭﺟﻬﻪ ﺧﺎﺻﺔ ﺑﻌﺪ ﺃﻥ ﺭﺃﻫﺎ ﺗﺮﺗﺪﻱ ( ﺗﻲ ﺷﻴﺮﺗﺎً ) ﻏﻴﺮ ﺗﻠﻚ ﺍﻟﻜﻨﺰﺓ ﺍﻟﺘﻲ ﺟﺎﺀﺕ ﺑﻬﺎ ﻣﻌﻪ ﻭ ..
- ﻋﻼﺀ ﺑﻘﺮﻑ : ﻋﺎﻭﺯﺓ ﺍﻳﻪ
- ﻧﺪﻯ ﻭﻫﻲ ﺗﻔﺮﻙ ﻛﻔﻲ ﻳﺪﻫﺎ ﻣﻦ ﺍﻟﺘﻮﺗﺮ : ﺁﺁ .. ﺃﻧﺎ .. ﺍﻧﺎ ﻛﻨﺖ ﻋﺎﻭﺯﺍﻙ ﻓﻲ ﻛﻠﻤﺘﻴﻦ
- ﻋﻼﺀ ﻭﻫﻮ ﻳﺘﻔﺤﺺ ﺟﺴﺪ ﻧﺪﻯ ﺑﻨﻈﺮﺍﺕ ﺟﺮﻳﺌﺔ : ﻋﺎﻭﺯﺓ ﺍﻳﻪ ؟ ﻣﻤﻤﻢ ... ﻭﺍﺿﺢ ﻓﻌﻼً ﺇﻥ ﺍﻟﺘﻲ ﺷﻴﺮﺕ ﺍﻟﺮﺟﺎﻟﻲ ﻣﺨﻠﻴﻜﻲ ﺁﺁﺁ ..... ﻭﻻ ﺑﻼﺵ ﻷﺣﺴﻦ ﺗﻌﻤﻠﻴﻠﻲ ﻓﻴﻬﺎ ﻻﻣﺆﺍﺧﺬﺓ ﺧﻀﺮﺓ ﺍﻟﺸﺮﻳﻔﺔ
ﻟﻢ ﺗﺴﻠﻢ ﻧﺪﻯ ﻣﻦ ﻭﻗﺎﺣﺔ ﻋﻼﺀ ﻣﻌﻬﺎ ﻭﻻ ﺣﺘﻰ ﻣﻦ ﻧﻈﺮﺍﺗﻪ ﺍﻟﻔﺎﺣﺼﺔ ﻟﺠﺴﺪﻫﺎ ، ﺣﺎﻭﻟﺖ ﺃﻥ ﺗﺒﺪﻭ ﻃﺒﻴﻌﻴﺔ ﺍﻣﺎﻣﻪ ، ﺃﺯﺍﺣﺖ ﺑﻴﺪﻫﺎ ﺧﺼﻠﺔ ﻣﻦ ﺷﻌﺮﻫﺎ ﻛﺎﻥ ﺍﻟﻬﻮﺍﺀ ﻗﺪ ﻋﺒﺚ ﺑﻬﺎ ﻭﻧﺜﺮﻫﺎ ﻋﻠﻰ ﻭﺟﻨﺘﻬﺎ ..
- ﻧﺪﻯ ﻭﻫﻲ ﺗﻌﻴﺪ ﺧﺼﻠﺔ ﺷﻌﺮﻫﺎ ﻟﻠﺨﻠﻒ : ﺑﺺ ﺃﻧﺎ .. ﺍﻧﺎ ﻛﻨﺖ ﺟﺎﻳﺔ ﺃﻋﺘﺬﺭﻟﻚ ﻋﻦ ﺍﻟﻠﻲ ﺣﺼﻞ ، ﻭﺃﻃﻠﺐ ﺍﻧﻨﺎ .. ﺍﻧﻨﺎ ﻧﺮﺟﻊ ﻟﺒﻌﺾ ﻭﻛﺄﻥ ﻣﺎﻓﻴﺶ ﺣﺎﺟﺔ ﺣﺼﻠﺖ
ﺳﻤﻌﺖ ﻧﺪﻯ ﺻﻮﺕ ﻗﻬﻘﻬﺎﺕ ﻋﻼﺀ ﺍﻟﻌﺎﻟﻴﺔ ﻭﺍﻟﺘﻲ ﺗﺤﻤﻞ ﻣﻦ ﺍﻟﺴﺨﺮﻳﺔ ﻣﺎ ﺟﻌﻠﻬﺎ ﺗﻨﺪﻡ ﻋﻠﻰ ﻗﺮﺍﺭﻫﺎ ﺍﻟﻤﺘﺴﺮﻉ ﺑﺎﻟﻤﺠﻲﺀ ﺇﻟﻴﻪ
- ﻋﻼﺀ : ﻫﻊ ﻫﻊ ﻫﻊ .. ﻻ ﻭﺍﻟﻠﻪ .. ﺩﻩ ﺑﺄﻣﺎﺭﺓ ﺍﻳﻪ ﺍﻥ ﺷﺎﺀ ﺍﻟﻠﻪ
- ﻧﺪﻯ ﺑﺘﻮﺗﺮ : ﺁﺁ .. ﺁﺁ .. ﻳﻌﻨﻲ ﺍﻟﻠﻲ ﺁﺁ ..
- ﻋﻼﺀ ﻣﻘﺎﻃﻌﺎً : ﺍﻧﺘﻲ ﻫﺘﻬﺘﻬﻲ ..
- ﻧﺪﻯ : ﻫﺎﻩ .. ﺁﺁ .. ﺳﻮﺭﻱ ، ﺍﻧﺎ ﺑﺘﺄﺳﻔﻠﻚ ﻋﻦ ﺍﻟﻠﻲ ﺣﺼﻞ ، ﺍﻋﺘﺒﺮﻫﺎ .. ﺍﻋﺘﺒﺮﻫﺎ ﻏﻠﻄﺖ ﻭﻣﺶ ﻫﺘﺘﻜﺮﺭ ﺗﺎﻧﻲ ..
- ﻋﻼﺀ ﺑﺘﻬﻜﻢ : ﻣﻤﻢ .. ﻏﻠﻄﺔ !
- ﻧﺪﻯ ﺑﻨﺒﺮﺓ ﻣﺘﻮﺗﺮﺓ : ﺍﻳﻮﻩ ، ﺃﻧﺎ .. ﺃﻧﺎ ﻏﻠﻄﺖ ﻭﻛﺎﻥ ﻻﺯﻡ ﺍﻗﺪﺭ ﺍﻧﻚ ﻋﺎﻭﺯ ﺗﺘﻘﺮﺏ ﻣﻨﻲ ﻭﺁﺁﺁ .. ﻭﻣﺎﺗﺴﺮﻋﺶ ﻓﻲ ﺍﻟﻠﻲ ﻋﻤﻠﺘﻪ ، ﻭﺃﻃﻠﺐ ﻣﻨﻚ ﺑﺄﺩﺏ ﺍﻧﻚ ﺗﺼﺒﺮ ﻳﻌﻨﻲ ... ﻟﺤﺪ .... ﻣﺎ ﻧﺘﺠﻮﺯ
- ﻋﻼﺀ : ﻭﺍﻳﻪ ﻛﻤﺎﻥ
- ﻧﺪﻯ : ﺑﺲ ..
- ﻋﻼﺀ : ﺑﺲ ﻛﺪﻩ
- ﻧﺪﻯ ﻭﻫﻲ ﻣﻄﺄﻃﺄﺓ ﺍﻟﺮﺃﺱ : ﺍﻫﺎ
- ﻋﻼﺀ : ﻃﺐ ﺑﺼﻴﻠﻲ ﻳﺎ .. ﻳﺎ ﺣﻠﻮﺓ ﻭﺍﺳﻤﻌﻲ ﺍﻟﻜﻠﻤﺘﻴﻦ ﺩﻭﻝ ﻛﻮﻳﺲ
- ﻧﺪﻯ ﻭﻗﺪ ﺭﻓﻌﺖ ﻭﺟﻬﻬﺎ : ﻫﺎ ..
- ﻋﻼﺀ ﺑﺜﻘﺔ : ﻋﺸﺎﻥ ﻣﺎﺿﻴﻌﺶ ﻭﻗﺘﻚ ﻭ ﺃﻧﺴﻰ ﺍﻟﻠﻲ ﺣﺼﻞ ﻗﺒﻞ ﺷﻮﻳﺔ ﻓﻲ ﺍﻟﺒﺎﺹ ﻭﻧﺮﺟﻊ ﻟﺒﻌﺾ ﻳﺒﻘﻰ ﻫﺘﻨﻔﺬﻱ ﺷﺮﻭﻃﻲ ﺑﺎﻟﻨﺺ
- ﻧﺪﻯ : ﺷــ ... ﺷﺮﻭﻁ
- ﻋﻼﺀ : ﻃﺒﻌﺎً ، ﺍﻭﻣﺎﻝ ﺍﻧﺘﻲ ﻣﻔﻜﺮﺓ ﺍﻧﻲ ﻫﺎﻋﺪﻱ ﺍﻟﻠﻲ ﻋﻤﻠﺘﻴﻪ ﺩﻩ ﺑﺎﻟﺴﺎﻫﻞ
- ﻧﺪﻯ : ﺁﺁﺁ ...
- ﻋﻼﺀ : ﺩﻩ ﺃﻧﺎ ﻫﺎﻃﻔﺤﻚ ﺍﻟﺪﻡ ﻗﺒﻞ ﻣﺎ ﺃﻭﺍﻓﻖ ﺍﻧﻲ ﺃﺭﺟﻌﻠﻚ ..
- ﻧﺪﻯ ﻏﻴﺮ ﻣﺼﺪﻗﺔ ﻟﻤﺎ ﺗﺴﻤﻊ : ﺍﻳﻪ ؟؟
- ﻋﻼﺀ ﻣﻜﻤﻼً : ﻫﻮ ﺍﻧﺘﻲ ﻓﺎﻛﺮﺓ ﺍﻧﻲ ﻣﺨﺘﻮﻡ ﻉ ﻗﻔﺎﻳﺎ
- ﻧﺪﻯ : ﻳﻌﻨﻲ ﺍﻳﻪ ؟؟؟
- ﻋﻼﺀ : ﺑﺼﻲ ﻳﺎ ... ﻳﺎ ﺳﺖ ﺍﻟﺒﻨﺎﺕ ﺃﻭﻝ ﺷﺮﻁ ﻫﺘﻌﻤﻠﻴﻪ ﺍﻧﻚ ﺗﻘﻔﻲ ﻗﺼﺎﺩ ﺑﺘﻮﻉ ﺍﻟﺮﺣﻠﺔ ﻛﻠﻬﻢ ﻭﺗﺘﺄﺳﻔﻴﻠﻲ ﻉ ﺍﻟﻠﻲ ﻋﻤﻠﻴﺘﻪ ﻭﺗﻌﺘﺮﻓﻲ ﺍﻧﻚ ﻏﻠﻄﺘﻲ ﻓﻲ ﺣﻘﻲ
- ﻧﺪﻯ ﻓﺎﻏﺮﺓ ﻓﺎﻫﻬﺎ : ﻫــﺎﻩ
- ﻋﻼﺀ ﻣﻀﻴﻔﺎً : ﻭﺗﺒﻮﺳﻲ ﺭﺍﺳﻲ ﻗﺼﺎﺩﻫﻢ ..
- ﻧﺪﻯ : ﻛﻤﺎﻥ !
- ﻋﻼﺀ : ﻣﺶ ﺑﺲ ﻛﺪﻩ ، ﻷ ﺍﻧﺘﻲ ﻭﻋﻴﻠﺘﻚ ﻫﺘﺘﺤﻤﻠﻲ ﻧﺘﻴﺠﺔ ﻏﻠﻄﺘﻚ ﺩﻱ ، ﻭﻫﺘﺸﻴﻠﻮﺍ ﺍﻟﻠﻴﻠﺔ ﻛﻠﻬﺎ
- ﻧﺪﻯ : ﻣﺶ ﻓﺎﻫﻤﺔ
- ﻋﻼﺀ : ﺍﻟﺨﻄﻮﺑﺔ ﻣﻌﺮﻭﻑ ﺍﻧﻬﺎ ﻉ ﺍﻟﻌﺮﻭﺳﺔ ، ﻳﺒﻘﻰ ﻫﺘﻌﻤﻠﻲ ﺧﻄﻮﺑﺔ ﺗﻠﻴﻖ ﺑﻴﺎ ﻭﺑﻌﻴﻠﺘﻲ ﻓﻲ ﺃﺣﺴﻦ ﻗﺎﻋﺔ ﻓﻲ ﺍﻟﻘﺎﻫﺮﺓ ، ﻭﺗﺮﺿﻲ ﺑﺎﻟﺸﺒﻜﺔ ﺍﻟﻠﻲ ﻫﻘﺪﻣﻬﺎﻟﻚ ...
- ﻧﺪﻯ : ﺃﻧﺎ ... ﺃﻧﺎ ﺁﺁﺁ ...
- ﻋﻼﺀ : ﺍﺻﺒﺮﻱ ، ﺃﻧﺎ ﻟﺴﻪ ﻣﺨﻠﺼﺘﺶ ﺑﺎﻗﻲ ﻛﻼﻣﻲ..
