ﻗﺮﺭ ﺻﻼﺡ ﺃﻥ ﻳﺄﺧﺬ ﻳﻮﻡ ﺧﻄﺒﺔ ﺍﺑﻨﺘﻪ ﺃﺟﺎﺯﺓ ﻣﻦ ﺍﻟﻌﻤﻞ ﻟﻜﻲ ﻳﺴﺘﻌﺪ ﻟﺬﻟﻚ ﺍﻟﻴﻮﻡ ﺍﻟﻬﺎﻡ ، ﻓﻘﺎﻡ ﺑﺎﻻﺗﺼﺎﻝ ﺑﻔﻬﻤﻲ ﻫﺎﺗﻔﻴﺎً ﻭﺃﺑﻠﻐﻪ ﺑـ ...
- ﺻﻼﺡ ﻫﺎﺗﻔﻴﺎً : ﻫﺴﺘﺄﺫﻧﻚ ﻳﺎ ﻓﻬﻤﻲ ﺑﻴﻪ ﺍﻧﻲ ﻣﺶ ﻫﺎﺟﻲ ﺑﻜﺮﺓ ﻋﺸﺎﻥ ﻗﺮﺍﻳﺔ ﻓﺎﺗﺤﺔ ﺑﻨﺘﻲ
- ﻓﻬﻤﻲ ﻫﺎﺗﻔﻴﺎ : ﺑﺠﺪ ، ﺃﻟﻒ ﺍﻟﻒ ﻣﺒﺮﻭﻙ ، ﺭﺑﻨﺎ ﻳﺘﻤﻤﻠﻬﺎ ﻋﻠﻰ ﺧﻴﺮ
- ﺻﻼﺡ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺭﺏ ، ﻫﻲ ﺣﺎﺟﺔ ﻉ ﺍﻟﻀﻴﻖ ﻛﺪﻩ ، ﺑﺲ ﺍﻥ ﺷﺎﺀ ﺍﻟﻠﻪ ﻓﻲ ﺍﻟﻠﻴﻠﺔ ﺍﻟﻜﺒﻴﺮﺓ ﺣﻀﺮﺗﻚ ﻫﺘﻜﻮﻥ ﻣﻌﺰﻭﻡ
- ﻓﻬﻤﻲ : ﺑﺄﻣﺮ ﺍﻟﻠﻪ ، ﺧﻼﺹ ﺍﺩﻱ ﺍﻟﻌﻤﺎﻝ ﻓﻲ ﺍﻟﻤﻮﻗﻊ ﺃﺟﺎﺯﺓ ، ﻣﺶ ﻫﻴﺸﺘﻐﻠﻮﺍ ﻣﻦ ﻏﻴﺮ ﻣﺸﺮﻑ ﻋﻠﻴﻬﻢ ، ﺻﺢ ﻭﻻ ﺍﻧﺖ ﺭﺃﻳﻚ ﺍﻳﻪ ؟
- ﺻﻼﺡ : ﻷ ﺗﻤﺎﻡ .
- ﻓﻬﻤﻲ : ﻭﺃﻟﻒ ﻣﺒﺮﻭﻙ ﻣﺮﺓ ﺗﺎﻧﻴﺔ
- ﺻﻼﺡ : ﺍﻟﻠﻪ ﻳﺒﺎﺭﻙ ﻓﻴﻚ
ﻗﺮﺭ ﺻﻼﺡ ﺃﻥ ﻳﺪﻋﻮ ﺻﺪﻳﻘﻪ ﻋﻠﻲ ﻓﻘﻂ ﻋﻠﻰ ﺍﻟﺤﻔﻞ ﺍﻟﺼﻐﻴﺮ ، ﻛﻤﺎ ﺍﺗﻔﻖ ﻣﻊ ﺯﻳﻨﺐ ﻋﻠﻰ ﻋﺪﻡ ﺩﻋﻮﺓ ﺃﺣﺪ ﻣﻦ ﺍﻷﻗﺎﺭﺏ ﺣﺘﻰ ﻳﺘﻔﻖ ﻣﻊ ﻋﻼﺀ ﻭﻋﺎﺋﻠﺘﻪ ﻋﻠﻰ ﻛﻞ ﺍﺳﺎﺳﻴﺎﺕ ﺍﻟﺰﻭﺍﺝ ﻭﻣﻦ ﺛﻢ ﻳﺪﻋﻮ ﺍﻟﻌﺎﺋﻠﺔ ﻭﺍﻷﻗﺎﺭﺏ ﻭﺍﻷﺻﺤﺎﺏ ﻭﺟﻤﻴﻊ ﻣﻦ ﻳﻌﺮﻑ ﻋﻠﻰ ﺣﻔﻞ ﺍﻟﺨﻄﻮﺑﺔ ﺍﻟﻤﻨﺘﻈﺮ ..
..............................
ﻓﻲ ﺃﺣﺪ ﺍﻟﻤﺴﺘﺸﻔﻴﺎﺕ ﺍﻟﺨﺎﺻﺔ ﺍﻟﻜﺒﻴﺮﺓ ،،،
ﻇﻬﺮﺕ ﻧﺘﺎﺋﺞ ﺍﻟﺘﺤﺎﻟﻴﻞ ﺍﻟﺨﺎﺻﺔ ﺑﺎﻟﺴﻴﺪﺓ ﻋﺒﻴﺮ ﺯﻭﺟﺔ ﺳﻠﻴﻢ ﺍﻟﻜﻮﻣﻲ ، ﻭﺑﻔﻀﻞ ﺍﻟﻠﻪ ﻛﺎﻧﺖ ﺍﻟﻨﺘﺎﺋﺞ ﻣﺒﺸﺮﺓ ، ﻓﺄﺳﺮﻉ ﺍﻟﻄﺒﻴﺐ ﺑﺎﻻﺗﺼﺎﻝ ﺑـ ...
- ﺍﻟﻄﺒﻴﺐ ﻫﺎﺗﻔﻴﺎ : ﺍﻟﻮﻭﻭ .. ﺳﻠﻴﻢ ﺑﺎﺷﺎ
- ﺳﻠﻴﻢ ﺑﻘﻠﻖ ﻫﺎﺗﻔﻴﺎً : ﺍﻳﻮﻩ ﻳﺎ ﺩﻛﺘﻮﺭ ، ﺍﻟﻨﺘﺎﻳﺞ ﻇﻬﺮﺕ
- ﺍﻟﻄﺒﻴﺐ : ﺍﻩ ، ﻭﺍﻟﺤﻤﺪﻟﻠﻪ ﻛﻠﻬﺎ ﻛﻮﻳﺴﺔ ، ﻣﺎﻓﻴﺶ ﺃﻱ ﺣﺎﺟﺔ ﻓﻲ ﺍﻟﻬﺎﻧﻢ
- ﺳﻠﻴﻢ : ﺍﻟﻠﻬﻢ ﻟﻚ ﺍﻟﺤﻤﺪ ﻭﺍﻟﺸﻜﺮ ، ﺩﻩ ﺍﻧﺎ ﻛﻨﺖ ﺷﺎﻳﻞ ﺍﻟﻬﻢ ﻭﺍﻟﻠﻪ
- ﺍﻟﻄﺒﻴﺐ : ﻷ ﺍﻃﻤﻦ ، ﻫﻲ ﺑﺲ ﺗﻠﺘﺰﻡ ﺑﺎﻟﻌﻼﺝ ﺑﺘﺎﻋﻬﺎ ، ﻭﺧﺼﻮﺻﺎً ﻋﺸﺎﻥ ﺍﻟﻜﻮﺭﻳﺴﺘﺮﻭﻝ ﻋﻨﺪﻫﺎ ﻋﺎﻟﻲ ﺷﻮﻳﺔ
- ﺳﻠﻴﻢ : ﺗﻤﺎﻡ .. ﺗﻤﺎﻡ ، ﺷﻮﻑ ﺍﻧﺖ ﻋﺎﻭﺯﻫﺎ ﺗﻌﻠﻢ ﺍﻳﻪ ﻭﺍﺣﻨﺎ ﻫﻨﻤﺸﻲ ﻉ ﺍﻟﺘﻌﻠﻴﻤﺎﺕ ﺑﺎﻟﺤﺮﻑ ﻳﺎ ﺩﻛﺘﻮﺭ
- ﺍﻟﻄﺒﻴﺐ : ﺍﻭﻙ ..
...................
ﺃﻧﻬﻰ ﺳﻠﻴﻢ ﺍﻟﻤﻜﺎﻟﻤﺔ ﻣﻊ ﺍﻟﻄﺒﻴﺐ ﺛﻢ ﺍﺗﺼﻞ ﺑﺎﺑﻨﻪ ﻳﻮﺳﻒ ﻟﻜﻲ ﻳﻄﻤﺌﻨﻪ ﻫﻮ ﺍﻷﺧﺮ ﻋﻠﻰ ﻭﺍﻟﺪﺗﻪ ﻭ ...
- ﺳﻠﻴﻢ ﻫﺎﺗﻔﻴﺎً : ﺍﻟﻮﻭ ، ﺍﻳﻮﻩ ﻳﺎ ﺟﻮﻭ ﺍﻧﺖ ﻓﻴﻦ ؟
- ﻳﻮﺳﻒ : ﺍﻧﺎ ﻛﻨﺖ ﺭﺍﻳﺢ ﻉ ﺍﻟﻨﺎﺩﻱ ﻳﺎ ﺑﺎﺑﺎ ، ﻓﻲ ﺣﺎﺟﺔ ﺣﺼﻠﺖ ؟
- ﺳﻠﻴﻢ : ﻷ ﻣﺘﻘﻠﻘﺶ ، ﺃﻧﺎ ﺑﺲ ﻛﻨﺖ ﻋﺎﻭﺯ ﺍﻃﻤﻨﻚ ﻋﻠﻰ ﻣﺎﻣﺘﻚ
- ﻳﻮﺳﻒ ﺑﻠﻬﻔﺔ : ﻫﺎ ﻳﺎ ﺑﺎﺑﺎ ، ﻧﺘﺎﻳﺞ ﺍﻟﺘﺤﺎﻟﻴﻞ ﻇﻬﺮﺕ
- ﺳﻠﻴﻢ : ﺍﻩ ، ﻭﺍﻟﺤﻤﺪﻟﻠﻪ ﻃﻠﻊ ﻣﺎﻓﻴﺶ ﺣﺎﺟﺔ
- ﻳﻮﺳﻒ : ﺑﺠﺪ ﻳﺎ ﺑﺎﺑﺎ ؟؟؟ ﻭﻻ ﺍﻧﺖ ﺑﺘﻘﻮﻝ ﻛﺪﻩ ﻋﺸﺎﻥ ﻣﺰﻋﻠﺶ ؟؟
- ﺳﻠﻴﻢ : ﻻ ﻭﺍﻟﻠﻪ ﻳﺎ ﺑﻨﻲ ، ﺍﻟﺪﻛﺘﻮﺭ ﻟﺴﻪ ﻗﺎﻓﻞ ﻣﻌﺎﻳﺎ ﻭﻃﻤﻨﻲ ﺍﻟﺤﻤﺪﻟﻠﻪ ﻋﻠﻰ ﺃﻣﻚ
- ﻳﻮﺳﻒ : ﻳﺎﺍﺍﺍﺍﺍﺍﺍﺍﺍﺍﻩ ، ﺩﻩ ﺍﻧﺎ ﻛﻨﺖ ﻫﺎﻣﻮﺕ ﻡ ﺍﻟﺮﻋﺐ ﻟﻮ ﻛﺎﻥ ﻓﻴﻬﺎ ﺣﺎﺟﺔ
- ﺳﻠﻴﻢ : ﺍﻟﺤﻤﺪ ﻟﻠﻪ ﺭﺑﻨﺎ ﻛﺮﻳﻢ
- ﻳﻮﺳﻒ : ﺍﻟﺤﻤﺪﻟﻠﻪ
- ﺳﻠﻴﻢ : ﺭﻭﺡ ﻳﺎ ﺑﻨﻲ ﺍﻧﺖ ﺑﻘﻰ ﺷﻮﻑ ﺣﻴﺎﺗﻚ ﻭﻛﻠﻴﺘﻚ ﻭﻣﺘﻌﻄﻠﺶ ﻧﻔﺴﻚ ﺍﻛﺘﺮ ﻣﻦ ﻛﺪﻩ
- ﻳﻮﺳﻒ : ﻣﺎﺷﻲ ﻳﺎ ﺑﺎﺑﺎ ، ﺑﺲ ﻻﺯﻡ ﻧﻌﻤﻞ ﺣﻔﻠﺔ ﺑﺎﻟﻤﻨﺎﺳﺒﺔ ﺩﻱ ﻟﻤﺎﻣﺎ
- ﺳﻠﻴﻢ : ﻫﻨﻌﻤﻞ ﺑﺪﻝ ﺍﻟﺤﻔﻠﺔ ﻋﺸﺮﺓ ﺑﺲ ﺍﻷﻭﻝ ﻫﻄﻠﻊ ﺣﺎﺟﺔ ﻟﻠﻪ
- ﻳﻮﺳﻒ : ﻣﺎﺷﻲ ﻳﺎ ﺑﺎﺑﺎ
- ﺳﻠﻴﻢ : ﻭﻣﺎﻓﻴﺶ ﺩﺍﻋﻲ ﺗﺠﻴﺒﻠﻬﺎ ﺳﻴﺮﺓ ﻳﺎ ﺑﻨﻲ ﻋﻦ ﺍﻟﺘﺤﺎﻟﻴﻞ ﺩﻱ
- ﻳﻮﺳﻒ : ﻷ ﺍﻃﻤﻦ ﻳﺎ ﺑﺎﺑﺎ ، ﻣﺶ ﻫﺎﻧﻄﻖ
- ﺳﻠﻴﻢ : ﺍﻳﻮﻩ ﻛﺪﻩ ﻳﺎ ﺟﻮﻭ ...
...................................
ﻓﻲ ﺍﻟﻨﺎﺩﻱ ،،،،
ﻛﺎﻧﺖ ﻣﺎﻳﺎ ﻭﺭﺿﻮﻯ ﺗﺠﻠﺴﺎﻥ ﻓﻲ ﺍﻟﻨﺎﺩﻱ ﺣﻴﻨﻤﺎ ﺍﻧﻀﻢ ﺇﻟﻴﻬﻢ ﺃﺣﻤﺪ ﺛﻢ ﻟﺤﻖ ﺑﻪ ﻣﺮﻭﺍﻥ ﻭ ...
- ﺭﺿﻮﻯ : ﻋﺎﻭﺯﺓ ﺃﻗﻮﻟﻚ ﻳﺎ ﻣﺎﻳﺎ ﺍﻥ ﺍﻟﺤﺠﺰ ﻉ ﺍﻟﺮﺣﻠﺔ ﻟﻤﺎ ﺍﺗﺄﺟﻠﺖ ﺑﻘﻰ ﺍﻛﺘﺮ ﻣﻦ ﺍﻷﻭﻝ
- ﻣﺎﻳﺎ : ﻣﺶ ﻗﻮﻟﺘﻠﻚ
- ﺭﺿﻮﻯ : ﻓﻌﻼً ﻃﻠﻌﺘﻲ ﺑﺘﺨﻄﻄﻲ
- ﻣﺎﻳﺎ : ﺍﻭﻣﺎﻝ ﺍﻳﻪ
- ﺃﺣﻤﺪ : ﻣﺴﺎ ﻣﺴﺎ ﻋﻠﻰ ﺃﺣﻠﻰ ﺑﻨﻮﺗﺎﺕ ﻓﻲ ﺍﻟﻨﺎﺩﻱ ﻛﻠﻪ
- ﻣﺎﻳﺎ : ﻫﺎﻱ ﺃﺣﻤﺪ
- ﺭﺿﻮﻯ : ﺍﺯﻳﻚ ﻳﺎ ﺃﺣﻤﺪ
- ﺍﺣﻤﺪ : ﺍﻟﺤﻤﺪﻟﻠﻪ ﺗﻤﺎﻡ ، ﺍﻳﻪ ﻟﺴﻪ ﺑﺮﺿﻮﻩ ﺑﺘﻜﻠﻤﻮﺍ ﻋﻦ ﺍﻟﺮﺣﻠﺔ
- ﻣﺮﻭﺍﻥ ﻣﻦ ﺑﻌﻴﺪ : ﻭﻫﻤﺎ ﻭﺭﺍﻫﻢ ﺣﺎﺟﺔ ﻏﻴﺮ ﻛﺪﻩ
- ﻣﺎﻳﺎ : ﻣﺎﺭﻭﻭ .. how are you ؟ ﺍﻧﺖ ﻓﻴﻦ ؟
- ﻣﺮﻭﺍﻥ : ﻛﻨﺖ ﻣﺸﻐﻮﻝ ﺷﻮﻳﺔ
- ﻣﺎﻳﺎ : ﺳﻮﺭﻱ ﻋﺸﺎﻥ ﺍﻟﻌﺮﺑﻴﺔ ﺑﺘﺎﻋﺘﻚ ، ﺃﻧﺎ ﻋﺮﻓﺖ ﺍﻧﻚ ﻋﻤﻠﺖ ﺣﺎﺩﺛﺔ ﺑﻴﻬﺎ
- ﻣﺮﻭﺍﻥ : ﺍﻫﺎ .. ﻭﻻ ﻳﻬﻤﻚ ، ﺍﻟﺤﻤﺪﻟﻠﻪ
- ﻣﺎﻳﺎ : ﻣﺎﻓﻴﺶ ﺃﺧﺒﺎﺭ ﻋﻦ ﺟﻮﻭ
- ﻳﻮﺳﻒ ﻣﻦ ﺑﻌﻴﺪ : ﻣﻴﻦ ﺑﻴﺴﺄﻝ ﻋﻨﻲ ؟
- ﻣﺎﻳﺎ ﺑﻔﺮﺣﺔ : ﻣﺶ ﻣﻌﻘﻮﻝ ﺟﻮﻭ ﺑﻨﻔﺴﻪ ﻓﻲ ﺍﻟﻨﺎﺩﻱ
- ﻳﻮﺳﻒ : ﺃﻳﻨﻌﻢ ﺑﺸﺤﻤﻲ ﻭﻟﺤﻤﻲ ، ﺍﺯﻳﻜﻢ ﺟﻤﻴﻌﺎ
- ﻣﺮﻭﺍﻥ ﻭﻫﻮ ﻳﺼﺎﻓﺤﻪ : ﻭﺷﻚ ﻭﻻ ﺍﻟﻘﻤﺮ
- ﻳﻮﺳﻒ : ﺣﺒﻴﺒﻲ ﻳﺎ ﻣﺎﺭﻭﻭ
- ﺃﺣﻤﺪ : ﻷ ﻣﺶ ﻣﻌﻘﻮﻝ ﺩﻩ ﺟﻮﻭ ﺍﻟﻠﻲ ﻛﺎﻥ ﺷﻜﻠﻪ ﻧﻜﺪﻱ ﻣﻦ ﻳﻮﻣﻴﻦ
- ﻳﻮﺳﻒ : ﻷ ﺧﻼﺹ ﺟﻮ ﺍﻟﻨﻜﺪ ﺩﻩ ﺭﺍﺡ ﻟﺤﺎﻟﻪ
- ﻣﺎﻳﺎ : ﻭﺍﻭ .. ﺑﺠﺪ ﺃﻧﺎ ﻣﺒﺴﻮﻃﺔ ﺍﻧﻚ ﺭﺟﻌﺖ ﻟﻄﺒﻴﻌﺘﻚ
- ﻳﻮﺳﻒ : ﺍﻟﺤﻤﺪﻟﻠﻪ ﻣﻄﻮﻟﺘﺶ ﻓﻲ ﺍﻟﻤﻮﺩ ﺍﻟﻨﻜﺪ ﺩﻩ ﻛﺘﻴﺮ
- ﻣﺮﻭﺍﻥ : ﺍﻩ ﻛﻨﺖ ﺧﺎﻧﻘﺔ ﺟﺪﺍ ﻭﻣﺤﺪﺵ ﻛﺎﻥ ﻃﺎﻳﻘﻚ ﺇﻻ ﺃﻧﺎ
- ﺍﺣﻤﺪ : ﻫﻬﻬﻬﻬﻬﻬﻬﻬﻬﻬﻪ ﻓﻌﻼ
- ﻳﻮﺳﻒ : ﺍﻟﻤﻬﻢ ﻳﻌﻨﻲ ﺃﻧﺎ ﺭﺟﻌﺖ ﺯﻱ ﺍﻷﻭﻝ ﺗﺎﻧﻲ ، ﻭﺑﺠﺪ ﻋﺎﻭﺯ ﺃﺷﻜﺮﻛﻢ ﻉ ﺍﻟﻠﻲ ﻋﻤﻠﺘﻮﻩ ﻣﻌﺎﻳﺎ
- ﻣﺎﻳﺎ : ﻣﺘﻘﻮﻟﺶ ﻛﺪﻩ ﻳﺎ ﺟﻮﻭ ، ﺩﻩ ﺍﺣﻨﺎ ﻣﻌﻤﻠﻨﺎﺵ ﺣﺎﺟﺔ
- ﻳﻮﺳﻒ : ﺍﻟﺼﺎﺣﺐ ﺍﻟﻠﻲ ﺑﺠﺪ ﻫﻮ ﺍﻟﻠﻲ ﻳﺴﺘﺤﻤﻞ ﺻﺎﺣﺒﻪ ﻓﻲ ﺍﻟﻮﻗﺖ ﺍﻟﺼﻌﺐ
- ﻣﺮﻭﺍﻥ : ﻭﻣﺎﻓﻴﺶ ﺻﺎﺣﺐ ﺯﻳﻲ
- ﺍﺣﻤﺪ : ﺑﻤﺎ ﺍﻧﻚ ﺭﺟﻌﺖ ﻟﺴﺎﺑﻖ ﻋﻬﺪﻙ ، ﻓﻨﺎﻭﻱ ﺗﻌﻮﺿﻨﺎ ﺑﺎﻳﻪ
- ﻳﻮﺳﻒ : ﺷﻮﻓﻮﺍ ﻋﺎﻭﺯﻳﻦ ﺍﻳﻪ ﻭﺃﻧﺎ ﺟﺎﻫﺰ
- ﻣﺎﻳﺎ : ﻣﻤﻤﻢ ... ﺍﺳﺘﻨﻰ ﺃﻣﺎ ﺃﻓﻜﺮ
- ﻳﻮﺳﻒ : ﻓﻜﺮﻱ ﺑﺮﺍﺣﺘﻚ
- ﺭﺿﻮﻯ : ﻋﻠﻰ ﻛﺪﻩ ﺍﻧﺖ ﻫﺘﻄﻠﻊ ﺍﻟﺮﺣﻠﺔ ﻣﻌﺎﻧﺎ ﺻﺢ ؟
- ﻳﻮﺳﻒ : ﺍﻥ ﺷﺎﺀ ﺍﻟﻠﻪ ، ﻟﻮ ﻣﺎﻓﻴﺶ ﺣﺎﺟﺔ ﺟﺪﺕ ﺃﻧﺎ ﻣﻌﺎﻛﻮ
- ﻣﺎﻳﺎ : ﻭﺍﺍﺍﺍﻭ .. ﺩﻩ ﺧﺒﺮ ﺣﻠﻮ ﺃﻭﻱ
- ﻣﺮﻭﺍﻥ : ﺍﻳﻮﻩ ﺑﻘﻰ ﻋﺎﻭﺯﻳﻦ ﻧﺸﻬﻴﺺ ﺍﻟﺪﻧﻴﺎ
- ﺃﺣﻤﺪ : ﻋﺎﻭﺯﻳﻦ ﺍﻟﺮﺣﻠﺔ ﺗﻜﺴﺮ ﺍﻟﺪﻧﻴﺎ
- ﻳﻮﺳﻒ : ﺍﻭﻙ .. ﻃﺐ ﺗﻌﺎﻟﻮﺍ ﻧﺸﻮﻑ ﻫﻨﻌﻤﻞ ﺍﻳﻪ
- ﺭﺿﻮﻯ : ﺍﻧﺎ ﻟﺴﻪ ﺳﺎﻳﺒﺔ ﺑﺎﺏ ﺍﻟﺤﺠﺰ ﻷﺧﺮ ﺍﻻﺳﺒﻮﻉ ، ﻭﻋﺎﻭﺯﺓ ﺍﻗﻮﻟﻚ ﺍﻥ ﺍﺣﻨﺎ ﻛﺪﻩ ﻫﻨﻘﻔﻞ ﻋﺪﺩ ﺭﻫﻴﺐ
- ﻳﻮﺳﻒ : ﻣﻢ .. ﻣﺎﺷﻲ ، ﺑﺲ ﺃﻧﺎ ﻋﺎﻭﺯ ﺍﻟﻜﺸﻒ ﺍﻟﻨﻬﺎﺋﻲ ﺑﺎﻻﺳﻤﺎﺀ ﻉ ﻳﻮﻡ ﺍﻷﺭﺑﻌﺎﺀ ﺑﺎﻟﻜﺘﻴﺮ
- ﺭﺿﻮﻯ : ﺍﻭﻙ
- ﻣﺮﻭﺍﻥ : ﻫﻮ ﺍﺣﻨﺎ ﻫﻨﻔﻜﺮ ﻋﻠﻰ ﻣﻌﺪﺓ ﻓﺎﺿﻴﺔ ، ﺷﻮﻓﻠﻲ ﺃﻛﻞ
- ﻳﻮﺳﻒ : ﺷﻮﻑ ﻋﺎﻭﺯ ﺍﻳﻪ ﻭﺃﻧﺎ ﺃﺟﻴﺒﻬﻮﻟﻚ
- ﺃﺣﻤﺪ : ﺍﺣﻢ .. ﻣﺶ ﻟﻮﺣﺪﻩ ، ﻛﻠﻨﺎ
- ﻳﻮﺳﻒ : ﺣﺎﺿﺮ
ﻇﻞ ﻳﻮﺳﻒ ﻳﻨﺎﻗﺶ ﻣﻊ ﺃﺻﺪﻗﺎﺋﻪ ﺗﺮﺗﻴﺒﺎﺕ ﺭﺣﻠﺘﻬﻢ ﺍﻟﻘﺎﺩﻣﺔ ﻭﻛﻴﻔﻴﺔ ﺗﺤﻀﻴﺮ ﻣﻔﺎﺟﺄﺕ ﻟﻜﻞ ﻣﻦ ﺳﻴﺸﺘﺮﻙ ﺑﻬﺎ
.....................................
ﻓﻲ ﻣﻨﺰﻝ ﻋﻼﺀ ،،،،
ﻛﺎﻧﺖ ﺳﻨﺎﺀ ﺗﺤﺪﺩ ﻣﻦ ﺳﺘﻘﻮﻡ ﺑﺎﻻﺗﺼﺎﻝ ﺑﻪ ﻣﻦ ﺃﻗﺎﺭﺑﻬﺎ ﻟﻜﻲ ﺗﺪﻋﻮﻫﻢ ﻟﺤﻔﻞ ﻗﺮﺍﺀﺓ ﻓﺎﺗﺤﺔ ﺍﺑﻨﻬﺎ ﻋﻼﺀ ﻭ ...
- ﻋﻼﺀ : ﻋﺰﻣﺘﻲ ﻣﻴﻦ ﺗﺎﻧﻲ ﻳﺎ ﻣﺎﻣﺎ
- ﺳﻨﺎﺀ : ﻋﻤﺘﻚ ﻭﺟﻮﺯﻫﺎ
- ﻋﻼﺀ : ﺗﻤﺎﻡ .. ﻭﺃﻧﺎ ﻫﻌﺰﻡ ﻋﻤﺮﻭ ﺻﺎﺣﺒﻲ ﻋﺸﺎﻥ ﻳﺼﻮﺭﻧﺎ
- ﺳﻨﺎﺀ : ﺍﻧﺖ ﻣﺶ ﻧﺎﻭﻱ ﺗﺮﻭﺡ ﺍﺳﺘﺪﻳﻮ ﺗﺘﺼﻮﺭﻭﺍ ﻓﻴﻪ ؟
- ﻋﻼﺀ : ﻭﺃﺭﻭﺡ ﻟﻴﻪ ﻭﻋﻤﺮﻭ ﻣﻮﺟﻮﺩ ، ﻫﻮ ﻫﻴﻈﺒﻂ ﺍﻟﺪﻧﻴﺎ ﻛﻠﻬﺎ ، ﻭﺑﻌﺪﻳﻦ ﺃﻧﺎ ﻣﺶ ﻋﺎﻭﺯ ﺍﺗﻜﻠﻒ ﺣﺎﺟﺎﺕ ﻣﺎﻟﻬﺎﺵ ﺩﺍﻋﻲ ﻋﺸﺎﻥ ﺷﻮﻳﺔ ﻣﻈﺎﻫﺮ ﻓﺎﺭﻏﺔ
- ﺳﻨﺎﺀ : ﻋﻨﺪﻙ ﺣﻖ ﻳﺎ ﺑﻨﻲ ، ﺟﻮﺍﺯﺗﻚ ﺍﻟﻠﻲ ﻓﺎﺗﺖ ﻛﻠﻔﺘﻨﺎ ﻛﺘﻴﺮ ، ﻭﻛﻞ ﺩﻩ ﺭﺍﺡ ﻉ ﺍﻟﻔﺎﺿﻲ ، ﻓﻌﺎﻭﺯﻳﻦ ﺍﻟﻤﺮﺍﺩﻱ ﻧﺎﺧﺪ ﺑﺎﻟﻨﺎ ، ﻭﻧﻜﻮﻥ ﻭﺍﻋﻴﻴﻦ
- ﻋﻼﺀ : ﻣﻦ ﺍﻟﻨﺎﺣﻴﺔ ﺩﻱ ﺍﻃﻤﻨﻲ ﻳﺎ ﻣﺎﻣﺎ ، ﺃﻧﺎ ﻣﺶ ﻧﺎﻭﻱ ﺃﺧﺴﺮ ﺣﺎﺟﺔ ﻭﻻ ﺃﺗﻜﻠﻒ ﺃﻱ ﺣﺎﺟﺔ ، ﻭﺍﻥ ﻛﺎﻥ ﻋﺎﺟﺒﻬﻢ
- ﺳﻨﺎﺀ : ﺍﻫﺎ
- ﻋﻼﺀ : ﻭﺑﻌﺪﻳﻦ ﺩﻩ ﻟﻴﻬﻢ ﺍﻟﺸﺮﻑ ﺍﻧﻬﻢ ﻳﻨﺎﺳﺒﻮﻧﺎ
- ﺳﻨﺎﺀ : ﺍﻩ ﻳﺎ ﺣﺒﻴﺒﻲ ، ﻣﺶ ﻫﻴﻼﻗﻮﺍ ﺯﻳﻚ ﺍﻟﻴﻮﻣﻴﻦ ﺩﻭﻝ ، ﻋﺮﻳﺲ ﺷﻐﺎﻝ ﻭﺑﻴﺎﺧﺪ ﻣﺮﺗﺐ ﺣﻠﻮ ﻭﻋﻨﺪﻩ ﺷﻘﺘﻪ ﻭﺭﺑﻴﺘﻪ ﻭﻣﺴﺘﻌﺪ ﻳﻌﻤﻞ ﻛﻞ ﺣﺎﺟﺔ ﻓﻲ ﺑﻴﺘﻪ
- ﻋﻼﺀ : ﺍﺩﻱ ﻭﻣﺶ ﻻﻳﻘﻴﻦ ﺍﻟﻠﻀﺎ
- ﺳﻨﺎﺀ : ﺑﺎﻟﻈﺒﻂ ، ﻭﺷﺪ ﻉ ﺍﻟﺒﺖ ﻧﺪﻯ ، ﻫﻲ ﺯﻱ ﺍﻟﻌﺠﻴﻨﺔ ، ﻋﺎﻭﺯﺓ ﺍﻟﻠﻲ ﻳﺸﻜﻠﻬﺎ
- ﻋﻼﺀ : ﺍﻃﻤﻨﻲ ﻳﺎ ﻣﺎﻣﺎ ، ﺃﻧﺎ ﻫﻔﻬﻤﻬﺎ ﻉ ﻃﺮﻳﻘﺘﻲ ﻭﺧﻠﻴﻬﺎ ﺗﻤﺸﻲ ﻉ ﻧﻈﺎﻣﻲ ﻣﻦ ﺍﻷﻭﻝ
- ﺳﻨﺎﺀ : ﺑﺮﺍﻓﻮ ﻋﻠﻴﻚ ، ﻫﻮ ﺩﻩ ﺍﻟﻜﻼﻡ
..............................
ﻳﻮﻡ ﺍﻟﺨﻄﺒﺔ ،،،،
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،
ﻛﺎﻧﺖ ﺯﻳﻨﺐ ﺗﺴﺘﻌﺪ ﻻﻳﺼﺎﻝ ﺑﻨﺎﺗﻬﺎ ﺇﻟﻰ ﻣﺮﻛﺰ ﺍﻟﺘﺠﻤﻴﻞ ﺍﻟﻘﺮﻳﺐ ، ﻭﻣﻦ ﺛﻢ ﺍﻟﻌﻮﺩﺓ ﻟﺘﺠﻬﻴﺰ ﺍﻟﻤﻨﺰﻝ ﻟﺤﻔﻞ ﻗﺮﺍﺀﺓ ﺍﻟﻔﺎﺗﺤﺔ ﻭ ...
- ﺯﻳﻨﺐ : ﺧﺪﻭﺍ ﻛﻞ ﺣﺎﺟﺔ ﻣﻌﺎﻛﻮ ﻋﺸﺎﻥ ﺗﻠﺒﺴﻮﺍ ﻫﻨﺎﻙ
- ﻧﺪﻯ : ﺍﻭﻙ
- ﻧﻴﺮﺓ : ﻣﺎﺷﻲ ﻳﺎ ﻣﺎﻣﺎ
- ﻓﺎﻃﻴﻤﺎ : ﺍﻧﺎ ﺟﻬﺰﺕ ﺣﺎﺟﺘﻲ ﻳﺎ ﻣﺎﻣﺎ
- ﺯﻳﻨﺐ : ﻧﻴﺮﺓ ﺗﺨﻠﻲ ﻋﻴﻨﻴﻜﻲ ﻉ ﻃﻤﻄﻢ
- ﻧﻴﺮﺓ ﻋﻠﻰ ﻣﻀﺾ : ﻃﻴﺐ
- ﻧﺪﻯ : ﻣﺎﻣﺎ ﺃﻟﺒﺲ ﻫﻨﺎ ﻭﻻ ﻫﻨﺎﻙ ﻓﻲ ﺍﻟﻜﻮﺍﻓﻴﺮ ؟
- ﺯﻳﻨﺐ : ﻷ ﻳﺎ ﺣﺒﻴﺒﺘﻲ ﻫﻨﺎﻙ ، ﻭ ﺍﻧﺘﻮ ﺗﻐﻴﺮﻭﺍ ﻭﺗﺠﻬﺰﻭﺍ ﻋﺸﺎﻥ ﺃﺧﺪ ﺍﻟﻬﺪﻭﻡ ﺑﺘﺎﻋﺘﻜﻮ ﻣﻌﺎﻳﺎ ﻭﺃﻧﺎ ﺭﺍﺟﻌﺔ ﺍﻟﺒﻴﺖ ، ﻭﺑﻌﺪ ﻣﺎ ﺃﻇﺒﻂ ﺍﻟﺪﻧﻴﺎ ﻫﻠﺒﺲ ﻫﻨﺎ ، ﻭﺃﺭﺟﻌﻠﻜﻢ ﻳﺎ ﺑﻨﺎﺕ
- ﻧﺪﻯ : ﻣﺎﺷﻲ ﻳﺎﻣﺎﻣﺎ
- ﺯﻳﻨﺐ : ﻭﻋﻮﺯﺍﻛﻲ ﺗﻀﺤﻜﻲ ﻳﺎ ﻋﺮﻭﺳﺔ
- ﻓﺎﻃﻴﻤﺎ : ﻭﺍﻧﺎ ﻛﻤﺎﻥ ﻳﺎ ﻣﺎﻣﺎ؟؟؟
- ﺯﻳﻨﺐ : ﺍﻫﺎ ﻳﺎ ﺣﺒﻴﺒﺘﻲ ﻭﺍﻧﺘﻲ ﻳﺎ ﻗﻤﺮﺓ ﺗﻀﺤﻜﻲ ﺑﺮﺿﻮﻩ
- ﻓﺎﻃﻴﻤﺎ : ﻣﺎﺷﻲ
...................
ﻋﻨﺪ ﻣﺮﻛﺰ ﺍﻟﺘﺠﻤﻴﻞ ،،،
ﻭﺑﺎﻟﻔﻌﻞ ﺍﻧﻄﻠﻘﺖ ﺍﻟﻔﺘﻴﺎﺕ ﺑﺼﺤﺒﺔ ﻭﺍﻟﺪﺗﻬﻦ ﺇﻟﻰ ﻣﺮﻛﺰ ﺍﻟﺘﺠﻤﻴﻞ ﺍﻟﻘﺮﻳﺐ ، ﻭﻓﻴﻪ ﺑﺪﻟﺖ ﻧﺪﻯ ﻣﻼﺑﺴﻬﺎ ﻭﺍﺭﺗﺪﺕ ﻓﺴﺘﺎﻧﺎً ﻣﻦ ﺍﻟﻠﻮﻥ ﺍﻷﺣﻤﺮ ، ﻭﻭﺿﻌﺖ ﻓﻮﻕ ﺭﺍﺳﻬﺎ ﺗﺎﺟﺎً ﺭﻗﻴﻘﺎً ﺑﻌﺪ ﺃﻥ ﻋﻘﺼﺖ ﺷﻌﺮﻫﺎ ﻟﻠﺨﻠﻒ .. ﺑﻴﻨﻤﺎ ﺍﺭﺗﺪﺕ ﻧﻴﺮﺓ ﻓﺴﺘﺎﻧﺎً ﻣﻦ ﺍﻟﻠﻮﻥ ﺍﻟﺰﻳﺘﻲ ﻭﺗﺮﻛﺖ ﺷﻌﺮﻫﺎ ﺛﺎﺋﺮﺍً ﺧﻠﻒ ﻇﻬﺮﻫﺎ، ﻭﺍﺭﺗﺪﺕ ﻓﺎﻃﻴﻤﺎً ﻓﺴﺘﺎﻧﺎً ﻣﻦ ﺍﻟﻠﻮﻥ ﺍﻟﺬﻫﺒﻲ .. ﺑﺪﺃﺕ ﻣﺼﻔﻔﺔ ﺍﻟﺸﻌﺮ ﻓﻲ ﻭﺿﻊ ﺍﻟﻠﻤﺴﺎﺕ ﺍﻷﺧﻴﺮﺓ ﻋﻠﻰ ﻧﺪﻯ ﻭ ...
- ﺍﻟﻤﺼﻔﻔﺔ : ﺗﺤﺒﻲ ﻧﺤﻄﻠﻚ ﻣﻮﻧﻜﻴﺮ ﻭﻻ ﻫﺘﺘﻜﻔﻲ ﻓﻘﻂ ﺑﺎﻟﻔﺮﺍﻧﺸﺎ
- ﻧﻴﺮﺓ : ﺣﻄﻴﻬﺎ ﻣﻮﻧﻜﻴﺮ ، ﺩﻱ ﺍﻟﻌﺮﻭﺳﺔ
- ﻓﺎﻃﻴﻤﺎ : ﻭﺃﻧﺎ ﻛﻤﺎﻥ ﻋﺎﻭﺯﺓ ﻓﺮﺍﺷﺔ
- ﻧﻴﺮﺓ : ﺍﺳﻤﻬﺎ ﻓﺮﺍﻧﺸﺎ ﻳﺎ ﺟﺎﻫﻠﺔ
- ﻧﺪﻯ : ﺑﺴﺴﺲ ﻳﺎ ﻧﻴﺮﺓ ، ﻣﺶ ﺗﺸﺘﻤﻲ ﺍﺧﺘﻚ
- ﻓﺎﻃﻴﻤﺎ : ﺃﻳﻮﻩ ﺃﻧﺎ ﻣﺶ ﺟﺎﻫﻠﺔ ، ﺍﻧﺎ ﺷﺎﻃﺮﺓ ﻭﺑﺠﻴﺐ ﺩﺍﻳﻤﺎً ﺍﻟـ full mark
- ﻧﻴﺮﺓ : ﻫــﻪ
- ﺍﻟﻤﺼﻔﻔﺔ : ﻫﺎ ﻳﺎ ﻋﺮﻭﺳﺔ ؟
- ﻧﺪﻯ : ﺍﻟﻠﻲ ﺗﺸﻮﻓﻴﻪ ﻣﻨﺎﺳﺐ ﺍﻋﻤﻠﻴﻪ
- ﺍﻟﻤﺼﻔﻔﺔ : ﺍﻭﻙ
ﺟﺎﺀﺕ ﺯﻳﻨﺐ ﺇﻟﻰ ﻣﺮﻛﺰ ﺍﻟﺘﺠﻤﻴﻞ ﻟﺘﺘﻔﺎﺟﻲﺀ ﺑﺒﻨﺎﺗﻬﺎ ﻭﻫﻦ ﻓﻲ ﺃﺑﻬﻰ ﺻﻮﺭﻫﻦ ، ﻛﺎﺩﺕ ﺍﻟﺪﻣﻌﺔ ﺃﻥ ﺗﻔﺮ ﻣﻦ ﻋﻴﻨﻴﻬﺎ ﺣﻴﻨﻤﺎ ﺭﺃﺕ ﺍﺑﻨﺘﻬﺎ ﺍﻟﻜﺒﺮﻯ ﻭﻫﻲ ﻛﺎﻷﻣﻴﺮﺓ ﺍﻟﺼﻐﻴﺮﺓ ، ﻭﺗﺬﻛﺮﺕ ﻛﻴﻒ ﻣﺮﺕ ﺍﻷﻳﺎﻡ ﺳﺮﻳﻌﺎً ﻣﻨﺬ ﻣﻴﻼﺩﻫﺎ ﻭﺣﺘﻰ ﺣﺎﻧﺖ ﻟﺤﻈﺔ ﺧﻄﺒﺘﻬﺎ ﻭ ...
- ﺯﻳﻨﺐ ﻭﺍﻟﺪﻣﻮﻉ ﻓﻲ ﻋﻴﻨﻴﻬﺎ : ﻣﺎﺷﺎﺀ ﺍﻟﻠﻪ ﻳﺎ ﺣﺒﻴﺒﺘﻲ ، ﺯﻱ ﺍﻟﻘﻤﺮ ، ﺍﻟﻠﻪ ﻳﺤﻤﻴﻜﻲ ﻣﻦ ﺍﻟﻌﻴﻦ
- ﻧﺪﻯ : ﻣﺎﻣﺎ ﺣﺒﻴﺒﺘﻲ ، ﺑﻼﺵ ﺗﻌﻴﻄﻲ
- ﺯﻳﻨﺐ : ﺩﻱ ﺩﻣﻮﻉ ﺍﻟﻔﺮﺣﺔ ﻳﺎ ﻗﻠﺐ ﻣﺎﻣﺎ
- ﻧﺪﻯ : ﺭﺑﻨﺎ ﻣﺎ ﻳﺤﺮﻣﻨﻲ ﻣﻨﻚ ﻳﺎ ﻣﺎﻣﺎ
- ﻓﺎﻃﻴﻤﺎ : ﺍﻳﻪ ﺭﺃﻳﻚ ﻳﺎ ﻣﺎﻣﺎ ﻓﻴﺎ ﻭﻓﻲ ﺍﻟﻔﺴﺘﺎﻥ
- ﺯﻳﻨﺐ ﻭﻫﻲ ﺗﻤﺴﺢ ﺩﻣﻮﻋﻬﺎ : ﻃﻌﻤﺔ ﻳﺎ ﻧﺎﺱ
- ﻧﻴﺮﺓ : ﻣﺒﺮﻭﻙ ﻳﺎ ﻧﻮﻭﺩﺓ ، ﻭﺭﺑﻨﺎ ﻳﺘﻤﻤﻠﻚ ﻉ ﺧﻴﺮ
- ﻧﺪﻯ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻧﻴﺮﻭﻭ ، ﻭﻋﻘﺒﺎﻝ ﻣﺎ ﺗﺨﻠﺼﻲ ﺍﻟﺜﺎﻧﻮﻳﺔ ﻭﺗﺨﺸﻲ ﺍﻟﻜﻠﻴﺔ ﻛﺪﻩ ﻭﺗﺤﺼﻠﻴﻨﻲ
- ﻧﻴﺮﺓ : ﻷ ﺃﻧﺎ ﻟﺴﻪ ﺑﺪﺭﻱ ﻋﻠﻴﺎ
- ﺍﻟﻤﺼﻔﻔﺔ : ﻣﻤﻜﻦ ﺑﺲ ﺗﻘﻌﺪﻱ ﻳﺎ ﻋﺮﻭﺳﺔ ﻋﺸﺎﻥ ﺃﻇﺒﻄﻠﻚ ﺍﻟﻤﺎﺳﻜﺮﺍ
- ﻧﺪﻯ : ﺣﺎﺿﺮ
ﺍﻧﺘﻬﺖ ﺍﻟﻤﺼﻔﻔﺔ ﻣﻦ ﺗﺠﻬﻴﺰ ﻧﺪﻯ ، ﻭﻣﺎﻫﻲ ﺇﻻ ﺑﻀﻊ ﻟﺤﻈﺎﺕ ﺣﺘﻰ ﺳﻤﻊ ﺃﺻﻮﺍﺗﺎً ﻷﺑﻮﺍﻕ ﺑﻌﺾ ﺍﻟﺴﻴﺎﺭﺍﺕ ﺗﻘﻒ ﻓﻲ ﺍﻟﺨﺎﺭﺝ ، ﺧﺮﺟﺖ ﺯﻳﻨﺐ ﻟﺘﺮﻯ ﺍﻟﻌﺮﻳﺲ ، ﻭﺑﺎﻟﻔﻌﻞ ﻭﺟﺪﺗﻪ ﺑﺼﺤﺒﺔ ﻭﺍﻟﺪﺗﻪ ﻭﺑﻌﺾ ﺍﻷﻗﺎﺭﺏ ، ﻓﺮﺣﺒﺖ ﺑﻬﻤﺎ ﻭ ...
- ﺯﻳﻨﺐ : ﺍﻫﻼ ﻳﺎ ﺣﺎﺟﺔ ﺳﻨﺎﺀ
- ﺳﻨﺎﺀ : ﺍﻟﻒ ﻣﺒﺮﻭﻙ ﻳﺎ ﺃﻡ ﺍﻟﻌﺮﻭﺳﺔ
- ﺯﻳﻨﺐ : ﺍﻟﻠﻪ ﻳﺒﺎﺭﻙ ﻓﻴﻜﻲ
- ﺳﻨﺎﺀ : ﺍﻟﻌﺮﻭﺳﺔ ﺧﻠﺼﺖ ﻭﻻ ﻟﺴﻪ
- ﺯﻳﻨﺐ : ﻷ ﺧﻼﺹ ﺗﻤﺎﻡ
- ﻋﻼﺀ : ﺍﺯﻳﻚ ﻳﺎ ﻃﻨﻂ ؟
- ﺯﻳﻨﺐ : ﺍﻟﺤﻤﺪﻟﻠﻪ ﻳﺎ ﻋﺮﻳﺲ ، ﻣﺒﺮﻭﻙ ﻟﻴﻚ ﻳﺎ ﺑﻨﻲ
- ﻋﻼﺀ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻃﻨﻂ
- ﺯﻳﻨﺐ : ﻃﺐ ﻳﺎﻻ ﻋﺸﺎﻥ ﺗﺎﺧﺪ ﻋﺮﻭﺳﺘﻚ
- ﻋﻼﺀ : ﺍﻭﻙ
ﻭﺑﺎﻟﻔﻌﻞ ﺩﻟﻒ ﻋﻼﺀ ﻟﺪﺍﺧﻞ ﻣﺮﻛﺰ ﺍﻟﺘﺠﻤﻴﻞ ﻟﻴﺘﻔﺎﺟﻲﺀ ﺑﻨﺪﻯ ﺍﻟﺘﻲ ﺍﺭﺗﺪﺕ ﺍﻟﻔﺴﺘﺎﻥ ﺍﻷﺣﻤﺮ ، ﻣﻤﺎ ﺿﺎﻳﻘﻪ ﻭﺑﺪﻯ ﻫﺬﺍ ﺟﻠﻴﺎً ﻋﻠﻰ ﻭﺟﻬﻪ ، ﻭﺭﻏﻢ ﻫﺬﺍ ﺍﺻﻄﺤﺐ ﺩﻯ ﻣﻦ ﻳﺪﻫﺎ ﻟﻠﺴﻴﺎﺭﺓ ﻭ ...
- ﻋﻼﺀ ﺑﻀﻴﻖ : ﺑﺮﺿﻮﻩ ﻟﺒﺴﺘﻲ ﺍﻟﻔﺴﺘﺎﻥ ﺍﻷﺣﻤﺮ
- ﻧﺪﻯ : ﻫﺎﻩ
- ﻋﻼﺀ : ﻉ ﺍﻟﻌﻤﻮﻡ ﻣﺶ ﻫﻨﺘﻜﻠﻢ ﺩﻟﻮﻗﺘﻲ ، ﻳﺎﻻ ﺑﻴﻨﺎ
- ﻧﺪﻯ ﺑﻘﻠﻖ : ﺍﻭﻙ
ﺧﺮﺟﺖ ﻧﺪﻯ ﻣﻦ ﺍﻟﻤﺮﻛﺰ ﻭﺗﻌﺎﻟﺖ ﺍﻟﺰﻏﺎﺭﻳﻂ ﻓﻲ ﺃﺭﺟﺎﺀ ﺍﻟﻤﻜﺎﻥ ، ﻭﺭﻏﻢ ﻫﺬﺍ ﻟﻢ ﺗﺸﻌﺮ ﺑﺎﻟﻔﺮﺣﺔ ﺍﻟﺘﻲ ﻛﺎﻧﺖ ﺗﻨﺘﻈﺮﻫﺎ ، ﺭﻛﺒﺖ ﻓﻲ ﺍﻟﻤﻘﻌﺪ ﺍﻟﺨﻠﻔﻲ ﻓﻲ ﺍﻟﺴﻴﺎﺭﺓ ﺍﻟﻤﺨﺼﺼﺔ ﻟﻠﻌﺮﺍﺋﺲ ، ﻭﺟﻠﺴﺖ ﺍﺧﺘﻬﺎ ﻧﻴﺮﺓ ﻓﻲ ﺍﻷﻣﺎﻡ ، ﺑﻴﻨﻤﺎ ﻇﻠﺖ ﻓﺎﻃﻴﻤﺎ ﻣﻊ ﺯﻳﻨﺐ ﻭﺭﻛﺒﺘﺎ ﺳﻴﺎﺭﺓ ﺍﺧﺮﻯ ﻣﻊ ﺍﻟﺴﻴﺪﺓ ﺳﻨﺎﺀ ﻭ ....
ﻛﺎﻥ ﻋﻼﺀ ﻳﺘﻠﻘﻰ ﺍﻟﺘﻬﻨﺌﺎﺕ ﻣﻦ ﺃﻗﺎﺭﺑﻪ ﻭ ﺃﺻﺤﺎﺑﻪ ﻭﻇﻞ ﻣﻨﺸﻐﻼً ﻣﻌﻬﻢ ﻟﺒﻌﺾ ﺍﻟﻮﻗﺖ ، ﻭﺑﻴﻨﻤﺎ ﻛﺎﻧﺖ ﻧﻴﺮﺓ ﺗﺘﺤﺪﺙ ﻣﻊ ﻧﺪﻯ ﻗﺎﻃﻊ ﺣﺪﻳﺜﻬﻤﺎ ﻋﻼﺀ ﺣﻴﻨﻤﺎ ﻃﻞ ﺑﺮﺃﺳﻪ ﻣﻦ ﻧﺎﻓﺬﺓ ﺍﻟﺴﻴﺎﺭﺓ ﻭ ....
- ﻧﻴﺮﺓ : ﻣﺎﻟﻚ ﻓﻲ ﺍﻳﻪ ؟
- ﻧﺪﻯ : ﻣﺎﻓﻴﺶ
- ﻧﻴﺮﺓ : ﻳﺎ ﺑﻨﺘﻲ ﺩﻩ ﺍﻧﺘﻲ ﻣﻦ ﺳﺎﻋﺔ ﻣﺎ ﺧﺮﺟﺘﻲ ﻣﻦ ﺟﻮﺍ ﻭﺍﻧﺘﻲ ﻭﺷﻚ ﺍﺗﻘﻠﺐ ﻓﺠﺄﺓ
- ﻧﺪﻯ : ﻋﺎﺩﻱ
- ﻋﻼﺀ ﻭﻫﻮ ﻳﻄﻞ ﺑﺮﺃﺳﻪ ﺑﻨﺮﻓﺰﺓ : ﻛﻨﺖ ﻣﺘﺄﻛﺪ ﺍﻧﻚ ﻫﺘﻌﻤﻠﻲ ﻛﺪﻩ
- ﻧﺪﻯ ﺑﻔﺰﻉ : ﻫــﺎﻩ ، ﺍﻋﻤﻞ ﺍﻳﻪ ؟
- ﻋﻼﺀ : ﺑﺼﻲ ﻋﻠﻰ ﺍﻳﺪﻙ ﻳﺎ ﻫﺎﻧﻢ
- ﻧﺪﻯ : ﻣﺎﻟﻬﺎ ؟
- ﻋﻼﺀ : ﺍﻳﻪ ﺍﻟﻠﻲ ﺍﻧﺘﻲ ﺣﻄﺎﻩ ﺩﻩ ؟
- ﻧﺪﻯ : ﺍﻧﺎ ﻣﺶ ﺣﺎﻃﺔ ﺣﺎﺟﺔ
- ﻋﻼﺀ : ﺍﻭﻣﺎﻝ ﺍﻟﻤﻮﻧﻜﻴﺮ ﺍﻟﻠﻲ ﻓﻲ ﺍﻳﺪﻙ ﺩﻩ ﺍﻳﻪ ؟؟ ﻫﺎ ؟؟؟
- ﻧﺪﻯ : ﺩﻩ ... ﺩﻩ ﺣﺎﺟﺔ ﻋﺎﺩﻳﺔ
- ﻋﻼﺀ : ﻋﺎﺩﻳﺔ ﺍﺯﺍﻱ ﻳﻌﻨﻲ ؟؟ ﻓﻬﻤﻴﻨﻲ ؟؟ ﺍﺣﻨﺎ ﻣﺘﻔﻘﻨﺎﺵ ﻉ ﻛﺪﻩ
- ﻧﻴﺮﺓ ﻣﺘﺪﺧﻠﺔ ﻓﻲ ﺍﻟﺤﻮﺍﺭ : ﺩﻱ ﻋﺮﻭﺳﺔ ﻭﺍﻟﻤﻔﺮﻭﺽ ﺗﻌﻤﻞ ﻛﻞ ﺣﺎﺟﺔ ﻓﻲ ﺍﻟﻴﻮﻡ ﺩﻩ
- ﻋﻼﺀ : ﻟﻮ ﺳﻤﺤﺘﻲ ﻣﺎﺗﺪﺧﻠﻴﺶ ﺑﻴﻨﻲ ﻭﺑﻴﻨﻬﺎ ، ﺃﻧﺎ ﻛﻼﻣﻲ ﻣﻊ ﺍﺧﺘﻚ ﻣﺶ ﻣﻌﺎﻛﻲ
- ﻧﻴﺮﺓ : ﺑﺲ ﺁﺁﺁ ...
- ﻧﺪﻯ ﻣﻘﺎﻃﻌﺔ : ﺧﻼﺹ ﻳﺎ ﻧﻴﺮﺓ ، ﺳﻮﺭﻱ ﻳﺎ ﻋﻼﺀ ﺃﻧﺎ ﻣﻜﻮﻧﺘﺶ ﺃﻋﺮﻑ
- ﻋﻼﺀ : ﻭﺑﻌﺪﻳﻦ ﻣﺶ ﺍﺣﻨﺎ ﺍﺗﻔﻘﻨﺎ ﺍﻧﻚ ﻫﺘﻠﺒﺴﻲ ﻓﺴﺘﺎﻥ ﻏﺎﻣﻖ
- ﻧﺪﻯ : ﻣﺎﻣﺎ ﺍﻗﺘﺮﺣﺖ ﺍﻧﻲ ﺁﺁﺁﺁ ..
- ﻋﻼﺀ ﻣﻘﺎﻃﻌﺎً : ﺑﺪﺃﻧﺎ ﺑﻘﻰ ﻓﻲ ﻣﺎﻣﺎ ﻗﺎﻟﺖ ، ﻭﻣﺎﻣﺎ ﻋﺎﺩﺕ ، ﻳﺎ ﺑﻨﺖ ﺍﻟﻨﺎﺱ ﺍﺣﻨﺎ ﻛﻨﺎ ﻣﺘﻔﻘﻴﻦ ﻳﺒﻘﻰ ﺍﻟﻤﻔﺘﺮﺽ ﺍﻧﻚ ﺗﻌﻤﻠﻲ ﺍﻟﻠﻲ ﺍﺗﻔﻘﻨﺎ ﻋﻠﻴﻪ ، ﺻﺢ ﻭﻻ ﺃﻧﺎ ﻏﻠﻄﺎﻥ؟
- ﻧﺪﻯ : ﺳﻮﺭﻱ
- ﻋﻼﺀ ﻭﻫﻮ ﻳﺮﻛﺐ ﺍﻟﺴﻴﺎﺭﺓ : ﺍﻭﻭﻭﻑ ...
- ﻧﻴﺮﺓ ﻓﻲ ﻧﻔﺴﻬﺎ : ﺍﻟﻠﻪ ﻳﻜﻮﻥ ﻓﻲ ﻋﻮﻧﻚ ﻳﺎ ﻧﺪﻯ ، ﺩﻩ ﺑﺎﻳﻦ ﻋﻠﻴﻪ ﻏﺘﻴﻴﺖ ﻭﺭﺧﻢ !..
- ﻧﺪﻯ ﻓﻲ ﻧﻔﺴﻬﺎ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ، ﺩﻩ ﺍﻟﻤﻔﺮﻭﺽ ﺍﻟﻔﺮﺣﺔ ﺗﻜﻮﻥ ﻣﺶ ﺳﻴﻌﺎﻧﺎ ، ﻟﻜﻦ ﻫﻮ ﺑﻴﺪﻭﺭ ﻋﻠﻰ ﺃﺳﺒﺎﺏ ﺗﺎﻓﻬﺔ ﻋﺸﺎﻥ ﻳﺘﺨﺎﻧﻖ
ﺛﻢ ﺍﻧﻄﻠﻖ ﺍﻟﺠﻤﻴﻊ ﻧﺤﻮ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ...
..............................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻭﺻﻞ ﺍﻟﺠﻤﻴﻊ ﺇﻟﻰ ﺍﻟﻤﻨﺰﻝ ، ﻭﺻﻌﺪﺕ ﻧﺪﻯ ﻣﻊ ﻋﺮﻳﺴﻬﺎ ﻋﻼﺀ ﺣﻴﺚ ﻛﺎﻥ ﻳﻨﺘﻈﺮﻫﻢ ﻭﺍﻟﺪﻫﺎ ﻓﻮﻕ ، ﻭﺑﺪﺃ ﻓﻲ ﺍﻟﺘﺮﺣﻴﺐ ﺑﺎﻟﻀﻴﻮﻑ ﻭ ...
- ﺻﻼﺡ : ﻳﺎ ﺃﻫﻼ ﻭﺳﻬﻼ ، ﻣﺒﺮﻭﻙ ﻳﺎ ﻭﻻﺩ ، ﺗﻌﺎﻟﻮﺍ ﺟﻮﺍ
- ﻋﻼﺀ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﻋﻤﻲ
- ﻋﻠﻲ : ﺍﻟﻒ ﻣﺒﺮﻭﻙ ﻳﺎ ﻋﺮﻳﺲ
- ﺁﻣﺎﻝ : ﻟﻮﻭﻭﻭﻟﻮﻭﻭﻟﻲ ... ﺯﻱ ﺍﻟﻘﻤﺮ ﻳﺎ ﻭﻻﺩ ، ﺭﺑﻨﺎ ﻳﻬﻨﻴﻜﻢ
ﺯﻳﻨﺐ : ﻟﻮﻭﻭﻟﻮﻭﻭﻟﻲ ، ﺍﻟﻒ ﻣﺒﺮﻭﻙ ﻳﺎ ﻧﻮﻭﺩﺓ ، ﻳﺎﻻ ﻳﺎ ﻋﺮﻭﺳﺔ
- ﺻﻼﺡ : ﺍﺗﻔﻀﻠﻮﺍ ﻳﺎ ﺟﻤﺎﻋﺔ ﻓﻲ ﺍﻟﺼﺎﻟﻮﻥ
ﺟﻠﺲ ﺍﻟﺠﻤﻴﻊ ﻓﻲ ﻏﺮﻓﺔ ﺍﻟﺼﺎﻟﻮﻥ ﻭﺑﺪﺃﺕ ﻣﺮﺍﺳﻢ ﻗﺮﺍﺀﺓ ﺍﻟﻔﺎﺗﺤﺔ
- ﺃﺣﺪ ﺍﻷﺷﺨﺎﺹ : ﺍﺣﻨﺎ ﺟﺎﻳﻴﻦ ﺍﻟﻨﻬﺎﺭﺩﺓ ﻳﺎ ﺍﺳﺘﺎﺫ ﺻﻼﺡ ﻋﺸﺎﻥ ﻧﻄﻠﺐ ﺍﻳﺪ ﺑﻨﺘﻚ ﺍﻟﻤﺼﻮﻧﺔ ﻧﺪﻯ ﻻﺑﻨﻨﺎ ﺍﻟﻐﺎﻟﻲ ﻋﻼﺀ
- ﺻﻼﺡ : ﺩﻩ ﺍﺣﻨﺎ ﻧﺘﺸﺮﻑ ﺑﻴﻜﻮ ﻭﺍﻟﻠﻪ ..
- ﺃﺣﺪ ﺍﻷﺷﺨﺎﺹ : ﺩﻩ ﺍﻟﺸﺮﻑ ﻟﻴﻨﺎ ﺍﺣﻨﺎ ، ﻭﻛﻞ ﺍﻟﻠﻲ ﻫﺘﻄﻠﺒﻮﻩ ﻫﺘﻼﻗﻮﻩ
- ﺻﻼﺡ : ﻣﺶ ﻫﻨﺨﺘﻠﻒ ﺑﺄﻣﺮ ﺍﻟﻠﻪ
- ﻋﻼﺀ ﻣﺘﺪﺧﻼً ﻓﻲ ﺍﻟﺤﻮﺍﺭ : ﻭﺯﻱ ﻳﺎ ﻋﻤﻲ ﻣﺎ ﻗﻮﻟﺘﻠﻚ ﻗﺒﻞ ﻛﺪﻩ ﻧﺪﻯ ﻫﺤﻄﻬﺎ ﻓﻲ ﻋﻴﻨﻲ ﻭﺃﻧﺎ ﻣﺴﺘﻌﺪ ﺃﻋﻤﻞ ﻛﻞ ﺣﺎﺟﺔ ﻟﻴﻬﺎ ﺍﻥ ﺷﺎﺀ ﺍﻟﻠﻪ
- ﺻﻼﺡ : ﺍﻥ ﺷﺎﺀ ﺍﻟﻠﻪ
- ﺃﺣﺪ ﺍﻷﺷﺨﺎﺹ : ﻳﻌﻨﻲ ﻧﺘﻮﻛﻞ ﻋﻠﻰ ﺍﻟﻠﻪ ﻭﻧﻘﺮﻯ ﺍﻟﻔﺎﺗﺤﺔ
- ﺻﻼﺡ : ﻃﺎﻟﻤﺎ ﺍﻟﻌﺮﻭﺳﺔ ﻣﻮﺍﻓﻘﺔ ﻣﺎﻓﻴﺶ ﻣﺎﻧﻊ
- ﺳﻨﺎﺀ : ﺍﻳﻪ ﺭﺃﻳﻚ ﻳﺎ ﻋﺮﻭﺳﺔ
- ﻧﺪﻯ ﺑﺨﺠﻞ : ﺁ .....
- ﺁﻣﺎﻝ : ﻳﺒﻘﻰ ﺍﻟﺴﻜﻮﺕ ﻋﻼﻣﺔ ﺍﻟﺮﺿﺎ ﻳﺎ ﺟﻤﺎﻋﺔ
- ﺃﺣﺪ ﺍﻷﺷﺨﺎﺹ : ﺳﻤﻌﻮﻧﺎ ﺍﻟﻔﺎﺗﺤﺔ ﺑﺎﻟﺼﻼﺓ ﻉ ﺍﻟﻨﺒﻲ
ﺛﻢ ﻗﺮﺃ ﺍﻟﺠﻤﻴﻊ ﺍﻟﻔﺎﺗﺤﺔ ، ﻭﺗﻌﺎﻟﺖ ﺑﻌﺪﻫﺎ ﺃﺻﻮﺍﺕ ﺍﻟﺰﻏﺎﺭﻳﻂ ﻭﺍﻷﻏﺎﻧﻲ ﺍﻟﻤﺒﻬﺠﺔ ﻭ ..
- ﺁﻣﺎﻝ : ﻟﻮﻭﻭﻭﻭﻟﻮﻭﻭﻟﻲ ... ﺃﻟﻒ ﺃﻟﻒ ﻣﺒﺮﻭﻭﻭﻭﻭﻙ ﻳﺎ ﻋﺮﺳﺎﻥ
- ﺯﻳﻨﺐ ﻭﻫﻲ ﺗﻘﺒﻞ ﺍﺑﻨﺘﻬﺎ : ﻣﺒﺮﻭﻙ ﻳﺎ ﻋﺮﻭﺳﺔ
- ﺳﻨﺎﺀ : ﻣﺒﺮﻭﻙ ﻳﺎ ﻋﻼﺀ ﻳﺎ ﺑﻨﻲ
- ﻋﻼﺀ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻣﺎﻣﺎ
- ﻧﻴﺮﺓ ﻭﻫﻲ ﺗﺤﺘﻀﻦ ﺍﺧﺘﻬﺎ : ﻣﺒﺮﻭﻙ ﻳﺎ ﻧﺪﻯ ، ﻭﺭﺑﻨﺎ ﻳﻌﻴﻨﻚ ﻉ ﺍﻟﻠﻲ ﺟﺎﻱ
- ﻧﺪﻯ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﻧﻴﺮﺓ
- ﻓﺎﻃﻴﻤﺎ : ﻣﺒﺮﻭﻭﻭﻭﻭﻭﻙ ﻳﺎ ﻧﻮﻭﻭﺩﺓ
- ﻧﺪﻯ : ﺗﺴﻠﻤﻴﻠﻲ ﻳﺎ ﻃﻤﻄﻢ
ﺃﺳﺮﻋﺖ ﺯﻳﻨﺐ ﺑﺎﻟﺬﻫﺎﺏ ﺇﻟﻰ ﺍﻟﻤﻄﺒﺦ ﻻﺣﻀﺎﺭ ﺍﻟﻤﺸﺮﻭﺑﺎﺕ ﻭﺍﻟﺤﻠﻮﻯ ﻟﻠﺠﻤﻴﻊ ، ﻓﻠﺤﻘﺖ ﺑﻬﺎ ﺁﻣﺎﻝ ﻭ ...
- ﺁﻣﺎﻝ : ﻣﺒﺮﻭﻙ ﻳﺎ ﺯﻭﺯﻭ ، ﺑﻨﺘﻚ ﻭﻻ ﺍﻟﻘﻤﺮ
- ﺯﻳﻨﺐ : ﺍﻟﻠﻪ ﻳﺒﺎﺭﻙ ﻓﻴﻜﻲ ﻳﺎ ﺁﻣﺎﻝ ، ﻋﻘﺒﺎﻝ ﻣﺎ ﺗﻔﺮﺣﻲ ﺑﻌﻴﺎﻟﻚ ﺍﻥ ﺷﺎﺀ ﺍﻟﻠﻪ
- ﺁﻣﺎﻝ : ﺍﻥ ﺷﺎﺀ ﺍﻟﻠﻪ .. ﺑﻘﻮﻟﻚ
- ﺯﻳﻨﺐ : ﺧﻴﺮ ﻳﺎ ﺁﻣﺎﻝ
- ﺁﻣﺎﻝ : ﺍﻭﻣﺎﻝ ﺍﻟﻌﺮﻳﺲ ﺍﻟﻠﻲ ﺟﺎﻱ ﻟﺒﺘﻚ ﻧﻴﺮﺓ ﻫﻴﺨﻄﺒﻬﺎ ﺍﻣﺘﻰ ؟
- ﺯﻳﻨﺐ ﺑﺪﻫﺸﺔ : ﻋﺮﻳﺲ ! ﻣﻴﻦ ﺍﻟﻠﻲ ﻗﺎﻟﻚ ﺍﻟﻜﻼﻡ ﺩﻩ
