ﻓﻲ ﺍﻟﻘﺮﻳﺔ ﺍﻟﺴﻴﺎﺣﻴﺔ ،،،،
ﻟﻢ ﻳﺼﺪﻕ ﻣﺮﻭﺍﻥ ﻋﻴﻨﻴﻪ ﻭﻻ ﺃﺫﻧﻴﻪ ﺣﻴﻨﻤﺎ ﻗﺎﺑﻞ ﻓﺎﻃﻴﻤﺎ ﺑﺎﻟﺼﺪﻓﺔ ، ﻭﺍﻟﺘﻲ ﺗﻌﺮﻓﺖ ﺇﻟﻴﻪ ﻣﻦ ﺃﻭﻝ ﻭﻫﻠﺔ ، ﺍﺳﺘﻄﺎﻉ ﺑﺤﻨﻜﺘﻪ ﺃﻥ ﻳﻌﺮﻑ ﺑﺼﻮﺭﺓ ﻣﺒﺴﻄﺔ ﻣﺎ ﻳﺮﻳﺪ ﻣﻦ ﻣﻌﻠﻮﻣﺎﺕ ﻋﻦ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ، ﻭﺑﻨﺎﺀﺍً ﻋﻠﻴﻪ ﺳﻴﺘﺨﺬ ﺍﻟﺨﻄﻮﺍﺕ ﺍﻟﻘﺎﺩﻣﺔ ...
ﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻧﻴﺮﺓ ﺗﺸﺘﻌﻞ ﻏﻀﺒﺎً ﻷﻧﻬﺎ ﻟﻢ ﺗﺴﺘﻄﻊ ﺃﻥ ﺗﻮﺍﺟﻬﻪ ﺭﻏﻢ ﺍﻧﺘﻈﺎﺭﻫﺎ ﻟﻤﺜﻞ ﺗﻠﻚ ﺍﻟﻔﺮﺻﺔ ﻣﻨﺬ ﺯﻣﻦ ﺑﺎﻻﺿﺎﻓﺔ ﺇﻟﻰ ﺗﺪﺭﻳﺐ ﻧﻔﺴﻬﺎ ﻋﻠﻰ ﺫﺍﻙ ﺍﻟﻠﻘﺎﺀ ﺃﻛﺜﺮ ﻣﻦ ﻋﺸﺮﺍﺕ ﺍﻟﻤﺮﺍﺕ .. ﻛﺎﻧﺖ ﺍﻟﻤﻔﺎﺟﺄﺓ ﻭﺧﻔﻘﺎﻥ ﻗﻠﺒﻬﺎ ﻫﻤﺎ ﺍﻟﺴﺒﺒﻴﻦ ﺍﻟﻠﺬﻳﻦ ﻣﻨﻌﺎﻫﺎ ﻣﻦ ﺍﻟﻤﻮﺍﺟﻬﺔ ، ﻭﻟﻜﻦ ﺃﻥ ﻳﺘﻜﺮﺭ ﻣﺜﻞ ﺫﻟﻚ ﺍﻟﺨﻄﺄ ﻣﺮﺗﻴﻦ ، ﻫﻮ ﺃﻣﺮ ﻣﺴﺘﺒﻌﺪ ﺑﺎﻟﻨﺴﺒﺔ ﻟﻬﺎ ...
..................
ﺍﻃﻤﺄﻥ ﻣﺮﻭﺍﻥ ﻋﻠﻰ ﺃﺣﻮﺍﻝ ﻓﺎﻃﻴﻤﺎ ، ﺛﻢ ﺍﺳﺘﺌﺬﻥ ﻣﻨﻬﺎ ﻟﻜﻲ ﻳﻨﺼﺮﻑ ، ﻛﺎﻧﺖ ﻓﺎﻃﻴﻤﺎ ﺳﻌﻴﺪﺓ ﺟﺪﺍ ﺑﻤﻘﺎﺑﻠﺘﻪ ، ﻭﻛﺎﻥ ﻫﺬﺍ ﺟﻠﻴﺎً ﻓﻲ ﻛﻞ ﺗﺼﺮﻓﺎﺗﻬﺎ ﻭﻃﺮﻳﻘﺘﻬﺎ ﺍﻟﻤﺮﺣﺔ ﻣﻌﻪ ، ﻭﻗﺒﻞ ﺃﻥ ﻳﺮﺣﻞ ﻭﻋﺪﻫﺎ ﺑﺎﻟﻤﺠﻲﺀ ﻣﺮﺓ ﺍﺧﺮﻯ .. ﻫﻮ ﺃﺭﺍﺩ ﺃﻥ ﻳﺒﻠﻎ ﻧﻴﺮﺓ ﺑﺼﻮﺭﺓ ﻣﺎ ﺃﻭ ﺑﺄﺧﺮﻯ ﺃﻧﻪ ﻗﺎﺩﻡ ﻣﻦ ﺃﺟﻠﻬﺎ ..
- ﻣﺮﻭﺍﻥ : ﻣﺶ ﻋﺎﺭﻑ ﺃﻗﻮﻟﻚ ﺃﻧﺎ ﺃﺩ ﺍﻳﻪ ﻣﺒﺴﻮﻁ ﺍﻥ ﺷﻮﻓﺘﻚ ﻳﺎ ﻃﻤﻄﻢ
- ﻓﺎﻃﻴﻤﺎ ﻣﺒﺘﺴﻤﺔ : ﺍﻧﺎ ﺑﻘﻴﺖ ﺗﻮﺗﺎ ﺑﻘﻰ ، ﺍﻭﻋﻰ ﺗﻨﺴﻰ
ﻭﺿﻊ ﻣﺮﻭﺍﻥ ﻳﺪﻩ ﻋﻠﻰ ﻭﺟﻨﺔ ﻓﺎﻃﻴﻤﺎ ، ﺛﻢ ﻗﺮﺻﻬﺎ ﻗﺮﺻﺔ ﺻﻐﻴﺮﺓ ﻭﻫﻮ ﻣﺒﺘﺴﻤﺎً ﺑﻤﺮﺡ ..
- ﻣﺮﻭﺍﻥ : ﺍﻧﺘﻲ ﻫﺘﻔﻀﻠﻲ ﻃﻮﻝ ﻋﻤﺮﻙ ﻃﻤﻄﻢ ﺑﺎﻟﻨﺴﺒﺎﻟﻲ
- ﻓﺎﻃﻴﻤﺎ : ﻣﻤﻢ ... ﻣﺎﺷﻲ ، ﻋﺸﺎﻥ ﺧﺎﻃﺮﻙ ﺍﻧﺖ ﺑﺲ
- ﻣﺮﻭﺍﻥ : ﺣﺒﻴﺒﺘﻲ ﻳﺎ ﻃﻤﻄﻢ ، ﺧﻠﻲ ﺑﺎﻟﻚ ﺍﻧﺘﻲ ﻉ ﻧﻔﺴﻚ ، ﻭﺃﻧﺎ ﺟﺎﻱ ﺗﺎﻧﻲ
- ﻓﺎﻃﻴﻤﺎ : ﺍﻧﺖ ﻣﺎﺷﻲ ﻛﺪﻩ ﻉ ﻃﻮﻝ
- ﻣﺮﻭﺍﻥ : ﺃﻧﺎ ﻋﻨﺪﻱ ﺑﺲ ﺷﻐﻞ ﻉ ﺍﻟﺴﺮﻳﻊ ، ﻫﺎﺧﻠﺼﻪ ﻭﺍﺟﻲ ﻫﻨﺎ ﻉ ﺍﻟﻘﺮﻳﺔ ﻭﺃﻗﻌﺪ ﻛﺎﻡ ﻳﻮﻡ
- ﻓﺎﻃﻴﻤﺎ ﺑﺴﻌﺎﺩﺓ : ﺑﺠﺪ .. ﻃﺐ ﺣﻠﻮ ﺍﻭﻱ
- ﻣﺮﻭﺍﻥ : ﺃﻧﺎ ﻣﺶ ﻫﺘﺄﺧﺮ .. ﺭﻭﺣﻲ ﺍﻧﺘﻲ ﺑﻘﻰ ﻟﻨﻴﺮﺓ ، ﻗﺼﺪﻱ ﻟﺒﺎﺑﺎﻛﻲ ﻭﺍﺧﻮﺍﺗﻚ ﻭﻛﺪﻩ
- ﻓﺎﻃﻴﻤﺎ : ﻷ ﺑﺎﺑﺎ ﺟﺎﻱ ﻛﻤﺎﻥ ﻛﺎﻡ ﻳﻮﻡ ﻣﻊ ﻧﺪﻯ
- ﻣﺮﻭﺍﻥ : ﻫﻲ ﻧﺪﻯ ﻣﺶ ﻫﻨﺎ
- ﻓﺎﻃﻴﻤﺎ : ﻷ ، ﻣﻊ ﺑﺎﺑﺎ ﻓﻲ ﺩﺑﻲ ، ﻫﺘﺨﻠﺺ ﺷﻐﻠﻬﺎ ﻭﺗﻴﺠﻲ ﻉ ﻫﻨﺎ ﻣﻌﺎﻩ
- ﻣﺮﻭﺍﻥ ﺑﺨﺒﺚ : ﻳﻮﺻﻠﻮﺍ ﺑﺎﻟﺴﻼﻣﺔ ﺍﻥ ﺷﺎﺀ ﺍﻟﻠﻪ ، ﻋﺎﻭﺯﻙ ﺗﺴﻠﻤﻴﻠﻲ ﺑﻘﻰ ﻉ ﻣﺎﻣﺎ ﻭﻧﻴﺮﺓ ، ﻫﺎ ﻣﺎﺷﻲ
- ﻓﺎﻃﻴﻤﺎ ﻭﻫﻲ ﺗﺮﻓﻊ ﺍﺻﺒﻊ ﺍﻻﺑﻬﺎﻡ : ﺃﻭﻙ ، don't worry
ﺭﻛﺐ ﻣﺮﻭﺍﻥ ﺳﻴﺎﺭﺗﻪ ، ﻭﺍﺭﺗﺴﻤﺖ ﺍﻟﻀﺤﻜﺎﺕ ﻋﻠﻰ ﻭﺟﻬﻪ ، ﺛﻢ ﺍﻧﻄﻠﻖ ﺑﺴﻴﺎﺭﺗﻪ ﻧﺤﻮ ﺍﻟﺨﺎﺭﺝ ﻭﻇﻞ ﻳﻠﻮﺡ ﻟﻔﺎﻃﻴﻤﺎ ﺑﻴﺪﻩ ﻭﻳﺘﺎﺑﻌﻬﺎ ﻭﻫﻮ ﻳﻘﻮﺩ ﺍﻟﺴﻴﺎﺭﺓ ﻣﻦ ﻣﺮﺁﺗﻬﺎ ﺍﻟﺠﺎﻧﺒﻴﺔ ..
- ﻣﺮﻭﺍﻥ ﻓﻲ ﻧﻔﺴﻪ : ﻳﻮﻡ ﻭﺍﺣﺪ ﺑﺲ ﻳﺎ ﻧﻴﺮﺓ ﻭﻫﺎﺭﺟﻌﻠﻚ ﻭﻣﺶ ﻫﺎﺳﻴﺒﻚ ﻟﻸﺑﺪ .. ﻭﺩﻩ ﻭﻋﺪ ﻣﻨﻲ !!!!!..
................................
ﻓﻲ ﺍﻟﺸﺎﻟﻴﻪ ،،،
ﻋﺎﺩﺕ ﻓﺎﻃﻴﻤﺎ ﻣﻦ ﺍﻟﺨﺎﺭﺝ ﺑﻌﺪﻣﺎ ﺃﻋﺎﺩﺕ ﺍﻟﺪﺭﺍﺟﺘﻴﻦ ﻟﻤﺤﻞ ﺍﻟﺘﺄﺟﻴﺮ ، ﺑﺤﺚ ﺑﻌﻴﻨﻴﻬﺎ ﻋﻦ ﻧﻴﺮﺓ ﻓﻮﺟﺪﺗﻬﺎ ﺟﺎﻟﺴﺔ ﻓﻲ ﺍﻟﺘﺮﺍﺱ ﺷﺎﺭﺩﺓ ﻭﺗﻨﻈﺮ ﻟﻠﺴﻤﺎﺀ .. ﻛﻌﺎﺩﺗﻬﺎ ﻗﻔﺰﺕ ﻓﻮﻗﻬﺎ ﻟﺘﻨﺒﻬﺎ ، ﻓﺼﺎﺣﺖ ﺑﻬﺎ ﻧﻴﺮﺓ ﺑﻜﻞ ﻏﻀﺐ ﻭﺿﻴﻖ ﻭ ...
- ﻓﺎﻃﻴﻤﺎ ﻭﻫﻲ ﺗﻘﻔﺰ : ﺍﻧــﺎ ﺟﻴﻴﻴﻴﻴﻴﺖ
- ﻧﻴﺮﺓ ﺑﻐﻀﺐ : ﺍﻳﻴﻴﻴﻴﻪ ﻳﺎ ﺑﻨﺘﻲ ﻓﻲ ﺍﻳﻪ ؟؟ ﻓﻲ ﺣﺪ ﻋﺎﻗﻞ ﻳﻌﻤﻞ ﻛﺪﻩ ، ﻭﻻ ﺍﻧﺘﻲ ﺑﺘﺴﺘﻬﺒﻠﻲ
- ﻓﺎﻃﻴﻤﺎ ﺑﻨﺒﺮﺓ ﺣﺰﻳﻨﺔ : ﻓﻲ ﺍﻳﻪ ﻳﺎ ﻧﺎﺭﻭﻭ ، ﻣﺎ ﺍﻧﺎ ﻃﻮﻝ ﻋﻤﺮﻱ ﺑﻌﻤﻞ ﻛﺪﻩ ﻭﺍﻧﺘﻲ ﻣﺶ ﺑﺘﻀﺎﻳﻘﻲ ﻣﻨﻲ
- ﻧﻴﺮﺓ : ﺍﻟﻮﻗﺘﻲ ﺑﻘﻴﺖ ﺑﻀﺎﻳﻖ ﻣﻦ ﺍﻟﺤﺎﺟﺎﺕ ﺩﻱ
- ﻓﺎﻃﻴﻤﺎ : ﻣﻤﻢ .. ﻣﺎﺷﻲ
ﺻﻤﺘﺖ ﻓﺎﻃﻴﻤﺎ ﻟﺒﺮﻫﺔ ﺛﻢ ﺑﺪﺃﺕ ﺑﺎﻟﺤﺪﻳﺚ ﻣﺮﺓ ﺃﺧﺮﻯ ، ﻭﻟﻜﻦ ﻫﺬﻩ ﺍﻟﻤﺮﺓ ﻋﻦ ﻣﺮﻭﺍﻥ ﻭ ..
- ﻓﺎﻃﻴﻤﺎ : ﻋﺎﺭﻓﺔ ﻗﺎﺑﻠﺖ ﻣﻴﻦ ؟؟
- ﻧﻴﺮﺓ ﺑﻌﺪﻡ ﺍﻛﺘﺮﺍﺙ : ﻣﺶ ﻋﺎﻭﺯﺓ ﺃﻋﺮﻑ
- ﻓﺎﻃﻴﻤﺎ : ﺍﻧﺘﻲ ﻣﺶ ﻫﺘﺼﺪﻗﻴﻨﻲ ﻟﻮ ﻗﻮﻟﺘﻠﻚ
- ﻧﻴﺮﺓ ﻭﻫﻲ ﺗﻤﻂ ﺷﻔﺘﻴﻬﺎ : ﻫﻪ
- ﻓﺎﻃﻴﻤﺎ : ﺃﻧﺎ ﻗﺎﺑﻠﺖ ﻣﺮﻭﺍﻥ ، ﺍﻟﻠﻲ ﻛﺎﻥ ﻣﻌﺎﻧﺎ ﺯﻣﺎﻥ ﺩﻩ ، ﻓﺎﻛﺮﺍﻩ ﻳﺎ ﻧﺎﺭﻭﻭ
- ﻧﻴﺮﺓ ﻓﻲ ﻧﻔﺴﻬﺎ ﺑﻐﻞ : ﻭﻫﻮ ﺃﻧﺎ ﻋﻤﺮﻱ ﻧﺴﻴﺘﻪ
- ﻓﺎﻃﻴﻤﺎ : ﺍﻳﻴﻴﻪ ﻳﺎ ﻧﺎﺭﻭﻭ ، ﻣﺶ ﻣﻌﻘﻮﻝ ﻣﺘﻜﻮﻧﻴﺶ ﻓﻜﺮﺍﻩ ، ﺩﻩ ﻛﺎﻥ ﻣﻌﺎﻧﺎ ﻓﻲ ﺍﻟﺮﺣﻠﺔ ﺑﺘﺎﻋﺔ ﺯﻣﺎﻥ ﺩﻱ
- ﻧﻴﺮﺓ : ﺃﻫﺎ .. ﻣﺎﻟﻪ ﻳﻌﻨﻲ
- ﻓﺎﻃﻴﻤﺎ : ﺗﺨﻴﻠﻲ ﻣﻌﺮﻓﻨﻴﺶ ﻭﺁﺁﺁ ....
ﻇﻠﺖ ﻓﺎﻃﻴﻤﺎ ﺗﺜﺮﺛﺮ ﻛﺜﻴﺮﺍً ، ﻭﻧﻴﺮﺓ ﻏﻴﺮ ﻣﻨﺘﺒﻬﺔ ﻟﻬﺎ ﺑﺎﻟﻤﺮﺓ ﺇﻟﻰ ﺃﻥ ﻗﺎﻟﺖ ﻟﻬﺎ ..
- ﻓﺎﻃﻴﻤﺎ : ﻭﺑﺎﻋﺘﻠﻚ ﺑﻘﻰ ﺍﻟﺴﻼﻡ ﻳﺎ ﻧﺎﺭﻭﻭ
ﺍﻋﺘﺪﻟﺖ ﻧﻴﺮﺓ ﻓﻲ ﺟﻠﺴﺘﻬﺎ ﺑﻌﺪ ﺃﻥ ﺍﺳﺘﻤﻌﺖ ﺇﻟﻰ ﺗﻠﻚ ﺍﻟﺠﻤﻠﺔ ﺍﻷﺧﻴﺮﺓ ﻭ ..
- ﻧﻴﺮﺓ ﺑﺪﻫﺸﺔ : ﻧﻌﻢ ؟؟ ﺑﺎﻋﺘﻠﻲ ﺍﻟﺴﻼﻡ ؟
- ﻓﺎﻃﻴﻤﺎ ﻭﻫﻲ ﺗﻮﻣﻲﺀ ﺑﺎﻻﻳﺠﺎﺏ : ﺍﻩ ، ﺩﻩ ﻣﻮﺻﻴﻨﻲ ﺃﺳﻠﻢ ﻋﻠﻴﻚ ، ﻭﺑﻴﻘﻮﻝ ﻫﻤﺎ ﻳﻮﻣﻴﻦ ﻭﻫﺎﻳﺠﻲ ﻫﻨﺎ
- ﻧﻴﺮﺓ ﺑﺼﻮﺕ ﻫﺎﻣﺲ : ﻳﺒﻘﻰ ﺟﻪ ﻟﻘﻀﺎﻩ
- ﻓﺎﻃﻴﻤﺎ : ﺑﺘﻘﻮﻟﻲ ﺍﻳﻪ ﻳﺎ ﻧﺎﺭﻭﻭ
- ﻧﻴﺮﺓ : ﻣﺎﻓﻴﺶ
ﻧﻬﻀﺖ ﻧﻴﺮﺓ ﻣﻦ ﻣﻜﺎﻧﻬﺎ ، ﻭﺳﺎﺭﺕ ﺇﻟﻰ ﺩﺍﺧﻞ ﺍﻟﺸﺎﻟﻴﻪ ﻭﻫﻲ ﺗﻌﺮﺝ ﻗﻠﻴﻼً ، ﻻﺣﻈﺖ ﻓﺎﻃﻴﻤﺎ ﺫﻟﻚ ﻓﺄﺳﺮﻋﺖ ﺧﻠﻔﻬﺎ ﻭ ..
- ﻓﺎﻃﻴﻤﺎ : ﻫﻮ ﺍﻧﺘﻲ ﻣﺎﻟﻚ ؟؟
- ﻧﻴﺮﺓ : ﻋﺎﺩﻱ
- ﻓﺎﻃﻴﻤﺎ : ﺍﻭﻋﻲ ﺗﻜﻮﻧﻲ ﻗﺎﺑﻠﺘﻲ ﻣﺮﻭﺍﻥ ﻭﻣﺶ ﻋﺮﻓﺘﻴﻪ
- ﻧﻴﺮﺓ ﺑﺤﺪﺓ : ﻃﻤﻄﻢ ﻛﻔﺎﻳﺔ ﺑﻘﻰ ﻛﻼﻡ ﻓﻲ ﺍﻟﺴﻴﺮﺓ ﺩﻱ
- ﻓﺎﻃﻴﻤﺎ ﺑﺎﺳﺘﻐﺮﺍﺏ : ﺃﻭﻝ ﻣﺮﺓ ﺗﻘﻮﻟﻴﻠﻲ ﻃﻤﻄﻢ ﻣﻦ ﻓﺘﺮﺓ ، ﺗﻌﺮﻓﻲ ﺍﻥ ﻣﺮﻭﺍﻥ ﺑﺮﺿﻮﻩ ﻣﺼﻤﻢ ﻳﻘﻮﻟﻲ ﻃﻤﻄﻢ
- ﻧﻴﺮﺓ ﺑﻀﻴﻖ ﻭﻧﻔﺎﺫ ﺻﺒﺮ : ﺍﻭﻭﻭﻑ .. ﺍﺭﺣﻤﻴﻨﻲ ﺑﻘﻰ ، ﺃﻧﺎ ﻣﺶ ﻋﺎﻭﺯﺓ ﺃﺗﻜﻠﻢ ﻓﻲ ﺃﻱ ﺣﺎﺟﺔ ﺗﺨﺺ ﺍﻟﺠﺪﻉ ﺩﻩ
- ﻓﺎﻃﻴﻤﺎ : ﻣﺎﺷﻲ .. ﻣﺎﺷﻲ
...............................
ﻗﺎﺩ ﻣﺮﻭﺍﻥ ﺳﻴﺎﺭﺗﻪ ﺑﺼﻮﺭﺓ ﺟﻨﻮﻧﻴﺔ ﻛﻲ ﻳﺼﻞ ﺇﻟﻰ ﺍﻟﻘﺎﻫﺮﺓ ﻓﻲ ﺃﺳﺮﻉ ﻭﻗﺖ ﻣﻤﻜﻦ ، ﻟﻢ ﻳﺮﺩ ﺃﻥ ﻳﺒﻠﻎ ﻳﻮﺳﻒ ﺑﻤﺎ ﺭﺃﻩ ﻓﻲ ﺍﻟﻘﺮﻳﺔ ﺍﻟﺴﻴﺎﺣﻴﺔ ﻫﺎﺗﻔﻴﺎً ، ﻓﻘﺪ ﻛﺎﻥ ﻳﺮﻳﺪ ﺃﻥ ﻳﺮﻯ ﻭﻗﻊ ﺗﻠﻚ ﺍﻟﻤﻔﺎﺟﺄﺓ ﻋﻠﻰ ﻭﺟﻬﻪ .. ﻛﺎﻧﺖ ﺍﻟﻔﺮﺣﺔ ﻭﺍﻟﺴﻌﺎﺩﺓ ﺗﺤﻠﻘﺎﻥ ﻣﻦ ﺣﻮﻟﻪ .. ﻓﻬﻮ ﺍﻵﻥ ﻗﺪ ﺑﺎﺕ ﻭﺷﻴﻜﺎً ﻣﻦ ﺗﺤﻘﻴﻖ ﻋﻠﻤﻪ ﺍﻟﻤﺆﺟﻞ ﻣﻨﺬ ﺛﻼﺛﺔ ﺃﻋﻮﺍﻡ ، ﺑﻠﻰ .. ﻟﻘﺪ ﺟﺎﺀﺗﻪ ﺍﻟﻔﺮﺻﺔ ﺍﻵﻥ ﻟﻜﻲ ﻳﺼﺤﺢ ﻫﻮ ﻭﺃﺑﻴﻪ ﺍﻟﺨﻄﺄ ﺍﻟﺬﻱ ﺣﺪﺙ ﻣﻦ ﻗﺒﻞ ..
ﻫﻮ ﻟﻦ ﻳﺘﺄﺧﺮ ﺃﺑﺪﺍً ﻋﻦ ﺗﻌﻮﻳﺾ ﻧﻴﺮﺓ ﻭﺃﺳﺮﺗﻬﺎ ﻋﻤﺎ ﻣﺮﻭﺍ ﺑﻪ ﻣﻦ ﺗﺠﺮﺑﺔ ﻣﺮﻳﺮﺓ ﺧﻼﻝ ﺗﻠﻚ ﺍﻟﺴﻨﻮﺍﺕ ﺍﻟﻤﻨﺼﺮﻣﺔ ..
.............
ﻓﻲ ﺍﻟﻘﺎﻫﺮﺓ ،،،
ﻓﻲ ﺷﺮﻛﺔ ( ﺗﻮ ﺑﺮﺍﺯﺭﺯ ) ﻟﻠﻤﻘﺎﻭﻻﺕ ،،،
ﻭﺻﻞ ﻣﺮﻭﺍﻥ ﺑﻜﻞ ﺳﻼﻣﺔ ﺇﻟﻰ ﻣﻘﺮ ﺷﺮﻛﺘﻪ ، ﺻﻒ ﺳﻴﺎﺭﺗﻪ ﺃﻣﺎﻡ ﺑﻮﺍﺑﺔ ﺍﻟﺸﺮﻃﺔ ﺍﻟﺮﺋﻴﺴﻴﺔ ، ﺛﻢ ﺧﻄﻰ ﺳﺮﻳﻌﺎً ﻟﺪﺍﺧﻞ ﺍﻟﺸﺮﻛﺔ ، ﻭﺗﻮﺟﻪ ﺇﻟﻰ ﻣﻜﺘﺐ ﻳﻮﺳﻒ ..
ﻧﻬﻀﺖ ﺍﻟﺴﻜﺮﺗﻴﺮﺓ ﺭﻳﻬﺎﻡ ﺣﻴﻨﻤﺎ ﺭﺃﺗﻪ ، ﻭﻟﻜﻨﻪ ﺃﺷﺎﺭ ﻟﻬﺎ ﺑﻴﺪﻩ ﺁﻣﺮﺍً ﺇﻳﺎﻫﺎ ﺑﺎﻟﺠﻠﻮﺱ ، ﺛﻢ ﺩﻟﻒ ﺇﻟﻰ ﺩﺍﺧﻞ ﺍﻟﻤﻜﺘﺐ ﻭﻫﻮ ﻳﻠﻬﺚ ﺑﺼﻌﻮﺑﺔ ..
ﺗﻌﺠﺐ ﻳﻮﺳﻒ ﻣﻦ ﺣﺎﻟﺔ ﻣﺮﻭﺍﻥ ، ﻓﻬﻮ ﻋﺎﺩﺓ ﻳﺄﺗﻲ ﻣﺘﺄﺧﺮﺍً ﻭﺧﺎﺻﺔ ﺣﻴﻨﻤﺎ ﻳﻌﻮﺩ ﻣﻦ ﺍﻟﺴﻔﺮ ﺇﻻ ﺍﻥ ﻳﻮﺳﻒ ﺷﻚ ﺍﻥ ﻓﻲ ﻣﺠﻴﺌﻪ ﻫﺬﺍ ﺃﻣﺮﺍً ﻣﺎ ﻋﺎﺟﻼً
- ﻳﻮﺳﻒ ﻭﻫﻮ ﻋﺎﻗﺪﺍً ﺣﺎﺟﺒﻴﻪ : ﻓﻲ ﺍﻳﻪ ﻳﺎ ﻣﺎﺭﻭﻭ ، ﻣﺎﻟﻚ ﺑﺘﻨﻬﺞ ﻛﺪﻩ ﻟﻴﻪ ؟؟
- ﻣﺮﻭﺍﻥ ﻭﻫﻮ ﻳﺘﻨﻔﺲ ﺑﺼﻌﻮﺑﺔ : ﻣـ .. ﻣﺶ .. ﻫــ .. ﻫﺘﺼﺪﻕ ، ﻓﻲ ﺣﺎﺟﺔ .. ﻣﺎ ... ﻣﺎ ﺗﺨﻄﺮﺵ ﻉ ﺑﺎﻟﻚ ﺣـ ... ﺣﺼﻠﺖ
- ﻳﻮﺳﻒ : ﺃﺻﺪﻕ ﺍﻳﻪ ؟ ﺧﺪ ﺑﺲ ﻧﻔﺴﻚ ﺍﻷﻭﻝ ﻭﺑﻌﺪﻳﻦ ﻧﺘﻜﻠﻢ
- ﻣﺮﻭﺍﻥ ﻭﻫﻮ ﻳﺄﺧﺬ ﻧﻔﺴﺎً ﻋﻤﻴﻘﺎً : ﺍﻭﻭﻭﻭﻩ
- ﻳﻮﺳﻒ ﻭﻫﻮ ﻳﻨﻈﺮ ﻟﺸﺎﺷﺔ ﺣﺎﺳﻮﺑﻪ : ﻫﺎ ، ﺟﺒﺖ ﻣﻠﻒ ﺍﻟـ )) ﺟﺮﻳﻨﻲ ﺑﺎﻟﻤﺰ ((
- ﻣﺮﻭﺍﻥ : ﺍﻩ ﻳﺎ ﺟﻮﻭ ﺟﺒﺘﻪ ، ﺑﺲ ﻣﺶ ﺩﻩ ﺍﻟﻤﻮﺿﻮﻉ ﺍﻟﻠﻲ ﺃﻧﺎ ﻋﺎﻭﺯ ﺃﻗﻮﻟﻬﻮﻟﻚ
- ﻳﻮﺳﻒ ﻭﻫﻮ ﻳﻀﻐﻂ ﺑﻌﺾ ﺍﻷﺯﺭﺍﺭ : ﻫﺎ .. ﻓﻲ ﺍﻳﻪ ؟
- ﻣﺮﻭﺍﻥ : ﺃﻧﺎ ﺷﻮﻓﺖ ﻧﻴﺮﺓ
- ﻳﻮﺳﻒ ﻭﻗﺪ ﺍﻧﺘﺒﻪ ﻟﻤﺎ ﻳﻘﻮﻟﻪ ﻣﺮﻭﺍﻥ : ﻧﻌﻢ ؟؟
- ﻣﺮﻭﺍﻥ : ﺃﻩ ﻭﺍﻟﻠﻪ ، ﺷﻮﻓﺘﻬﺎ ، ﻭﻛﺎﻧﺖ ﻗﺼﺎﺩﻱ ﺑﺲ ﻟﻸﺳﻒ ﻣﺸﻴﺖ ﻗﺒﻞ ﻣﺎ ﺃﻛﻠﻤﻬﺎ
- ﻳﻮﺳﻒ ﺳﺎﺧﺮﺍً : ﻭﺩﻩ ﺣﺼﻞ ﻓﻴﻦ ؟؟ ﻭﺍﻧﺖ ﻉ ﺍﻟﻄﺮﻳﻖ ﻭﻻ ﻭﺍﻧﺖ ﻧﺎﻳﻢ ﻉ ﺍﻟﺴﺮﻳﺮ .. ﻳﺎ ﻋﻢ ﻣﺘﺒﻘﺎﺵ ﺗﺴﻮﻕ ﻭﺍﻧﺖ ﻣﺶ ﻓﺎﻳﻖ ، ﺍﺣﻨﺎ ﻣﺶ ﻧﺎﻗﺼﻴﻦ ﻣﺼﻴﺒﺔ ﺗﺤﺼﻞ
- ﻣﺮﻭﺍﻥ : ﺃﻧﺎ ﻣﺶ ﺑﻬﺰﺭ ﻭﺍﻟﻠﻪ ، ﺩﻩ ﺣﺼﻞ ﺑﺠﺪ ﻓﻲ ﻗﺮﻳﺔ ﻣﺴﺘﺮ ﺟﻼﻝ
- ﻳﻮﺳﻒ ﻭﻗﺪ ﻧﻬﺾ ﻣﻦ ﻣﻜﺎﻧﻪ : ﻓﻲ ﺍﻟﻘﺮﻳﺔ !!
- ﻣﺮﻭﺍﻥ ﻣﺆﻛﺪﺍً : ﺍﻳﻮﻩ ، ﻣﻮﺟﻮﺩﺓ ﻫﻲ ﻭﻣﺎﻣﺘﻬﺎ ﻭﺍﺧﺘﻬﺎ
- ﻳﻮﺳﻒ ﺑﻠﻬﻔﺔ : ﻭﻧﺪﻯ ﻣﻌﺎﻫﺎ ؟؟
- ﻣﺮﻭﺍﻥ : ﻷ .. ﻧﺪﻯ ﻫﺎﺗﻴﺠﻲ ﻛﻤﺎﻥ ﻛﺎﻡ ﻳﻮﻡ ﺍﻟﻘﺮﻳﺔ
- ﻳﻮﺳﻒ : ﻃﺐ .. ﻃﺐ ﺍﻧﺖ ﻋﺮﻓﺖ ﺩﻩ ﻛﻠﻪ ﻣﻨﻴﻦ ؟؟
- ﻣﺮﻭﺍﻥ : ﻣﻦ ﻃﻤﻄﻢ .. ﻓﺎﻛﺮ ﺍﻟﺒﺖ ﺍﻟﺼﻐﻴﺮﺓ ﺍﻟﻠﻲ ﻛﺎﻧﺖ ﻣﻌﺎﻫﻢ
- ﻳﻮﺳﻒ : ﺃﻳﻮﻩ ﺍﻳﻮﻩ .. ﺍﺧﺘﻬﻢ
- ﻣﺮﻭﺍﻥ : ﺍﻩ ﻫﻲ .. ﺗﺨﻴﻞ ﺍﻧﻬﺎ ﻋﺮﻓﺘﻨﻲ ﻭﺃﻧﺎ ﻷ .. ﺳﺒﺤﺎﻥ ﺍﻟﻠﻪ ﺭﺑﻨﺎ ﻟﻤﺎ ﺑﻴﺮﻳﺪ
- ﻳﻮﺳﻒ : ﻃﺐ ﺍﺣﻨﺎ ﻫﻨﺘﺼﺮﻑ ﺍﺯﺍﻱ ﺍﻟﻮﻗﺘﻲ ؟؟؟
- ﻣﺮﻭﺍﻥ : ﺍﻧﺎ ﻫﺎﺧﺪ ﺃﺟﺎﺯﺓ ﻭﺵ ﻳﺎ ﻣﻌﻠﻢ ، ﺍﻧﺎ ﻣﺶ ﻫﺎﺳﺘﻨﻰ ﻧﻴﺮﺓ ﺗﻀﻴﻊ ﻣﻦ ﺍﻳﺪﻱ
- ﻳﻮﺳﻒ : ﻳﻌﻨﻲ ﻧﺎﻭﻱ ﻉ ﺍﻳﻪ
- ﻣﺮﻭﺍﻥ : ﻫﺴﺎﻓﺮ ﺍﻟﻘﺮﻳﺔ ﺃﻟﺒﺪ ﻟﻬﺎ ﻫﻨﺎﻙ ﻭﺃﻓﻀﻞ ﻭﺭﺍﻫﺎ ﻟﺤﺪ ﻣﺎ ﺃﺑﻮﻫﺎ ﻳﺮﺟﻊ ﻣﻦ ﺩﺑﻲ
- ﻳﻮﺳﻒ ﺑﺎﺳﺘﻐﺮﺍﺏ : ﺩﺑﻲ
- ﻣﺮﻭﺍﻥ ﻣﺒﺘﺴﻤﺎً : ﺍﺳﻜﺖ ﻣﺶ ﻫﻤﺎ ﺳﺎﺑﻮﺍ ﺍﻟﺴﻌﻮﺩﻳﺔ ﻭﺭﺍﺣﻮﺍ ﻉ ﺩﺑﻲ ﻭﺍﺷﺘﻐﻞ ﺍﺑﻮﻫﻢ ﻟﺤﺪ ﻣﺎ ﻋﻤﻞ ﺳﻤﻌﺔ ﺣﻠﻮﺓ ﻫﻨﺎﻙ ، ﻷ ﻭﻧﺪﻯ ﺑﺘﺴﺎﻋﺪﻩ ﻛﻤﺎﻥ
- ﻳﻮﺳﻒ ﺑﻠﻬﻔﺔ : ﺍﻧﺖ ﻣﺎﺗﺨﺘﺼﺮﻟﻴﺶ ﻓﻲ ﺍﻟﻜﻼﻡ ، ﻭﺗﺠﻴﺒﻠﻲ ﻣﻦ ﻛﻞ ﻓﻴﻠﻢ ﺃﻏﻨﻴﺔ ، ﺍﺣﻜﻴﻠﻲ ﻛﻞ ﺣﺎﺟﺔ ﺑﺎﻟﻈﺒﻂ
- ﻣﺮﻭﺍﻥ : ﻣﺎﺷﻲ
ﺑﺪﺃ ﻣﺮﻭﺍﻥ ﻓﻲ ﺳﺮﺩ ﻣﺎ ﺣﺪﺙ ﻣﻨﺬ ﻟﺤﻈﺔ ﻣﻘﺎﺑﻠﺘﻪ ﻟﻨﻴﺮﺓ ﺣﺘﻰ ﺍﻟﺘﻘﺎﺋﻪ ﺑﻔﺎﻃﻴﻤﺎ ﻭﺣﻜﻴﻬﺎ ﻟﻤﺎ ﺣﺪﺙ ﻣﻊ ﻋﺎﺋﻠﺘﻬﺎ ..
ﺗﻌﺠﺐ ﻳﻮﺳﻒ ﻛﺜﻴﺮﺍً ﻣﻤﺎ ﺳﻤﻌﻪ ، ﺑﻞ ﺗﻤﻠﻜﺘﻪ ﺍﻟﺪﻫﺸﺔ ﺍﻟﺸﺪﻳﺪﺓ ﻭﺍﻻﻋﺠﺎﺏ ﻓﻲ ﻧﻔﺲ ﺍﻟﻮﻗﺖ ، ﻓﺘﻠﻚ ﺍﻟﻌﺎﺋﻠﺔ ﺍﻟﺒﺴﻴﻄﺔ ﻟﻢ ﺗﻨﻬﺎﺭ ﻟﻠﺤﻈﺔ ، ﻭﻟﻜﻨﻬﺎ ﻛﺎﻓﺤﺖ ﻣﻦ ﺃﺟﻞ ﺍﻟﻮﻗﻮﻑ ﻋﻠﻰ ﻗﺪﻣﻴﻬﺎ ﻣﺮﺓ ﺍﺧﺮﻯ ﺭﻏﻢ ﺍﻟﻈﺮﻭﻑ ﺍﻟﺴﻴﺌﺔ ﺍﻟﻤﺤﻴﻄﺔ ، ﻭﺭﻏﻢ ﺃﻧﻪ ﻟﻢ ﻳﻌﺮﻑ ﻋﻦ ﻧﺪﻯ ﺇﻻ ﺍﻟﻘﻠﻴﻞ ، ﺇﻻ ﺍﻧﻪ ﻛﺎﻥ ﺳﻌﻴﺪﺍً ﻟﻠﻐﺎﻳﺔ ﻷﻧﻬﺎ ﻛﺎﻧﺖ ﺑﺨﻴﺮ ، ﻭﻗﺮﺭ ﻫﻮ ﺍﻷﺧﺮ ﺍﻥ ..
- ﻳﻮﺳﻒ : ﺍﻧﺎ ﻫﺎﻃﻠﻊ ﻣﻌﺎﻙ ﺍﻷﺟﺎﺯﺓ ﺩﻱ
- ﻣﺮﻭﺍﻥ ﻣﻨﺪﻫﺸﺎً : ﺑﺠﺪ ؟
- ﻳﻮﺳﻒ : ﺍﻩ ﻃﺒﻌﺎ ، ﺃﻧﺎ ﺍﺑﻘﻰ ﻏﺒﻲ ﻟﻮ ﺳﺒﺖ ﻧﺪﻯ ﺗﺮﻭﺡ ﻣﻨﻲ ﺗﺎﻧﻲ
- ﻣﺮﻭﺍﻥ : ﺍﻧﺖ ﻋﺎﺭﻑ ﺍﻟﺤﺎﺟﺔ ﺍﻟﻠﻲ ﻣﺨﻮﻓﺎﻧﻲ ﺍﻥ ﺍﻟﺒﻨﺎﺕ ﻣﻤﻜﻦ ﻳﻜﻮﻧﻮﺍ ﺍﺗﻐﻴﺮﻭﺍ
- ﻳﻮﺳﻒ : ﻣﺎﺗﺴﺘﺒﻌﺪﺵ ﺩﻩ ، ﺑﺲ ﺍﻟﻈﺮﻭﻑ ﺍﻟﻮﻗﺘﻲ ، ﻏﻴﺮ ﺍﻟﻈﺮﻭﻑ ﺯﻣﺎﻥ
- ﻣﺮﻭﺍﻥ : ﻋﻨﺪﻙ ﺣﻖ
- ﻳﻮﺳﻒ ﻣﻜﻤﻼً : ﻭﻣﺎﻓﻴﺶ ﺣﺎﺟﺔ ﺑﺘﻔﻀﻞ ﻉ ﺣﺎﻟﻬﺎ
- ﻣﺮﻭﺍﻥ ﻭﻗﺪ ﻧﻬﺾ ﻣﻦ ﻣﻜﺎﻧﻪ : ﺑﺎﻟﻈﺒﻂ
- ﻳﻮﺳﻒ ﻣﺘﺴﺎﺋﻼً : ﺍﻧﺖ ﺭﺍﻳﺢ ﻓﻴﻦ ؟؟
- ﻣﺮﻭﺍﻥ : ﺭﺍﻳﺢ ﺃﺟﻬﺰ ﻧﻔﺴﻲ ﻟﻠﺴﻔﺮ ، ﻭﺑﺎﻟﻤﺮﺓ ﺃﻓﺎﺗﺢ ﺑﺎﺑﺎ ﻭﻣﺎﻣﺎ ﻓﻲ ﻣﻮﺿﻮﻉ ﻧﻴﺮﺓ
- ﻳﻮﺳﻒ : ﺍﻧﺖ ﻫﺎﺗﻘﻮﻝ ﻷﺑﻮﻙ
- ﻣﺮﻭﺍﻥ : ﻃﺒﻌﺎً .. ﺩﻩ ﺩﺍﺥ ﻋﺸﺎﻥ ﺧﺎﻃﺮ ﻳﻮﺻﻞ ﻟﻌﻢ ﺻﻼﺡ .. ﻓﺄﻛﻴﺪ ﻻﺯﻡ ﺃﻋﺮﻓﻪ ﺑﺪﻩ ، ﻭﺑﻌﺪﻳﻦ ﺃﻧﺎ ﻣﺶ ﻣﺤﺘﺎﺝ ﺇﻧﻲ ﺃﺧﺒﻲ ﺃﻱ ﺣﺎﺟﺔ ﻋﻠﻴﻪ ﻫﻮ ﺃﻭ ﻣﺎﻣﺎ ، ﺃﻧﺎ ﺍﻟﻮﻗﺘﻲ ﺃﻗﺪﺭ ﺃﻋﺘﻤﺪ ﻉ ﻧﻔﺴﻲ ﻓﻲ ﻛﻞ ﺣﺎﺟﺔ ، ﻭﻻ ﺍﻧﺖ ﻧﺴﻴﺖ ﻳﺎ ﺟﻮﻭ ، ﺍﺣﻨﺎ businessmen !
- ﻳﻮﺳﻒ : ﻷ ﻃﺒﻌﺎً ﻣﺎﻧﺴﻴﺘﺶ .. ﻳﺒﻘﻰ ﻉ ﺑﺮﻛﺔ ﺍﻟﻠﻪ ، ﺟﻬﺰ ﻧﻔﺴﻚ ﻟﻠﺴﻔﺮ ﻭﺃﻧﺎ ﻫﺎﺣﺼﻠﻚ ﻛﺎﻡ ﻳﻮﻣﻴﻦ ﺃﻛﻮﻥ ﻇﺒﻄﺖ ﺍﻟﺪﻧﻴﺎ ﻫﻨﺎ
- ﻣﺮﻭﺍﻥ : ﺍﺷﻄﺎ
- ﻳﻮﺳﻒ : ﺑﺲ ﻣﺎﺗﻨﺴﺎﺵ ﻳﺎ ﺣﻠﻮ ﺗﺒﻠﻐﻨﻲ ﺑﻜﻞ ﺍﻟﻠﻲ ﺗﻌﺮﻓﻪ ﻋﻦ ﻧﺪﻯ ، ﻣﺎﺷﻲ ؟
- ﻣﺮﻭﺍﻥ ﻭﻫﻮ ﻳﻮﻣﻲﺀ ﺑﺮﺃﺳﻪ : ﻋﻴﺐ ﻋﻠﻴﻚ
- ﻳﻮﺳﻒ : ﻣﺎﺷﻲ ، ﺍﺗﻮﻛﻞ ﺍﻧﺖ ﻋﻠﻰ ﺍﻟﻠﻪ ﻋﺸﺎﻥ ﻣﺎﺗﻀﻴﻌﺶ ﻭﻗﺘﻚ
- ﻣﺮﻭﺍﻥ : ﺍﻭﻙ ، ﺃﺷﻮﻓﻚ ﻉ ﺧﻴﺮ ..
- ﻳﻮﺳﻒ : ﺳﻼﻡ
..........................
ﻓﻲ ﺷﺮﻛﺔ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،،
ﺍﻧﻄﻠﻖ ﻣﺮﻭﺍﻥ ﺑﺴﻴﺎﺭﺗﻪ ﺇﻟﻰ ﺷﺮﻛﺘﻪ ﺃﺑﻴﻪ ﺃﻭﻻً ﻟﻜﻲ ﻳﺒﻠﻐﻪ ﺑﻤﺎ ﺣﺪﺙ ، ﺍﻋﺘﻠﺖ ﺍﻟﺪﻫﺸﻪ ﻭﺟﻪ ﻓﻬﻤﻲ ، ﻭﻟﻜﻨﻪ ﻓﻲ ﻧﻔﺲ ﺍﻟﻮﻗﺖ ﻛﺎﻥ ﺳﻌﻴﺪﺍً ﻷﻥ ﺍﻟﻔﺮﺻﺔ ﻗﺪ ﺟﺎﺀﺗﻪ ﻟﻜﻲ ﻳﺼﻠﺢ ﺃﺧﻄﺎﺋﻪ ﻭﺧﺎﺻﺔ ﻣﺎ ﺍﺭﺗﻜﺒﻪ ﻓﻲ ﺣﻖ ﺻﻼﺡ ﺍﻟﺪﺳﻮﻗﻲ ﻗﺒﻞ ﺃﻥ ﻳﺘﻮﻓﺎﻩ ﺍﻟﻠﻪ ﻭ ...
- ﻓﻬﻤﻲ ﺑﺎﺭﺗﻴﺎﺡ : ﺍﻟﺤﻤﺪﻟﻠﻪ ﺍﻥ ﺭﺑﻨﺎ ﻣﺪ ﻓﻲ ﻋﻤﺮﻱ ﻟﺤﺪ ﻣﺎ ﻋﺮﻓﺖ ﻫﻮ ﻓﻴﻦ ﻋﺸﺎﻥ ﺃﻋﻮﺿﻪ ﻋﻦ ﺍﻟﻠﻲ ﺣﺼﻠﻪ
- ﻣﺮﻭﺍﻥ : ﺍﻧﺎ ﻋﺎﻭﺯ ﺃﻗﻮﻟﻚ ﺍﻧﻪ ﺍﺗﻐﻴﺮ ﻛﺘﻴﺮ ، ﻭﻣﺴﺘﻮﺍﻩ ﺑﻘﻰ ﺃﺣﺴﻦ ﻣﻦ ﺍﻷﻭﻝ
- ﻓﻬﻤﻲ ﺑﺈﺻﺮﺍﺭ : ﻭﺍﻥ ﻳﻜﻦ .. ﺩﻩ ﻣﺎﻳﻤﻨﻌﺶ ﺍﻥ ﻓﻲ ﺭﻗﺒﺘﻲ ﺩﻳﻦ ﻟﻴﻪ ﻻﺯﻡ ﺍﺳﺪﺩﻩ
- ﻣﺮﻭﺍﻥ ﻭﻫﻮ ﻳﻤﺴﻚ ﻛﻒ ﺃﺑﻴﻪ : ﺑﺎﺑﺎ ﺃﻧﺎ ﺑﻌﺮﻓﻚ ﻣﻦ ﺩﻟﻮﻗﺘﻲ ﺍﻧﻲ ﻧﺎﻭﻱ ﺃﺗﺠﻮﺯ ﻧﻴﺮﺓ
- ﻓﻬﻤﻲ ﻭﻫﻮ ﻳﺮﺑﺖ ﻋﻠﻰ ﻳﺪﻩ : ﺍﻧﺖ ﺍﻟﻮﻗﺘﻲ ﺣﺮ ﻓﻲ ﺣﻴﺎﺗﻚ ، ﻭﺃﻧﺎ ﻣﺶ ﻫﺎﻓﺮﺽ ﻋﻠﻴﻚ ﺭﺃﻳﻲ
- ﻣﺮﻭﺍﻥ : ﺭﺑﻨﺎ ﻳﺨﻠﻴﻚ ﻟﻴﺎ ﻳﺎ ﺑﺎﺑﺎ
- ﻓﻬﻤﻲ : ﺑﺲ ﺍﻧﺖ ﻣﻘﻮﻟﺘﻠﻴﺶ ﻫﺘﻌﻤﻞ ﺍﻳﻪ
- ﻣﺮﻭﺍﻥ : ﺃﻧﺎ ﻫﺴﺎﻓﺮ ﻉ ﺍﻟﺴﺎﺣﻞ ﻓﻲ ﺍﻟﻘﺮﻳﺔ ﺍﻟﻠﻲ ﻫﻤﺎ ﺃﻋﺪﻳﻦ ﻓﻴﻬﺎ ﻭﺃﻇﺒﻂ ﺍﻷﻋﺪﺓ ﻫﻨﺎﻙ ﻟﺤﺪ ﻣﺎ ﺍﻧﺖ ﻭﻣﺎﻣﺎ ﺗﺤﺼﻠﻮﻧﻲ
- ﻓﻬﻤﻲ : ﻣﻤﻢ ..
- ﻣﺮﻭﺍﻥ : ﺧﺪﻟﻚ ﺍﺟﺎﺯﺓ ﻛﺎﻡ ﻳﻮﻡ ﻣﻦ ﺍﻟﺸﻐﻞ ، ﻭﺃﻫﻲ ﻓﺮﺻﺔ ﺗﻐﻴﺮ ﺟﻮ ﺍﻧﺖ ﻭﻣﺎﻣﺎ ﻭﺗﺼﻴﻔﻮﺍ ﻫﻨﺎﻙ
- ﻓﻬﻤﻲ : ﻭﺍﻟﻠﻪ ﻓﻜﺮﺓ .. ﺃﻧﺎ ﻓﻌﻼً ﺑﻘﺎﻟﻲ ﻣﺪﺓ ﻣﺎﻓﺴﺤﺘﺶ ﺃﻣﻚ
- ﻣﺮﻭﺍﻥ : ﺍﻳﻮﻩ ، ﻭﻳﻤﻜﻦ ﻧﺒﻞ ﺍﻟﺸﺮﺑﺎﺕ ﻫﻨﺎﻙ
- ﻓﻬﻤﻲ ﻏﺎﻣﺰﺍً : ﻣﻤﻢ .. ﻗﻮﻝ ﻛﺪﻩ ﺑﻘﻰ
- ﻣﺮﻭﺍﻥ ﺑﺴﻌﺎﺩﺓ : ﻃﺒﻌﺎﺍﺍﺍ .. ﺩﻩ ﺃﻧﺎ ﻣﺼﺪﻗﺖ ﺍﻧﻲ ﻭﺻﻠﺘﻠﻬﺎ ﺑﻌﺪ ﺍﻟﻮﻗﺖ ﺩﻩ ﻛﻠﻪ
- ﻓﻬﻤﻲ : ﻭﻣﺎﻟﻪ ﻳﺎ ﺑﻨﻲ، ﺭﺑﻨﺎ ﻳﺴﻌﺪﻙ ﻭﻳﻬﻨﻴﻚ
- ﻣﺮﻭﺍﻥ : ﺍﻟﻠﻪ ﻳﺨﻠﻴﻚ ﻳﺎ ﺑﺎﺑﺎ ، ﺃﻧﺎ ﻫﺎﻣﺸﻲ ﺍﻟﻮﻗﺘﻲ ﻋﺸﺎﻥ ﺃﻟﺤﻖ ﺍﻋﺮﻑ ﻣﺎﻣﺎ ، ﻭﺃﺟﻬﺰ ﻧﻔﺴﻲ ﻟﻠﺴﻔﺮ
- ﻓﻬﻤﻲ ﻣﺘﺴﺎﺋﻼً : ﺍﻧﺖ ﻫﺘﺴﺎﻓﺮ ﻉ ﻃﻮﻝ ؟
- ﻣﺮﻭﺍﻥ : ﻣﻦ ﺍﻟﻔﺠﺮ ﺍﻥ ﺷﺎﺀ ﺍﻟﻠﻪ
- ﻓﻬﻤﻲ : ﺍﻫﺎ .. ﻣﺶ ﻋﺎﻭﺯ ﺗﻀﻴﻊ ﻭﻗﺘﻚ
- ﻣﺮﻭﺍﻥ : ﻛﻔﺎﻳﺔ ﺍﻟﻮﻗﺖ ﺍﻟﻠﻲ ﺿﺎﻉ ﻗﺒﻞ ﻛﺪﻩ
- ﻓﻬﻤﻲ : ﻋﻨﺪﻙ ﺣﻖ ، ﻭﺍﻟﻠﻲ ﺑﻴﺮﻭﺡ ﻣﺶ ﺑﻴﺮﺟﻊ ﺗﺎﻧﻲ
- ﻣﺮﻭﺍﻥ : ﺍﻳﻮﻩ
- ﻓﻬﻤﻲ : ﺭﺑﻨﺎ ﻳﻮﻓﻘﻚ ﻭﻳﻜﺘﺒﻠﻚ ﻓﻲ ﻛﻞ ﺧﻄﻮﺓ ﺳﻼﻡ
- ﻣﺮﻭﺍﻥ : ﺍﻟﻠﻪ ﺃﻣﻴﻴﻴﻦ ، ﻋﻦ ﺍﺫﻧﻚ ﻳﺎ ﺑﺎﺑﺎ
- ﻓﻬﻤﻲ : ﺍﺗﻔﻀﻞ ﻳﺎ ﻣﺮﻭﺍﻥ
.................
ﺃﻋﺪ ﻣﺮﻭﺍﻥ ﻋﺪﺗﻪ ﻟﻼﻧﺘﻘﺎﻝ ﻓﻮﺭﺍً ﺇﻟﻰ ﺍﻟﻘﺮﻳﺔ ﺍﻟﺴﻴﺎﺣﻴﺔ ﺑﺎﻟﺴﺎﺣﻞ ﺍﻟﺸﻤﺎﻟﻲ ، ﺳﻌﺪﺕ ﻭﺍﻟﺪﺗﻪ ﺃﺣﻼﻡ ﻛﺜﻴﺮﺍً ﻟﻬﺬﺍ ﺍﻟﺘﻐﻴﻴﺮ ﺍﻻﻳﺠﺎﺑﻲ ﺍﻟﺬﻱ ﻃﺮﺃ ﻋﻠﻴﻪ ﻓﺠﺄﺓ ، ﻭﺣﻴﻨﻤﺎ ﻋﺮﻓﺖ ﺍﻟﺴﺒﺐ ﺳﻌﺪﺕ ﺃﻛﺜﺮ ﻭ ..
- ﺃﺣﻼﻡ : ﺭﺑﻨﺎ ﻳﻔﺮﺣﻚ ﻛﻤﺎﻥ ﻭﻛﻤﺎﻥ ﻳﺎ ﻣﺎﺭﻭ
- ﻣﺮﻭﺍﻥ ﻭﻫﻮ ﻳﻘﺒﻞ ﻳﺪﻫﺎ : ﺃﻩ ﻳﺎ ﻣﺎﻣﺎ ، ﺍﺩﻋﻴﻠﻲ ﺍﻟﻠﻪ ﻳﺨﻠﻴﻜﻲ
- ﺍﺣﻼﻡ : ﺑﺪﻋﻴﻠﻚ ﻳﺎ ﻗﻠﺒﻲ ﻣﻦ ﺯﻣﺎﻥ ، ﻭﺭﺑﻨﺎ ﺍﻟﻠﻲ ﻋﺎﻟﻢ
- ﻣﺮﻭﺍﻥ ﻣﺒﺘﺴﻤﺎً : ﺃﻫﻮﻭ ﺭﺑﻨﺎ ﺍﻟﺤﻤﺪﻟﻠﻪ ﺍﺳﺘﺠﺎﺏ ﻟﺪﻋﺎﺋﻚ
- ﺃﺣﻼﻡ : ﺑﻜﺎﺵ
- ﻣﺮﻭﺍﻥ : ﻋﺎﻭﺯﻙ ﺑﻘﻰ ﺍﻟﻔﺘﺮﺓ ﺍﻟﺠﺎﻳﺔ ﺗﻜﺜﻔﻲ ﺍﻟﺪﻋﺎﺀ ﺃﻭﻱ ، ﺃﻧﺎ ﻣﺤﺘﺎﺟﻪ ﺃﻭﻱ .. ﻭﺧﺼﻮﺻﺎً ﺇﻧﻲ ﺩﺍﺧﻞ ﻉ ﻣﻌﺮﻛﺔ ﺣﺎﻣﻴﺔ ﻣﻊ ﻧﻴﺮﺓ
- ﺃﺣﻼﻡ ﺑﺎﺳﺘﻐﺮﺍﺏ : ﻣﻌﺮﻛﺔ ؟؟ ﻫﻲ ﺣﺮﺏ ﻳﺎ ﺑﻨﻲ
- ﻣﺮﻭﺍﻥ : ﺃﻧﺄﺡ .. ﺃﺻﻞ ﺃﻧﺎ ﻋﺎﺭﻑ ﻧﻴﺮﺓ ، ﺍﻥ ﻛﺎﻧﺖ ﻋﻨﻴﺪﺓ ﻗﺒﻞ ﻛﺪﻩ ﻗﻴﺮﺍﻁ ، ﻓﺤﺎﻟﻴﺎً ﻗﻮﻟﻲ 72 ﻗﻴﺮﺍﻁ ، 100 ﻗﻴﺮﺍﻁ .. ﺭﺑﻨﺎ ﻳﻌﻴﻨﻲ ﻋﻠﻰ ﺩﻣﺎﻏﻬﺎ ﺍﻟﻨﺎﺷﻔﺔ
- ﺍﺣﻼﻡ : ﺭﺑﻨﺎ ﻳﻌﺪﻟﻚ ﺍﻟﻤﺎﻳﻞ
- ﻣﺮﻭﺍﻥ : ﺃﻳﻮﻩ ﻫﻲ ﺩﻱ ﺍﻟﺪﻋﻮﺓ ﺍﻟﺘﻤﺎﻡ ، ﺭﺑﻨﺎ ﻳﻌﺪﻟﻲ ﺍﻟﻤﺎﻳﻞ
.........................
ﻟﻢ ﻳﺪﺧﺮ ﻣﺮﻭﺍﻥ ﻭﺳﻌﻪ ﻓﻲ ﺍﻧﺠﺎﺯ ﺍﻟﻜﺜﻴﺮ ﻓﻲ ﻭﻗﺖ ﻗﻠﻴﻞ ، ﻭﻛﺄﻥ ﺃﺩﺭﻳﻨﺎﻟﻴﻦ ﺍﻟﺤﺐ ﺃﻋﻄﺎﻩ ﺍﻟﻘﻮﺓ ﺍﻟﻜﺎﻓﻴﺔ ﻟﻼﻧﻄﻼﻕ ﻭﻋﺪﻡ ﺇﺿﺎﻋﺔ ﺍﻟﻮﻗﺖ ﻓﻴﻤﺎ ﻻ ﻳﻔﻴﺪ ..
............................
ﻛﺎﻥ ﻳﻮﺳﻒ ﻫﻮ ﺍﻷﺧﺮ ﻓﻲ ﺣﺎﻟﺔ ﻟﻴﺴﺖ ﺃﻗﻞ ﻭﺻﻔﺎً ﻣﻦ ﻣﺮﻭﺍﻥ ، ﻓﻘﻂ ﻣﺎ ﻳﻌﻴﻘﻪ ﻋﻦ ﺍﻻﻧﻄﻼﻕ ﻫﻮ ﺃﻥ ﻣﺴﺆﻟﻴﺔ ﺍﻟﺸﺮﻛﺔ ﻣﻼﻗﺎﺓ ﺣﺎﻟﻴﺎً ﻋﻠﻰ ﻋﺎﺗﻘﻪ ، ﻭﻋﻠﻴﻪ ﺃﻥ ﻳﺘﺨﺬ ﺍﻟﺘﺪﺍﺑﻴﺮ ﺍﻟﻼﺯﻣﺔ ﻗﺒﻞ ﺃﻥ ﻳﻨﻄﻠﻖ ﻫﻮ ﺍﻷﺧﺮ ﻟﻠﺴﺎﺣﻞ ﺍﻟﺸﻤﺎﻟﻲ ، ﻭﺭﺑﻤﺎ ﻳﻜﻮﻥ ﻋﺪﻡ ﻭﺟﻮﺩ ﻧﺪﻯ ﺣﺎﻟﻴﺎً ﻫﻮ ﻣﺎ ﺟﻌﻠﻪ ﻳﺴﺘﻐﻞ ﺍﻟﻮﻗﺖ ﻓﻲ ﺗﻮﻓﻴﻖ ﺍﻷﻭﺿﺎﻉ ﺑﺎﻟﻘﺎﻫﺮﺓ ..
ﻭﻟﻢ ﻳﻨﺴﻰ ﻳﻮﺳﻒ ﺃﻥ ﻳﺒﻠﻎ ﻭﺍﻟﺪﻳﻪ ﻫﻮ ﺍﻷﺧﺮ ﺑﺄﻣﺮ ﻋﻮﺩﺓ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ﻟﻠﻘﺎﻫﺮﺓ ﻭﺭﻏﺒﺘﻪ ﻓﻲ ﺍﻟﺴﻔﺮ ﺇﻟﻴﻬﻢ ﻓﻲ ﺍﻟﻤﺼﻴﻒ ، ﺭﺣﺐ ﺳﻠﻴﻢ ﺑﺘﻠﻚ ﺍﻟﻔﻜﺮﺓ ﻛﺜﻴﺮﺍً ، ﻭﻃﻠﺐ ﻣﻦ ﻳﻮﺳﻒ ﺃﻥ ..
- ﺳﻠﻴﻢ : ﺍﺣﻨﺎ ﻛﻤﺎﻥ ﻫﻨﺮﻭﺡ ﻫﻨﺎﻙ
- ﻳﻮﺳﻒ : ﻭﺍﻟﻠﻪ ؟
- ﺳﻠﻴﻢ ﺑﺨﺒﺚ : ﺍﻳﻮﻩ ﻳﺎ ﺟﻮﻭ .. ﻋﺎﻭﺯﻳﻦ ﻧﻔﺮﺡ ﺑﻘﻰ ﻳﺎ ﺣﺒﻴﺒﻲ ﺑﻴﻚ
ﺍﺣﺘﻀﻦ ﻳﻮﺳﻒ ﻭﺍﻟﺪﻩ ﺍﻟﺬﻱ ﻓﻬﻤﻪ ﺩﻭﻥ ﺍﻟﺤﺎﺟﺔ ﻷﻱ ﺗﺒﺮﻳﺮﺍﺕ ﺃﻭ ﺗﻔﺴﻴﺮﺍﺕ ..
- ﻳﻮﺳﻒ : ﺭﺑﻨﺎ ﻳﺨﻠﻴﻚ ﻟﻴﺎ ﻭﻣﺎﻳﺤﺮﻣﻨﻴﺶ ﻣﻨﻚ ﺃﺑﺪﺍﺍﺍﺍﺍ
- ﺳﻠﻴﻢ : ﺃﻧﺎ ﻣﺶ ﻋﺎﻭﺯﻙ ﺗﻀﻴﻊ ﻭﻗﺖ ﻳﺎ ﺟﻮﻭ .. ﺍﺳﺘﻌﻤﻞ ﻛﻞ ﺃﺳﻠﺤﺘﻚ ﻭﺧﻠﻲ ﺍﻟﺒﻨﺖ ﺗﺒﻘﻰ ﻣﻦ ﻧﺼﻴﺒﻚ
- ﻳﻮﺳﻒ ﺑﻜﻞ ﺛﻘﺔ : ﻃﺒﻌﺎﺍﺍﺍ .. ﺩﻩ ﺃﻧﺎ ﻫﺎﺳﺘﺨﺪﻡ ﻛﻞ ﺍﻟﺨﻄﻂ ﺍﻟﻤﺴﻤﻮﺡ ﺑﻴﻬﺎ ﻭﺍﻟﻐﻴﺮ ﻣﺴﻤﻮﺡ ﺑﻴﻬﺎ ﻋﺸﺎﻥ ﺃﻗﺪﺭ ﺃﺧﻠﻴﻬﺎ ﺗﻮﺍﻓﻖ ﻉ ﺟﻮﺍﺯﻧﺎ
- ﺳﻠﻴﻢ ﺿﺎﺣﻜﺎً : ﻫﻬﻬﻬﻬﻬﻬﻬﻬﻬﻬﻪ . ﺩﻩ ﺍﻧﺖ ﻧﺎﻭﻱ ﺑﻘﻰ ﺗﺨﻠﺺ ﻉ ﻃﻮﻝ
- ﻳﻮﺳﻒ ﺑﻨﺒﺮﺓ ﺟﺪﻳﺔ : ﺍﻳﻮﻭﻭﻩ ﻳﺎ ﺑﺎﺑﺎ ، ﺍﺣﻨﺎ ﻣﻌﺪﻧﺎﺵ ﻭﻗﺖ ﻧﻀﻴﻌﻪ
- ﺳﻠﻴﻢ : ﺍﻟﻠﻪ ﻳﻌﻴﻨﻚ !
...................................
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ،،،،
ﻓﻲ ﺍﻟﻘﺮﻳﺔ ﺍﻟﺴﻴﺎﺣﻴﺔ ،،،
ﻟﻢ ﺗﻨﻢ ﻧﻴﺮﺓ ﺟﻴﺪﺍً ﻃﻮﺍﻝ ﺍﻟﻠﻴﻞ ، ﻇﻞ ﺑﺎﻟﻬﺎ ﻣﺸﻐﻮﻻً ﻛﺜﻴﺮﺍً ، ﺗﻔﻜﺮ ﻓﻴﻤﺎ ﻗﺎﻟﺘﻪ ﻓﺎﻃﻴﻤﺎ ﻟﻬﺎ ، ﺣﺎﻭﻟﺖ ﺃﻥ ﺗﺠﺒﺮ ﻋﻘﻠﻬﺎ ﻋﻠﻰ ﺃﻥ ﻳﻨﺴﺎﻩ ، ﻭﻟﻜﻨﻪ ﺃﺑﻰ ﺃﻻ ﻳﻨﺼﺎﻉ ﺇﻟﻴﻬﺎ ، ﻭﻟﺸﻌﻮﺭﻫﺎ ﺑﺎﻟﻤﻠﻞ ﻭﺍﻟﻀﻴﻖ ، ﻗﺮﺭﺕ ﺃﻥ ﺗﺨﺮﺝ ﻣﻦ ﺍﻟﺸﺎﻟﻴﻪ ﻭﺗﺘﻮﺟﻪ ﺇﻟﻰ ﺣﻤﺎﻡ ﺍﻟﺴﺒﺎﺣﺔ ﺭﻏﻢ ﺃﻥ ﺍﻟﻮﻗﺖ ﻛﺎﻥ ﻣﺒﻜﺮﺍً ﺟﺪﺍً ﻟﻠﺨﺮﻭﺝ ..
ﻇﻠﺖ ﺗﻌﺮﺝ ﻗﻠﻴﻼً ﻭﻫﻲ ﺗﺘﺠﻪ ﺇﻟﻰ ﺣﻤﺎﻡ ﺍﻟﺴﺒﺎﺣﺔ، ﻭﺟﺪﺕ ﺟﻤﻴﻊ ﺍﻟﻤﻘﺎﻋﺪ ﺍﻟﻤﻮﺟﻮﺩﺓ ﺃﻣﺎﻡ ﺣﻤﺎﻡ ﺍﻟﺴﺒﺎﺣﺔ ﺧﺎﻟﻴﺔ ﺗﻘﺮﻳﺒﺎً ﻣﻦ ﻗﺎﻃﻨﻲ ﺍﻟﻘﺮﻳﺔ ﺍﻟﺴﻴﺎﺣﻴﺔ ، ﻓﻤﻦ ﻳﻤﻜﻦ ﺃﻥ ﻳﺘﻮﺍﺟﺪ ﻓﻲ ﺫﻟﻚ ﺍﻟﻮﻗﺖ ﺍﻟﻤﺒﻜﺮ ﻫﻨﺎ .. ﺣﻤﺪﺕ ﺍﻟﻠﻪ ﺃﻧﻪ ﻻ ﻳﻮﺟﺪ ﺃﻱ ﺍﺣﺪ ﻟﻜﻲ ﺗﻨﺎﻡ ﻋﻠﻰ ﺭﺍﺣﺘﻬﺎ ﺩﻭﻥ ﺃﻱ ﺍﺯﻋﺎﺝ ..
- ﻧﻴﺮﺓ ﺑﺎﺭﺗﻴﺎﺡ : ﺍﻟﺤﻤﺪﻟﻠﻪ ﺍﻥ ﻣﺎﻓﻴﺶ ﺣﺪ ﻣﻮﺟﻮﺩ ، ﻛﺪﻩ ﺃﻗﺪﺭ ﺃﺭﻳﺢ ﺩﻣﺎﻏﻲ ﻣﻦ ﻏﻴﺮ ﻣﺎ ﺣﺪ ﻳﻘﺮﻓﻨﻲ ﻭﻻ ﻳﻀﺎﻳﻘﻨﻲ ، ﺍﻭﻭﻭﻑ .. ﻣﺶ ﻗﺎﺩﺭﺓ ﻣﻦ ﺍﻟﺼﺪﺍﻉ
...............
ﻓﻲ ﻧﻔﺲ ﺍﻟﻮﻗﺖ ﺗﻘﺮﻳﺒﺎً ﻛﺎﻥ ﻣﺮﻭﺍﻥ ﻗﺪ ﻭﺻﻞ ﺇﻟﻰ ﺍﻟﻘﺮﻳﺔ ﺍﻟﺴﻴﺎﺣﺔ ، ﻗﺎﻡ ﺑﺘﺴﺠﻴﻞ ﺍﻟﺪﺧﻮﻝ ﺑﻬﺎ ﺑﻌﺪ ﺃﻥ ﺣﺠﺰ ﺑﺎﻷﻣﺲ ﺷﺎﻟﻴﻬﺎً ﻳﻘﻊ ﺑﺎﻟﻘﺮﺏ ﻣﻦ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ، ﻓﻘﺪ ﻛﺎﻥ ﺍﻷﻣﺮ ﺻﻌﺒﺎً ﻓﻲ ﺍﻟﺒﺪﺍﻳﺔ ﻟﻮﺟﻮﺩ ﻭﻓﺪ ﺳﻴﺎﺣﻲ ، ﻭﻟﻜﻦ ﺍﺳﺘﻄﺎﻉ ﻣﺴﺘﺮ ﺟﻤﺎﻝ ﺃﻥ ﻳﺤﻞ ﺍﻟﻤﺴﺄﻟﺔ ﺑﺤﻜﻤﺔ ﻭﺗﺮﻳﺚ ..
ﺻﻒ ﻣﺮﻭﺍﻥ ﺳﻴﺎﺭﺗﻪ ﺃﻣﺎﻡ ﺍﻻﺳﺘﻘﺒﺎﻝ ﺍﻟﺨﺎﺹ ﺑﺎﻟﻘﺮﻳﺔ ﻭ ..
- ﻣﻮﻇﻒ ﺍﻻﺳﺘﻘﺒﺎﻝ : ﺣﻤﺪﻟﻠﻪ ﻉ ﺍﻟﺴﻼﻣﺔ ﻳﺎ ﻓﻨﺪﻡ
- ﻣﺮﻭﺍﻥ : ﺷﻜﺮﺍً ، ﻓﻲ ﺣﺠﺰ ﻣﻮﺟﻮﺩ ﺑﺎﺳﻢ ﻣﺮﻭﺍﻥ ﺍﻟﻨﻘﻴﺐ ﻭﻋﻴﻠﺘﻪ
- ﻣﻮﻇﻒ ﺍﻻﺳﺘﻘﺒﺎﻝ : ﻟﺤﻈﺔ ﻭﺍﺣﺪﺓ
ﺃﺩﺧﻞ ﺍﻟﻤﻮﻇﻒ ﺍﺳﻢ ﻣﺮﻭﺍﻥ ﻋﻠﻰ ﺃﺣﺪ ﺍﻟﺒﺮﺍﻣﺞ ﺍﻻﻟﻜﺘﺮﻭﻧﻴﺔ ﺍﻟﻤﻮﺿﻮﻋﺔ ﺃﻣﺎﻣﻪ ﻋﻠﻰ ﺷﺎﺷﺔ ﺍﻟﺤﺎﺳﻮﺏ ﻟﻴﻈﻬﺮ ﺍﻟﺘﺄﻛﻴﺪ ﺑﺎﻟﺤﺠﺰ ﻭ ...
- ﻣﻮﻇﻒ ﺍﻻﺳﺘﻘﺒﺎﻝ : ﻓﻌﻼً ﻳﺎ ﻓﻨﺪﻡ .. ﺍﻟﺤﺠﺰ ﻣﻮﺟﻮﺩ ، ﻟﺤﻈﺔ ﻭﺍﺣﺪﺓ ﺃﺟﻴﺐ ﻟﺤﻀﺮﺗﻚ ﻣﻔﺘﺎﺡ ﺍﻟﺸﺎﻟﻴﻪ
- ﻣﺮﻭﺍﻥ : ﻃﺐ ﻓﻴﻦ ﺍﺳﺘﻤﺎﺭﺓ ﺍﻟﺒﻴﺎﻧﺎﺕ
- ﻣﻮﻇﻒ ﺍﻻﺳﺘﻘﺒﺎﻝ : ﻣﺴﺘﺮ ﺟﻤﺎﻝ ﺧﻠﺺ ﻛﻞ ﺣﺎﺟﺔ ﺗﺨﺺ ﺣﻀﺮﺗﻚ
- ﻣﺮﻭﺍﻥ ﺑﺎﻋﺠﺎﺏ : ﻭﺍﻟﻠﻪ .. ﻃﺐ ﻛﻮﻳﺲ ﺃﻭﻱ ، ﺑﻠﻔﻪ ﺗﺤﻴﺎﺗﻲ
- ﻣﻮﻇﻒ ﺍﻻﺳﺘﻘﺒﺎﻝ : ﺣﺎﺿﺮ ﻳﺎ ﻓﻨﺪﻡ
ﺛﻢ ﻧﺎﺩﻯ ﺍﻟﻤﻮﻇﻒ ﺑﺼﻮﺕ ﻋﺎﻟﻲ ﻧﺴﺒﻴﺎً ﻟﻜﻲ ﻳﺄﺗﻲ ﺣﺎﻣﻞ ﺍﻟﺤﻘﺎﺋﺐ ﻭﻳﻮﺻﻠﻬﺎ ﻟﻠﺸﺎﻟﻴﻪ
- ﻣﻮﻇﻒ ﺍﻻﺳﺘﻘﺒﺎﻝ ﻣﺸﻴﺮﺍً ﺑﻴﺪﻩ : ﺭﻭﺡ ﻣﻊ ﻣﺮﻭﺍﻥ ﺑﻴﻪ ، ﻭﺧﺪ ﺍﻟﺸﻨﻂ ﺑﺘﺎﻋﺘﻪ ﻭﻭﺩﺩﻳﻬﺎ ﻟﻠﺸﺎﻟﻴﻪ ﻳﺎ ﺣﺴﻦ
- ﺣﺴﻦ : ﺣﺎﺿﺮ
- ﻣﺮﻭﺍﻥ : ﺗﻌﺎﻟﻰ ﻭﺭﺍﻳﺎ
- ﺣﺴﻦ : ﺣﺎﺿﺮ ﻳﺎ ﻓﻨﺪﻡ
ﺑﺎﻟﻔﻌﻞ ﺃﺧﺬ ﺣﺎﻣﻞ ﺍﻟﺤﻘﺎﺋﺐ ﺣﺴﻦ ﺍﻟﺤﻘﺎﺋﺐ ﺍﻟﺨﺎﺻﺔ ﺑﻤﺮﻭﺍﻥ ﻭﺃﻭﺻﻠﻬﺎ ﻟﻠﺸﺎﻟﻴﻪ ، ﺛﻢ ﺃﻋﻄﺎﻩ ﻣﺮﻭﺍﻥ ﺑﻘﺸﻴﺸﺎً ﺟﻴﺪﺍً ..
ﺑﺪﺃ ﻣﺮﻭﺍﻥ ﻓﻲ ﺗﻔﻘﺪ ﺍﻟﺸﺎﻟﻴﻪ ، ﻓﺘﺢ ﻧﺎﻓﺬﺓ ﺍﻟﺸﺮﻓﺔ ، ﻭﺩﻟﻒ ﻟﻠﺘﺮﺍﺱ ﻭﻇﻞ ﻳﻨﻈﺮ ﻟﻠﺸﺎﻟﻴﻬﺎﺕ ﺍﻟﻘﺮﻳﺒﺔ ﻣﺤﺎﻭﻻً ﺗﺨﻤﻴﻦ ﺃﻱ ﻣﻨﻬﺎ ﺗﻮﺟﺪ ﺑﻬﺎ ﻧﻴﺮﺓ ..
- ﻣﺮﻭﺍﻥ ﻣﺘﺴﺎﺋﻼً ﻓﻲ ﻧﻔﺴﻪ : ﻳﺎ ﺗﺮﻯ ﺍﻧﺘﻲ ﻣﻮﺟﻮﺩﺓ ﻓﻲ ﺃﻧﻬﻲ ﻭﺍﺣﺪ .. ﻛﻠﻬﺎ ﺣﺒﺔ ﻭﻫﺎﻋﺮﻑ ﺍﻧﺘﻲ ﻓﻴﻦ ﺑﺎﻟﻈﺒﻂ ، ﻭﺃﺧﺪﻙ ﺗﺎﻧﻲ ﻓﻲ ﺣﻀﻨﻲ .. ﻫﺎﻧﺖ !!
ﻭﻷﻥ ﺍﻟﺠﻮ ﻛﺎﻥ ﺣﺎﺭﺍً ﻧﻮﻋﺎً ﻣﺎ .. ﻗﺮﺭ ﻣﺮﻭﺍﻥ ﺃﻥ ﻳﺘﺠﻪ ﻟﺤﻤﺎﻡ ﺍﻟﺴﺒﺎﺣﺔ ﺍﻟﻤﻠﺤﻖ ﺑﺎﻟﻘﺮﻳﺔ ﻟﻜﻲ ﻳﻨﺘﻌﺶ ﻗﻠﻴﻼً ﻭ ..
- ﻣﺮﻭﺍﻥ : ﺍﻟﺠﻮ ﺣﺮ ﻭﻻ ﺃﻧﺎ ﺍﻟﻠﻲ ﺣﺮﺍﻥ ، ﺍﻭﻭﻭﻑ ، ﺃﺣﺴﻦ ﺣﺎﺟﺔ ﺃﻋﻤﻠﻬﺎ ﺃﺭﻭﺡ ﺃﺧﺪ ﻏﻄﺲ ﻓﻲ ﺍﻟﺒﺴﻴﻦ ﻗﺒﻞ ﻣﺎ ﻳﺘﺰﺣﻢ ﻭﻣﻌﺮﻓﺶ ﺃﺗﺒﺴﻂ
ﺑﺪﻝ ﻣﺮﻭﺍﻥ ﻣﻼﺑﺴﻪ ﺑﺄﺧﺮﻯ ﺧﺎﺻﺔ ﺑﺎﻟﺴﺒﺎﺣﺔ ، ﺃﺣﻀﺮ ﻣﻌﻪ ﻣﻨﺸﻔﺘﻪ ﺍﻟﺨﺎﺻﺔ ، ﻭﺍﺭﺗﺪﻯ ﺯﻱ ﺍﻟﺴﺒﺎﺣﺔ ﻭﻣﻦ ﻓﻮﻗﻪ ﺗﻴﺸﻴﺮﺗﺎً ﺭﻳﺎﺿﻴﺎً .. ﺛﻢ ﺍﻧﻄﻠﻖ ﻓﻲ ﺍﺗﺠﺎﻫﻪ ..
ﻭﻷﻥ ﺷﺮﻛﺔ ﻣﺮﻭﺍﻥ ﻭﻳﻮﺳﻒ ﻛﺎﻧﺖ ﻣﺴﺌﻮﻟﺔ ﻋﻦ ﺃﻋﻤﺎﻝ ﺍﻟﻤﻘﺎﻭﻻﺕ ﺍﻟﺨﺎﺻﺔ ﺑﺎﻟﻘﺮﻳﺔ ، ﻓﻠﻢ ﻳﺠﺪ ﻣﺮﻭﺍﻥ ﺃﻱ ﺻﻌﻮﺑﺔ ﻓﻲ ﺍﻟﻮﺻﻮﻝ ﺇﻟﻰ ﺣﻤﺎﻡ ﺍﻟﺴﺒﺎﺣﺔ ..
ﻧﻈﺮ ﻣﺮﻭﺍﻥ ﺇﻟﻰ ﺍﻟﻤﻘﺎﻋﺪ ﺍﻟﺨﺎﻟﻴﺔ ﺃﻣﺎﻡ ﺣﻤﺎﻡ ﺍﻟﺴﺒﺎﺣﺔ ﻭﺍﺑﺘﺴﻢ ﻭ ..
- ﻣﺮﻭﺍﻥ : ﻫﻮ ﻣﻴﻦ ﺃﻫﺒﻞ ﻫﺎﻳﺠﻲ ﺍﻟﻮﻗﺘﻲ ﻫﻨﺎ ..
ﻭﻓﺠـــﺄﺓ ﺗﻼﺷﺖ ﺍﻻﺑﺘﺴﺎﻣﺔ ﻣﻦ ﻋﻠﻰ ﻭﺟﻬﻪ ﺣﻴﻨﻤﺎ ﻟﻤﺢ ﻓﺘﺎﺓ ﻣﺎ ﻣﺴﺘﻠﻘﻴﺔ ﻋﻠﻰ ﺑﻌﺪ ﺑﻤﻔﺮﺩﻫﺎ ﻋﻠﻰ ﺃﺣﺪ ﺗﻠﻚ ﺍﻟﻤﻘﺎﻋﺪ ..
ﺗﺴﻤﺮ ﻣﺮﻭﺍﻥ ﻓﻲ ﻣﻜﺎﻧﻪ ﺣﻴﻨﻤﺎ ﺃﻣﻌﻦ ﺍﻟﻨﻈﺮ ﻓﻴﻬﺎ ﺟﻴﺪﺍً
