رفقاً بالقوارير

20

ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،
ﻋﺎﺩ ﻣﺮﻭﺍﻥ ﺇﻟﻰ ﺍﻟﻜﻠﻴﺔ ﻭﻧﺴﻲ ﺗﻤﺎﻣﺎً ﺃﻥ ﻳﺤﻀﺮ ﺍﻟﻬﺪﺍﻳﺎ ﻭ ...
- ﻳﻮﺳﻒ : ﺍﻳﻪ ﻳﺎ ﻋﻢ ﻣﺎﺭﻭﻭ ﺍﻟﻠﻲ ﺃﺧﺮﻙ ﻛﻞ ﺩﻩ
- ﻣﺮﻭﺍﻥ : ﻣﻌﻠﺶ ﺣﺼﻠﺖ ﺷﻮﻳﺔ ﺣﺎﺟﺎﺕ ﻭﺭﺍ ﺑﻌﺾ ﻛﺪﻩ ﻓﺪﻩ ﺍﻟﻠﻲ ﺍﺧﺮﻧﻲ
- ﻳﻮﺳﻒ : ﻭﺑﻌﺪﻳﻦ ﻓﻴﻦ ﺍﻟﻬﺪﺍﻳﺎ ﺍﻟﻠﻲ ﺍﻧﺖ ﺟﺎﻳﺒﻬﺎ ﻋﺸﺎﻥ ﺗﻮﺭﻳﻬﺎﻟﻨﺎ
- ﻣﺮﻭﺍﻥ ﻭﻫﻮ ﻳﺨﺒﻂ ﻳﺪﻩ ﺑﺠﺒﻬﺘﻪ ﺍﻭﻭﻭﺑﺎ ، ﺍﺗﻠﺒﺨﺖ ﻭﻧﺴﻴﺖ ﺍﻟﻤﻮﺿﻮﻉ ﺩﻩ ﺧﺎﻟﺺ
- ﻣﺎﻳﺎ : ﻟﻴﻪ ﺑﺲ ﻳﺎ ﻣﺎﺭﻭﻭ
- ﻳﻮﺳﻒ : ﺍﻧﺖ ﺩﻣﺎﻏﻚ ﻣﺶ ﻓﻴﻚ
- ﻣﺮﻭﺍﻥ : ﺧﻼﺹ ﺍﻧﺎ ﺭﺍﻳﺢ ﺃﺟﻴﺒﻬﻢ
- ﻳﻮﺳﻒ : ﻷ ﺍﺳﺘﻨﻰ ، ﺃﻧﺎ ﻫﺎﺑﻘﻰ ﺃﺭﻭﺡ ﻣﻌﺎﻙ
- ﺭﺿﻮﻯ : ﺍﺣﻨﺎ ﻟﺤﺪ ﺍﻟﻮﻗﺘﻲ ﻣﻌﺎﻧﺎ ﻧﺎﺱ ﺗﻜﻔﻲ ﻟﺒﺎﺻﻴﻦ ﻛﺎﻣﻠﻴﻦ ﻭﻟﺴﻪ ﺍﻟﺤﺠﻮﺯﺍﺕ ﻣﺴﺘﻤﺮﺓ
- ﺃﺣﻤﺪ : ﺩﻩ ﺣﺎﺟﺔ ﻋﻈﻴﻤﺔ ﺍﻭﻱ
- ﻣﺎﻳﺎ : ﻃﺒﻌﺎً ، ﺩﻩ ﺍﻟﻨﺎﺱ ﻣﺎ ﻫﺘﺼﺪﻕ ﺍﻧﻬﺎ ﺗﻄﻠﻊ ﻣﻌﺎﻧﺎ
- ﺭﺿﻮﻯ : ﻫﻮ ﺍﺣﻨﺎ ﺃﻱ ﺣﺪ ﻳﺎ ﻣﺎﻳﺎ
- ﺃﺣﻤﺪ : ﺍﻳﻮﻩ
- ﻳﻮﺳﻒ : ﺭﺑﻨﺎ ﻳﺴﻬﻞ ﺑﺲ ﻭﻣﺎﻳﺤﺼﻠﺶ ﺍﻱ ﻣﺸﺎﻛﻞ ﻓﻲ ﺍﻟﺮﺣﻠﺔ
- ﺭﺿﻮﻯ : ﺍﻧﺎ ﺑﻘﻮﻝ ﻧﻘﻔﻞ ﺍﻟﺤﺠﺰ ﻉ ﻛﺪﻩ
- ﺃﺣﻤﺪ : ﻭﺍﻧﺎ ﻛﻤﺎﻥ ، ﻛﻔﺎﻳﺔ ﻟﺤﺪ ﻛﺪﻩ
ﺛﻢ ﺭﻥ ﻫﺎﺗﻒ ﻳﻮﺳﻒ ﺑﺮﻗﻢ ﻭﺍﻟﺪﻩ ﻓﺄﺟﺎﺏ ﻋﻠﻰ ﺍﻻﺗﺼﺎﻝ ﻭ ..
- ﻳﻮﺳﻒ ﻫﺎﺗﻔﻴﺎً : ﺍﻟﻮﻭ .. ﺍﻳﻮﻩ ﻳﺎ ﺑﺎﺑﺎ
- ﺳﻠﻴﻢ : ﺗﻌﺎﻟﻰ ﻳﺎ ﻳﻮﺳﻒ ﺑﺴﺮﻋﺔ ﻉ ﺍﻟﺒﻴﺖ
- ﻳﻮﺳﻒ : ﻓﻲ ﺍﻳﻪ ﻳﺎ ﺑﺎﺑﺎ
- ﺳﻠﻴﻢ : ﻣﺎﻣﺘﻚ ﺗﻌﺒﺖ ﺷﻮﻳﺔ ﻭﺁﺁﺁ ....
- ﻳﻮﺳﻒ ﻣﻘﺎﻃﻌﺎً : ﺍﻳﻪ ؟؟ ﻣﺎﻣﺎ ﺗﻌﺒﺖ ، ﺍﻧﺎ ﺟﺎﻱ ﺣﺎﻻً
ﺃﻧﻬﻰ ﻳﻮﺳﻒ ﺍﻟﻤﻜﺎﻟﻤﺔ ﻣﻊ ﻭﺍﻟﺪﻩ ﺛﻢ ﺃﺳﺮﻉ ﻧﺤﻮ ﺳﻴﺎﺭﺗﻪ ﻟﻴﺴﺘﻘﻠﻬﺎ ، ﺣﺎﻭﻝ ﻣﺮﻭﺍﻥ ﺍﻟﻠﺤﺎﻕ ﺑﻪ ﻭﻓﻬﻢ ﻣﺎ ﻳﺤﺪﺙ ﻭ ...
- ﻣﺮﻭﺍﻥ : ﻓﻲ ﺍﻳﻪ ﻳﺎ ﺟﻮﻭﻭ
- ﻳﻮﺳﻒ : .......
- ﻣﺮﻭﺍﻥ : ﻳﺎ ﺑﻨﻲ ﺍﺳﺘﻨﻰ ﻭﻓﻬﻤﻨﻲ ﻓﻲ ﺍﻳﻪ
- ﻣﺎﻳﺎ : ﻣﺎﻟﻪ ﺟﻮﻭ ، ﺑﻴﺠﺮﻱ ﻛﺪﻩ ﻟﻴﻪ
- ﺭﺿﻮﻯ : ﻣﺶ ﻋﺎﺭﻓﺔ
- ﺃﺣﻤﺪ : ﺃﻧﺎ ﻫﺤﺎﻭﻝ ﺃﺣﺼﻠﻪ ﻭﺃﻓﻬﻢ ﻓﻲ ﺍﻳﻪ
- ﻣﺎﻳﺎ : ﺍﻩ ﻳﺎ ﺭﻳﺖ
ﺭﻛﺐ ﻣﺮﻭﺍﻥ ﻣﻊ ﻳﻮﺳﻒ ﺳﻴﺎﺭﺗﻪ ﻭﻋﺮﻑ ﻣﻨﻪ ﺃﻥ ﻭﺍﻟﺪﺗﻪ ﻣﺮﻳﻀﺔ ﻭ ...
- ﻣﺮﻭﺍﻥ : ﺍﻥ ﺷﺎﺀ ﺍﻟﻠﻪ ﻫﺘﺒﻘﻰ ﻛﻮﻳﺴﺔ ﻣﺘﻘﻠﻘﺶ
- ﻳﻮﺳﻒ : ﺭﺑﻨﺎ ﻳﺴﺘﺮ
- ﻣﺮﻭﺍﻥ : ﻃﺐ ﺃﺑﻮﻙ ﻗﺎﻟﻚ ﻓﻴﻬﺎ ﺍﻳﻪ
- ﻳﻮﺳﻒ : ﻷ ، ﻭﺩﻩ ﺍﻟﻠﻲ ﺭﺍﻋﺒﻨﻲ
- ﻣﺮﻭﺍﻥ : ﺍﻥ ﺷﺎﺀ ﺍﻟﻠﻪ ﻣﺎﻳﺒﻘﺎﺵ ﻓﻲ ﺣﺎﺟﺔ ﻭﺣﺸﺔ
- ﻳﻮﺳﻒ ﺑﻘﻠﻖ : ﻳﺎ ﺭﺏ
............................
ﻓﻲ ﺃﺣﺪ ﺍﻟﻤﻄﺎﻋﻢ ﺍﻟﺨﺎﺻﺔ ﺑﺎﻟﻮﺟﺒﺎﺕ ﺍﻟﺴﺮﻳﻌﺔ ،،،
ﻛﺎﻧﺖ ﻧﺴﻤﺔ ﺗﺠﻠﺲ ﺑﺼﺤﺒﺔ ﺗﺎﻣﺮ ﺣﻴﻨﻤﺎ ﺟﺎﺀﺕ ﺇﻟﻴﻬﺎ ﻣﻲ ﻭ ...
- ﻧﺴﻤﺔ ﻭﻗﺪ ﻟﻤﺤﺖ ﻣﻲ : ﻣﻴﻮﻭﻭﻱ ، ﺗﻌﺎﻟﻲ
- ﻣﻲ : ﻫﺎﻱ
- ﺗﺎﻣﺮ : ﺍﺯﻳﻚ ﻳﺎ ﻣﻴﻮﻱ
- ﻣﻲ : ﻫﺎﻱ ﺗﺎﻣﺮ
- ﻧﺴﻤﺔ : ﺍﻧﺘﻲ ﻛﻠﻤﺘﻨﻲ ﻭﻗﻮﻟﺘﻲ ﻋﺎﻭﺯﺓ ﺗﺸﻮﻓﻴﻨﻲ ﻋﺸﺎﻥ ﺣﺎﺟﺔ ﻣﻬﻤﺔ
- ﻣﻲ : ﺩﻩ ﺧﺒﺮ ﺍﻟﻤﻮﺳﻢ ﻳﺎ ﻧﺴﻮﻡ
- ﻧﺴﻤﺔ : ﺍﻳﻪ
- ﻣﻲ ﻭﻫﻲ ﺗﺨﺮﺝ ﻫﺎﺗﻔﻬﺎ ﺍﻟﻤﺤﻤﻮﻝ ﻣﻦ ﺣﻘﻴﺒﺘﻬﺎ : ﺑﺼﻲ ﻋﺎﻟﺼﻮﺭ ﺩﻱ ﻭﻗﻮﻟﻴﻠﻲ ﺭﺃﻳﻚ
- ﻧﺴﻤﺔ : ﻭﺭﻳﻨﻲ
ﺭﺃﺕ ﻧﺴﻤﺔ ﺻﻮﺭﺍً ﻣﻠﺘﻘﻄﺔ ﻟﻨﻴﺮﺓ ﻭﻣﺮﻭﺍﻥ ﻭﻫﻤﺎ ﻳﺘﺤﺪﺛﺎﻥ ﺳﻮﻳﺎً ﻭﺃﻳﻀﺎً ﻭﻫﻤﺎ ﻳﺮﻛﺒﺎﻥ ﺍﻟﺴﻴﺎﺭﺓ ﻭ ...
- ﻧﺴﻤﺔ : ﻣﺶ ﻣﻌﻘﻮﻝ ، ﺩﻱ ﺍﻟﺒﺖ ﻧﻴﺮﺓ
- ﻣﻲ : ﺍﻩ ﻫﻲ ، ﻫﺎ ﺍﻳﻪ ﺭﺃﻳﻚ ﺑﻘﻰ ﻓﻲ ﺍﻟﺼﻮﺭ ﺩﻱ
- ﻧﺴﻤﺔ : ﺩﻱ ﺍﻟﺒﺖ ﺑﺘﻠﻌﺐ ﻉ ﺗﻘﻴﻞ ، ﻭﺑﺲ ﻋﻤﻼﻟﻨﺎ ﻓﻴﻬﺎ ﺍﻟﻤﻼﻙ ﺍﻟﺒﺮﻱﺀ
- ﻣﻲ : ﺷﻮﻓﺘﻬﺎ ﺑﺎﻟﺼﺪﻓﺔ ﻭﺃﻧﺎ ﻣﺎﺷﻴﺔ ﻓﻘﻮﻟﺖ ﺃﻣﺎ ﺃﺻﻮﺭﻫﺎ ﻭﺍﻭﺭﻳﻜﻲ
- ﻧﺴﻤﺔ : ﺩﻱ ﺍﺣﺴﻦ ﺣﺎﺟﺔ ﻋﻤﻠﺘﻴﻬﺎ
- ﺗﺎﻣﺮ : ﺍﻧﺘﻮ ﺑﺘﺤﻜﻮﺍ ﻋﻦ ﻣﻴﻦ
- ﻧﺴﻤﺔ : ﻋﻦ ﻧﻴﺮﻭ ﻧﻴﺮﻭ
- ﺗﺎﻣﺮ : ﺍﻟﺒﺖ ﺑﺘﺎﻋﺔ ﺍﻟﻮﺭﺩﺓ ﺍﻟﺒﻴﻀﺎ
- ﻧﺴﻤﺔ : ﺑﺎﻟﻈﺒﻂ ﻳﺎ .. ﻳﺎ ﺑﺘﺎﻉ ﺍﻟﻠﺤﻦ ﺍﻟﺤﺰﻳﻦ
- ﺗﺎﻣﺮ ﺿﺎﺣﻜﺎً : ﻫﻬﻬﻬﻬﻬﻬﻬﻬﻬﻬﻬﻪ ، ﺃﻧﺎ ﻋﺎﺭﻑ ﺍﺧﺘﺮﺗﻲ ﺍﻻﺳﻢ ﺍﻟﻨﻜﺪﻱ ﺩﻩ ﻟﻴﻪ ﻟﻴﺎ ﻭﺃﻧﺎ ﺃﺻﻼً ﻣﺶ ﻛﺪﻩ
- ﻧﺴﻤﺔ : ﺳﻴﺒﻚ ﻣﻦ ﺍﻟﻜﻼﻡ ﺍﻟﻔﺎﺿﻲ ﺩﻩ ، ﺍﻟﻮﻗﺘﻲ ﺍﻟﺒﺖ ﻧﻴﺮﺓ ﺩﻱ ﻃﻠﻌﺖ ﻣﺶ ﺳﻬﻠﺔ ، ﻭﺍﺣﻨﺎ ﻻﺯﻡ ﻧﺰﻭﺩ ﺍﻟﻌﻴﺎﺭ ﻣﻌﺎﻫﺎ ﺷﻮﻳﺔ
- ﻣﻲ : ﻃﺐ ﻧﻌﻤﻞ ﺍﻳﻪ؟
- ﻧﺴﻤﺔ : ﻻﺯﻡ ﺍﻟﻠﺤﻦ ﺍﻟﺤﺰﻳﻦ ﻳﺸﺘﻐﻞ ﻋﻠﻴﻬﺎ ﺃﻛﺘﺮ
- ﺗﺎﻣﺮ : ﻳﺎ ﺑﻨﺘﻲ ﻣﻤﻜﻦ ﺗﺸﻚ
- ﻧﺴﻤﺔ : ﻷ .. ﻃﺎﻟﻤﺎ ﻫﺘﻌﻤﻠﻮﺍ ﺍﻟﻠﻲ ﻫﺎﻗﻮﻟﻜﻢ ﻋﻠﻴﻪ ﻳﺒﻘﻰ ﻫﺘﻘﻊ ﻓﻲ ﺍﻟﻤﺼﻴﺪﺓ ، ﺍﻟﻤﻬﻢ ﻛﻤﺎﻥ ﻋﺎﻭﺯﻳﻦ ﻧﺨﻠﻲ ﺍﻟﺒﺖ ﻧﻬﻠﺔ ﺗﻈﺒﻄﻬﺎ ﻓﻲ ﺍﻟﺠﺮﻭﺏ ﺍﻟﺠﺪﻳﺪ ﺍﻟﻠﻲ ﻋﺎﻣﻠﻴﻨﻮﻩ ﻭﺗﺪﺧﻠﻬﺎ ﻣﻦ ﺳﻜﺔ ﺍﻷﻧﺸﻄﺔ ﻭﺍﻟﻤﻌﻠﻮﻣﺎﺕ
- ﻣﻲ : ﺃﻧﺎ ﻣﺶ ﻓﺎﻫﻤﺔ ﺣﺎﺟﺔ
- ﺗﺎﻣﺮ : ﻭﻻ ﺃﻧﺎ
- ﻧﺴﻤﺔ : ﺃﻧﺎ ﻫﺎﻓﻬﻤﻜﻢ ، ﺍﻟﻮﻗﺘﻲ ﻫﻨﺪﺧﻞ ﺍﻟﺒﺖ ﻧﻴﺮﺓ ﻓﻲ ﺟﺮﻭﺏ ﺧﺎﺹ ﺑﺎﻟﻤﻌﻠﻮﻣﺎﺕ ﺍﻟﻌﺎﻣﺔ ﻭﻳﻜﻮﻥ ﺍﻟﻠﺤﻦ ﺍﻟﺤﺰﻳﻦ ﻋﻀﻮ ﻓﻲ ﻧﻔﺲ ﺍﻟﺠﺮﻭﺏ ، ﻭﻧﺨﻠﻲ ﺍﻟﻜﻞ ﻳﻜﺘﺐ ﻛﻠﻤﺎﺕ ﺗﺸﺠﻴﻊ ﻟﻴﻬﺎ ﻓﺘﺤﺲ ﺍﻧﻬﺎ ﺷﺨﺺ ﻣﻬﻢ ، ﻭﺍﻟﻠﺤﻦ ﺍﻟﺤﺰﻳﻦ ﺍﻟﻠﻲ ﻫﻮ ﺗﺎﻣﺮ ﻳﺸﺘﻐﻞ ﻋﻠﻴﻬﺎ ﺑﺎﻟﺘﺸﺠﻴﻊ ﻭﺍﻧﻪ ﻳﺘﻜﻠﻢ ﻋﻦ ﻧﻔﺴﻪ ﻛﻞ ﺷﻮﻳﺔ ﻭﻳﻠﻬﻴﻬﺎ ﻭﺩﺍﻳﻤﺎً ﻳﻜﻮﻥ ﻣﺘﺎﺑﻊ ﻟﻴﻬﺎ ﻓﻬﻲ ﻏﺼﺒﻦ ﻋﻨﻬﺎ ﻫﺘﺘﻌﻮﺩ ﻋﻠﻰ ﻭﺟﻮﺩﻩ ﻓﻲ ﺣﻴﺎﺗﻬﺎ
- ﺗﺎﻣﺮ : ﺑﺲ ﺩﻩ ﻫﻴﺎﺧﺪ ﻭﻗﺖ ﻛﺘﻴﺮ
- ﻧﺴﻤﺔ : ﻣﺶ ﻣﻬﻢ ﻛﺒﺮﻫﺎ ﺷﻬﺮ ﻣﻌﺎﻧﺎ ، ﺑﺲ ﻫﻴﺠﻴﺐ ﻧﺘﻴﺠﺔ ﻓﻲ ﺍﻷﺧﺮ ، ﻭﺩﻩ ﺍﻟﻠﻲ ﺃﻧﺎ ﻋﺎﻭﺯﺍﻩ ﺇﻧﻲ ﺃﺟﺮﻫﺎ ﻟﺴﻜﺘﻨﺎ ﻭﺃﺳﺘﻔﻴﺪ
- ﻣﻲ : ﺃﻫﺎ
- ﺗﺎﻣﺮ : ﺩﻩ ﺍﻧﺘﻲ ﺷﺮ
- ﻧﺴﻤﺔ : ﺍﻭﻣﺎﻝ ﺍﻳﻪ ، ﺩﻩ ﺃﻧﺎ ﻫﺤﺎﺻﺮﻫﺎ ﻣﻦ ﻛﻞ ﺣﺘﺔ !
.................................
ﻓﻲ ﻓﻴﻼ ﺳﻠﻴﻢ ﺍﻟﻜﻮﻣﻲ ،،،
ﻭﺻﻞ ﻳﻮﺳﻒ ﺇﻟﻰ ﻓﻴﻠﺘﻪ ، ﺍﻧﺘﻈﺮ ﻣﺮﻭﺍﻥ ﻓﻲ ﺍﻟﺮﺩﻫﺔ ﺑﻴﻨﻤﺎ ﺻﻌﺪ ﻳﻮﺳﻒ ﺇﻟﻰ ﺍﻟﻄﺎﺑﻖ ﺍﻟﻌﻠﻮﻱ ، ﻭﻣﺎ ﺇﻥ ﻭﺻﻞ ﻟﻐﺮﻓﺔ ﻭﺍﻟﺪﺗﻪ ﺣﺘﻰ ﻭﺟﺪ ﺍﻟﻄﺒﻴﺐ ﺧﺎﺭﺟﺎً ﻣﻨﻬﺎ ﻓﺴﺄﻟﻪ ﻋﻨﻬﺎ ﻭ ...
- ﻳﻮﺳﻒ : ﺧﻴﺮ ﻳﺎ ﺩﻛﺘﻮﺭ ﻣﺎﻣﺎ ﻣﺎﻟﻬﺎ
- ﺍﻟﻄﺒﻴﺐ : ﺍﻃﻤﻦ ، ﻣﺎﻓﻴﺶ ﺣﺎﺟﺔ ﺧﻄﻴﺮﺓ
- ﺳﻠﻴﻢ : ﺗﻌﺎﻟﻰ ﻳﺎ ﺟﻮﻭ
- ﻳﻮﺳﻒ ﻭﻫﻮ ﻳﻘﺒﻞ ﺭﺃﺱ ﻭﺍﻟﺪﺗﻪ : ﻣﺎﻣﺎ .. ﺍﻧﺘﻲ ﻛﻮﻳﺴﺔ ؟؟ ﻓﻲ ﺍﻳﻪ ﺍﻟﻠﻲ ﺣﺼﻞ ﻳﺎ ﺑﺎﺑﺎ
- ﻋﺒﻴﺮ : ﺁﺁﺁ .. ﺃﻧﺎ .. ﺃﻧﺎ ﺑﺨﻴﺮ ﻳﺎ ﺑﻨﻲ
- ﺳﻠﻴﻢ : ﺍﻟﺤﻤﺪﻟﻠﻪ ﻣﺎﻣﺘﻚ ﺑﻘﺖ ﺃﺣﺴﻦ
- ﻳﻮﺳﻒ : ﻫﻮ ﺣﺼﻞ ﺍﻳﻪ ؟
- ﺳﻠﻴﻢ : ﻏﻴﺒﻮﺑﺔ ﺳﻜﺮ ، ﻭﺍﻟﺤﻤﺪﻟﻠﻪ ﻟﺤﻘﻨﺎﻫﺎ ، ﺑﺲ ﺍﻟﺪﻛﺘﻮﺭ ﻃﺎﻟﺐ ﺷﻮﻳﺔ ﺗﺤﺎﻟﻴﻞ ﻭﻓﺤﻮﺻﺎﺕ ﺃﻛﺘﺮ ﻋﺸﺎﻥ ﻧﻄﻤﻦ
- ﻳﻮﺳﻒ ﻭﻫﻮ ﻳﻨﻈﺮ ﻟﺬﺭﺍﻋﻬﺎ : ﻃﺐ ﺍﻳﻪ ﺍﻟﻠﻲ ﺣﺼﻞ ﻟﺪﺭﺍﻋﻚ
- ﻋﺒﻴﺮ : ﺍﺗﻠﻮﻯ
- ﻳﻮﺳﻒ : ﻣﺶ ﺗﺎﺧﺪﻱ ﺑﺎﻟﻚ ﺃﻛﺘﺮ ﻳﺎ ﻣﺎﻣﺎ
- ﺳﻠﻴﻢ : ﺍﺣﻨﺎ ﺍﻥ ﺷﺎﺀ ﺍﻟﻠﻪ ﻫﻨﺮﻭﺡ ﺍﻟﻤﺴﺘﺸﻔﻰ ﺑﺲ ﺃﻣﺎ ﻣﺎﻣﺘﻚ ﺗﺸﺪ ﺣﻴﻠﻬﺎ ﻭﻧﻄﻤﻦ ﺃﻛﺘﺮ
- ﻳﻮﺳﻒ : ﻳﺎﻻ ﺍﻟﻮﻗﺘﻲ ﻳﺎ ﺑﺎﺑﺎ
- ﻋﺒﻴﺮ : ﻷ ﻳﺎ ﺑﻨﻲ ﺑﻌﺪﻳﻦ
- ﻳﻮﺳﻒ : ﻣﺎﻓﻴﺶ ﺣﺎﺟﺔ ﺍﺳﻤﻬﺎ ﺑﻌﺪﻳﻦ
- ﺳﻠﻴﻢ : ﺍﻫﺪﻯ ﻳﺎ ﺟﻮﻭ ، ﻣﺎﻣﺘﻚ ﻛﻮﻳﺴﺔ ، ﻫﻲ ﺑﺲ ﺗﺮﺗﺎﺡ ﺷﻮﻳﺔ ﻭﺑﻌﺪ ﻛﺪﻩ ﻫﻨﺮﻭﺡ ﻉ ﺍﻟﻤﺴﺘﺸﻔﻰ ﻭﻧﻄﻤﻦ .. ﺍﻟﻤﻬﻢ ﺍﻧﺖ ﺭﻛﺰ ﻓﻲ ﻛﻠﻴﺘﻚ ﻭﺍﻟﻠﻲ ﻭﺭﺍﻙ
- ﻳﻮﺳﻒ ﻭﻗﺪ ﺗﺬﻛﺮ ﻣﺮﻭﺍﻥ : ﺍﻭﻭﻭﺑﺎ ، ﺩﻩ ﺍﻧﺎ ﻧﺴﻴﺖ ﻣﺮﻭﺍﻥ ﺗﺤﺖ
- ﺳﻠﻴﻢ : ﻫﻮ ﻣﺮﻭﺍﻥ ﻫﻨﺎ
- ﻳﻮﺳﻒ : ﺍﻩ ﺟﻪ ﻣﻌﺎﻳﺎ ﻭﻣﺎﺳﺒﻨﻴﺶ
- ﺳﻠﻴﻢ : ﻃﺐ ﺍﺳﺘﻰ ﻳﺎ ﺑﻨﻲ ﺃﻧﺎ ﻧﺎﺯﻝ ﻣﻌﺎﻙ ﺃﺳﻠﻢ ﻋﻠﻴﻪ
- ﻳﻮﺳﻒ : ﺍﻭﻙ
...................................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻋﺎﺩ ﺻﻼﺡ ﻣﻦ ﺍﻟﺨﺎﺭﺝ ﺑﻌﺪ ﻳﻮﻡ ﻣﺮﻫﻖ ﻗﻀﺎﺀ ﻓﻲ ﺍﻟﻤﺴﺘﺸﻔﻰ ﺍﻟﺤﻜﻮﻣﻲ ﻣﻦ ﺍﺟﻞ ﺍﻻﻃﻤﺌﻨﺎﻥ ﻋﻠﻰ ﺫﻟﻚ ﺍﻟﻌﺎﻣﻞ ﺍﻟﺒﺴﻴﻂ ﺭﺟﺐ ﻭ ..
- ﺯﻳﻨﺐ : ﺍﻳﻪ ﻳﺎ ﺣﺎﺝ ﺍﻟﻠﻲ ﺍﺧﺮﻙ ﻛﻞ ﺩﻩ ؟
- ﺻﻼﺡ : ﺍﺳﻜﺘﻲ ﻳﺎ ﺯﻳﻨﺐ ، ﻛﺎﻧﺖ ﻫﺘﺤﺼﻞ ﻣﺼﻴﺒﺔ ﻓﻲ ﺍﻟﺸﻐﻞ ﺍﻟﻨﻬﺎﺭﺩﺓ ﺑﺲ ﺍﻟﺤﻤﺪﻟﻠﻪ ﺭﺑﻨﺎ ﺳﺘﺮ
- ﺯﻳﻨﺐ : ﻳﺎ ﺳﺎﺗﺮ ﻳﺎ ﺭﺏ ﻓﻲ ﺍﻳﻪ ﺍﻟﻠﻲ ﺣﺼﻞ
- ﺻﻼﺡ : ﺍﻟﻮﺍﺩ ﺭﺟﺐ ﻭﻗﻊ ﻣﻦ ﻉ ﺍﻟﺴﻘﺎﻟﺔ ﻭﻛﺎﻥ ﻣﻤﻜﻦ ﻳﺮﻭﺡ ﻓﻴﻬﺎ ﺑﺲ ﺭﺑﻚ ﺳﺘﺮﻫﺎ ﻣﻌﺎﻩ ﻭﺭﺟﻠﻪ ﺍﺗﻜﺴﺮﺕ
- ﺯﻳﻨﺐ : ﻳﺎ ﺭﺑﻲ ! ﻭﺑﻌﺪﻳﻦ
- ﺻﻼﺡ : ﺧﺪﺗﻪ ﻭﺟﺮﻳﺖ ﻉ ﺍﻟﻤﺴﺘﺸﻔﻰ ﻣﻊ ﻛﺎﻡ ﻭﺍﺣﺪ ﻭﺍﺗﺠﺒﺴﺖ ﺭﺟﻠﻪ
- ﺯﻳﻨﺐ : ﺍﻟﺤﻤﺪﻟﻠﻪ ﺍﻧﻬﺎ ﺟﺖ ﻉ ﺃﺩ ﻛﺪﻩ
- ﺻﻼﺡ : ﻗﺪﺭ ﻭﻟﻄﻒ
- ﺯﻳﻨﺐ : ﺍﻟﻤﻬﻢ ﺍﺣﻨﺎ ﺍﻟﻤﻔﺮﻭﺽ ﻫﻨﻨﺰﻝ ﻧﻘﺎﺑﻞ ﺍﻟﻌﺮﻳﺲ ﻭﺃﻣﻪ ﻉ ﺍﻟﺴﺎﻋﺔ 8
- ﺻﻼﺡ : ﺃﻧﺎ ﻣﻌﺮﻓﺶ ﻫﻮ ﻣﺴﺘﻌﺠﻞ ﻋﻠﻰ ﺍﻳﻪ ﻭﻣﺴﺮﺑﻌﻨﺎ ﻣﻌﺎﻩ
- ﺯﻳﻨﺐ : ﺍﻟﺮﺍﺟﻞ ﺟﺎﻫﺰ ﺍﻳﻪ ﺍﻟﻠﻲ ﻳﺨﻠﻴﻪ ﻳﻀﻴﻊ ﻭﻗﺖ
- ﺻﻼﺡ : ﺍﻭﻭﻭﻑ
- ﺯﻳﻨﺐ : ﻭﺑﻌﺪﻳﻦ ﻳﺎ ﺣﺎﺝ ﺍﺣﻨﺎ ﺍﺩﻳﻨﺎﻟﻪ ﻛﻠﻤﺔ ، ﻣﺶ ﻣﻌﻘﻮﻝ ﻫﻨﺮﺟﻊ ﻓﻴﻬﺎ ، ﺩﻩ ﻏﻴﺮ ﺍﻥ ﺍﻟﺴﺖ ﺁﻣﺎﻝ ﺟﺎﻳﺔ ﻣﻌﺎﻧﺎ
- ﺻﻼﺡ : ﺭﺑﻨﺎ ﻳﺴﻬﻞ
- ﺯﻳﻨﺐ : ﺃﻧﺎ ﻫﺎﺟﻬﺰﻟﻚ ﺍﻟﻐﺪﺍ ، ﻭﺑﻌﺪﻫﺎ ﺃﺑﺪﺃ ﺃﺟﻬﺰ ﺃﻧﺎ ﻭﺍﻟﺒﺖ ﻧﺪﻯ
- ﺻﻼﺡ : ﺍﻩ ﺍﻟﻠﻪ ﻳﻜﺮﻣﻚ ﻷﺣﺴﻦ ﻣﺤﺘﺎﺟﺔ ﺃﻧﺎﻡ ﻣﻦ ﺍﻟﺘﻌﺐ
- ﺯﻳﻨﺐ : ﻋﻠﻰ ﻃﻮﻝ
ﺃﻋﺪﺕ ﺯﻳﻨﺐ ﺍﻟﻄﻌﺎﻡ ﻟﺰﻭﺟﻬﺎ ﺍﻟﺬﻱ ﺗﻨﺎﻭﻟﻪ ﺛﻢ ﺫﻫﺐ ﻓﻲ ﻧﻮﻡ ﻋﻤﻴﻖ ﻣﻦ ﻛﺜﺮﺓ ﺍﻟﺘﻌﺐ ﻭﺍﻻﺭﻫﺎﻕ ، ﺑﻴﻨﻤﺎ ﺑﺪﺃﺕ ﻧﺪﻯ ﺗﺴﺘﻌﺪ ﻟﻠﻘﺎﺀ ﻭﺍﻟﺪﺓ ﻋﻼﺀ ﺍﻟﻠﻴﻠﺔ ﻭ ...
- ﻧﻴﺮﺓ ﺑﺨﺒﺚ : ﻣﻤﻢ .. ﺃﻳﻮﻩ ﻳﺎ ﻋﻢ
- ﻧﺪﻯ : ﺑﺲ ﻳﺎ ﻧﻴﺮﻭﻭ
- ﻧﻴﺮﺓ : ﻫﺎ ﻫﺘﻘﺎﺑﻠﻲ ﺣﻤﺎﺗﻚ ﺍﻟﻨﻬﺎﺭﺩﺓ
- ﻧﺪﻯ : ﺍﻳﻮﻩ ، ﻭ ﺭﺑﻨﺎ ﻳﺴﺘﺮ
- ﻧﻴﺮﺓ ﻭﻫﻲ ﺗﺸﻴﺮ ﻟﻔﺎﻃﻴﻤﺎ : ﻫﻲ ﺍﻟﺒﺖ ﺩﻱ ﻫﺘﻔﻀﻞ ﻧﺎﻳﻤﺔ ﻛﺪﻩ ﻛﺘﻴﺮ
- ﻧﺪﻯ : ﺳﻴﺒﻴﻬﺎ ﻣﻠﻜﻴﺶ ﺩﻋﻮﺓ ﺑﻴﻬﺎ
- ﻧﻴﺮﺓ : ﺍﻳﻮﻩ ﺧﻠﻴﻬﺎ ﺗﻌﻤﻞ ﻧﻔﺴﻬﺎ ﻧﺎﻳﻤﺔ ﻋﺸﺎﻥ ﺗﻬﺮﺏ ﻣﻦ ﺍﻟﻌﻘﺎﺏ ، ﺑﺲ ﺃﻧﺎ ﻫﻔﻀﻞ ﻭﺭﺍﻫﺎ ﻟﺤﺪ ﻣﺎ ﺗﺘﻌﺪﻝ
- ﻧﺪﻯ : ﺍﻋﻮﺫﻭ ﺑﺎﻟﻠﻪ ، ﺗﻤﻮﺗﻲ ﻓﻲ ﺍﻷﺫﻳﺔ
- ﻓﺎﻃﻴﻤﺎ : ﻳﺎ ﺭﺏ ﺍﻟﻤﻴﺲ ﺗﻀﺮﺑﻚ ﻓﻲ ﺍﻟﻤﺪﺭﺳﺔ ﻋﺸﺎﻥ ﺃﻓﺮﺡ ﻓﻴﻜﻲ
- ﻧﻴﺮﺓ : ﻳﻌﻨﻲ ﺍﻧﺘﻲ ﺻﺎﺣﻴﺔ ﺍﻫﻮﻭ
- ﻓﺎﻃﻴﻤﺎ : ﻷ ﻧﺎﻳﻤﺔ
- ﻧﻴﺮﺓ ﻭﻫﻲ ﺗﻘﻔﺰ ﻓﻮﻗﻬﺎ : ﻃﻴﺐ ﺃﻧﺎ ﺑﻘﻰ ﻫﺎﺻﺤﻜﻲ
- ﻓﺎﻃﻴﻤﺎ : ﺁﺁﺁﺁﺁﺁﻩ ، ﻧﺪﻯ ﺍﺑﻌﺪﻳﻬﺎ ﻋﻨﻲ
- ﻧﺪﻯ : ﺑﺲ ﺍﻧﺘﻮ ﺍﻻﺗﻨﻴﻦ
- ﻧﻴﺮﺓ ﻭﻫﻲ ﺗﺸﺪ ﺃﺧﺘﻬﺎ ﻣﻦ ﺷﻌﺮﻫﺎ : ﺑﺘﺼﻴﻌﻲ ﻳﺎ ﺑﺖ ﻣﻦ ﻭﺭﺍﻧﺎ
- ﻓﺎﻃﻴﻤﺎ : ﺁﺁﺁﺁﺁﺁﺁﺁﻩ .. ﺷﻌﺮﻱ
- ﻧﺪﻯ : ﺳﻴﺒﻲ ﺷﻌﺮﻫﺎ ﻳﺎ ﻧﻴﺮﺓ
- ﻧﻴﺮﺓ : ﻷ ، ﺩﻩ ﺍﻧﺎ ﻧﻮﻳﺎﻟﻬﺎ ، ﻋﺸﺎﻥ ﻛﻤﺎﻥ ﺗﺒﻘﻰ ﺗﺘﺮﻳﻖ ﻋﻠﻴﺎ ﻣﻊ ﺍﻟﻠﻲ ﺍﺳﻤﻪ ﺑﺘﺎﻉ ﺩﻩ
- ﻓﺎﻃﻴﻤﺎ : ﺁﺁﺁﺁﺁﻩ ..
- ﻧﺪﻯ : ﻫﻲ ﻣﺘﻘﺼﺪﺵ
- ﻧﻴﺮﺓ : ﺍﻳﻮﻩ ﻳﺎﺧﺘﻲ ﺍﻓﻀﻠﻲ ﺩﺍﻓﻌﻲ ﻋﻨﻬﺎ ﻟﺤﺪ ﻣﺎ ﺗﺘﻨﻤﺮﺩ ﻋﻠﻴﻨﺎ ﺑﺰﻳﺎﺩﺓ
- ﻧﺪﻯ ﻭﻗﺪ ﺧﻠﺼﺖ ﻓﺎﻃﻴﻤﺎ ﻣﻦ ﻳﺪ ﺃﺧﺘﻬﺎ : ﺍﺩﻙ ﺩﻱ ﻋﺸﺎﻥ ﺗﻔﻀﻠﻲ ﺗﺴﺘﻘﻮﻱ ﻛﺪﻩ ﻋﻠﻴﻬﺎ
- ﻓﺎﻃﻴﻤﺎ ﻭﻫﻲ ﺗﺘﺠﻪ ﻟﺒﺎﺏ ﺍﻟﻐﺮﻓﺔ : ﻳﺎ ﺭﺏ ﻳﺮﺯﻗﻚ ﺑﻮﺍﺣﺪ ﻣﻔﺘﺮﻱ ﻳﺎ ﻧﻴﺮﺓ ﻳﻄﻠﻊ ﻋﻴﻨﻚ
- ﻧﻴﺮﺓ ﺑﻐﻀﺐ : ﺑﺖ ، ﻃﺐ ﻭﺍﻟﻠﻪ ﻣﺎ ﻫﺴﻴﺒﻚ
- ﻓﺎﻃﻴﻤﺎ ﻭﻫﻲ ﺗﺠﺮﻱ ﺧﺎﺭﺝ ﺍﻟﻐﺮﻓﺔ : ﻋﺎﺍﺍﺍﺍ
- ﺯﻳﻨﺐ ﻣﻦ ﺍﻟﺨﺎﺭﺝ : ﺷﺸﺸﺶ ... ﺃﺑﻮﻛﻮ ﻧﺎﻳﻢ ، ﺑﻄﻠﻮﺍ ﺩﻭﺷﺔ
- ﻓﺎﻃﻴﻤﺎ : ﻣﺎﻣﺎ ﻭﺍﻟﻠﻪ ﻫﻲ ﺍﻟﻠﻲ ﺑﺘﻀﺎﻳﻘﻨﻲ
- ﺯﻳﻨﺐ : ﺃﻧﺎ ﻟﺴﻪ ﻣﻜﻠﻤﺘﻜﻴﺶ ﻋﻦ ﺍﻟﻠﻲ ﺣﺼﻞ ، ﺑﺲ ﺃﻣﺎ ﺃﺭﺟﻊ ﻣﻦ ﺑﺮﺍ ﺑﺎﻟﻠﻴﻞ ﻫﻨﺘﻜﻠﻢ ﻭﻧﺘﺤﺎﺳﺐ
- ﻓﺎﻃﻴﻤﺎ ﺑﺨﻮﻑ : ﻫــﻪ
- ﺯﻳﻨﺐ : ﺍﺗﻔﻀﻠﻲ ﺧﻠﺼﻲ ﺍﻟﻮﺍﺟﺐ ﺑﺘﺎﻋﻚ ﻭﺣﺴﻚ ﻋﻴﻨﻚ ﺃﻻﻗﻲ ﺣﺎﺟﺔ ﻣﺎﺗﻌﻤﻠﺘﺶ
- ﻓﺎﻃﻴﻤﺎ : ﺣــ ... ﺣﺎﺿﺮ
- ﺯﻳﻨﺐ : ﻭﺍﻧﺘﻲ ﻳﺎ ﻧﺪﻯ ﺣﺎﻭﻟﻲ ﺗﺨﻠﺼﻲ ﺑﺴﺮﻋﺔ
- ﻧﺪﻯ : ﻃﻴﺐ
...............
ﺍﻧﺘﻬﺖ ﻧﺪﻯ ﻣﻦ ﺍﺭﺗﺪﺍﺀ ﻣﻼﺑﺴﻬﺎ ، ﻭﻛﺬﻟﻚ ﻛﺎﻥ ﺍﻟﺤﺎﻝ ﻣﻊ ﺯﻳﻨﺐ ، ﻭﺍﻧﺘﻈﺮﻭﺍ ﻭﺻﻮﻝ ﻋﻼﺀ ﻓﻲ ﺍﻷﺳﻔﻞ ﻟﻜﻲ ﻳﺼﻄﺤﺒﻬﻢ ﻣﻊ ﺍﻟﺠﺎﺭﺓ ﺁﻣﺎﻝ ﻟﻜﻲ ﻳﺮﻭﺍ ﻭﺍﻟﺪﺗﻪ ﻭ ..
- ﺻﻼﺡ : ﻋﻼﺀ ﻟﺴﻪ ﻗﺎﻓﻞ ﻣﻌﺎﻳﺎ ، ﻫﻮ ﻣﻨﺘﻈﺮﻛﻢ ﺗﺤﺖ
- ﺯﻳﻨﺐ : ﺧﻼﺹ ﺍﺣﻨﺎ ﻟﺒﺴﻨﺎ ، ﻫﺎﺷﻮﻑ ﺁﻣﺎﻝ ﻓﻴﻦ ﻭﻧﻨﺰﻟﻪ
- ﺻﻼﺡ : ﻣﺘﺘﺄﺧﺮﻭﺵ ﻳﺎ ﺯﻳﻨﺐ
- ﺯﻳﻨﺐ : ﻷ ﻳﺎ ﺣﺎﺝ ، ﻳﺪﻭﺏ ﺑﺲ ﻧﺸﻮﻑ ﺃﻣﻪ ﻭﻳﻨﺰﻟﻮﺍ ﺍﻟﻌﻴﺎﻝ ﻳﻨﻘﻮﺍ ﺍﻟﺪﺑﻞ ﻭﻧﺮﺟﻊ ﻋﻠﻰ ﻃﻮﻝ
- ﺻﻼﺡ : ﺭﺑﻨﺎ ﻳﺴﻬﻞ ﺍﻟﺤﺎﻝ
- ﺯﻳﻨﺐ ﺑﺼﻮﺕ ﻣﺮﺗﻔﻊ : ﻳﺎﻻ ﻳﺎ ﻧـــــــــــــﺪﻯ
- ﻧﺪﻯ ﻣﻦ ﺩﺍﺧﻞ ﻏﺮﻓﺘﻬﺎ : ﺣﺎﺍﺍﺍﺿﺮ ، ﺟﺎﻳﺔ ﻳﺎ ﻣﺎﻣﺎ
ﺧﺮﺟﺖ ﻧﺪﻯ ﻣﻦ ﻏﺮﻓﺘﻬﺎ ﻭﻫﻲ ﻣﺘﺄﻧﻘﺔ ﻭﺗﺮﺗﺪﻱ ﺟﻴﺒﺔ ﻟﻮﻧﻬﺎ ﺃﺳﻮﺩ ﻭﻣﻦ ﻓﻮﻗﻬﺎ ﻗﻤﻴﺺ ﻟﻮﻧﻪ ‏( ﺃﻭﻓﻮﺍﻳﺖ ‏) ﻭﻭﺿﻌﺖ ﻣﻴﻚ ﺁﺏ ﺑﺴﻴﻂ ...
- ﺻﻼﺡ : ﻣﺎﺷﺎﺀ ﺍﻟﻠﻪ ﻳﺎ ﺑﻨﺘﻲ ﺯﻱ ﺍﻟﻘﻤﺮ
- ﻧﺪﻯ : ﺷﻜﺮﺍً ﻳﺎ ﺑﺎﺑﺎ
- ﺯﻳﻨﺐ : ﺍﻟﻠﻪ ﻳﺤﻤﻴﻜﻲ ﻣﻦ ﺍﻟﻌﻴﻦ ﻳﺎ ﻧﻮﺩﺓ
- ﺻﻼﺡ : ﺍﻭﻋﻮﺍ ﺗﺘﺄﺧﺮﻭﺍ ﻭﺧﻠﻴﻜﻮﺍ ﻋﻠﻰ ﺍﺗﺼﺎﻝ ﺑﻴﺎ
- ﻧﺪﻯ : ﺣﺎﺿﺮ ﻳﺎ ﺑﺎﺑﺎ
..................................
ﻓﻲ ﺳﻴﺎﺭﺓ ﻋﻼﺀ ،،،،
ﻛﺎﻥ ﻋﻼﺀ ﻣﻨﺘﻈﺮﺍً ﺃﺳﻔﻞ ﺍﻟﻌﻘﺎﺭ ، ﻭﺭﻛﺒﺖ ﺑﺠﻮﺍﺭﻩ ﺍﻟﺠﺎﺭﺓ ﺁﻣﺎﻝ ﻭﺍﻧﺘﻈﺮﻭﺍ ﺃﻥ ﺗﻨﺰﻝ ﺇﻟﻴﻬﻢ ﻧﺪﻯ ﻭﻭﺍﻟﺪﺗﻬﺎ ﻭ ...
- ﺁﻣﺎﻝ : ﺍﻧﺖ ﻫﺘﺎﺧﺪ ﺟﻮﻫﺮﺓ ﻳﺎ ﻋﻼﺀ
- ﻋﻼﺀ : ﺃﻫﺎ
- ﺁﻣﺎﻝ : ﺑﺖ ﺯﻱ ﺍﻟﻘﻤﺮ ﻣﺎﻟﻬﺎﺵ ﺯﻱ ، ﺃﺩﺏ ﻭﺃﺧﻼﻕ ﻭﺗﺮﺑﻴﺔ
- ﻋﻼﺀ : ﻣﺎ ﺃﻧﺎ ﻋﺎﺭﻑ
- ﺁﻣﺎﻝ : ﺃﻫﻮﻡ ﻧﺰﻟﻮﺍ
ﺗﺮﺟﻞ ﻋﻼﺀ ﻣﻦ ﺍﻟﺴﻴﺎﺭﺓ ﻭﻛﺬﻟﻚ ﺍﻟﺠﺎﺭﺓ ﺁﻣﺎﻝ ﻟﻴﺮﺣﺒﻮﺍ ﺑﻨﺪﻯ ﻭﻭﺍﻟﺪﺗﻬﺎ ﻭ ..
- ﺁﻣﺎﻝ : ﺃﻫﻼ ﻳﺎ ﻋﺮﻭﺳﺔ ، ﺍﻟﻠﻬﻢ ﺻﻠﻲ ﻋﻠﻰ ﺍﻟﻨﺒﻲ ﻗﻤﺮ ﻳﺎ ﻧﺎﺱ
- ﻧﺪﻯ ﺑﺨﺠﻞ : ﻣﻴﺮﺳﻲ ﻳﺎ ﻃﻨﻂ
- ﻋﻼﺀ : ﺍﺯﻳﻚ ﻳﺎ ﺁﻧﺴﺔ ﻧﺪﻯ
- ﻧﺪﻯ : ﺍﻟﺤﻤﺪﻟﻠﻪ
- ﺯﻳﻨﺐ : ﺍﺯﻳﻚ ﻳﺎ ﺁﻣﺎﻝ ﺍﺣﻨﺎ ﻣﺘﺄﺧﺮﻧﺎﺵ ﺃﻫﻮﻭ
- ﺁﻣﺎﻝ : ﻷ ﻳﺎ ﺣﺒﻴﺒﺘﻲ ، ﻓﻲ ﻣﻴﻌﺎﺩﻛﻮ ﻣﻈﺒﻮﻁ
- ﺯﻳﻨﺐ : ﺍﺯﻳﻚ ﻳﺎ ﻋﻼﺀ ﻳﺎ ﺑﻨﻲ
- ﻋﻼﺀ : ﺍﻟﺤﻤﺪﻟﻠﻪ ﻳﺎ ﻃﻨﻂ ، ﺍﺗﻔﻀﻠﻲ ﺣﻀﺮﺗﻚ ﻓﻲ ﺍﻟﻌﺮﺑﻴﺔ
- ﺯﻳﻨﺐ : ﺣﺎﺿﺮ ﻳﺎ ﺑﻨﻲ
ﺭﻛﺐ ﺍﻟﺠﻤﻴﻊ ﻓﻲ ﺍﻟﺴﻴﺎﺭﺓ ، ﺛﻢ ﺍﻧﻄﻠﻖ ﺑﻬﻢ ﻋﻼﺀ ﻧﺤﻮ ﻣﻨﺰﻟﻪ ﻟﻜﻲ ﻳﻘﺎﺑﻠﻮﺍ ﻭﺍﻟﺪﺗﻪ ﻭ ..
- ﻋﻼﺀ : ﻭﺍﻟﻠﻪ ﻣﺎﻣﺎ ﻣﺘﺸﻮﻗﺔ ﺍﻧﻬﺎ ﺗﺘﻌﺮﻑ ﻋﻠﻴﻜﻢ ﺃﻭﻱ
- ﺯﻳﻨﺐ : ﻭﺍﺣﻨﺎ ﻛﻤﺎﻥ ﻳﺎ ﺑﻨﻲ
- ﺁﻣﺎﻝ : ﻣﺶ ﻋﺎﻭﺯﺓ ﺍﻗﻮﻟﻚ ﺃﺩ ﺍﻳﻪ ﺍﻟﺤﺎﺟﺔ ﺳﻨﺎﺀ ﻣﻦ ﺍﺻﻞ ﻃﻴﺐ ﻭﺣﺎﺟﺔ ﻛﺪﻩ ﻣﻦ ﺍﻟﻨﺎﺱ ﺍﻟﻜُﺮﻣﺎ ﺍﻟﻄﻴﺒﻴﻦ ﺑﺘﻮﻉ ﺯﻣﺎﻥ
- ﺯﻳﻨﺐ : ﺍﻛﻴﺪ ﻃﺒﻌﺎ ، ﺩﻩ ﺃﻧﺎ ﻣﺘﻮﻗﻌﺔ ﺍﻧﻬﺎ ﻫﺘﺒﻘﻰ ﺯﻱ ﺍﺧﺘﻲ ﻭﺍﻛﺘﺮ
- ﺁﻣﺎﻝ : ﺍﻟﺤﺎﺟﺔ ﺳﻨﺎﺀ ﺯﻱ ﺍﻟﺒﻠﺴﻢ ﻭﺍﻟﻠﻪ ، ﻟﻮ ﻋﺮﻓﺘﻴﻬﺎ ﻫﺘﺤﺒﻴﻬﺎ ﺃﻭﻱ
- ﺯﻳﻨﺐ : ﺍﻥ ﺷﺎﺀ ﺍﻟﻠﻪ
.......................
ﻓﻲ ﺃﺣﺪ ﺍﻟﻤﺴﺘﺸﻔﻴﺎﺕ ﺍﻟﺨﺎﺻﺔ ،،،،
ﺍﺻﻄﺤﺐ ﺳﻠﻴﻢ ﻭﻳﻮﺳﻒ ﺍﻟﺴﻴﺪﺓ ﻋﺒﻴﺮ ﺇﻟﻰ ﺍﻟﻤﺴﺘﺸﻔﻰ ﻣﻦ ﺃﺟﻞ ﺍﺟﺮﺍﺀ ﺍﻟﻔﺤﻮﺻﺎﺕ ﺍﻟﻼﺯﻣﺔ ﻟﻼﻃﻤﺌﻨﺎﻥ ﻋﻠﻰ ﺻﺤﺘﻬﺎ ﻭ ..
- ﺍﻟﻄﺒﻴﺐ : ﻧﺘﻴﺠﺔ ﺍﻷﺷﻌﺔ ﻫﺘﻄﻠﻊ ﻛﻤﺎﻥ ﻳﻮﻣﻴﻦ ، ﻣﺘﻘﻠﻘﻮﺵ
- ﻳﻮﺳﻒ ﺑﻘﻠﻖ : ﺍﺳﺘﺮﻫﺎ ﻳﺎ ﺭﺏ
- ﺳﻠﻴﻢ : ﺍﻭﻋﻲ ﻳﻜﻮﻥ ﻳﺎ ﺩﻛﺘﻮﺭ ﻋﻨﺪﻫﺎ ﺣﺎﺟﺔ ﻭﺣﻀﺮﺗﻚ ﻣﺨﺒﻲ ﻋﻠﻴﻨﺎ
- ﺍﻟﻄﺒﻴﺐ : ﺃﻧﺎ ﻣﻘﺪﺭﺵ ﺍﺟﺰﻡ ﺑﺪﻩ ، ﺑﺲ ﺍﺣﻨﺎ ﺑﻨﻄﻤﻦ ﺑﺰﻳﺎﺩﺓ ﻋﻠﻴﻬﺎ
- ﻳﻮﺳﻒ : ﺍﻭﻭﻭﻑ ، ﺃﻧﺎ ﻛﺪﻩ ﻗﻠﻘﺖ ﺃﻛﺘﺮ
- ﺍﻟﻄﺒﻴﺐ : ﻣﺎﻓﻴﺶ ﺩﺍﻋﻲ .. ﻓﻲ ﺧﻼﻝ ﻳﻮﻣﻴﻦ ﺍﻟﻨﺘﺎﻳﺞ ﺧﺘﻄﻠﻊ ﻭﺑﺄﻣﺮ ﺍﻟﻠﻪ ﺃﻃﻤﻨﻜﻢ
- ﺳﻠﻴﻢ : ﺷﻜﺮﺍً ﻳﺎ ﺩﻛﺘﻮﺭ ﻉ ﺗﻌﺒﻚ ﻣﻌﺎﻧﺎ
- ﺍﻟﻄﺒﻴﺐ : ﺃﻧﺎ ﻣﻌﻤﻠﺘﺶ ﺣﺎﺟﺔ ، ﺩﻩ ﻭﺍﺟﺒﻲ ، ﻋﻦ ﺍﺫﻧﻜﻮ
- ﺳﻠﻴﻢ : ﺍﺗﻔﻀﻞ
- ﻳﻮﺳﻒ : ﻷ ﺃﻧﺎ ﻛﺪﻩ ﻣﺶ ﻫﺎﻋﺮﻑ ﺃﻋﻤﻞ ﺃﻱ ﺣﺎﺟﺔ ﻏﻴﺮ ﻟﻤﺎ ﺃﻃﻤﻦ ﻋﻠﻰ ﻣﺎﻣﺎ
- ﺳﻠﻴﻢ : ﺗﻘﺼﺪ ﺍﻳﻪ ؟
- ﻳﻮﺳﻒ : ﺍﻧﺎ ﻣﺶ ﻃﺎﻟﻊ ﺍﻟﺮﺣﻠﺔ ، ﻣﺶ ﻣﻌﻘﻮﻝ ﺍﺳﻴﺐ ﻣﺎﻣﺎ ﻭﻫﻲ ﻛﺪﻩ ﻋﺸﺎﻥ ﺃﻃﻠﻊ ﺃﺗﻔﺴﺢ
- ﺳﻠﻴﻢ : ﻳﺎ ﺑﻨﻲ ﻣﺘﻘﻠﻘﺶ ﺃﻣﻚ ﻫﺘﻜﻮﻥ ﺑﺨﻴﺮ
- ﻳﻮﺳﻒ : ﺑﺮﺿﻮﻩ ، ﺍﻧﺎ ﻫﺎﻛﻠﻢ ﺭﺿﻮﻯ ﻳﺎ ﺗﺄﺟﻞ ﺍﻟﺮﺣﻠﺔ ، ﻳﺎ ﻳﻄﻠﻌﻮﻫﺎ ﻣﻦ ﻏﻴﺮﻱ ، ﻟﻜﻦ ﺃﻧﺎ ﺩﻣﺎﻏﻲ ﻣﺶ ﺭﺍﻳﻘﺔ ﻷﻱ ﺣﺎﺟﺎﺕ ﻣﻦ ﺩﻱ ﺍﻟﻮﻗﺘﻲ
- ﺳﻠﻴﻢ : ﺍﻟﻠﻲ ﻳﺮﻳﺤﻚ ﻳﺎ ﺑﻨﻲ
ﺍﺗﺼﻞ ﻳﻮﺳﻒ ﺑﺼﺪﻳﻘﺘﻪ ﺭﺿﻮﻯ ﻟﻴﺒﻠﻐﻬﺎ ﺑﺎﻋﺘﺬﺍﺭﻩ ﻋﻦ ﺍﻟﺮﺣﻠﺔ ﻭ ...
- ﺭﺿﻮﻯ ﻫﺎﺗﻔﻴﺎ : ﻃﺐ ﻟﻴﻪ ﺑﺲ
- ﻳﻮﺳﻒ ﻫﺎﺗﻔﻴﺎ : ﻣﺎﻳﻨﻔﻌﺶ ﺃﺳﻴﺐ ﻣﺎﻣﺎ ﻭﻫﻲ ﻛﺪﻩ
- ﺭﺿﻮﻯ : ﺍﻧﺖ ﻋﻨﺪﻙ ﺣﻖ .. ﺑﺲ ﺁﺁﺁ ... ﺑﺲ ﺍﻟﻨﺎﺱ ﻛﻠﻬﺎ ﻋﺎﺭﻓﺔ ﺍﻧﻚ ﺍﻧﺖ ﺍﻟﻤﻨﻈﻢ ﻭﻫﺘﻌﻤﻠﻬﻢ ﻣﻔﺎﺟﺄﺕ ﻛﺘﻴﺮ
- ﻳﻮﺳﻒ : ﻭﺍﻟﻠﻪ ﻟﻮ ﺣﺎﺑﺔ ﺗﺄﺟﻠﻴﻬﺎ ﺑﺮﺍﺣﺘﻚ ، ﺣﺎﺑﺔ ﺗﻄﻠﻌﻴﻬﺎ ﺑﺮﺿﻮﻩ ﻣﻌﻨﺪﻳﺶ ﻣﺎﻧﻊ ، ﻟﻜﻦ ﺃﻧﺎ ﻣﺶ ﻫﺎﺭﻭﺡ ﻓﻲ ﺣﺘﺔ ﻭﺃﻧﺎ ﻣﺶ ﻣﻄﻤﻦ ﻋﻠﻰ ﻣﺎﻣﺎ
- ﺭﺿﻮﻯ : ﻷ ﺣﻘﻚ .. ﺍﻧﺎ ﻫﺘﻜﻠﻢ ﻣﻊ ﺑﺎﻗﻲ ﺍﻟﺸﻠﺔ ﻭﺍﻷﺳﺮﺓ ﻭﻧﺸﻮﻑ ﻫﻨﻌﻤﻞ ﺍﻳﻪ
- ﻳﻮﺳﻒ : ﺗﻤﺎﻡ .. ﺳﻮﺭﻱ ﻳﺎ ﺭﺿﻮﻯ ﺃﻧﺎ ﻋﺎﺭﻑ ﺍﻧﻲ ﻋﻤﻠﺘﻠﻚ ﻣﺸﻜﻠﺔ ﺑﺲ ﺁﺁﺁ ...
- ﺭﺿﻮﻯ ﻣﻘﺎﻃﻌﺔ : ﻷ ﻣﺘﻘﻮﻟﺶ ﻛﺪﻩ ، ﺩﻱ ﺑﺮﺿﻮﻩ ﻣﺎﻣﺘﻚ ، ﻭﺍﻱ ﺣﺪ ﻓﻲ ﻣﻜﺎﻧﻚ ﻛﺎﻥ ﻫﻴﻌﻤﻞ ﻛﺪﻩ
- ﻳﻮﺳﻒ : ﺷﻜﺮﺍً ﻳﺎ ﺭﺿﻮﻯ
- ﺭﺿﻮﻯ : ﺃﻟﻒ ﺳﻼﻣﺔ ﻋﻠﻴﻬﺎ ، ﻭﺍﻥ ﺷﺎﺀ ﺍﻟﻠﻪ ﺃﻛﻠﻤﻚ ﺗﺎﻧﻲ ﻋﺸﺎﻥ ﺃﻃﻤﻦ ﻋﻠﻴﻬﺎ
- ﻳﻮﺳﻒ : ﺑﺄﻣﺮ ﺍﻟﻠﻪ ... ﺳﻼﻡ
- ﺭﺿﻮﻯ : ﺑﺎﻱ
- ﻳﻮﺳﻒ ﻓﻲ ﻧﻔﺴﻪ ﺑﻌﺪ ﺃﻥ ﺍﻧﻬﻰ ﺍﻟﻤﻜﺎﻟﻤﺔ : ﻛﺪﻩ ﺃﺣﺴﻦ .. ﻣﺎﻓﻴﺶ ﺩﺍﻋﻲ ﺃﺷﻴﻞ ﻣﺴﺌﻮﻟﻴﺔ ﺣﺪ ﻭﺃﻧﺎ ﺑﺎﻟﻲ ﻣﺸﻐﻮﻝ ﻋﻠﻰ ﺃﻣﻲ .. ﺃﻱ ﺣﺎﺟﺔ ﺗﻬﻮﻥ ﺇﻻ ﺍﻷﻡ !..
...................................
ﻓﻲ ﻣﻨﺰﻝ ﻋﻼﺀ ،،،،
ﺗﺮﺟﻞ ﻋﻼﺀ ﻣﻦ ﺍﻟﺴﻴﺎﺭﺓ ﻭﻛﺬﻟﻚ ﻓﻌﻞ ﺍﻟﺒﺎﻗﻮﻥ ﺛﻢ ﺗﻮﺟﻬﻮﺍ ﻟﺪﺍﺧﻞ ﺍﻟﻌﻘﺎﺭ ﺍﻟﺬﻱ ﻳﺴﻜﻦ ﺑﻪ ﻋﻼﺀ ﻭ ...
- ﻋﻼﺀ : ﺍﻧﺎ ﺳﺎﻛﻦ ﻣﻊ ﻣﺎﻣﺎ ﻭﺍﻟﻌﻴﻠﺔ ﻫﻨﺎ ، ﻭﺷﻘﺘﻲ ﺑﻌﺪﻫﺎ ﺑﺪﻭﺭﻳﻦ
- ﺁﻣﺎﻝ : ﺍﻫﺎ
- ﺯﻳﻨﺐ : ﻣﺎﺷﺎﺀ ﺍﻟﻠﻪ
- ﻋﻼﺀ : ﺍﺗﻔﻀﻠﻮﺍ ﻓﻲ ﺍﻷﺳﺎﻧﺴﻴﺮ
- ﺯﻳﻨﺐ : ﻃﻴﺐ
..............
ﻭﺻﻞ ﺍﻟﺠﻤﻴﻊ ﺇﻟﻰ ﺷﻘﺔ ﺃﺳﺮﺓ ﻋﻼﺀ ﻋﺒﺪﻭﻥ ، ﻓﺘﺢ ﻋﻼﺀ ﺍﻟﺒﺎﺏ ﻭﺩﻟﻒ ﺍﻟﺠﻤﻴﻊ ﻟﻠﺪﺍﺧﻞ ﻭ ..
- ﻋﻼﺀ : ﺍﺗﻔﻀﻠﻮﺍ ﻳﺎ ﺟﻤﺎﻋﺔ ﻓﻲ ﺍﻟﺼﺎﻟﻮﻥ ، ﻣﺎﻣﺎ ﺟﺎﻳﺔ ﺣﺎﻻً
- ﺯﻳﻨﺐ : ﻳﺰﻳﺪ ﻓﻀﻠﻚ ﻳﺎ ﺑﻨﻲ
- ﺁﻣﺎﻝ : ﻣﺎﺷﻲ ﻳﺎ ﻋﻼﺀ
...............
ﻓﻲ ﻏﺮﻓﺔ ﺍﻟﺼﺎﻟﻮﻥ ،،،
ﻇﻠﺖ ﻧﺪﻯ ﻭﻭﺍﻟﺪﺗﻬﺎ ﺗﺘﺄﻣﻼﻥ ﺫﻟﻚ ﺍﻟﻤﻨﺰﻝ ﺍﻟﻬﺎﺩﻱﺀ ، ﻛﺎﻧﺖ ﻧﺪﻯ ﺗﺸﻌﺮ ﺑﺎﻟﻀﻴﻖ ﻣﻦ ﻭﺟﻮﺩﻫﺎ ﻓﻲ ﻫﺬﺍ ﺍﻟﻤﻜﺎﻥ ، ﻫﻮ ﻫﺎﺩﻱﺀ ﺟﺪﺍً ﻭﺃﺿﻮﺍﺋﻪ ﺧﺎﻓﺘﺔ ﺑﺎﻻﺿﺎﻓﺔ ﺇﻟﻰ ﺍﻧﻪ ﻏﻴﺮ ﺟﻴﺪ ﺍﻟﺘﻬﻮﻳﺔ ، ﺛﻢ ﺑﻌﺪ ﻟﺤﻈﺎﺕ ﺩﻟﻒ ﻋﻼﺀ ﻭﻣﻊ ﻭﺍﻟﺪﺗﻪ