رفقاً بالقوارير

79

ﻓﻲ ﺩﺑﻲ ،،،
ﻓﻲ ﺍﻟﺸﺮﻛﺔ ،،،،
ﺃﺭﺳﻠﺖ ﻧﺪﻯ ﻣﺪﻳﺮﺓ ﻣﻜﺘﺒﻬﺎ ﻭﺻﺪﻳﻘﺘﻬﺎ ﻣﻬﺎ ﺇﻟﻰ ﻣﻜﺘﺐ ﻳﻮﺳﻒ ﻟﺘﻌﺮﻑ ﻣﻨﻪ ﺳﺒﺐ ﺭﻓﺾ ﺍﻻﺗﻔﺎﻗﻴﺔ ﺍﻟﺠﺪﻳﺪﺓ ، ﻓﻘﺪ ﻗﺮﺭﺕ ﻧﺪﻯ ﺃﻻ ﺗﺘﻘﺎﺑﻞ ﻣﻌﻪ ﻣﺠﺪﺩﺍً ﻭﺗﺤﺎﻭﻝ ﺗﺠﻨﺒﻪ ﻋﻠﻰ ﻗﺪﺭ ﺍﻻﻣﻜﺎﻥ ..
ﺭﺣﺐ ﻳﻮﺳﻒ ﺑﻤﻬﺎ ﻓﻲ ﻣﻜﺘﺒﻪ ﻭﺩﻋﺎﻫﺎ ﻟﻠﺠﻠﻮﺱ ﻭ ..
- ﻳﻮﺳﻒ ﻭﻫﻮ ﻳﺸﻴﺮ ﺑﻴﺪﻩ ﻟﻬﺎ : ﺍﺗﻔﻀﻠﻲ ﺣﻀﺮﺗﻚ
- ﻣﻬﺎ : ﺷﻜﺮﺍً ﻳﺎ ﻣﺴﺘﺮ ﻳﻮﺳﻒ
- ﻳﻮﺳﻒ ﻣﺒﺘﺴﻤﺎً : ﻣﺪﺍﻡ ﻭﻻ ﺁﻧﺴﺔ
- ﻣﻬﺎ : ﻷ ﻟﺴﻪ ﺁﻧﺴﺔ
- ﻳﻮﺳﻒ : ﺭﺑﻨﺎ ﻳﻜﺮﻣﻚ ﻭﻳﺮﺯﻗﻚ ﺑﺎﺑﻦ ﺍﻟﺤﻼﻝ
- ﻣﻬﺎ ﻭﻗﺪ ﺍﺭﺗﺴﻤﺖ ﺍﺑﺘﺴﺎﻣﺔ ﺧﻴﻔﺔ ﻋﻠﻰ ﺛﻐﺮﻫﺎ : ﻣﻴﺮﺳﻲ
- ﻳﻮﺳﻒ : ﺧﻴﺮ ﻳﺎ ﺁﻧﺴﺔ ﻣﻬﺎ
- ﻣﻬﺎ : ﺍﻻﺳﺘﺎﺫﺓ ﻧﺪﻯ ﻋﺎﻭﺯﺓ ﺗﻌﺮﻑ ﻣﻦ ﺣﻀﺮﺗﻚ ﺳﺒﺐ ﺭﻓﺾ ﺍﻻﺗﻔﺎﻗﻴﺔ
- ﻳﻮﺳﻒ ﺑﺎﺳﺘﻐﺮﺍﺏ : ﻃﺐ ﻭﻣﺎﺟﺘﺶ ﻫﻲ ﻟﻴﻪ ﺑﻨﻔﺴﻬﺎ ﺗﺴﺄﻟﻨﻲ ؟
- ﻣﻬﺎ : ﻭﺍﻟﻠﻪ ﻣﺎ ﺃﻋﺮﻑ
- ﻳﻮﺳﻒ : ﻣﻤﻤﻢ .. ﻉ ﺍﻟﻌﻤﻮﻡ ﺃﻧﺎ ﻫﺒﻘﻰ ﺃﺗﻨﺎﻗﺶ ﻣﻌﺎﻫﺎ ﻓﻲ ﺍﻷﺳﺒﺎﺏ ﻭﺍﻟﺘﻔﺎﺻﻴﻞ ﺑﻌﺪﻳﻦ ، ﺍﻟﻤﻬﻢ ﺃﻧﺎ ﻋﺎﻭﺯﻙ ﺍﻟﻮﻗﺘﻲ ﺗﺠﻬﻴﺰﻟﻲ ﻗﺎﻳﻤﺔ ﺑﻜﻞ ﺍﻟﺸﺮﻛﺎﺕ ﻭﺍﻟﻤﺆﺳﺴﺎﺕ ﻭﺍﻟﻤﺼﺎﻟﺢ ﺍﻟﻠﻲ ﺑﻨﺘﻌﺎﻣﻞ ﻣﻌﺎﻫﻢ ، ﻭﻛﻤﺎﻥ ﻗﺎﻳﻤﺔ ﺑﺎﻟﻤﺸﺎﺭﻳﻊ ﺍﻟﻠﻲ ﺍﺣﻨﺎ ﺷﻐﺎﻟﻴﻦ ﻋﻠﻴﻬﺎ ، ﻭﺍﻟﻠﻲ ﻫﻨﺸﺘﻐﻞ ﻋﻠﻴﻬﺎ ﺍﻟﻔﺘﺮﺓ ﺍﻟﺠﺎﻳﺔ ﻋﺸﺎﻥ ﺃﺭﺍﺟﻌﻬﻢ
- ﻣﻬﺎ : ﻣﺎﻓﻴﺶ ﻣﺸﻜﻠﺔ .. ﺑﺲ ﻓﻲ ﺟﺰﺀ ﻣﻊ ﺍﻷﺳﺘﺎﺫﺓ ﻧﺪﻯ
- ﻳﻮﺳﻒ : ﺃﻧﺎ ﻗﻮﻟﺖ ﻋﺎﻭﺯ ﻛﻠﻪ .. ﺃﻇﻦ ﺍﻟﻜﻼﻡ ﻭﺍﺿﺢ
- ﻣﻬﺎ : ﺗﻤﺎﻡ ﻳﺎ ﻣﺴﺘﺮ ﻳﻮﺳﻒ
- ﻳﻮﺳﻒ : ﻳﺎ ﺭﻳﺖ ﺍﻟﻜﻼﻡ ﺩﻩ ﻳﻜﻮﻥ ﺟﺎﻫﺰ ﺧﻼﻝ ﺳﺎﻋﺘﻴﻦ ﺑﺎﻟﻜﺘﻴﺮ
- ﻣﻬﺎ : ﻷ ﻛﺪﻩ ﺃﻧﺎ ﻣﺶ ﻫﺎﻟﺤﻖ
- ﻳﻮﺳﻒ : ﻣﻌﻠﺶ ﻳﺎ ﺁﻧﺴﺔ ﻣﻬﺎ ، ﺍﻧﺎ ﻣﺤﺘﺎﺝ ﺩﻩ ﻛﻠﻪ ﺍﻟﻨﻬﺎﺭﺩﺓ
- ﻣﻬﺎ ﻭﻫﻲ ﺗﻔﻜﺮ : ﻣﻤﻤﻢ ... ﻃﻴﺐ .. ﻋﺸﺎﻥ ﺧﺎﻃﺮ ﺣﻀﺮﺗﻚ
- ﻳﻮﺳﻒ ﻣﺒﺘﺴﻤﺎً ﻟﻬﺎ : ﻭﺃﻧﺎ ﻣﻘﺪﺭ ﺗﻌﺒﻚ
ﻧﻬﻀﺖ ﻣﻬﺎ ﻣﻦ ﻋﻠﻰ ﺍﻟﻤﻘﻌﺪ ﻭﺗﻮﺟﻬﺖ ﺧﺎﺭﺝ ﺍﻟﻤﻜﺘﺐ ﻭﻭﺟﻬﻬﺎ ﻻ ﻳﺨﻠﻮ ﻣﻦ ﺍﺑﺘﺴﺎﻣﺔ ﺭﻗﻴﻘﺔ ﻋﻠﻴﻪ ...
ﺃﺳﺮﻋﺖ ﻣﻬﺎ ﺍﻟﺨﻄﻰ ﻧﺎﺣﻴﺔ ﻣﻜﺘﺐ ﻧﺪﻯ ، ﻃﺮﻗﺖ ﺍﻟﺒﺎﺏ ﺃﻭﻻً ، ﺛﻢ ﺩﻟﻔﺖ ﻟﻠﺪﺍﺧﻞ ، ﻛﺎﻧﺖ ﻧﺪﻯ ﻣﺸﻐﻮﻟﺔ ﺑﻤﺮﺍﺟﻌﺔ ﺑﻌﺾ ﺍﻷﻣﻮﺭ ، ﻓﺠﻠﺴﺖ ﻣﻬﺎ ﻋﻠﻰ ﻃﺮﻑ ﺍﻟﻤﻜﺘﺐ ﻭ ...
- ﻣﻬﺎ ﻭﻫﻲ ﺗﻌﺒﺚ ﺑﺨﺼﻠﺔ ﺷﻌﺮﻫﺎ : ﺩﻩ ﻃﻠﻊ ﺟﺎﻧﺘﻲ ﺧﺎﻟﺺ
- ﻧﺪﻯ ﺑﻌﺪﻡ ﻓﻬﻢ : ﻣﻴﻦ ﺩﻩ ؟
- ﻣﻬﺎ : ﺍﻟﻤﺪﻳﺮ
- ﻧﺪﻯ ﺑﻀﻴﻖ : ﺃﻓﻨﺪﻡ
- ﻣﻬﺎ : ﺷﻮﻓﻲ ﻛﻼﻣﻪ ﻭﻻ ﻃﺮﻳﻘﺘﻪ ﻭﻻ ﺿﺤﻜﺘﻪ ، ﺍﻭﻭﻭﻑ ، ﺣﺎﺟﺔ ﺗﺎﺧﺪ ﺍﻟﻌﻘﻞ ، ﺑﻴﻌﻘﺪ !
- ﻧﺪﻯ : ﻭﺍﻟﻠﻪ ؟؟ ﻛﻞ ﺩﻩ ﻣﻦ ﻛﻠﻤﺘﻴﻦ ﻗﺎﻟﻬﻢ
- ﻣﻬﺎ ﻭﻫﻲ ﺗﻮﻣﻲﺀ ﺑﺮﺃﺳﻬﺎ : ﺃﻫــﺎ
- ﻧﺪﻯ : ﺳﻴﺒﻚ ﻣﻦ ﺍﻟﻜﻼﻡ ﺍﻟﻔﺎﺭﻍ ﺩﻩ ، ﻭﻗﻮﻟﻴﻠﻲ ﻣﻮﺍﻓﻘﺶ ﻉ ﺍﻻﺗﻔﺎﻗﻴﺔ ﻟﻴﻪ
- ﻣﻬﺎ ﻭﻫﻲ ﺗﻤﻂ ﺷﻔﺘﻴﻬﺎ : ﻣﻌﺮﻓﺶ
- ﻧﺪﻯ : ﻧﻌﻢ ؟؟ ﻣﺘﻌﺮﻓﻴﺶ ﺍﺯﺍﻱ
- ﻣﻬﺎ ﻭﻫﻲ ﺗﺮﻓﻊ ﻛﺘﻔﻴﻬﺎ : ﻣﺮﺿﺎﺵ ﻳﻘﻮﻟﻲ
- ﻧﺪﻯ : ﻟﻴﻪ ﺍﻥ ﺷﺎﺀ ﺍﻟﻠﻪ ؟؟؟ ﺳﺮ ﺣﺮﺑﻲ ﻣﺜﻼ ؟؟
- ﻣﻬﺎ : ﻫﻮ ﻗﺎﻟﻲ ﺍﻧﻪ ﻫﻴﺒﻘﻰ ﻳﻘﻮﻟﻚ ﺍﻻﺳﺒﺎﺏ ﺑﻌﺪﻳﻦ
- ﻧﺪﻯ : ﻫــﻪ
- ﻣﻬﺎ : ﺑﺲ ﻃﻠﺐ ﻣﻨﻲ ﺣﺎﺟﺔ
- ﻧﺪﻯ : ﺣﺎﺟﺔ ﺍﻳﻪ ؟؟
ﺳﺮﺩﺕ ﻣﻬﺎ ﻣﺎ ﻃﻠﺒﻪ ﻣﻨﻬﺎ ﻳﻮﺳﻒ ، ﻓﺎﺳﺘﻐﺮﺑﺖ ﻧﺪﻯ ﻣﻦ ﻫﺬﺍ ، ﻓﻠﻴﺲ ﻣﻦ ﺷﺄﻧﻪ ﺍﻟﺘﺪﺧﻞ ﻓﻴﻤﺎ ﻳﺨﺺ ﺍﻟﺸﺮﻛﺔ ﻣﻦ ﺃﻋﻤﺎﻝ ﺳﺎﺑﻘﺔ ، ﻫﻮ ﻓﻘﻂ ﻣﻜﻠﻒ ﺑﻜﻞ ﻣﺎ ﻫﻮ ﺟﺪﻳﺪ
- ﻧﺪﻯ : ﻭﺩﻩ ﻋﺎﻭﺯﻫﻢ ﻓﻲ ﺍﻳﻪ ؟؟
- ﻣﻬﺎ : ﻭﻻ ﺃﻋﺮﻑ
- ﻧﺪﻯ : ﺍﻭﻣﺎﻝ ﺃﻧﺎ ﺑﻌﺘﺎﻛﻲ ﻋﻨﺪﻩ ﻟﻴﻪ ، ﻋﺸﺎﻥ ﺗﺘﻐﺰﻟﻲ ﻓﻴﻪ ﻭﻓﻲ ﺟﻤﺎﻟﻪ ؟؟؟
- ﻣﻬﺎ ﺑﻨﻈﺮﺍﺕ ﻫﺎﺋﻤﺔ : ﻫﻮ ﻣﻦ ﻧﺎﺣﻴﺔ ﺍﻥ ﺍﻟﻮﺍﺣﺪ ﻳﺘﻐﺰﻝ ﻓﻴﻪ ﻓﺒﺼﺮﺍﺣﺔ ، ﻫﻮ ﺁﺁﺁ ... ﺁﺁﺁ .. ﻳﺴﺘﺎﻫﻞ
- ﻧﺪﻯ : ﺧﻼﺹ ﻗﻔﻠﻲ ﻉ ﺍﻟﺴﻴﺮﺓ ﺩﻱ ، ﻭﺳﻴﺒﻨﻲ ﺃﺷﻮﻑ ﺍﻟﻠﻲ ﻓﻲ ﺍﻳﺪﻱ
- ﻣﻬﺎ ﻣﺘﺴﺎﺋﻠﺔ : ﺍﻧﺘﻲ ﻫﺎﺗﺮﻭﺣﻲ ﺍﻟـ meeting ﺩﻩ
- ﻧﺪﻯ ﻭﻫﻲ ﺗﻮﻣﻲﺀ ﺑﺮﺃﺳﻬﺎ : ﺃﻫــﺎ .. ﺩﻩ ﺿﺮﻭﺭﻱ
- ﻣﻬﺎ : ﻃﺐ ﻭﺍﻟﻤﺪﻳﺮ
- ﻧﺪﻯ ﺑﻀﻴﻖ : ﻣﺎﻟﻮﺵ ﻓﻴﻪ ، ﺩﻩ ﺍﺧﺘﺼﺎﺻﻲ ، ﻫﻮ ﺃﺧﺮﻩ ﻳﻤﻀﻲ ﻉ ﻭﺭﻕ ، ﻳﻌﺘﺮﺽ ، ﻳﺘﻨﻴﻞ ﻳﻜﺘﺐ ﻣﻠﺤﻮﻇﺎﺕ ، ﻟﻜﻦ ﺷﺮﺍ ﺍﻟﻤﻌﺪﺍﺕ ﺍﻟﺠﺪﻳﺪﺓ ﺩﻱ ﺗﺨﺼﻨﻲ ، ﻫﻮ ﻣﺎﻟﻮﺵ ﻓﻴﻬﺎ
- ﻣﻬﺎ : ﻃﻴﺐ ﺧﻼﺹ ، ﺃﻧﺎ ﺑﺲ ﺑﺴﺄﻝ ﺳﺆﺍﻝ ﻋﺎﺩﻱ ، ﻣﺎﻓﻴﺶ ﺩﺍﻋﻲ ﻟﻠﻌﺼﺒﻴﺔ ﺩﻱ ﻛﻠﻬﺎ
- ﻧﺪﻯ : ﺳﻮﺭﻱ ﻳﺎ ﻣﻬﺎ ﻣﻘﺼﺪﺵ ، ﺑﺲ ﺩﻩ ﻭﺿﻌﻪ ﻣﺆﻗﺖ ، ﻟﺤﺪ ﻣﺎ ﺑﺎﺑﺎ ﻳﺠﻲ ، ﻓﻤﺶ ﻫﻴﻌﻤﻞ ﺭﻳﺲ ﻋﻠﻴﺎ ﻭﻋﻠﻰ ﺷﻐﻠﻲ
- ﻣﻬﺎ ﻭﻫﻲ ﺗﻨﻬﺾ ﻋﻦ ﺍﻟﻤﻜﺘﺐ : ﺍﻭﻙ .. ﻃﻴﺐ ﻫﺎﺳﻴﺒﻚ ﺃﻧﺎ ﺗﻜﻤﻠﻲ ﺷﻐﻠﻚ ، ﻭﻫﺎﺭﻭﺡ ﺃﺷﻮﻑ ﻃﻠﺒﺎﺕ ﻣﺴﺘﺮ ﺟﻮﻭ
ﻣﺠﺮﺩ ﻧﻄﻖ ﻣﻬﺎ ﻟﻼﺳﻢ ﺍﻟﻤﺴﺘﻌﺎﺭ ﻟﻴﻮﺳﻒ ﺟﻌﻞ ﻧﺪﻯ ﺗﺸﻌﺮ ﺑﻘﻠﻴﻞ ﻣﻦ ﺍﻟﻀﻴﻖ ﻭﺍﻟﺤﻨﻖ ، ﻓﻠﻴﺲ ﻣﻦ ﺣﻘﻬﺎ ﺃﻥ ﺗﻨﺎﺩﻳﻪ ﻫﻜﺬﺍ .. ﻫﻲ ﻻ ﺗﻘﺮﺏ ﻟﻪ ، ﻭﻟﻜﻨﻬﺎ ﻋﺎﺩﺕ ﻣﻦ ﺟﺪﻳﺪ ﻟﺘﺬﻛﺮ ﻧﻔﺴﻬﺎ ﺃﻧﻬﺎ ﻟﻢ ﺗﻌﺪ ﻟﻪ ، ﻭﻟﻢ ﻳﻌﺪ ﻫﻮ ﻟﻬﺎ ....
.............................
ﻓﻲ ﻣﻨﺰﻝ ﻣﺮﻭﺍﻥ ﺑﺎﻟﺘﺠﻤﻊ ﺍﻟﺨﺎﻣﺲ ،،،،
ﺃﺣﻀﺮﺕ ﻧﻴﺮﺓ ﻋﺪﺓ ﺍﻟﻨﻈﺎﻓﺔ ، ﻭﺑﺪﺃﺕ ﻓﻲ ﻣﻬﻤﺘﻬﺎ ﺍﻟﺠﺪﻳﺪﺓ ﻭﻫﻲ ﺍﻋﺎﺩﺓ ﺗﺮﺗﻴﺐ ﺍﻟﻤﻨﺰﻝ ﻛﻤﺎ ﻛﺎﻥ ﻋﻠﻴﻪ ، ﺑﺬﻟﺖ ﻗﺼﺎﺭﻱ ﺟﻬﺪﻫﺎ ﻟﻜﻲ ﺗﻨﺠﺰ ﺍﻟﻜﺜﻴﺮ ، ﻭﺭﻏﻢ ﺍﻥ ﺃﻋﻤﺎﻝ ﺍﻟﻤﻨﺰﻝ ﻛﺎﻧﺖ ﻣﺮﻫﻘﺔ ﻟﻬﺎ ﺟﺪﺍً - ﻓﻬﻲ ﻟﻢ ﺗﻜﻦ ﺗﺤﺐ ﺃﺩﺍﺋﻬﺎ ﺣﺘﻰ ﻭﻫﻲ ﻣﺎﺯﺍﻟﺖ ﻓﺘﺎﺓ ﺗﻘﻄﻦ ﻣﻊ ﻋﺎﺋﻠﺘﻬﺎ - ﺇﻻ ﺃﻧﻬﺎ ﺣﺎﻭﻟﺖ ﺃﻥ ﺗﺤﺴﻦ ﺍﻟﻤﻈﻬﺮ ﺍﻟﻌﺎﻡ ﻟﻠﻤﻨﺰﻝ ...
ﻗﺎﻣﺖ ﻧﻴﺮﺓ ﺃﻭﻻً ﺑﻜﻨﺲ ﺍﻷﺭﺿﻴﺎﺕ ، ﺛﻢ ﺧﺒﺄﺕ ﺍﻷﺗﺮﺑﺔ ﻭﺍﻟﺒﻘﺎﻳﺎ ﺃﺳﻔﻞ ﺍﻟﺴﺠﺎﺟﻴﺪ ... ﺟﻤﻌﺖ ﺍﻷﻭﺭﺍﻕ ﺍﻟﺼﻐﻴﺮﺓ ﻭﺍﻟﻤﺨﻠﻔﺎﺕ ﻭﻭﺿﻌﺘﻬﺎ ﺑﺪﺍﺧﻞ ﺍﻟﻤﺰﻫﺮﻳﺔ ﺍﻟﻮﺍﺳﻌﺔ ..
ﻗﺎﻣﺖ ﺑﺘﻠﻤﻴﻊ ﺍﻷﺛﺎﺙ ﺑﻘﻄﻌﺔ ﻗﻤﺎﺵ ﻣﺒﻠﻠﺔ ، ﺗﺠﺎﻫﻠﺖ ﺗﻨﻈﻴﻒ ﺍﻷﺳﻘﻒ ﻭﺍﻷﺭﻛﺎﻥ ﺍﻟﻌﺎﻟﻴﺔ ﺑﻔﺮﺷﺎﺓ ﺍﻟﺘﻨﻈﻴﻒ ..
ﺛﻢ ﺍﺗﺠﻬﺖ ﻟﻌﻤﻠﻴﺔ ﻣﺴﺢ ﺍﻷﺭﺿﻴﺎﺕ ﺑﻮﺍﺳﻄﺔ ﺍﻟﻤﻤﺴﺤﺔ ﺫﺍﺕ ﺍﻟﻴﺪ ، ﻭﻟﻦ ﻧﻐﻔﻞ ﻋﻦ ﻛﻤﻴﺔ ﺍﻟﻤﺴﺤﻮﻕ ﻭﺍﻟﺼﺎﺑﻮﻥ ﺍﻟﺴﺎﺋﻞ ﺍﻟﺘﻲ ﻭﺿﻌﺘﻬﺎ ، ﻣﻤﺎ ﺟﻌﻞ ﺍﻷﺭﺿﻴﺎﺕ ﻣﻤﺘﻠﺌﺔ ﺑﺎﻟﺼﺎﺑﻮﻥ ﻭﺟﺎﻫﺰﺓ ﻟﻜﻲ ﺗﺠﻌﻞ ﺃﻱ ﺃﺣﺪ ﻳﻨﺰﻟﻖ ﺣﻴﻨﻤﺎ ﻳﻘﺮﺭ ﺍﻟﺴﻴﺮ ﻋﻠﻴﻬﺎ ﺳﻮﺍﺀ ﺣﺎﻓﻴﺎً ﺃﻭ ﻣﺮﺗﺪﻳﺎً ﺷﻴﺌﺎً ﻓﻲ ﻗﺪﻣﻪ ..
......................
ﻓﻲ ﺗﻠﻚ ﺍﻷﺛﻨﺎﺀ ﻛﺎﻥ ﻣﺮﻭﺍﻥ ﺟﺎﻟﺴﺎً ﺑﻐﺮﻓﺔ ﻣﻜﺘﺒﻪ ﺍﻟﻤﻮﺟﻮﺩﺓ ﺑﻤﻨﺰﻟﻪ ﻳﺤﺎﻭﻝ ﺍﻟﺘﺤﻀﻴﺮ ﻻﺗﻔﺎﻗﻴﺔ ﺷﺮﺍﺀ ﺍﻟﻤﻌﺪﺍﺕ ﺍﻷﻟﻤﺎﻧﻴﺔ ﺍﻟﺠﺪﻳﺪﺓ ﻣﻦ ﻛﺒﺮﻯ ﺍﻟﺸﺮﻛﺎﺕ ﺍﻷﻟﻤﺎﻧﻴﺔ ، ﻭﺍﻟﺘﻲ ﺇﻥ ﺗﻤﻜﻦ ﺑﺎﻟﻔﻌﻞ ﻣﻦ ﺷﺮﺍﺋﻬﺎ ، ﺳﺘﺆﺛﺮ ﺑﺎﻻﻳﺠﺎﺏ ﻋﻠﻰ ﺍﻟﺸﺮﻛﺔ ﻭﺗﻔﻴﺪ ﻓﻲ ﺇﻧﻌﺎﺵ ﻭﺇﺯﺩﻫـــﺎﺭ ﺍﻷﻋﻤﺎﻝ ﺑﻬﺎ ...
ﻟﻢ ﻳﻌﺮﻑ ﺃﻱ ﺃﺣﺪ ﻋﻦ ﺗﻠﻚ ﺍﻻﺗﻔﺎﻗﻴﺔ ﺍﻟﺠﺪﻳﺪﺓ ﺳﻮﻯ ﻳﻮﺳﻒ ، ﻓﻘﺎﻡ ﺑﻤﺮﺍﺳﻠﺘﻪ ﻋﺒﺮ ﻭﺳﺎﺋﻞ ﺍﻻﺗﺼﺎﻝ ﺍﻻﻟﻜﺘﺮﻭﻧﻲ ‏( ﻭﺗﺤﺪﻳﺪﺍً ﺍﻟﻮﺍﺗﺲ ﺁﺏ ‏) ﻟﻜﻲ ﻳﻜﻮﻥ ﻣﺘﺎﺑﻌﺎً ﻟﻜﻞ ﺟﺪﻳﺪ ...
ﺍﻃﻤﻦ ﻣﺮﻭﺍﻥ ﻣﻦ ﻳﻮﺳﻒ ﻋﻠﻰ ﺃﺣﻮﺍﻝ ﻧﺪﻯ ﻣﻦ ﺧﻼﻝ ﺗﻠﻚ ﺍﻟﻤﺤﺎﺩﺛﺔ ﺍﻟﻤﻜﺘﻮﺑﺔ ، ﻭﺍﺑﻠﻐﻪ ﺃﻧﻪ ﺇﻟﻰ ﺍﻵﻥ ﻻ ﻳﻌﻠﻢ ﺃﻱ ﺷﺨﺺ ﺑﺄﻣﺮ ﺍﻧﻔﺼﺎﻟﻬﻤﺎ ﻭ ...
- ﻣﺮﻭﺍﻥ ﻭﻫﻮ ﻳﻜﺘﺐ ﺭﺳﺎﻟﺔ ﺍﻟﻜﺘﺮﻭﻧﻴﺔ ﻋﺒﺮ ﻫﺎﺗﻔﻪ : ﺍﻃﻤﻦ ﻟﺴﻪ ﻣﺤﺪﺵ ﻋﻨﺪﻩ ﺧﺒﺮ ، ﺣﺎﻭﻝ ﺍﻧﺖ ﺗﺼﻠﺢ ﺍﻟﻤﻮﺿﻮﻉ
- ﻳﻮﺳﻒ ﻭﻫﻮ ﻳﻜﺘﺐ ﺍﻟﺮﺩ ﻋﻠﻴﻪ ﻋﺒﺮ ﺍﻟﻬﺎﺗﻒ : ﺃﺩﻳﻨﻲ ﺷﻐﺎﻝ .. ﻣﺘﺒﻊ ﻣﻌﻬﺎ ﻛﻞ ﺍﻷﺳﺎﻟﻴﺐ ، ﻭﻣﻨﺘﻈﺮ
- ﻣﺮﻭﺍﻥ : ﺭﺑﻨﺎ ﻳﻬﺪﻱ ﺍﻟﺤﺎﻝ
- ﻳﻮﺳﻒ : ﻳﺎ ﺭﺏ .. ﻭﻋﻤﻠﺖ ﺍﻳﻪ ﻓﻲ ﻣﻮﺿﻮﻉ ﺍﻟﺴﻜﺮﺗﻴﺮﺓ ؟
- ﻣﺮﻭﺍﻥ : ﺃﺩﻳﻨﻲ ﺑﺪﻭﺭ ﻋﻠﻰ ﻭﺍﺣﺪﺓ ، ﻣﺎ ﺍﻧﺖ ﻋﺎﺭﻑ ﺃﻧﻲ ﻣﺶ ﻣﺴﺘﺮﻳﺢ ﻟﻠﻲ ﺍﺳﻤﻬﺎ ﻋﻠﻴﺎﺀ
- ﻳﻮﺳﻒ : ﺍﻭﻙ .. ﺍﻟﻠﻲ ﺍﻧﺖ ﺷﺎﻳﻔﻪ ﺻﺢ ﺍﻋﻤﻠﻪ ، ﻭﺑﺮﺿﻮﻩ ﺣﺮﺹ ﻣﻨﻬﺎ
- ﻣﺮﻭﺍﻥ : ﺩﻩ ﺃﻧﺎ ﻭﺍﺧﺪ ﺣﺬﺭﻱ ﻉ ﺍﻷﺧﺮ ﻣﻌﺎﻫﺎ ، ﺃﻧﺎ ﺑﺲ ﺍﻟﻠﻲ ﻣﺼﺒﺮﻧﻲ ﻋﻠﻴﻬﺎ ﺍﻧﻲ ﻋﺎﻭﺯ ﺃﻋﺮﻑ ﻣﻴﻦ ﺍﻟﻠﻲ ﺯﺃﺋﻬﺎ ﻋﻠﻴﻨﺎ
- ﻳﻮﺳﻒ : ﺃﻫﺎ .. ﺍﻟﻤﻬﻢ ﺍﻧﺖ ﻛﻮﻳﺲ ﻣﻊ ﻣﺮﺍﺗﻚ
- ﻣﺮﻭﺍﻥ : ﻫﺎﻗﻮﻟﻚ ﺍﻳﻪ ﺑﺲ ، ﺩﻱ ﻣﻄﻠﻌﺔ ﻋﻴﻨﻲ ﺑﺸﻜﻞ ﻓﻈﻴﻊ
- ﻳﻮﺳﻒ : ﻣﻌﻠﺶ ، ﺑﻜﺮﺓ ﺗﻌﻘﻞ
- ﻣﺮﻭﺍﻥ : ﺗﻌﻘﻞ ! ﺩﻩ ﺃﻧﺎ ﻭﺭﺍﻫﺎ ﻟﺤﺪ ﻣﺎ ﺃﻣﺸﻴﻬﺎ ﻉ ﺍﻟﻌﺠﻴﻦ ﻣﺘﻠﺨﺒﻄﻮﺵ
- ﻳﻮﺳﻒ : ﺍﻟﻠﻪ ﻳﻌﻴﻨﻚ ﻋﻠﻴﻬﺎ ، ﻳﺎﻻ ﻫﺎﺳﻴﺒﻚ ﺗﺸﻮﻑ ﺍﻟﻠﻲ ﻭﺭﺍﻙ ﻭﻧﺘﻜﻠﻢ ﺑﻌﺪﻳﻦ
- ﻣﺮﻭﺍﻥ : ﺍﻭﻙ
- ﻳﻮﺳﻒ : ﻣﺎﺗﻨﺴﺎﺵ ﺍﻟﺸﺮﻛﺔ ﻫﺘﺒﻌﺘﻠﻚ ﺍﻟﻤﻮﺍﺻﻔﺎﺕ ﻭﺍﻷﺳﻌﺎﺭ ﻉ ﺍﻟﻤﻴﻞ ، ﺍﺑﻘﻰ ﺗﺎﺑﻌﻪ ﻛﻞ ﺷﻮﻳﺔ ، ﻭﺍﺑﻌﺘﻠﻲ ﻧﺴﺨﺔ ﻣﻨﻪ
- ﻣﺮﻭﺍﻥ : ﻟﻴﻪ ؟
- ﻳﻮﺳﻒ : ﻋﺎﻭﺯ ﺃﺷﻮﻑ ﺍﻥ ﻛﺎﻧﺖ ﻓﻲ ﺣﺎﺟﺔ ﻣﻨﺎﺳﺒﺔ ﺗﻨﻔﻊ ﻟﺸﺮﻛﺔ ﻋﻤﻚ ﺻﻼﺡ ﻭﻻ ﻷ
- ﻣﺮﻭﺍﻥ : ﺍﻭﻙ .. ﻳﻮﺻﻠﻨﻲ ﻭﻫﺒﻌﺘﻬﻮﻟﻚ ﻉ ﻃﻮﻝ
- ﻳﻮﺳﻒ : ﺗﻤﺎﻡ .. ﺃﺳﻴﺒﻚ ﻓﻲ ﺣﻔﻆ ﺍﻟﻠﻪ
- ﻣﺮﻭﺍﻥ : ﺑﺄﻣﺮ ﺍﻟﻠﻪ .. ﺳﻼﻡ !
ﺃﻧﻬﻰ ﻣﺮﻭﺍﻥ ﺍﻟﻤﺤﺎﺩﺛﺔ ﺍﻻﻟﻜﺘﺮﻭﻧﻴﺔ ﻣﻊ ﻳﻮﺳﻒ ، ﺛﻢ ﻣﻂ ﺫﺭﺍﻋﻴﻪ ﻓﻲ ﺍﻟﻬﻮﺍﺀ ﻟﻴﻤﺪﺩﻫﻤﺎ ، ﻭﻧﻬﺾ ﻋﻦ ﻣﻘﻌﺪﻩ ، ﻭﻗﺮﺭ ﺃﻥ ﻳﺘﻮﺟﻪ ﻟﻠﺨﺎﺭﺝ ﻟﻴﺮﻯ ﻣﺎ ﺍﻟﺬﻱ ﻓﻌﻠﺘﻪ ﻧﻴﺮﺓ ...
....................
ﺳﺎﺭ ﻣﺮﻭﺍﻥ ﺑﺨﻄﻮﺍﺕ ﺑﻄﻴﺌﺔ ، ﻭﺗﻮﺟﻪ ﺇﻟﻰ ﺍﻟﺼﺎﻟﺔ ، ﺗﺴﻤﺮ ﻓﻲ ﻣﻜﺎﻧﻪ ﺣﻴﻨﻤﺎ ﻭﺟﺪ ﺍﻷﺭﺿﻴﺔ ﻏﺎﺭﻗﺔ ﺑﺎﻟﺼﺎﺑﻮﻥ ﻓﻘﺪ ﻛﺎﻥ ﻋﻠﻰ ﻭﺷﻚ ﺃﻥ ﻳﻨﺰﻟﻖ ﺃﻛﺜﺮ ﻣﻦ ﻣﺮﺓ ﻭﻫﻮ ﻳﺴﻴﺮ ﻓﻲ ﺍﻟﻄﺮﻗﺔ ..
ﺑﺤﺚ ﺑﻌﻴﻨﻴﻪ ﻋﻦ ﻧﻴﺮﺓ ﻓﻮﺟﺪﻫﺎ ﺗﻔﺮﺩ ﺃﺣﺪ ﺍﻟﺴﺠﺎﺟﻴﺪ ﻋﻠﻰ ﺍﻷﺭﺿﻴﺔ ﺍﻟﻤﺒﻠﻠﺔ ، ﻓﺼﺮﺥ ﻋﺎﻟﻴﺎً ﻟﻜﻲ ﻳﺠﻌﻠﻬﺎ ﺗﺘﻮﻗﻒ ﻋﻤﺎ ﺗﻔﻌﻞ ﻭ ...
- ﻣﺮﻭﺍﻥ ﺑﻨﺒﺮﺓ ﻋﺎﻟﻴﺔ : ﻧﻴـــــﺮﺓ
ﺍﻧﺘﻔﺾ ﺟﺴﺪ ﻧﻴﺮﺓ ﻋﻠﻰ ﺃﺛﺮ ﺻﻮﺗﻪ ، ﻓﻮﻗﻌﺖ ﺍﻟﺴﺠﺎﺩﺓ ﻣﻦ ﻳﺪﻫﺎ ، ﺛﻢ ﺍﻟﺘﻔﺖ ﺇﻟﻴﻪ ﻟﺘﺠﺪﻩ ﻳﻘﻒ ﻋﻠﻰ ﻣﺴﺎﻓﺔ ﻣﻨﻬﺎ ﻭﻳﻨﻈﺮ ﻟﻬﺎ ﺑﻜﻞ ﻏﻴﻆ ﻭ ..
- ﻧﻴﺮﺓ ﺑﺨﻀﺔ : ﻳﺎﺍﺍﺍﺍ ﻣﻪ
- ﻣﺮﻭﺍﻥ ﺑﻨﻈﺮﺍﺕ ﺣﺎﻧﻘﺔ : ﺍﻳﻪ ﺍﻟﻠﻲ ﺍﻧﺘﻲ ﺑﺘﻌﻤﻠﻴﻪ ﺩﻩ ؟؟؟
- ﻧﻴﺮﺓ : ﻭﺍﻟﻠﻪ ﻣﺎ ﻋﻤﻠﺖ ﺣﺎﺟﺔ ، ﺩﻩ ﺃﻧﺎ ﺑﻔﺮﺩ ﺍﻟﺴﺠﺎﺩ
- ﻣﺮﻭﺍﻥ : ﻭﻫﻮ ﻓﻲ ﺣﺪ ﻳﻔﺮﺩ ﺍﻟﺴﺠﺎﺩ ﻭﺍﻷﺭﺽ ﻟﺴﻪ ﻣﺒﻠﻮﻟﺔ
- ﻧﻴﺮﺓ : ﻣﺎ ﻫﻲ ﻣﺶ ﻋﺎﻭﺯﺓ ﺗﻨﺸﻒ ، ﻓﺄﻧﺎ ﺑﻘﻰ ﻓﻜﺮﺕ ﻛﺪﻩ ﻣﻊ ﻧﻔﺴﻲ ، ﻭﻗﻮﻟﺖ ﺃﺣﻂ ﺍﻟﺴﺠﺎﺩﺓ ﻉ ﺍﻷﺭﺽ، ﻭﺍﻷﺭﺿﻴﺔ ﺗﻨﺸﻒ ﺑﺮﺍﺣﺘﻬﺎ ، ﺃﻧﺎ ﻣﺶ ﻫﺎﺳﺘﻌﺠﻠﻬﺎ
- ﻣﺮﻭﺍﻥ ﺑﺘﻬﻜﻢ : ﻷ ﻣﺎﺷﺎﺀ ﺍﻟﻠﻪ ﻭﺍﻋﻴﺔ .. ﺑﺲ ﻓﺎﺗﺘﻚ ﺟﺰﺋﻴﺔ ﺻﻐﻴﺮﺓ
- ﻧﻴﺮﺓ : ﺍﻳﻪ ﻫﻲ ؟
- ﻣﺮﻭﺍﻥ : ﺍﻟﺴﺠﺎﺩ ﻟﻤﺎ ﻫﻴﺸﺮﺏ ﺍﻟﻤﻴﺎﻩ ﻫﻴﻜﻤﻜﻢ ﻭﺭﻳﺤﺘﻪ ﻫﺘﻄﻠﻊ ﻭﻳﻌﻔﻦ
- ﻧﻴﺮﺓ ﻭﻫﻲ ﻓﺎﻏﺮﺓ ﺷﻔﺘﻴﻬﺎ : ﻫـــﺎﺍﺍﺍﻩ
- ﻣﺮﻭﺍﻥ ﺑﻀﻴﻖ : ﻭﺩﻩ ﺍﻥ ﺩﻝ ﻫﻴﺪﻝ ﻉ ﺍﻧﻚ ﺳﺖ ﺑﻴﺖ ﻓﺎﺷﻠﺔ
ﻛﺎﻧﺖ ﻧﻴﺮﺓ ﻋﻠﻰ ﻭﺷﻚ ﺍﻟﺮﺩ ﻋﻠﻴﻪ ، ﻭﻟﻜﻨﻬﺎ ﺃﺛﺮﺕ ﺍﻟﺼﻤﺖ ﺣﺘﻰ ﻻ ﺗﺠﻠﺐ ﻟﻨﻔﺴﻬﺎ ﻣﺸﺎﺩﺓ ﻛﻼﻣﻲ ﻣﻌﻪ ، ﻓﻈﻠﺖ ﺗﻬﻤﻬﻢ ﻣﻊ ﻧﻔﺴﻬﺎ ﻓﻲ ﺿﻴﻖ ﻭ ..
- ﻧﻴﺮﺓ ﻓﻲ ﻧﻔﺴﻬﺎ : ﻣﺶ ﻛﺘﺮ ﺧﻴﺮﻱ ﺍﻧﻲ ﻧﻀﻔﺖ ﺍﻷﺭﺽ ، ﺃﺷﻖ ﻧﻔﺴﻲ ﻧﺼﻴﻦ ﻋﺸﺎﻥ ﻳﻌﺠﺐ
- ﻣﺮﻭﺍﻥ : ﺍﻟﻠﻲ ﺍﻧﺘﻲ ﻋﻤﻠﺘﻴﻪ ﺩﻩ ﺍﺳﻢ ﻋﻚ
- ﻧﻴﺮﺓ ﻭﻫﻲ ﺗﺰﻓﺮ ﻓﻲ ﺿﻴﻖ : ﺍﻭﻭﻭﻭﻑ
- ﻣﺮﻭﺍﻥ : ﻧﻈﺎﻡ ﻋﻚ ﻭﻟﻴﺲ ، ﻛﻠﻪ ﻛﻮﻳﺲ ﺩﻩ ﻣﺎﻳﻤﺸﻴﺶ ﻣﻌﺎﻳﺎ
- ﻧﻴﺮﺓ ﻉ ﻣﻀﺾ : ﻃﺐ ﻗﻮﻟﻲ ﺣﻀﺮﺗﻚ ﺃﻋﻤﻞ ﺍﻳﻪ
- ﻣﺮﻭﺍﻥ : ﺑﺼﻲ ﺍﻧﺘﻲ ﺁﺁﺁﺁ .... ﺁﺁﺁﺁﺁﺁﺁﺁﺁﺁﺁﺁﻩ
ﺑﺪﺃ ﻣﺮﻭﺍﻥ ﺑﺎﻟﺴﻴﺮ ﻣﺠﺪﺩﺍً ﻋﻠﻰ ﺍﻷﺭﺿﻴﺔ ، ﻭﻟﻜﻨﻪ ﻏﻔﻞ ﻋﻦ ﺃﻧﻬﺎ ﺗﺴﺒﺐ ﺍﻻﻧﺰﻻﻕ ، ﻓﻠﻢ ﻳﻜﻤﻞ ﻋﺒﺎﺭﺗﻪ ﺍﻷﺧﻴﺮﺓ ﺇﻻ ﻭﻗﺪ ﺍﻧﺰﻟﻘﺖ ﻗﺪﻣﺎﻩ ﻭﺳﻘﻄﺖ ﻋﻠﻰ ﻭﺟﻬﻪ ...
ﻛﺎﻥ ﻣﺸﻬﺪ ﺳﻘﻮﻁ ﻣﺮﻭﺍﻥ ﻣﻀﺤﻜﺎً ، ﻓﻠﻢ ﺗﺘﻤﺎﻟﻚ ﻧﻴﺮﺓ ﻧﻔﺴﻬﺎ ﻣﻦ ﺍﻟﻀﺤﻚ ﻋﻠﻰ ﻫﻴﺌﺘﻪ ، ﺟﻦ ﺟﻨﻮﻧﻪ ﺣﻴﻨﻤﺎ ﺭﺃﻫﺎ ﺗﻀﺤﻚ ﻋﻠﻴﻪ ﻭ ..
- ﻧﻴﺮﺓ ﻭﻫﻲ ﺗﻘﻠﺪ ﻣﺸﻬﺪ ﺇﻧﺰﻻﻗﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻪ ، ﻣﺶ ﻣﻤﻜﻦ ، ﻫﻬﻬﻬﻬﻬﻬﻬﻬﻬﻬﻬﻬﻪ ، ﻓﻮﻭﻭﻭ
- ﻣﺮﻭﺍﻥ ﻣﺘﺄﻟﻤﺎ : ﺍﺿﺤﻜﻲ .. ﺍﺿﺤﻜﻲ ، ﺁﺁﺁﻱ
ﺣﺎﻭﻝ ﻣﺮﻭﺍﻥ ﺍﻟﻨﻬﻮﺽ ﻭﻟﻜﻦ ﻛﺎﻧﺖ ﺍﻷﺭﺿﻴﺔ ﺯﻟﻘﺔ ﻟﻠﻐﺎﻳﺔ ، ﻓﻜﺎﻥ ﻳﺴﻘﻂ ﻣﺮﺍﺭﺍً ﻭﺗﻜﺮﺍﺭﺍً ، ﻭﻧﻴﺮﻭ ﺗﻨﻈﺮ ﺇﻟﻴﻪ ﻭﺃﻋﻴﻨﻬﺎ ﺑﺎﻛﻴﺔ ﻣﻦ ﻛﺜﺮﺓ ﺍﻟﻀﺤﻚ
- ﻧﻴﺮﺓ ﺑﺼﻮﺕ ﺧﺎﻓﺖ : ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻪ ، ﺍﺣﺴﻦ
ﻧﺠﺢ ﻣﺮﻭﺍﻥ ﻓﻲ ﺍﻟﻮﻗﻮﻑ ﺃﺧﻴﺮﺍً ، ﻛﺎﻥ ﻭﺟﻬﻪ ﻣﺤﺘﻘﻨﺎً ﻣﻦ ﺍﻟﻐﻀﺐ ، ﺍﺭﺗﻌﺪﺕ ﻧﻴﺮﺓ ، ﻓﺮﻛﻀﺖ ﻫﻲ ﺍﻷﺧﺮﻯ ،ﻭﻟﻢ ﺗﻨﺘﺒﻪ ﻟﻸﺭﺿﻴﺔ ﺍﻟﻤﻨﺰﻟﻘﺔ ، ﻓﺨﺎﻧﺘﻬﺎ ﻗﺪﻣﻴﻬﺎ ﻭﺍﻧﺰﻟﻘﺖ ﻫﻲ ﺍﻷﺧﺮﻯ ﻟﺘﺴﻘﻂ ﻋﻠﻰ ﺍﻷﺭﺽ ﺑﻘﻮﺓ ﻭ ,,,
- ﻧﻴﺮﺓ ﻣﺘﺂﻟﻤﺔ : ﺍﺍﺍﺍﺍﺍﺍﺍﺍﺍﻩ
- ﻣﺮﻭﺍﻥ ﻭﻫﻮ ﻳﺸﻴﺮ ﺑﻴﺪﻩ : ﺗﺴﺘﺎﻫﻠﻲ
ﺗﺂﻟﻤﺖ ﻧﻴﺮﺓ ﻣﻦ ﺃﺛﺮ ﺗﻠﻚ ﺍﻟﺴﻘﻄﺔ ﻛﺜﻴﺮﺍً ، ﻭﻟﻜﻨﻬﺎ ﻟﻢ ﺗﺤﺎﻭﻝ ﺃﻥ ﺗﺮﻳﻪ ﻫﺬﺍ ، ﺑﻴﻨﻤﺎ ﻭﻗﻒ ﻫﻮ ﻳﻘﻠﺪﻫﺎ ﻭﻳﺴﺨﺮ ﻣﻦ ﻫﻴﺌﺘﻬﺎ ﻭ ..
- ﻣﺮﻭﺍﻥ ﻭﻫﻮ ﻳﻘﻠﺪ ﺣﺮﻛﺎﺗﻬﺎ : ﻳﺎﺍﺍﺍﻣﻪ ، ﺁﺁﺁﺁﻩ .. ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻪ ﺷﻜﻠﻚ ﺍﻧﺘﻲ ﺍﻟﻠﻲ ﻣﺴﺨﺮﺓ ﻭﻣﻬﺰﺃ ﻉ ﺍﻷﺧﺮ
- ﻧﻴﺮﺓ ﺑﻀﻴﻖ : ﻣﺘﻀﺤﻜﺶ ﻋﻠﻴﺎ
- ﻣﺮﻭﺍﻥ : ﺍﺗﻔﻀﻠﻲ ﻋﻴﺪﻱ ﺍﻟﻠﻲ ﻋﻤﻠﺘﻴﻪ ﺩﻩ ﻛﻠﻪ ﺗﺎﻧﻲ ، ﺍﻟﻌﻚ ﺩﻩ ﻣﺎﻳﻨﻔﻌﺶ ﻣﻌﺎﻳﺎ ، ﻭﻧﻀﻔﻲ ﺍﻷﺭﺽ ﺍﻟﺪﻭﺭ ﺩﻩ ﺑﻤﻴﺎﻩ ﺑﺲ ، ﻭﻏﻴﺮﻳﻬﺎ ﻛﻞ ﺷﻮﻳﺔ ﻋﺸﺎﻥ ﺍﻟﺼﺎﺑﻮﻥ ﺩﻩ ﻳﺨﻒ ﻣﻦ ﻉ ﺍﻟﺴﺮﺍﻣﻴﻚ
- ﻧﻴﺮﺓ : ﻃﻴﺐ
- ﻣﺮﻭﺍﻥ : ﻭﺍﻟﺴﺠﺎﺩ ﻳﺘﺴﺎﺏ ﻉ ﺍﻟﻤﻨﺸﺮ ﻟﺤﺪ ﻣﺎ ﺍﻷﺭﺽ ﺗﻨﺸﻒ ﺧﺎﻟﺺ ﻭﺑﻌﺪ ﻛﺪﻩ ﻳﺘﺤﻂ ﻋﻠﻴﻬﺎ
- ﻧﻴﺮﺓ ﻣﺘﺰﻣﺮﺓ : ﺑﺲ ﺃﻧﺎ ﻣﺶ ﻫﺄﻗﺪﺭ ﺃﺷﻴﻞ ﺍﻟﺴﺠﺎﺩ ﺩﻩ ﻛﻠﻪ ﻟﻮﺣﺪﻱ
- ﻣﺮﻭﺍﻥ : ﻣﺎﺷﻲ ﺃﻧﺎ ﻫﺸﻴﻠﻬﻮﻟﻚ ، ﺑﺲ ﺍﻧﺘﻲ ﺍﻟﻠﻲ ﻫﺎﺗﺮﺟﻌﻴﻪ ﻳﺎ ﻫﺎﻧﻢ
- ﻧﻴﺮﺓ : ﻃﻴﺐ
ﻗﺎﻡ ﻣﺮﻭﺍﻥ ﺑﺈﺯﺍﺣﺔ ﺃﺣﺪ ﺍﻟﺴﺠﺎﺟﻴﺪ ﻟﻴﺘﻔﺎﺟﻲﺀ ﺑﻜﻤﻴﺔ ﺍﻷﺗﺮﺑﺔ ﺍﻟﻤﺨﺰﻧﺔ ﺃﺳﻔﻠﻪ ، ﺻﻌﻖ ﻣﻦ ﺍﻟﻤﻨﻈﺮ ﻭ ...
- ﻣﺮﻭﺍﻥ ﻭﻫﻮ ﻳﺮﻓﻊ ﺍﻟﺴﺠﺎﺩﺓ : ﺍﻳﻴﻴﻴﻴﻪ ﺩﻩ ؟؟؟
- ﻧﻴﺮﺓ ﺑﺘﻮﺗﺮ ﻭﻫﻲ ﻣﺪﻋﻴﺔ ﻋﺪﻡ ﻣﻌﺮﻓﺘﻬﺎ ﺑﺎﻷﻣﺮ : ﺍﺣﻢ .. ﺁﺁﺁ .. ﻣـ ... ﻣﻌﺮﻓﺶ
- ﻣﺮﻭﺍﻥ : ﻳﻌﻨﻲ ﺍﻧﺘﻲ ﻋﺎﻭﺯﺓ ﺗﻘﻨﻌﻴﻨﻲ ﺍﻥ ﺩﻩ ﻛﻠﻪ ﺟﻪ ﻟﻮﺣﺪﻩ ﻫﻨﺎ ؟؟؟
- ﻧﻴﺮﺓ ﻭﻫﻲ ﺗﻬﺰ ﻛﺘﻔﻴﻬﺎ : ﺟﺎﻳﺰ
- ﻣﺮﻭﺍﻥ : ﺃﻧﺎ ﻫﺎﻧﺠﻠﻂ ﻗﺮﻳﺐ ﺑﺴﺒﺒﻚ
- ﻧﻴﺮﺓ : ﻭﺍﻧﺎ ﻣﺎﻟﻲ .. ﺫﻧﺒﻲ ﺍﻳﻪ ﺍﻥ ﺍﻟﺘﺮﺍﺏ ﺍﺗﺠﻤﻊ ﻓﻲ ﺣﺘﺔ ﻭﺍﺣﺪﺓ
- ﻣﺮﻭﺍﻥ ﺑﺘﻬﻜﻢ : ﻷ ﻣﺎﻟﻜﻴﺶ ﺫﻧﺐ ، ﻫﻮ ﻓﺠﺄﺓ ﻻﻗﻰ ﻧﻔﺴﻪ ﻣﺘﺒﻌﺘﺮ ﻓﻘﺎﻟﻚ ﺃﻣﺎ ﺃﻟﻢ ﻧﻔﺴﻲ ﺑﻘﻰ ﺑﺪﻝ ﻣﺎ ﺃﻧﺎ ﺳﺎﻳﺐ ﻛﺪﻩ ، ﻭﺍﺗﻜﻮﻡ ﻓﻲ ﺣﺘﺔ
ﺣﺎﻭﻟﺖ ﻧﻴﺮﺓ ﺃﻥ ﺗﺨﻔﻲ ﺿﺤﻜﺘﻬﺎ ﺣﺘﻰ ﻻ ﺗﺜﻴﺮ ﺿﻴﻖ ﻣﺮﻭﺍﻥ ..
ﺃﺯﺍﺡ ﻣﺮﻭﺍﻥ ﺍﻟﺴﺠﺎﺩﺓ ﻭﻭﺿﻌﻬﺎ ﺑﺠﻮﺍﺭ ﺍﻟﺸﺮﻓﺔ ، ﺍﺻﻄﺪﻣﺖ ﻗﺪﻣﻪ ﺑﺪﻭﻥ ﻗﺼﺪ ﺑﺎﻟﻤﺰﻫﺮﻳﺔ ﺍﻟﻤﻮﺿﻮﻋﺔ ﻋﻠﻰ ﺟﻨﺐ ، ﻓﻮﻗﻌﺖ ﻭﺗﺒﻌﺜﺮ ﺑﻌﻀﺎً ﻣﻤﺎ ﻫﻮ ﻣﻮﺟﻮﺩ ﺑﺪﺍﺧﻠﻬﺎ ﻣﻦ ﻣﺨﻠﻔﺎﺕ ..
ﺻﺪﻡ ﻣﺮﻭﺍﻥ ﻟﺮﺅﻳﺔ ﺫﻟﻚ ﺍﻟﻤﺸﻬﺪ ، ﻧﻈﺮ ﻟﻨﻴﺮﺓ ﺑﺄﻋﻴﻦ ﻣﺸﺪﻭﻫﺔ ، ﺃﻣﺴﻚ ﺑﺎﻟﻤﺰﻫﺮﻳﺔ ﻭﻣﺪ ﻳﺪﻩ ﺑﺪﺍﺧﻠﻬﺎ ، ﻭﺍﺧﺮﺝ ﻋﺪﺩﺍً ﻣﻦ ﺍﻷﻭﺭﺍﻕ ﻭ ..
- ﻣﺮﻭﺍﻥ : ﺩﻩ ﺍﻳﻪ ﺩﻩ ﻛﻤﺎﻥ
- ﻧﻴﺮﺓ : ﺃﻧﺎ .. ﺃﻧﺎ ﻣﺎﻟﻴﺶ ﺩﻋﻮﺓ
- ﻣﺮﻭﺍﻥ : ﻭ ﺍﻟﻠﻪ ؟؟ ﻳﻌﻨﻲ ﺃﻧﺎ ﺟﺎﻳﺒﻬﺎ ﺑﺰﺑﺎﻟﺘﻬﺎ
- ﻧﻴﺮﺓ ﻭﻫﻲ ﺗﻤﻂ ﺷﻔﺘﻴﻬﺎ : ﺍﺣﺘﻤﺎﻝ ﺑﺮﺿﻮﻩ
- ﻣﺮﻭﺍﻥ ﻭﻫﻮ ﻳﻨﻈﺮ ﻟﻠﻤﺰﻫﺮﻳﺔ : ﺃﻧﺎ ﻟﻮ ﺣﺪﻓﺖ ﺍﻟﺒﺘﺎﻋﺔ ﺩﻱ ﻓﻲ ﺩﻣﺎﻏﻚ ﻣﻤﻜﻦ ﺗﺘﻜﺴﺮ ؟
- ﻧﻴﺮﺓ ﻣﺘﺴﺎﺋﻠﺔ : ﻫﻲ ﻭﻻ ﺩﻣﺎﻏﻲ ؟؟؟
- ﻣﺮﻭﺍﻥ ﺑﺤﻨﻖ : ﺍﻧﺘﻮ ﺍﻻﺗﻨﻴﻦ !..
.......................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﺍﺗﺼﻞ ﺻﻼﺡ ﺍﻟﺪﺳﻮﻗﻲ ﺑﺼﺪﻳﻘﻪ ﺍﻟﻘﺪﻳﻢ ﻋﻠﻲ ﻟﻴﺒﻠﻐﻪ ﺑﺄﻣﺮ ﺍﻟﺘﺨﻄﻴﻂ ﻟﻌﻮﺩﺗﻪ ﺇﻟﻰ ﺍﻟﻘﺎﻫﺮﺓ ، ﻓﺮﺣﺐ ﻋﻠﻲ ﻛﺜﻴﺮﺍً ﺑﻬﺬﺍ ﺍﻟﺨﺒﺮ ، ﻭﺗﻌﻬﺪ ﻟﻪ ﺑﺄﻥ ﻳﺒﺤﺚ ﻟﻪ ﻋﻦ ﻣﻜﺎﻥ ﺟﺪﻳﺪ ﻭﻣﻨﺎﺳﺐ ﻟﻴﻜﻮﻥ ﻣﻘﺮﺍً ﻟﻠﺸﺮﻛﺔ ...
- ﺻﻼﺡ ﺑﻔﺮﺣﺔ : ﺍﻟﺤﻤﺪﻟﻠﻪ ﻳﺎ ﺯﻳﻨﺐ ﺍﻥ ﻋﻠﻲ ﻣﻮﺟﻮﺩ ﻣﻌﺎﻳﺎ ﻫﻨﺎ
- ﺯﻳﻨﺐ : ﺭﺑﻨﺎ ﻳﻜﺮﻣﻪ ﻳﺎ ﺭﺏ ، ﺍﻟﺮﺍﺟﻞ ﻭﺍﻗﻒ ﻣﻌﺎﻙ ﻣﻦ ﺯﻣﻦ
- ﺻﻼﺡ : ﺍﻧﺎ ﻧﺎﻭﻱ ﺃﺧﻠﻴﻠﻪ ﺣﺼﺔ ﻓﻲ ﺃﺳﻬﻢ ﺍﻟﺸﺮﻛﺔ ﺍﻟﺠﺪﻳﺪﺓ
- ﺯﻳﻨﺐ : ﻭﻣﺎﻟﻪ ، ﻫﻮ ﻳﺴﺘﺎﻫﻞ ﻛﻞ ﺧﻴﺮ
- ﺻﻼﺡ : ﻗﻮﻟﻴﻠﻲ ﻳﺎ ﺯﻳﻨﺐ ، ﺍﻟﺒﺖ ﻧﺪﻯ ﻣﻘﺎﻟﺘﻠﻜﻴﺶ ﺣﺎﺟﺔ ؟
- ﺯﻳﻨﺐ : ﻫﻲ ﻛﻮﻳﺴﺔ ، ﺩﻱ ﻉ ﻃﻮﻝ ﺑﺘﻜﻠﻤﻨﻲ ﻭﺗﻄﻤﻨﻲ ﻉ ﻧﻔﺴﻬﺎ ، ﻫﻲ ﻛﺎﻧﺖ ﻗﺎﻟﺘﻠﻚ ﺣﺎﺟﺔ ؟؟
- ﺻﻼﺡ : ﻣﻤﻤﻢ ... ﻷ
- ﺯﻳﻨﺐ : ﺃﻭﻣﺎﻝ ﺑﺘﺴﺄﻝ ﻟﻴﻪ ﻳﺎ ﺣﺎﺝ ؟
- ﺻﻼﺡ : ﻣﺶ ﻣﺮﺗﺎﺡ ، ﻣﻌﺮﻓﺶ ﻟﻴﻪ ﻋﻨﺪﻱ ﺍﺣﺴﺎﺱ ﺍﻥ ﺍﻟﺒﺖ ﻓﻴﻬﺎ ﺣﺎﺟﺔ ﻭﻣﺨﺒﻴﺔ
- ﺯﻳﻨﺐ : ﺗﻼﻗﻴﻬﺎ ﺑﺲ ﻣﻀﺎﻳﻘﺔ ﺍﻛﻤﻨﻨﺎ ﺑﻌﺎﺩ ﻋﻨﻬﺎ
- ﺻﻼﺡ : ﺟﺎﻳﺰ ﺑﺮﺿﻮﻩ ، ﺑﺲ ﻫﻲ ﺍﻟﻮﻗﺘﻲ ﻣﻌﺎﻫﺎ ﺟﻮﺯﻫﺎ
- ﺯﻳﻨﺐ : ﺭﺑﻨﺎ ﻳﺨﻠﻴﻬﻢ ﻟﺒﻌﺾ ، ﺍﺣﻨﺎ ﺑﺲ ﻧﻄﻤﻦ ﻉ ﺗﻮﺗﺎ ﻭﻧﺤﺼﻠﻬﻢ
- ﺻﻼﺡ : ﺑﺄﻣﺮ ﺍﻟﻠﻪ
...........................
ﻓﻲ ﻣﻨﺰﻝ ﻣﺮﻭﺍﻥ ﺑﺎﻟﺘﺠﻤﻊ ﺍﻟﺨﺎﻣﺲ ،،،،
ﺃﻣﺴﻜﺖ ﻧﻴﺮﺓ ﺑﺈﺣﺪﻯ ﺍﻟﺴﺠﺎﺟﻴﺪ ﺍﻟﻤﻮﺿﻮﻋﺔ ﺑﺎﻟﻘﺮﺏ ﻣﻦ ﺍﻟﺸﺮﻓﺔ ، ﺛﻢ ﻃﺮﺣﺘﻬﺎ ﻋﻠﻰ ﺍﻟﺴﻮﺭ ، ﻭﺃﺣﻀﺮﺕ ‏( ﻣﻀﺮﺏ ﺍﻟﺘﻨﻔﻴﺾ ‏) ﻟﻜﻲ ﺗﻨﻔﺾ ﺍﻟﺘﺮﺍﺏ ﻋﻨﻬﺎ ﺑﺄﻭﺍﻣﺮ ﻣﻦ ﻣﺮﻭﺍﻥ ..
ﻛﺎﻧﺖ ﺍﻟﺴﺠﺎﺩﺓ ﻧﻮﻋﺎً ﻣﺎ ﺛﻘﻴﻠﺔ ﻓﻲ ﺍﻟﻮﺯﻥ ، ﻟﺬﺍ ﻋﺎﻧﺖ ﻧﻴﺮﺓ ﻣﻌﻬﺎ ﻟﻜﻲ ﺗﻄﺮﺣﻬﺎ ﻋﻠﻰ ﺍﻟﺴﻮﺭ ﻭﺗﻜﻮﻥ ﻣﻔﺮﻭﺩﺓ ﺑﺎﻟﻜﺎﻣﻞ ﺃﻣﺎﻣﻬﺎ ..
ﺃﻣﺴﻜﺖ ﻧﻴﺮﺓ ﺑﻄﺮﻑ ﺍﻟﺴﺠﺎﺩﺓ ﺑﻴﺪﻫﺎ ، ﺛﻢ ﺭﻓﻌﺘﻬﺎ ﻗﻠﻴﻼً ﻋﻦ ﺍﻟﺴﻮﺭ ، ﻭﺑﺎﻟﻴﺪ ﺍﻷﺧﺮﻯ ﺃﻣﺴﻜﺖ ﺑــ ‏( ﻣﻀﺮﺏ ﺍﻟﺘﻨﻔﻴﺾ ‏) ، ﻭﺑﺪﺃﺕ ﻓﻲ ﺿﺮﺏ ﺍﻟﺴﺠﺎﺩﺓ ﺿﺮﺑﺎﺕ ﺧﻔﻴﻔﺔ ..
ﻧﻈﺮ ﻟﻬﺎ ﻣﺮﻭﺍﻥ ﻓﻲ ﺗﻌﺠﺐ ﻭﻫﻮ ﻋﺎﻗﺪ ﺳﺎﻋﺪﻳﻪ ﺃﻣﺎﻡ ﺻﺪﺭﻩ ﻭ ...
- ﻣﺮﻭﺍﻥ ﻣﻨﺪﻫﺸﺎً : ﺍﻧﺘﻲ ﻛﺪﻩ ﺑﺘﻨﻔﻀﻴﻬﺎ ؟
- ﻧﻴﺮﺓ : ﺍﻭﻣﺎﻝ ﻳﻌﻨﻲ ﺑﺰﻏﺰﻏﻬﺎ ؟؟ ﻣﺎ ﺃﻧﺎ ﺷﻐﺎﻟﺔ ﺍﻫﻮﻭ
ﺩﻓﻊ ﻣﺮﻭﺍﻥ ﻧﻴﺮﺓ ﺟﺎﻧﺒﺎً ﺑﻜﺘﻔﻪ ، ﺛﻢ ﻭﻗﻒ ﻫﻮ ﻣﻜﺎﻧﻬﺎ ، ﻭﻣﺪ ﻳﺪﻩ ﻟﻜﻲ ﻳﺄﺧﺬ ﻣﻨﻬﺎ ‏( ﻣﻀﺮﺏ ﺍﻟﺘﻨﻔﻴﺾ ‏) ﻭ ...
- ﻣﺮﻭﺍﻥ ﻭﻫﻮ ﻳﺪﻓﻌﻬﺎ ﺟﺎﻧﺒﺎً : ﺩﻩ ﻛﺪﻩ ﻣﺶ ﺗﻨﻔﻴﺾ ، ﺩﻩ ﻟﻌﺐ ﻋﻴﺎﻝ ﻭﻣﺶ ﻫﺎﻧﺨﻠﺺ ، ﺍﻭﻋﻲ ﻛﺪﻩ ﺃﻣﺎ ﺃﻭﺭﻳﻜﻲ ﺗﻨﻔﻀﻲ ﺍﺯﺍﻱ
- ﻧﻴﺮﺓ ﻭﻫﻲ ﺗﻨﺎﻭﻟﻪ ﻣﻀﺮﺏ ﺍﻟﺘﻨﻔﻴﺾ : ﺍﺗﻔﻀﻞ
ﺃﻣﺴﻚ ﻣﺮﻭﺍﻥ ﺑﻤﻀﺮﺏ ﺍﻟﺘﻨﻔﻴﺾ ، ﺛﻢ ﺑﺪﺃ ﻓﻲ ﺿﺮﺏ ﺍﻟﺴﺠﺎﺩﺓ ﻋﺪﺓ ﺿﺮﺑﺎﺕ ﺳﺮﻳﻌﺔ ﻭﻗﻮﻳﺔ ، ﺟﻌﻠﺖ ﺍﻟﻐﺒﺎﺭ ﻳﺘﻨﺎﺛﺮ ﻓﻲ ﺍﻟﻬﻮﺍﺀ ، ﻓﻌﻄﺲ ﻛﻼﻫﻤﺎ ﻋﻠﻰ ﺍﻟﻔﻮﺭ ﻭ ...
- ﻧﻴﺮﺓ : ﺁﺁﺁ ... ﺁﺁﺁﺗﺸﻮﻭﻭﻭﻭﻭ
- ﻣﺮﻭﺍﻥ : ﻫﺎﺗﺸﻮﻭﻭﻭﻭﻭﻭﻭ
ﺃﻣﺴﻚ ﻣﺮﻭﺍﻥ ﺑﻤﻌﺼﻢ ﻧﻴﺮﺓ ، ﺛﻢ ﻭﺿﻊ ‏( ﻣﻀﺮﺏ ﺍﻟﺘﻨﻔﻴﺾ ‏) ﻓﻲ ﻳﺪﻫﺎ ، ﻭﻧﻈﺮ ﺇﻟﻴﻬﺎ ﻧﻈﺮﺍﺕ ﺗﺤﺪﻱ ﻭ ...
- ﻣﺮﻭﺍﻥ : ﻋﻴﺸﻲ ﺣﻴﺎﺗﻚ ﺑﻘﻰ ﻣﻌﺎﻫﺎ ، ﻭﺍﻧﺎ ﺩﺍﺧﻞ ﺟﻮﺍ
ﻭﻗﻔﺖ ﻧﻴﺮﺓ ﺗﻨﻈﺮ ﻟﻪ ﺑﺄﻋﻴﻦ ﻣﻐﺘﺎﻇﺔ ، ﻭﻟﻜﻦ ﻟﻴﺲ ﺑﻮﺳﻌﻬﺎ ﻓﻌﻞ ﺷﻲﺀ ﻣﻌﻪ
ﻭﻣﺎ ﺇﻥ ﺧﺮﺝ ﻣﺮﻭﺍﻥ ﻣﻦ ﺍﻟﺸﺮﻓﺔ ﺣﺘﻰ ﺃﻏﻠﻖ ﺃﺑﻮﺍﺑﻬﺎ ﺍﻟﺰﺟﺎﺟﻴﺔ ﺧﻠﻔﻪ ، ﻭﺃﻭﺻﺪﻫﺎ ﺣﺘﻰ ﻻ ﺗﺴﺘﻄﻴﻊ ﻧﻴﺮﺓ ﺍﻟﺨﺮﻭﺝ ﻣﻨﻬﺎ ﻭ ...
- ﻣﺮﻭﺍﻥ ﻭﻫﻮ ﻳﺸﻴﺮ ﻟﻬﺎ ﺑﻴﺪﻩ : ﺍﺻﻞ ﺍﻟﺘﺮﺍﺏ ﺑﻴﺘﻌﺐ ﺻﺪﺭﻱ ، ﻭﺃﻧﺎ ﻣﺶ ﻧﺎﻗﺺ .. ﻳﺎﻻ ﻭﺭﻳﻨﻲ ﺷﻄﺎﺭﺗﻚ ، ﺭﺑﻌﺎﻳﺔ ﻫﺎﻓﺮﺩ ﺿﻬﺮﻱ ﻛﺪﻩ ﻉ ﺍﻟﺴﺮﻳﺮ ﻭﻫﺮﺟﻌﻠﻚ ﺗﻜﻮﻧﻲ ﺧﻠﺼﺘﻲ .. ﺗﺸﺎﻭﻭﻭ
ﺃﻟﻘﺖ ﻧﻴﺮﺓ ﺑـ ‏( ﻣﻀﺮﺏ ﺍﻟﺘﻨﻔﻴﺾ ‏) ﻋﻠﻰ ﺍﻷﺭﺽ ، ﻭﺍﺧﺬﺕ ﺗﻀﺮﺏ ﺑﻘﺪﻣﻬﺎ ﺍﻷﺭﺽ ﺑﻌﺼﺒﻴﺔ ﻭﻫﻲ ﺗﺸﺘﻌﻞ ﻏﻴﻈﺎً ﻣﻨﻪ ..
- ﻧﻴﺮﺓ ﺑﺤﻨﻖ : ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ، ﻳﺎﺍﺍﺍ ﺭﺏ ﺍﻟﺴﺮﻳﺮ ﻳﻘﻊ ﺑﻴﻚ
............................
ﻓﻲ ﺩﺑﻲ ،،،
ﻓﻲ ﺍﻟﺸﺮﻛﺔ ،،،،
ﺃﺟﺮﺕ ﻧﺪﻯ ﺍﻟﻌﺪﻳﺪ ﻣﻦ ﺍﻟﻤﻜﺎﻟﻤﺎﺕ ﺍﻟﻬﺎﺗﻔﻴﺔ ﻟﻠﺘﺮﺗﻴﺐ ﻟﻼﺟﺘﻤﺎﻉ ﺍﻟﻘﺎﺩﻡ ﻣﻊ ﺃﺣﺪ ﺍﻟﺸﺮﻛﺎﺕ ﺍﻟﺼﻴﻨﻴﺔ ﺍﻟﺨﺎﺻﺔ ﺑﺘﻮﺭﻳﺪ ﺍﻟﻤﻌﺪﺍﺕ ﺍﻟﺤﺪﻳﺜﺔ ﺍﻟﺨﺎﺻﺔ ﺑﻤﺠﺎﻝ ﺍﻟﻤﻘﺎﻭﻻﺕ ﻭﺃﻋﻤﺎﻝ ﺍﻟﺒﻨﺎﺀ ، ﻭﺑﺎﻟﻔﻌﻞ ﻧﺠﺤﺖ ﻓﻲ ﺗﺤﺪﻳﺪ ﻣﻮﻋﺪ ﻟﻼﺟﺘﻤﺎﻉ ﺑﻌﺪ ﻳﻮﻣﻴﻦ ﻓﻲ ﺃﺣﺪ ﻣﺤﺎﻝ ﺍﻷﻃﻌﻤﺔ ﺍﻟﺸﻬﻴﺮﺓ .. ﻟﻢ ﺗﺮﺩ ﺍﺧﺒﺎﺭ ﻳﻮﺳﻒ ﺑﻬﺬﺍ ﺍﻷﻣﺮ ، ﻷﻧﻪ ﻟﻴﺲ ﻣﻦ ﺍﺧﺘﺼﺎﺻﻪ ، ﻛﻤﺎ ﺃﻧﻬﺎ ﺗﺮﻳﺪ ﺃﻥ ﺗﻀﻊ ﺣﺪﻭﺩﺍً ﻟﻠﺘﻌﺎﻣﻞ ﻣﻌﻪ ...
ﺣﺎﻥ ﻣﻮﻋﺪ ﺍﺳﺘﺮﺍﺣﺔ ﺍﻟﻐﺬﺍﺀ ﺑﺎﻟﺸﺮﻛﺔ ..
ﺗﻮﺟﻪ ﻏﺎﻟﺒﻴﺔ ﺍﻟﻤﻮﻇﻔﻴﻦ ﻭﺍﻟﻌﺎﻣﻠﻴﻦ ﺑﺎﻟﺸﺮﻛﺔ ﺇﻟﻰ ﺍﻟﻤﻄﻌﻢ ﺍﻟﻤﻠﺤﻖ ﺑﻬﺎ ، ﺑﻴﻨﻤﺎ ﻇﻠﺖ ﻧﺪﻯ ﻓﻲ ﻣﻜﺘﺒﻬﺎ ، ﺭﻓﻀﺖ ﺃﻥ ﺗﻨﺰﻝ ﻣﻌﻬﻢ ﻛﻌﺎﺩﺗﻬﺎ ﺣﺘﻰ ﻻ ﺗﻠﺘﻘﻲ ﺑﻴﻮﺳﻒ .. ﻭﻓﻀﻠﺖ ﺃﻥ ﺗﻜﻤﻞ ﻋﻤﻠﻬﺎ ﻓﻲ ﻣﻜﺘﺒﻬﺎ ..
............
ﺗﻮﺍﺟﺪ ﻳﻮﺳﻒ ﺑﻤﻄﻌﻢ ﺍﻟﺸﺮﻛﺔ ، ﺑﺤﺚ ﺑﻌﻴﻨﻴﻪ ﻋﻦ ﻧﺪﻯ ، ﻭﻟﻜﻨﻪ ﻟﻢ ﻳﺠﺪﻫﺎ ﺑﻴﻦ ﺍﻟﺤﺎﺿﺮﻳﻦ .. ﻇﻦ ﺃﻧﻬﺎ ﺭﺑﻤﺎ ﺳﺘﺄﺗﻲ ﻣﺘﺄﺧﺮﺓ .. ﻓﺎﺳﺘﺮﺍﺣﺔ ﺍﻟﻐﺬﺍﺀ ﻣﺪﺗﻬﺎ ﺳﺎﻋﺔ ﺗﻘﺮﻳﺒﺎً .. ﺃﺣﻀﺮ ﺻﻴﻨﻴﺔ ﺍﻟﻄﻌﺎﻡ ﻭﻭﺿﻊ ﺑﻬﺎ ﻭﺟﺒﺔ ﺑﺴﻴﻄﺔ .. ﺗﻮﺟﻪ ﺇﻟﻰ ﺇﺣﺪﻯ ﺍﻟﻄﺎﻭﻻﺕ ﺍﻟﻤﻮﺟﻮﺩﺓ ﻓﻲ ﺃﺣﺪ ﺍﻷﺭﻛﺎﻥ ﻟﺘﻜﻮﻥ ﺯﺍﻭﻳﺔ ﺍﻟﺮﺅﻳﺔ ﻟﻜﺎﻣﻞ ﻣﻦ ﻫﻮ ﻣﻮﺟﻮﺩ ﻓﻲ ﺍﻟﻤﻄﻌﻢ ﻭﺍﺿﺤﺔ ﻟﻪ ..
ﻟﻤﺤﺖ ﻣﻬﺎ ﻳﻮﺳﻒ ﻭﻫﻮ ﻳﺠﻠﺲ ﻋﻠﻰ ﺍﻟﻄﺎﻭﻟﺔ ، ﺍﻋﺘﻠﺖ ﺍﻻﺑﺘﺴﺎﻣﺔ ﻭﺟﻬﻬﺎ ، ﺛﻢ ﺗﻮﺟﻬﺖ ﺇﻟﻰ ﺍﻟﺒﻮﻓﻴﻪ ﺍﻟﻤﻠﺤﻖ ﺑﺎﻟﻤﻄﻌﻢ ، ﻭﺃﺣﻀﺮﺕ ﻭﺟﺒﺘﻬﺎ ، ﻭﺗﻮﺟﻬﺖ ﺇﻟﻴﻪ ﻭ ...
- ﻣﻬﺎ ﻭﺍﻻﺑﺘﺴﺎﻣﺔ ﻭﺍﺿﺤﺔ ﻋﻠﻰ ﻣﻼﻣﺢ ﻭﺟﻬﻬﺎ : ﻣﻤﻜﻦ ﺃﻗﻌﺪ ﻣﻊ ﺣﻀﺮﺗﻚ
- ﻳﻮﺳﻒ ﻭﻫﻮ ﻳﺸﻴﺮ ﻟﻬﺎ ﺑﻴﺪﻩ : ﺃﻩ ﻃﺒﻌﺎً .. ﺍﺗﻔﻀﻠﻲ
- ﻣﻬﺎ : ﻣﻴﺮﺳﻲ ﻳﺎ ﻣﺴﺘﺮ ﻳﻮﺳﻒ
- ﻳﻮﺳﻒ ﻭﻫﻮ ﻳﻨﻈﺮ ﺑﻌﻴﻨﻴﻪ ﻟﻠﻤﻜﺎﻥ : ﻭﺍﺿﺢ ﻛﺪﻩ ﺍﻥ ﺍﻟﻜﻞ ﻣﺎ ﺑﻴﺼﺪﻕ ﺗﻴﺠﻲ ﺳﺎﻋﺔ ﺍﻟﺒﺮﻳﻚ ﻋﺸﺎﻥ ﻳﻨﺰﻝ ﻳﺎﻛﻞ
- ﻣﻬﺎ : ﺷﻮﻭﻭﺭ .. ﻓﺮﺻﺔ ﺍﻟﻮﺍﺣﺪ ﻳﺮﺗﺎﺡ ﺷﻮﻳﺔ
- ﻳﻮﺳﻒ ﺑﺨﺒﺚ : ﻣﻤﻢ .. ﺑﺲ ﺍﻟﻈﺎﻫﺮ ﺍﻥ ﻣﺶ ﻛﻞ ﺍﻟﻠﻲ ﺷﻐﺎﻟﻴﻦ ﻓﻲ ﺍﻻﺩﺍﺭﺓ ﺑﻴﻨﺰﻟﻮﺍ ﻫﻨﺎ
- ﻣﻬﺎ : ﺗﻘﺼﺪ ﻣﻴﻦ ؟؟
- ﻳﻮﺳﻒ : ﻳﻌﻨﻲ ﺍﻷﺳﺘﺎﺫ ﺻﻼﺡ ﺃﻭ ﺁﺁﺁ ....
- ﻣﻬﺎ : ﻧﺪﻯ ؟؟ ﻷﻷﻷ .. ﺩﻱ ﻉ ﻃﻮﻝ ﺑﺘﻴﺠﻲ ﻓﻲ ﻭﻗﺖ ﺍﻟﺒﺮﻳﻚ ﻫﻨﺎ ، ﺩﻱ ﻛﻤﺎﻥ ﻛﺎﻧﺖ ﺳﺎﻋﺎﺕ ﺑﺘﺠﻴﺐ ﻣﻌﺎﻫﺎ ﻛﺘﺎﺏ ﻭﻻ ﺭﻭﺍﻳﺔ ﺗﻘﺮﺍﻫﻢ
- ﻳﻮﺳﻒ ﻣﺒﺘﺴﻤﺎً : ﻻ ﻭﺍﻟﻠﻪ
- ﻣﻬﺎ : ﺩﻩ ﺃﻧﺎ ﻋﺎﻭﺯﺓ ﺃﻗﻮﻝ ﻟﺤﻀﺮﺗﻚ ﺃﻧﻬﺎ ﺑﺘﻌﺸﻖ ﺍﻟﻜﺘﺐ ﺃﻭﻱ .. ﺍﻭﻭﻭﻑ .. ﺩﻭﺩﺓ ﻗﺮﺍﻳﺔ ﺯﻱ ﻣﺎ ﺑﻴﻘﻮﻟﻮﺍ
- ﻳﻮﺳﻒ ﻓﻲ ﻧﻔﺴﻪ : ﻟﺴﻪ ﻣﺤﺎﻓﻈﺔ ﻉ ﻫﻮﺍﻳﺘﻬﺎ ، ﺩﻩ ﺃﻧﺎ ﻛﻨﺖ ﻣﻔﻜﺮ ﺃﻧﻬﺎ ﻧﺴﻴﺖ ﺍﻟﺤﻜﺎﻳﺔ ﺩﻱ ..
ﻇﻞ ﻳﻮﺳﻒ ﻳﻌﺒﺚ ﺑﺎﻟﻄﻌﺎﻡ ﺑﺎﻟﻤﻠﻌﻘﺔ ، ﻭﻟﻢ ﻳﺘﺬﻭﻕ ﻣﻨﻪ ﺇﻻ ﺍﻟﻘﻠﻴﻞ .. ﻓﻜﺎﻥ ﻧﻈﺮﻩ ﻣﺴﻠﻄﺎً ﻋﻠﻰ ﺑﺎﺏ ﺍﻟﻤﻄﻌﻢ ﻟﻜﻲ ﻳﺮﻯ ﻧﺪﻯ ﻭﻗﻒ ﺩﻟﻮﻓﻬﺎ ﺇﻟﻴﻪ ....
............
ﻗﺎﺭﺑﺖ ﺍﻟﺴﺎﻋﺔ ﻋﻠﻰ ﺍﻻﻧﺘﻬﺎﺀ ﻭﻟﻢ ﺗﺤﻀﺮ ﻧﺪﻯ ، ﺷﻌﺮ ﻳﻮﺳﻒ ﺑﺎﻟﻀﻴﻖ ، ﻷﻧﻬﺎ ﻟﻢ ﺗﺄﺗﻲ ﻛﻤﺎ ﺃﺑﻠﻐﺘﻪ ﻣﻬﺎ ، ﻭﻟﻢ ﻳﻨﻞ ﻣﻦ ﺗﻠﻚ ﺍﻟﺮﺍﺣﺔ ﺇﻻ ﺍﻹﺻﺎﺑﺔ ﺑﺎﻟﺼﺪﺍﻉ ﻣﻦ ﺣﺪﻳﺚ ﻣﻬﺎ ﺍﻟﻤﺘﺼﻞ ﻓﻲ ﺃﻣﻮﺭ ﻋﺎﻣﺔ ﻭﺗﺎﻓﻬﺔ .. ﻭﻟﻜﻨﻪ ﻛﺎﻥ ﻳﻜﺘﻔﻲ ﻓﻘﻂ ﺑﺎﻟﺘﻌﻠﻴﻖ ﻛﻞ ﻓﺘﺮﺓ ﺣﺘﻰ ﻻ ﺗﺸﻌﺮ ﻫﻲ ﺃﻧﻪ ﻗﺪ ﺿﺠﺮ ﻣﻦ ﺣﺪﻳﺜﻬﺎ ﺍﻟﻔﺎﺭﻍ ...
ﻧﻈﺮ ﻳﻮﺳﻒ ﻓﻲ ﺳﺎﻋﺔ ﻳﺪﻩ ، ﺛﻢ ﻧﻬﺾ ﻋﻦ ﺍﻟﻄﺎﻭﻟﺔ ﻭ ...
- ﻣﻬﺎ ﺑﺎﺳﺘﻐﺮﺍﺏ : ﺩﻩ .. ﺩﻩ ﻟﺴﻪ ﺑﺪﺭﻱ
- ﻳﻮﺳﻒ : ﻳﺪﻭﺏ ﺃﻟﺤﻖ ﺃﻃﻠﻊ ﺍﻟﻤﻜﺘﺐ
- ﻣﻬﺎ : ﺩﻩ ﺍﻧﺖ ﺣﺘﻰ ﻣﻜﻤﻠﺘﺶ ﺍﻛﻞ
ﻭﻳﺒﺪﻭ ﺃﻥ ﻋﺒﺎﺭﺓ ﻣﻬﺎ ﺍﻷﺧﻴﺮﺓ ﻗﺪ ﺃﺷﻌﻠﺖ ﻓﻜﺮﺓ ﻣﺎ ﺑﺮﺃﺳﻪ ...
- ﻳﻮﺳﻒ ﻭﻗﺪ ﻧﻈﺮ ﻟﻠﺼﻴﻨﻴﺔ : ﻫــﻪ .. ﺁﺁﺁﺁ .. ﻫﺒﻘﻰ ﺃﻛﻤﻞ ﻓﻮﻕ ، ﻳﺎﻻ ﺃﺷﻮﻓﻚ ﺑﻌﺪﻳﻦ
ﺣﻤﻞ ﻳﻮﺳﻒ ﺻﻨﻴﺔ ﺍﻟﻄﻌﺎﻡ ﻣﻌﻪ ، ﻭﺩﻟﻒ ﺧﺎﺭﺝ ﻣﻄﻌﻢ ﺍﻟﺸﺮﻛﺔ ﻭﻫﻮ ﻳﺘﺠﻪ ﺑﻨﻈﺮﻩ ﺇﻟﻰ ﺍﻷﻋﻠﻰ ...
- ﻳﻮﺳﻒ ﺑﺼﻮﺕ ﺧﺎﻓﺖ ﻭﻫﻮ ﻳﺒﺘﺴﻢ : ﻟﻮ ﻣﺶ ﻋﺎﻭﺯﺓ ﺗﺎﻛﻠﻲ ﻋﺸﺎﻥ ﺃﻧﺎ ﻣﻮﺟﻮﺩ ، ﻳﺒﻘﻰ ﺃﺟﻴﺒﻠﻚ ﺍﻷﻛﻞ ﻟﺤﺪ ﻋﻨﺪﻙ !....
...........................
ﻓﻲ ﻣﻨﺰﻝ ﻣﺮﻭﺍﻥ ﺑﺎﻟﺘﺠﻤﻊ ﺍﻟﺨﺎﻣﺲ ،،،
ﺍﻧﺘﻬﺖ ﻧﻴﺮﺓ ﻣﻦ ﺗﻨﻈﻴﻒ ﺍﻟﺴﺠﺎﺩﺓ ﻣﻦ ﺍﻟﻐﺒﺎﺭ ﻭﺍﻷﺗﺮﺑﺔ ﺍﻟﻌﺎﻟﻘﺔ ﺑﻬﺎ ، ﻃﺮﻗﺖ ﺑﻴﺪﻫﺎ ﻋﻠﻰ ﺑﺎﺏ ﺍﻟﺸﺮﻓﺔ ﺍﻟﺰﺟﺎﺟﻲ ﻋﺪﺓ ﻃﺮﻗﺎﺕ ﻋﺎﻟﻴﺔ ، ﻓﺠﺎﺀ ﺇﻟﻴﻬﺎ ﻣﺮﻭﺍﻥ ، ﻇﻞ ﻭﺍﻗﻔﺎً ﻳﻨﻈﺮ ﻟﻬﺎ ﻣﻦ ﺧﻠﻒ ﺍﻟﺒﺎﺏ ﺍﻟﺰﺟﺎﺟﻲ ، ﻓﺄﺷﺎﺭﺕ ﻟﻪ ﺃﻧﻬﺎ ﺍﻧﺘﻬﺖ ﻣﻦ ﺗﻨﻔﻴﻀﻬﺎ ..
ﻓﺘﺢ ﻟﻬﺎ ﻣﺮﻭﺍﻥ ﺍﻟﺒﺎﺏ .. ﻧﻈﺮ ﺇﻟﻴﻬﺎ ﺑﺘﻤﻌﻦ ﺛﻢ ﻓﺠﺄﺓ ﻋﻠﺖ ﻗﻬﻘﺎﺗﻪ ﻭﺿﺤﻜﺎﺗﻪ ﻋﻠﻰ ﻫﻴﺌﺘﻬﺎ ﺍﻟﻐﺮﻳﺒﺔ .. ﻓﻘﺪ ﻛﺎﻥ ﻭﺟﻪ ﻧﻴﺮﺓ ﻭﺷﻌﺮﻫﺎ ﻭﺟﺒﻴﻨﻬﺎ ﻣﻐﻄﻰ ﺑﺎﻟﺘﺮﺍﺏ ، ﺇﻻ ﻣﻦ ﺑﻌﺾ ﺍﻟﻤﻨﺎﻃﻖ ﺣﻴﺚ ﻛﺎﻧﺖ ﺗﻤﺴﺢ ﺍﻟﻌﺮﻕ ﻋﻦ ﻭﺟﻬﻬﺎ ﺑﻴﺪﻫﺎ ﻓﻴﺘﺠﻤﻊ ﺍﻟﺘﺮﺍﺏ ﻓﻲ ﺟﺎﻧﺐ ، ﻭﻳﺨﻒ ﻓﻲ ﺟﺎﻧﺐ ﺃﺧﺮ ...
- ﻧﻴﺮﺓ ﺑﻀﻴﻖ : ﺑﺘﻀﺤﻚ ﻉ ﺍﻳﻪ
- ﻣﺮﻭﺍﻥ : ﻫﻬﻬﻬﻬﻬﻬﻬﻬﻬﻬﻬﻪ ، ﻉ ﻣﻨﻈﺮﻙ ، ﺷﻜﻠﻚ ﺭﻫﻴﺐ ، ﻫﻬﻬﻬﻬﻬﻬﻬﻬﻬﻬﻪ ، ﻷ ﻭﻃﻠﻌﻠﻚ ﺷﻨﺐ ﻭﺳﻮﺍﻟﻒ .. ﻧﺎﻗﺼﻚ ﺑﺲ ﺩﻗﻦ ﻭﺗﺒﻘﻲ ﺷﺒﻪ ﺍﻟﺮﺟﺎﻟﺔ
ﻧﻈﺮﺕ ﻧﻴﺮﺓ ﺇﻟﻰ ﻭﺟﻬﻬﺎ ﻓﻲ ﺍﻟﻤﺮﺁﺓ ﺍﻟﻌﺎﻛﺴﺔ ، ﻭﺗﻔﺎﺟﺌﺖ ﺑﻬﻴﺌﺘﻬﺎ ﺍﻟﻤﺰﺭﻳﺔ
- ﻧﻴﺮﺓ ﺑﺼﺪﻣﺔ : ﺍﻳﻴﻴﻴﻪ ﺩﻩ
- ﻣﺮﻭﺍﻥ : ﻫﻬﻬﻬﻬﻬﻬﻬﻬﻬﻬﻬﻬﻪ
- ﻧﻴﺮﺓ ﺑﻀﻴﻖ : ﺑﺘﺘﺮﻳﻖ ﻋﻠﻴﺎ ﻭﺃﻧﺎ ﻃﺎﻟﻊ ﻋﻴﻨﻲ ﻓﻲ ﺗﻨﻔﻴﻀﻬﺎ
- ﻣﺮﻭﺍﻥ ﻭﻫﻮ ﻳﺸﻴﺮ ﺑﻴﺪﻩ : ﺳﻮﻭﻭﺭﻱ .. ﺑﺲ ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻪ ﺷﻜﻠﻚ ﻳﻔﻄﺲ
- ﻧﻴﺮﺓ ﺑﻐﻞ : ﺑﻄﻞ ﺑﻘﻰ
- ﻣﺮﻭﺍﻥ : ﺧﻼﺹ ، ﻣﺎﺗﺰﺭﺯﺭﻳﺶ ، ﻳﺎﻻ ﻋﺸﺎﻥ ﺗﻜﻤﻠﻲ ﺍﻟﺒﺎﻗﻲ
- ﻧﻴﺮﺓ : ﻫﻮ ﻟﺴﻪ ﻓﻲ ﺑﺎﻗﻲ
- ﻣﺮﻭﺍﻥ : ﻃﺒﻌﺎً .. ﺩﻩ ﺃﻧﺎ ﻫﺎﻧﻔﺨﻚ
- ﻧﻴﺮﺓ : ﻷﻷﻷ ... ﺣﺮﺍﻡ
......................................
ﺍﺿﻄﺮﺕ ﻧﻴﺮﺓ ﺃﻥ ﺗﻌﻴﺪ ﺗﻨﻈﻴﻒ ﺍﻟﻤﻨﺰﻝ ﻣﺮﺓ ﺃﺧﺮﻯ ، ﻭﺗﻠﻚ ﺍﻟﻤﺮﺓ ﺑﺎﺷﺮﺍﻑ ﻣﺒﺎﺷﺮ ﻣﻦ ﻣﺮﻭﺍﻥ ﺍﻟﺬﻱ ﻟﻢ ﻳﺪﺧﺮ ﻭﺳﻌﻪ ﻓﻲ ﺍﺭﻫﺎﻗﻬﺎ ﺣﺘﻰ ﻳﺘﺄﻛﺪ ﻣﻦ ﻧﻈﺎﻓﺔ ﻛﻞ ﺷﻲﺀ ﻭﺗﺮﺗﻴﺒﻪ ﻓﻲ ﻣﻜﺎﻧﻪ ....
ﻛﺎﺩﺕ ﻧﻴﺮﺓ ﺃﻥ ﺗﻤﻮﺕ ﻣﻦ ﺍﻟﺘﻌﺐ ، ﻭﻟﻜﻦ ﺭﻏﻢ ﻫﺬﺍ ﺃﺗﻤﺖ ﻛﻞ ﺷﻲﺀ ﻋﻠﻰ ﻣﻀﺾ ﻭ ..
- ﻧﻴﺮﺓ ﻭﺍﻻﺭﻫﺎﻕ ﺑﺎﺩﻳﺎً ﻋﻠﻰ ﻭﺟﻬﻬﺎ : ﻛﺪﻩ ﺗﻤﺎﻡ
- ﻣﺮﻭﺍﻥ : ﻣﻤﻤﻢ ... ﻣﺶ ﺑﻄﺎﻝ
- ﻧﻴﺮﺓ : ﻫﻮ ﺍﻳﻪ ﺍﻟﻠﻲ ﻣﺶ ﺑﻄﺎﻝ ، ﺩﻩ ﺃﻧﺎ ﻭﺳﻄﻲ ﺍﺗﻬﺮﻯ ﻣﻦ ﻛﺘﺮ ﺍﻟﺘﻮﻃﻴﺔ ﻭﺍﻟﻜﻨﺲ ﻭﺍﻟﻤﺴﺢ ﻭﺍﻟﺘﻨﻔﻴﺾ
- ﻣﺮﻭﺍﻥ : ﺑﻜﺮﺓ ﺗﺘﻌﻮﺩﻱ ، ﻭﺗﺒﻘﻲ ﻟﻬﻠﻮﺑﺔ
- ﻧﻴﺮﺓ : ﺁﺁﺁﺁﻩ
- ﻣﺮﻭﺍﻥ : ﻛﻔﺎﻳﺔ ﻋﻠﻴﻜﻲ ﻛﺪﻩ ﺍﻟﻨﻬﺎﺭﺩﺓ .. ﺭﻭﺣﻲ ﺑﻘﻰ ﺟﻬﺰﻳﻠﻨﺎ ﻋﺸﺎ ﺣﻠﻮ
- ﻧﻴﺮﺓ : ﺍﻳﻴﻴﻪ ﺩﻩ ﻫﻮ ﺃﻧﺎ ﻫﺎﻃﺒﺦ ﻛﻤﺎﻥ ؟؟؟ ﻷﻷﻷ .. ﺍﺣﻨﺎ ﻣﺘﻔﻘﻨﺎﺵ ﻉ ﻛﺪﻩ
- ﻣﺮﻭﺍﻥ : ﻣﺎﻫﻮ ﺣﻜﺎﻳﺔ ﺍﻟﺪﻳﻠﻔﺮﻱ ﺩﻱ ﺧﻼﺹ ﺍﻧﺘﻬﺖ ﻭﺭﺍﺣﺖ ﻟﺤﺎﻟﻬﺎ ، ﻛﺎﻧﺖ ﺃﻳﺎﺍﺍﺍﺍﺍﻩ ﻭﻭﻟﺖ .. ﺩﻟﻮﻗﺘﻲ ﺃﻧﺎ ﻋﺎﻭﺯ ﺃﺩﻭﻕ ﺍﻟﻄﺒﻴﺦ ﺍﻟﻤﻨﺰﻟﻲ ... ﻭﻳﺎ ﺳﻼﻡ ﻟﻮ ﻣﻦ ﺍﻳﺪﻙ
- ﻧﻴﺮﺓ ﺑﺘﺮﺩﺩ : ﺑﺲ ﺁﺁﺁﺁ ...
- ﻣﺮﻭﺍﻥ ﺑﺄﻋﻴﻦ ﻣﺤﺬﺭﺓ : ﻧﻌﻢ ؟؟؟؟ ﻋﻨﺪﻙ ﺍﻋﺘﺮﺍﺽ ؟؟؟
- ﻧﻴﺮﺓ : ﻷﻷﻷ ، ﺣﺎﺿﺮ
- ﻣﺮﻭﺍﻥ : ﺃﻩ ﺑﺤﺴﺐ .. ﻭﻳﺎ ﺭﻳﺖ ﺗﻐﺴﻠﻲ ﺍﻳﺪﻙ ﻛﻮﻳﺲ ﻗﺒﻞ ﻣﺎ ﺗﻠﻤﺴﻲ ﺍﻷﻛﻞ .. ﺍﻧﺘﻲ ﻋﺎﺭﻓﺔ ﻋﺸﺎﻥ ﺍﻟﻤﻴﻜﺮﻭﺑﺎﺕ ﻭﺍﻟﺠﺮﺍﺛﻴﻢ ، ﻭﺃﻧﺎ ﺭﺍﺟﻞ ﺭﻳﺎﺿﻲ ﺑﺤﺐ ﺃﺣﺎﻓﻆ ﻉ ﺻﺤﺘﻲ
- ﻧﻴﺮﺓ ﺑﻮﺟﻪ ﻣﻤﺘﻌﺾ : ﺍﻭﻭﻭﻭﻑ
- ﻣﺮﻭﺍﻥ : ﻭﺍﺿﺢ ﻣﻦ ﺗﻌﺒﻴﺮﺍﺕ ﻭﺷﻚ ﺃﻧﻚ ﻫﺘﻔﺎﺟﺌﻴﻨﻲ ﺻﺢ ؟
- ﻧﻴﺮﺓ : ﺩﻩ ﺃﻧﺖ ﻫﺘﺘﺼﺪﻡ
- ﻣﺮﻭﺍﻥ ﻭﻫﻮ ﻳﺒﺘﻌﺪ ﻋﻨﻬﺎ ﻭﻣﺤﺎﻭﻻً ﺇﻏﺎﻇﺘﻬﺎ : ﻃﺐ ﻳﺎﻻ ... ﺃﻧﺎ ﻫﺮﻳﺢ ﻉ ﺍﻟﻜﻨﺒﺔ ﺩﻱ ﺗﻜﻮﻧﻲ ﺟﻬﺰﺗﻲ ﺍﻷﻛﻞ ، ﻷﺣﺴﻦ ﺟﺴﻤﻲ ﺗﻘﻞ ﻣﻦ ﻛﺘﺮ ﺍﻟﺮﺍﺣﺔ ، ﻓﻤﺘﺘﺄﺧﺮﻳﺶ !
ﺳﺎﺭﺕ ﻧﻴﺮﺓ ﻧﺤﻮ ﺍﻟﻤﻄﺒﺦ ﻭﻫﻲ ﺗﻬﻤﻬﻢ ﻭﺗﺴﺐ ﺑﺼﻮﺕ ﺧﺎﻓﺖ ، ﻭﻟﻜﻨﻬﺎ ﺃﺩﺭﻛﺖ ﺷﻴﺌﺎً ﻟﻠﺘﻮ ﻓﺘﺴﻤﺮﺕ ﻓﻲ ﻣﻜﺎﻧﻬﺎ ، ﻭﻧﻈﺮﺕ ﺃﻣﺎﻣﻬﺎ ﻓﻲ ﺻﺪﻣﺔ ﻭ ....
ﻧﻴﺮﺓ ﻓﻲ ﻧﻔﺴﻬﺎ : ﺩﻩ .. ﺩﻩ ﺃﻧﺎ ﻣﺒﻌﺮﻓﺶ ﺃﻃﺒﺦ ، ﻫﺎﻋﻤﻠﻪ ﺍﻳﻪ ﺩﻩ