ﻟﻢ ﻳﺴﺘﻄﻊ ﻳﻮﺳﻒ ﺃﻥ ﻳﺘﺤﻤﻞ ﻓﻜﺮﺓ ﺧﺴﺎﺭﺓ ﻧﺪﻯ ، ﻟﺬﺍ ﻗﺮﺭ ﺃﻥ ﻳﺤﺰﻡ ﺃﻣﺮﻩ ﻣﻌﻬﺎ ، ﻓﺄﺳﺮﻉ ﺧﻄﺎﻩ ﻗﻠﻴﻼً ﺛﻢ ﻭﻗﻒ ﺃﻣﺎﻡ ﻧﺪﻯ ﻟﻴﺴﺪ ﻋﻠﻴﻬﺎ ﺍﻟﻄﺮﻳﻖ ﻭ ...
- ﻳﻮﺳﻒ ﻭﻗﺪ ﻭﻗﻒ ﺃﻣﺎﻣﻬﺎ : ﻧﺪﻯ ﺃﻧﺎ ﻣﺶ ﻫﺎﻛﺮﺭﻩ ﺗﺎﻧﻲ
- ﻧﺪﻯ ﻭﻫﻲ ﺗﻨﻈﺮ ﺇﻟﻴﻪ : ﻛﻮﻳﺲ ..
- ﻳﻮﺳﻒ ﺑﻨﻈﺮﺍﺕ ﻛﻠﻬﺎ ﺛﻘﺔ ﻭﺇﺻﺮﺍﺭ : ﺃﻧﺎ ﻫﺎﻧﻔﺬﻩ ﺃﻭﻝ ﻣﺎ ﺃﺭﺟﻊ ﺍﻟﻘﺎﻫﺮﺓ ﻋﻠﻰ ﻃﻮﻝ !..
ﺻﺪﻣﺖ ﻧﺪﻯ ﻣﻦ ﺇﺻﺮﺍﺭ ﻳﻮﺳﻒ ﻋﻠﻰ ﺗﻨﻔﻴﺬ ﻣﺎ ﻗﺎﻟﻪ ﻭ ..
- ﻧﺪﻯ ﻭﺍﻟﺼﺪﻣﺔ ﺗﻌﺘﺮﻱ ﻭﺟﻬﻬﺎ : ﻧﻌﻢ ؟؟ ﺗﻨﻔﺬ ﺍﻳﻪ ؟؟ ﺍﻟﻤﻮﺍﺿﻴﻊ ﺩﻱ ﻣﺶ ﻫﺰﺍﺭ ، ﻭﺃﻧﺎ ﻗﻮﻟﺘﻠﻚ ﺍﻥ ﺍﻟﻐﻠﻂ ﻋﻨﺪﻱ ﻣﻦ ﺍﻟﺒﺪﺍﻳﺔ ﻭﻫﺘﺼﺮﻑ ﻓﻴﻪ ؟
- ﻳﻮﺳﻒ : ﺍﻧﺴﻲ ﻛﻞ ﺣﺎﺟﺔ ﺣﺼﻠﺖ .. ﺍﻧﺴﻲ ﺍﻧﻚ ﻛﻨﺘﻲ ﺗﻌﺮﻓﻲ ﻓﻲ ﻳﻮﻡ ﺍﻧﺴﺎﻥ ﺯﻱ ﺩﻩ ، ﺍﻧﺴﻴﻪ ﺧﺎﻟﺺ
- ﻧﺪﻯ : ﻷ ... ﺩﻩ ﺁﺁﺁﺁ ...
- ﻳﻮﺳﻒ ﻣﻘﺎﻃﻌﺎً ﻟﻬﺎ ﺣﺎﺳﻤﺎً ﻷﻣﺮﻩ : ﺃﻧﺎ ﺧﻼﺹ ﻗﺮﺭﺕ ، ﻭﺍﻧﺎ ﻟﻤﺎ ﺑﻘﻮﻝ ﺣﺎﺟﺔ ﺑﻌﻤﻠﻬﺎ ، ﻣﺶ ﺑﻔﺼﻞ ﺃﻋﻴﺪ ﻭﺃﺯﻳﺪ ﻉ ﺍﻟﻔﺎﺿﻲ .. ﻭﻳﺎﻻ ﺑﻴﻨﺎ ..
ﺑﺪﺃ ﻳﻮﺳﻒ ﻓﻲ ﺍﻟﺘﺤﺮﻙ ، ﻭﻟﻜﻦ ﻇﻠﺖ ﻧﺪﻯ ﻭﺍﻗﻔﺔ ﻓﻲ ﻣﻜﺎﻧﻬﺎ ﻣﺸﺪﻭﻫﺔ ﺑﻤﺎ ﺳﻤﻌﺖ ﻣﻨﻪ ، ﻫﻲ ﻟﻢ ﺗﺘﻮﻗﻊ ﺃﻥ ﻳﻜﻮﻥ ﻋﻨﻴﺪﺍً ﻟﺘﻠﻚ ﺍﻟﺪﺭﺟﺔ ، ﻭﻫﻮ ﻟﻢ ﻳﺘﺮﻙ ﻟﻬﺎ ﻣﻬﻠﺔ ﻟﻠﺘﻔﻜﻴﺮ ﺃﻭ ﺣﺘﻰ ﺍﻻﻧﺘﻈﺎﺭ ، ﻭﺇﻧﻤﺎ ﻋﺎﺩ ﺇﻟﻴﻪ ﻣﺮﺓ ﺃﺧﺮﻯ ﻭﻃﻠﺐ ﻣﻨﻬﺎ ﺑﻜﻞ ﺃﺩﺏ ﺃﻥ ﺗﺴﻴﺮ ﻣﻌﻪ ﺇﻟﻰ ﺍﻟﺤﺎﻓﻠﺔ ﻭ ..
- ﻳﻮﺳﻒ ﺑﻨﺒﺮﺓ ﻫﺎﺩﺋﺔ : ﺑﻌﺪ ﺍﺫﻧﻚ ﻣﻤﻜﻦ ﺗﻤﺸﻲ ، ﺍﺣﻨﺎ ﺍﺗﺄﺧﺮﻧﺎ
- ﻧﺪﻯ : ﻫـﻪ
- ﻳﻮﺳﻒ : ﻣﻴﻌﺎﺩ ﺍﻟﺘﺠﻤﻊ ﺗﻘﺮﻳﺒﺎ ﻋﺪﻯ ﺑﻘﺎﻟﻪ ﻓﺘﺮﺓ ، ﻭﻛﺪﻩ ﺍﻟﺠﻤﻴﻊ ﻫﻴﻜﻮﻥ ﻣﻨﺘﻈﺮﻧﺎ
- ﻧﺪﻯ : ﺍﻫﺎ .. ﻃﻴﺐ
ﻭﺑﺎﻟﻔﻌﻞ ﺍﻧﻄﻠﻖ ﺍﻻﺛﻨﻴﻦ ﺳﻮﻳﺎً ﺇﻟﻰ ﺣﻴﺚ ﺗﺼﻄﻒ ﺍﻟﺤﺎﻓﻠﺔ ...
...................
ﻛﺎﻥ ﻋﻼﺀ ﻋﺎﺋﺪﺍً ﻫﻮ ﺍﻷﺧﺮ ﺇﻟﻰ ﺍﻟﺤﺎﻓﻠﺔ ﺣﻴﻨﻤﺎ ﺍﺻﻄﺪﻣﺖ ﺑﻪ ﺇﺣﺪﻯ ﺍﻟﻔﺘﻴﺎﺕ ، ﻭﺍﻟﺘﻲ ﻛﺎﻧﺖ ﺗﺒﺪﻭ ﻣﻦ ﻫﻴﺌﺘﻬﺎ ﺃﻧﻬﺎ ﻓﺘﺎﺓ ﻣﺸﺒﻮﻫﺔ ، ﺍﻋﺘﺬﺭ ﻟﻬﺎ ﻋﻼﺀ ﻭﻫﻮ ﻳﻔﺤﺼﻬﺎ ﺑﻨﻈﺮﺍﺕ ﻭﻗﺤﺔ ، ﻭﻟﻜﻦ ..
- ﻋﻼﺀ ﺑﻨﻈﺮﺍﺕ ﺟﺮﻳﺌﺔ : ﻻﻣﺆﺍﺧﺬﺓ
- ﺍﻟﻔﺘﺎﺓ ﺑﻀﺤﻜﺎﺕ ﺭﻗﻴﻌﺔ : ﻫﻬﻬﻬﻬﻪ .. ﻣﺆﺍﺧﺬﺗﻚ ﻣﻌﺎﻙ
- ﻋﻼﺀ : ﺍﻟﻠﻪ .. ﺍﻟﻠﻪ .. ﺍﻟﻠﻪ ﻫﻮ ﻓﻲ ﻛﺪﻩ ﻉ ﺍﻟﺼﺒﺢ
- ﺍﻟﻔﺘﺎﺓ ﺑﻤﻴﺎﻋﺔ : ﻓﻲ ﻛﺪﻩ ، ﻭﻓﻲ ﻛﺪﻩ .. ﺍﻧﺖ ﺑﺘﺤﺐ ﺍﻳﻪ
- ﻋﻼﺀ ﻭﻫﻮ ﻳﺠﺎﺭﻳﻬﺎ ﻓﻲ ﺍﻟﺤﻮﺍﺭ : ﺃﻧﺎ ﺃﺣﺐ ﻛﺪﻩ ، ﻭﺃﺑﻮ ﻛﺪﻩ ، ﻭﺃﻡ ﻛﺪﻩ
- ﺍﻟﻔﺘﺎﺓ : ﻃﺐ ﻣﺎ ﺗﻴﺎﻻ
- ﻋﻼﺀ : ﻛﺎﻥ ﺑﻮﺩﻱ ﺑﺲ ﻣﺶ ﻫﺎﻳﻨﻔﻊ ، ﻣﻌﻨﺪﻳﺶ ﻣﻜﺎﻥ ﻭﻻ ﺁﺁﺁ ...
- ﺍﻟﻔﺘﺎﺓ : ﻳﻮﻩ ، ﻫﻮ ﺍﻧﺖ ﺟﻴﺖ ﻓﻲ ﺟﻤﻞ
- ﻋﻼﺀ ﺑﻨﻈﺮﺍﺕ ﺷﻬﻮﺍﻧﻴﺔ : ﻗﺼﺪﻙ ﺍﻳﻪ
- ﺍﻟﻔﺘﺎﺓ : ﺃﻧﺎ ﻋﻨﺪﻱ ﺍﻟﻤﻜﺎﻥ ، ﻭﻫﻈﺒﻄﻠﻚ ﺍﻷﻋﺪﺓ ﻭﻛﻞ ﺣﺎﺟﺔ
- ﻋﻼﺀ : ﺍﻥ ﻛﺎﻥ ﻛﺪﻩ ﻳﺒﻘﻰ ﻣﺪﻋﻮﺀ ﺃﺑﻮ ﺍﻟﺮﺣﻠﺔ ﻉ ﺍﻟﻠﻲ ﻓﻴﻬﺎ ، ﺍﻧﺎ ﺟﺎﻱ ﻣﻌﺎﻛﻲ ﻳﺎ ﺣﻠﻮﺓ ، ﺑﺲ ﺍﺻﺒﺮﻱ ﻋﻠﻴﺎ ﺃﻋﻤﻞ ﻣﻜﺎﻟﻤﺔ ﻛﺪﻩ
- ﺍﻟﻔﺘﺎﺓ ﻭﻫﻲ ﺗﻀﻊ ﻳﺪﻫﺎ ﻓﻲ ﻭﺳﻄﻬﺎ : ﻭﻣﺎﻟﻪ ، ﺃﻧﺎ ﻣﺴﺘﻨﻴﺎﻙ ﻉ ﻧﺎﺭ
- ﻋﻼﺀ : ﺃﻳﻮﻩ ﻋﺎﻭﺯﻙ ﻛﺪﻩ ﻣﻮﻟﻌﺔ
ﺃﺧﺮﺝ ﻋﻼﺀ ﻫﺎﺗﻔﻪ ﺍﻟﻤﺤﻤﻮﻝ ﻭﻃﻠﺐ ﺭﺿﻮﻯ ﻟﻴﺒﻠﻐﻬﺎ ﻫﺎﺗﻔﻴﺎً ﻋﻦ ﺍﻋﺘﺬﺍﺭﻩ ﻋﻦ ﺍﻛﻤﺎﻝ ﺍﻟﺮﺣﻠﺔ ﻭ ..
- ﺭﺿﻮﻯ ﻫﺎﺗﻔﻴﺎ : ﻧﻌﻢ ؟؟ ﻳﻌﻨﻲ ﺍﻳﻪ ﺍﻟﻜﻼﻡ ﺩﻩ ﻳﺎ ﻋﻼﺀ
- ﻋﻼﺀ ﻫﺎﺗﻔﻴﺎ : ﻳﻌﻨﻲ ﻣﺶ ﻫﺎﻛﻤﻞ ﺍﻟﺮﺣﻠﺔ ، ﺍﻳﻪ ﻏﺮﻳﺒﺔ ﺩﻱ
- ﺭﺿﻮﻯ : ﺑﺲ .. ﺑﺲ ﺩﻩ ﻏﻠﻂ ﻭﺁﺁﺁ ..
- ﻋﻼﺀ : ﻏﻠﻂ ﻭﻻ ﺻﺢ ﺃﻧﺎ ﻣﺶ ﻋﺎﻭﺯ ﺍﻛﻤﻠﻬﺎ ، ﻭﻫﺎﺭﺟﻊ ﻟﻮﺣﺪﻱ ، ﺍﻩ ﻭﻳﺎ ﺭﻳﺖ ﺗﺒﻠﻐﻲ ﺍﻟﻬﺎﻧﻢ ﺍﻟﺼﺎﻳﻌﺔ ﺍﻟﻠﻲ ﻣﻌﺎﻛﻮ ﺍﻧﻲ ﻣﺴﺘﻨﻲ ﺭﺩﻫﺎ ﺍﻟﻨﻬﺎﺋﻲ ﻫﻨﺎﻙ .. ﺳﻼﻡ
ﻟﻢ ﻳﻌﻄﻲ ﻋﻼﺀ ﺭﺿﻮﻯ ﺍﻟﻔﺮﺻﺔ ﻟﻜﻲ ﺗﺠﻴﺒﻪ ، ﺑﻞ ﺇﻧﻪ ﺃﻏﻠﻖ ﺍﻟﻬﺎﺗﻒ ﻓﻲ ﻭﺟﻬﻬﺎ ﻭﺍﻧﻄﻠﻖ ﻣﻊ ﺗﻠﻚ ﺍﻟﻔﺘﺎﺓ ﻭ ..
- ﻋﻼﺀ ﻭﻫﻮ ﻳﺠﺬ ﻋﻠﻰ ﺷﻔﺘﻴﻪ : ﺧﻼﺹ ﻳﺎ ﺣﻠﻮﺓ ﺃﻧﺎ ﻓﻀﻴﺘﻠﻚ ﻧﻔﺴﻲ
- ﺍﻟﻔﺘﺎﺓ : ﺩﻩ ﺃﻧﺎ ﻫﺎﺧﻠﻴﻚ ﺗﻌﻴﺶ ﻟﻴﻠﺔ ﻭﻻ ﺃﻟﻒ ﻟﻴﻠﺔ ، ﺑﺲ ﻧﺘﻔﻖ ﺍﻷﻭﻝ
- ﻋﻼﺀ : ﻭﻣﺎﻟﻪ ، ﺃﺷﻮﻑ ﺍﻷﻭﻝ ﻭﺑﻌﺪ ﻛﺪﻩ ﺗﺎﺧﺪﻱ ﺍﻟﻠﻲ ﻋﺎﻭﺯﺍﻩ
- ﺍﻟﻔﺘﺎﺓ : ﻃﺐ ﻭﺍﻗﻔﻠﻨﺎ ﺗﺎﻛﺴﻲ
- ﻋﻼﺀ : ﻣﺎﺷﻲ
..............
ﺑﺠﻮﺍﺭ ﺍﻟﺤﺎﻓﻼﺕ ،،،،
ﺗﺠﻤﻌﺖ ﻏﺎﻟﺒﻴﺔ ﺍﻟﻤﺠﻤﻮﻋﺎﺕ ﺍﻟﺸﺒﺎﺑﻴﺔ ﺃﻣﺎﻡ ﺍﻟﺤﺎﻓﻼﺕ ، ﻭﻣﻦ ﺛﻢ ﺑﺪﺃ ﺍﻟﻤﺸﺮﻓﻮﻥ ﻓﻲ ﺃﻣﺮﻫﻢ ﺑﺎﻟﺼﻌﻮﺩ ﺇﻟﻴﻬﺎ ﻟﻴﻨﻄﻠﻘﻮﺍ ﺇﻟﻰ ﺍﻟﻤﺰﺍﺭ ﺍﻟﺘﺎﻟﻲ ..
ﻭﺻﻠﺖ ﻧﺪﻯ ﺑﺼﺤﺒﺔ ﻳﻮﺳﻒ ﺇﻟﻰ ﺍﻟﺤﺎﻓﻠﺔ ، ﻭﺣﻴﻨﻤﺎ ﺭﺃﺕ ﺗﻠﻚ ﺍﻟﺤﺸﻮﺩ ﺍﺭﺗﻌﺪﺕ ﻗﻠﻴﻼً ﺣﻴﺚ ﻇﻨﺖ ﺃﻥ ﺍﻟﺠﻤﻴﻊ ﻳﺘﺤﺪﺙ ﻋﻨﻬﺎ ﻭﻋﻤﺎ ﺣﺪﺙ .. ﻻﺣﻆ ﻳﻮﺳﻒ ﺗﻮﺗﺮﻫﺎ ﻓﺤﺎﻭﻝ ﻃﻤﺄﻧﺘﻬﺎ ﻭ ..
- ﻳﻮﺳﻒ ﻭﻫﻮ ﻳﺘﺄﻣﻞ ﻧﺪﻯ : ﻣﺘﺨﺎﻓﻴﺶ ، ﺍﻧﺎ ﻣﻌﺎﻛﻲ
- ﻧﺪﻯ ﺑﻨﻈﺮﺍﺕ ﺣﺎﺋﺮﺓ : ﻫــﻪ
ﺃﻣﺴﻚ ﻳﻮﺳﻒ ﺑﻜﻒ ﻳﺪﻫﺎ ﺑﻴﻦ ﻳﺪﻳﻪ ﻭﺭﺑﺖ ﻋﻠﻴﻪ ﻗﻠﻴﻼً ، ﻧﻈﺮﺕ ﻧﺪﻯ ﺑﺪﻫﺸﺔ ﺇﻟﻰ ﻛﻔﻪ ﺍﻟﻤﺸﺒﻚ ﻓﻲ ﻛﻔﻬﺎ ﻭ ..
- ﻳﻮﺳﻒ ﻭﻫﻮ ﻳﻤﺴﻚ ﺑﻜﻒ ﻳﺪﻫﺎ : ﺍﻫﺪﻱ .. ﻣﺎﻓﻴﺶ ﺃﻱ ﺣﺎﺟﺔ
- ﻧﺪﻯ : ﺁﺁﺁ ...
- ﻳﻮﺳﻒ : ﻳﺎﻻ ، ﺗﻌﺎﻟﻲ
- ﻧﺪﻯ ﻣﺴﺘﺴﻠﻤﺔ : ﺍﻭﻙ
ﻭﻛﺄﻥ ﻟﺘﻠﻚ ﺍﻟﻠﻤﺴﺔ ﻣﻔﻌﻮﻝ ﺍﻟﺴﺤﺮ ، ﺣﻴﺚ ﺑﻌﺜﺖ ﻓﻲ ﻧﻔﺲ ﻧﺪﻯ ﺍﻟﺸﻌﻮﺭ ﺑﺎﻟﺮﺍﺣﺔ ﻭﺍﻟﻄﻤﺄﻧﻴﺔ ﻭﺍﺟﺘﺎﺯﺕ ﺍﻟﻤﻮﺟﻮﺩﻳﻦ ﺑﻘﻠﻴﻞ ﻣﻦ ﺍﻟﺸﺠﺎﻋﺔ ﺍﻟﺘﻲ ﺍﻛﺘﺴﺒﺘﻬﺎ ﻣﻦ ﻳﻮﺳﻒ ﻭﺻﻌﺪﺕ ﻟﻠﺤﺎﻓﻠﺔ ﻭﺟﻠﺴﺖ ﻓﻲ ﻣﻘﻌﺪﻫﺎ ﺑﺠﻮﺍﺭ ﻧﻴﺮﺓ ..
- ﻓﺎﻃﻴﻤﺎ : ﻧﻮﺩﺓ ، ﻛﻨﺘﻲ ﻓﻴﻦ ﻛﻞ ﺩﻩ
- ﻧﻴﺮﺓ : ﻋﻤﻠﺘﻲ ﺍﻟﻠﻲ ﻓﻲ ﺩﻣﺎﻏﻚ ﺑﺮﺿﻮﻩ ؟
ﻇﻠﺖ ﻧﺪﻯ ﺗﺘﺄﻣﻞ ﺍﺧﺘﻬﺎ ﻓﻲ ﺻﻤﺖ ، ﻭﻟﻢ ﺗﺠﺐ ﻋﻦ ﺃﺳﺌﻠﺘﻬﺎ ، ﻫﻲ ﺍﻛﺘﻔﺖ ﻓﻘﻂ ﺑﻤﺘﺎﺑﻌﺔ ﺭﺩﻭﺩ ﻓﻌﻠﻬﺎ ﻭﻋﺼﺒﻴﺘﻬﺎ ﺍﻟﺰﺍﺋﺪﺓ ﺑﺴﺒﺐ ﻣﺎ ﺣﺪﺙ ، ﻫﻲ ﻟﻢ ﺗﺘﻮﻗﻊ ﺃﻥ ﺗﻜﻮﻥ ﺑﺪﺍﺧﻞ ﻧﻴﺮﺓ ﺗﻠﻚ ﺍﻟﺼﻔﺎﺕ ، ﻓﻬﻲ ﺩﺍﺋﻤﺎ ﻃﺎﺋﺸﺔ ، ﻣﻨﺪﻓﻌﺔ ، ﻣﺘﻬﻮﺭﺓ ، ﻟﻜﻦ ﺃﻥ ﺗﻜﻮﻥ ﻓﻲ ﺍﻟﻤﻮﺍﻗﻒ ﺍﻟﺼﻌﺒﺔ ﺫﺍﺕ ﺗﻔﻜﻴﺮ ﻋﻘﻼﻧﻲ ، ﻭﺷﺠﺎﻋﺔ ﻻ ﻣﺜﻴﻞ ﻟﻬﺎ .. ﻫﺬﺍ ﻣﺎ ﺟﻌﻠﻬﺎ ﺗﻨﺪﻫﺶ ﻓﻌﻼً
.. ﺣﺎﻭﻟﺖ ﻧﻴﺮﺓ ﺍﻥ ﺗﺪﻓﻊ ﻧﺪﻯ ﻟﻠﺘﺤﺪﺙ ﻣﻌﻬﺎ ﻭ ..
- ﻧﻴﺮﺓ ﺑﺎﻧﻔﻌﺎﻝ : ﻣﺎﺗﺒﺼﻠﻴﺶ ﻛﺪﻩ ﻳﺎ ﻧﺪﻯ ، ﻗﻮﻟﻴﻠﻲ ﻋﻤﻠﺘﻲ ﺍﻟﻠﻲ ﻓﻲ ﺩﻣﺎﻏﻚ ؟؟ ﺧﻼﺹ ﻗﺮﺭﺗﻲ ﺗﺮﺟﻌﻲ ﻟﻠﺰﺑﺎﻟﺔ ﺩﻩ ؟؟
- ﻧﺪﻯ : ﻫﻪ ..
- ﻧﻴﺮﺓ : ﺃﻧﺎ ﻋﺎﻭﺯﺓ ﺃﻋﺮﻑ ﻋﻤﻠﺘﻲ ﺍﻳﻪ ؟ ﻣﺎﺗﺴﺒﻨﻴﺶ ﻛﺪﻩ ، ﺃﻧﺎ ﻫﺎﻣﻮﺕ ﻣﻦ ﺍﻟﻘﻠﻖ ﻋﻠﻴﻜﻲ ! ﺃﻧﺎ ﻟﻮ ﺑﺎﻳﺪﻱ ﺃﻃﻮﻝ ﺃﺧﻨﻖ ﺍﻟﻮﺍﺩ ﺩﻩ ﻛﻨﺖ ﻋﻤﻠﺖ ، ﺑﺲ ﻫﺎﻋﻤﻞ ﺍﻳﻪ ﻓﻲ ﺍﻟﻠﻲ ﻛﺎﻥ ﺍﻟﺴﺒﺐ ، ﻭﻋﺎﻣﻞ ﻓﻴﻬﺎ ﺭﺍﺟﻞ ﻭﻫﻮ ﺑﺆ !..
ﺗﻌﻤﺪﺕ ﻧﻴﺮﺓ ﻭﻫﻲ ﺗﻠﻘﻲ ﺗﻠﻚ ﺍﻟﺠﻤﻠﺔ ﺍﻷﺧﻴﺮﺓ ﺃﻥ ﺗﻨﻈﺮ ﺇﻟﻰ ﻣﺮﻭﺍﻥ ﻭﻛﺄﻧﻬﺎ ﺗﻘﺼﺪﻩ ﺑﻜﻼﻣﻬﺎ ﻫﺬﺍ ، ﻣﻤﺎ ﺟﻌﻠﻪ ﻳﺸﻌﺮ ﺑﺎﻟﺤﻨﻖ ﻣﻨﻬﺎ ..
- ﻣﺮﻭﺍﻥ ﻓﻲ ﻧﻔﺴﻪ ﺑﺤﻨﻖ : ﺑﺆ .. ﻃﻴﺐ ﻳﺎ ﻧﺪﻯ ! ﻫﻮﺭﻳﻜﻲ .. ﺍﺻﺒﺮﻱ ﻋﻠﻴﺎ .. ﺣﺴﺎﺑﻚ ﺟﺎﻱ ﻉ ﺍﻟﻜﻼﻡ ﺩﻩ ﺑﻌﺪﻳﻦ ..
- ﻧﻴﺮﺓ ﻣﻜﻤﻠﺔ ﺑﻨﺒﺮﺓ ﻣﺮﺗﻔﻌﺔ ﻗﻠﻴﻼً : ﻗﻮﻟﻴﻠﻲ ﺑﻘﻰ ﻋﻤﻠﺘﻲ ﺍﻳﻪ ، ﻭﺇﻻ ﻭﺍﻟﻠﻪ ﻟﻮ ﻣﺎ ﺍﺗﻜﻠﻤﺘﻲ ﻷﺭﻭﺣﻠﻪ ﺑﻨﻔﺴﻲ ﺃﺳﺄﻟﻪ ، ﻭﻣﺶ ﻫﺨﺎﻑ ﻣﻨﻪ ﻭﻻ ﻣﻦ ﻏﻴﺮﻩ
- ﻣﺮﻭﺍﻥ ﻓﻲ ﻧﻔﺴﻪ ﻭﻫﻮ ﻳﺰﻓﺮ ﻓﻲ ﺿﻴﻖ : ﺍﻟﻠﻬﻢ ﻃﻮﻟﻚ ﻳﺎ ﺭﻭﺡ ، ﻳﻌﻨﻲ ﻛﻨﺖ ﺃﺳﻴﺒﻚ ﻣﺜﻼ ﺗﺮﻭﺣﻲ ﻟﻠﻄﺎﻋﻮﻥ ﺩﻩ ﻭﺃﺗﻔﺮﺝ ﻋﻠﻴﻪ ﻭﻫﻮ ﺑﻴﺮﺯﻋﻚ ﻛﻒ ﻳﺠﻴﺒﻚ ﺍﻷﺭﺽ .. ﺳﺎﻋﺘﻬﺎ ﻫﺘﺘﺒﺴﻄﻲ !
....................
ﺑﺤﺜﺖ ﺭﺿﻮﻯ ﻋﻦ ﻳﻮﺳﻒ ﻟﻜﻲ ﺗﺒﻠﻐﻪ ﺑﻤﺎ ﺃﺧﺒﺮﻫﺎ ﺑﻪ ﻋﻼﺀ ، ﻭﺣﻴﻨﻤﺎ ﻋﻠﻢ ﺑﻬﺬﺍ ﺍﺭﺗﺴﻤﺖ ﺍﻻﺑﺘﺴﺎﻣﺔ ﻋﻠﻰ ﻭﺟﻬﻪ ،ﻭﺷﻌﺮ ﺑﺎﻻﺭﺗﻴﺎﺡ ﺍﻟﺸﺪﻳﺪ ﺑﻌﺪ ﺃﻥ ﺭﺣﻞ ﺫﻟﻚ ﺍﻟﻌﺐﺀ ﺍﻟﻤﺜﻘﻞ ﻋﻨﻪ ﻭﻋﻦ ﻧﺪﻯ ﺍﻟﻔﺘﺎﺓ ﺍﻟﺮﻗﻴﻘﺔ ﺍﻟﺘﻲ ﺗﻌﻬﺪ ﻓﻲ ﻧﻔﺴﻪ ﺑﺄﻥ ﺗﻜﻮﻥ ﻟﻪ ﻭ ..
- ﻳﻮﺳﻒ ﺑﺎﺭﺗﻴﺎﺡ : ﺍﻟﺤﻤﺪﻟﻠﻪ ﺍﻧﻪ ﻏﺎﺭ ﻓﻲ ﺩﺍﻫﻴﺔ ، ﺃﻧﺎ ﻣﻜﻮﻧﺘﺶ ﻋﺎﺭﻑ ﻫﻨﻜﻤﻞ ﺑﻘﻴﺔ ﺍﻟﺮﺣﻠﺔ ﺍﺯﺍﻱ ﻭﻫﻮ ﻣﻮﺟﻮﺩ ﻓﻴﻬﺎ
- ﺭﺿﻮﻯ : ﺑﺲ .. ﺁﺁﺁ ..
- ﻳﻮﺳﻒ : ﻓﻲ ﺍﻳﻪ ﺗﺎﻧﻲ
- ﺭﺿﻮﻯ : ﺧﻄﻴﺒﺘﻪ ﻭﺍﺧﻮﺍﺗﻬﺎ ﺁﺁﺁ ..
- ﻳﻮﺳﻒ ﺑﺤﺪﺓ : ﻣﻌﺪﺗﺶ ﺧﻄﻴﺒﺘﻪ ﺧﻼﺹ .. ﺩﻱ .. ﺩﻱ ﻫﺘﺒﻘﻰ ﻣﺮﺍﺗﻲ
- ﺭﺿﻮﻯ ﺑﺼﺪﻣﺔ : ﻣﻴﻦ ﺩﻱ ﺍﻟﻠﻲ ﻣﺮﺍﺗﻚ ؟؟؟
- ﻣﺎﻳﺎ ﻣﻦ ﺍﻟﺨﻠﻒ : ﺍﻧﺖ ﺑﺘﻘﻮﻝ ﺍﻳﻪ ﻳﺎ ﻳﻮﺳﻒ ؟؟
- ﻳﻮﺳﻒ ﺑﺜﻘﺔ : ﻧﺪﻯ ﻫﺘﺒﻘﻰ ﻣﺮﺍﺗﻲ ، ﻭﺩﻩ ﺍﻟﻠﻲ ﺍﻟﻤﻔﺮﻭﺽ ﺍﻟﻜﻞ ﻳﻌﺮﻓﻪ
- ﻣﺎﻳﺎ ﻏﻴﺮ ﻣﺼﺪﻗﺔ : ﻣﺶ ﻣﻤﻜﻦ ، ﺍﻧﺖ .. ﺍﻧﺖ .. ﺍﺯﺍﻱ ﺁﺁ ..
- ﻳﻮﺳﻒ : ﻋﻦ ﺍﺫﻧﻜﻢ
ﺗﺮﻙ ﻳﻮﺳﻒ ﻛﻼً ﻣﻦ ﺭﺿﻮﻯ ﻭﻣﺎﻳﺎ ﺗﻌﺎﻧﻴﺎﻥ ﻣﻦ ﺁﺛﺎﺭ ﺍﻟﺼﺪﻣﺔ ، ﻭﺻﻌﺪ ﻫﻮ ﻟﻠﺤﺎﻓﻠﺔ ﻟﻴﺠﻠﺲ ﻓﻲ ﻣﻜﺎﻧﻪ ﻓﻲ ﻣﻮﺍﺟﻬﺔ ﻧﺪﻯ ..
ﻭﻗﻔﺖ ﻓﺎﻃﻴﻤﺎ ﻣﻊ ﺍﻟﻔﺘﻴﺎﺕ ﻓﻲ ﺍﻟﺤﺎﻓﻠﺔ ﺗﻐﻨﻲ ﻣﻌﻬﻦ ، ﺑﻴﻨﻤﺎ ﺍﺳﺘﻐﻠﺖ ﻧﺪﻯ ﺍﻟﻔﺮﺻﺔ ﻭﺃﺧﺒﺮﺕ ﺃﺧﺘﻬﺎ ﺑﺎﺧﺘﺼﺎﺭ ﻧﻴﺮﺓ ﺑﺎﻧﻬﺎﺀ ﻋﻼﻗﺘﻬﺎ ﻣﻊ ﻋﻼﺀ ﻧﻬﺎﺋﻴﺎً ، ﻭﻟﻜﻨﻬﺎ ﻻ ﺗﺮﻳﺪ ﺃﻥ ﺗﺨﺒﺮ ﺃﻱ ﺃﺣﺪ ﺑﻬﺬﺍ ﻷﻥ ...
- ﻧﺪﻯ ﻫﺎﻣﺴﺔ : ﺧﻼﺹ ﺍﻧﺎ ﻧﻬﻴﺖ ﺍﻟﻤﻮﺿﻮﻉ
- ﻧﻴﺮﺓ ﻭﻫﻲ ﺭﺍﻓﻌﺔ ﺣﺎﺟﺒﻴﻬﺎ : ﺑﺠﺪ ؟؟
- ﻧﺪﻯ ﻫﺎﻣﺴﺔ : ﺷﺸﺶ .. ﻭﻃﻲ ﺻﻮﺗﻚ ، ﺃﻧﺎ ﻣﺶ ﻋﺎﻭﺯﺓ ﺣﺪ ﻳﻌﺮﻑ ﺑﺪﻩ
- ﻧﻴﺮﺓ ﺑﺼﻮﺕ ﺧﺎﻓﺖ : ﺗﻘﺼﺪﻱ ﻳﻮﺳﻒ ؟
- ﻧﺪﻯ ﻣﺒﺮﺭﺓ : ﻳﻮﺳﻒ ﺍﻭ ﻏﻴﺮﻩ ، ﺃﻧﺎ ﻋﺎﻭﺯﺓ ﺍﻟﻜﻞ ﻳﻔﻜﺮ ﺍﻧﻲ ﻣﻮﺍﻓﻘﺔ ﻉ ﻋﻼﺀ ﻟﺤﺪ ﻣﺎ ﻧﺮﺟﻊ ﺍﻟﻘﺎﻫﺮﺓ ، ﻻﺯﻡ ﺑﺎﺑﺎ ﻳﻌﺮﻑ ﺑﺎﻟﻠﻲ ﺣﺼﻞ ، ﻭﻣﺶ ﺑﺎﻟﺘﻠﻴﻔﻮﻥ ، ﻷ ﻣﻨﻲ ﺍﻧﺎ ﺷﺨﺼﻴﺎً ..
- ﻧﻴﺮﺓ : ﺍﻫﺎ .. ﺗﻤﺎﻡ
- ﻧﺪﻯ : ﻋﺎﻭﺯﺍﻛﻲ ﺗﻔﻀﻠﻲ ﺯﻱ ﻣﺎ ﺍﻧﺘﻲ ﻗﺼﺎﺩﻫﻢ، ﻣﻀﺎﻳﻘﺔ ، ﻣﺨﻨﻮﻗﺔ ﻣﺶ ﻃﺎﻳﻘﺔ ﺭﻭﺣﻚ
- ﻧﻴﺮﺓ ﺑﺤﻤﺎﺳﺔ : ﺍﻭﻙ .. ﻣﺘﻘﻠﻘﻴﺶ ، ﺩﻩ ﺍﻧﺎ ﻫﺎﻛﻮﻥ ﺑﻮﺗﺠﺎﺯ ﺃﻋﺪ ﺟﻤﺒﻚ
- ﻧﺪﻯ : ﺷﺸﺸﺶ .. ﻣﺶ ﻋﺎﻭﺯﺓ ﺣﺪ ﻳﺎﺧﺪ ﺑﺎﻟﻪ
- ﻧﻴﺮﺓ : ﻃﻴﺐ .. ﻃﻴﺐ
ﺩﻗﻖ ﻣﺮﻭﺍﻥ ﻧﻈﺮﺍﺗﻪ ﻟﻨﻴﺮﺓ ﻭﺗﺄﻣﻞ ﻛﻞ ﺗﻐﻴﻴﺮ ﻳﺤﺪﺙ ﻓﻲ ﺗﻌﺒﻴﺮﺍﺕ ﻭﺟﻬﻬﺎ ﻭﻛﺄﻧﻪ ﺻﻘﺮ ﻳﺮﺍﻗﺐ ﻓﺮﻳﺴﺘﻪ ، ﻟﻘﺪ ﻻﺣﻆ ﺗﺤﻮﻟﻬﺎ ﻣﻦ ﺍﻟﻀﻴﻖ ﻟﻠﻔﺮﺣﺔ ﻓﻲ ﺛﻮﺍﻧﻲ ، ﻭﺗﺎﺑﻊ ﺇﻳﻤﺎﺀﺍﺕ ﺭﺃﺳﻬﺎ ﺑﺎﻻﻳﺠﺎﺏ ﻭﻛﺄﻧﻬﺎ ﺗﻌﻘﺪ ﺍﺗﻔﺎﻕ ﻣﻊ ﺍﺧﺘﻬﺎ ﻭ ...
- ﻣﺮﻭﺍﻥ ﻓﻲ ﻧﻔﺴﻪ ﻭﻫﻮ ﻣﺤﺪﻕ ﺑﻬﺎ : ﺍﻟﺒﺖ ﺩﻱ ﻓﻴﻬﺎ ﺣﺎﺟﺔ ﻣﺶ ﻃﺒﻴﻌﻴﺔ ، ﻷﻷﻷ .. ﻫﻲ ﻣﺶ ﻉ ﺑﻌﻀﻬﺎ ، ﺍﻟﻈﺎﻫﺮ ﺍﻥ ﻓﻲ ﺣﺎﺟﺔ ﺟﺪﺕ .. ﺑﺲ ﻳﺎ ﺗﺮﻯ ﺍﻳﻪ ﻫﻲ ؟؟؟
..............
ﺗﺮﺍﺟﻊ ﻳﻮﺳﻒ ﺇﻟﻰ ﻣﻨﺘﺼﻒ ﺍﻟﺤﺎﻓﻠﺔ ﻭﺻﺎﺡ ﺑﺄﻋﻠﻰ ﺻﻮﺗﻪ ﻟﻴﺨﺒﺮ ﺟﻤﻴﻊ ﻣﻦ ﻓﻴﻬﺎ ﺑﺄﻥ ﺍﻟﻤﻜﺎﻥ ﺍﻟﺘﺎﻟﻲ ﺍﻟﺬﻱ ﺳﺘﺘﻮﺟﻪ ﺇﻟﻴﻪ ﺍﻟﺤﺎﻓﻠﺔ ﺑﻬﻢ ﻫﻮ ﺃﺣﺪ ﺍﻟﻤﻮﻻﺕ ﺍﻟﺸﻬﻴﺮﺓ ﺑﻤﻨﻄﻘﺔ ﺳﺎﻥ ﺳﺘﻴﻔﺎﻧﻮ ﻟﻜﻲ ﻳﺘﺴﻮﻕ ﺍﻟﺠﻤﻴﻊ ﻣﻦ ﻫﻨﺎﻙ ..
- ﻳﻮﺳﻒ : ﺧﻼﺹ ﻳﺎ ﺟﻤﺎﻋﺔ، ﺍﻟﻜﻞ ﺳﻤﻊ ﺍﺣﻨﺎ ﺭﺍﻳﺤﻴﻦ ﻓﻴﻦ ؟
- ﺍﺣﺪ ﺍﻷﺷﺨﺎﺹ : ﺍﻳﻮﻩ
- ﺷﺨﺺ ﻣﺎ : ﺍﻭﻙ
- ﻓﺘﺎﺓ ﻣﺎ : ﻃﺐ ﻭﺍﻟﺘﺠﻤﻊ ﺍﻣﺘﻰ ؟
- ﻳﻮﺳﻒ : ﻗﺪﺍﻣﻜﻢ ﺳﺎﻋﺔ ﻭﻧﺺ ﺗﻌﻴﺸﻮﺍ ﺣﻴﺎﺗﻜﻢ ﻫﻨﺎﻙ
- ﻓﺘﺎﺓ ﺍﺧﺮﻯ ﻣﻌﺘﺮﺿﺔ : ﺩﻩ ﺍﺣﻨﺎ ﻣﻨﻼﺣﻘﺶ ﻧﺒﺺ ﻉ ﺍﻟﻬﺪﻭﻡ ﻭﻻ ﻧﺸﺘﺮﻱ ﺃﻱ ﺣﺎﺟﺔ
- ﻳﻮﺳﻒ : ﺍﺣﻨﺎ ﻣﺮﺗﺒﻄﻴﻦ ﺑﺒﺮﻧﺎﻣﺞ ﻣﻌﻴﻦ ﻭﻋﺎﻭﺯﻳﻦ ﻧﻨﻔﺬﻩ ﻛﻠﻪ
- ﻓﺘﺎﺓ ﺛﺎﻟﺜﺔ : ﻣﺎﺷﻲ .. ﻣﺎﺷﻲ
- ﻧﻴﺮﺓ ﻫﺎﻣﺴﺔ : ﺍﺧﻴﺮﺍً ﻫﺎﻧﺮﻭﺡ ﺣﺘﺔ ﻧﺎﻛﻞ ﻓﻴﻬﺎ ﻭﻧﺨﺶ ﺍﻟﺤﻤﺎﻡ
- ﻧﺪﻯ : ﺍﻫﺎ .. ﺑﺲ ﺯﻱ ﻣﺎﻓﻬﻤﺘﻚ ، ﻋﺎﻭﺯﻳﻦ ﻧﺒﻘﻰ ﻓﻲ ﺣﺎﻟﻨﺎ ﻭﻭﺍﺧﺪﻳﻦ ﺟﻤﺐ
- ﻧﻴﺮﺓ : ﺍﻭﻙ
ﺟﺎﺀﺕ ﻓﺎﻃﻴﻤﺎ ﻣﻦ ﺑﻌﻴﺪ ﻭﻫﻲ ﺗﺠﺮﻱ ﻭﺗﺤﻤﻞ ﺃﺣﺪ ﺃﻛﻮﺍﺏ ﺍﻵﻳﺲ ﺍﻟﻜﺮﻳﻢ ﺍﻟﺬﻱ ﺃﻋﻄﺘﻪ ﻟﻬﺎ ﻓﺘﺎﺓ ﻣﺎ ﺑﺎﻟﺤﺎﻓﻠﺔ ، ﻓﺘﻌﺜﺮﺕ ﻓﻲ ﺧﻄﻮﺍﺗﻬﺎ ﻭﺃﻟﻘﺘﻪ ﻋﻠﻰ ﻧﻴﺮﺓ ، ﻓﺎﺗﺴﺨﺖ ﻣﻼﺑﺴﻬﺎ ﻋﻠﻰ ﺍﻟﻔﻮﺭ ﻭ ..
- ﻓﺎﻃﻴﻤﺎ ﻭﻗﺪ ﺗﻌﺜﺮﺕ : ﺁﺁﺁﺁﻩ
- ﻧﻴﺮﺓ ﻣﺤﺬﺭﺓ : ﺣﺎﺳﺒﻲ !
- ﻓﺎﻃﻴﻤﺎ : ﺍﻭﻭﻭﺑﺎ
- ﻧﺪﻯ : ﻳﺎ ﺳﺎﺗﺮ ﻳﺎ ﺭﺏ
- ﻧﻴﺮﺓ ﺑﻌﺼﺒﻴﺔ : ﺍﻳﻪ ﺍﻟﻠﻲ ﻋﻤﻠﺘﻴﻪ ﺩﻩ ﻳﺎ ﻃﻤﻄﻢ ؟؟ ﻓﻲ ﺣﺪ ﻳﺠﺮﻱ ﻛﺪﻩ ، ﺷﻮﻓﻲ ﺍﻧﺘﻲ ﺑﻬﺪﻟﺘﻴﻨﻲ ﺍﺯﺍﻱ ؟؟؟
- ﻓﺎﻃﻴﻤﺎ ﺑﺨﻮﻑ : ﺃﻧﺎ .. ﺃﻧﺎ ﺍﺗﻜﻌﺒﻠﺖ ﻭ .. ﺁﺁﺁ ..
- ﻣﺮﻭﺍﻥ ﻣﺘﺪﺧﻼً : ﺧﻼﺹ ﺣﺼﻞ ﺧﻴﺮ
- ﻧﻴﺮﺓ ﻣﺘﺠﺎﻫﻠﺔ ﺍﻳﺎﻩ : ﺃﻋﻤﻞ ﺃﻧﺎ ﺍﻳﻪ ﺍﻟﻮﻗﺘﻲ ؟؟ ﺍﻛﻤﻞ ﺑﻘﻴﺖ ﺍﻟﺮﺣﻠﺔ ﺍﺯﺍﻱ ؟؟
- ﻓﺎﻃﻴﻤﺎ ﻭﻗﺪ ﺗﺮﻗﺮﺕ ﺍﻟﺪﻣﻮﻉ ﻓﻲ ﻋﻴﻨﻴﻬﺎ : ﺳﻮﺭﻱ ﻳﺎ ﻧﻴﺮﺓ
ﺭﺑﺖ ﻣﺮﻭﺍﻥ ﻋﻠﻰ ﻛﺘﻒ ﻓﺎﻃﻴﻤﺎ ﻣﺤﺎﻭﻻً ﺍﻟﺘﺨﻔﻴﻒ ﻣﻦ ﺣﺪﺓ ﺍﻟﻤﻮﻗﻒ ، ﻭﻟﻜﻦ ﻇﻠﺖ ﻧﻴﺮﺓ ﺗﺴﺐ ﻭﺗﻠﻌﻦ ﻭ ..
- ﻧﻴﺮﺓ : ﻛﺎﻥ ﻳﻮﻡ ﺍﺳﻮﺩ ﻳﻮﻡ ﻣﺎ ﻃﻠﻌﻨﺎ ﺍﻟﺮﺣﻠﺔ ﺩﻱ ، ﻛﻞ ﺣﺎﺟﺔ ﻓﻴﻬﺎ ﻣﺎﺷﻴﺔ ﺑﺎﻟﻌﻜﺲ ﻣﻌﺎﻧﺎ، ﻣﺎﻓﻴﺶ ﺣﺎﺟﺔ ﻋﺪﻟﺔ ﺷﻮﻓﺘﻬﺎ ﻃﻮﻝ ﺍﻟﻴﻮﻡ
- ﻣﺮﻭﺍﻥ : ﺩﻱ ﺣﺎﺟﺔ ﺑﺴﻴﻄﺔ ، ﻣﺶ ﻣﺴﺘﺎﻫﻠﺔ ﺍﻟﻌﺼﺒﻴﺔ ﺩﻱ ﻛﻠﻬﺎ
- ﻧﻴﺮﺓ ﻣﻠﺘﻔﺘﺔ ﺇﻟﻴﻪ : ﻭﺍﻧﺖ ﻣﺎﻟﻚ ؟؟ ﺩﻱ ﺣﺎﺟﺔ ﺑﻴﻨﻲ ﻭﺑﻴﻦ ﺍﺧﺘﻲ ، ﻭﺑﻌﺪﻳﻦ ﺷﻴﻞ ﺍﻳﺪﻙ ﻣﻦ ﻋﻠﻴﻬﺎ
- ﻣﺮﻭﺍﻥ ﺑﻨﻈﺮﺍﺕ ﻧﺎﺭﻳﺔ : ﻧﻌﻢ ؟؟
- ﻧﻴﺮﺓ ﻭﻫﻲ ﺗﺠﺬﺏ ﺍﺧﺘﻬﺎ : ﺍﻧﺖ ﺳﻤﻌﺘﻨﻲ ﻛﻮﻳﺲ .. ﺍﻭﻋـــﻰ ﻛﺪﻩ !
- ﻧﺪﻯ : ﺑﺎﻟﺮﺍﺣﺔ ﻳﺎ ﻧﻴﺮﺓ
ﺟﺬﺑﺖ ﻧﻴﺮﺓ ﺍﺧﺘﻬﺎ ﻓﺎﻃﻴﻤﺎ ﺇﻟﻴﻬﺎ ، ﻭﻇﻠﺖ ﺗﻮﺑﺨﻬﺎ ﻋﻠﻰ ﻣﺎ ﻓﻌﻠﺖ ، ﻓﻲ ﺣﻴﻦ ﻛﻮﺭ ﻣﺮﻭﺍﻥ ﻗﺒﻀﺘﻲ ﻳﺪﻩ ﻓﻲ ﻏﻀﺐ ، ﻭﺣﺎﻭﻝ ﺃﻥ ﻳﺘﺤﻜﻢ ﻓﻲ ﺃﻋﺼﺎﺑﻪ ﺃﻣﺎﻡ ﺍﻟﺠﻤﻴﻊ ..
- ﻧﺪﻯ ﻭﻫﻲ ﺗﺤﺎﻭﻝ ﺗﻬﺪﺋﺘﻬﺎ : ﺍﻟﺤﻤﺪ ﻟﻠﻪ ﺍﻥ ﺍﺣﻨﺎ ﺭﺍﻳﺤﻴﻦ ﺍﻟﻤﻮﻝ ﺩﻟﻮﻗﺘﻲ ، ﺗﻘﺪﺭﻱ ﺗﺸﺘﺮﻱ ﻣﻦ ﻫﻨﺎﻙ ﺍﻱ ﺣﺎﺟﺔ
- ﻧﻴﺮﺓ ﺑﻀﻴﻖ : ﻭﻫﻮ ﺍﻟﻤﻮﻝ ﺩﻩ ﺣﺎﺟﺘﻪ ﺑﺒﻼﺵ ﻳﺎ ﻧﺪﻯ ، ﻣﺎ ﺍﻧﺘﻲ ﻋﺎﺭﻓﺔ ﺍﻟﻠﻲ ﻓﻴﻬﺎ ، ﻭﺑﻌﺪﻳﻦ ﺍﺣﻨﺎ ﻛﻨﺎ ﻋﺎﻭﺯﻳﻦ ﻧﺠﻴﺒﻠﻚ ﺍﻧﺘﻲ ﺑﻠﻮﺯﺓ ﻭﻻ ﻗﻤﻴﺺ ﺑﺪﻝ ﺍﻟﺒﺘﺎﻋﺔ ﺍﻟﻠﻲ ﺍﺗﺒﻬﺪﻟﺖ
- ﻧﺪﻯ ﻭﻫﻲ ﺗﺘﺄﻣﻞ ﻧﻔﺴﻬﺎ : ﻣﺶ ﻣﻬﻢ ﺃﻧﺎ .. ﺃﺩﻳﻨﻲ ﻣﺴﺘﻮﺭﺓ ﺍﻫﻮ ﺑﺎﻟﺘﻲ ﺷﻴﺮﺕ ﺍﻟﻠﻲ ﻻﺑﺴﺎﻩ
- ﻧﻴﺮﺓ : ﺍﻭﻭﻭﻑ .. ﻳﻮﻡ ﻣﺎ ﻳﻌﻠﻢ ﺑﻴﻪ ﺇﻻ ﺭﺑﻨﺎ !
- ﻧﺪﻯ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ، ﻳﺎ ﺭﺏ ﻋﺪﻳﻬﺎ ﻉ ﺧﻴﺮ
ﻛﺎﻧﺖ ﻓﺎﻃﻴﻤﺎ ﺗﺒﻜﻲ ﻣﻦ ﻛﻼﻡ ﻧﻴﺮﺓ ﻟﻬﺎ ، ﻓﺼﺎﺣﺖ ﺑﻬﺎ ﻧﻴﺮﺓ ﻣﺤﺬﺭﺓ ﺑــ ..
- ﻧﻴﺮﺓ ﻟﻔﺎﻃﻴﻤﺎ : ﺍﺗﻨﻴﻠﻲ ﺍﺳﻜﺘﻲ ﺑﻘﻰ ، ﺻﺪﻋﺘﻴﻨﻲ
- ﻓﺎﻃﻴﻤﺎ : ﺍﻫﻲﺀ .. ﺍﻫﻲﺀ
- ﻧﺪﻯ : ﺑﺲ ﻳﺎ ﻧﻴﺮﺓ ، ﺗﻌﺎﻟﻲ ﻳﺎ ﻃﻤﻄﻢ
- ﻓﺎﻃﻴﻤﺎ ﺑﺒﻜﺎﺀ : ﻭﺍﻟﻠﻪ ﻣﺎ ﻛﻨﺖ ﺃﻗﺼﺪ
- ﻧﺪﻯ : ﺍﻧﺎ ﻋﺎﺭﻓﺔ .. ﺍﻣﺴﺤﻲ ﺑﺲ ﺩﻣﻮﻋﻚ
- ﻓﺎﻃﻴﻤﺎ : ﻃﻴﺐ ..
..............................
ﻭﺻﻠﺖ ﺍﻟﺤﺎﻓﻠﺔ ﺇﻟﻰ ﻣﻨﻄﻘﺔ ﺳﺎﻥ ﺳﺘﻴﻔﺎﻧﻮ ، ﻭﺗﺮﺟﻞ ﺍﻟﺠﻤﻴﻊ ﻣﻨﻬﺎ ، ﻭﺩﻟﻔﻮﺍ ﺇﻟﻰ ﺩﺍﺧﻞ ﺍﻟﻤﻮﻝ ﻟﻴﺒﺪﺃﻭﺍ ﻓﻲ ﺟﻮﻟﺘﻬﻢ ﺍﻟﺤﺮﺓ ﻫﻨﺎﻙ ..
ﺗﻮﺟﻬﺖ ﻧﺪﻯ ﻣﻊ ﻧﻴﺮﺓ ﺇﻟﻰ ﺃﺣﺪ ﺍﻟﻤﺤﺎﻝ ﺍﻟﺘﺠﺎﺭﻳﺔ ﺍﻟﺨﺎﺻﺔ ﺑﺒﻴﻊ ﺍﻟﻠﺒﺲ ﺍﻟﺤﺮﻳﻤﻲ ﻟﻜﻲ ﻳﺸﺘﺮﻭﺍ ﺷﻴﺌﺎ ﻣﻨﺎﺳﺒﺎً ﻟﻨﻴﺮﺓ ﺑﺪﻝ ﺫﺍﻙ ﺍﻟﺬﻱ ﺃﻓﺴﺪﺗﻪ ﻓﺎﻃﻴﻤﺎ ﺩﻭﻥ ﻗﺼﺪ ..
ﻛﺎﻧﺖ ﺍﻷﺷﻌﺎﺭ ﺑﺎﻫﻈﺔ ، ﻭﺑﺎﻟﺘﺎﻟﻲ ﻛﺎﻧﺖ ﺍﻟﺨﻴﺎﺭﺍﺕ ﻣﺤﺪﻭﺩﺓ ﺃﻣﺎﻡ ﻧﻴﺮﺓ ﻟﻜﻲ ﺗﻨﺘﻘﻲ ﺷﻴﺌﺎً ﻣﻨﺎﺳﺒﺎً ﻟﻬﺎ ﻓﻲ ﺍﻟﺴﻌﺮ ..
ﺍﺑﺘﺎﻋﺖ ﻧﻴﺮﺓ ﺑﻨﻄﺎﻻً ﻣﻦ ﺍﻟﺠﻴﻨﺰ ﺫﻭ ﺍﻟﻠﻮﻥ ﺍﻷﺯﺭﻕ ﺍﻟﺴﻤﺎﻭﻱ ، ﻭﻛﺬﻟﻚ ﻗﻤﻴﺼﺎً ﻗﺼﻴﺮﺍً ﻧﻮﻋﺎً ﻣﺎ ﻭﻣﻘﺎﺭﺑﺎً ﻟﻠﻮﻥ ﺍﻟﺠﻴﻨﺰ ، ﺛﻢ ﺑﺪﻟﺖ ﻣﻼﺑﺴﻬﺎ ﻓﻲ ﺍﻟﻤﺤﻞ ﻭ ...
- ﻧﺪﻯ ﺑﻌﺪ ﺃﻥ ﺭﺃﺕ ﻣﺎ ﺍﺭﺗﺪﺗﻪ ﻧﻴﺮﺓ : ﻭﺍﻭ .. ﺷﻜﻠﻪ ﺗﺤﻔﺔ ﻋﻠﻴﻜﻲ
- ﻓﺎﻃﻴﻤﺎ : ﺟﻤﻴﻴﻴﻞ ﺃﻭﻱ ﻋﻠﻴﻜﻲ
- ﻧﻴﺮﺓ ﻭﻫﻲ ﺗﺘﺄﻣﻞ ﺷﻜﻠﻬﺎ ﻓﻲ ﺍﻟﻤﺮﺁﺓ : ﻣﻤﻢ .. ﺍﻫﺎ ، ﺑﺲ ﺍﻟﻤﻬﻢ ﺳﻌﺮﻩ ﻛﺎﻡ ؟
- ﻧﺪﻯ : ﺗﻌﺎﻟﻲ ﻧﺸﻮﻑ
ﺗﻮﺟﻬﺖ ﺍﻟﻔﺘﻴﺎﺕ ﺇﻟﻰ ﺍﻟﺒﺎﺋﻌﺔ ﻟﻴﻌﺮﻓﻦ ﺛﻤﻦ ﺗﻠﻚ ﺍﻟﻤﻼﺑﺲ ﻭﺍﻟﺬﻱ ﻣﻌﻘﻮﻻً ﺇﻟﻰ ﺣﺪ ﻣﺎ ﻓﺎﺳﺘﻄﺎﻋﻮﺍ ﺷﺮﺍﺋﻬﻢ ، ﺛﻢ ﺧﺮﺟﻮﺍ ﻣﻦ ﺍﻟﻤﺤﻞ ﻭ ..
- ﻧﻴﺮﺓ : ﺳﻮﺭﻱ ﻳﺎ ﻧﺪﻯ ، ﺃﻧﺎ ﺗﻘﺮﻳﺒﺎً ﺧﻠﻴﺘﻚ ﺗﺼﺮﻓﻲ ﻛﻞ ﺍﻟﻠﻲ ﻣﻌﺎﻛﻲ
- ﻧﺪﻯ : ﻭﻻ ﻳﻬﻤﻚ ، ﺍﻟﻤﻬﻢ ﺗﻜﻮﻧﻲ ﻣﺒﺴﻮﻃﺔ ﺍﻟﻮﻗﺘﻲ
- ﻧﻴﺮﺓ : ﺍﻫﻲ ﺩﻱ ﺍﻟﺤﺎﺟﺔ ﺍﻟﻌﺪﻟﺔ ﺍﻟﻠﻲ ﻃﻠﻌﺖ ﺑﻴﻬﺎ ﻣﻦ ﺍﻟﺮﺣﻠﺔ ﺩﻱ
- ﻓﺎﻃﻴﻤﺎ : ﻫﻨﻌﻤﻞ ﺍﻳﻪ ﺍﻟﻮﻗﺘﻲ ؟
- ﻧﺪﻯ : ﻭﻻ ﺣﺎﺟﺔ ، ﻫﻨﺘﻤﺸﻰ ﻭﻧﻀﻴﻊ ﻭﻗﺖ ﻟﺤﺪ ﻣﺎ ﻳﺠﻲ ﻣﻌﺎﺩ ﺍﻟﺘﺠﻤﻊ
- ﻓﺎﻃﻴﻤﺎ : ﻳﻌﻨﻲ ﻣﺶ ﻫﺎﺷﺘﺮﻱ ﻟﻌﺒﺔ ﻣﻦ ﻫﻨﺎ
- ﻧﻴﺮﺓ ﻭﻫﻲ ﺗﺤﺎﻭﻝ ﺇﻏﺎﻇﺔ ﻓﺎﻃﻴﻤﺎ : ﻷ .. ﻋﺸﺎﻥ ﺍﻧﺘﻲ ﻳﺎ ﺯﺋﺮﺩﺓ ﺑﻮﻇﺘﻲ ﻫﺪﻭﻣﻲ ﻭﻓﻠﻮﺳﻨﺎ ﺭﺍﺣﺖ ﻉ ﺍﻟﻠﺒﺲ ﺩﻩ
- ﻓﺎﻃﻴﻤﺎ ﻭﻫﻲ ﺗﺰﻡ ﺷﻔﺘﻴﻬﺎ : ﻳﻌﻨﻲ ﺍﻧﺘﻲ ﺗﻠﺒﺴﻲ ﻭﺗﺘﺒﺴﻄﻲ ﻭﺃﻧﺎ ﻣﺎﺷﺘﺮﻳﺶ ﻋﺮﻭﺳﺔ ﺣﺘﻰ
- ﻧﺪﻯ ﺑﺮﻗﺔ : ﻣﻌﻠﺶ ﻳﺎ ﻃﻤﻄﻢ ﺃﻧﺎ ﻫﺎﺑﻘﻰ ﺍﺟﻴﺒﻠﻚ ﻭﺍﺣﺪﺓ ﺃﻣﺎ ﻧﺮﻭﺡ ﺑﻴﺘﻨﺎ
- ﻓﺎﻃﻴﻤﺎ ﻭﻫﻲ ﺗﺮﻛﻞ ﺑﻘﺪﻣﻴﻬﺎ ﺍﻷﺭﺽ : ﻣﺎﻟﻴﺶ ﺩﻋﻮﺓ ﺃﻧﺎ ﻋﺎﻭﺯﺓ ﻟﻌﺒﺔ
- ﻧﻴﺮﺓ : ﺍﺳﻜﺘﻲ ﻳﺎ ﺑﺖ ، ﺍﻧﺘﻲ ﺍﻟﺴﺒﺐ !
- ﻧﺪﻯ : ﺧﻼﺹ ﻳﺎ ﻧﻴﺮﺓ ، ﺍﻧﺘﻲ ﻣﺶ ﺍﺷﺘﺮﻳﺘﻲ ﺣﺎﺟﺔ ﺟﺪﻳﺪﺓ ، ﻣﺎﻓﻴﺶ ﺩﺍﻋﻲ ﻛﻞ ﺷﻮﻳﺔ ﺗﺸﺪﻱ ﻣﻊ ﺍﺧﺘﻚ
- ﻧﻴﺮﺓ : ﺍﻭﻭﻑ
- ﻧﺪﻯ ﻟﻔﺎﻃﻴﻤﺎ : ﺍﻭﻋﺪﻙ ﻳﺎ ﻃﻤﻄﻢ ﺍﻧﻲ ﻫﺎﺟﻴﺒﻠﻚ ﻟﻌﺒﺔ ﺣﻠﻮﺓ ، ﺧﻼﺹ ؟
- ﻓﺎﻃﻴﻤﺎ ﻋﻠﻰ ﻣﻀﺾ : ﻣﺎﺷﻲ
............................
ﻓﻲ ﻧﻔﺲ ﺍﻟﻮﻗﺖ ﺑﺎﻟﻤﻮﻝ ،،
ﺩﻟﻒ ﻳﻮﺳﻒ ﺇﻟﻰ ﺩﺍﺧﻞ ﺃﺣﺪ ﻣﺤﺎﻝ ﺍﻟﻤﻼﺑﺲ ﺍﻟﺤﺮﻳﻤﻲ ﻟﻜﻲ ﻳﻨﺘﻘﻲ ﺷﻴﺌﺎً ﻣﺎ ﻣﻤﻴﺰﺍً ﻟﻨﺪﻯ .. ﻫﻮ ﻳﻌﻠﻢ ﺃﻧﻬﺎ ﺗﺸﻌﺮ ﺑﺎﻟﺨﺠﻞ ﻻﺭﺗﺪﺍﺋﻬﺎ ( ﺗﻲ ﺷﻴﺮﺗﻪ ) ، ﻭﻷﻧﻪ ﻳﺒﺮﺯ ﺗﻔﺎﺻﻴﻞ ﺟﺴﺪﻫﺎ ﺑﻄﺮﻳﻘﺔ ﺗﺜﻴﺮﻩ ﻫﻮ ﺷﺨﺼﻴﺎً ﻗﺮﺭ ﺃﻥ ﻳﺸﺘﺮﻱ ﻟﻬﺎ ﻭﺷﺎﺣﺎً ﺻﻴﻔﻴﺎً ﺫﻭ ﻟﻮﻥ ﺃﺣﻤﺮ ﻗﺎﻧﻲ ﻭﻣﺸﺒﺢ ﺑﺨﻄﻮﻁ ﺑﻴﻀﺎﺀ ﻟﺘﻀﻌﻪ ﻋﻠﻰ ﻛﺘﻔﻬﺎ ﻭﺗﺪﺍﺭﻱ ﺑﻬﺎ ﺟﺴﺪﻫﺎ ﺩﻭﻥ ﺃﻥ ﺗﻀﻄﺮ ﻟﺨﻠﻊ ﺗﻲ ﺷﻴﺮﺗﻪ ﺃﻭ ﺍﺭﺗﺪﺍﺀ ﺷﻲﺀ ﺃﺧﺮ .. ﻫﻮ ﻳﺮﻳﺪﻫﺎ ﺃﻥ ﺗﻈﻞ ﻣﺮﺗﺪﻳﺔ ﺷﻴﺌﺎً ﻳﺨﺼﻪ ﻷﻃﻮﻝ ﻣﺪﺓ ﻣﻤﻜﻨﺔ ...
- ﻳﻮﺳﻒ ﻭﻫﻮ ﻳﻌﻄﻴﻬﺎ ﺍﻟﻮﺷﺎﺡ : ﺃﻧﺎ ﻫﺎﺧﺪ ﺩﻩ
- ﺍﻟﺒﺎﺋﻌﺔ ﺑﻤﺪﺡ : ﺫﻭﻗﻚ ﺗﺤﻔﺔ
- ﻳﻮﺳﻒ : ﺷﻜﺮﺍً
- ﺍﻟﺒﺎﺋﻌﺔ : ﺣﻀﺮﺗﻚ ﻫﺘﺪﻓﻊ ﻛﺎﺵ ﻭﻻ ﺑﻜﺎﺭﺕ ﻓﻴﺰﺍ
- ﻳﻮﺳﻒ : ﻷ ﻓﻴﺰﺍ !
- ﺍﻟﺒﺎﺋﻌﺔ : ﺍﻭﻙ ..
- ﻳﻮﺳﻒ ﺑﺎﺑﺘﺴﺎﻣﺔ ﻋﻔﻮﻳﺔ : ﻣﻤﻜﻦ ﺗﺸﻴﻠﻲ ﺍﻟﺴﻌﺮ ﻣﻦ ﻋﻠﻴﻪ ﻭﺍﻟﻔﺎﺗﻮﺭﺓ ﻛﻤﺎﻥ ﺃﺻﻠﻪ ﻫﺪﻳﺔ ﻟﻤﺮﺍﺗﻲ
- ﺍﻟﺒﺎﺋﻌﺔ ﻣﺒﺘﺴﻤﺔ ﻣﺼﻄﻨﻌﺔ : ﺣﺎﺿﺮ ﻳﺎ ﻓﻨﺪﻡ ..
................
ﺍﻧﺘﻬﻰ ﻳﻮﺳﻒ ﻣﻦ ﺍﻟﺘﺴﻮﻕ ﻭﻭﺟﺪ ﻣﺮﻭﺍﻥ ﻫﻮ ﺍﻷﺧﺮ ﻗﺪ ﺍﻧﺘﻘﻰ ﻟﻨﻔﺴﻪ ﻣﻼﺑﺲ ﺟﺪﻳﺪﺓ ، ﺣﻴﺚ ﺑﺪﻝ ﺑﻨﻄﺎﻟﻪ ﺍﻟﺠﻴﻨﺰ ﺑـ ( ﺷﻮﺭﺕ ﺫﻭ ﻟﻮﻥ ﺯﻳﺘﻮﻧﻲ ﻗﺎﺗﻢ ) ﻭ ﺍﺭﺗﺪﻯ ﻣﻦ ﻓﻮﻗﻪ ﺗﻲ ﺷﻴﺮﺕ ﺃﺑﻴﺾ ﺍﻟﻠﻮﻥ ﻭ ...
- ﻳﻮﺳﻒ : ﻟﺤﻘﺖ ﺗﺸﺘﺮﻱ ﻭﺗﻐﻴﺮ ﻫﺪﻭﻣﻚ ﻛﻤﺎﻥ ؟
- ﻣﺮﻭﺍﻥ : ﻃﺒﻌﺎً ، ﻣﺎ ﺍﻧﺖ ﻋﺎﺭﻑ ﺑﻌﺪ ﻛﺪﻩ ﻫﻨﻄﻠﻊ ﻉ ﺍﻟﻤﻨﺘﺰﻩ ، ﻭﺩﻩ ﻋﺎﻭﺯ ﺍﺳﺘﻌﺪﺍﺩ ﻣﻌﻴﻦ
- ﻳﻮﺳﻒ ﻭﻫﻮ ﻳﻬﺰ ﺭﺃﺳﻪ : ﻣﻤﻢ .. ﻗﻮﻟﺘﻠﻲ ﺑﻘﻰ
- ﻣﺮﻭﺍﻥ ﻭﻫﻮ ﻳﻨﻈﺮ ﻟﻸﻛﻴﺎﺱ ﺍﻟﺘﻲ ﺑﺤﻮﺯﺓ ﻳﻮﺳﻒ : ﻭﺍﻧﺖ ﺑﻘﻰ ﺍﺷﺘﺮﻳﺖ ﺍﻳﻪ ؟
- ﻳﻮﺳﻒ ﻣﺤﺎﻭﻻً ﺍﺧﻔﺎﺀ ﺍﻟﺤﻘﺎﺋﺐ : ﻫــﻪ .. ﺁﺁﺁ .. ﻋﺎﺩﻱ ﻳﻌﻨﻲ
- ﻣﺮﻭﺍﻥ ﺑﻐﻤﺰﺓ : ﺣﺎﺟﺔ ﻟﻠﻤﺪﺍﻡ ﻭﻻ ﺍﻳﻪ ؟
- ﻳﻮﺳﻒ ﻣﺒﺘﺴﻤﺎ : ﻳﻌﻨﻲ
- ﻣﺮﻭﺍﻥ : ﻳﺒﺎﺭﻛﻠﻪ ﻳﺎ ﺳﻴﺪﻱ
...............
ﺍﻧﺘﻬﻰ ﺍﻟﻮﻗﺖ ﺍﻟﻤﺨﺼﺺ ﻟﻠﺘﺴﻮﻕ ﻓﻲ ﺍﻟﻤﻮﻝ ، ﻭﺗﺠﻤﻊ ﺍﻟﺠﻤﻴﻊ ﺃﻣﺎﻡ ﺍﻟﺤﺎﻓﻼﺕ ﻟﻼﻧﻄﻼﻕ ﻟﻠﻮﺟﻬﺔ ﺍﻟﺘﺎﻟﻴﺔ ..
ﻛﺎﻧﺖ ﻧﺪﻯ ﺗﺘﻮﻗﻊ ﺃﻥ ﺗﺮﻯ ﻋﻼﺀ ﺑﻴﻦ ﺍﻟﻤﺘﻮﺍﺟﺪﻳﻦ ،ﻇﻠﺖ ﺗﺒﺤﺚ ﻋﻨﻪ ﻭﻟﻜﻨﻬﺎ ﻟﻢ ﺗﻠﻤﺤﻪ ﺇﻟﻰ ﺍﻵﻥ ، ﺷﻌﺮﺕ ﺑﺎﻟﻄﻤﺄﻧﻴﺔ ﻷﻧﻬﺎ ﻟﻦ ﺗﻀﻄﺮ ﻟﻼﺧﺘﺒﺎﺀ ﻣﻨﻪ ﺃﻭ ﺣﺘﻰ ﻣﺤﺎﻭﻟﺔ ﺇﺩﻋﺎﺀ ﺍﻧﻬﺎ ﺗﺮﻳﺪ ﺍﻻﺭﺗﺒﺎﻁ ﺑﻪ ﻣﺠﺪﺩﺍً ﺧﺎﺻﺔ ﺍﻣﺎﻡ ﻳﻮﺳﻒ ...
- ﻧﻴﺮﺓ : ﺑﺘﺒﺼﻠﻲ ﻋﻠﻰ ﺍﻳﻪ ؟
- ﻧﺪﻯ ﺑﺼﻮﺕ ﺧﺎﻓﺖ : ﺑﺸﻮﻑ ﺍﻥ ﻛﺎﻥ ﻋﻼﺀ ﻭﺍﻗﻒ ﻫﻨﺎ ﻭﻻ ﻫﻨﺎ
- ﻧﻴﺮﺓ : ﺍﻋﻮﺫﻭ ﺑﺎﻟﻠﻪ ، ﺑﻼﺵ ﺍﻟﺴﻴﺮﺓ ﺍﻟﻠﻲ ﺗﻌﻜﺮ ﺍﻟﻤﺰﺍﺝ ﺩﻱ
- ﻧﺪﻯ : ﺍﻟﺤﻤﺪﻟﻠﻪ ، ﻫﻮ ﻣﺶ ﺑﺎﻳﻦ ﻟﺤﺪ ﺍﻟﻮﻗﺘﻲ
- ﻧﻴﺮﺓ : ﺍﺣﺴﻦ ، ﺭﺑﻨﺎ ﻳﺎﺧﺪﻩ ﻭﻣﺎﻧﺸﻮﻓﺶ ﺧﻠﻘﺘﻪ ﺃﺑﺪﺍً
- ﻧﺪﻯ : ﻃﺐ ﻳﺎﻻ ﺑﻴﻨﺎ ﻧﻄﻠﻊ ﻉ ﺍﻟﺒﺎﺹ
- ﻧﻴﺮﺓ : ﺍﻭﻙ
...............................
ﻓﻲ ﺍﻟﺤﺎﻓﻠﺔ ،،،
ﻣﺮﺓ ﺃﺧﺮﻯ ﻭﻗﻒ ﻳﻮﺳﻒ ﻓﻲ ﻣﻨﺘﺼﻒ ﺍﻟﺤﺎﻓﻠﺔ ﻟﻴﺨﺒﺮ ﺍﻟﺠﻤﻴﻊ ﻋﻦ ﺍﻟﻤﻜﺎﻥ ﺍﻟﺘﺎﻟﻲ ﻓﻲ ﺑﺮﻧﺎﻣﺞ ﺍﻟﺮﺣﻠﺔ ﻭ ..
- ﻳﻮﺳﻒ ﺑﺼﻮﺕ ﺣﺎﺩ : ﺍﻥ ﺷﺎﺀ ﺍﻟﻠﻪ ﺍﻟﻮﻗﺘﻲ ﺍﺣﻨﺎ ﺭﺍﻳﺤﻴﻦ ﻉ ﺍﻟﻤﻨﺘﺰﻩ
ﺻﺎﺡ ﺍﻟﺠﻤﻴﻊ ﺑﺴﻌﺎﺩﺓ ، ﻓﻤﻨﻄﻘﺔ ﺍﻟﻤﻨﺘﺰﻩ ﻣﻦ ﺍﻟﻤﻨﺎﻃﻖ ﺍﻟﺸﻬﻴﺮﺓ ﺑﺎﻻﺳﻜﻨﺪﺭﻳﺔ ﻭﺗﻌﺘﺒﺮ ﻣﻦ ﺍﻟﻤﺰﺍﺭﺍﺕ ﺍﻟﻤﻔﻀﻠﺔ ﻟﻠﺠﻤﻴﻊ ﺣﻴﺚ ﺍﻟﺤﺪﺍﺋﻖ ﺍﻟﻤﻠﻜﻴﺔ ﺍﻟﺨﻼﺑﺔ ﻭﺍﻟﺸﻮﺍﻃﻲﺀ ﺍﻟﺴﺎﺣﺮﺓ .. ﻟﺬﺍ ﻛﺎﻥ ﻳﺘﻮﻗﻊ ﻳﻮﺳﻒ ﺃﻥ ﻳﺴﺘﻤﺘﻊ ﺍﻟﺠﻤﻴﻊ ﺑﺄﻭﻗﺎﺗﻬﻢ ﻫﻨﺎﻙ ..
ﻓﻲ ﻧﻔﺲ ﺍﻟﻮﻗﺖ ﻛﺎﻥ ﻳﺪﻭﺭ ﺷﻴﺌﺎً ﻣﺎ ﻓﻲ ﺭﺃﺱ ﻣﺮﻭﺍﻥ ، ﻇﻞ ﻳﺨﺘﻠﺲ ﺍﻟﻨﻈﺮ ﻟﻨﻴﺮﺓ ﻣﻦ ﺣﻴﻦ ﻷﺧﺮ ﻭﻫﻮ ﻳﺘﻌﻬﺪ ﺑــ ..
- ﻣﺮﻭﺍﻥ ﻓﻲ ﻧﻔﺴﻪ : ﺣﻠﻮ ﺃﻭﻱ ، ﺍﻟﻤﻨﺘﺰﻩ ﺩﻩ ﻟﻌﺒﺘﻲ .. ﻭﻗﺴﻤﺎً ﺑﺎﻟﻠﻪ ﻳﺎ ﻧﻴﺮﺓ ﻟﻬﺨﻠﻴﻜﻲ ﺗﻨﺪﻣﻲ ﻉ ﻛﻼﻣﻚ ﺍﻟﻠﻲ ﻗﻮﻟﺘﻴﻪ .. ﻭﻫﺎﻋﺮﻓﻚ ﺇﻧﻲ ﻟﻤﺎ ﺃﻗﻮﻝ ﺍﻧﻚ ﻣﺴﺌﻮﻟﻴﺘﻲ ﻳﺒﻘﻰ ﺃﻧﺎ ﺭﺍﺟﻞ ﻭ ﺃﺩ ﻛﻼﻣﻲ ﺩﻩ
