ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ،،،،
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ،،،
ﺍﺗﺼﻞ ﺍﻟﺴﺎﺋﻖ ﻣﺠﺪﻱ ﺑﺼﻼﺡ ﻟﻴﺒﻠﻐﻪ ﺑﺄﻧﻪ ﻟﻦ ﻳﺴﺘﻄﻴﻊ ﺃﻥ ﻳﻮﺻﻞ ﺍﻟﻔﺘﻴﺎﺕ ﻟﻤﺪﺍﺭﺳﻬﻦ ﻻﺳﺘﻤﺮﺍﻩ ﻓﻲ ﺍﻟﺴﻔﺮ
- ﻣﺠﺪﻱ : ﻏﺼﺐ ﻋﻨﻲ ﻳﺎ ﺑﺎﺷﺎ ، ﻟﺴﻪ ﻣﺮﺟﻌﺘﺶ ﻣﻦ ﺍﻟﺒﻠﺪ
- ﺻﻼﺡ : ﻣﺎﺷﻲ ﻳﺎ ﻣﺠﺪﻱ ، ﻟﻤﺎ ﺗﺨﻠﺚ ﺍﻟﻠﻲ ﻭﺭﺍﻙ ﻭﺗﺮﺟﻊ ﺑﺎﻟﺴﻼﻣﺔ ﻋﺮﻓﻨﻲ
- ﻣﺠﺪﻱ : ﺃﻩ ﻃﺒﻌﺎً
ﺃﻧﻬﻰ ﻣﺠﺪﻱ ﺍﻟﻤﻜﺎﻟﻤﺔ ﻭﻫﻮ ﺷﺒﻪ ﻣﻄﻤﺌﻦ ﻣﻦ ﻋﺪﻡ ﻭﺟﻮﺩ ﺃﻱ ﻣﺸﺎﻛﻞ ﻭ ...
- ﻣﺠﺪﻱ ﻓﻲ ﻧﻔﺴﻪ : ﺍﻟﻈﺎﻫﺮ ﺍﻥ ﺍﻟﺒﺖ ﺍﻟﺼﻐﻴﺮﺓ ﻣﻘﺎﻟﺘﺶ ﺣﺎﺟﺔ ، ﻳﻮﻣﻴﻦ ﻛﻤﺎﻥ ﻛﺪﻩ ﻭﺍﻋﻤﻞ ﻓﻴﻬﺎ ﻣﺴﺘﻌﺒﻂ ﻭﺃﻛﻠﻤﻪ ﻭﺃﺷﻮﻑ ﺍﻟﻨﻈﺎﻡ ﺍﻳﻪ
............
ﺗﻮﺟﻬﺖ ﻧﻴﺮﺓ ﻣﻊ ﺍﺧﺘﻬﺎ ﺍﻟﺼﻐﺮﻯ ﻓﺎﻃﻴﻤﺎ ﺇﻟﻰ ﻣﺪﺭﺳﺘﻴﻬﻤﺎ ﺑﺼﺤﺒﺔ ﻭﺍﻟﺪﻳﻬﻤﺎ ..
- ﻓﺎﻃﻴﻤﺎ : ﺩﻩ ﺍﺣﻠﻰ ﻳﻮﻡ ﺭﻭﺣﺖ ﻓﻴﻪ ﺍﻟﻤﺪﺭﺳﺔ ﺍﻟﻨﻬﺎﺭﺩﺓ
- ﺻﻼﺡ : ﻟﻴﻪ ﻳﺎ ﻃﻤﻄﻢ
- ﻓﺎﻃﻴﻤﺎ : ﻋﺸﺎﻥ ﺍﻧﺖ ﺍﻟﻠﻲ ﻫﺘﻮﺻﻠﻨﻲ ﻳﺎ ﺑﺎﺑﺎ
- ﺻﻼﺡ : ﺣﺒﻴﺒﺘﻲ ﻳﺎ ﻃﻤﻄﻢ
- ﻧﻴﺮﺓ : ﺍﻭﻣﺎﻝ ﻫﺎﺗﻴﺠﻲ ﺗﺎﺧﺪﻧﺎ ﻳﺎ ﺑﺎﺑﺎ ﻭﻻ ﻫﻨﻌﻤﻞ ﺍﻳﻪ ؟
- ﺻﻼﺡ : ﻛﻠﻤﻴﻨﻲ ﻗﺒﻞ ﻣﺎ ﺗﺮﻭﺣﻲ ﻭﺃﻧﺎ ﻫﺎﺷﻮﻑ ﺍﻥ ﻛﻨﺖ ﻓﺎﺿﻲ ﻫﺎﻋﺪﻱ ﺃﺟﻴﺒﻜﻢ ﻣﻦ ﺍﻟﻤﺪﺭﺳﺔ
- ﻧﻴﺮﺓ : ﻃﻴﺐ
- ﺻﻼﺡ : ﻭﺍﻧﺘﻲ ﻳﺎ ﻃﻤﻄﻢ ﻣﺎﺗﺨﺮﺟﻴﺶ ﻣﻦ ﺑﺎﺏ ﺍﻟﻤﺪﺭﺳﺔ ﺇﻻ ﺍﺫﺍ ﺍﻧﺎ ﺟﻴﺖ ﺃﻭ ﺃﺧﺘﻚ ﻣﺎﺷﻲ
- ﻓﺎﻃﻴﻤﺎ : ﺣﺎﺿﺮ ، ﺑﺲ ﻭﺍﻟﻨﺒﻲ ﻳﺎ ﺑﺎﺑﺎ ﺍﻧﺖ ﺍﻟﻠﻲ ﺗﺠﻲ ﻣﻌﺎﻧﺎ ﻭﺗﺮﻭﺣﻨﺎ
- ﺻﻼﺡ : ﺭﺑﻨﺎ ﻳﺴﻬﻞ ﻳﺎ ﻃﻤﻄﻢ
- ﻓﺎﻃﻴﻤﺎ : ﻋﺸﺎﻥ ﺧﺎﻃﺮﻱ ، ﺍﻧﺎ ﻋﺎﻭﺯﺓ ﺃﺭﻭﺡ ﻣﻌﺎﻙ
- ﺻﻼﺡ : ﺍﺩﻋﻲ ﺭﺑﻨﺎ ﺃﺧﻠﺺ ﺑﺪﺭﻱ ﻭﺃﻧﺎ ﺃﺟﻴﻠﻚ
- ﻓﺎﻃﻴﻤﺎ : ﻳﺎﺍﺍﺍﺍﺍﺍﺍﺍﺍﺍ ﺭﺏ ﺗﺨﻠﺺ ﺑﺪﺭﻱ ﻳﺎ ﺑﺎﺑﺎ ﻳﺎ ﺭﺏ
- ﺻﻼﺡ : ﺃﻣﻴﻴﻴﻦ ﻳﺎ ﻃﻤﻄﻮﻭﻭﻣﺔ
...........
ﻗﺮﺭﺕ ﻧﺪﻯ ﺃﻥ ﺗﺬﻫﺐ ﺇﻟﻰ ﻛﻠﻴﺘﻬﺎ ﻟﺘﺄﺧﺬ ﻣﺎﻓﺎﺗﻬﺎ ﻣﻦ ﻣﺤﺎﺿﺮﺍﺕ ...
- ﻧﺪﻯ : ﻣﺎﻣﺎ ﺃﻧﺎ ﻫﺎﺭﻭﺡ ﺍﻟﻜﻠﻴﺔ ﺍﻟﻨﻬﺎﺭﺩﺓ ﺃﺷﻮﻑ ﺍﻟﻤﺤﺎﺿﺮﺍﺕ ﺍﻟﻠﻲ ﻓﺎﺗﺘﻨﻲ
- ﺯﻳﻨﺐ : ﻃﻴﺐ ﻳﺎ ﺣﺒﻴﺒﺘﻲ ﻣﺘﺘﺄﺧﺮﻳﺶ
- ﻧﺪﻯ : ﺣﺎﺿﺮ ، ﻫﺎﺧﻠﺺ ﻭﺍﺟﻲ ﻋﻠﻰ ﻃﻮﻝ
- ﺯﻳﻨﺐ : ﻣﺎﺷﻲ ﻳﺎ ﻗﻠﺒﻲ
.......
ﻓﻲ ﻣﺪﺭﺳﺔ ﻧﻴﺮﺓ ،،،،،
ﻛﺎﻧﺖ ﻧﻴﺮﺓ ﻣﺎﺯﺍﻟﺖ ﺗﻔﻜﺮ ﻓﻲ ﺍﻟﻠﺤﻦ ﺍﻟﺤﺰﻳﻦ ﻭﺭﺳﺎﻟﺘﻪ ﻟﻬﺎ ، ﻓﻘﻄﻌﺖ ﺗﻔﻜﻴﺮﻫﺎ ﻗﺪﻭﻡ ﻧﺴﻤﺔ ﻭﻣﻲ ﺇﻟﻴﻬﺎ ﻭ ...
- ﻧﺴﻤﺔ : ﺍﻟﺠﻤﻴﻞ ﺑﻴﻔﻜﺮ ﻓﻲ ﺍﻳﻪ
- ﻣﻲ : ﻣﻤﻢ ... ﺍﻛﻴﺪ ﺍﻟﺠﻮ ﺍﻟﺠﺪﻳﺪ
- ﻧﻴﺮﺓ ﺑﻌﺪﻡ ﻓﻬﻢ : ﺟﻮ ﻣﻴﻦ ﺩﻩ
- ﻧﺴﻤﺔ : ﺑﺲ ﻳﺎ ﻣﻲ ، ﻧﻴﺮﺓ ﻣﺎﻟﻬﺎﺵ ﻓﻲ ﺍﻟﻜﻼﻡ ﺩﻩ
- ﻧﻴﺮﺓ : ﺍﻧﺎ ﻣﺶ ﻓﺎﻫﻤﺔ ﺍﻧﺘﻮ ﺑﺘﻜﻠﻤﻮﺍ ﻋﻦ ﺍﻳﻪ ﺑﺎﻟﻈﺒﻂ
- ﻣﻲ : ﺍﺯﺍﻱ ﻣﺶ ﻓﺎﻫﻤﺔ ﻭﻓﻲ ﻋﺮﺑﻴﺎﺕ ﻭﺣﺮﻛﺎﺕ ﻛﺪﻩ ﻛﺎﻧﺖ ﺑﺘﺘﻌﻤﻞ ﺍﻣﺒﺎﺭﺡ
- ﻧﻴﺮﺓ : ﺃﻓﻨﺪﻡ ؟؟ ﺍﻧﺘﻲ ﺑﺘﻘﻮﻟﻲ ﺍﻳﻪ
- ﻫﺎﻟﺔ ﻣﻦ ﺑﻌﻴﺪ : ﺍﻟﺤﻘﻮﺍ ﻳﺎ ﺑﻨﺎﺕ
- ﻧﺴﻤﺔ : ﻓﻲ ﺍﻳﻪ؟؟
- ﻫﺎﻟﺔ : ﺍﻟﺒﺖ ﺩﻳﻨﺎ ﺍﻟﻠﻲ ﻓﻲ ﻓﺼﻞ 5/2
- ﻧﺴﻤﺔ : ﻣﺎﻟﻬﺎ
- ﻫﺎﻟﺔ : ﺍﺗﻤﺴﻜﺖ ﻫﻲ ﻭﻭﺍﺣﺪ ﻗﺪﺍﻡ ﺍﻟﻤﺪﺭﺳﺔ
- ﻧﻴﺮﺓ : ﻳﺎ ﺳﺎﺗﺮ ﻳﺎ ﺭﺏ
- ﻣﻲ : ﺍﻳﻪ
- ﻧﺴﻤﺔ : ﻭﻣﻴﻦ ﺍﻟﻠﻲ ﻣﺴﻜﻬﺎ ؟؟؟
- ﻫﺎﻟﺔ : ﺍﻻﺳﺘﺎﺫ ﻣﺤﻔﻮﻅ ﺑﺘﺎﻉ ﺍﻟﻌﺮﺑﻲ ، ﺷﺎﻓﻬﺎ ﻭﻫﻲ ﺃﻋﺪﺓ ﺟﻤﺒﻪ ﻭﻉ ﺍﻟﻠﻲ ﻋﻤﻠﻪ ﻓﻴﻬﺎ ﻭﻓﻴﻪ ﻭﻣﺼﻤﻢ ﻳﻜﻠﻢ ﺃﻫﻠﻬﺎ ﻭﻳﻌﺮﻓﻬﻢ ، ﻭﺍﻟﻮﺍﺩ ﻳﺴﻠﻤﻪ ﻟﻠﻘﺴﻢ
- ﻣﻲ : ﺍﻭﻭﻭﺑﺎ
- ﻧﺴﻤﺔ : ﺩﻱ ﺍﻟﺒﺖ ﺍﺗﻔﻀﺤﺖ
- ﻣﻲ : ﻷ ﻭﺍﻟﻮﺍﺩ ﻫﻴﻄﺤﻦ
- ﻧﻴﺮﺓ : ﻋﺪﻳﻬﺎ ﻋﻠﻰ ﺧﻴﺮ ﻳﺎ ﺭﺏ
- ﻫﺎﻟﺔ : ﺗﻌﺎﻟﻮﺍ ﻧﺘﻔﺮﺝ ﻉ ﺍﻟﻠﻲ ﻫﻴﺤﺼﻞ
- ﻧﻴﺮﺓ : ﻣﺎﻟﻨﺎﺵ ﺩﻋﻮﺓ
- ﻫﺎﻟﺔ : ﻣﺎﻟﻨﺎﺵ ﺩﻋﻮﺓ ﺍﻳﻪ ، ﺩﻩ ﺍﻧﺘﻲ ﻣﺘﻌﺮﻓﻴﺶ ﺃﻡ ﺍﻟﺒﺖ ﺩﻳﻨﺎ ﻫﺘﻌﻤﻞ ﺍﻳﻪ ﻓﻲ ﺍﻻﺳﺘﺎﺫ ﻣﺤﻔﻮﻅ ﻭﻻ ﻓﻲ ﺍﺩﺍﺭﺓ ﺍﻟﻤﺪﺭﺳﺔ
- ﻧﺴﻤﺔ : ﺩﻩ ﻟﻮ ﺩﻳﻨﺎ ﻣﻨﺤﺮﻓﺔ ﻗﺮﺍﻁ ، ﻓﺄﻣﻬﺎ 24 ﻗﺮﺍﻁ
- ﻣﻲ : ﻫﻲ ﻫﺘﺠﻴﺒﻮﻩ ﻣﻦ ﺑﺮﻩ
- ﻫﺎﻟﺔ : ﻳﺎﻻ ﺑﻘﻰ ﺧﻠﻮﻧﺎ ﻧﻠﺤﻖ ﻧﺒﺺ
- ﻧﻴﺮﺓ ﻭﻫﻲ ﺗﺘﺠﻪ ﻟﻔﺼﻠﻬﺎ : ﻷ ﺃﻧﺎ ﻫﻄﻠﻊ ﻉ ﺍﻟﺤﺼﺔ
- ﻧﺴﻤﺔ ﺑﺼﻮﺕ ﻫﺎﻣﺲ : ﻭﻣﺎﻟﻪ ﺍﻃﻠﻌﻲ ، ﺍﻟﺪﻭﺭ ﻫﻴﺠﻲ ﻋﻠﻴﻜﻲ ﻗﺮﻳﺐ ﻭﻣﺶ ﺍﺣﻨﺎ ﺑﺲ ﺍﻟﻠﻲ ﻫﻨﺘﻔﺮﺝ ﻋﻠﻴﻜﻲ ، ﻷ ﺩﻩ ﺍﻟﺸﺒﺎﺏ ﻛﻠﻪ !!!!
- ﻧﻴﺮﺓ ﻓﻲ ﻧﻔﺴﻬﺎ : ﺭﺑﻨﺎ ﻳﺴﺘﺮ ﻭﻣﺎ ﻋﻤﻠﺶ ﻏﻠﻂ ﻭﻻ ﺃﻗﻊ ﻓﻲ ﻣﺼﻴﺒﺔ ﺯﻱ ﺍﻟﺒﺖ ﺩﻱ ﻛﺪﻩ !!!!....
...............................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،،
ﻭﺻﻠﺖ ﻧﺪﻯ ﺇﻟﻰ ﺍﻟﻜﻠﻴﺔ ﻭﻫﻲ ﺗﺸﻌﺮ ﺃﻥ ﻣﻀﻰ ﻋﻠﻴﻬﺎ ﺳﻨﻮﺍﺕ ﻭﻫﻲ ﻏﺎﺋﺒﺔ ﻋﻨﻬﺎ ﻭﻟﻴﺲ ﻓﻘﻂ ﻋﺪﺓ ﺃﻳﺎﻡ ..
- ﻧﺪﻯ : ﻛﺄﻥ ﺍﻟﻮﺍﺣﺪ ﺑﻘﺎﻟﻪ ﺳﻨﻴﻦ ﻣﺠﺎﺵ ﻫﻨﺎ ، ﻳﺎﻻ ﺍﻟﺤﻤﺪﻟﻠﻪ ، ﺍﺧﺮ ﻳﻮﻡ ﺃﺻﻼً ﻛﺎﻥ ﺳﻲﺀ ، ﻭﺃﻧﺎ ﻣﺶ ﺣﺎﺑﺔ ﺃﻓﺘﻜﺮ ﺍﻟﻠﻲ ﺣﺼﻞ ﺗﺎﻧﻲ
ﺗﻮﺟﻬﺖ ﻧﺪﻯ ﺇﻟﻰ ﺍﻟﻤﻜﺎﻥ ﺍﻟﻤﺨﺼﺺ ﻟﻤﺤﺎﺿﺮﺍﺕ ﺍﻟﻔﺮﻗﺔ ﺍﻟﺜﺎﻧﻴﺔ ﻓﻠﻢ ﺗﺠﺪ ﺃﺣﺪﺍً ﻫﻨﺎﻙ ﺛﻢ ﺳﺄﻟﺖ ﻋﻨﻬﻢ ﻭﻋﻠﻤﺖ ﺃﻥ ﺍﻟﺠﻤﻴﻊ ﻓﻲ ﻧﺪﻭﺓ ﺗﺜﻘﻴﻔﻴﺔ ﺑﻤﺴﺮﺡ ﺍﻟﻜﻠﻴﺔ ، ﻓﻔﻀﻠﺖ ﺃﻥ ﺗﻘﻀﻲ ﻭﻗﺘﻬﺎ ﻓﻲ ﻣﻜﺘﺒﺔ ﺍﻟﻜﻠﻴﺔ ﺇﻟﻰ ﺃﻥ ﻳﻨﺘﻬﻮﺍ ﻣﻦ ﺍﻟﻨﺪﻭﺓ ﻭﺗﻨﻀﻢ ﻣﻌﻬﻢ ﻟﻠﻤﺤﺎﺿﺮﺍﺕ
- ﻧﺪﻯ : ﻟﻮ ﺳﻤﺤﺖ ﺍﻭﻣﺎﻝ ﻓﻴﻦ ﻃﻼﺏ ﺍﻟﻔﺮﻗﺔ ﺍﻟﺘﺎﻧﻴﺔ
- ﻋﺎﻣﻞ ﺍﻟﻨﻈﺎﻓﺔ : ﺍﻟﻜﻞ ﻣﻮﺟﻮﺩ ﻓﻲ ﻧﺪﻭﺓ ﻓﻲ ﺍﻟﻤﺮﺳﺢ ﻳﺎ ﺃﺑﻠﺔ
- ﻧﺪﻯ : ﺗﻘﺼﺪ ﻣﺴﺮﺡ ﺍﻟﻜﻠﻴﺔ
- ﻋﺎﻣﻞ ﺍﻟﻨﻈﺎﻓﺔ : ﺍﻳﻮﻩ
- ﻧﺪﻯ : ﻃﻴﺐ ﺷﻜﺮﺍً
- ﻧﺪﻯ ﻓﻲ ﻧﻔﺴﻬﺎ : ﺃﺣﺴﻦ ﺣﺎﺟﺔ ﺃﻃﻠﻊ ﺃﻗﻌﺪ ﻓﻲ ﺍﻟﻤﻜﺘﺒﺔ ﺃﻗﺮﻯ ﺷﻮﻳﺔ ﻟﺤﺪ ﻣﺎ ﻳﺨﻠﺼﻮﺍ ، ﺃﻧﺎ ﻣﻦ ﻫﻨﺎ ﻭﺭﺍﻳﺢ ﻣﺶ ﻋﺎﻭﺯﺓ ﻳﻜﻮﻥ ﻟﻴﺎ ﻋﻼﻗﺔ ﺑﺤﺪ ، ﻛﻠﻪ ﻳﺒﻘﻰ ﻋﻠﻰ ﺍﺩ ﺍﺯﻳﻚ ﺍﻟﻠﻪ ﻳﺴﻠﻤﻚ ﻭﺧﻼﺹ .. ﻛﻔﺎﻳﺔ ﺍﻟﻠﻲ ﺣﺼﻞ ﻗﺒﻞ ﻛﺪﻩ
ﺗﻮﺟﻬﺖ ﻧﺪﻯ ﺇﻟﻰ ﻣﻜﺘﺒﺔ ﺍﻟﻜﻠﻴﺔ ﻭﻇﻠﺖ ﺟﺎﻟﺴﺔ ﺑﻬﺎ ﺗﺘﻄﺎﻟﻊ ﺍﻟﻜﺘﺐ ﺍﻟﻤﻮﺟﻮﺩﺓ ﺑﻬﺎ ﻭﺗﻨﺘﻘﻲ ﻣﺎ ﻳﻨﺎﺳﺒﻬﺎ ﻟﻜﻲ ﺗﻘﺮﺃﻩ ..
- ﻧﺪﻯ : ﻣﺎﺷﺎﺀ ﺍﻟﻠﻪ ﺩﻩ ﻓﻲ ﻛﺘﺐ ﺣﻠﻮﺓ ﺃﻭﻱ ﻫﻨﺎ ، ﻣﻤﻢ ... ﺃﻧﺎ ﻫﻘﺮﻯ ﺷﻮﻳﺔ ﻓﻲ ﺍﻟﺮﻭﺍﻳﺔ ﺩﻱ ﻟﺤﺪ ﻣﺎ ﻳﺨﻠﺼﻮﺍ ﺍﻟﻨﺪﻭﺓ ﻭﺑﻌﺪ ﻛﺪﻩ ﺃﺣﺼﻠﻬﻢ ﻉ ﺍﻟﻘﺎﻋﺔ
............................
ﻓﻲ ﺍﻟﻤﻘﺮ ﺍﻟﺠﺪﻳﺪ ﻟﻔﺮﻉ ﺷﺮﻛﺔ ﺍﻟﻨﻘﻴﺐ ،،،
ﻛﺎﻥ ﺻﻼﺡ ﺍﻟﺪﺳﻮﻗﻲ ﻳﺘﺎﺑﻊ ﻣﻊ ﺍﻟﻌﻤﺎﻝ ﺃﻋﻤﺎﻝ ﺍﻟﺒﻨﺎﺀ ﻭﺍﻻﻧﺸﺎﺀ ﺍﻟﺨﺎﺻﺔ ﺑﺎﻟﻤﻘﺮ ﻭ ...
- ﺻﻼﺡ : ﺗﻤﺎﻡ ﻳﺎ ﺑﺸﻤﻬﻨﺪﺱ ، ﻓﻲ ﺣﺎﺟﺔ ﺗﺎﻧﻴﺔ
- ﺍﻟﻤﻬﻨﺪﺱ : ﻷ .. ﻳﻬﻤﻨﻲ ﺑﺲ ﺍﻟﻠﻲ ﻓﻲ ﺍﻟﺘﺼﻤﻴﻢ ﺩﻩ ﻳﺘﻌﻤﻞ ، ﻭﺍﻫﻢ ﺣﺎﺟﺔ ﺟﻮﺩﺓ ﺍﻟﺨﺎﻣﺎﺕ
- ﺻﻼﺡ : ﺃﻃﻤﻦ ﻳﺎ ﺑﺸﻤﻬﻨﺪﺱ ، ﺃﻧﺎ ﻛﻞ ﺣﺎﺟﺔ ﺑﺘﺎﺑﻌﻬﺎ ﺑﻨﻔﺴﻲ
- ﺍﻟﻤﻬﻨﺪﺱ : ﺭﺑﻨﺎ ﻳﻌﻴﻨﻚ ﻳﺎ ﻋﻢ ﺻﻼﺡ
- ﺻﻼﺡ : ﺍﻟﻠﻪ ﻳﻜﺮﻣﻚ ﻳﺎ ﺑﺸﻤﻬﻨﺪﺱ
- ﺍﻟﻤﻬﻨﺪﺱ : ﺑﺎﻟﺤﻖ ﻋﻤﻠﺖ ﺍﻳﻪ ﻣﻊ ﺭﺟﺐ ؟
- ﺻﻼﺡ : ﺭﺟﻠﻪ ﺍﺗﻜﺴﺮﺕ ﻭﻫﻴﻔﻀﻞ ﻓﻲ ﺍﻟﺠﺒﺲ ﺑﺘﺎﻉ ﺷﻬﺮ
- ﺍﻟﻤﻬﻨﺪﺱ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ، ﻻﺯﻡ ﺗﺨﻠﻲ ﺑﺎﻟﻚ ﻳﺎ ﻋﻢ ﺻﻼﺡ ﻣﻦ ﺍﺟﺮﺍﺀﺍﺕ ﺍﻟﺴﻼﻣﺔ ﺍﻟﺨﺎﺻﺔ ﺑﺎﻟﻌﻤﺎﻝ ، ﻭﺇﻻ ﻫﺘﻘﻊ ﻓﻲ ﻣﺸﻜﻠﺔ ﻛﺒﻴﺮﺓ
- ﺻﻼﺡ : ﻭﺍﻟﻠﻪ ﻏﻠﺒﺖ ﻣﻌﺎﻫﻢ ، ﺑﺲ ﺗﻘﻮﻝ ﺍﻳﻪ ﻣﻌﻈﻤﻬﻢ ﺃﺧﺪ ﺍﻟﻌﻤﻠﻴﺔ ﻓﻬﻠﻮﺓ ﻭﺑﺎﻟﺪﺭﺍﻉ
- ﺍﻟﻤﻬﻨﺪﺱ : ﻷ ﻻﺯﻡ ﺗﻔﺘﺢ ﻋﻴﻨﻚ ﺃﻛﺘﺮ ﻋﻠﻴﻬﻢ
- ﺻﻼﺡ : ﺣﺎﺿﺮ ﻳﺎ ﺑﺸﻤﻬﻨﺪﺱ
- ﺍﻟﻤﻬﻨﺪﺱ : ﻭﻟﻮ ﻓﻲ ﺣﺎﺟﺔ ﻛﻠﻤﻨﻲ
- ﺻﻼﺡ : ﻣﺎﺷﻲ
ﻇﻞ ﺻﻼﺡ ﻳﺘﺎﺑﻊ ﺍﻟﻌﻤﺎﻝ ﺇﻟﻰ ﺃﻥ ﺭﻥ ﻫﺎﺗﻔﻪ ﺍﻟﻤﺤﻤﻮﻝ ﺑﺮﻗﻢ ﻋﻼﺀ ، ﻓﺄﺟﺎﺏ ﻋﻠﻰ ﺍﺗﺼﺎﻟﻪ ﻭ ...
- ﺻﻼﺡ ﻫﺎﺗﻔﻴﺎً : ﺍﻟﻮﻭﻭ
- ﻋﻼﺀ : ﺍﺯﻱ ﺣﻀﺮﺗﻚ ﻳﺎ ﺃﺳﺘﺎﺫ ﺻﻼﺡ
- ﺻﻼﺡ : ﺍﺯﻳﻚ ﻳﺎ ﺑﻨﻲ
- ﻋﻼﺀ : ﻫﺎ ﻳﺎ ﻋﻤﻲ ﺍﻳﻪ ﺍﻷﺧﺒﺎﺭ ؟
- ﺻﻼﺡ : ﺧﻴﺮ ﺍﻥ ﺷﺎﺀ ﺍﻟﻠﻪ ، ﺍﻟﺒﻨﺖ ﻭﺃﻣﻬﺎ ﻣﻮﺍﻓﻘﻴﻦ
- ﻋﻼﺀ : ﻳﻌﻨﻲ ﻧﻘﺪﺭ ﻧﺤﺪﺩ ﻣﻴﻌﺎﺩ ﻟﻘﺮﺍﻳﺔ ﺍﻟﻔﺎﺗﺤﺔ
- ﺻﻼﺡ : ﻃﺒﻌﺎً
- ﻋﻼﺀ : ﺍﻳﻪ ﺭﺃﻱ ﺣﻀﺮﺗﻚ ﻓﻲ ﺑﻜﺮﺓ
- ﺻﻼﺡ : ﻷ ﻛﺪﻩ ﻋﻠﻰ ﻃﻮﻝ ، ﺍﺩﻳﻨﺎ ﻳﻮﻣﻴﻦ ﻳﺎ ﺑﻨﻲ ﻧﺴﺘﻌﺪ ﻓﻴﻬﻢ
- ﻋﻼﺀ : ﻃﻴﺐ ﻋﻠﻰ ﺍﻟﺴﺒﺖ ﻣﺜﻼً ؟؟؟
- ﺻﻼﺡ : ﺧﻠﻴﻬﺎ ﻋﻠﻰ ﻳﻮﻡ ﺍﻷﺣﺪ ﺍﻥ ﺷﺎﺀ ﺍﻟﻠﻪ
- ﻋﻼﺀ : ﺗﻤﺎﻡ ... ﻭﺍﺫﺍ ﺳﻤﺤﺘﻠﻲ ﻳﺎ ﻋﻤﻲ ﻣﻤﻜﻦ ﺃﻧﺰﻝ ﻣﻊ ﻧﺪﻯ ﻭﻣﺎﻣﺘﻬﺎ ﻃﺒﻌﺎً ﻧﺸﻮﻑ ﺍﻳﻪ ﺍﻟﻠﻲ ﻫﺘﻠﺒﺴﻪ ﻭﻛﺪﻩ ﻭﺗﺮﺗﻴﺒﺎﺕ ﻗﺮﺍﻳﺔ ﺍﻟﻔﺎﺗﺤﺔ
- ﺻﻼﺡ : ﻫﻪ
- ﻋﻼﺀ : ﺍﻧﺎ ﺣﺎﺑﺐ ﻣﻦ ﺍﻟﺒﺪﺍﻳﺔ ﻧﻜﻮﻥ ﻣﺘﺸﺎﺭﻛﻴﻦ ﻓﻲ ﻛﻞ ﺣﺎﺟﺔ
- ﺻﻼﺡ : ﺭﺑﻨﺎ ﻳﺴﻬﻞ ، ﻫﺎﺷﻮﺭ ﺍﻟﻤﺪﺍﻡ ﺍﻷﻭﻝ ﻭﺑﻌﺪ ﻛﺪﻩ ﻧﺘﻜﻠﻢ
- ﻋﻼﺀ : ﻣﻨﺘﻈﺮ ﺗﻠﻴﻔﻮﻥ ﺣﻀﺮﺗﻚ
- ﺻﻼﺡ : ﺑﺄﻣﺮ ﺍﻟﻠﻪ
ﺃﻧﻬﻰ ﺻﻼﺡ ﺍﻟﻤﻜﺎﻟﻤﺔ ﻣﻊ ﻋﻼﺀ ﻭﻫﻮ ﻓﻲ ﺣﻴﺮﺓ ﻣﻦ ﺃﻣﺮﻩ ، ﻓﻌﺎﺩﺓ ﺍﻟﻌﺮﻭﺱ ﻭﺃﻫﻠﻬﺎ ﻫﻢ ﻣﻦ ﻳﺘﻮﻟﻮﻥ ﺍﻷﻣﻮﺭ ﺍﻟﺨﺎﺻﺔ ﺑﻘﺮﺍﺀﺓ ﺍﻟﻔﺎﺗﺤﺔ ﻭﻟﻜﻦ ...
- ﺻﻼﺡ : ﻏﺮﻳﺐ ﺍﻭﻱ ﺍﻟﺠﺪﻉ ﺩﻩ ، ﺍﻳﻪ ﺍﻟﻠﻲ ﻋﺎﻭﺯ ﻳﺸﺎﺭﻙ ﻓﻴﻪ ﺑﺎﻟﻈﺒﻂ ﻓﻲ ﻣﻮﺿﻮﻉ ﻗﺮﺍﻳﺔ ﺍﻟﻔﺎﺗﺤﺔ ، ﺩﻩ ﺣﺎﺟﺔ ﻋﺎﺩﻳﺔ ﻣﺶ ﻣﺴﺘﻬﻠﺔ ﻛﻞ ﺩﻩ ، ﺍﻟﻮﺍﺣﺪ ﻟﺴﻪ ﻳﺎﻣﺎ ﻫﻴﺸﻮﻑ
..............................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،،
ﻛﺎﻧﺖ ﻣﺎﻳﺎ ﺗﺠﻠﺲ ﻓﻲ ﺍﻟﻜﺎﻓﻴﻪ ﺍﻟﺨﺎﺹ ﺑﺎﻟﻜﻠﻴﺔ ﻭﻣﻌﻬﺎ ﻣﺮﻭﺍﻥ ﻭ ...
- ﻣﺎﻳﺎ : ﻫﻮ ﺟﻮﻭ ﻣﺶ ﺟﺎﻱ ﺍﻟﻨﻬﺎﺭﺩﺓ ؟؟ ﺍﺻﻠﻪ ﻗﺎﻓﻞ ﻣﻮﺑﺎﻳﻠﻪ ﻭﻣﺶ ﺑﻴﺮﺩ ﻋﻠﻴﺎ
- ﻣﺮﻭﺍﻥ : ﻷ .. ﻫﻮ ﻫﻴﻔﻀﻞ ﻣﻊ ﺃﺑﻮﻩ ﻭﺃﻣﻪ ﺍﻟﻴﻮﻣﻴﻦ ﺩﻭﻝ ﻟﺤﺪ ﻣﺎ ﻳﻄﻤﻦ ﻋﻠﻰ ﺃﻣﻪ
- ﻣﺎﻳﺎ : ﺍﻭﻭﻭﻑ
- ﺭﺿﻮﻯ ﻣﻦ ﺑﻌﻴﺪ : ﺃﻧﺎ ﺧﻼﺹ ﻋﻠﻘﺖ ﺍﻻﻋﻼﻥ ﻭﺑﻠﻐﺖ ﻛﻞ ﺍﻟﻨﺎﺱ ﺑﺈﻥ ﺍﻟﺮﺣﻠﺔ ﺇﺗﺄﺟﻠﺖ
- ﻣﺎﻳﺎ : ﺍﻫﺎ
- ﻣﺮﻭﺍﻥ ﻣﺴﺘﻔﻬﻤﺎً : ﻫﻮ ﺍﻧﺘﻮ ﺍﺟﻠﺘﻮﺍ ﺍﻟﺮﺣﻠﺔ ؟
- ﺭﺿﻮﻯ : ﺃﻳﻮﻩ
- ﻣﺮﻭﺍﻥ : ﻟﻴﻪ ؟
- ﻣﺎﻳﺎ : ﺃﻧﺎ ﺍﻟﻠﻲ ﻗﻮﻟﺖ ﻟﻤﺎﻳﺎ ﺗﻌﻤﻞ ﻛﺪﻩ ﻋﺸﺎﻥ ﺧﺎﻃﺮ ﺟﻮﻭ
- ﺭﺿﻮﻯ : ﻓﻲ ﻧﺎﺱ ﺳﺤﺒﺖ ﻓﻠﻮﺳﻬﺎ ، ﻭﻓﻲ ﻧﺎﺱ ﻟﺴﻪ ﻣﻜﻤﻠﺔ ﻣﻌﺎﻧﺎ
- ﻣﺎﻳﺎ : ﻣﺶ ﻣﻬﻢ ، ﺍﻋﻠﻨﻲ ﺍﻧﺘﻲ ﺑﺲ ﺑﻌﺪ ﻛﺪﻩ ﺃﻣﺎ ﻧﻄﻤﻦ ﻋﻠﻰ ﺇﻥ ﺟﻮﻭ ﻃﺎﻟﻊ ﻣﻌﺎﻧﺎ ﻋﻠﻰ ﻓﺘﺢ ﺑﺎﺏ ﺍﻟﺤﺠﺰ ﺗﺎﻧﻲ ﻓﻲ ﺍﻟﺮﺣﻠﺔ
- ﺭﺿﻮﻯ : ﺃﻭﻙ ﻭﻟﻮ ﺇﻧﻲ ﺃﺷﻚ ﺍﻥ ﻓﻲ ﺣﺪ ﻫﻴﻄﻠﻊ ﺗﺎﻧﻲ ﻣﻌﺎﻧﺎ
- ﻣﺮﻭﺍﻥ : ﻳﺎ ﺭﺿﻮﻯ ﺍﻧﺘﻲ ﻣﺶ ﻋﺎﺭﻓﺔ ﺷﻌﺒﻴﺔ ﺟﻮﻭ ﻭﻻ ﺍﻳﻪ ، ﺍﺻﺒﺮﻱ ﺑﺲ ﻉ ﺃﻭﻝ ﺍﻻﺳﺒﻮﻉ ﺍﻟﺠﺎﻱ ﻭﻫﺘﻼﻗﻲ ﻃﻮﺍﺑﻴﺮ ﻉ ﺍﻟﺮﺣﻠﺔ
- ﺭﺿﻮﻯ : ﺍﻭﻙ
- ﺍﺣﻤﺪ ﻭﻗﺪ ﺍﻧﻀﻢ ﺇﻟﻴﻬﻢ : ﺍﺯﻳﻜﻢ ﻋﺎﻣﻠﻴﻦ ﺍﻳﻪ
- ﺭﺿﻮﻯ : ﺍﻧﺖ ﻓﻴﻦ ﻣﻦ ﺑﺪﺭﻱ
- ﺃﺣﻤﺪ : ﻛﻨﺖ ﻓﻲ ﺍﻟﻨﺪﻭﺓ ﺍﻟﻠﻲ ﻛﺎﻧﺖ ﺷﻐﺎﻟﺔ ﻣﻦ ﺷﻮﻳﺔ
- ﻣﺎﻳﺎ : ﺍﻧﺎ ﻣﺶ ﻋﺎﺭﻓﺔ ﺍﻧﺖ ﺑﺘﺴﺘﺤﻤﻞ ﺍﻟﺠﻮ ﺍﻟﺨﻨﻴﻖ ﺩﻩ ﺍﺯﺍﻱ
- ﺭﺿﻮﻯ : ﻳﺎ ﻣﺎﻳﺎ ﻫﻮ ﻏﺎﻭﻱ ﻧﺪﻭﺍﺕ ﻭﻻ ﺍﻧﺘﻲ ﻳﻌﻨﻲ ﻣﺶ ﻋﺎﺭﻓﺎﻩ
- ﻣﺎﻳﺎ : ﺩﻩ ﺃﻧﺎ ﺑﺰﻫﻖ ﺑﺴﺮﻋﺔ
- ﺃﺣﻤﺪ : ﺍﻧﺘﻲ ﺃﺻﻼً ﺍﻟﺘﻌﻠﻴﻢ ﻣﺶ ﻓﻲ ﺩﻣﺎﻏﻚ
- ﻣﺎﻳﺎ : ﻫﺎﺧﺪ ﺍﻳﻪ ﻣﻨﻪ ، ﻫﻲ ﻣﺠﺮﺩ ﺷﻬﺎﺩﺓ ﻫﺘﺘﻌﻠﻖ ﻣﻊ ﻏﻴﺮﻫﺎ
- ﺭﺿﻮﻯ : ﺳﻴﺒﻜﻢ ﺑﻘﻰ ﻣﻦ ﺍﻟﻜﻼﻡ ﺩﻩ ﻭﺧﻠﻮﻧﺎ ﻧﺸﻮﻑ ﻫﻨﻌﻤﻞ ﺍﻳﻪ ﻣﻊ ﺍﻟﻨﺎﺱ ﺍﻟﻠﻲ ﻋﺎﻭﺯﺓ ﺗﺴﺤﺐ ﻓﻠﻮﺳﻬﺎ ﻣﻦ ﺍﻟﺮﺣﻠﺔ
- ﻣﺮﻭﺍﻥ : ﺭﺟﻌﻴﻬﺎ ﻋﺎﺩﻱ ، ﻫﻨﻌﻤﻠﻬﻢ ﺍﻳﻪ ﻳﻌﻨﻲ
- ﺭﺿﻮﻯ : ﺍﻭﻙ
- ﺃﺣﻤﺪ : ﻫﺎﺗﻲ ﺑﺲ ﺃﺳﺎﻣﻲ ﺍﻟﻨﺎﺱ ﺍﻟﻠﻲ ﻋﺎﻭﺯﺓ ﺗﺴﺤﺐ ﻓﻠﻮﺳﻬﺎ ﻭﺃﻧﺎ ﻫﻌﻤﻞ ﻛﺸﻒ ﺑﻴﻬﻢ
- ﺭﺿﻮﻯ : ﻣﺎﺷﻲ
- ﻣﺮﻭﺍﻥ : ﻃﻴﺐ ﻋﻘﺒﺎﻝ ﻣﺎ ﺗﺨﻠﺼﻮﺍ ﺃﻧﺎ ﻭﺭﺍﻳﺎ ﻣﺸﻮﺍﺭ ﻛﺪﻩ ﻭﺑﻌﺪﻳﻦ ﻫﺎﺭﺟﻌﻠﻜﻢ
- ﻣﺎﻳﺎ : ﻣﺸﻮﺍﺭ ﺍﻳﻪ ﺩﻩ
- ﻣﺮﻭﺍﻥ : ﻣﺘﺨﺪﻳﺶ ﻓﻲ ﺑﺎﻟﻚ ، ﺩﻱ ﺣﺎﺟﺔ ﻋﺎﺩﻳﺔ
..........................
ﻓﻲ ﻣﺪﺭﺳﺔ ﻧﻴﺮﺓ ،،،،،
ﻗﺼﺖ ﻧﻴﺮﺓ ﻋﻠﻰ ﺻﺪﻳﻘﺘﻬﺎ ﻧﻬﻠﺔ ﻣﺎ ﺣﺪﺙ ﻟﻜﻲ ﺗﺄﺧﺬ ﺑﻤﺸﻮﺍﺭﺗﻬﺎ ﻭ ...
- ﻧﻬﻠﺔ : ﻭﺩﻱ ﻓﻴﻬﺎ ﺍﻳﻪ ﻳﺨﻮﻑ
- ﻧﻴﺮﺓ : ﺑﻘﻮﻟﻚ ﻣﻌﺎﻩ ﺻﻮﺭﺓ ﻟﻴﺎ ﺃﻧﺎ ﻣﻌﺮﻓﺶ ﺟﺎﺑﻬﺎ ﻣﻨﻴﻦ ﻭﻻ ﺍﺯﺍﻱ
- ﻧﻬﻠﺔ : ﻫﻲ ﺍﻟﺼﻮﺭﺓ ﺩﻱ ﻓﻴﻬﺎ ﺣﺎﺟﺔ
- ﻧﻴﺮﺓ : ﺗﻘﺼﺪﻱ ﺍﻳﻪ ؟
- ﻧﻬﻠﺔ : ﻳﻌﻨﻲ ﻛﻨﺘﻲ ﻓﻲ ﻭﺿﻊ ﻛﺪﻩ ﻭﻻ ﻛﺪﻩ ، ﻭﻻ ﻣﺘﺼﻮﺭﺓ ﻣﻊ ﻭﺍﺣﺪ
- ﻧﻴﺮﺓ : ﻫﺎﺍﺍﺍﻩ ، ﺍﻧﺘﻲ ﺑﺘﻘﻮﻟﻲ ﺍﻳﻪ؟؟ ﻷﻷﻷﻷ ﻃﺒﻌﺎﺍﺍﺍﺍ
- ﻧﻬﻠﺔ : ﻳﺒﻘﻰ ﺧﺎﻳﻔﺔ ﻣﻦ ﺍﻳﻪ
- ﻧﻴﺮﺓ : ﺧﺎﻳﻔﺔ ﺍﻧﻪ ﻳﻌﻤﻞ ﺑﺎﻟﺼﻮﺭ ﺩﻱ ﺣﺎﺟﺔ ﻣﺶ ﻣﻈﺒﻮﻃﺔ
- ﻧﻬﻠﺔ : ﻣﺘﺨﺎﻓﻴﺶ ﻳﺎ ﺑﻨﺘﻲ ، ﺗﻼﻗﻴﻪ ﺣﺪ ﺑﻴﻌﻤﻞ ﻓﻴﻜﻲ ﻣﻘﻠﺐ ﻭﻻﺣﺎﺟﺔ
- ﻧﻴﺮﺓ : ﻣﺶ ﻣﻄﻤﻨﺔ
- ﻧﻬﻠﺔ : ﺍﻟﻤﻬﻢ ﺍﻧﺎ ﻋﺎﻭﺯﺓ ﺃﻃﻠﺐ ﻣﻨﻚ ﻃﻠﺐ
- ﻧﻴﺮﺓ : ﺍﻳﻪ ﻫﻮ ؟
- ﻧﻬﻠﺔ : ﺑﺼﻲ ﺃﻧﺎ ﻫﺎﺧﺮﺝ ﺃﺗﻤﺸﻲ ﺷﻮﻳﺔ ﻭﻛﻨﺖ ﻗﺎﻳﻠﺔ ﻟﻤﺎﻣﺎ ﺍﻧﻲ ﻣﻌﺎﻛﻲ ﻓﻲ ﺍﻟﺪﺭﺱ
- ﻧﻴﺮﺓ : ﻧﻌﻢ ؟؟
- ﻧﻬﻠﺔ : ﻓﻠﻮ ﻣﺎﻣﺎ ﻛﻠﻤﺘﻚ ﻭﺳﺄﻟﺘﻚ ﻋﻨﻲ ﻗﻮﻟﻴﻠﻬﺎ ﺍﻧﻲ ﻣﻌﺎﻛﻲ ، ﻣﺎﺷﻲ
- ﻧﻴﺮﺓ : ﻻﻻﻻ .. ﺃﻧﺎ ﻣﺎﻟﻴﺶ ﺩﻋﻮﺓ
- ﻧﻬﻠﺔ : ﻳﺎ ﺑﻨﺘﻲ ﺟﻤﺪﻱ ﻗﻠﺒﻚ ، ﻣﺎﻓﻴﻬﺎﺵ ﺣﺎﺟﺔ ، ﻣﺎ ﺃﻧﺎ ﻳﺎﻣﺎ ﺑﻌﻤﻞ ﻛﺪﻩ ﺃﻧﺎ ﻭﺍﻟﺒﻨﺎﺕ ، ﻭﻣﺤﺪﺵ ﺑﻴﺪﻭﺭ ﻭﺭﺍﻧﺎ
- ﻧﻴﺮﺓ : ﺑﺲ ﺃﻧﺎ ﻣﺤﺒﺶ ﺃﻋﻤﻞ ﻛﺪﻩ
- ﻧﻬﻠﺔ : ﻫﻲ ﻣﺶ ﻫﺘﻜﻠﻤﻚ ، ﺑﺲ ﻳﻌﻨﻲ ﻟﻮ ﺻﺎﺩﻓﺖ ﻭﻛﻠﻤﺘﻚ ﺗﻘﻮﻟﻴﻠﻬﺎ ﺇﻧﻲ ﻣﻌﺎﻛﻲ
- ﻧﻴﺮﺓ : ﺍﻭﻭﻭﻑ
- ﻧﻬﻠﺔ : ﻋﺸﺎﻥ ﺧﺎﻃﺮﻱ ، ﻣﺶ ﺍﻧﺎ ﺻﺎﺣﺒﺘﻚ ؟
- ﻧﻴﺮﺓ : ﺻﺎﺣﺒﺘﻲ ﺃﻩ ، ﺑﺲ ﻣﺶ ﻓﻲ ﺍﻟﻜﻮﺍﺭﺙ ﺩﻱ
- ﻧﻬﻠﺔ : ﺍﻃﻤﻨﻲ ﻣﺶ ﻫﺎﺗﺤﺼﻞ ﺣﺎﺟﺔ
.................................
ﻓﻲ ﻣﻮﻗﻊ ﻣﻘﺮ ﻓﺮﻉ ﺷﺮﻛﺔ ﺍﻟﻨﻘﻴﺐ ﺍﻟﺠﺪﻳﺪ ،،،،
ﺍﺳﺘﻘﻞ ﻣﺮﻭﺍﻥ ﺳﻴﺎﺭﺗﻪ ﻭﺗﻮﺟﻪ ﺇﻟﻰ ﻣﻘﺮ ﺍﻟﺸﺮﻛﺔ ﺍﻟﺠﺪﻳﺪ ﻟﻤﻘﺎﺑﻠﺔ ﺍﻷﺳﺘﺎﺫ ﺻﻼﺡ ، ﺑﺤﺚ ﻋﻨﻪ ﺑﻌﻴﻨﻴﻪ ﺇﻟﻰ ﺃﻧﻪ ﻭﺟﺪﻩ ﻣﺸﻐﻮﻻً ﺑﺎﻟﺤﺪﻳﺚ ﻣﻊ ﺃﺣﺪ ﺍﻟﻌﻤﺎﻝ ، ﻓﺮﻛﻦ ﺳﻴﺎﺭﺗﻪ ﻭﺗﺮﺟﻞ ﻣﻨﻬﺎ ﺛﻢ ﺫﻫﺐ ﺇﻟﻴﻪ ﻭ ...
- ﻣﺮﻭﺍﻥ ﺑﺼﻮﺕ ﻣﺮﺗﻔﻊ : ﺍﺳﺘﺎﺫ ﺻﻼﺡ ﻳﺎ ﺍﺳﺘـــــــﺎﺫ ﺻﻼﺡ
- ﺻﻼﺡ ﻭﻗﺪ ﺍﻟﺘﻔﺖ ﺇﻟﻴﻪ : ﺃﻫﻼ .. ﺍﺯﻳﻚ ﻳﺎ ﺑﻨﻲ
- ﻣﺮﻭﺍﻥ : ﺍﺯﻳﻚ ﻳﺎ ﺍﺳﺘﺎﺫ ﺻﻼﺡ ، ﺍﻳﻪ ﺍﻷﺧﺒﺎﺭ ؟
- ﺻﻼﺡ : ﺯﻱ ﻣﺎ ﺍﻧﺖ ﺷﺎﻳﻒ ، ﺍﺣﻨﺎ ﺷﻐﺎﻟﻴﻦ ﺑﺎﻳﺪﻧﺎ ﻭﺳﻨﺎﻧﺎ ﻭﺇﻥ ﺷﺎﺀ ﺍﻟﻠﻪ ﻫﻨﻨﺠﺰ
- ﻣﺮﻭﺍﻥ : ﺍﻟﻠﻪ ﻳﻌﻴﻨﻚ ﻳﺎ ﺭﺏ .. ﺍﺣﻢ .. ﻳﺎ ﺍﺳﺘﺎﺫ ﺻﻼﺡ ﺃﻧﺎ .. ﺍﺣﻢ ﻛﻨﺖ ﻋﺎﻭﺯ ﻳﻌﻨﻲ ﺁﺁﺁ ..
- ﺻﻼﺡ : ﻓﻲ ﺍﻳﻪ ﺑﻨﻲ
- ﻣﺮﻭﺍﻥ : ﺍﻧﺎ ﻛﺖ ﺑﺲ ﻋﺎﻭﺯ ﺍﺳﺄﻟﻚ ﻋﻦ .. ﺁﺁﺁ .. ﻋﻦ ﺍﻟﺴﻮﺍﻕ ﺑﺘﺎﻉ ﺑﻨﺎﺕ ﺣﻀﺮﺗﻚ
- ﺻﻼﺡ : ﻣﺠﺪﻱ !
- ﻣﺮﻭﺍﻥ : ﺍﻩ ﻫﻮ ﺍﻟﺰﻓـ ... ﻗﺼﺪﻱ ﺍﻩ ﻫﻮ
- ﺻﻼﺡ : ﺩﻩ ﻣﺴﺎﻓﺮ ﻣﻦ ﺍﻣﺒﺎﺭﺡ ﻭﺍﻟﻠﻪ ، ﻛﻨﺖ ﻋﺎﻭﺯﻩ ﻓﻲ ﺣﺎﺟﺔ ﻣﻬﻤﺔ ؟؟
- ﻣﺮﻭﺍﻥ : ﻷ .. ﺑﺲ ﻛﻨﺖ ﻋﺎﻭﺯ ﺍﻋﺮﻑ ﻫﻮ ﺣﻀﺮﺗﻚ ﺑﺘﺜﻖ ﻓﻴﻪ ﻭﺁﺁﺁ ...
- ﺻﻼﺡ ﻣﻘﺎﻃﻌﺎً : ﺩﻩ ﻋﻠﻲ ﺻﺎﺣﺒﻲ ﺟﺎﻳﺒﻪ ﻭﻛﺎﻥ ﺑﻴﺸﻜﺮ ﻓﻴﻪ ﺃﻭﻱ، ﻭﺍﻟﺼﺮﺍﺣﺔ ﻫﻮ ﻣﻠﺘﺰﻡ ﻣﻌﺎﻳﺎ ﻭﺍﺧﻼﻕ ﻭﻣﺎﻟﻮﺵ ﻓﻲ ﺷﻐﻞ ﺍﻟﻠﺒﺶ ، ﺑﺲ ﻇﺮﻭﻑ ﺍﻟﺴﻔﺮ ﺍﻟﻴﻮﻣﻴﻦ ﺩﻭﻝ ﻫﻲ ﺍﻟﻠﻲ ﻟﺨﺒﻄﺘﻪ
- ﻣﺮﻭﺍﻥ ﻫﺎﻣﺴﺎً : ﺍﻳﺎﻛﺶ ﻳﺴﺎﻓﺮ ﻣﺎﻳﺮﺟﻊ ﺗﺎﻧﻲ
- ﺻﻼﺡ : ﺑﺘﻘﻮﻝ ﺣﺎﺟﺔ ﻳﺎ ﺑﻨﻲ ؟
- ﻣﺮﻭﺍﻥ : ﺍﻧﺎ ﺑﺲ ﻛﻨﺖ ﺑﺴﺄﻝ ﺍﻥ ﻛﺎﻧﺖ ﻃﻤﻄﻢ ﺑﻨﺘﻚ ﺍﺷﺘﻜﺖ ﻣﻨﻪ
- ﺻﻼﺡ : ﻷ ﺑﺎﻟﻌﻜﺲ ﺩﻱ ﺑﺘﺤﺐ ﺍﻧﻪ ﻳﻮﺻﻠﻬﺎ ، ﺑﺲ ﻋﻠﻰ ﻏﻴﺮ ﺍﻟﻌﺎﺩﺓ ﻛﺎﻧﺖ ﻣﺒﺴﻮﻃﺔ ﺍﻧﻲ ﺑﻮﺻﻠﻬﺎ ﺍﻟﻨﻬﺎﺭﺩﺓ ﺍﻟﻤﺪﺭﺳﺔ
- ﻣﺮﻭﺍﻥ : ﻻ ﻭﺍﻟﻠﻪ
- ﺻﻼﺡ : ﺍﻩ ﻳﺎ ﺑﻨﻲ ، ﻭﺑﻌﺪﻳﻦ ﺃﻧﺎ ﻣﺶ ﻫﺎﺟﻴﺐ ﺃﻱ ﺣﺪ ﻳﻮﺻﻞ ﺑﻨﺎﺗﻲ ﺍﻟﻤﺪﺭﺳﺔ ، ﻭﻋﻠﻲ ﻟﻤﺎ ﺟﺎﺑﻪ ﻗﺎﻟﻲ ﺍﻧﻪ ﻣﺠﺮﺑﻪ ﻣﻦ ﻗﺒﻞ ﻭﺍﺷﺘﻐﻞ ﻣﻌﺎﻩ ﻟﻔﺘﺮﺓ ، ﻭﻫﻮ ﺃﻫﻞ ﻟﻠﺜﻘﺔ ﻭﻣﺤﺘﺮﻡ ﺃﻭﻱ ﻛﻤﺎﻥ ﻣﻌﺎﻳﺎ
- ﻣﺮﻭﺍﻥ : ﺳﺎﻋﺎﺕ ﺍﻟﻤﻈﺎﻫﺮ ﺑﺘﺨﺪﻉ ﻳﺎ ﺍﺳﺘﺎﺫ ﺻﻼﺡ
- ﺻﻼﺡ : ﺗﻘﺼﺪ ﺍﻳﻪ
- ﻣﺮﻭﺍﻥ : ﺃﻗﺼﺪ ﺍﻥ ﺁﺁﺁﺁ ...
- ﺍﺣﺪ ﺍﻟﻌﻤﺎﻝ : ﺍﺣﻨﺎ ﺟﻬﺰﻧﺎ ﺍﻟﻤﻮﻧﺔ ﻳﺎ ﻋﻢ ﺻﻼﺡ
- ﺻﻼﺡ : ﻃﺐ ﺍﺳﺘﻨﻰ ﺃﻣﺎ ﺃﺷﻮﻑ ﺍﻟﻤﻬﻨﺪﺱ ﻳﻜﺸﻒ ﻋﻠﻴﻬﺎ ﻗﺒﻞ ﻣﺎ ﺗﻌﻤﻠﻮﺍ ﺍﻟﺼﺒﺔ ، ﻣﺶ ﻋﺎﻭﺯﻳﻦ ﻏﺶ
- ﺃﺣﺪ ﺍﻟﻌﻤﺎﻝ : ﻣﺎﺷﻲ
- ﺻﻼﺡ : ﻣﻌﻠﺶ ﻳﺎ ﺑﻨﻲ ﺍﻧﺖ ﺷﺎﻳﻒ ﺃﻧﺎ ﺃﺩ ﺍﻳﻪ ﻣﺸﻐﻮﻝ
- ﻣﺮﻭﺍﻥ : ﻭﻻ ﻳﻬﻤﻚ .. ﺃﻧﺎ ﻣﺴﺘﻨﻴﻚ
ﺑﺤﺚ ﺻﻼﺡ ﻋﻦ ﺍﻟﻤﻬﻨﺪﺱ ﻭﻟﻜﻨﻪ ﻛﺎﻥ ﻏﻴﺮ ﻣﻮﺟﻮﺩ ﺑﺎﻟﻤﻮﻗﻊ ، ﻓﺎﺗﺼﻞ ﺑﻪ ﻫﺎﺗﻔﻴﺎً ﻭﻃﻠﺐ ﻣﻨﻪ ﺃﻥ ﻳﺄﺗﻲ ﻭﻟﻜﻨﻪ ﺍﻋﺘﺬﺭ ﻋﻦ ﺍﻟﺤﻀﻮﺭ ﻭﻃﻠﺐ ﻣﻦ ﺻﻼﺡ ﺍﺗﻤﺎﻡ ﺍﻟﻌﻤﻞ ..
- ﺍﻟﻤﻬﻨﺪﺱ ﻫﺎﺗﻔﻴﺎً : ﻭﺍﻟﻠﻪ ﻳﺎ ﻋﻢ ﺻﻼﺡ ﻣﺶ ﻫﺎﻋﺮﻑ ﺍﺟﻲ ، ﺃﻧﺎ ﻋﻨﺪﻱ ﺍﺟﺘﻤﺎﻉ ﻭﻳﺪﺏ ﻭﺻﻠﺖ ﺍﻟﺸﺮﻛﺔ
- ﺻﻼﺡ : ﺩﻩ ﺍﻟﻌﻤﺎﻝ ﺟﻬﺰﻭﺍ ﻛﻞ ﺣﺎﺟﺔ
- ﺍﻟﻤﻬﻨﺪﺱ : ﺍﻟﺒﺮﻛﺔ ﻓﻴﻚ ﻳﺎ ﻋﻢ ﺻﻼﺡ ، ﺍﻧﺖ ﺗﻤﻢ ﻋﻠﻴﻬﻢ ﺑﻨﻔﺴﻚ ، ﻭﺳﻴﺒﻠﻲ ﺑﺲ ﻋﻴﻨﺔ ﻭﺃﻧﺎ ﻟﻤﺎ ﻫﺨﻠﺺ ﻫﺎﺭﺟﻊ ﺃﺷﻮﻓﻬﺎ
- ﺻﻼﺡ : ﻃﻴﺐ ﻳﺎ ﺑﺸﻤﻬﻨﺪﺱ
- ﺍﻟﻤﻬﻨﺪﺱ : ﺃﻧﺎ ﻣﻌﺘﻤﺪ ﻋﻠﻰ ﺍﻟﻠﻪ ﺛﻢ ﻋﻠﻴﻚ .. ﻭﺭﺑﻨﺎ ﻳﻘﻮﻳﻚ
- ﺻﻼﺡ : ﺗﺴﻠﻢ ﻳﺎ ﺑﺸﻤﻬﻨﺪﺱ
ﺻﻼﺡ ﻟﻠﻌﻤﺎﻝ : ﺍﺑﺪﺃﻭﺍ ﺍﻟﺸﻐﻞ ، ﺃﻧﺎ ﺟﺎﻳﻠﻜﻢ
- ﻋﺎﻣﻞ ﻣﺎ : ﺣﺎﺿﺮ ﻳﺎ ﺭﻳﺲ
- ﻋﺎﻣﻞ ﺃﺧﺮ : ﻣﺎﺷﻲ ﻳﺎ ﻋﻢ ﺻﻼﺡ
- ﺻﻼﺡ ﻭﻗﺪ ﺗﺬﻛﺮ ﺷﻴﺌﺎً ﻣﺎ : ﻳﺎﺍﺍﺍﺍﻩ ، ﺩﻩ ﺍﻧﺎ ﻧﺴﻴﺖ ﺍﻟﻤﻔﺮﻭﺽ ﻫﺎﺭﻭﺡ ﺃﺟﻴﺐ ﻃﻤﻄﻢ ﻭﻧﻴﺮﺓ ﻣﻦ ﺍﻟﻤﺪﺭﺳﺔ
- ﻣﺮﻭﺍﻥ ﻓﻲ ﻧﻔﺴﻪ : ﻧﻴﺮﺓ !!..
- ﺻﻼﺡ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎ ﺭﺏ ، ﺭﺍﺡ ﻣﻦ ﺑﺎﻟﻲ ﺧﺎﻟﺺ ﻣﻮﺿﻮﻉ ﺍﻟﻤﺪﺭﺳﺔ ﺩﻩ
- ﻣﺮﻭﺍﻥ ﻣﻘﺘﺮﺣﺎً : ﺃﻧﺎ ﻣﻤﻜﻦ ﺃﻭﺻﻠﻬﻢ
- ﺻﻼﺡ : ﻷ ﻳﺎ ﺑﻨﻲ ﻣﺶ ﻋﺎﻭﺯ ﺃﻋﻄﻠﻚ ﻭﻻ ﺃﺿﻴﻊ ﻭﻗﺘﻚ
- ﻣﺮﻭﺍﻥ : ﺗﻌﻄﻠﻨﻲ ﺍﻳﻪ ﺑﺲ ، ﺩﻱ ﻃﻤﻄﻢ ﺯﻱ ﺍﺧﺘﻲ ﺍﻟﺼﻐﻴﺮﺓ ، ﻭﺑﻌﺪﻳﻦ ﻣﺪﺭﺳﺘﻬﺎ ﻓﻲ ﺳﻜﺘﻲ ﻳﻌﻨﻲ ﻣﺶ ﻫﺎﺭﻭﺡ ﺑﻌﻴﺪ
- ﺻﻼﺡ : ﺭﺑﻨﺎ ﻳﻜﺮﻣﻚ ﻳﺎ ﺑﻨﻲ ، ﺍﻧﺎ ﻣﺶ ﻫﻨﺴﺎﻟﻚ ﺍﻟﺠﻤﻴﻠﺔ ﺩﻱ
- ﻣﺮﻭﺍﻥ : ﻣﺘﻘﻮﻟﺶ ﻛﺪﻩ ﻳﺎ ﻋﻢ ﺻﻼﺡ ، ﻫﻮ ﺃﻧﺎ ﻋﻤﻠﺖ ﺣﺎﺟﺔ
- ﺻﻼﺡ : ﺍﻟﻠﻪ ﻳﻜﺮﻣﻚ ﻳﺎ ﺭﺏ ﻭﻳﺮﺯﻗﻚ ﺑﺒﻨﺖ ﺍﻟﺤﻼﻝ ﺍﻟﻠﻲ ﺗﺴﺘﺎﻫﻠﻚ
- ﻣﺮﻭﺍﻥ : ﺍﻟﻠﻪ ﻳﺨﻠﻴﻚ
ﺭﻛﺐ ﻣﺮﻭﺍﻥ ﺳﻴﺎﺭﺗﻪ ﻭﻗﺮﺭ ﺃﻥ ﻳﺘﻮﺟﻪ ﺇﻟﻰ ﻣﺪﺭﺳﺔ ﻓﺎﻃﻴﻤﺎً ﺃﻭﻻً ﺛﻢ ﺇﻟﻰ ﻣﺪﺭﺳﺔ ﻧﻴﺮﺓ ﻭ ...
- ﻣﺮﻭﺍﻥ ﺑﻔﺮﺣﺔ : ﻣﺼﺎﻳﺐ ﻗﻮﻡ ﻋﻨﺪ ﻗﻮﻡ ﻓﻮﺍﻳﺪ ............ !!
........................
ﻓﻲ ﺷﺮﻛﺔ ﺍﻟﻜﻮﻣﻲ ﻟﻠﺘﻄﻮﻳﺮ ﻭﺍﻻﺳﺘﺜﻤﺎﺭ ﺍﻟﻌﻘﺎﺭﻱ ،،،
ﻛﺎﻥ ﻳﻮﺳﻒ ﻳﺠﻠﺲ ﻣﻊ ﻭﺍﻟﺪﻩ ﻓﻲ ﺍﻟﻤﻜﺘﺐ ﻳﺘﺤﺪﺛﺎﻥ ﺣﻮﻝ ﺍﻟﻮﺿﻊ ﺍﻟﺼﺤﻲ ﻟﻮﺍﻟﺪﺗﻪ ﻭ ...
- ﺳﻠﻴﻢ : ﻟﻮ ﻻ ﻗﺪﺭ ﺍﻟﻠﻪ ﺍﻣﻚ ﻃﻠﻊ ﻓﻴﻬﺎ ﺣﺎﺟﺔ ﻛﺪﻩ ﻭﻻ ﻛﺪﻩ ﺃﻧﺎ ﻣﺶ ﻫﺎﺳﻜﺖ ﻫﺴﻔﺮﻫﺎ ﺃﺣﺴﻦ ﻣﻜﺎﻥ ﺗﺘﻌﺎﻟﺞ ﻓﻴﻪ
- ﻳﻮﺳﻒ : ﺭﺑﻨﺎ ﻳﺴﺘﺮ ، ﺑﺠﺪ ﺃﻧﺎ ﺧﺎﻳﻒ ﻭﻗﻠﻘﺎﻥ
- ﺳﻠﻴﻢ : ﺭﺑﻨﺎ ﻳﻌﺪﻳﻬﺎ ﻉ ﺧﻴﺮ
- ﻳﻮﺳﻒ : ﻫﻮ ﺍﻟﻤﻔﺮﻭﺽ ﻧﺘﺎﻳﺞ ﺍﻟﺘﺤﺎﻟﻴﻞ ﻫﺘﺒﺎﻥ ﺍﻣﺘﻰ ؟؟
- ﺳﻠﻴﻢ : ﺑﻜﺮﺓ ﺍﻥ ﺷﺎﺀ ﺍﻟﻠﻪ ، ﻭﺍﻟﺪﻛﺘﻮﺭ ﻗﺎﻟﻲ ﺃﻭﻝ ﻣﺎ ﻫﺘﻈﻬﺮ ﻫﻴﻜﻠﻤﻨﻲ ﻋﻠﻰ ﻃﻮﻝ ﻣﺶ ﻫﺎﻳﺴﺘﻨﻰ
- ﻳﻮﺳﻒ : ﺭﺑﻨﺎ ﻳﺴﺘﺮ ﻟﺤﺪ ﺑﻜﺮﺓ
- ﺳﻠﻴﻢ : ﺍﻟﻤﻬﻢ ﺍﻧﺖ ﺣﺎﻭﻝ ﺗﺒﺎﻥ ﻃﺒﻴﻌﻲ ﻗﺪﺍﻡ ﺃﻣﻚ ، ﻣﺶ ﻋﺎﻭﺯﻳﻨﻬﺎ ﺗﻘﻠﻖ ﻣﻦ ﺣﺎﺟﺔ
- ﻳﻮﺳﻒ : ﺣﺎﺿﺮ
- ﺳﻠﻴﻢ : ﺻﺤﻴﺢ ﺍﻧﺖ ﻣﺎﺭﻭﺣﺘﺶ ﻛﻠﻴﺘﻚ ﺍﻟﻨﻬﺎﺭﺩﺓ
- ﻳﻮﺳﻒ : ﻷ ﻣﺶ ﻫﺎﺭﻭﺡ ﻓﻲ ﺣﺘﺔ ﻏﻴﺮ ﻟﻤﺎ ﺃﻃﻤﻦ ﻋﻠﻰ ﻣﺎﻣﺎ ﺍﻷﻭﻝ
- ﺳﻠﻴﻢ : ﻣﺼﻠﺤﺘﻚ ﻳﺎ ﺑﻨﻲ
- ﻳﻮﺳﻒ : ﻣﺎﻓﻴﺶ ﺍﻱ ﺣﺎﺟﺔ ﻣﻬﻤﺔ ﻋﻨﺪﻱ ﺇﻻ ﻣﺎﻣﺎ ﻭﺑﺲ
- ﺳﻠﻴﻢ : ﺭﺑﻨﺎ ﻳﻄﻤﻨﺎ ﻋﻠﻴﻬﺎ
- ﻳﻮﺳﻒ : ﻳﺎﺍﺍﺍ ﺭﺏ
............................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،،
ﺍﻧﺘﻬﺖ ﻧﺪﻯ ﻣﻦ ﻗﺮﺍﺀﺓ ﺍﻟﺮﻭﺍﻳﺔ ﺍﻟﺘﻲ ﻛﺎﻧﺖ ﺑﺤﻮﺯﺗﻬﺎ ﻭﻟﻢ ﺗﺪﺭﻙ ﺃﻥ ﺍﻟﻮﻗﺖ ﻗﺪ ﻓﺎﺗﻬﺎ ﺩﻭﻥ ﺃﻥ ﺗﺤﻀﺮ ﺑﺎﻗﻲ ﺍﻟﻤﺤﺎﺿﺮﺍﺕ ﺍﻟﺨﺎﺻﺔ ﺑﻔﺮﻗﺘﻬﺎ ﻭ ...
- ﺃﻣﻴﻨﺔ ﺍﻟﻤﻜﺘﺒﺔ : ﻳﺎ ﺁﻧﺴﺔ ﻟﻮ ﺳﻤﺤﺘﻲ
- ﻧﺪﻯ : ﺍﻳﻮﻩ
- ﺃﻣﻴﻨﺔ ﺍﻟﻤﻜﺘﺒﺔ : ﻣﻴﻌﺎﺩ ﺍﻻﻧﺼﺮﺍﻑ ﻣﻦ ﺍﻟﻤﻜﺘﺒﺔ
- ﻧﺪﻯ ﻭﻗﺪ ﺃﺩﺭﻛﺖ ﺃﻧﻬﺎ ﺗﺄﺧﺮﺕ : ﺍﻭﻭﺑﺲ ، ﻣﻌﻠﺶ ﺍﻟﻮﻗﺖ ﺳﺮﻗﻨﻲ
- ﺃﻣﻴﻨﺔ ﺍﻟﻤﻜﺘﺒﺔ : ﻭﻻ ﻳﻬﻤﻚ ، ﺗﻘﺪﺭﻱ ﺗﺴﺘﻌﻴﺮﻱ ﺍﻟﻜﺘﺎﺏ ﻟﻮ ﻋﺎﻭﺯﺓ ﺗﺨﻠﺼﻴﻪ
- ﻧﺪﻯ : ﺍﻫﺎ
- ﺃﻣﻴﻨﺔ ﺍﻟﻤﻜﺘﺒﺔ : ﺍﻋﻤﻠﻲ ﻛﺎﺭﻧﻴﻪ ﺍﺷﺘﺮﺍﻙ ﻓﻲ ﺍﻟﻤﻜﺘﺒﺔ ﻭﻫﺘﻘﺪﺭﻱ ﺗﺎﺧﺪﻱ ﺍﻟﻜﺘﺐ ﺍﻟﻠﻲ ﺍﻧﺘﻲ ﻋﺎﻭﺯﺍﻫﺎ ﻭﺗﻘﺮﻳﻬﺎ
- ﻧﺪﻯ : ﺗﻤﺎﻡ ، ﻣﻤﻜﻦ ﺣﻀﺮﺗﻚ ﺗﻜﺘﺒﻠﻲ ﺍﻟﻤﻄﻠﻮﺏ ﻓﻲ ﻭﺭﻗﺔ ﻋﺸﺎﻥ ﺃﻋﻤﻞ ﻛﺎﺭﻧﻴﻪ ﺍﻻﺳﺘﻌﺎﺭﺓ
- ﺃﻣﻴﻨﺔ ﺍﻟﻤﻜﺘﺒﺔ : ﺍﻭﻙ .. ﻟﺤﻈﺔ ﻭﺍﺣﺪﺓ
ﻛﺘﺒﺖ ﺃﻣﻴﻨﺔ ﺍﻟﻤﻜﺘﺒﺔ ﻣﺎﻫﻮ ﻣﻄﻠﻮﺏ ﻟﻨﺪﻯ ﻟﻜﻲ ﺗﺴﺘﺨﺮﺝ ﻛﺎﺭﻧﻴﻪ ﺍﻻﺳﺘﻌﺎﺭﺓ ، ﺛﻢ ﺍﻧﺼﺮﻓﺖ ﺑﻌﺪﻫﺎ ﻟﻤﻨﺰﻟﻬﺎ ﺧﺎﺻﺔ ﺑﻌﺪ ﺃﻥ ﺍﺗﺼﻠﺖ ﺑﻬﺎ ﻭﺍﻟﺪﺗﻬﺎ ﻭ ...
- ﻧﺪﻯ ﻫﺎﺗﻔﻴﺎً : ﺧﻼﺹ ﻳﺎ ﻣﺎﻣﺎ ﺃﻧﺎ ﺟﺎﻳﺔ
- ﺯﻳﻨﺐ : ﺗﻴﺠﻲ ﺑﺎﻟﺴﻼﻣﺔ ﻳﺎ ﻋﺮﻭﺳﺔ ، ﻭﻣﺎﺗﻨﺴﻴﺶ ﺗﺠﻴﺒﻲ ﻭﺍﻧﺘﻲ ﺟﺎﻳﺔ ﺍﻟﻤﺎﺳﻚ ﺑﺘﺎﻉ ﺍﻟﺒﺸﺮﺓ ﻣﻦ ﺍﻟﺼﻴﺪﻟﻴﺔ
- ﻧﺪﻯ : ﺣﺎﺿﺮ
..................................
ﻋﻨﺪ ﻣﺪﺭﺳﺔ ﻓﺎﻃﻴﻤﺎ ،،،،،
ﻭﺻﻞ ﻣﺮﻭﺍﻥ ﺑﺴﻴﺎﺭﺗﻪ ﻋﻨﺪ ﻣﺪﺭﺳﺔ ﻓﺎﻃﻴﻤﺎ ، ﻭﻭﻗﻒ ﻳﻨﺘﻈﺮﻫﺎ ﺣﺘﻰ ﺗﺨﺮﺝ ، ﻭﻣﺎ ﺇﻥ ﺭﺃﺗﻪ ﻓﺎﻃﻴﻤﺎ ﺣﺘﻰ ﺃﺳﺮﻋﺖ ﺇﻟﻴﻪ ﻭ ...
- ﻓﺎﻃﻴﻤﺎ ﺑﻔﺮﺣﺔ : ﻣـــــﺮﻭﺍﻥ !
- ﻣﺮﻭﺍﻥ : ﻃﻤﻄﻢ
- ﻓﺎﻃﻴﻤﺎ : ﺍﻧﺖ ﺑﺘﻌﻤﻞ ﺍﻳﻪ ﻫﻨﺎ ؟
- ﻣﺮﻭﺍﻥ : ﺍﻧﺎ ﺍﺳﺘﺄﺫﻧﺖ ﻭﺍﻟﺪﻙ ﻫﻮﺻﻠﻚ ﺍﻟﻨﻬﺎﺭﺩﺓ ﻟﻠﺒﻴﺖ
- ﻓﺎﻃﻴﻤﺎ : ﺑﺠﺪ ؟
- ﻣﺮﻭﺍﻥ : ﺍﻩ ، ﻳﺎﻻ ﺗﻌﺎﻟﻲ
- ﻓﺎﻃﻴﻤﺎ : ﻣﺎﺷﻲ
- ﻣﺮﻭﺍﻥ : ﺍﺣﻨﺎ ﺍﻟﻤﻔﺮﻭﺽ ﻧﺠﻴﺐ ﺍﺧﺘﻚ ﻣﻌﺎﻧﺎ ﺻﺢ ؟
- ﻓﺎﻃﻴﻤﺎ : ﻧﻴﺮﺓ !
- ﻣﺮﻭﺍﻥ : ﺍﻩ ﻫﻲ
- ﻓﺎﻃﻴﻤﺎ : ﺍﻳﻮﻩ ﺑﺎﺑﺎ ﻛﺎﻥ ﻗﺎﻳﻞ ﻫﻨﺮﻭﺡ ﺳﻮﺍ، ﺍﻧﺖ ﻫﺘﻼﻗﻴﻬﺎ ﻓﻲ ﺍﻟﺴﻜﻮﻝ ( ( school ﺑﺘﺎﻋﺘﻬﺎ
- ﻣﺮﻭﺍﻥ : ﺍﻭﻙ ، ﺍﻧﺘﻲ ﻋﺎﺭﻓﺔ ﻣﻜﺎﻧﻬﺎ ﺍﻟﺴﻜﻮﻝ ﺩﻱ
- ﻓﺎﻃﻴﻤﺎ : ﺃﻩ ، ﻫﻲ ﺍﺳﻤﻬﺎ ((....)) ﻭﻣﻮﺟﻮﺩﺓ ﻫﻨﺎﻙ
- ﻣﺮﻭﺍﻥ : ﺗﻤﺎﻡ .. ﺍﻧﺎ ﻋﺮﻓﺘﻬﺎ .. ﻳﺎﻻ
- ﻓﺎﻃﻴﻤﺎ : ﺍﻭﻙ
ﺭﻛﺒﺖ ﻓﺎﻃﻴﻤﺎ ﻓﻲ ﺍﻟﻤﻘﻌﺪ ﺍﻷﻣﺎﻣﻲ ﺑﺠﻮﺍﺭ ﻣﺮﻭﺍﻥ ﺍﻟﺬﻱ ﺃﺩﺍﺭ ﺳﻴﺎﺭﺗﻪ ﻭﺍﺗﺠﻪ ﺑﻬﺎ ﻧﺤﻮ ﻣﺪﺭﺳﺔ ﻧﻴﺮﺓ ..
....................
ﻋﻨﺪ ﻣﺪﺭﺳﺔ ﻧﻴﺮﺓ ،،،،
- ﻧﻬﻠﺔ : ﻭﺍﻟﻨﺒﻲ ﻳﺎ ﻧﻴﺮﻭﻭ ﻣﺎﺗﻨﺴﻴﺶ ﺍﻟﻠﻲ ﻗﻮﻟﺘﻠﻚ ﻋﻠﻴﻪ
- ﻧﻴﺮﺓ : ﺭﺑﻨﺎ ﻳﺴﻬﻞ
- ﻧﻬﻠﺔ : ﻫﻲ ﻣﺶ ﻫﺎﺗﻜﻠﻤﻚ ﺑﺲ ﺑﺮﺿﻮﻩ ، ﺗﻜﻮﻧﻲ ﻣﺴﺘﻌﺪﻳﺔ ، ﻭﺑﺼﻲ ﺳﺠﻠﻲ ﺭﻗﻤﻬﺎ ﻋﻨﺪﻙ ﻋﺸﺎﻥ ﻣﺘﺘﻔﺎﺟﺌﻴﺶ
- ﻧﻴﺮﺓ : ﻣﺎﺷﻲ ، ﺑﺲ ﺃﻧﺎ ﻣﺶ ﻋﺎﻭﺯﺓ ﻣﺸﺎﻛﻞ
- ﻧﻬﻠﺔ : ﻣﺘﺨﺎﻓﻴﺶ ﻣﺎﻓﻴﺶ ﺣﺎﺟﺔ ﻫﺘﺤﺼﻞ
- ﻧﻴﺮﺓ : ﺭﺑﻨﺎ ﻳﻌﺪﻳﻬﺎ ﻉ ﺧﻴﺮ
- ﻧﻬﻠﺔ ﻭﻫﻲ ﺗﻘﺒﻠﻬﺎ : ﺑﺎﻱ ﻳﺎ ﻧﻴﺮﻭﻭﻭ ﻳﺎ ﺃﺟﺪﻉ ﺻﺎﺣﺒﺔ ﻓﻲ ﺍﻟﺪﻧﻴﺎ
ﺧﺮﺟﺖ ﻧﻴﺮﺓ ﻣﻦ ﺑﻮﺍﺑﺔ ﻣﺪﺭﺳﺘﻬﺎ ﻟﺘﺘﻔﺎﺟﻲﺀ ﺑﺎﺧﺘﻬﺎ ﻓﺎﻃﻴﻤﺎ ﺗﻘﻒ ﻭﻫﻲ ﻣﻤﺴﻜﺔ ﺑﻴﺪ ﻣﺮﻭﺍﻥ ﻭﻳﻠﻮﺡ ﺍﻻﺛﻨﺎﻥ ﻟﻬﺎ ﻭ ...
- ﻓﺎﻃﻴﻤﺎ ﻭﻫﻲ ﺗﻠﻮﺡ ﺑﻴﺪﻫﺎ : ﻧﻴـــــﺮﺓ .. !
- ﻧﻴﺮﺓ ﺑﺪﻫﺸﺔ : ﻫـــﺎﻩ
- ﻣﺮﻭﺍﻥ ﻣﺒﺘﺴﻤﺎً ﻭﻣﻠﻮﺣﺎً ﺑﻴﺪﻩ : ﻫﺎﻱ
- ﻧﻴﺮﺓ : ﺍﻧﺖ .. !! ﺍﻳﻪ ﺍﻟﻠﻲ ﺟﺎﺑﻚ ﻫﻨﺎ ؟؟
- ﻓﺎﻃﻴﻤﺎ : ﺃﻧﺎ ﺍﻟﻠﻲ ﺟﺒﺘﻪ
- ﻣﺮﻭﺍﻥ : ﺃﻩ ﻫﻲ
- ﻧﻴﺮﺓ : ﺍﻧﺘﻲ ﺟﻴﺘﻲ ﻣﻌﺎﻩ ﺍﺯﺍﻱ ؟؟ ﻣﺶ ﺑﺎﺑﺎ ﻣﻨﺒﻪ ﻋﻠﻴﻜﻲ ﻣﺎﺗﺨﺮﺟﻴﺶ ﺑﺮﻩ ﺍﻟﻤﺪﺭﺳﺔ ﺇﻻ ﻟﻤﺎ ﻫﻮ ﻳﺠﻲ ﺃﻭ ﺃﻧﺎ ؟؟
- ﻣﺮﻭﺍﻥ : ﺑﺎﻟﺮﺍﺣﺔ ﻳﺎ ﻧﻴﺮﺓ
- ﻧﻴﺮﺓ : ﻧﻌﻢ ؟؟ ﻧﻴﺔ ﻛﺪﻩ ﺣﺎﻑ
- ﻣﺮﻭﺍﻥ : ﻳﻌﻨﻲ ﺃﺣﻂ ﺍﻻﺳﻢ ﻓﻲ ﺳﻨﺪﻭﺗﺶ ﻭﻻ ﻋﻠﻴﻪ ﺷﻮﻳﺔ ﻏﻤﻮﺱ ﻋﺸﺎﻥ ﻳﻌﺠﺐ
- ﻧﻴﺮﺓ : ﻷ ﺍﻧﺖ ﺟﺎﻱ ﺗﻬﺰﺭ ، ﻭﺍﻧﺎ ﻣﺶ ﻓﺎﻳﻘﺔ ﺍﺭﺩ ﻋﻠﻴﻚ ، ﻳﺎﻻ ﻳﺎ ﻃﻤﻄﻢ
- ﻓﺎﻃﻴﻤﺎ : ﺃﻧﺎ ﻫﺎﺭﻭﺡ ﻣﻊ ﻣﺮﻭﺍﻥ
- ﻧﻴﺮﺓ : ﻫﻮ ﻋﻨﺪ ﻭﺧﻼﺹ
- ﻓﺎﻃﻴﻤﺎ : ﺑﺎﺑﺎ ﻗﺎﻟﻪ ﻳﻮﺻﻠﻨﺎ
- ﻧﻴﺮﺓ : ﻧﻌﻢ ؟؟
- ﻣﺮﻭﺍﻥ : ﺍﻩ ﻫﻮ ﻗﺎﻟﻲ ﻛﺪﻩ
- ﻧﻴﺮﺓ : ﻳﻌﻨﻲ ﻣﺶ ﻫﻨﺨﻠﺺ ﻣﻨﻚ ﺑﺎﻟﺴﺎﻫﻞ
- ﻣﺮﻭﺍﻥ : ﻟﻸﺳﻒ ﻷ .. ﻷﻧﻲ ﺭﺯﻝ ﻓﻲ ﺍﻟﺤﺎﺟﺎﺕ ﺩﻱ
- ﻧﻴﺮﺓ ﺑﻀﻴﻖ : ﺍﻧﺖ ﻓﻌﻼ ﻛﺪﻩ !
- ﻓﺎﻃﻴﻤﺎ : ﻳﺎﻻ ﺑﻘﻰ
ﺍﺿﻄﺮﺕ ﻧﻴﺮﺓ ﺃﻥ ﺗﺮﻛﺐ ﺍﻟﺴﻴﺎﺭﺓ ﻣﻊ ﻣﺮﻭﺍﻥ ﻭﺍﺧﺘﻬﺎ ﻓﺎﻃﻴﻤﺎ ، ﺛﻢ ﺍﻧﻄﻠﻖ ﻫﻮ ﺑﻬﻢ ﺇﻟﻰ ﻣﻨﺰﻟﻬﻢ ..
- ﻣﺮﻭﺍﻥ : ﺍﻳﻪ ﺍﺧﺒﺎﺭ ﺍﻟﻤﺪﺭﺳﺔ ﻳﺎ ﻃﻤﻄﻢ
- ﻓﺎﻃﻴﻤﺎ : ﺷﻐﺎﻟﺔ
- ﻣﺮﻭﺍﻥ ﻭﻫﻮ ﻳﻨﻈﺮ ﻓﻲ ﺍﻟﻤﺮﺁﺓ ﺍﻷﻣﺎﻣﻴﺔ : ﻣﻤﻢ ... ﻫﻲ ﻓﻌﻼً ﺷﻐﺎﻟﺔ ﻣﺶ ﻭﺣﺸﺔ
- ﻧﻴﺮﺓ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎ ﺭﺏ
- ﻓﺎﻃﻴﻤﺎ : ﻉ ﻛﺪﻩ ﻳﺎ ﻣﺮﻭﺍﻥ ﺍﻧﺖ ﺑﺘﺮﻭﺡ ﺍﻟﻤﺪﺭﺳﺔ ﺯﻳﻨﺎ ؟
- ﻣﺮﻭﺍﻥ : ﻷ ﺃﻧﺎ ﻓﻲ ﻛﻠﻴﺔ
- ﻓﺎﻃﻴﻤﺎ : ﺯﻱ ﻧﺪﻯ ﺍﺧﺘﻲ
- ﻣﺮﻭﺍﻥ : ﺍﻫﺎ ..
- ﻧﻴﺮﺓ : ﺑﻄﻠﻲ ﺭﻏﻲ ﺑﻘﻰ ﺻﺪﻋﺘﻴﻨﻲ
- ﻓﺎﻃﻴﻤﺎ : ﺃﻧﺎ ﺑﺘﻜﻠﻢ ﻣﻊ ﻣﺮﻭﺍﻥ ﻣﺶ ﻣﻌﺎﻛﻲ
- ﻧﻴﺮﺓ : ﺭﺑﻨﺎ ﻳﻬﻮﻥ
- ﻣﺮﻭﺍﻥ ﻫﺎﻣﺴﺎً ﻟﻔﺎﻃﻴﻤﺎ : ﻫﻲ ﺍﺧﺘﻚ ﺩﻱ ﻋﻠﻰ ﻃﻮﻝ ﺭﻭﺣﻬﺎ ﻓﻲ ﻣﻨﺎﺧﻴﺮﻫﺎ
- ﻓﺎﻃﻴﻤﺎ ﺑﺼﻮﺕ ﻣﻨﺨﻔﺾ : ﺍﻩ .. ﻣﺤﺪﺵ ﺑﻴﺴﺘﺤﻤﻠﻬﺎ
- ﻣﺮﻭﺍﻥ : ﻋﻨﺪﻫﻢ ﺣﻖ
- ﻓﺎﻃﻴﻤﺎ : ﺍﻧﺖ ﻋﻨﺪﻙ ﻛﺎﻡ ﺳﻨﺔ
- ﻣﺮﻭﺍﻥ : ﺃﻧﺎ 25
- ﻓﺎﻃﻴﻤﺎ : ﻳﺎﺍﺍﻩ ﻭﻛﻞ ﺩﻩ ﻭﻟﺴﻪ ﻓﻲ ﻛﻠﻴﺔ
- ﻣﺮﻭﺍﻥ : ﻧﺼﻴﺒﻲ ﺑﻘﻰ
- ﻧﻴﺮﺓ ﺑﺼﻮﺕ ﻣﻨﺨﻔﺾ : ﻃﺒﻌﺎً ﻋﺸﺎﻥ ﺳﺎﻗﻂ ﻭﺧﺎﻳﺐ ﻭﻣﺶ ﻓﺎﺿﻲ ﻏﻴﺮ ﻟﻤﻀﺎﻳﻘﺔ ﺍﻟﻨﺎﺱ
- ﻣﺮﻭﺍﻥ : ﻉ ﻓﻜﺮﺓ ﺃﻧﺎ ﺳﺎﻣﻌﻚ
- ﻧﻴﺮﺓ ﻭﻫﻲ ﺗﺘﻤﺘﻢ : ﺍﺣﻢ ... ﺍﻳﺎﻛﺶ ﺗﻜﻮﻥ ﺑﺘﺤﺲ
ﺛﻢ ﺭﻥ ﻫﺎﺗﻒ ﻧﻴﺮﺓ ﺑﺮﻗﻢ ﻭﺍﻟﺪﺓ ﻧﻬﻠﺔ ﺻﺪﻳﻘﺘﻬﺎ ، ﻓﺎﺿﻄﺮﺑﺖ ﻭ ...
- ﻧﻴﺮﺓ ﺑﺎﺿﻄﺮﺍﺏ : ﺩﻱ .. ﺩﻱ ﻣﺎﻣﺖ ﻧﻬﻠﺔ
- ﻣﺮﻭﺍﻥ : ﺍﻳﻪ ﻣﺶ ﻧﺎﻭﻳﺔ ﺗﺮﺩﻱ
- ﻧﻴﺮﺓ : ﻣﻠﻜﺶ ﺩﻋﻮﺓ
- ﻓﺎﻃﻴﻤﺎ : ﺭﻗﻢ ﻏﺮﻳﺐ ﺩﻩ ﻳﺎ ﻧﻴﺮﺓ ؟
- ﻧﻴﺮﺓ : ﻷ
- ﻓﺎﻃﻴﻤﺎ : ﻃﺐ ﻣﺎ ﺗﺮﺩﻱ
- ﻧﻴﺮﺓ : ﺃﻧﺎ ﺣﺮﺓ ﻣﺶ ﻋﺎﻭﺯﺓ ﺃﺭﺩ
- ﻓﺎﻃﻴﻤﺎ : ﻳﺒﻘﻰ ﺃﻛﻴﺪ ﺑﺘﻜﻠﻤﻲ ﺣﺪ ﻭﻣﺶ ﻋﺎﻭﺯﺍﻧﻲ ﺃﻋﺮﻑ ﻋﺸﺎﻥ ﻣﺶ ﺍﻗﻮﻝ ﻟﻤﺎﻣﺎ ﻋﻨﻚ
- ﻧﻴﺮﺓ : ﺑﺲ ﺁﺑﺖ
- ﻓﺎﻃﻴﻤﺎ : ﻃﺐ ﻭﺍﻟﻠﻪ ﻷﻗﻮﻝ ﻟﻤﺎﻣﺎ
- ﻣﺮﻭﺍﻥ : ﺧﻼﺹ ﻳﺎ ﻃﻤﻄﻢ ، ﺳﺒﻴﻬﺎ ..
ﺭﻥ ﺍﻟﻬﺎﺗﻒ ﻣﺮﺓ ﺍﺧﺮﻯ ، ﻓﻠﻢ ﻳﻜﻦ ﺃﻣﺎﻡ ﻧﻴﺮﺓ ﺇﻻ ﺍﻟﺮﺩ ﻭﺇﻻ ﺳﻮﻑ ﺗﺜﻴﺮ ﺍﻟﺸﻜﻮﻙ ﺑﻌﺪﻡ ﺭﺩﻫﺎ ﻋﻠﻰ ﺍﻟﻬﺎﺗﻒ
- ﻧﻴﺮﺓ ﻫﺎﺗﻔﻴﺎً : ﺃﻟﻮﻭﻭﻩ ، ﺍﻳﻮﻩ ﻳﺎ ﻃﻨﻂ
- ﺍﻟﻤﺘﺼﻞ : ................................
- ﻧﻴﺮﺓ : ﻷ ﺍﺣﻨﺎ ﺧﻠﺼﻨﺎ ﺍﻟﻤﺪﺭﺳﺔ ﻭﻋﻨﺪﻧﺎ ﻣﺠﻤﻮﻋﺔ ﺍﻟﻮﻗﺘﻲ ﻳﺎ ﻃﻨﻂ ، ﻫﻲ ﻧﻬﻠﺔ ﻣﻘﺎﻟﺘﺶ ﻟﺤﻀﺮﺗﻚ ؟
- ﺍﻟﻤﺘﺼﻞ ................................ :
- ﻧﻴﺮﺓ : ﺣﺎﺿﺮ .. ﺃﻭﻝ ﻣﺎ ﻫﻨﺨﻠﺺ ﻫﻨﻜﻠﻤﻚ ﻋﻠﻰ ﻃﻮﻝ ..
- ﺍﻟﻤﺘﺼﻞ ................................ :
- ﻧﻴﺮﺓ : ﻣﺎﻓﻴﺶ ﺍﺯﻋﺎﺝ ﻭﻻ ﺣﺎﺟﺔ ﻳﺎ ﻃﻨﻂ
- ﺍﻟﻤﺘﺼﻞ ................................... :
- ﻧﻴﺮﺓ : ﻣﻴﺮﺳﻲ ﻳﺎ ﻃﻨﻂ
- ﺍﻟﻤﺘﺼﻞ : ...........................
- ﻧﻴﺮﺓ : ﻳﺎ ﺭﺏ ﺃﻣﻴﻦ ، ﻣﻊ ﺍﻟﺴﻼﻣﺔ
- ﻓﺎﻃﻴﻤﺎ : ﺩﺭﺱ ﺍﻳﻪ ﺩﻩ ﺍﻟﻠﻲ ﻋﻨﺪﻙ ﻳﺎ ﻧﻴﺮﺓ
- ﻧﻴﺮﺓ : ﻭﺍﻧﺘﻲ ﻣﺎﻟﻚ
- ﻓﺎﻃﻴﻤﺎ : ﻣﺶ ﺍﻧﺘﻲ ﺑﺘﻘﻮﻟﻲ ﻋﻨﺪﻙ ﻣﺠﻤﻮﻋﺔ ﺍﻟﻮﻗﺘﻲ
- ﻧﻴﺮﺓ : ﺃﻧﺎ ﺃﻗﻮﻝ ﺍﻟﻠﻲ ﺃﻧﺎ ﻋﺎﻭﺯﺍﻩ ، ﺧﻠﻴﻜﻲ ﺍﻧﺘﻲ ﺑﺲ ﻓﻲ ﺣﺎﻟﻚ ،ﻭﺍﻗﻌﺪﻱ ﺳﺎﻛﺘﺔ
- ﻣﺮﻭﺍﻥ ﻣﺘﺪﺧﻼً ﻓﻲ ﺍﻟﺤﻮﺍﺭ : ﺳﺒﻴﻬﺎ ﻳﺎ ﻃﻤﻄﻢ ﺗﻜﺪﺏ ﻣﺘﺪﺧﻠﻴﺶ ، ﻣﺎﻫﻮ ﺍﻟﻜﺪﺍﺏ ﺑﻴﺮﻭﺡ ﻓﻴﻦ ؟
- ﻓﺎﻃﻴﻤﺎ : ﺍﻟﻨـــــﺎﺭ ﻳﺎ ﻣﺮﻭﺍﻥ
- ﻣﺮﻭﺍﻥ : ﺑﺎﻟﻈﺒﻂ ﻛﺪﻩ
- ﻧﻴﺮﺓ : ﻭﺍﻧﺖ ﻣﺎﻟﻚ ﺃﻛﺪﺏ ﻭﻻ ﺃﻗﻮﻝ ﺍﻟﺤﻘﻴﻘﺔ ، ﺩﻩ ﻫﻴﻀﺮﻙ ﻓﻲ ﺣﺎﺟﺔ
- ﻣﺮﻭﺍﻥ : ﻷ ﻣﺶ ﻫﻴﻀﺮﻧﻲ ﺃﻧﺎ ، ﺑﺲ ﻫﻴﺠﻴﺐ ﺍﻷﺫﻳﺔ ﻟﻐﻴﺮﻱ
- ﻧﻴﺮﺓ : ﻭﺍﻟﻠﻪ ﻛﻞ ﻭﺍﺣﺪ ﺣﺮ ﻳﻌﻤﻞ ﺍﻟﻠﻲ ﻫﻮ ﻋﺎﻭﺯﻩ
- ﻣﺮﻭﺍﻥ : ﺃﻩ ﺑﺲ ﻃﺎﻟﻤﺎ ﻣﺶ ﻫﻴﺄﺫﻱ ﻏﻴﺮﻩ ، ﻭﺍﻧﺘﻲ ﺑﺎﻟﻠﻲ ﻋﻤﻠﺘﻴﻪ ﺩﻩ ﺃﺫﻳﺘﻲ ﺻﺎﺣﺒﺘﻚ
- ﻧﻴﺮﺓ : ﻭﺍﻟﻠﻪ ﻫﻲ ﺣﺮﺓ ، ﻭﺃﻧﺎ ﻋﻤﻠﺖ ﺍﻟﻠﻲ ﻫﻲ ﻋﺎﻭﺯﺍﻩ ، ﻓﺄﻣﻬﺎ ﺗﺤﺎﺳﺒﻬﺎ ﻭﻻ ﻷ ﻣﺎﻟﻴﺶ ﻓﻴﻪ
- ﻣﺮﻭﺍﻥ : ﺍﻧﺘﻲ ﺳﺎﻋﺪﺗﻴﻬﺎ ﻋﻠﻰ ﺍﻟﻐﻠﻂ ، ﻓﺎﻧﺘﻲ ﺷﺮﻳﻜﺔ ﺯﻳﻚ ﺯﻳﻬﺎ ﻭﻻﺯﻡ ﺗﺘﺤﺎﺳﺒﻲ ﻣﻌﺎﻫﺎ
- ﻧﻴﺮﺓ : ﺍﻧﺖ .. ﺍﻧﺖ ﺑﺘﻜﻠﻤﻨﻲ ﻛﺪﻩ ﻟﻴﻪ
- ﻣﺮﻭﺍﻥ : ﺃﻧﺎ ﺑﻔﻬﻤﻚ ﺍﻟﺼﺢ
- ﻧﻴﺮﺓ : ﻣﻠﻜﺶ ﺩﻋﻮﺓ ، ﺃﻧﺖ ﻣﺶ ﻣﻦ ﺑﻘﻴﺔ ﻋﻴﻠﺘﻨﺎ ﻋﺸﺎﻥ ﺗﻨﺼﺤﻨﻲ
- ﻣﺮﻭﺍﻥ : ﻭﺍﻟﻠﻪ ﺍﻟﻨﺼﻴﺤﺔ ﻟﻮﺟﻪ ﺍﻟﻠﻪ
- ﻧﻴﺮﺓ : ﺧﻠﻴﻬﺎﻟﻚ ﻣﺶ ﻋﺎﻭﺯﺍﻫﺎ ﻭﺧﺼﻮﺻﺎً ﻟﻮ ﻛﺎﻧﺖ ﻣﻦ ﻭﺍﺣﺪ ﺯﻳﻚ
- ﻣﺮﻭﺍﻥ ﻭﻫﻮ ﻳﻨﻈﺮ ﻟﻨﻴﺮﺓ : ﺃﻧﺎ ﺁﺁﺁﺁﺁﺁ ...........
- ﻓﺎﻃﻴﻤﺎ ﺑﺮﻋﺐ : ﺣﺎﺳﺐ ﻳﺎ ﻣــــــــــــﺮﻭﺍﻥ !
ﻭﻓﺠـــــﺄﺓ ﺍﺭﺗﻄﻤﺖ ﺳﻴﺎﺭﺓ ﻣﺎ ﻣﺴﺮﻋﺔ ﻭﻗﺎﺩﻣﺔ ﻓﻲ ﺍﻻﺗﺠﺎﻩ ﺍﻟﺨﺎﻃﻲﺀ ﺑﺴﻴﺎﺭﺓ ﻣﺮﻭﺍﻥ ﻭ !!!........................
