ﻓﻲ ﺍﻟﻄﺎﺋﺮﺓ ،،،،
ﻛﺎﻧﺖ ﻧﺪﻯ ﺗﻀﻊ ﻳﺪﻫﺎ ﺇﻟﻰ ﺟﻮﺍﺭﻫﺎ ﻋﻠﻰ ﻣﺴﻨﺪ ﺍﻟﻤﻘﻌﺪ ، ﻭﻓﺠـــﺄﺓ ﻭﺟﺪﺕ ﻣﻦ ﻳﻀﻊ ﻛﻒ ﻳﺪﻩ ﻓﻮﻕ ﻛﻔﻬــﺎ ، ﺍﻟﺘﻔﺘﺖ ﺑﻮﺟﻬﻬﺎ ﻟﺘﺮﻯ ﻣﻦ ﻫﺬﺍ ﺍﻟﺬﻱ ﻓﻌﻞ ﺫﻟﻚ .. ﻭﺇﺫ ﺑﻬﺎ ﺗﺮﻯ ﻳﻮﺳﻒ ﺟﺎﻟﺴﺎً ﻓﻲ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻬﺎ ، ﺍﻋﺘﻠﺖ ﺍﻟﺼﺪﻣﺔ ﻭﺟﻬﻬﺎ ، ﻧﻈﺮﺕ ﺇﻟﻴﻪ ﺑﺄﻋﻴﻦ ﻣﺸﺪﻭﻫﺔ ﺟﺎﺣﻈﺔ ﻭ ...
- ﻧﺪﻯ ﺑﻨﻈﺮﺍﺕ ﻣﺼﺪﻭﻣﺔ : ﺁﺁﺁ .... ﺍﻧﺖ ؟؟؟
- ﻳﻮﺳﻒ : ﺃﻧﺎ ﺃﺳﻒ ﻳﺎ ﻧﺪﻯ ، ﺑﺲ ﻣﺶ ﻫﺎﻗﺪﺭ ﺃﺳﻴﺒﻚ ﺗﺴﺎﻓﺮﻱ ﻟﻮﺣﺪﻙ ﻣﻬﻤﺎ ﺣﺼﻞ !
ﺍﻋﺘﻠﻰ ﺍﻟﻐﻀﺐ ﻭﺟﻪ ﻧﺪﻯ ، ﻧﻈﺮﺕ ﺇﻟﻴﻪ ﺑﻨﻈﺮﺍﺕ ﺣﺎﻗﺪﺓ ﻏﺎﺿﺒﺔ ، ﺃﺑﻌﺪﺕ ﻳﺪﻫﺎ ﻋﻦ ﻛﻒ ﻳﺪﻩ ، ﺛﻢ ﺣﺎﻭﻟﺖ ﺃﻥ ﺗﻨﻬﺾ ﻣﻦ ﻣﻜﺎﻧﻬﺎ ، ﻭﻟﻜﻦ ﻟﻢ ﺗﺴﺘﻄﻊ ﻷﻥ ﺣﺰﺍﻡ ﺍﻟﻤﻘﻌﺪ ﻛﺎﻥ ﻳﺤﻮﻝ ﺩﻭﻥ ﻧﻬﻮﺿﻬﺎ ..
ﻗﺎﻣﺖ ﺑﻜﻞ ﻋﺼﺒﻴﺔ ﺑﻤﺤﺎﻭﻟﺔ ﻓﻚ ﺍﻟﺤﺰﺍﻡ ﻭﺍﻟﻨﻬﻮﺽ ﻣﻦ ﻣﻜﺎﻧﻬﺎ .. ﺣﺎﻭﻝ ﻳﻮﺳﻒ ﺍﻟﺤﺪﻳﺚ ﻣﻌﻬﺎ ﻭﺗﻬﺪﺋﺘﻬﺎ ﻭ ..
- ﻳﻮﺳﻒ : ﺍﻫﺪﻱ ﺑﺲ ﻳﺎ ﻧﺪﻯ ، ﺃﻧﺎ ﻣﺶ ﻋﺎﻭﺯﻙ ﺗﺘﻌﺼﺒﻲ .. ﺑﺲ ﻣﺎﻳﻨﻔﻌﺶ ﺍﻟﻠﻲ ﺍﻧﺘﻲ ﺑﺘﻌﻤﻠﻴﻪ ﺩﻩ !
- ﻧﺪﻯ ﺑﺤﺪﺓ : ﺍﺑﻌﺪ ﻋﻨﻲ .. ﺃﻧﺎ ﻣﺶ ﻫﺎﻗﻌﺪ ﺛﺎﻧﻴﺔ ﻭﺍﺣﺪﺓ ﻓﻲ ﻣﻜﺎﻥ ﺍﻧﺖ ﻓﻴﻪ
- ﻳﻮﺳﻒ : ﻳﺎ ﻧﺪﻯ ﺍﻗﻌﺪﻱ ﺍﻟﻨﺎﺱ ﻫﺎﺗﺘﻔﺮﺝ ﻋﻠﻴﻨﺎ
- ﻧﺪﻯ : ﻳﻮﻟﻌﻮﺍ ﻛﻠﻬﻢ ، ﺃﻧﺎ ﻣﺶ ﻫﺎﺭﻭﺡ ﻣﻌﺎﻙ ﻓﻲ ﺣﺘﺔ
ﺣﺎﻭﻟﺖ ﻧﺪﻯ ﺃﻥ ﺗﺘﺠﺎﻭﺯ ﻣﻘﻌﺪ ﻳﻮﺳﻒ ، ﻭﻟﻜﻨﻪ ﻛﺎﻥ ﻳﻘﻒ ﺣﺎﺟﺰﺍً ﻟﻬﺎ ، ﻳﺤﺎﻭﻝ ﻣﻨﻌﻬﺎ ﻣﻦ ﺍﻟﻤﺮﻭﺭ ....
ﻟﻤﺤﺖ ﺍﻟﻤﻀﻴﻔﺔ ﺍﻟﺠﻮﻳﺔ ﻭﺟﻮﺩ ﻣﺸﺎﺩﺓ ﻛﻼﻣﻴﺔ ﺑﻴﻦ ﺍﺛﻨﻴﻦ ﻣﻦ ﺍﻟﺮﻛﺎﺏ ، ﻭﺧﺎﺻﺔ ﺍﻥ ﺍﻟﻄﺎﺋﺮﺓ ﻋﻠﻰ ﻭﺷﻚ ﺍﻻﻗﻼﻉ ، ﻓﺘﺪﺧﻠﺖ ﻋﻠﻰ ﺍﻟﻔﻮﺭ ﻭ ...
- ﺍﻟﻤﻀﻴﻔﺔ : ﻣﺪﺍﻡ ﻣﻦ ﻓﻀﻠﻚ .. ﺍﻗﻌﺪﻱ ﻓﻲ ﻣﻜﺎﻧﻚ، ﺍﻟﻄﻴﺎﺭﺓ ﻫﺘﻘﻠﻊ ﺩﻟﻮﻗﺘﻲ
- ﻧﺪﻯ ﺑﺤﺪﺓ : ﺍﻧﺎ ﻋﺎﻭﺯﺓ ﺃﻧﺰﻝ ﻣﻨﻬﺎ ﺣﺎﻻً
- ﻳﻮﺳﻒ : ﺍﻳﻪ ﺍﻟﻜﻼﻡ ﺍﻟﻠﻲ ﺑﺘﻘﻮﻟﻴﻪ ﺩﻩ
- ﺍﻟﻤﻀﻴﻔﺔ : ﻣﺶ ﻫﺎﻳﻨﻔﻊ ﻳﺎ ﻣﺪﺍﻡ .. ﺍﺣﻨﺎ ﺧﻼﺹ ﺑﺪﺃﻧﺎ ﺍﻟﺤﺮﻛﺔ ﻋﻠﻰ ﺍﻟﻤﺪﺭﺝ ، ﻣﻦ ﻓﻀﻠﻚ ﺍﻗﻌﺪﻱ
- ﻧﺪﻯ ﺑﺼﻮﺕ ﻋﺎﻟﻲ : ﻭﺍﻧﺎ ﻣﺶ ﻫﺎﻓﻀﻞ ﻓﻴﻬﺎ ﺛﺎﻧﻴﺔ ﻭﺍﺣﺪﺓ
ﻓﻚ ﻳﻮﺳﻒ ﺣﺰﺍﻡ ﻣﻘﻌﺪﻩ ، ﺛﻢ ﻧﻬﺾ ﻭﻭﻗﻒ ﻓﻲ ﻣﻮﺍﺟﻬﺔ ﻧﺪﻯ ﻭﺣﺎﻭﻝ ﺍﺟﺒﺎﺭﻫﺎ ﻋﻠﻰ ﺍﻟﺠﻠﻮﺱ ﻓﻲ ﻣﻘﻌﺪﻫﺎ ﺑﺎﻟﻘﻮﺓ
- ﻳﻮﺳﻒ : ﻧﺪﻯ ﻣﻦ ﻓﻀﻠﻚ ﺍﻗﻌﺪﻯ
- ﻧﺪﻯ ﻭﻫﻲ ﺗﺪﻓﻌﻪ ﺑﻴﺪﻳﻬﺎ : ﺍﺑﻌﺪ ﺍﻳﺪﻙ ﻋﻨﻲ ﻣﺎﺗﻠﻤﺴﻨﻴﺶ
- ﺍﻟﻤﻀﻴﻔﺔ : ﻣﺪﺍﻡ ﺍﻫﺪﻱ ، ﺣﻀﺮﺗﻚ ﻏﻠﻂ ﺍﻟﻠﻲ ﺑﺘﻌﻤﻠﻴﻪ ﺩﻩ ، ﻭﺑﻌﺪﻳﻦ ﻓﻲ ﺧﻄﺮ ﻋﻠﻰ ﺣﻴﺎﺗﻚ
- ﻧﺪﻯ : ﺃﻧﺎ ﻋﺎﻭﺯﺓ ﺃﻧﺰﻝ ﺣﺎﻻ ﻣﻦ ﺍﻟﻄﻴﺎﺭﺓ ، ﺣﺎﺍﺍﺍﺳﺐ ، ﺳﻴﺒﻨﻲ
ﺃﻣﺴﻚ ﻳﻮﺳﻒ ﺑﻤﻌﺼﻤﻲ ﻧﺪﻯ ﻭﺣﺎﻭﻝ ﺗﺜﺒﻴﺘﻬﺎ ﻓﻲ ﻣﻘﻌﺪﻫﺎ ﺑﻜﻞ ﻗﻮﺓ ، ﻭﺭﻏﻢ ﻫﺬﺍ ﻛﺎﻧﺖ ﺗﻘﺎﻭﻣﻪ ﻭﺗﺼﺮﺥ ﻓﻲ ﻭﺟﻬﻪ ﺑﺤﺪﺓ .. ﺣﺎﻭﻝ ﻳﻮﺳﻒ ﺗﻠﻄﻴﻒ ﺍﻷﺟﻮﺍﺀ ، ﺧﺎﺻﺔ ﻭﺃﻥ ﻣﻌﻈﻢ ﺍﻟﺮﻛﺎﺏ ﻛﺎﻧﻮﺍ ﻳﺘﺎﺑﻌﻮﻥ ﻣﺎ ﻳﺤﺪﺙ ..
- ﻳﻮﺳﻒ ﻟﻠﻤﻀﻴﻔﺔ : ﻣﻌﻠﺶ .. ﺃﺻﻠﻬﺎ ﺑﺘﺨﺎﻑ ﻣﻦ ﺍﻟﻄﻴﺎﺭﺍﺕ ﺃﻭﻱ ﻭ .. ﻭﺃﻧﺎ ﺑﺤﺎﻭﻝ ﺃﻫﺪﻳﻬﺎ
- ﺍﻟﻤﻀﻴﻔﺔ : ﺑﺲ ﻣﺎﻳﻨﻔﻌﺶ ﺣﻀﺮﺗﻚ ﺗﻔﻀﻞ ﻭﺍﻗﻒ ، ﻻﺯﻡ ﺗﻘﻌﺪ ﻓﻲ ﻣﻜﺎﻧﻚ ﻭﺗﺮﺑﻂ ﺍﻟﺤﺰﺍﻡ
- ﻧﺪﻯ ﺑﻀﻴﻖ : ﺳﻴﺐ ﺍﻳﺪﻱ ، ﺍﻧﺖ ﺍﻳﻪ ﻣﻌﻨﺪﻛﺶ ﺩﻡ
ﺣﻀﺮﺕ ﻣﻀﻴﻔﺔ ﺍﺧﺮﻯ ﻟﺘﺮﻯ ﻣﺎ ﻳﺤﺪﺙ ، ﺧﺎﺻﺔ ﻭﺃﻥ ﺻﻮﺕ ﺻﺮﺍﺥ ﻧﺪﻯ ﻛﺎﻥ ﻋﺎﻟﻴﺎً ﻭﻣﻠﻔﺘﺎً ﻟﻸﻧﻈـــﺎﺭ ..
- ﺍﻟﻤﻀﻴﻔﺔ ﺍﻷﺧﺮﻯ : ﻓﻲ ﺍﻳﻪ ﻳﺎ ﺣﻀﺮﺍﺕ ؟
- ﻳﻮﺳﻒ : ﺍﺣﻨﺎ ﻋﺮﺳﺎﻥ ﺟﺪﺍﺩ ﻭﺍﻟﻤﺪﺍﻡ ﺧﺎﻳﻔﺔ ﻣﻦ ﺍﻟﻄﻴﺎﺭﺓ ﺃﻭﻱ ، ﻋﻨﺪﻫﺎ ﻓﻮﺑﻴﺎ ، ﻭﺃﻧﺎ ﺑﺤﺎﻭﻝ ﺃﻫﺪﻳﻬﺎ
- ﻧﺪﻯ ﻭﻫﻲ ﺗﻨﻈﺮ ﻟﻪ ﺑﻨﻈﺮﺍﺕ ﺣﺎﺩﺓ : ﺍﻧﺖ ﻛﺪﺍﺏ
- ﺍﻟﻤﻀﻴﻔﺔ ﺍﻷﺧﺮﻯ ﻟﺰﻣﻴﻠﺘﻬﺎ : ﺃﻧﺎ ﻫﺎﺭﻭﺡ ﺃﺑﻠﻎ ﺍﻟﻜﺎﺑﺘﻦ ﻭﺃﺷﻮﻑ ﻫﺎﻳﻘﻮﻝ ﺍﻳﻪ ، ﺧﻠﻴﻜﻲ ﺍﻧﺘﻲ ﻣﻌﺎﻫﻢ
- ﺍﻟﻤﻀﻴﻔﺔ ﺍﻷﻭﻟﻰ : ﺣﺎﺿﺮ
- ﻳﻮﺳﻒ ﻣﺤﺎﻭﻻً ﺍﺗﻘﺎﻥ ﺍﻟﺘﻤﺜﻴﻠﻴﺔ : ﻳﺎ ﻧﺪﻯ ﺍﻫﺪﻱ ، ﺍﻟﻨﺎﺱ ﻛﻠﻬﺎ ﺍﺗﻔﺮﺟﺖ ﻋﻠﻴﻨﺎ ، ﻣﻜﻨﺘﺶ ﻃﻴﺎﺭﺓ
ﺗﻮﺟﻬﺖ ﺍﻟﻤﻀﻴﻔﺔ ﺍﻷﺧﺮﻯ ﺇﻟﻰ ﻗﻤـــﺮﺓ ﺍﻟﻘﻴﺎﺩﺓ ﺑﺎﻟﻄﺎﺋﺮﺓ ، ﻃﺮﻗﺖ ﺑﺎﺑﻬﺎ ، ﻓﺴﻤﺢ ﻟﻬﺎ ﻗﺎﺋﺪ ﺍﻟﻄﺎﺋﺮﺓ ﺑﺎﻟﺪﺧﻮﻝ ﻭ ..
- ﺍﻟﻜﺎﺑﺘﻦ : ﻓﻲ ﺍﻳﻪ ﺍﻟﻠﻲ ﺑﻴﺤﺼﻞ ﺑﺮﺍ
- ﺍﻟﻤﻀﻴﻔﺔ ﺍﻷﺧﺮﻯ : ﻓﻲ ﻣﺴﺎﻓﺮﺓ ﺑﺮﺍ ﻋﺎﻣﻠﺔ ﻗﻠﻖ ﻳﺎ ﻛﺎﺑﺘﻦ
- ﺍﻟﻜﺎﺑﺘﻦ : ﻋﺎﻣﻠﺔ ﻗﻠﻖ ﻟﻴﻪ ؟؟
- ﺍﻟﻤﻀﻴﻔﺔ ﺍﻷﺧﺮﻯ : ﻣﺶ ﻋﺎﻭﺯﺓ ﺗﺮﻛﺐ ﺍﻟﻄﻴﺎﺭﺓ ، ﻭﻣﺼﻤﻤﺔ ﺗﻨﺰﻝ ﻓﻮﺭﺍً ، ﻭﺟﻮﺯﻫﺎ ﺑﻴﻘﻮﻝ ﺍﻥ ﻫﻲ ﻋﻨﺪﻫﺎ ﻓﻮﺑﻴﺎ ﻣﻦ ﺍﻟﻄﻴﺮﺍﻥ
- ﺍﻟﻜﺎﺑﺘﻦ : ﻣﻤﻤﻢ .. ﻳﻌﻨﻲ ﻣﺶ ﻃﺎﻟﻌﺔ ﻟﻮﺣﺪﻫﺎ
- ﺍﻟﻤﻀﻴﻔﺔ ﺍﻷﺧﺮﻯ : ﻷ ﻳﺎ ﻓﻨﺪﻡ
- ﺍﻟﻜﺎﺑﺘﻦ : ﻣﺶ ﻫﺎﻳﻨﻔﻊ ﻧﻮﻗﻒ ﺍﻟﻄﻴﺎﺭﺓ ﻋﺸﺎﻥ ﺧﺎﻃﺮ ﻭﺍﺣﺪﺓ ﺧﺎﻳﻔﺔ ﻭﻋﺎﻭﺯﺓ ﺗﻨﺰﻝ ، ﺩﻱ ﻣﺶ ﻣﻴﻜﺮﻭﺑﺎﺹ
- ﺍﻟﻤﻀﻴﻔﺔ ﺍﻷﺧﺮﻯ : ﺃﻫــﺎ
- ﺍﻟﻜﺎﺑﺘﻦ ﻣﻀﻴﻔﺎً : ﺍﻟﻄﻴﺎﺭﺓ ﻣﺶ ﻫﺎﺗﻘﻒ ﺇﻻ ﻓﻲ ﺍﻟﺤﺎﻻﺕ ﺍﻟﻘﺼﻮﻯ ، ﻭﺭﻫــﺎﺏ ﺍﻟﻄﻴﺎﺭﺍﺕ ﺩﻩ ﺳﻬﻞ ﻧﺘﻌﺎﻣﻞ ﻣﻌﺎﻩ
- ﺍﻟﻤﻀﻴﻔﺔ ﺍﻷﺧﺮﻯ : ﺣﻀﺮﺗﻚ ﺗﺤﺐ ﺃﻋﻤﻞ ﺍﻳﻪ ﻣﻌﺎﻫﻢ ﻳﺎ ﻛﺎﺑﺘﻦ
- ﺍﻟﻜﺎﺑﺘﻦ : ﺍﻧﺘﻲ ﻗﻮﻟﺘﻠﻲ ﺍﻥ ﺟﻮﺯﻫﺎ ﻣﻌﺎﻫﺎ
- ﺍﻟﻤﻀﻴﻔﺔ ﺍﻷﺧﺮﻯ : ﺍﻳﻮﻩ ، ﻫﻤﺎ ﻋﺮﺳﺎﻥ ﺟﺪﺍﺩ
- ﺍﻟﻜﺎﺑﺘﻦ : ﻃﻴﺐ ﺧﻼﺹ ، ﺍﺩﻳﻬﺎ ﻣﻬﺪﻱﺀ ﻣﺆﻗﺖ ﻣﻦ ﺍﻟﻠﻲ ﺑﻨﺴﺘﺨﺪﻣﻪ ﻓﻲ ﺣﺎﻻﺕ ﺍﻟﻄﻮﺍﺭﻱﺀ ، ﺑﺲ ﺍﺳﺄﻟﻲ ﺟﻮﺯﻫﺎ ﺍﻷﻭﻝ ﺍﻥ ﻛﺎﻥ ﻣﻮﺍﻓﻖ ﻋﻠﻰ ﺩﻩ ﻭﻻ ﻷ
- ﺍﻟﻤﻀﻴﻔﺔ ﺍﻷﺧﺮﻯ : ﺣﺎﺿﺮ ﻳﺎ ﻛﺎﺑﺘﻦ
..............
ﺩﻟﻔﺖ ﺍﻟﻤﻀﻴﻔﺔ ﺍﻷﺧﺮﻯ ﺧﺎﺭﺝ ﻗﻤــﺮﺓ ﺍﻟﻘﻴﺎﺩﺓ ، ﻭﺗﻮﺟﻬﺖ ﺇﻟﻰ ﺣﻴﺚ ﻣﻘﺎﻋﺪ ﻳﻮﺳﻒ ﻭﻧﺪﻯ ..
ﻛﺎﻥ ﺍﻟﻮﺿﻊ ﻋﻠﻰ ﺣﺎﻟﻪ ، ﻓﻨﺪﻯ ﻣﺎﺯﺍﻟﺖ ﺗﺘﺠﺎﺩﻝ ﻣﻊ ﻳﻮﺳﻒ ﺑﺤﺪﺓ ﺑﺸﺄﻥ ﻧﺰﻭﻟﻬﺎ ﻣﻦ ﺍﻟﻄﺎﺋﺮﺓ
ﺃﻣــﺎﻟﺖ ﺍﻟﻤﻀﻴﻔﺔ ﻋﻠﻰ ﻳﻮﺳﻒ ﻭﺃﺧﺒﺮﺗﻪ ﺑﺄﻥ ﻗﺎﺋﺪ ﺍﻟﻄﺎﺋﺮﺓ ﻳﺮﻏﺐ ﻓﻲ ﺍﻋﻄﺎﺀ ﺯﻭﺟﺘﻪ ﻧﺪﻯ ﻣﻬﺪﺋﺎً ﻣﺆﻗﺘﺎً ﻳﺴﺘﺨﺪﻡ ﻓﻲ ﺣﺎﻻﺕ ﺭﻫــﺎﺏ ﺍﻟﻄﺎﺋﺮﺍﺕ ، ﻭﺃﻧﻪ ﺃﻣﻦ ﻭﻏﻴﺮ ﻣﻀﺮ ﻋﻠﻰ ﺍﻻﻃﻼﻕ .. ﻓﻮﺍﻓﻖ ﻳﻮﺳﻒ ﻋﻠﻰ ﺍﻟﻔﻮﺭ ..
ﺫﻫﺒﺖ ﺍﻟﻤﻀﻴﻔﺔ ﺍﻷﺧﺮﻯ ﻻﺣﻀﺎﺭ ﺍﻟﻤﻬﺪﻱﺀ ﻭﻭﺿﻌﻪ ﻓﻲ ﻛﻮﺏ ﻣــﺎﺀ .. ﺑﻴﻨﻤﺎ ﻇﻞ ﻳﻮﺳﻒ ﻣﻤﺴﻜﺎً ﺑﻤﻌﺼﻤﻲ ﺯﻭﺟﺘﻪ ﻣﺜﺒﺘﺎً ﺇﻳﺎﻫﺎ ...
- ﻧﺪﻯ : ﺍﻧﺎ ﻣﺶ ﻃﺎﻳﻘﺎﻙ
- ﻳﻮﺳﻒ : ﻳﺎ ﻧﺪﻯ ﻣﺎﻳﻨﻔﻌﺶ ﻛﺪﻩ ، ﻣﺶ ﻻﺯﻡ ﻋﺸﺎﻥ ﺍﻧﺘﻲ ﺧﺎﻳﻔﺔ ﺍﻧﻚ ﺗﺮﻛﺒﻲ ﺍﻟﻄﻴﺎﺭﺓ ﺗﻔﺮﺟﻲ ﺍﻟﻨﺎﺱ ﻋﻠﻴﻨﺎ ، ﻣﺎﻓﻴﺶ ﺣﺎﺟﺔ ﻫﺘﺤﺼﻞ ﻭﺍﻟﻠﻪ ، ﻣﺎ ﻛﻞ ﺍﻟﻨﺎﺱ ﺑﺘﺮﻛﺒﻬﺎ ﻋﺎﺩﻱ ، ﻭﺑﺘﺴﺎﻓﺮ ﻭﺑﺘﺮﺟﻊ ﻭﺍﻟﺪﻧﻴﺎ ﻣﺎﺷﻴﺔ
- ﻧﺪﻯ ﺑﻨﻈﺮﺍﺕ ﻏﺮﻳﺒﺔ : ﺍﻧﺖ ... ﺍﻧﺖ ﺑﺘﻘﻮﻝ ﺍﻳﻪ
- ﻳﻮﺳﻒ : ﺧﻼﺹ ﻳﺎ ﺣﺒﻴﺒﺘﻲ ، ﺍﻥ ﺷﺎﺀ ﺍﻟﻠﻪ ﻫﻨﺤﺎﻭﻝ ﻧﻌﺎﻟﺞ ﺍﻟﻤﻮﺿﻮﻉ ﺩﻩ ، ﺑﺲ ﺃﻧﺎ ﻣﻌﺎﻛﻲ ﻭﻣﺶ ﻫﺎﺳﻴﺒﻚ
- ﺍﻟﻤﻀﻴﻔﺔ : ﻣﺘﻘﻠﻘﻴﺶ ﻳﺎ ﻫﺎﻧﻢ ، ﺍﻟﺨﻄﻮﻁ ﺍﻟﺠﻮﻳﺔ ﺑﺘﻌﺘﺒﺮ ﻣﻦ ﺃﻣﻦ ﺧﻄﻮﻁ ﺍﻟﺴﻔﺮ ﻭﺍﻻﻧﺘﻘﺎﻝ ، ﻭﻧﺴﺒﺔ ﺍﻟﺤﻮﺍﺩﺙ ﻗﻠﻴﻠﺔ
ﺗﻌﺠﺒﺖ ﻧﺪﻯ ﻣﻤﺎ ﻳﻘﻮﻟﻪ ﻳﻮﺳﻒ ، ﻓﻬﻲ ﻋﺎﺟﺰﺓ ﻋﻦ ﺍﻟﺮﺩ ﻋﻠﻴﻪ ، ﻫﻲ ﻻ ﺗﺮﻳﺪ ﺍﻟﺘﻮﺍﺟﺪ ﻟﺤﻈﺔ ﻭﺍﺣﺪﺓ ﺑﻘﺮﺑﻪ ، ﻭﻫﻮ ﻳﺪﻋﻲ ﺃﻧﻬﺎ ﺗﻌﺎﻧﻲ ﻣﻦ ﺭﻫــﺎﺏ ﺍﻟﻄﺎﺋﺮﺍﺕ .. ﻫﻲ ﻻ ﺗﻨﻜﺮ ﺃﻧﻬﺎ ﺗﺨﺸﻰ ﺭﻛﻮﺏ ﺍﻟﻄﺎﺋﺮﺍﺕ ، ﻟﻜﻦ ﻟﻴﺲ ﻟﺘﻠﻚ ﺍﻟﺪﺭﺟﺔ
- ﻧﺪﻯ ﺑﻐﻀﺐ : ﺍﻧﺖ ﻣﺠﻨﻮﻥ
- ﻳﻮﺳﻒ : ﻋﻴﺐ ﻳﺎ ﻧﺪﻯ ﻛﺪﻩ ، ﻣﺎﻳﺼﺤﺶ ﺍﻟﻠﻲ ﺑﺘﻘﻮﻟﻴﻪ ﺩﻩ
ﺃﺣﻀﺮﺕ ﺍﻟﻤﻀﻴﻔﺔ ﺍﻷﺧﺮﻯ ﻛﻮﺑﺎً ﺑﻼﺳﺘﻴﻜﻴﺎً ﺑﻪ ﻣﺎﺀ ﻣﺬﺍﺏ ﻓﻴﻪ ﻗﺮﺻﺎً ﻣﻬﺪﺋﺎً ﻟﻜﻲ ﺗﻌﻄﻴﻪ ﻟﻬﺎ ..
- ﺍﻟﻤﻀﻴﻔﺔ ﺍﻷﺧﺮﻯ : ﺍﺷﺮﺑﻲ ﻳﺎ ﻣﺪﺍﻡ ﺍﻟﻤﻴﺎﻩ ﺩﻱ
- ﻧﺪﻯ ﻭﻫﻲ ﺗﻮﻣﻲﺀﺭﺃﺳﻬﺎ ﺑﺎﻟﻨﻔﻲ : ﻷ ﻣﺶ ﻋﺎﻭﺯﺓ
- ﻳﻮﺳﻒ : ﺍﺷﺮﺑﻲ ﻳﺎ ﻧﺪﻯ ، ﺩﻱ ﻓﻴﻬﺎ ﺍﻳﻪ ﺩﻱ ﻛﻤﺎﻥ
- ﻧﺪﻯ : ﺍﻧﺎ ﻣﺶ ﻋﺎﻭﺯﺓ ﺣﺎﺟﺔ ﻣﻨﻚ
- ﺍﻟﻤﻀﻴﻔﺔ ﺍﻷﺧﺮﻯ : ﻣﻴﻨﻔﻌﺶ ﻛﺪﻩ ﺣﻀﺮﺗﻚ .. ﺍﺷﺮﺑﻴﻬﺎ ﻋﺸﺎﻥ ﺗﻨﺰﻟﻲ ﻣﻦ ﺍﻟﻄﻴﺎﺭﺓ
- ﻧﺪﻯ : ﻫــﻪ
ﺃﻣﺴﻚ ﻳﻮﺳﻒ ﻣﻌﺼﻤﻲ ﻧﺪﻯ ﺑﻴﺪ ﻭﺍﺣﺪﺓ ، ﺛﻢ ﻣﺪ ﻳﺪﻩ ﺍﻷﺧﺮﻯ ﻟﻠﻤﻀﻴﻔﺔ ﻭ ...
- ﻳﻮﺳﻒ ﻟﻠﻤﻀﻴﻔﺔ ﻭﻫﻮ ﻳﻤﺪ ﻳﺪﻩ : ﻫﺎﺗﻲ ﺍﻟﻜﻮﺑﺎﻳﺔ ﺑﻌﺪ ﺍﺫﻧﻚ
- ﺍﻟﻤﻀﻴﻔﺔ ﺍﻷﺧﺮﻯ ﻭﻫﻲ ﺗﻨﺎﻭﻟﻪ ﺍﻟﻜﻮﺏ : ﺍﺗﻔﻀﻞ
- ﻳﻮﺳﻒ ﻭﻫﻮ ﻳﺄﺧﺬﻩ ﻣﻨﻬﺎ : ﺷﻜﺮﺍً
ﺛﺒﺖ ﻳﻮﺳﻒ ﻧﺪﻯ ﺟﻴﺪﺍً ، ﺛﻢ ﺣﺎﻭﻝ ﺃﻥ ﻳﺠﻌﻠﻬﺎ ﺗﺘﺬﻭﻕ ﺍﻟﻤﻴﺎﻩ ﻭﺗﺸﺮﺑﻬﺎ ﺭﻏﻤﺎً ﻋﻨﻬﺎ ، ﻛﺎﻧﺖ ﺭﺍﻓﻀﺔ ﻷﻥ ﺗﻔﺘﺢ ﻓﻤﻬﺎ ، ﻭﻟﻜﻨﻪ ﺿﻐﻂ ﻋﻠﻰ ﻣﻌﺼﻤﻬﺎ ﺑﻘﻮﺓ ، ﻓﺘﺄﻟﻤﺖ ﻣﻦ ﻗﺒﻀﺘﻪ ﺍﻟﻘﻮﻳﺔ ، ﻭﻓﺘﺤﺖ ﻓﻤﻬﺎ ، ﻓﺎﺳﺘﻄﺎﻉ ﺃﻥ ﻳﺠﻌﻠﻬﺎ ﺗﺒﺘﻠﻊ ﺍﻟﻤﻴﺎﻩ ﻋﻨﻮﺓ ، ﻭﺭﻏﻢ ﺃﻧﻬﺎ ﺷﺮﻗﺖ ﻋﺪﺓ ﻣﺮﺍﺕ ، ﻟﻜﻨﻪ ﻟﻢ ﻳﻜﻒ ﻋﻦ ﻓﻌﻞ ﻫﺬﺍ ﻟﻜﻲ ﻳﻄﻤﺌﻦ ﺃﻧﻬﺎ ﺍﺗﺮﺷﻔﺖ ﻗﺪﺭﺍً ﻣﻨﻪ ﻋﻠﻰ ﺍﻷﻗﻞ
ﺍﻋﺘﺮﺿﺖ ﺍﻟﻤﻀﻴﻔﺘﺎﻥ ﻋﻠﻰ ﻣﺎ ﻳﻔﻌﻠﻪ ﻣﻊ ﺯﻭﺟﺘﻪ ، ﻭﻟﻜﻨﻪ ﻟﻢ ﻳﺼﻐﻲ ﻟﻬﻤﺎ ﻭ ..
- ﺍﻟﻤﻀﻴﻔﺔ : ﻳﺎ ﻓﻨﺪﻡ ﻣﺎﻳﻨﻔﻌﺶ ﻛﺪﻩ
- ﺍﻟﻤﻀﻴﻔﺔ ﺍﻷﺧﺮﻯ : ﻛﺪﻩ ﻏﻠﻂ
- ﻳﻮﺳﻒ ﻭﻫﻮ ﻳﺤﺎﻭﻝ ﺍﺭﻏﻤﻬﺎ ﻋﻠﻰ ﺷﺮﺏ ﺍﻟﻤﻴﺎﻩ : ﻳﺎﻻ ﻳﺎ ﻧﺪﻯ ، ﺍﺷﺮﺑﻲ ﻋﺸﺎﻥ ﺗﺮﺗﺎﺣﻲ
- ﻧﺪﻯ ﻣﺘﺂﻟﻤﺔ : ﺁﺁﺁﺁﻩ
- ﻳﻮﺳﻒ : ﻣﻌﻠﺶ ﻳﺎ ﻧﺪﻯ ، ﺩﻩ ﻟﻤﺼﻠﺤﺘﻚ
ﺃﻏﺮﻗﺖ ﺑﻌﺾ ﻗﻄﺮﺍﺕ ﺍﻟﻤﻴﺎﻩ ﻣﻼﺑﺲ ﻧﺪﻯ ، ﻭﺭﻗﺒﺘﻬﺎ ، ﻓﺄﺣﻀﺮﺕ ﺍﻟﻤﻀﻴﻔﺔ ﺑﻌﻀﺎً ﻣﻦ ﺍﻟﻤﻨﺎﺷﻒ ﺍﻟﻮﺭﻗﻴﺔ ، ﻓﺄﺧﺬﻫﺎ ﻣﻨﻬﺎ ﻳﻮﺳﻒ ﻟﻜﻲ ﻳﺠﻔﻒ ﺑﻬﻢ ﻧﺪﻯ ..
ﺑﺪﺃﺕ ﺃﻋﺼﺎﺏ ﻧﺪﻯ ﺗﺮﺗﺨﻲ ﺭﻭﻳﺪﺍً ﺭﻭﻳﺪﺍً ، ﻓﺘﺮﻛﻬﺎ ﻳﻮﺳﻒ ، ﻭﺭﺑﻂ ﺣﺰﺍﻡ ﻣﻘﻌﺪﻫﺎ ﺣﻮﻝ ﺧﺼﺮﻫﺎ ، ﺛﻢ ﺟﻠﺲ ﻫﻮ ﺍﻷﺧﺮﻯ ﺑﺠﻮﺍﺭﻫﺎ .. ﻭﺍﺳﺘﺨﺪﻡ ﺍﻟﻤﻨﺎﺷﻒ ﺍﻟﻮﺭﻗﻴﺔ ﻓﻲ ﻣﺴﺢ ﺍﻟﻤﻴﺎﻩ ﻋﻦ ﺭﻗﺒﺘﻬﺎ ﻭﻣﻼﺑﺴﻬﺎ ﻭﻓﻤﻬﺎ ..
ﺷﻜﺮ ﻳﻮﺳﻒ ﺍﻟﻤﻀﻴﻔﺘﺎﻥ ﻋﻠﻰ ﺻﺒﺮﻫﻤﺎ ﻭﺗﻌﺎﻣﻠﻬﻤﺎ ﺑﺤﻜﻤﺔ ﻣﻊ ﺗﻠﻚ ﺍﻟﻤﺸﻜﻠﺔ ﻭ ...
- ﻳﻮﺳﻒ ﻣﺒﺪﻳﺎً ﺃﺳﻔﻪ : ﺍﻧﺎ ﺑﻌﺘﺬﺭﻟﻜﻢ ﻉ ﺍﻟﻠﻲ ﻣﺮﺍﺗﻲ ﻋﻤﻠﺘﻪ ، ﻭﺍﻟﻠﻪ ﺍﻧﺎ ﻣﺶ ﻋﺎﺭﻑ ﺃﻗﻮﻟﻜﻢ ﺍﻳﻪ
- ﺍﻟﻤﻀﻴﻔﺔ ﺍﻷﻭﻟﻰ : ﻭﻻ ﻳﻬﻤﻚ .. ﺑﺲ ﻻﺯﻡ ﺗﻌﺮﺿﻬﺎ ﻋﻠﻰ ﻃﺒﻴﺐ ﻧﻔﺴﻲ ﻟﻮ ﻓﻀﻞ ﺍﻟﻤﻮﺿﻮﻉ ﺩﻩ ﻣﻌﺎﻫﺎ ﻛﺘﻴﺮ ﻷﻥ ﺩﻩ ﻣﻤﻜﻦ ﻳﺴﺒﺒﻠﻬﺎ ﻣﺸﺎﻛﻞ ﺑﻌﺪ ﻛﺪﻩ ﻭﻣﻤﻜﻦ ﻳﻀﺮ ﺑﺴﻼﻣﺘﻬﺎ ﻭﺳﻼﻣﺔ ﺍﻟﺮﻛﺎﺏ ﺍﻟﻠﻲ ﻣﻌﺎﻫﺎ
- ﺍﻟﻤﻀﻴﻔﺔ ﺍﻟﺜﺎﻧﻴﺔ ﻣﻜﻤﻠﺔ : ﻣﺸﻜﻠﺔ ﻓﻮﺑﻴﺎ ﺍﻟﻄﻴﺮﺍﻥ ﺑﺘﺘﻌﺎﻟﺞ ﺩﻟﻮﻗﺘﻲ ﺑﻄﺮﻕ ﺑﺴﻴﻄﺔ ﻭﺳﻬﻠﺔ ﻭﺑﺘﺠﻴﺐ ﻧﺘﺎﻳﺞ ﻋﻠﻰ ﻃﻮﻝ ﺯﻱ ﺍﻧﻬﺎ ﺗﻘﺮﻯ ﺃﻛﺘﺮ ﻋﻦ ﺍﺣﺘﻴﺎﻃﺎﺕ ﺍﻟﺴﻼﻣﺔ ﺍﻟﺨﺎﺻﺔ ﺑﺎﻟﻄﺎﺋﺮﺍﺕ ﻭﻳﻌﻨﻲ ﺍﻳﻪ ﻣﻄﺐ ﻫﻮﺍﺋﻲ ، ﺩﻩ ﻓﻲ ﻛﺘﺐ ﻛﺘﻴﺮ ﺑﺘﻜﻠﻢ ﻋﻦ ﺍﻟﻤﻮﺿﻮﻉ ﺩﻩ ، ﻭﻣﻮﺟﻮﺩ ﻋﻠﻰ ﺍﻻﻧﺘﺮﻧﺖ ﺑﺮﺍﻣﺞ ﺗﻮﻋﻴﺔ ﻣﻦ ﺩﻱ ﻛﺘﻴﺮ
- ﻳﻮﺳﻒ : ﺑﺄﻣﺮ ﺍﻟﻠﻪ ، ﺃﻧﺎ ﻫﺤﺎﻭﻝ ﺃﺧﺪ ﺧﻄﻮﺓ ﺍﻳﺠﺎﺑﻴﺔ ﻓﻲ ﺍﻟﻤﻮﺿﻮﻉ ﺩﻩ
- ﺍﻟﻤﻀﻴﻔﺔ ﺍﻷﻭﻟﻰ : ﻭﻣﺒﺮﻭﻙ ﻟﻴﻜﻢ .. ﺍﻧﺘﻮ ﻋﺮﺳﺎﻥ ﺟﺪﺍﺩ ﺻﺢ
- ﻳﻮﺳﻒ ﻣﺒﺘﺴﻤﺎً : ﺃﻩ .. ﺍﻣﺒﺎﺭﺡ ﻛﺎﻥ ﻓﺮﺣﻨﺎ
- ﺍﻟﻤﻀﻴﻔﺔ ﺍﻷﺧﺮﻯ : ﺃﻟﻒ ﻣﺒﺮﻭﻭﻭﻙ ، ﻭﺭﺑﻨﺎ ﻳﺴﻌﺪﻛﻢ
- ﻳﻮﺳﻒ : ﺷﻜﺮﺍً ﺟﺰﻳﻼ ً
ﺍﻧﺼﺮﻓﺖ ﺍﻟﻤﻀﻴﻔﺘﺎﻥ ، ﻓﺄﻣﺴﻚ ﻳﻮﺳﻒ ﺑﻜﻒ ﻳﺪ ﻧﺪﻯ ﻭﺭﻓﻌﻪ ﺇﻟﻰ ﻓﻤﻪ ، ﺛﻢ ﻗﺒﻠﻪ ﺑﺤﻨﻴﺔ ، ﺛﻢ ﺟﻌﻞ ﺃﺻﺎﺑﻌﻪ ﺗﺘﺨﻠﻞ ﺃﺻﺎﺑﻌﻬﺎ ﻟﻴﺘﺸﺎﺑﻜﺎ ﺳﻮﻳﺎً .. ﻧﻈﺮ ﺇﻟﻴﻬﺎ ﺑﻨﻈﺮﺍﺕ ﻋﺎﺷﻘﺔ ﻭ ..
- ﻳﻮﺳﻒ ﺑﺼﻮﺕ ﺧﺎﻓﺖ : ﺃﻧﺎ ﻋﺎﺭﻑ ﺍﻧﻪ ﺻﻌﺐ ﺟﺪﺍ ﺍﻧﻚ ﺗﺴﺎﻣﺤﻴﻨﻲ ﺑﺴﻬﻮﻟﺔ ﺃﻭ ﺗﻨﺴﻲ ﺍﻟﻠﻲ ﺣﺼﻞ ، ﺑﺲ ﺃﻧﺎ ﻣﺶ ﻫﺎﺳﺘﺴﻠﻢ ﻟﺤﺪ ﻣﺎ ﺃﺧﻠﻴﻜﻲ ﺗﺮﺟﻌﻲ ﺗﺎﻧﻲ ﻟﺤﻀﻨﻲ .. ﻳﺎ .. ﻳﺎ ﻧﺪﻯ ﻗﻠﺒﻲ
.........................
ﻓﻲ ﻓﻴﻼ ﺳﻠﻴﻢ ﺍﻟﻜﻮﻣﻲ ،،،،،
ﻛﺎﻧﺖ ﻋﺒﻴﺮ ﻣﺴﺘﺸﺎﻃﺔ ﻣﻦ ﺍﻟﻐﻀﺐ ، ﺗﻜﺎﺩ ﺗﺠﻦ ﻣﻤﺎ ﺣﺪﺙ .. ﻫﻲ ﺑﺎﺗﺖ ﻣﺘﺄﻛﺪﺓ ﺃﻥ ﻧﺪﻯ ﻓﺘﺎﺓ ﺧﺎﻃﺌﺔ ﺍﺭﺗﻜﺒﺖ ﻓﺎﺣﺸﺔ ﻓﻲ ﺍﻟﻤﺎﺿﻲ ، ﻭﺍﺑﻨﻬﺎ ﺍﻟﻌﺎﺷﻖ ﻭﻗﻊ ﺿﺤﻴﺘﻬﺎ ﻭ ...
- ﻋﺒﻴﺮ ﺑﻀﻴﻖ ﻭﺍﺿﺢ : ﺍﻫﻮﻭ ﺍﻟﻠﻲ ﺣﺎﺳﺒﺘﻪ ﻻﻗﻴﺘﻪ ، ﻃﻠﻊ ﻛﻼﻡ ﻣﺎﻳﺎ ﺻﺢ
- ﺳﻠﻴﻢ : ﻳﺎ ﻋﺒﻴﺮ ﺍﺑﻨﻚ ﺃﻧﻜﺮ ﺍﻟﻜﻼﻡ ﺩﻩ ﻛﻠﻪ ﻭﺃﻛﺪ ﺍﻥ ﻣﺮﺍﺗﻪ ﺳﻠﻴﻤﺔ ﻭﻣﺎﻳﻔﻬﺎﺵ ﺣﺎﺟﺔ
- ﻋﺒﻴﺮ ﺑﺤﺪﺓ : ﺃﻧﺎ ﺳﻤﻌﺘﻬﻢ ﺑﻮﺩﺍﻧﻲ ، ﻭﻫﻲ ﻣﺎ ﺃﻧﻜﺮﺗﺶ ، ﻛﻠﻢ ﻳﻮﺳﻒ ﺧﻠﻴﻪ ﻳﺠﻲ ﺍﻟﻮﻗﺘﻲ ﻭﻳﻄﻠﻘﻬﺎ ﺑﻨﺖ ﺍﻟﺸﻮﺍﺭﻉ ﺩﻱ
- ﺳﻠﻴﻢ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ
- ﻋﺒﻴﺮ : ﻻﺯﻡ ﻧﺨﻠﺺ ﻣﻨﻬﺎ ﻗﺒﻞ ﻣﺎ ﺗﻮﺳﺦ ﺍﺳﻤﻨﺎ
- ﺳﻠﻴﻢ : ﻳﺎ ﻋﺒﻴﺮ ﺑﻼﺵ ﻓﻀﺎﻳﺢ ، ﺍﻟﻨﺎﺱ ﻫﺎﺗﻘﻮﻝ ﺍﻳﻪ ، ﺍﺗﺠﻮﺯﻭﺍ ﺍﻣﺒﺎﺭﺡ ﻭﺍﻃﻠﻘﻮﺍ ﺍﻟﻨﻬﺎﺭﺩﺓ
- ﻋﺒﻴﺮ ﻭﻫﻲ ﺗﺸﻴﺮ ﺑﻴﺪﻫﺎ : ﺍﻟﻔﻀﺎﻳﺢ ﻟﻴﻬﺎ ﻫﻲ ﻭﻋﻴﻠﺘﻬﺎ ، ﻟﻜﻦ ﺍﺑﻨﻲ ﻣﺎﻟﻮﺵ ﺫﻧﺐ ﺍﻧﻪ ﻳﺘﺤﻤﻞ ﺍﻟﻘﺬﺍﺭﺓ ﺑﺘﺎﻋﺘﻬﺎ ﺩﻱ ..
ﺭﻥ ﻫﺎﺗﻒ ﺳﻠﻴﻢ ، ﻓﻤﺪ ﻳﺪﻩ ﺩﺍﺧﻞ ﺟﻴﺐ ﺳﺘﺮﺗﻪ ﻟﻴﺨﺮﺝ ﺍﻟﻬﺎﺗﻒ ﻣﻨﻪ ، ﻧﻈﺮ ﺇﻟﻰ ﺷﺎﺷﺔ ﻫﺎﺗﻔﻪ ﺍﻟﻤﺤﻤﻮﻝ ، ﻓﻮﺟﺪ ﺃﻥ ﺍﻟﻤﺘﺼﻞ ﻫﻮ ...........
...........................................
ﻓﻲ ﻣﻨﺰﻝ ﻣﺮﻭﺍﻥ ﺑﺎﻟﺘﺠﻤﻊ ﺍﻟﺨﺎﻣﺲ ،،،،
ﺍﻗﺘﺮﺡ ﻣﺮﻭﺍﻥ ﺃﻥ ﺗﻈﻞ ﻓﺎﻃﻴﻤﺎ ﺑﺎﻗﻴﺔ ﻣﻌﻪ ﻭﻣﻊ ﺯﻭﺟﺘﻪ ﻧﻴﺮﺓ ﻟﻌﺪﺓ ﺃﻳﺎﻡ ﺣﺘﻰ ﺗﻬﺪﺃ ﺗﻤﺎﻣﺎً ﻭﺗﺘﺠﺎﻭﺯ ﻣﺮﺣﻠﺔ ﺍﻟﺘﻮﺗﺮ ﻭﺍﻟﻌﺼﺒﻴﺔ ﺍﻟﺘﻲ ﺃﺻﺎﺑﺘﻬﺎ
ﻛﺎﻥ ﺻﻼﺡ ﻣﻌﺘﺮﺿﺎً ﻓﻲ ﺍﻟﺒﺪﺍﻳﺔ ، ﻭﻟﻜﻦ ﺑﻌﺪ ﺇﻟﺤﺎﺡ ﻣﻦ ﻣﺮﻭﺍﻥ ، ﻭﺍﻓﻖ ﻋﻠﻰ ﻃﻠﺒﻪ ﻭ ...
- ﻣﺮﻭﺍﻥ : ﻳﺎ ﻋﻢ ﺻﻼﺡ ﺩﻩ ﺍﺣﺴﻦ ﻟﻬﺎ
- ﺻﻼﺡ : ﻳﺎ ﺑﻨﻲ ﻣﺶ ﻫﺎﻳﻨﻔﻊ ﻭﺍﻟﻠﻪ ، ﺍﺣﻨﺎ ﺍﻟﻤﻔﺮﻭﺽ ﻫﻨﺴﺎﻓﺮ ﺧﻼﻝ ﻳﻮﻣﻴﻦ
- ﻣﺮﻭﺍﻥ : ﻣﻌﻠﺶ ، ﺻﺤﺘﻬﺎ ﺃﻫﻢ ﺍﻟﻮﻗﺘﻲ ﻣﻦ ﺍﻟﺴﻔﺮ ، ﻭﺍﻧﺖ ﺷﺎﻳﻒ ﺍﻟﺪﻛﺘﻮﺭ ﻗﺎﻝ ﺍﻳﻪ
- ﺻﻼﺡ : ﻳﺎ ﻣﺮﻭﺍﻥ ﻳﺎ ﺑﻨﻲ ﺩﻩ ﺍﻧﺖ ﻟﺴﻪ ﻋﺮﻳﺲ ﺟﺪﻳﺪ ، ﻣﺎﻟﺤﻘﺘﺶ ﺗﻘﻌﺪ ﻣﻊ ﻋﺮﻭﺳﺘﻚ ﻭﺗﺘﻬﻨﻰ ، ﻧﻘﻮﻡ ﺍﺣﻨﺎ ﻧﺮﺍﺯﻳﻚ ﺑﺒﻨﺘﺎ ﺍﻟﺼﻐﻴﺮﺓ
- ﻣﺮﻭﺍﻥ : ﻳﺎ ﻋﻤﻲ ﻛﻞ ﺣﺎﺟﺔ ﺗﻬﻮﻥ ، ﺩﻱ ﻃﻤﻄﻢ ﻟﻴﻬﺎ ﻣﻌﺰﺓ ﻋﻨﺪﻱ ﻣﻦ ﺯﻣﻦ
- ﺻﻼﺡ : ﺃﻧﺎ ﻋﺎﺭﻑ ﻭﺍﻟﻠﻪ
- ﻣﺮﻭﺍﻥ : ﺑﺲ ﺍﻟﻠﻲ ﺑﺼﺮﺍﺣﺔ ﻣﺴﺘﻐﺮﺑﻪ ﻣﻨﻚ ﻳﺎ ﻋﻤﻲ ﺍﻧﻚ ﺍﺯﺍﻱ ﺗﻮﺍﻓﻖ ﻋﻠﻰ ﺣﺎﺟﺔ ﺯﻱ ﺩﻱ ﺗﺘﻌﻤﻞ ﻓﻲ ﻃﻤﻄﻢ
- ﺻﻼﺡ : ﻭﺍﻟﻠﻪ ﻳﺎ ﺑﻨﻲ ﺃﻧﺎ ﻣﻮﺍﻓﻘﺘﺶ ﺃﺻﻼً ، ﻛﻞ ﺍﻟﺤﻜﺎﻳﺔ ﺍﻧﻲ ﻛﻨﺖ ﺑﺴﻤﻊ ﺯﻳﻨﺐ ﻟﻸﺧﺮ
- ﻣﺮﻭﺍﻥ : ﺑﺮﺿﻮﻩ ﻳﺎ ﻋﻤﻲ .. ﺍﻟﻤﻮﺿﻮﻉ ﺩﻩ ﺑﻴﺴﻴﺐ ﺃﺛﺎﺭ ﻧﻔﺴﻴﺔ ﺳﻴﺌﺔ ﻋﻠﻰ ﺍﻟﺒﻨﺖ ، ﻭﺍﻧﺖ ﺷﺎﻳﻒ ﻃﻤﻄﻢ ﻣﺎﺳﺘﺤﻤﻠﺘﺶ ﻣﺠﺮﺩ ﺍﻟﻔﻜﺮﺓ ، ﻓﻤﺎﺑﺎﻟﻚ ﻟﻮ ﺩﻩ ﻛﺎﻥ ﺣﺼﻞ ﻓﻴﻬﺎ
- ﺻﻼﺡ : ﺍﻟﺤﻤﺪﻟﻠﻪ .. ﻗﺪﺭ ﻭﻟﻄﻒ
- ﻣﺮﻭﺍﻥ : ﻳﺎ ﻋﻤﻲ ﺍﻧﺖ ﺃﻛﺘﺮ ﻭﺍﺣﺪ ﻋﺎﺭﻑ ﺃﺩ ﺍﻳﻪ ﻃﻤﻄﻢ ﻋﺎﻧﺖ ﻣﻦ ﻭﻫﻲ ﺻﻐﻴﺮﺓ ، ﻭﺍﻟﺤﻤﺪﻟﻠﻪ ﺍﻥ ﺭﺑﻨﺎ ﻗﺪﺭﻧﺎ ﻭﻋﺮﻓﻨﺎ ﻧﺎﺧﺪ ﺑﺎﻟﻨﺎ ﻣﻨﻬﺎ ، ﻭﻣﺼﺪﻗﻨﺎ ﺍﻥ ﺍﻟﻤﻮﺿﻮﻉ ﺩﻩ ﺍﺗﻨﺴﻰ ﻭﺭﺍﺡ ﻣﻦ ﺩﻣﺎﻏﻬﺎ
- ﺻﻼﺡ : ﻫﻲ ﺍﻟﺒﺖ ﺩﻱ ﻣﻮﻋﻮﺩﺓ ﺩﺍﻳﻤﺎ
- ﻣﺮﻭﺍﻥ : ﻭﺍﻟﺤﻤﺪﻟﻠﻪ ﺍﻥ ﺭﺑﻨﺎ ﺑﻴﺴﺘﺮﻫﺎ ﻋﻠﻴﻬﺎ
- ﺻﻼﺡ : ﻳﺴﺘﺎﻫﻞ ﺍﻟﺤﻤﺪ
- ﻣﺮﻭﺍﻥ : ﺍﻫﻢ ﺣﺎﺟﺔ ﺗﻜﻠﻢ ﻃﻨﻂ ﺯﻳﻨﺐ ﻭﻣﺎﺗﺨﻠﻴﻬﺎﺵ ﺗﻔﻜﺮ ﻓﻲ ﺍﻟﻤﻮﺿﻮﻉ ﺩﻩ ﺗﺎﻧﻲ
- ﺻﻼﺡ : ﻷ ﺍﻃﻤﻦ ﻳﺎ ﺑﻨﻲ ، ﻫﻲ ﺑﻌﺪ ﺍﻟﻠﻲ ﺣﺼﻞ ﻣﺶ ﻫﺎﺗﻌﻴﺪﻩ ﺗﺎﻧﻲ
...................
ﻓﻲ ﻏﺮﻓﺔ ﺍﻷﻃﻔﺎﻝ ،،،،
ﻛﺎﻧﺖ ﺯﻳﻨﺐ ﺭﺍﻗﺪﺓ ﻋﻠﻰ ﺍﻟﻔﺮﺍﺵ ﺑﺠﻮﺍﺭ ﺍﺑﻨﺘﻬﺎ ﺍﻟﺼﻐﺮﻯ ﻓﺎﻃﻴﻤﺎ ، ﺗﻤﺴﻚ ﺑﻴﺪﻫﺎ ﺑﻴﻦ ﻛﻔﻬﺎ ، ﻭﺗﻤﺴﺢ ﻋﻠﻰ ﺭﺃﺳﻬﺎ ﺑﺎﻟﻴﺪ ﺍﻷﺧﺮﻯ ﻭ ...
- ﺯﻳﻨﺐ : ﺣﻘﻚ ﻋﻠﻴﺎ ﻳﺎ ﺿﻨﺎﻳﺎ ، ﺗﺘﻘﻄﻊ ﺍﻳﺪﻱ ﻗﺒﻞ ﻣﺎ ﺃﻋﻤﻞ ﻓﻴﻜﻲ ﺣﺎﺟﺔ ﺗﺄﺫﻳﻜﻲ
- ﻧﻴﺮﺓ : ﺍﻳﻪ ﻳﺎ ﻣﺎﻣﺎ ﺑﺲ ﺍﻟﻠﻲ ﺧﻼﻛﻲ ﺗﻔﻜﺮﻱ ﺗﻌﻤﻠﻲ ﻓﻴﻬﺎ ﻛﺪﻩ
- ﺯﻳﻨﺐ : ﻭﺍﻟﻠﻪ ﻳﺎ ﺑﻨﺘﻲ ﻣﺎ ﺟﻪ ﻓﻲ ﺑﺎﻟﻲ ﺃﻋﻤﻞ ﻛﺪﻩ ، ﻫﻲ ﺍﻟﺴﺖ ﺁﻣﺎﻝ – ﻣﻨﻬﺎ ﻟﻠﻪ - ﺯﻧﺖ ﻓﻲ ﻭﺩﺍﻧﻲ ، ﻭﺍﻧﺎ ﺑﺼﺮﺍﺣﺔ ﺧﻮﻓﺖ ﻉ ﺍﻟﺒﺖ ﻣﻦ ﻭﻻﺩ ﺍﻟﺤﺮﺍﻡ ، ﻓﻘﻮﻟﺖ ﺃﺣﻤﻴﻬﺎ ﻣﻨﻬﻢ
- ﻧﻴﺮﺓ : ﻳﺎ ﻣﺎﻣﺎ ﺩﻩ ﺍﻧﺘﻲ ﻣﻌﻤﻠﺘﻴﺶ ﺩﻩ ﻣﻌﺎﻳﺎ ﺃﻧﺎ ﻭﻻ ﻧﺪﻯ
- ﺯﻳﻨﺐ : ﻗﻠﺔ ﻋﻘﻞ ﻳﺎ ﺑﻨﺘﻲ .. ﺍﻟﺤﻤﺪﻟﻠﻪ ﺍﻥ ﺭﺑﻨﺎ ﺳﺘﺮﻫﺎ ﻣﻌﺎﻧﺎ
- ﻧﻴﺮﺓ : ﻭﺑﻌﺪﻳﻦ ﻣﻼﻗﺘﻴﺶ ﺇﻻ ﺍﻟﺴﺖ ﺩﻱ ﻋﺸﺎﻥ ﺗﺴﻤﻌﻲ ﺑﻨﺼﻴﺤﺘﻬﺎ ؟؟ ﺍﻧﺘﻲ ﻧﺴﻴﺘﻲ ﻣﺠﺎﻳﺒﻬﺎ ﻗﺒﻞ ﻛﺪﻩ ﻭﻻ ﺍﻳﻪ ؟
- ﺯﻳﻨﺐ : ﻣﺠﺎﺵ ﻓﻲ ﺑﺎﻟﻲ ﺍﻥ ﻛﻼﻣﻬﺎ ﻧﻔﺴﻪ ﻣﻤﻜﻦ ﻳﺨﻠﻲ ﺑﻨﺘﻲ ﺗﻀﻴﻊ
- ﻧﻴﺮﺓ : ﻋﺸﺎﻥ ﺧﺎﻃﺮﻱ ﻳﺎ ﻣﺎﻣﺎ ﻣﺘﺨﻠﻴﺶ ﺍﻟﺴﺖ ﺩﻱ ﺗﻘﻮﻟﻚ ﺣﺎﺟﺔ ﺑﻌﺪ ﻛﺪﻩ ﻭﺗﻌﻤﻠﻴﻬﺎ
- ﺯﻳﻨﺐ : ﺣﺎﺿﺮ ﻳﺎ ﻧﺎﺭﻭﻭ ، ﻫﻲ ﺍﻟﺤﻜﺎﻳﺔ ﻳﻮﻣﻴﻦ ﻭﻫﻨﺴﺎﻓﺮ
- ﻧﻴﺮﺓ : ﻃﺐ ﻳﺎ ﺭﻳﺖ ﺗﺘﺠﻨﺒﻴﻬﺎ ﻉ ﺍﺩ ﻣﺎ ﺗﻘﺪﺭﻱ ، ﻣﺶ ﻧﺎﻗﺼﻴﻦ ﻣﺼﺎﻳﺐ ﺗﺎﻧﻴﺔ ﻣﻨﻬﺎ
- ﺯﻳﻨﺐ : ﺩﻱ ﻛﺎﻧﺖ ﻧﺎﻭﻳﺔ ﺗﻴﺠﻲ ﺗﺰﻭﺭﻛﻢ
- ﻧﻴﺮﺓ : ﻷﻷﻷ .. ﺍﻋﻮﺫﻭ ﺑﺎﻟﻠﻪ ، ﺩﻱ ﻟﻮ ﺟﺖ ﻫﻨﺎ ﻫﺎﻛﺴﺮ ﺭﺟﻠﻬﺎ ﻗﺒﻞ ﻣﺎ ﺗﻌﺘﺐ ﺟﻮﺍ ﺍﻟﺸﻘﺔ
- ﺯﻳﻨﺐ : ﻫﻮ ﺃﻧﺎ ﻫﺒﻠﺔ ﺍﺟﻴﺒﻬﺎ ﺗﺘﻔﺮﺝ ﻉ ﺣﺎﺟﺘﻚ ﺍﻧﺘﻲ ﻭﻻ ﺃﺧﺘﻚ ﺗﻘﻮﻡ ﺗﺤﺴﺪﻛﻢ
- ﻧﻴﺮﺓ : ﻣﺘﺨﻠﻴﺶ ﺣﺪ ﻳﻌﺮﻑ ﻋﻨﻨﺎ ﺣﺎﺟﺔ ﻳﺎ ﻣﺎﻣﺎ ، ﺍﺣﻨﺎ ﺍﻟﻠﻲ ﻓﻴﻨﺎ ﻣﻜﻔﻴﻨﺎ
- ﺯﻳﻨﺐ : ﻃﻴﺐ ﻳﺎ ﺑﻨﺘﻲ
ﺩﻟﻒ ﻣﺮﻭﺍﻥ ﺇﻟﻰ ﺩﺍﺧﻞ ﺍﻟﻐﺮﻓﺔ ﻟﻴﺒﻠﻎ ﺍﻟﺴﻴﺪﺓ ﺯﻳﻨﺐ ﺑﺄﻣﺮ ﺑﻘﺎﺀ ﻓﺎﻃﻴﻤﺎ ﻣﻌﻬﻢ ﻟﻌﺪﺓ ﺃﻳﺎﻡ ..
ﺍﻋﺘﺮﺿﺖ ﺯﻳﻨﺐ ﻫﻲ ﺍﻷﺧﺮﻯ ﻓﻲ ﺍﻟﺒﺪﺍﻳﺔ ﻋﻦ ﺑﻘﺎﺀ ﺍﺑﻨﺘﻬﺎ ﺍﻟﺼﻐﺮﻯ ﻣﻌﻬﻤﺎ ﻭ ...
- ﺯﻳﻨﺐ : ﻷ ﻳﺎ ﻣﺮﻭﺍﻥ ﻳﺎ ﺣﺒﻴﺒﻲ ، ﻭﺍﻧﺖ ﺫﻧﺒﻚ ﺍﻳﻪ ﺍﻧﺖ ﻭﻣﺮﺍﺗﻚ ﺗﻘﻌﺪﻭﺍ ﻣﻌﺎﻫﺎ ﻭﺗﺨﻠﻮﺍ ﺑﺎﻟﻜﻢ ﻣﻨﻬﺎ
- ﻣﺮﻭﺍﻥ : ﺩﻱ ﻃﻤﻄﻢ ﺯﻱ ﺃﺧﺘﻲ
- ﺯﻳﻨﺐ : ﻷﻷﻷ .. ﻫﻲ ﺍﻟﺒﺖ ﺑﺲ ﺗﻔﻮﻕ ﻭﺗﺸﺪ ﺣﻴﻠﻬﺎ ﻭﻫﻨﺮﺟﻊ ﻉ ﺑﻴﺘﻨﺎ
- ﻣﺮﻭﺍﻥ : ﻻ ﻭﺍﻟﻠﻪ ﺃﺑﺪﺍﺍﺍﺍﺍ .. ﻣﺶ ﻫﺎﻳﺤﺼﻞ ﻳﺎ ﻃﻨﻂ .. ﺩﻩ ﺑﻴﺘﻜﻢ
- ﺯﻳﻨﺐ : ﻋﻴﺐ ﻳﺎ ﺑﻨﻲ ، ﻛﻔﺎﻳﺔ ﺍﻥ ﺍﺣﻨﺎ ﺃﺯﻋﺠﻨﺎﻛﻢ ﻃﻮﻝ ﺍﻟﻴﻮﻡ ﻭﻋﻄﻠﻨﺎﻙ ﻋﻦ ﺷﻐﻠﻚ ﻭﻣﺼﺎﻟﺤﻚ
- ﻣﺮﻭﺍﻥ : ﻓﺪﺍﻛﻢ ﺃﻱ ﺣﺎﺟﺔ ﺍﻟﻤﻬﻢ ﺳﻼﻣﺔ ﻃﻤﻄﻢ
- ﺯﻳﻨﺐ : ﻣﻌﻠﺶ ﻳﺎ ﺑﻨﻲ ، ﺃﻧﺎ ﻣﺶ ﻫﺎﻃﻤﻦ ﻏﻴﺮ ﻟﻤﺎ ﺑﻨﺘﻲ ﺗﺒﺎﺕ ﻓﻲ ﺣﻀﻨﻲ
- ﻣﺮﻭﺍﻥ : ﻃﺐ ﺧﻠﻴﻬﺎ ﻣﻌﺎﻧﺎ ﺍﻟﻨﻬﺎﺭﺩﺓ ، ﻭﺑﻜﺮﺓ ﺍﻟﺼﺒﺢ ﺃﻭﺻﻠﻬﺎ ﻋﻨﺪﻛﻢ
- ﺯﻳﻨﺐ : ﻛﺘﻴﺮ ﻳﺎ ﻣﺮﻭﺍﻥ ﻭﺍﻟﻠﻪ ، ﺩﻩ ﺗﻌﺐ ﻋﻠﻴﻚ
- ﻣﺮﻭﺍﻥ : ﻣﺶ ﺗﻌﺐ ﻭﻻ ﺣﺎﺟﺔ ، ﺩﻩ ﺍﻧﺎ ﻣﻌﻤﻠﺘﺶ ﺣﺎﺟﺔ ﻭﺍﻟﻠﻪ
- ﻧﻴﺮﺓ : ﻳﺎ ﻣﺎﻣﺎ ﺩﻱ ﺗﻮﺗﺎ ﻏﺎﻟﻴﺔ ﻋﻨﺪ ﻣﺮﻭﺍﻥ ﺃﻭﻱ
- ﻣﺮﻭﺍﻥ : ﻗﻮﻟﻴﻠﻬﺎ ﻳﺎ ﻧﻴﺮﺓ
- ﺯﻳﻨﺐ : ﻫﻲ ﻣﺶ ﻣﺤﺘﺎﺟﺔ ﺗﻘﻮﻟﻲ ، ﺩﻩ ﺑﺎﻳﻦ ﻳﺎ ﺑﻨﺘﻲ ، ﺭﺑﻨﺎ ﻳﺤﻤﻴﻪ ﻟﺸﺒﺎﺑﻪ
- ﻣﺮﻭﺍﻥ : ﺍﻟﻠﻪ ﻳﺨﻠﻴﻜﻲ ﻳﺎ ﻃﻨﻂ
ﺃﻣﺎﻟﺖ ﺯﻳﻨﺐ ﻋﻠﻰ ﺍﺑﻨﺘﻬﺎ ﻧﻴﺮﺓ ﻗﻠﻴﻼً ، ﺛﻢ ﻫﻤﺴﺖ ﻓﻲ ﺍﺫﻧﻬﺎ ﺑـ ...
- ﺯﻳﻨﺐ ﺑﺼﻮﺕ ﻫﺎﻣﺲ : ﺭﻭﺣﻲ ﺍﻗﻌﺪﻱ ﻣﻊ ﺟﻮﺯﻙ ﺷﻮﻳﺔ ﻭﺷﻮﻓﻲ ﻃﻠﺒﺎﺗﻪ ، ﻭﺍﻧﺎ , ﺍﺑﻮﻛﻲ ﻫﻨﻨﺰﻝ .. ﻛﻔﺎﻳﺔ ﺃﻭﻱ ﺍﻟﻌﻄﻠﺔ ﺍﻟﻠﻲ ﺳﺒﺒﻨﻬﺎﻟﻜﻢ
- ﻧﻴﺮﺓ ﺑﺼﻮﺕ ﺧﺎﻓﺖ : ﻳﺎ ﻣﺎﻣﺎ ﻋﺎﺩﻱ ، ﻣﺮﻭﺍﻥ ﻣﺶ ﻓﺎﺭﻕ ﻣﻌﺎﻩ
- ﺯﻳﻨﺐ ﻫﺎﻣﺴﺔ : ﻳﺎ ﺑﺖ ﺧﻠﻲ ﻋﻨﺪﻙ ﺩﻡ ، ﻭﺭﻭﺣﻲ ﺷﻮﻓﻲ ﺟﻮﺯﻙ
- ﻧﻴﺮﺓ : ﻃﻴﺐ
ﺍﻋﺘﺪﻟﺖ ﺯﻳﻨﺐ ﻓﻲ ﺟﻠﺴﺘﻬﺎ ، ﺛﻢ ﺣﺎﻭﻟﺖ ﺍﻟﻨﻬﻮﺽ ﻣﻦ ﻋﻠﻰ ﺍﻟﻔﺮﺍﺵ ﻭ ...
- ﺯﻳﻨﺐ : ﻣﺎﺷﻲ ﻳﺎ ﻣﺮﻭﺍﻥ ﻳﺎ ﺑﻨﻲ ، ﺍﺣﻨﺎ ﻫﻨﻤﺸﻲ ﺍﻟﻮﻗﺘﻲ ، ﻭﻧﺠﻲ ﻧﺎﺧﺪ ﺍﻟﺒﺖ ﺍﻟﺼﺒﺤﻴﺔ
- ﻣﺮﻭﺍﻥ : ﻟﺴﻪ ﺑﺪﺭﻱ ﻭﺍﻟﻠﻪ
- ﺯﻳﻨﺐ : ﺑﺪﺭﻱ ﻣﻦ ﻋﻤﺮﻙ ، ﺩﻩ ﻳﺪﻭﺏ ﻧﻠﺤﻖ ﻧﺮﺟﻊ
- ﻣﺮﻭﺍﻥ : ﻃﺐ ﺧﻠﻴﻜﻢ ﻳﺎ ﻃﻨﻂ ﺍﻧﺘﻮ ﺍﻋﺪﻳﻦ ، ﻭﺍﻧﺎ ﻫﺠﺎﻳﺒﻠﻬﺎ ﻟﺤﺪ ﻋﻨﺪﻛﻢ
- ﺯﻳﻨﺐ : ﻣﺶ ﻋﺎﻭﺯﻳﻦ ﻧﺘﻌﺒﻚ ﻭﻧﺸﻐﻠﻚ
- ﻣﺮﻭﺍﻥ ﺑﺎﺻﺮﺍﺭ : ﻷﻷﻷﻷ .. ﺍﻧﺎ ﺍﻟﻠﻲ ﻫﺎﺟﻴﺒﻬﺎ
- ﺯﻳﻨﺐ : ﺭﺑﻨﺎ ﻳﻜﺮﻣﻚ ﻭﻳﺮﺯﻗﻚ ﺍﻧﺖ ﻭﻧﻴﺮﺓ ﺑﺎﻟﺬﺭﻳﺔ ﺍﻟﺼﺎﻟﺤﺔ ، ﻗﺎﺩﺭ ﻳﺎ ﻛﺮﻳﻢ
- ﻣﺮﻭﺍﻥ : ﺍﻟﻠﻬﻢ ﺃﻣﻴﻦ ﻳﺎ ﺭﺏ ﺍﻟﻌﺎﻟﻤﻴﻦ
ﻭﻗﻒ ﺻﻼﺡ ﻫﻮ ﺍﻷﺧﺮ ﻣﻦ ﺧﺎﺭﺝ ﺍﻟﻐﺮﻓﺔ ﻳﻨﺎﺩﻱ ﻋﻠﻰ ﺯﻭﺟﺘﻪ ﺯﻳﻨﺐ ﻟﻜﻲ ﻳﻨﺼﺮﻓﺎ ﺳﻮﻳﺎً ﻭﻳﻌﻮﺩﺍ ﺇﻟﻰ ﻣﻨﺰﻟﻬﻤﺎ ﻭ ...
- ﺻﻼﺡ ﻣﻦ ﺧﺎﺭﺝ ﺍﻟﻐﺮﻓﺔ : ﻳﺎﻻ ﺑﻴﻨﺎ ﺍﺣﻨﺎ ﻳﺎ ﺯﻳﻨﺐ
- ﺯﻳﻨﺐ ﺑﻨﺒﺮﺓ ﻋﺎﻟﻴﺔ : ﺣﺎﺿﺮ ﻳﺎ ﺣﺎﺝ ﺃﻧﺎ ﺟﺎﻳﺔ ﺃﻫﻮﻭ
ﺍﻧﺼﺮﻓﺖ ﺯﻳﻨﺐ ﻭﻣﻌﻬﺎ ﺯﻭﺟﻬﺎ ﺍﻻﺳﺘﺎﺫ ﺻﻼﺡ ، ﻭﻇﻞ ﻣﺮﻭﺍﻥ ﻭﻧﻴﺮﺓ ﻭﺍﻗﻔﺎﻥ ﺑﺠﻮﺍﺭ ﺑﺎﺏ ﻏﺮﻓﺔ ﺍﻷﻃﻔﺎﻝ ﻳﺘﺄﻣﻼﻥ ﻓﺎﻃﻴﻤﺎ ﻭﻫﻲ ﻧﺎﺋﻤﺔ ﻛﺎﻟﻤﻼﻙ ..
- ﻧﻴﺮﺓ : ﺍﻟﺤﻤﺪﻟﻠﻪ ﺍﻥ ﺍﻟﻤﻮﺿﻮﻉ ﺩﻩ ﻋﺪﻯ ﻋﻠﻰ ﺧﻴﺮ
- ﻣﺮﻭﺍﻥ : ﺃﻣﻚ ﻛﺎﻧﺖ ﻫﺘﻀﻴﻊ ﺍﺧﺘﻚ ﺑﺲ ﻋﺸﺎﻥ ﻛﺎﻧﺖ ﻋﺎﻭﺯﺓ ﺗﻘﻠﺪ ﻛﻼﻡ ﺟﺎﻫﻞ ﻣﺎﻟﻮﺵ ﻻﺯﻣﺔ
- ﻧﻴﺮﺓ : ﻫﻲ ﻣﻌﺬﻭﺭﺓ ﺑﺘﺪﻭﺭ ﻋﻠﻰ ﻣﺼﻠﺤﺔ ﻓﺎﻃﻴﻤﺎ
- ﻣﺮﻭﺍﻥ : ﻣﺼﻠﺤﺘﻬﺎ ﻓﻲ ﺍﻧﻨﺎ ﻧﻮﻋﻴﻬﺎ ﺑﺎﻟﻜﻼﻡ ﻭﺍﻟﻨﺼﻴﺤﺔ ﻭﺗﺒﻘﻰ ﺃﻣﻬﺎ ﺻﺎﺣﺒﺘﻬﺎ ﻣﺶ ﻋﺪﻭﺗﻬﺎ
- ﻧﻴﺮﺓ : ﻋﻨﺪﻙ ﺣﻖ
ﻭﺿﻊ ﻣﺮﻭﺍﻥ ﻳﺪﻩ ﺧﻠﻒ ﻇﻬﺮﻩ ﻣﺪﻋﻴﺎً ﺍﻵﻟﻢ .. ﻓﻼﺣﻈﺖ ﻧﻴﺮﺓ ﻣﺎ ﻳﻔﻌﻞ ﻭ ...
- ﻧﻴﺮﺓ ﺑﻘﻠﻖ : ﻓﻲ ﺍﻳﻪ ﻳﺎ ﻣﺮﻭﺍﻥ ؟؟ ﻣﺎﻝ ﺿﻬﺮﻙ
- ﻣﺮﻭﺍﻥ ﻣﺪﻋﻴﺎ ﺍﻵﻟﻢ : ﻣﺶ ﻋﺎﺭﻑ ﻣﺎﻟﻪ ، ﺷﺎﺩﺩ ﻋﻠﻴﺎ ﻣﻦ ﺍﻟﺤﺘﺔ ﺩﻱ
- ﻧﻴﺮﺓ : ﻓﻴﻦ ﺑﺎﻟﻈﺒﻂ
- ﻣﺮﻭﺍﻥ ﻭﻫﻮ ﻳﺸﻴﺮ ﺑﻴﺪﻩ : ﻫﻨﺎ .. ﺁﺁﺁﻩ
- ﻧﻴﺮﺓ : ﻃﺐ .. ﻃﺐ ﺃﺩﻫﻨﻠﻚ ﻣﺮﻫﻢ ﻭﻻ ﺣﺎﺟﺔ
- ﻣﺮﻭﺍﻥ : ﺍﻩ ﻳﺎ ﺭﻳﺖ .. ﺑﺲ ﺍﺳﺘﻨﻲ ﺍﻷﻭﻝ ﺃﻣﺎ ﻧﻘﻔﻞ ﺍﻟﺒﺎﺏ ﻋﻠﻰ ﺍﺧﺘﻚ ..
- ﻧﻴﺮﺓ ﻣﺪﻋﻴﺔ ﺍﻟﻐﺒﺎﺀ : ﻭﻧﻘﻔﻠﻪ ﻟﻴﻪ ؟؟ ﻷ ﺧﻠﻴﻪ ﻣﻔﺘﻮﺡ ﻣﺶ ﻳﻤﻜﻦ ﺗﺼﺤﻰ ﻭﺗﻌﻮﺯ ﺣﺎﺟﺔ ﻛﺪﻩ ﻭﻻ ﻛﺪﻩ
- ﻣﺮﻭﺍﻥ ﻭﻫﻮ ﻳﻨﻈﺮ ﻟﻬﺎ ﺑﻨﻈﺮﺍﺕ ﻣﻐﺘﺎﻇﺔ : ﻭﺍﻟﻠﻪ
- ﻧﻴﺮﺓ ﺑﺪﻟﻊ : ﺃﻩ ﻃﺒﻌﺎ .. ﺩﻱ ﻣﺮﻳﻀﺔ ﻭﻋﻴﺎﺩﺓ ﺍﻟﻤﺮﻳﺾ ﻭﺍﺟﺐ
- ﻣﺮﻭﺍﻥ : ﻳﺎ ﺳﻼﺍﺍﺍﻡ ... ﺍﻟﻈﺎﻫﺮ ﺍﻥ ﺃﻋﺪﺓ ﺍﺧﺘﻚ ﻣﻌﺎﻧﺎ ﻫﺘﻴﺠﻲ ﻋﻠﻰ ﺩﻣﺎﻏﻲ ، ﺃﻧﺎ ﺑﻘﻮﻝ ﺃﻟﺤﻖ ﻋﻢ ﺻﻼﺡ ﺑﺴﺮﻋﺔ ﻗﺒﻞ ﻣﺎ ﻳﺮﻭﺡ ﻭﺃﺩﻳﻠﻮﻩ ﺑﻨﺘﻪ
ﺃﺩﻋﻰ ﻣﺮﻭﺍﻥ ﺍﻧﻪ ﺫﺍﻫﺐ ﻓﻲ ﺍﺗﺠﺎﻩ ﺑﺎﺏ ﺍﻟﻤﻨﺰﻝ ، ﻓﺮﻛﻀﺖ ﻧﻴﺮﺓ ﺧﻠﻔﻪ ﻟﺘﻤﻨﻌﻪ ﻭ ...
- ﻧﻴﺮﺓ ﻭﻫﻲ ﺗﺤﺎﻭﻝ ﺍﻟﻠﺤﺎﻕ ﺑﻪ : ﻷﻷﻷ .. ﺍﺳﺘﻨﻰ ﺑﺲ
- ﻣﺮﻭﺍﻥ ﺑﻨﺒﺮﺓ ﺟﺎﺩﺓ : ﺃﺑﺪﺍﺍﺍﺍ .. ﻣﺶ ﻫﺎﻳﺤﺼﻞ
ﺃﻣﺴﻜﺖ ﻧﻴﺮﺓ ﻭﺟﻪ ﻣﺮﻭﺍﻥ ﺑﻜﻠﺘﺎ ﻳﺪﻳﻬﺎ ﺛﻢ ﻗﺒﻠﺘﻪ ﻋﻠﻰ ﻭﺟﻨﺘﻪ ﻭﻫﻲ ﺗﺘﻮﺳﻞ ﺇﻟﻴﻪ ﻭ ..
- ﻧﻴﺮﺓ ﺑﺘﻮﺳﻞ : ﻣﻮﻭﻭﻭﻩ .. ﻋﺸﺎﻥ ﺧﺎﻃﺮﻱ
- ﻣﺮﻭﺍﻥ ﻭﻫﻮ ﻳﻮﻣﻲﺀ ﺑﺎﻟﻨﻔﻲ : ﺗﺆ
ﻗﺒﻠﺖ ﻧﻴﺮﺓ ﻭﺟﻨﺔ ﻣﺮﻭﺍﻥ ﺍﻷﺧﺮﻯ .. ﻓﺎﺑﺘﺴﻢ ﻟﻬﺎ ﻭ ..
- ﻧﻴﺮﺓ : ﻣﻮﻭﻭﻭﻭﻩ .. ﺧﻼﺹ ﺑﻘﻰ
- ﻣﺮﻭﺍﻥ ﻣﺒﺘﺴﻤﺎً : ﻻ ﻳﻤﻜﻦ ..
ﻭﻗﻔﺖ ﻧﻴﺮﺓ ﺗﻨﻈﺮ ﺇﻟﻴﻪ ﺑﻨﻈﺮﺍﺕ ﺫﺍﺕ ﻣﻐﺰﻯ ، ﻭﺑﺎﺩﻟﻬﺎ ﻫﻮ ﺗﻠﻚ ﺍﻟﻨﻈﺮﺍﺕ ، ﺛﻢ ﻭﺿﻊ ﻳﺪﻩ ﺧﻠﻒ ﺭﺃﺳﻬﺎ ﻭﻗﺮﺑﻬﺎ ﺇﻟﻴﻪ ﻭﻃﺒﻊ ﻗﺒﻠﺔ ﺣــﺎﺭﺓ ﻋﻠﻰ ﺷﻔﺘﻴﻬﺎ ﻭ ...
- ﻣﺮﻭﺍﻥ : ﺃﻧﺎ ﻛﺪﻩ ﻣﻤﻜﻦ ﺍﻓﻜﺮ ﻣﺎ ﺃﻧﺰﻟﺶ
- ﻧﻴﺮﺓ : ﻳﺎ ﺣﻨﻴﻦ
- ﻣﺮﻭﺍﻥ : ﺍﻩ ﻃﺒﻌﺎً .. ﺩﻩ ﺃﻧﺎ ﻣﺤﺪﺵ ﻳﺘﻮﻗﻌﻨﻲ
- ﻧﻴﺮﺓ : ﻓﻲ ﺩﻱ ﻋﻨﺪﻙ ﺣﻖ ..
- ﻣﺮﻭﺍﻥ ﻭﻫﻮ ﻳﻨﻈﺮ ﻓﻲ ﻋﻴﻨﻴﻬﺎ : ﻭﺃﻧﺎ ﻗﺒﻞ ﻛﺪﻩ ﻗﺎﻳﻠﻚ ﺧﺪﻱ ﻛﻼﻣﻲ ﺍﻳﻴﻴﻴﻴﻪ ... ؟؟
- ﻧﻴﺮﺓ ﻣﻜﻤﻠﺔ : ﺛـــﻘﺔ !...
- ﻣﺮﻭﺍﻥ ﻭﺍﻻﺑﺘﺴﺎﻣﺔ ﺗﻌﻠﻮ ﺛﻐﺮﻩ : ﺑﺎﻟﻈﺒﻂ ....
ﺍﻧﺤﻨﻰ ﻣﺮﻭﺍﻥ ﻗﻠﻴﻼً ﻋﻠﻰ ﻧﻴﺮﺓ ، ﺛﻢ ﺣﻤﻠﻬﺎ ﺑﻴﻦ ﺫﺭﺍﻋﻴﻪ ﺑﻜﻞ ﺭﻗﺔ ، ﻭ ﺩﻟﻒ ﺑﻬﺎ ﺇﻟﻰ ﺩﺍﺧﻞ ﻏﺮﻓﺘﻬﻤﺎ ، ﻭﺃﻏﻠﻖ ﺍﻟﺒﺎﺏ ﺧﻠﻔﻬﻤﺎ ﺑﻬﺪﻭﺀ ، ﺛﻢ ﻭﺿﻌﻬﺎ ﻋﻠﻰ ﺍﻟﻔﺮﺍﺵ ﺑﺮﻓﻖ ﻭ ...
- ﻣﺮﻭﺍﻥ ﺑﺼﻮﺕ ﺭﻭﻣﺎﻧﺴﻲ ﻧﺎﻋﻢ : ﻭﺣﺸﺘﻴﻨﻲ ﻳﺎ ﻧﻴﺮﻭﻭ
- ﻧﻴﺮﺓ ﺑﺼﻮﺕ ﺧﺎﻓﺖ : ﻭﺍﻧﺖ ﻛﻤﺎﻥ
ﺑﺪﺃ ﻣﺮﻭﺍﻥ ﻓﻲ ﻣﻐﺎﺯﻟﺔ ﻧﻴﺮﺓ ﺑﻜﻠﻤﺎﺗﻪ ﻭﻣﺪﺍﻋﺒﺘﻬﺎ ﺑﻄﺮﻳﻘﺘﻪ ﺍﻟﻤﻌﺘﺎﺩﺓ ﻣﻌﻬﺎ ، ﻛﺎﻧﺖ ﺗﺒﺘﺴﻢ ﻭﺗﺘﻔﺎﻋﻞ ﻣﻌﻪ ﺑﺴﻼﺳﺔ ، ﻟﻘﺪ ﺍﺳﺘﻄﺎﻉ ﺃﻥ ﻳﺄﺧﺬﻫﺎ ﻓﻲ ﻋﺎﻟﻢ ﺧﺎﺹ ﺑﻬﻤﺎ ﻓﻘﻂ ، ﻳﺬﻭﺑﺎﻥ ﻓﻴﻪ ﻋﺸﻘﺎً ﻭﻳﺮﺗﻮﻳﺎﻥ ﻓﻴﻪ ﺑﺎﻟﺤﺐ ﻭﺍﻟﻐﺮﺍﻡ ...
................................
ﻓﻲ ﻓﻴﻼ ﺳﻠﻴﻢ ﺍﻟﻜﻮﻣﻲ ،،،،
ﺭﻥ ﻫﺎﺗﻒ ﺳﻠﻴﻢ ، ﻓﻤﺪ ﻳﺪﻩ ﺩﺍﺧﻞ ﺟﻴﺐ ﺳﺘﺮﺗﻪ ﻟﻴﺨﺮﺝ ﺍﻟﻬﺎﺗﻒ ﻣﻨﻪ ، ﻧﻈﺮ ﺇﻟﻰ ﺷﺎﺷﺔ ﻫﺎﺗﻔﻪ ﺍﻟﻤﺤﻤﻮﻝ ، ﻓﻮﺟﺪ ﺃﻥ ﺍﻟﻤﺘﺼﻞ ﻫﻮ ...........
- ﺳﻠﻴﻢ ﻫﺎﺗﻔﻴﺎً : ﺍﻟﻮﻭﻭ .. ﺳﻼﻣﻮ ﻋﻠﻴﻜﻢ
- ﺩ . ﺷﻮﻗﻲ : ﻭﻋﻠﻴﻜﻢ ﺍﻟﺴﻼﻡ
- ﺳﻠﻴﻢ : ﺍﺯﻳﻚ ﻳﺎ ﺩ . ﺷﻮﻗﻲ ، ﺑﻘﺎﻟﻨﺎ ﻛﺘﻴﺮ ﻣﺸﻮﻓﻨﺎﺵ ﺳﻴﺎﺩﺗﻚ .. ﻟﻌﻞ ﺍﻟﻤﺎﻧﻊ ﺧﻴﺮ
- ﺩ . ﺷﻮﻗﻲ : ﺍﻧﺖ ﻋﺎﺭﻑ ﺍﻟﻤﺸﺎﻏﻞ ﻭﺍﻟﻠﻪ ، ﺍﻟﻮﺍﺣﺪ ﺑﻴﺴﺎﻓﺮ ﻣﻦ ﻫﻨﺎ ﻟﻬﻨﺎ ، ﻳﺎ ﺍﻣﺎ ﻣﺎ ﺑﻴﻦ ﺍﻟﻤﺴﺘﺸﻔﻰ ﻭﺍﻟﻌﻴﺎﺩﺓ
- ﺳﻠﻴﻢ : ﺍﻟﻠﻪ ﻳﻌﻴﻨﻚ ﻳﺎ ﺭﺏ
- ﺩ . ﺷﻮﻗﻲ : ﺍﻟﻤﻬﻢ ﻋﺸﺎﻥ ﻣﺎﺿﻴﻌﺶ ﻭﻗﺘﻚ ، ﺍﻟﻤﺪﺍﻡ ﻛﺎﻧﺖ ﻧﺴﻴﺖ ﺷﻨﻄﺘﻬﺎ ﻋﻨﺪﻱ ﻓﻲ ﺍﻟﻌﻴﺎﺩﺓ
ﻧﻈﺮ ﺳﻠﻴﻢ ﺇﻟﻰ ﺯﻭﺟﺘﻪ ﻋﺒﻴﺮ ﺑﻨﻈﺮﺍﺕ ﻓﺎﺣﺼﺔ ﻣﺘﻔﺤﺼﺔ ، ﻓﻬﻮ ﻟﻢ ﻳﻔﻬﻢ ﻣﺎ ﺍﻟﺬﻱ ﻳﺮﻣﻲ ﺇﻟﻴﻪ ﺍﻟﻄﺒﻴﺐ ، ﺍﺳﺘﻐﺮﺑﺖ ﻋﺒﻴﺮ ﻣﻦ ﻧﻈﺮﺍﺕ ﺯﻭﺟﻬﺎ ﺇﻟﻴﻬﺎ ﻭ ..
- ﺳﻠﻴﻢ ﺑﺎﺳﺘﻐﺮﺍﺏ : ﻣﺮﺍﺗﻲ ؟؟ ﻭﻫﻲ ﻧﺴﻴﺖ ﺍﻟﺸﻨﻄﺔ ﻋﻨﺪﻙ ﻟﻴﻪ ﻳﺎ ﺩﻛﺘﻮﺭ ؟؟؟
ﺍﺳﺘﻤﻌﺖ ﻋﺒﻴﺮ ﺇﻟﻰ ﻣﺎ ﻳﻘﻮﻟﻪ ﺳﻠﻴﻢ ﻟﻠﻄﺒﻴﺐ ، ﻓﺎﻧﺪﻫﺸﺖ ﻫﻲ ﺍﻷﺧﺮﻯ ﻭ ...
- ﻋﺒﻴﺮ : ﻧﻌﻢ ؟؟ ﺑﻴﻘﻮﻝ ﺍﻳﻪ ﺩﻩ ؟؟؟
ﺃﻛﻤﻞ ﺍﻟﻄﺒﻴﺐ ﺣﺪﻳﺜﻪ ﻋﺒﺮ ﺍﻟﻬﺎﺗﻒ ﺍﻟﻤﺤﻤﻮﻝ ﻣﻮﺿﺤﺎً ...
- ﺩ . ﺷﻮﻗﻲ : ﻷ ﻣﺶ ﻣﺮﺍﺕ ﺳﻌﺎﺩﺗﻚ ﻳﺎ ﺳﻠﻴﻢ ﺑﺎﺷﺎ ، ﺩﻱ ﻣﺪﺍﻡ ﻧﺪﻯ ﻣﺮﺍﺕ ﺍﺑﻨﻚ ﻳﻮﺳﻒ ﺑﻴﻪ
- ﺳﻠﻴﻢ ﻭﺍﻟﺪﻫﺸﺔ ﺗﻌﺘﺮﻳﻪ : ﻧﺪﻯ ؟؟ ﻭﺩﻱ ﺍﻳﻪ ﺍﻟﻠﻲ ﺟﺒﻬﺎ ﻋﻨﺪﻙ
ﺳﺮﺩ ﺍﻟﻄﺒﻴﺐ ﺷﻮﻗﻲ ﻣﺎ ﺣﺪﺙ ﻓﻲ ﺍﻟﻌﻴﺎﺩﺓ ﻣﻨﺬ ﺍﻟﺼﺒﺎﺡ ﺍﻟﺒﺎﻛﺮ ، ﻟﻢ ﻳﺼﺪﻕ ﺳﻠﻴﻢ ﻣﺎ ﺳﻤﻌﺘﻪ ﺃﺫﻧﻴﻪ .. ﺛﻢ ﻃﻠﺐ ﻣﻦ ﺍﻟﻄﺒﻴﺐ ﺃﻥ ...
- ﺳﻠﻴﻢ : ﻣﻌﻠﺶ ﻟﻮ ﻣﺎﻳﻔﻬﺎﺵ ﺗﻌﺐ ﻳﺎ ﺩ . ﺷﻮﻗﻲ ، ﺗﻘﺪﺭ ﺗﺤﻜﻲ ﺍﻟﻠﻲ ﻗﻮﻟﺘﻪ ﺩﻩ ﺗﺎﻧﻲ ﻟﻤﺪﺍﻡ ﻋﺒﻴﺮ ﻣﺮﺍﺗﻲ
- ﺩ . ﺷﻮﻗﻲ : ﺗﺤﺖ ﺃﻣﺮﻙ
ﻗﺺ ﺍﻟﻄﺒﻴﺐ ﺷﻮﻗﻲ ﻣﺮﺓ ﺍﺧﺮﻯ ﻣﺎ ﺩﺍﺭ ﻓﻲ ﻋﻴﺎﺩﺗﻪ ﻣﻊ ﻳﻮﺳﻒ ﺍﺑﻨﻬﺎ ﻭﺯﻭﺟﺘﻪ ﻧﺪﻯ .. ﺷﻬﻘﺖ ﻋﺒﻴﺮ ﺣﻴﻨﻤﺎ ﺳﻤﻌﺖ ﻣﺎ ﻗﺎﻟﻪ ،ﻓﻐﺮﺕ ﺷﻔﺘﻴﻬﺎ ، ﻟﻢ ﺗﺘﺨﻴﻞ ﻫﺬﺍ ، ﻛﺎﺩ ﺃﻥ ﻳﺴﻘﻂ ﺍﻟﻬﺎﻑ ﺍﻟﻤﺤﻤﻮﻝ ﻣﻦ ﻳﺪﻫﺎ ..
- ﻋﺒﻴﺮ ﻏﻴﺮ ﻣﺼﺪﻗﺔ : ﻣـ .. ﻣﺶ .. ﻣﺶ ﻣﻌﻘﻮﻝ
ﺃﺳﺮﻉ ﺳﻠﻴﻢ ﺑﺎﻣﺴﺎﻙ ﺍﻟﻬﺎﺗﻒ ﺍﻟﻤﺤﻤﻮﻝ ﺑﻴﺪﻩ ، ﺛﻢ ﻭﺿﻌﻪ ﻋﻠﻰ ﺍﺫﻧﻪ ﻣﺮﺓ ﺃﺧﺮﻯ ﻭ ...
- ﺳﻠﻴﻢ ﻫﺎﺗﻔﻴﺎً : ﺷﻜﺮﺍً ﻳﺎ ﺩﻛﺘﻮﺭ ﻉ ﺍﻟﻠﻲ ﺍﻧﺖ ﻗﻮﻟﺘﻪ ﺩﻩ ... ﺍﻧﺖ ﻣﺶ ﻋﺎﺭﻑ ﺍﻧﺖ ﻋﻤﻠﺖ ﺍﻳﻪ ﺑﻜﻼﻣﻚ ﺩﻩ
- ﺩ . ﺷﻮﻗﻲ : ﻭﻟﻮ ﺍﻧﻲ ﻣﺶ ﻓﺎﻫﻢ ﺣﺎﺟﺔ .. ﺑﺲ ﺍﻟﻤﻬﻢ ﻃﻤﻨﻮﺍ ﺍﻟﻤﺪﺍﻡ ﻧﺪﻯ ﺍﻥ ﺷﻨﻄﺘﻬﺎ ﻋﻨﺪﻱ ﻭﺗﻘﺪﺭ ﺗﻴﺠﻲ ﺗﺎﺧﺪﻫﺎ ﻓﻲ ﺃﻱ ﻭﻗﺖ ﻣﻦ ﺍﻟﻌﻴﺎﺩﺓ
- ﺳﻠﻴﻢ : ﺗﻤﺎﻡ .. ﺷﻜﺮﺍً ﻳﺎ ﺩﻛﺘﻮﺭ ﻣﺮﺓ ﺗﺎﻧﻴﺔ
- ﺩ . ﺷﻮﻗﻲ : ﺍﻟﻌﻔﻮ .. ﺗﺤﺖ ﺃﻣﺮﻙ .. !
ﺃﻧﻬﻰ ﺳﻠﻴﻢ ﺍﻟﻤﻜﺎﻟﻤﺔ ﻣﻊ ﺍﻟﻄﺒﻴﺐ ، ﺛﻢ ﻧﻈﺮ ﺇﻟﻰ ﺯﻭﺟﺘﻪ ﻭﻋﻴﻨﺎﻩ ﺗﺤﺘﻘﻨﺎﻥ ﻣﻦ ﺍﻟﻐﻀﺐ ﻭﺍﻟﻀﻴﻖ ﻭ ...
- ﺳﻠﻴﻢ ﺑﺤﺪﺓ : ﺳﻤﻌﺘﻲ ﺑﻮﺩﺍﻧﻚ ؟؟ ﺍﻫﻲ ﺍﻟﺒﻨﺖ ﻃﻠﻌﺖ ﺑﺮﻳﺌﺔ ، ﻭﺍﻇﻨﻚ ﻋﺎﺭﻓﺔ ﺩ . ﺷﻮﻗﻲ ﻛﻮﻳﺲ
- ﻋﺒﻴﺮ ﻏﻴﺮ ﻣﺼﺪﻗﺔ : ﻣﺶ ﻣﻌﻘﻮﻝ .. ﻳﻌﻨﻲ ﺃﻧﺎ .. ﺃﻧﺎ ﻇﻠﻤﺘﻬﺎ
- ﺳﻠﻴﻢ : ﺩﻩ ﺍﻧﺘﻲ ﺍﻓﺘﺮﻳﺘﻲ ﻋﻠﻴﻬﺎ
- ﻋﺒﻴﺮ ﺑﻨﺪﻡ : ﻳﺎ ﺭﺑﻲ ..
- ﺳﻠﻴﻢ : ﻋﺸﺎﻥ ﺗﻌﺮﻓﻲ ﺇﻥّ ﺑﻌﺾ ﺍﻟﻈﻦ ﺇﺛﻢ .. ﻭﺍﻧﺘﻲ ﻣﺶ ﺑﺲ ﻇﻨﺘﻲ ﻓﻴﻬﺎ ﺳﻮﺀ ﻷ ﻛﻨﺖ ﻋﺎﻭﺯﺓ ﺗﺨﺮﺑﻲ ﻋﻠﻴﻬﺎ ﻭﻋﻠﻰ ﺍﺑﻨﻚ .. ﺍﺳﺘﺤﻤﻴﻠﻲ ﺑﻘﻰ ﻭﺷﻴﻠﻲ ﺫﻧﺒﻬﺎ ، ﻭﺍﻧﺘﻲ ﻋﺎﺭﻓﺔ ﻛﻮﻳﺲ ﻳﻌﻨﻲ ﺍﻳﻪ ﻭﺍﺣﺪ ﻣﻈﻠﻮﻡ ﻳﺪﻋﻲ ﺭﺑﻨﺎ ﻋﻠﻰ ﺍﻟﻈﺎﻟﻢ
- ﻋﺒﻴﺮ ﺑﻠﻬﻔﺔ : ﺃﻧﺎ .. ﺃﻧﺎ ﻻﺯﻡ ﺍﻛﻠﻢ ﻳﻮﺳﻒ ﻭﺃﻗﻮﻟﻪ ﻣﺎﻳﻄﻠﻘﻬﺎﺵ
ﺭﻛﻀﺖ ﻋﺒﻴﺮ ﻣﺴﺮﻋﺔ ﻧﺤﻮ ﺣﻘﻴﺒﺔ ﻳﺪﻫﺎ ﻟﺘﺨﺮﺝ ﻣﻨﻬﺎ ﻫﺎﺗﻔﻬﺎ ﺍﻟﻤﺤﻤﻮﻝ ﻭﺗﺘﺼﻞ ﺑﺎﺑﻨﻬﺎ ﻳﻮﺳﻒ .. ﻫﺎﺗﻔﺘﻪ ﻋﺪﺓ ﻣﺮﺍﺕ ﻭﻟﻜﻦ ﻛﺎﻥ ﺍﻟﻬﺎﺗﻒ ﻏﻴﺮ ﻣﺘﺎﺡ .. ﺗﻮﺟﺴﺖ ﻋﺒﻴﺮ ﺧﻴﻔﺔ ﻭﺍﺭﺗﻌﺪﺕ ..
- ﻋﺒﻴﺮ ﺑﻘﻠﻖ : ﺍﺳﺘﺮ ﻳﺎ ﺭﺏ .. ﻋﺪﻳﻬﺎ ﻋﻠﻰ ﺧﻴﺮ ﻭﻣﺎﻳﻜﻮﻧﺶ ﻳﻮﺳﻒ ﺍﺗﺴﺮﻉ ﻭﻃﻠﻘﻬﺎ ، ﺩﻩ ﺃﻧﺎ .. ﺃﻧﺎ ﻣﺶ ﻫﺴﺎﻣﺢ ﻧﻔﺴﻲ ﻟﻮ ﻛﻨﺖ ﺍﻟﺴﺒﺐ ﻓﻲ ﺩﻩ
- ﺳﻠﻴﻢ ﻣﻌﺎﺗﺒﺎً ﺇﻳﺎﻫﺎ : ﺩﻩ ﺩﺭﺱ ﻳﻌﻠﻤﻚ ﺍﻥ ﻣﺶ ﻛﻞ ﺍﻟﻜﻼﻡ ﺍﻟﻠﻲ ﺗﺴﻤﻌﻴﻪ ﺗﺼﺪﻗﻴﻪ
- ﻋﺒﻴﺮ : ﺍﻧﺖ ﻋﻨﺪﻙ ﺣﻖ ﻓﻲ ﻛﻞ ﺍﻟﻠﻲ ﺑﺘﻘﻮﻟﻪ
- ﺳﻠﻴﻢ : ﺭﺑﻨﺎ ﻳﻬﺪﻱ ﺍﺑﻨﻚ ﻭﻣﺎﻳﻄﻠﻘﻬﺎﺵ
- ﻋﺒﻴﺮ ﺑﺘﻮﺗﺮ : ﻳﺎﺍﺍﺍﺍ ﺭﺏ ، ﻫﻮ ﺑﺲ ﻳﺮﺩ ﻋﻠﻴﺎ ﻭﺃﻧﺎ ﻫﺎﻗﻮﻟﻪ ﻣﻴﻌﻤﻠﺶ ﻛﺪﻩ ﺃﺑﺪﺍﺍﺍﺍﺍﺍﺍ
