ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،
ﺍﻃﻤﺌﻦ ﻣﺮﻭﺍﻥ ﻋﻠﻰ ﻧﻴﺮﺓ ﺛﻢ ﺍﺳﺘﺄﺫﻥ ﺑﺎﻻﻧﺼﺮﺍﻑ ﻣﻦ ﻏﺮﻓﺘﻬﺎ ..
ﺩﻟﻔﺖ ﻓﺎﻃﻴﻤﺎ ﺧﻠﻔﻬﻤﺎ ﻭﺍﺭﺗﻤﺖ ﻫﻲ ﺍﻷﺧﺮﻯ ﻋﻠﻰ ﻓﺮﺍﺷﻬﺎ ﻭﻟﻮﺣﺖ ﺑﻴﺪﻫﺎ ﻟﻤﺮﻭﺍﻥ ﻗﺒﻞ ﺃﻥ ﺗﻐﻔﻮ ﻭ ..
- ﻓﺎﻃﻴﻤﺎ ﺑﺼﻮﺕ ﻧﺎﻋﺲ : ﺑﺎﻱ ﻳﺎ ﻣﺮﻭﺍﻥ
- ﻣﺮﻭﺍﻥ : ﺑﺎﻱ ﺑﺎﻱ ﻳﺎ ﻃﻤﻄﻢ
ﻓﻲ ﻧﻔﺲ ﺍﻟﻮﻗﺖ ﻛﺎﻥ ﻳﻮﺳﻒ ﻳﺘﺤﺪﺙ ﻣﻊ ﺍﻷﺳﺘﺎﺫ ﺻﻼﺡ ﻭﻳﻘﺺ ﻟﻪ ﻣﺎ ﺣﺪﺙ ﺑﺎﺧﺘﺼﺎﺭ ، ﺍﻋﺘﻠﺖ ﺍﻟﺪﻫﺸﺔ ﻭﺍﻟﺼﺪﻣﺔ ﻭﺟﻪ ﺻﻼﺡ ﺍﻟﺬﻱ ﻟﻢ ﻳﺘﺨﻴﻞ ﺃﻥ ﺍﺑﻨﺘﻪ ﻣﺮﺕ ﺑﺘﻠﻚ ﺍﻟﺘﺠﺮﺑﺔ ﺍﻟﻘﺎﺳﻴﺔ ﺑﻤﻔﺮﺩﻫﺎ ﻭ ..
- ﻳﻮﺳﻒ : ﺍﻵﻧﺴﺔ ﻧﺪﻯ ﺍﻧﻔﺼﻠﺖ ﻋﻦ ﺍﻟﻠﻲ ﺍﺳﻤﻪ ﻋﻼﺀ ﺩﻩ
- ﺻﻼﺡ : ﻧﻌﻢ ؟؟ ﺍﻧﻔﺼﻠﺖ
- ﻳﻮﺳﻒ : ﺍﻳﻮﻩ ، ﺍﻟﻜﻠﺐ ﻛﺎﻥ ﻋﺎﻭﺯ ﻳﻌﺘﺪﻱ ﻋﻠﻴﻬﺎ ﻓﻲ ﺍﻟﺒﺎﺹ ﻭﺃﻧﺎ ﺍﺩﺧﻠﺖ ﻭﻣﻨﻌﺘﻪ
- ﺻﻼﺡ ﺑﺼﺪﻣﺔ : ﺍﻳﻴﻴﻪ ؟؟ ﻳﻌﺘﺪﻱ ﻋﻠﻴﻬﺎ ؟؟ ﺍﻟﻮﺍﻃﻲ ﺍﻟﺤﻴﻮﺍﻥ ﺍﻟـ *****
- ﻳﻮﺳﻒ : ﻣﺘﻘﻠﻘﺶ ﺣﻀﺮﺗﻚ ﺍﺣﻨﺎ ﻇﺒﻄﻨﺎﻩ
- ﺻﻼﺡ ﺑﻀﻴﻖ : ﻭﺍﺯﺍﻱ ﻣﺤﺪﺵ ﺑﻠﻐﻨﻲ ﺑﺎﻟﻠﻲ ﺣﺼﻞ ﺩﻩ ؟؟ﻫﻮ ﺃﻧﺎ ﺃﺧﺮ ﻣﻦ ﻳﻌﻠﻢ ﺑﺎﻟﻠﻲ ﺣﺼﻞ ﻣﻊ ﺑﻨﺘﻲ
- ﻳﻮﺳﻒ ﻣﺤﺎﻭﻻً ﺗﻬﺪﺋﺘﻪ : ﻷ ﻣﺶ ﻛﺪﻩ ﻭﺍﻟﻠﻪ ، ﺍﺣﻨﺎ ﺑﺲ ﻣﻜﻮﻧﺎﺵ ﻋﺎﻭﺯﻳﻦ ﻧﻘﻠﻖ ﺣﻀﺮﺗﻚ
- ﺻﻼﺡ : ﻧﻌﻢ ؟؟ ﺗﻘﻠﻘﻨﻲ ؟؟ ﺩﻱ ﺑﻨﺘﻲ ﻣﺶ ﺣﺪ ﻏﺮﻳﺐ
- ﻳﻮﺳﻒ : ﺍﻫﺪﻯ ﻳﺎ ﺍﺳﺘﺎﺫ ﺻﻼﺡ .. ﻫﻲ ﻭﺍﻟﻠﻪ ﺑﺨﻴﺮ ، ﻭﺍﻧﺖ ﺷﻮﻓﺘﻬﺎ ﺑﻨﻔﺴﻚ
- ﺻﻼﺡ : ﻗﺴﻤﺎً ﺑﺎﻟﻠﻪ ﻣﺎ ﺳﺎﻳﺒﻪ ، ﻫﻮ ﻣﻔﻜﺮﻧﻲ ﺍﻳﻪ ؟؟ ﺩﻱ ﻧﺪﻯ ﻣﺶ ﺍﻱ ﺣﺪ ... ﺃﻧﺎ ﻣﻦ ﺍﻷﻭﻝ ﻣﻜﻮﻧﺘﺶ ﻣﻮﺍﻓﻖ ﻉ ﺍﻟﺠﻮﺍﺯﺓ ﺩﻱ ، ﺑﺲ ﺃﻣﻬﺎ ﺍﻟﻠﻲ ﺻﻤﻤﺖ
ﺳﻜﺖ ﻳﻮﺳﻒ ﻟﺒﺮﻫﺔ ﻣﻦ ﺍﻟﻮﻗﺖ ﻟﻴﻔﻜﺮ ﺑﺸﺄﻥ ﻣﻔﺎﺗﺤﺔ ﺍﻷﺳﺘﺎﺫ ﺻﻼﺡ ﺑﺸﺄﻥ ﺍﺭﺗﺒﺎﻃﻪ ﺑﻨﺪﻯ ، ﻭﻟﻜﻨﻪ ﺣﺴﻢ ﺍﻷﻣﺮ ﺑــ ...
- ﻳﻮﺳﻒ ﺑﺘﺮﺩﺩ : ﺍﺳﺘﺎﺫ ﺻﻼﺡ ... ﺁﺁﺁ ... ﺃﻧﺎ .. ﺃﻧﺎ ﻋﺎﺭﻑ ﺍﻥ ﺩﻩ ﻣﺶ ﻭﻗﺘﻪ ، ﺑﺲ ... ﺑﺲ ﺃﻧﺎ ﻛﻨﺖ ... ﺁﺁﺁ .. ﻛﻨﺖ ﻋﺎﻭﺯ ﺍﻃﻠﺐ ﺍﻳﺪ ﻧﺪﻯ ﺑﻨﺘﻚ
- ﺻﻼﺡ : ﺍﻧﺖ ﻛﻤﺎﻥ ؟؟
- ﻳﻮﺳﻒ ﺑﻌﺪﻡ ﻓﻬﻢ : ﻣﺶ ﻓﺎﻫﻢ ﺣﻀﺮﺗﻚ ؟ ﻳﻌﻨﻲ ﺍﻳﻪ ﺃﻧﺎ ﻛﻤﺎﻥ ؟؟؟؟
ﺧﺮﺝ ﻣﺮﻭﺍﻥ ﻣﻦ ﺍﻟﻐﺮﻓﺔ ﻓﺎﺳﺘﻤﻊ ﺇﻟﻰ ﺍﻟﺠﺰﺀ ﺍﻷﺧﻴﺮ ﻣﻦ ﺍﻟﺤﻮﺍﺭ ﺍﻟﺪﺍﺋﺮ ﺑﻴﻦ ﻳﻮﺳﻒ ﻭﺍﻻﺳﺘﺎﺫ ﺻﻼﺡ ، ﻓﻌﻠﻖ ﻋﻠﻰ ﻛﻼﻣﻬﻢ ﺑـ ...
- ﻣﺮﻭﺍﻥ : ﻫﻮ ﻳﻘﺼﺪﻧﻲ ﺃﻧﺎ
- ﻳﻮﺳﻒ ﻭﻗﺪ ﺍﻟﺘﻔﺖ ﺍﻟﻴﻪ : ﺍﻧﺖ
- ﻣﺮﻭﺍﻥ : ﺃﺻﻞ ﺃﻧﺎ ﺍﻟﺼﺒﺤﻴﺔ ﻃﻠﺒﺖ ﺍﻳﺪ ﻧﻴﺮﺓ
- ﺻﻼﺡ : ﺃﻧﺎ ﻣﺶ ﻋﺎﺭﻑ ﺃﻗﻮﻟﻜﻢ ﺍﻳﻪ ، ﺑﺲ ﺩﻩ ﻻ ﺍﻟﻈﺮﻑ ﺍﻟﻤﻨﺎﺳﺐ ﻭﻻ ﺣﺘﻰ ﺍﻟﻮﻗﺖ ﺍﻟﻤﻨﺎﺳﺐ ﻟﻄﻠﺒﺎﺗﻜﻢ ﺩﻱ ، ﻭﺍﻋﺬﺭﻭﻧﻲ ﺃﻧﺎ ﻣﺤﺘﺎﺝ ﺃﻃﻤﻦ ﻉ ﺑﻨﺎﺗﻲ ﻭﺃﺷﻮﻑ ﺣﺎﻟﻬﻢ !..
- ﻣﺮﻭﺍﻥ : ﺑﺲ ﻧﻴﺮﺓ ﺗﻌﺒﺎﻧﺔ ﺟﻮﺍ ﻭﺁﺁﺁ ...
- ﺻﻼﺡ ﻣﻘﺎﻃﻌﺎً : ﺃﻧﺎ ﻫﺘﺼﺮﻑ ، ﺩﻱ ﺑﻨﺘﻲ ﻭﻫﻌﺮﻑ ﺍﻃﻤﻦ ﻋﻠﻴﻬﺎ ﺑﻨﻔﺴﻲ
- ﻳﻮﺳﻒ ﻭﻫﻮ ﻳﻀﻊ ﻳﺪﻩ ﻉ ﻛﺘﻒ ﻣﺮﻭﺍﻥ : ﻳﺎﻻ ﻳﺎ ﻣﺮﻭﺍﻥ
- ﺻﻼﺡ ﺑﺎﻗﺘﻀﺎﺏ : ﺷﺮﻓﺘﻮﺍ
- ﻣﺮﻭﺍﻥ : ﺗﺼﺒﺤﻮﺍ ﻉ ﺧﻴﺮ
- ﺻﻼﺡ : ﻭﺍﻧﺖ ﻣﻦ ﺍﻫﻠﻪ
ﺍﻧﺼﺮﻑ ﻳﻮﺳﻒ ﻭﻣﺮﻭﺍﻥ ﻣﻦ ﻣﻨﺰﻝ ﺍﻷﺳﺘﺎﺫ ﺻﻼﺡ ..
ﺑﻴﻨﻤﺎ ﺃﺳﺮﻉ ﺻﻼﺡ ﻟﻐﺮﻓﺘﻪ ﻟﻜﻲ ﻳﻮﻗﻆ ﺯﻭﺟﺘﻪ ﺍﻟﺘﻲ ﻛﺎﻧﺖ ﺗﻐﻂ ﻓﻲ ﺳﺒﺎﺕ ﻋﻤﻴﻖ ﻭ ..
- ﺻﻼﺡ : ﺍﺻﺤﻲ ﻳﺎ ﺯﻳﻨﺐ ﺑﻨﺎﺗﻚ ﺭﺟﻌﻮﺍ ﺑﺎﻟﺴﻼﻣﺔ
- ﺯﻳﻨﺐ ﺑﺼﻮﺕ ﻧﺎﻋﺲ : ﻃﺐ ﺍﻟﺤﻤﺪ ﻟﻠﻪ
- ﺻﻼﺡ : ﻓﻮﻗﻴﻠﻲ ﻛﺪﻩ ﻳﺎ ﺯﻳﻨﺐ ، ﺍﻟﺒﺖ ﻧﻴﺮﺓ ﺗﻌﺒﺎﻧﺔ ﺟﺪﺍ ﻭﻧﺪﻯ ﻓﺮﻛﺸﺖ ﺧﻄﻮﺑﺘﻬﺎ
- ﺯﻳﻨﺐ ﻭﻗﺪ ﺟﺤﻈﺖ ﻋﻴﻨﻴﻬﺎ ﻣﻦ ﺍﻟﻜﻼﻡ : ﺑﺘﻘﻮﻝ ﺍﻳﻴﻴﻴﻪ ؟؟
ﻧﻬﻀﺖ ﺯﻳﻨﺐ ﻣﻦ ﻧﻮﻣﺘﻬﺎ ، ﻭﺍﻋﺘﺪﻟﺖ ﻓﻲ ﺍﻟﻔﺮﺍﺵ ﻟﺘﺘﻠﻘﻰ ﺍﻟﺼﺪﻣﺔ ﺍﻟﺘﻲ ﺃﺧﺒﺮﻫﺎ ﺻﻼﺡ ﺑﻬﺎ ﻭ ..
- ﺻﻼﺡ : ﺯﻱ ﻣﺎ ﺳﻤﻌﺘﻲ
- ﺯﻳﻨﺐ : ﻳﻌﻨﻲ ﺍﻳﻪ ؟؟؟ ﺃﻧﺎ ﻗﺎﻳﻤﺔ ﺃﺷﻮﻑ ﻓﻲ ﺍﻳﻪ
..................
ﺗﻮﺟﻬﺖ ﺯﻳﻨﺐ ﻟﻐﺮﻓﺔ ﺑﻨﺎﺗﻬﺎ ، ﻭﺑﺎﻟﻔﻌﻞ ﺃﺧﺒﺮﺗﻬﺎ ﻧﺪﻯ ﺑﻜﻞ ﻣﺎ ﺣﺪﺙ ﻣﻌﻬﺎ ﺑﻌﺪ ﺃﻥ ﻗﺎﻣﺖ ﺑﻌﻤﻞ ﻛﻤﺎﺩﺍﺕ ﻣﻴﺎﻩ ﺑﺎﺭﺩﺓ ﻟﻨﻴﺮﺓ ، ﻭﺍﻋﻄﺎﻫﺎ ﺟﺮﻋﺔ ﺩﻭﺍﺀ ﻭﺧﺎﻓﺾ ﻟﻠﺤﺮﺍﺭﺓ ...
ﺃﺻﺎﺏ ﺯﻳﻨﺐ ﺍﻟﺤﺰﻥ ﺑﻌﺪﻣﺎ ﻋﻠﻤﺖ ﺑﻤﺎ ﺻﺎﺭ ﺧﻼﻝ ﺍﻟﺮﺣﻠﺔ ، ﺣﺎﻭﻟﺖ ﻧﺪﻯ ﺍﻟﺘﻬﻮﻳﻦ ﻋﻠﻴﻬﺎ ﻭ ..
- ﻧﺪﻯ ﻭﻫﻲ ﺗﺮﺑﺖ ﻋﻠﻰ ﻛﺘﻒ ﻭﺍﻟﺪﺗﻬﺎ : ﺍﻟﺤﻤﺪﻟﻠﻪ ﻳﺎ ﻣﺎﻣﺎ ﺍﻧﻬﺎ ﺟﺖ ﻉ ﺃﺩ ﻛﺪﻩ
- ﺯﻳﻨﺐ ﺑﻨﺒﺮﺓ ﺣﺰﻥ : ﺍﻟﺤﻤﺪﻟﻠﻪ
- ﻧﺪﻯ ﻣﻜﻤﻠﺔ : ﻣﺤﺪﺵ ﻋﺎﺭﻑ ﻛﺎﻥ ﻣﻤﻜﻦ ﻳﺠﺮﺍﻟﻲ ﺍﻳﻪ ﻟﻮ ﻛﻨﺖ ﻛﻤﻠﺖ ﻣﻌﺎﻩ ﻭﻻ ﺑﻘﻴﺖ ﻣﺮﺍﺗﻪ ﺣﺘﻰ ، ﺩﻩ ﺍﻧﺴﺎﻥ ﻣﺶ ﻃﺒﻴﻌﻲ ﺑﺎﻟﻤﺮﺓ
- ﺯﻳﻨﺐ ﻭﻫﻲ ﺗﺰﻡ ﺷﻔﺘﻴﻬﺎ : ﻭﻻ ﻛﺎﻥ ﻳﺒﺎﻥ ﻋﻠﻴﻪ ، ﻭﺃﻣﻪ ﺑﺲ ﻋﻤﺎﻟﺔ ﺗﺘﺸﺮﻁ ﻋﻠﻴﻨﺎ ﻭﺗﺘﻔﺮﺩ ﻭﺗﺘﻨﻚ ... ﺗﺮﻭﺡ ﺗﺸﻮﻑ ﺍﺑﻨﻬﺎ ﺍﻷﻭﻝ ﺑﺪﻝ ﻣﺎ ﻛﺎﻧﺖ ﺑﺘﺘﻨﻄﻂ ﻋﻠﻴﻨﺎ
- ﻧﺪﻯ : ﺍﻳﻮﻩ
- ﺯﻳﻨﺐ : ﻛﺎﻧﺖ ﻧﺼﻴﺒﺔ ﺳﻮﺩﺓ ، ﻣﻌﻠﺶ ﻳﺎ ﺑﻨﺘﻲ ﺭﺑﻨﺎ ﻳﻌﻮﺿﻚ ﺑﺎﻷﺣﺴﻦ ﻣﻨﻪ
- ﻧﺪﻯ ﻣﺒﺘﺴﻤﺔ : ﻳﺎ ﺭﺏ
- ﺯﻳﻨﺐ : ﻧﺎﻣﻲ ﺍﻧﺘﻲ ﻳﺎ ﺣﺒﻴﺒﺘﻲ ، ﻭﺍﻟﺼﺒﺎﺡ ﺭﺑﺎﺡ ﺍﻥ ﺷﺎﺀ ﺍﻟﻠﻪ
- ﻧﺪﻯ : ﺣﺎﺿﺮ ﻳﺎ ﻣﺎﻣﺎ ، ﺍﻟﻤﻬﻢ ﺑﺲ ﺍﻧﺘﻲ ﻣﺘﺰﻋﻠﻴﺶ ﻧﻔﺴﻚ
- ﺯﻳﻨﺐ ﻭﻫﻲ ﺗﻤﻂ ﺷﻔﺘﻴﻬﺎ : ﻣﺤﺪﺵ ﻳﺴﺘﺎﻫﻞ ﺃﺯﻋﻞ ﻋﻠﻴﻪ ، ﺭﺑﻨﺎ ﻳﻨﺘﻘﻢ ﻣﻦ ﺍﻟﻠﻲ ﻛﺎﻥ ﺍﻟﺴﺒﺐ ﻭﻭﻗﻌﻨﺎ ﻣﻌﺎﻫﻢ
- ﻧﺪﻯ : ﻧﺼﻴﺒﻨﺎ ، ﻭﺃﻫﻲ ﺗﺠﺮﺑﺔ ﻭﻋﺪﺕ ﺑﺨﻴﺮﻫﺎ ﻭﺷﺮﻫﺎ
- ﺯﻳﻨﺐ : ﺍﻳﻮﻩ ، ﺍﻟﺤﻤﺪﻟﻠﻪ .. ﻗﻮﻣﻲ ﻳﺎﻻ ﻏﻴﺮﻱ ﻫﺪﻭﻣﻚ ﻭﻧﺎﻣﻲ
- ﻧﺪﻯ : ﺣﺎﺿﺮ ﻳﺎ ﻣﺎﻣﺎ ، ﺗﺼﺒﺤﻲ ﻉ ﺧﻴﺮ
- ﺯﻳﻨﺐ : ﻭﺍﻧﺘﻲ ﻣﻦ ﺃﻫﻠﻪ
..........................
ﻓﻲ ﻏﺮﻓﺔ ﻧﻮﻡ ﺻﻼﺡ ﻭﺯﻳﻨﺐ ،،،،
ﻛﺎﻥ ﻋﻘﻞ ﺻﻼﺡ ﻣﺸﻐﻮﻻً ﺑﺎﻟﺘﻔﻜﻴﺮ ﻓﻲ ﻛﻞ ﻣﺎ ﺣﺪﺙ ﻣﻊ ﺍﺑﻨﺘﻴﻪ ﺍﻟﻴﻮﻡ .. ﺣﺎﻭﻟﺖ ﺯﻳﻨﺐ ﺃﻥ ﺗﻬﻮﻥ ﻋﻠﻴﻪ ﻭﻟﻜﻨﻪ ﻛﺎﻥ ﻳﺸﻌﺮ ﺑﺎﻵﺳﻰ ، ﺑﻞ ﻳﻠﻮﻡ ﻧﻔﺴﻪ ﻷﻧﻪ ﺗﺴﺎﻫﻞ ﻣﻊ ﻣﻦ ﻻ ﻳﺴﺘﺤﻖ ﻭ ..
- ﺻﻼﺡ ﺑﺂﺳﻰ : ﺩﻩ ﺃﻧﺎ ﻛﺎﻥ ﻧﺎﻗﺺ ﺃﻋﻤﻠﻪ ﻛﻞ ﺣﺎﺟﺔ ﻋﺸﺎﻥ ﺧﺎﻃﺮ ﺑﻨﺘﻲ ، ﻭﺍﻟﻜﻠﺐ ﺩﻩ ﻣﻴﻘﺪﺭﺵ ﺍﻷﻣﺎﻧﺔ ﺍﻟﻠﻲ ﻣﻌﺎﻩ ﻭﻳﺘﻌﺮﺿﻠﻬﺎ
- ﺯﻳﻨﺐ : ﻭﺍﺩ ﻗﺬﺭ ﻧﺎﻗﺺ ﺭﺑﺎﻳﺔ ، ﺣﻘﻨﺎ ﻧﺮﻭﺡ ﻧﻔﻀﺤﻪ ﻭﻧﻔﺮﺝ ﻋﻠﻴﻪ ﺍﻟﺪﻧﻴﺎ
- ﺻﻼﺡ ﺑﺘﻮﻋﺪ : ﻳﻄﻠﻊ ﺑﺲ ﻋﻠﻴﻨﺎ ﺍﻟﻨﻬﺎﺭ ﻭﻫﺎﺧﻠﻲ ﺍﻟﻠﻲ ﻣﺎ ﻳﺸﺘﺮﻱ ﻳﺘﻔﺮﺝ ﻋﻠﻴﻪ .. ﻣﺶ ﺑﻨﺖ ﺻﻼﺡ ﺍﻟﺪﺳﻮﻗﻲ ﺍﻟﻠﻲ ﻳﺠﻲ ﻭﺍﺣﺪ ﺯﻱ ﺩﻩ ﺟﻤﺒﻬﺎ ﻭﻳﻔﻜﺮ ﻳﻠﻤﺴﻬﺎ ﻏﺼﺐ ﻋﻨﻬﺎ ...... !!!!
- ﺯﻳﻨﺐ : ﺣﻘﻚ ﻳﺎ ﺃﺑﻮ ﺍﻟﺒﻨﺎﺕ
- ﺻﻼﺡ : ﺍﻟﻤﻬﻢ ﻭﺳﻂ ﺩﻩ ﻛﻠﻪ ﻳﺎ ﺯﻳﻨﺐ ﺃﻻﻗﻲ ﺍﻟﺸﺎﺑﻴﻦ ﺍﻟﻠﻲ ﺟﺎﻳﺒﻨﻬﻢ ﻃﺎﻟﺒﻴﻦ ﺍﻳﺪ ﺑﻨﺎﺗﻚ ﺍﻻﺗﻨﻴﻦ
- ﺯﻳﻨﺐ ﺑﺎﺳﺘﻐﺮﺍﺏ : ﺍﻳﻴﻴﻪ ؟؟ ﺷﺎﺑﻴﻦ ﻣﻴﻦ ؟؟ ﻷ ﻓﺎﻫﻤﻨﻲ ﻳﺎ ﺣﺎﺝ ﻣﻦ ﺍﻷﻭﻝ
- ﺻﻼﺡ : ﺑﺼﻲ ﻳﺎ ﺯﻳﻨﺐ ﺁﺁ ..................................... !
...............................
ﻓﻲ ﻓﻴﻼ ﺳﻠﻴﻢ ﺍﻟﻜﻮﻣﻲ ،،،
ﻋﺎﺩ ﻳﻮﺳﻒ ﺇﻟﻰ ﻓﻴﻠﺘﻪ ﺑﻌﺪ ﺃﻥ ﺃﻭﺻﻞ ﻣﺮﻭﺍﻥ ﺇﻟﻰ ﻓﻴﻠﺘﻪ ، ﺻﻌﺪ ﺍﻟﺪﺭﺝ ﻭﺗﻮﺟﻪ ﺇﻟﻰ ﻏﺮﻓﺘﻪ ، ﺛﻢ ﺃﻟﻘﻰ ﺑﻨﻔﺴﻪ ﻋﻠﻰ ﺍﻟﻔﺮﺍﺵ ﻭﻫﻮ ﻳﺘﺬﻛﺮ ﻛﻞ ﺗﻠﻚ ﺍﻟﻠﺤﻈﺎﺕ ﺍﻟﺘﻲ ﻗﻀﺎﻫﺎ ﻣﻊ ﻧﺪﻯ .. ﺑﻠﻰ ﻫﻲ ﻧﺪﻯ ﻗﻠﺒﻪ ﻭﺭﻭﺣﻪ ... ﻫﻲ ﺗﻠﻚ ﺍﻟﺘﻲ ﺍﺳﺘﻄﺎﻋﺖ ﺃﻥ ﺗﻘﺘﺤﻢ ﻋﺎﻟﻤﻪ ﺑﻘﻮﺓ ﻭﺗﻄﻐﻰ ﻋﻠﻴﻪ .. ﻟﻘﺪ ﻣﺴﺖ ﻛﻴﺎﻧﻪ ﺑﺎﻟﻜﺎﻣﻞ ﺑﺮﻗﺘﻬﺎ ﻭﻋﺬﻭﺑﺘﻬﺎ ﻭﻃﺮﻳﻘﺘﻬﺎ ، ﻟﻘﺪ ﺍﻛﺘﻔﻰ ﺑﻮﺟﻮﺩﻫﺎ ﻓﻲ ﺣﻴﺎﺗﻪ .. ﺑﺎﺕ ﻳﻮﺳﻒ ﺯﺍﻫﺪﺍً ﻓﻲ ﻛﻞ ﺷﻲﺀ ﺇﻻ ﻭﺟﻮﺩﻩ ﺑﻘﺮﺑﻬﺎ ...
ﺃﺩﻫﺸﻪ ﻓﻲ ﺍﻟﺒﺪﺍﻳﺔ ﻣﻌﺮﻓﺔ ﻣﺮﻭﺍﻥ ﺑﻮﺍﻟﺪﻫﺎ ، ﻭﻟﻜﻦ ﺗﻼﺷﺖ ﺗﻠﻚ ﺍﻟﺪﻫﺸﺔ ﺣﻴﻨﻤﺎ ﻋﻠﻢ ﺳﺒﺐ ﺍﻟﻤﻌﺮﻓﺔ ، ﻟﺬﺍ ﺃﺻﺒﺤﺖ ﺍﻷﻣﻮﺭ ﺑﺎﻟﻨﺴﺒﺔ ﻟﻪ ﺍﻵﻥ ﺃﻛﺜﺮ ﻭﺿﻮﺣﺎً ، ﻭﺑﻨﺎﺀﺍً ﻋﻠﻴﻪ ﺑﺪﺃ ﻳﻔﻜﺮ ﻓﻲ ﺍﻟﺘﺨﻄﻴﻂ ﻟﻤﺎ ﺳﻴﺤﺪﺙ ﻻﺣﻘﺎً ..
ﻟﻘﺪ ﻋﻘﺪ ﺍﻟﻌﺰﻡ ﻋﻠﻰ ﺃﻥ ﻳﻔﺎﺗﺢ ﻭﺍﻟﺪﻳﻪ ﺑﺎﻛﺮ ﻓﻲ ﺃﻣﺮ ﺍﺭﺗﺒﺎﻃﻪ ﺍﻟﺮﺳﻤﻲ ﺑﻨﺪﻯ ، ﺣﺘﻰ ﻳﻀﻤﻦ ﺃﻧﻬﺎ ﻟﻪ .. ﺑﻠﻰ ﻟﻪ ﻫﻮ ﻓﻘﻂ ﺩﻭﻥ ﻏﻴﺮﻩ ..
...................................
ﻓﻲ ﻓﻴﻼ ﻓﻬﻤﻲ ﺍﻟﻨﻘﻴﺐ ،،،،
ﺩﻟﻒ ﻣﺮﻭﺍﻥ ﺇﻟﻰ ﻏﺮﻓﺘﻪ ﻭﻫﻮ ﻳﻜﺎﺩ ﻻ ﻳﺴﺘﻄﻴﻊ ﺃﻥ ﻳﻮﻗﻒ ﻋﻘﻠﻪ ﻋﻦ ﺍﻟﺘﻔﻜﻴﺮ ﺑﻨﻴﺮﺓ ﻭﺣﺎﻟﻬﺎ ﺍﻵﻥ ، ﻫﻮ ﻳﺮﻳﺪ ﺃﻥ ﻳﻄﻤﺌﻦ ﻋﻠﻴﻬﺎ ، ﻭﻟﻜﻦ ﻛﻴﻒ ﺳﻴﻔﻌﻞ ﻫﺬﺍ ، ﻫﻮ ﻻ ﻳﻤﻠﻚ ﺣﺘﻰ ﺭﻗﻢ ﻫﺎﺗﻔﻬﺎ ﺍﻟﻤﺤﻤﻮﻝ ، ﻓﻘﻂ ﺭﻗﻢ ﻭﺍﻟﺪﻫﺎ ﺍﻟﺬﻱ ﻳﺨﺸﻰ ﻣﻦ ﺭﺩﺓ ﻓﻌﻠﻪ ﺑﻌﺪﻣﺎ ﻋﻠﻢ ﺑﻤﺎ ﺣﺪﺙ ..
ﺍﻟﻤﺸﻜﻠﺔ ﺍﻷﻛﺒﺮ ﻟﺪﻯ ﻣﺮﻭﺍﻥ ﺍﻵﻥ ﻟﻴﺴﺖ ﻭﺍﻟﺪ ﻧﻴﺮﺓ ﺃﻭ ﺣﺘﻰ ﻧﻴﺮﺓ ﻧﻔﺴﻬﺎ ، ﻭﺇﻧﻤﺎ ﺍﻟﻤﺸﻜﻠﺔ ﺍﻟﺤﻘﻴﻘﻴﺔ ﻫﻲ ﻭﺍﻟﺪﻩ ﻓﻬﻤﻲ ، ﻓﻬﻮ ﺭﺟﻞ ﺻﻌﺐ ﺍﻟﻤﺮﺍﺱ ، ﺍﻗﻨﺎﻋﻪ ﺑﺄﻣﺮ ﺍﻻﺭﺗﺒﺎﻁ ﺑﻔﺘﺎﺓ ﻣﺎ ﻭﻫﻮ ﻣﺎﺯﺍﻝ ﻳﺪﺭﺱ ﻫﻮ ﺃﻣﺮ ﺷﺒﻪ ﻣﺴﺘﺤﻴﻞ ، ﻓﻤﺎﺫﺍ ﻋﻦ ﺭﺩﺓ ﻓﻌﻠﻪ ﺣﻴﻨﻤﺎ ﻳﻌﻠﻢ ﺃﻧﻬﺎ ﻣﺎﺯﺍﻟﺖ ﻓﻲ ﺍﻟﻤﺮﺣﻠﺔ ﺍﻟﺜﺎﻧﻮﻳﺔ .. ﻫﻮ ﻳﻌﺘﻤﺪ ﻋﻠﻰ ﺍﻟﻠﻪ ﺃﻭﻻً ﺛﻢ ﻭﺍﻟﺪﺗﻪ ﺍﻟﺴﻴﺪﺓ ﺃﺣﻼﻡ ﻓﻲ ﻣﺴﺎﻧﺪﺗﻪ ﻓﻲ ﺗﻠﻚ ﺍﻟﻤﺴﺄﻟﺔ ﺍﻟﻤﺼﻴﺮﻳﺔ ﺑﺎﻟﻨﺴﺒﺔ ﻟﻪ ..
ﻗﺮﺭ ﻣﺮﻭﺍﻥ ﺃﻥ ﻳﺴﺘﺤﻢ ﺛﻢ ﻳﺨﻠﺪ ﻟﻠﻨﻮﻡ ﻭﻣﻦ ﺛﻢ ﻳﺒﺪﺃ ﺗﺤﺪﻳﻪ ﺍﻟﺠﺪﻳﺪ ﻓﻲ ﺍﻟﺼﺒﺎﺡ ﺍﻟﺒﺎﻛﺮ ﻣﻊ ﻭﺍﻟﺪﻩ ......
...................................
ﻓﻲ ﺻﺒﺎﺡ ﺍﻟﻴﻮﻡ ﺍﻟﺘﺎﻟﻲ ،،،،
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻗﺮﺭ ﺻﻼﺡ ﺃﻥ ﻳﺘﻨﺎﻭﻝ ﺍﻓﻄﺎﺭﻩ ﺛﻢ ﻳﺬﻫﺐ ﺇﻟﻰ ﻣﺴﻜﻦ ﻋﻼﺀ ﻫﺬﺍ ﻟﻜﻴﻴﻮﺑﺨﻪ ﻋﻠﻰ ﻣﺎ ﻓﻌﻞ ﻣﻊ ﺍﺑﻨﺘﻪ .. ﻛﺎﻧﺖ ﺯﻳﻨﺐ ﺗﺸﺠﻌﻪ ﻋﻠﻰ ﻫﺬﺍ ، ﻓﻲ ﺣﻴﻦ ﺣﺎﻭﻟﺖ ﻧﺪﻯ ﺃﻥ ﺗﺜﻨﻲ ﻭﺍﻟﺪﻫﺎ ﻋﻦ ﺍﻗﺤﺎﻡ ﻧﻔﺴﻪ ﻓﻲ ﻣﺰﻳﺪ ﻣﻦ ﺍﻟﻤﺸﺎﻛﻞ ﻣﻊ ﺃﻣﺜﺎﻝ ﻫﺆﻻﺀ ..
- ﻧﺪﻯ : ﻳﺎ ﺑﺎﺑﺎ ﻋﺸﺎﻥ ﺧﺎﻃﺮﻱ ، ﻫﻮ ﺧﻼﺹ ﻏﺎﺭ ﺑﻌﻴﺪ ﻋﻨﻨﺎ ، ﻣﺎﻓﻴﺶ ﺩﺍﻋﻲ ﻧﻜﺒﺮ ﺍﻟﻤﺴﺎﺋﻞ
- ﺻﻼﺡ : ﻋﺎﻭﺯﺍﻧﻲ ﺃﺳﻜﺖ ﺍﺯﺍﻱ ﻳﺎ ﻧﺪﻯ ﻭﻫﻮ ﻣﺪ ﺍﻳﺪﻩ ﻋﻠﻴﻜﻲ ﻭﺣﺎﻭﻝ ﺍﻧﻪ ﺁﺁﺁ ...
- ﻧﺪﻯ ﻭﻗﺪ ﺃﻃﺮﻗﺖ ﺭﺃﺳﻬﺎ : ﺍﻟﺤﻤﺪﻟﻠﻪ ﻳﺎ ﺑﺎﺑﺎ ، ﻫﻲ ﻋﺪﺕ ﻉ ﺧﻴﺮ ، ﻋﺸﺎﻥ ﺧﺎﻃﺮﻱ ﺍﻻﻧﺴﺎﻥ ﺩﻩ ﺑﺠﺢ ﻭﻭﺷﻪ ﻣﻜﺸﻮﻑ ﻣﺶ ﻫﺎﻳﻬﻤﻪ ﺍﻧﻪ ﻳﻄﻠﻊ ﻋﻠﻴﺎ ﻛﻼﻡ ﻭﺣﺶ ﻭﻻ ﻳﺠﻴﺐ ﺳﻴﺮﺗﻲ ﺑﺤﺎﺟﺔ ﺑﻄﺎﻟﺔ
- ﺻﻼﺡ ﺑﻨﺮﻓﺰﺓ : ﺩﻩ ﺃﻧﺎ ﺃﻗﻄﻊ ﻟﺴﺎﻧﻪ ﻗﺒﻞ ﻣﺎ ﻳﻔﻜﺮ ﺣﺘﻰ ﻳﻌﻤﻞ ﻛﺪﻩ
- ﻧﺪﻯ ﻣﺘﻮﺳﻠﺔ : ﺃﻣﺎﻧﺔ ﻋﻠﻴﻚ ﻳﺎ ﺑﺎﺑﺎ ﻟﻮ ﺑﺘﺤﺒﻨﻲ ﺑﺠﺪ ﻣﺘﺮﻭﺣﺶ ﻟﻴﻪ ، ﻫﻮ ﺍﻧﺘﻬﻰ ﺑﺎﻟﻨﺴﺒﺎﻟﻨﺎ ، ﺍﻟﻠﻪ ﻳﺨﻠﻴﻚ ﻳﺎ ﺭﺏ
ﻧﺘﻴﺠﺔ ﺗﻮﺳﻼﺕ ﻧﺪﻯ ﺍﻟﻤﺴﺘﻤﺮﺓ ، ﺍﺿﻄﺮ ﺻﻼﺡ ﺃﻥ ﻳﺮﺿﺦ ﻟﻤﻄﻠﺒﻬﺎ ، ﻭﻋَﺪَﻝ ﻣﻦ ﺭﺃﻳﻪ ﻭﻗﺮﺭ ﻋﺪﻡ ﺍﻟﺬﻫﺎﺏ ﺇﻟﻴﻪ ، ﻭﺇﻧﻤﺎ ﺍﻟﺘﻮﺟﻪ ﻓﻘﻂ ﺇﻟﻰ ﻋﻤﻠﻪ
ﺑﻌﺪ ﺃﻥ ﺍﻧﺼﺮﻑ ﺻﻼﺡ ، ﺃﻣﺴﻜﺖ ﺯﻳﻨﺐ ﺑﺬﺭﺍﻉ ﺍﺑﻨﺘﻬﺎ ﻭﻃﻠﺒﺖ ﻣﻨﻬﺎ ﺃﻥ ﺗﻘﺺ ﻟﻬﺎ ﺣﻜﺎﻳﺔ ﺫﺍﻙ ﺍﻟﺸﺎﺏ ﺍﻟﺬﻱ ﺗﻘﺪﻡ ﻟﺨﻄﺒﺘﻬﺎ ﺑﺎﻷﻣﺲ ﻭ ...
- ﺯﻳﻨﺐ ﺑﺴﻌﺎﺩﺓ : ﻧﻮﻭﻭﺩﺓ ﺣﺒﻴﺒﺔ ﻣﺎﻣﺎ ، ﺗﻌﺎﻟﻲ ﺑﻘﻰ ﻳﺎ ﺃﻣﻮﺭﺓ ﻗﻮﻟﻴﻠﻲ ﺍﻳﻪ ﺣﻜﺎﻳﺔ ﺍﻟﺸﺎﺏ ﺍﻟﺤﻠﻴﻮﺓ ﺍﻟﻠﻲ ﺟﻪ ﻳﺘﻘﺪﻣﻠﻚ
- ﻧﺪﻯ ﺑﺨﺠﻞ : ﻣﺎﻣﺎ
- ﺯﻳﻨﺐ : ﻷ ﺩﻩ ﺍﻧﺎ ﻋﺎﻭﺯﺓ ﺃﻋﺮﻑ ﻛﻞ ﺣﺎﺟﺔ ﺑﺎﻟﺘﻔﺼﻴﻞ ﺍﻟﻤﻤﻞ .. ﺗﻌﺎﻟﻲ ﻓﻲ ﺍﻷﻭﺿﺔ ﻋﻨﺪﻱ ﺍﺣﻜﻴﻠﻲ ﺑﺎﻟﻈﺒﻂ ﻗﺒﻞ ﺍﺧﻮﺍﺗﻚ ﻣﺎ ﻳﺼﺤﻮﺍ
...............................
ﻓﻲ ﻓﻴﻼ ﺳﻠﻴﻢ ﺍﻟﻜﻮﻣﻲ ،،،
ﻋﻠﻰ ﻏﻴﺮ ﻋﺎﺩﺗﻪ ، ﺍﺳﺘﻴﻘﻆ ﻳﻮﺳﻒ ﻣﺒﻜﺮﺍً ﻟﻜﻲ ﻳﺘﺤﺪﺙ ﺇﻟﻰ ﻭﺍﻟﺪﻩ ﻗﺒﻞ ﺃﻥ ﻳﺬﻫﺐ ﺇﻟﻰ ﻋﻤﻠﻪ ..
ﺍﺳﺘﻐﺮﺏ ﺳﻠﻴﻢ ﻛﺜﻴﺮﺍً ﺣﻴﻨﻤﺎ ﺭﺃﻯ ﺍﺑﻨﻪ ﻣﺴﺘﻴﻘﻈﺎً ﻣﻨﺬ ﺍﻟﺼﺒﺎﺡ ﺍﻟﺒﺎﻛﺮ ، ﻋَﺪَﻝ ﻣﻦ ﻭﺿﻌﻴﺔ ﻧﻈﺎﺭﺗﻪ ﻋﻠﻰ ﺃﻧﻔﻪ ، ﻭﻭﺿﻊ ﺍﻟﺠﺮﻳﺪﺓ ﺟﺎﻧﺒﺎً ، ﺛﻢ ﺃﺷﺎﺭ ﻟﻪ ﻟﻜﻲ ﻳﺠﻠﺲ ﻣﻌﻪ ﻭﻳﺘﻨﺎﻭﻝ ﺍﻻﻓﻄﺎﺭ ﻭ ..
- ﺳﻠﻴﻢ : ﺃﻭﻝ ﻣﺮﺓ ﺃﺷﻮﻓﻚ ﺑﺘﺼﺤﻰ ﺑﺪﺭﻱ ، ﻭﺧﺼﻮﺻﺎ ﻟﻤﺎ ﺗﻜﻮﻥ ﺭﺍﺟﻊ ﻣﻦ ﺭﺣﻠﺔ
- ﻳﻮﺳﻒ ﻣﺒﺘﺴﻤﺎً : ﺍﻫﺎ .. ﺍﺣﻢ .. ﺁﺁﺁ
- ﺳﻠﻴﻢ : ﻫﺎ ، ﻋﺎﻭﺯ ﺍﻳﻪ ﻳﺎ ﺟﻮﻭ ؟
- ﻳﻮﺳﻒ : ﻫﻮ ﺑﺎﻳﻦ ﺃﻭﻱ ﻋﻠﻴﺎ ﺇﻧﻲ ﻋﺎﻭﺯ ﺣﺎﺟﺔ
- ﺳﻠﻴﻢ : ﺍﻩ ﻃﺒﻌﺎً .. ﺩﻩ ﺍﻧﺖ ﺍﺑﻨﻲ ﺍﻟﻮﺣﻴﺪ ﻭﺍﻧﺎ ﻋﺎﺭﻓﻚ ﻛﻮﻳﺲ
- ﻳﻮﺳﻒ : ﻃﺐ ﺣﻴﺚ ﻛﺪﻩ ﺑﻘﻰ ﺃﻧﺎ ﻛﻨﺖ ﻋﺎﻭﺯ ﺃﻓﺎﺗﺢ ﺣﻀﺮﺗﻚ ﻓﻲ ﻣﻮﺿﻮﻉ ﺁﺁﺁ ...
ﺍﻧﻀﻤﺖ ﻋﺒﻴﺮ ﺇﻟﻴﻬﻢ ﻋﻠﻰ ﻣﺎﺋﺪﺓ ﺍﻻﻓﻄﺎﺭ ﻭ ...
- ﻋﺒﻴﺮ ﻣﻘﺎﻃﻌﺔ ﺑﺎﺑﺘﺴﺎﻣﺔ ﻋﺮﻳﻀﺔ : ﻣﺶ ﻣﻌﻘﻮﻝ ، ﺟﻮﻭ ﻫﻴﻔﻄﺮ ﻣﻌﺎﻧﺎ ، ﺃﻧﺎ ﻣﺶ ﻣﺼﺪﻗﺔ
- ﻳﻮﺳﻒ ﻭﻫﻮ ﻳﻘﺒﻞ ﻭﺍﻟﺪﺗﻪ : ﺻﺒﺎﺡ ﺍﻟﺨﻴﺮ ﻳﺎ ﻣﺎﻣﺎ
- ﻋﺒﻴﺮ ﻭﻫﻲ ﺗﺤﺘﻀﻨﻪ : ﺻﺒﺎﺡ ﺍﻟﺨﻴﺮ ﻳﺎ ﺣﺒﻴﺒﻲ ، ﺣﻤﺪﻟﻠﻪ ﻉ ﺳﻼﻣﺘﻚ
- ﻳﻮﺳﻒ : ﺍﻟﻠﻪ ﻳﺴﻠﻤﻚ ﻳﺎ ﻣﺎﻣﺎ
- ﻋﺒﻴﺮ ﻭﻫﻲ ﺗﻤﺴﺢ ﺑﻴﺪﻫﺎ ﻋﻠﻰ ﺭﺃﺱ ﺍﺑﻨﻬﺎ : ﻫﺎ ﻳﺎ ﻗﻠﺒﻲ ﺍﺗﺒﺴﻄﺖ ﻓﻲ ﺭﺣﻠﺘﻚ ؟
- ﻳﻮﺳﻒ : ﺍﻟﺤﻤﺪﻟﻠﻪ ﺃﻭﻱ
- ﻋﺒﻴﺮ : ﺭﺑﻨﺎ ﻳﺒﺴﻄﻚ ﻛﻤﺎﻥ ﻭﻛﻤﺎﻥ
- ﻳﻮﺳﻒ : ﺗﺴﻠﻤﻴﻠﻲ ﻳﺎ ﺃﻣﻲ
- ﺳﻠﻴﻢ : ﻫﺎ ﻛﻨﺖ ﻋﺎﻭﺯ ﺗﻘﻮﻟﻲ ﺍﻳﻪ ؟
- ﻋﺒﻴﺮ ﺑﻌﺪﻡ ﻓﻬﻢ ﻭﻫﻲ ﺗﺠﻠﺲ : ﻓﻲ ﺍﻳﻪ ؟
- ﺳﻠﻴﻢ : ﺃﺻﻞ ﺍﺑﻨﻚ ﺟﻮﻭ ﻛﺎﻥ ﻋﺎﻭﺯ ﻳﻔﺎﺗﺤﻨﻲ ﻓﻲ ﻣﻮﺿﻮﻉ ﻣﻬﻢ
- ﻋﺒﻴﺮ : ﻣﻤﻤﻢ ...
- ﻳﻮﺳﻒ : ﺍﻟﺤﻜﺎﻳﺔ ﻛﺪﻩ ﻣﻦ ﻏﻴﺮ ﺃﻱ ﻣﻘﺪﻣﺎﺕ ﺍﻧﻲ ﻋﺎﻭﺯ ﺍﺧﻄﺐ
- ﺳﻠﻴﻢ : ﺗﺨﻄﺐ !
- ﻋﺒﻴﺮ ﻣﺒﺘﺴﻤﺔ : ﺑﺠﺪ ؟؟
- ﻳﻮﺳﻒ : ﺍﻳﻮﻩ
- ﺳﻠﻴﻢ : ﺑﻨﺖ ﺣﺪ ﻧﻌﺮﻓﻪ ؟
- ﻳﻮﺳﻒ : ﻫﻮ ﺍﺣﻨﺎ ﻧﻌﺮﻓﻪ ﻭﻣﺶ ﻧﻌﺮﻓﻪ ﻓﻲ ﻧﻔﺲ ﺍﻟﻮﻗﺖ
- ﺳﻠﻴﻢ ﻣﺴﺘﻔﻬﻤﺎً : ﺗﻴﺠﻲ ﺍﺯﺍﻱ ﺩﻱ ؟
- ﻳﻮﺳﻒ : ﻭﺍﻟﺪ ﻧﺪﻯ ﺷﻐﺎﻝ ﻓﻲ ﺁﺁﺁ ...
- ﻋﺒﻴﺮ ﻣﻘﺎﻃﻌﺔ ﺑﺎﺑﺘﺴﺎﻣﺔ ﻋﺮﻳﻀﺔ : ﻣﻤﻢ .. ﺍﺳﻤﻬﺎ ﻧﺪﻯ
- ﻳﻮﺳﻒ ﻣﻠﺘﻔﺘﺎً ﻟﻮﺍﻟﺪﺗﻪ : ﺍﻳﻮﻩ ﻳﺎ ﻣﺎﻣﺎ
- ﻋﺒﻴﺮ : ﻃﺐ ﻛﻤﻞ ﻳﺎ ﺟﻮﻭ
- ﻳﻮﺳﻒ ﻣﻮﺟﻬﺎً ﺣﺪﻳﺜﻪ ﻟﻮﺍﻟﺪﻩ : ﺑﺎﺑﺎﻫﺎ ﻣﺎﺳﻚ ﺷﻐﻞ ﺍﻟﻤﻘﺎﻭﻻﺕ ﺑﺘﺎﻉ ﻋﻤﻮ ﻓﻬﻤﻲ
- ﺳﻠﻴﻢ ﻭﻫﻮ ﻳﻄﺮﻕ ﺑﺎﺻﺎﺑﻌﻪ ﻋﻠﻰ ﺍﻟﻄﺎﻭﻟﺔ : ﺃﻫﺎ .. ﻭﺑﻌﺪﻳﻦ
- ﻳﻮﺳﻒ : ﺑﺲ ﻭﻫﻤﺎ ﻧﺎﺱ ﻃﻴﺒﻴﻦ ﻭﻓﻲ ﺣﺎﻟﻬﻢ ﻭﺃﻧﺎ ﻋﺎﻭﺯ ﺃﺗﺠﻮﺯﻫﺎ
- ﺳﻠﻴﻢ : ﻣﻤﻤﻢ ... ﺗﺠﻮﺯﻫﺎ !
- ﻳﻮﺳﻒ : ﺍﻳﻮﻩ
- ﺳﻠﻴﻢ : ﻟﻤﺎ ﻧﺘﺄﻛﺪ ﺍﻷﻭﻝ ﻣﻦ ﺃﺑﻮﻫﺎ ﻭﻋﻴﻠﺘﻬﺎ ﺩﻱ ، ﺳﺎﻋﺘﻬﺎ ﻧﺸﻮﻑ ﻣﻮﺿﻮﻉ ﺍﻟﺠﻮﺍﺯ ﺩﻩ
- ﻳﻮﺳﻒ ﻣﻀﻴﻔﺎً : ﻟﻌﻠﻤﻚ ﻳﺎ ﺑﺎﺑﺎ ﻣﺮﻭﺍﻥ ﻧﺎﻭﻱ ﻳﺨﻄﺐ ﺃﺧﺘﻬﺎ ﺍﻟﺼﻐﻴﺮﺓ
- ﻋﺒﻴﺮ ﺑﺪﻫﺸﺔ : ﻛﻤﺎﻥ ؟
- ﺳﻠﻴﻢ ﻣﺴﺘﻐﺮﺑﺎً : ﺍﻳﻴﻴﻪ ؟
- ﻳﻮﺳﻒ ﻣﺆﻛﺪﺍً : ﺍﻳﻮﻩ ، ﻫﻮ ﻃﻠﺒﻬﺎ ﻣﻦ ﺃﺑﻮﻫﺎ ﺑﺲ ﺍﻷﺳﺘﺎﺫ ﺻﻼﺡ ﻣﺮﺩﺵ ﻋﻠﻴﻪ
- ﺳﻠﻴﻢ ﻭﻗﺪ ﻧﻬﺾ ﻣﻦ ﻣﻜﺎﻧﻪ : ﻫﻨﺒﻘﻰ ﻧﺘﻜﻠﻢ ﻓﻲ ﺍﻟﻤﻮﺿﻮﻉ ﺩﻩ ﺑﻌﺪﻳﻦ ﻳﺎ ﻳﻮﺳﻒ
- ﻳﻮﺳﻒ ﺑﻔﺰﻉ : ﻳﻌﻨﻲ ﺍﻧﺖ ﻣﺶ ﻣﻮﺍﻓﻖ ﻳﺎ ﺑﺎﺑﺎ ؟؟؟
- ﺳﻠﻴﻢ : ﻳﺎ ﺑﻨﻲ ﺃﻧﺎ ﻻ ﻣﻮﺍﻓﻖ ﻭﻻ ﻣﺶ ﻣﻮﺍﻓﻖ .. ﺍﻧﺎ ﺑﺲ ﻋﺎﻭﺯ ﺃﻋﺮﻑ ﻣﻌﻠﻮﻣﺎﺕ ﺍﻷﻭﻝ ﻋﻨﻬﻢ ﻭﺑﻌﺪ ﻛﺪﻩ ﻧﺒﻘﻰ ﻧﺘﻜﻠﻢ .. ﺍﻧﺖ ﻣﺶ ﺍﺑﻦ ﺃﻱ ﺣﺪ ، ﺍﻧﺖ ﺍﺑﻦ ﺳﻠﻴﻢ ﺍﻟﻜﻮﻣﻲ
- ﻳﻮﺳﻒ ﻭﻗﺪ ﺃﻃﺮﻕ ﺭﺃﺳﻪ : ﻃﻴﺐ
- ﺳﻠﻴﻢ : ﻣﺶ ﻋﺎﻭﺯﻙ ﺗﻘﻠﻖ ﻳﺎ ﺑﻨﻲ ، ﺃﻧﺎ ﺑﺲ ﻫﺎﻃﻤﻦ ﺍﻷﻭﻝ ﻉ ﺍﻟﺠﻤﺎﻋﺔ ﺩﻭﻝ ﻭﺍﻋﺮﻑ ﻛﻞ ﺣﺎﺟﺔ ﻋﻨﻬﻢ ﻭﺳﺎﻋﺘﻬﺎ ﻫﺎﻗﻮﻟﻚ ﺭﺃﻳﻲ
- ﻳﻮﺳﻒ : ﻃﺐ ﻫﺘﺮﺩ ﻋﻠﻴﺎ ﺍﻣﺘﻰ ؟
- ﺳﻠﻴﻢ : ﺍﺩﻳﻨﻲ ﻓﺮﺻﺔ ﻟﺤﺪ ﻣﺎ ﺃﻋﺮﻑ ﺍﻟﻠﻲ ﺃﻧﺎ ﻋﺎﻭﺯﻩ ﻋﻨﻬﻢ
- ﻳﻮﺳﻒ : ﻃﻴﺐ ﻳﺎ ﺑﺎﺑﺎ
- ﺳﻠﻴﻢ : ﺃﻧﺎ ﺭﺍﻳﺢ ﺍﻟﺸﺮﻛﺔ ، ﺍﺷﻮﻓﻜﻢ ﺑﻌﺪﻳﻦ ، ﺳﻼﻡ
- ﻳﻮﺳﻒ : ﻣﻊ ﺍﻟﺴﻼﻣﺔ ﻳﺎ ﺑﺎﺑﺎ
- ﻋﺒﻴﺮ : ﺳﻼﻡ ﻳﺎ ﺳﻠﻴﻢ .. ﻃﻤﻨﻲ ﺍﻣﺎ ﺗﻮﺻﻞ
- ﺳﻠﻴﻢ : ﺣﺎﺿﺮ
ﺍﻧﺼﺮﻑ ﺳﻠﻴﻢ ﺇﻟﻰ ﻋﻤﻠﻪ ، ﺑﻴﻨﻤﺎ ﻇﻠﺖ ﻋﺒﻴﺮ ﻣﻊ ﻳﻮﺳﻒ ﺗﺤﺎﻭﻝ ﺃﻥ ﺗﻌﺮﻑ ﻣﻨﻪ ﻣﻌﻠﻮﻣﺎﺕ ﺍﺿﺎﻓﻴﺔ ﻋﻦ ﺗﻠﻚ ﺍﻟﻔﺘﺎﺓ ﺍﻟﺘﻰ ﺁﺳﺮﺕ ﻗﻠﺒﻪ ...
- ﻋﺒﻴﺮ : ﻃﺐ ﺍﻟﺒﻨﺖ ﻋﺮﻓﺘﻬﺎ ﻓﻴﻦ ؟
- ﻳﻮﺳﻒ : ﻫﻲ ﻣﻌﺎﻳﺎ ﻓﻲ ﺍﻟﻜﻠﻴﺔ
- ﻋﺒﻴﺮ : ﺯﻣﻴﻠﺘﻚ ﻓﻲ ﺍﻟﺪﻓﻌﺔ
- ﻳﻮﺳﻒ : ﻷ ﻓﻲ ﺍﻟﻔﺮﻗﺔ ﺍﻟﺘﺎﻧﻴﺔ
- ﻋﺒﻴﺮ ﻏﺎﻣﺰﺓ : ﺣﻠﻮﺓ ؟
- ﻳﻮﺳﻒ : ﺯﻱ ﺍﻟﻘﻤﺮ ﻳﺎ ﻣﺎﻣﺎ
- ﻋﺒﻴﺮ ﻣﺎﺯﺣﺔ : ﺍﺣﻠﻰ ﻣﻨﻲ ؟
- ﻳﻮﺳﻒ : ﻷ ﻃﺒﻌﺎً .. ﺍﻧﺘﻲ ﺍﻷﺻﻞ ﻳﺎ ﺃﻣﻲ
- ﻋﺒﻴﺮ : ﻳﺎ ﺑﻜﺎﺵ
- ﻳﻮﺳﻒ : ﻋﺸﺎﻥ ﺧﺎﻃﺮﻱ ﻳﺎ ﺃﻣﻲ ﺃﻧﺎ ﺑﺠﺪ ﺣﺒﻴﺖ ﻧﺪﻯ ﻣﻦ ﻗﻠﺒﻲ ، ﻓﻌﺎﻭﺯﻙ ﺗﺨﻠﻲ ﺑﺎﺑﺎ ﻳﻮﺍﻓﻖ ﻋﻠﻴﻬﺎ
- ﻋﺒﻴﺮ : ﺍﻃﻤﻦ ﻳﺎ ﺟﻮﻭ ، ﻟﻮ ﺍﺑﻮﻙ ﻛﺎﻥ ﺭﺍﻓﺾ ﺍﻟﻔﻜﺮﺓ ﻛﺎﻥ ﻗﻔﻞ ﻉ ﺍﻟﻤﻮﺿﻮﻉ ، ﻟﻜﻦ ﺍﺩﻳﻠﻪ ﻓﺮﺻﺔ ﺑﺲ ﻳﻌﺮﻑ ﺍﻟﻠﻲ ﻫﻮ ﻋﺎﻭﺯﻩ ﻭﻳﻄﻤﻦ ﻭﺑﻌﺪ ﻛﺪﻩ ﺍﻟﻠﻲ ﻓﻴﻪ ﺍﻟﺨﻴﺮ ﻳﻘﺪﻣﻪ ﺭﺑﻨﺎ
- ﻳﻮﺳﻒ : ﺗﻔﺘﻜﺮﻱ ﺑﺎﺑﺎ ﻣﻤﻜﻦ ﻳﺮﻓﺾ ﻋﺸﺎﻥ ﻫﻤﺎ ﻣﺴﺘﻮﺍﻫﻢ ﺍﻟﻤﺎﺩﻱ ﺃﻗﻞ ﻣﻨﻨﺎ
- ﻋﺒﻴﺮ : ﻷ ﻣﻌﺘﻘﺪﺵ .. ﺑﺎﺑﺎﻙ ﺗﻔﻜﻴﺮﻩ ﻣﺶ ﻛﺪﻩ
- ﻳﻮﺳﻒ ﺑﻘﻠﻖ : ﺭﺑﻨﺎ ﻳﺴﺘﺮ
...............................
ﻓﻲ ﻓﻴﻼ ﻓﻬﻤﻲ ﺍﻟﻨﻘﻴﺐ ،،،،
ﻛﺎﻥ ﻣﺮﻭﺍﻥ ﻳﻨﺘﻈﺮ ﺍﺳﺘﻴﻘﺎﻅ ﻭﺍﻟﺪﻳﻪ ﻣﻦ ﺍﻟﻨﻮﻡ ﻋﻠﻰ ﺃﺣﺮ ﻣﻦ ﺍﻟﺠﻤﺮ .. ﻭﻣﺎ ﺇﻥ ﺭﺃﻯ ﻭﺍﻟﺪﻩ ﻳﻨﺰﻝ ﺍﻟﺪﺭﺝ ﺣﺘﻰ ﺃﺳﺮﻉ ﺇﻟﻴﻪ ﻳﻄﻠﺐ ﻣﻨﻪ ﺍﻟﺤﺪﻳﺚ ﻣﻌﻪ ﻓﻲ ﺃﻣﺮ ﻫﺎﻡ ﻭ ...
- ﻣﺮﻭﺍﻥ ﺑﻠﻬﻔﺔ : ﺑﺎﺑﺎ ..
- ﻓﻬﻤﻲ ﺑﺪﻫﺸﺔ : ﻣﺮﻭﺍﻥ ! ﺧﻴﺮ ﻳﺎ ﺑﻨﻲ ﻓﻲ ﺍﻳﻪ ؟؟ ﺍﻧﺖ ﻭﺍﻗﻒ ﻫﻨﺎ ﻟﻴﻪ
- ﻣﺮﻭﺍﻥ : ﺩﻩ ﺃﻧﺎ ﻣﺴﺘﻨﻴﻚ ﻣﻦ ﺑﺪﺭﻱ ﻋﺸﺎﻥ ﺗﺼﺤﻰ
- ﻓﻬﻤﻲ : ﻟﻴﻪ ؟؟ ﻓﻲ ﺍﻳﻪ ﺣﺼﻞ ؟؟
- ﻣﺮﻭﺍﻥ : ﺍﻃﻤﻦ ﻳﺎ ﺑﺎﺑﺎ ﻣﺎﻓﻴﺶ ﺣﺎﺟﺔ ﺧﻄﻴﺮﺓ ، ﺑﺲ ﺃﻧﺎ ﻛﻨﺖ ﻋﺎﻭﺯ ﺍﻛﻠﻢ ﺣﻀﺮﺗﻚ ﻓﻲ ﺣﺎﺟﺔ ﻣﻬﻤﺔ ﺗﺨﺼﻨﻲ
- ﻓﻬﻤﻲ ﻭﻫﻮ ﻳﺸﻴﺮ ﺑﻴﺪﻩ : ﻃﺐ ﺗﻌﺎﻟﻰ ﻧﺘﻜﻠﻢ ﺟﻮﺍ ﺍﻟﻤﻜﺘﺐ
- ﻣﺮﻭﺍﻥ : ﺣﺎﺿﺮ
ﺩﻟﻒ ﻣﺮﻭﺍﻥ ﺧﻠﻒ ﺃﺑﻴﻪ ﺇﻟﻰ ﺫﺍﻙ ﺍﻟﻤﻜﺘﺐ ﺍﻟﻔﺨﻢ ﻭﺍﻟﻀﺨﻢ ﺑﻔﻴﻠﺘﻬﻢ ، ﺟﻠﺲ ﻭﺍﻟﺪﻩ ﺃﻭﻻً ﻋﻠﻰ ﻣﻘﻌﺪﻩ ﺍﻟﻮﺛﻴﺮ ﺛﻢ ﺃﺳﻨﺪ ﻇﻬﺮﻩ ﻟﻠﺨﻠﻒ ﻭﻇﻞ ﻳﻨﻈﺮ ﻟﻤﺮﻭﺍﻥ ﺑﺘﻤﻌﻦ ﺷﺪﻳﺪ .. ﺟﻠﺲ ﻣﺮﻭﺍﻥ ﺃﻣﺎﻣﻪ ، ﻭﻫﻮ ﻳﻔﺮﻙ ﻳﺪﻳﻪ ﻓﻲ ﺗﻮﺗﺮ ﺷﺪﻳﺪ .. ﻭﺑﺪﺃ ﺑﺎﻟﺤﺪﻳﺚ ﻭ ...
- ﻣﺮﻭﺍﻥ ﺑﺘﻮﺗﺮ : ﺑﺎﺑﺎ ﺁﺁﺁ .. ﺍﻧﺎ .. ﺍﻧﺎ ﻛﻨﺖ ﺁﺁﺁ ..
- ﻓﻬﻤﻲ : ﻓﻲ ﺍﻳﻪ ﻳﺎ ﻣﺮﻭﺍﻥ ﺍﺗﻜﻠﻢ ... ﻗﻮﻟﻲ ﻋﺎﻭﺯ ﺍﻳﻪ
- ﻣﺮﻭﺍﻥ : ﺃﻧﺎ ﺑﺤﺐ ﻭﺍﺣﺪﺓ ﻭﻛﻨﺖ ﻋﺎﻭﺯ ﺁﺁﺁ ..
- ﻓﻬﻤﻲ ﺑﻨﻈﺮﺍﺕ ﺑﺎﺭﺩﺓ : ﻫﺎ ... ﻛﻤﻞ
- ﻣﺮﻭﺍﻥ : ﺍﻧﺎ ﻛﻨﺖ ﻋﺎﻭﺯ ﺁﺁﺁ .. ﺍﺧﻄﺐ
- ﻓﻬﻤﻲ ﻭﻗﺪ ﺍﻋﺘﺪﻝ ﻓﻲ ﺟﻠﺴﺘﻪ : ﻧﻌﻢ ، ﺗﺨﻄﺐ ؟
- ﻣﺮﻭﺍﻥ : ﺍﺣﻢ .. ﺍﻳﻮﻩ
- ﻓﻬﻤﻲ ﺑﺘﻬﻜﻢ : ﻣﺶ ﻟﻤﺎ ﺗﻔﻠﺢ ﻓﻲ ﺩﺭﺍﺳﺘﻚ ﺍﻷﻭﻝ ﺗﺒﻘﻰ ﺗﻴﺠﻲ ﺗﻘﻮﻟﻲ ﺍﺧﻄﺐ
- ﻣﺮﻭﺍﻥ : ﻣﺎ ﺍﻧﺎ ﺍﻥ ﺷﺎﺀ ﺍﻟﻠﻪ ﻧﺎﻭﻱ ﺍﻧﺠﺢ ﺍﻟﺴﻨﺎﺩﻱ
- ﻓﻬﻤﻲ : ﻳﺒﻘﻰ ﺑﻌﺪﻫﺎ ﺗﻴﺠﻲ ﺗﻜﻠﻤﻨﻲ
- ﻣﺮﻭﺍﻥ : ﺑﺲ ﺍﻧﺎ ﻛﻨﺖ ﻋﺎﻭﺯ ﺍﺗﺠﻮﺯﻫﺎ ﻭﺍﻧﺎ ﻓﻲ ﺍﻟﺪﺭﺍﺳﺔ
- ﻓﻬﻤﻲ : ﺍﻫﺎ .. ﻗﻮﻟﺘﻠﻲ ﺑﻘﻰ .. ﺑﻼﺵ ﺍﻟﻬﺒﻞ ﺩﻩ
- ﻣﺮﻭﺍﻥ ﺑﺤﺪﺓ : ﺑﺎﺑﺎ ﺩﻩ ﻣﺶ ﻫﺒﻞ ، ﺩﻱ ﺣﻴﺎﺗﻲ ﺍﻟﻠﻲ ﺍﻧﺎ ﺑﻔﻜﺮ ﻓﻴﻬﺎ ﻭﻣﺴﺘﻘﺒﻠﻲ ﺍﻟﻠﻲ ﺍﻧﺎ ﺁﺁﺁ ....
- ﻓﻬﻤﻲ ﻣﻘﺎﻃﻌﺎ ﺑﻀﻴﻖ ﻭﻫﻮ ﻳﻀﺮﺏ ﺑﻘﺒﻀﺔ ﻳﺪﻩ ﻋﻠﻰ ﺳﻄﺢ ﺍﻟﻤﻜﺘﺐ : ﻣﺴﺘﻘﺒﻠﻚ ﺩﻩ ﺍﻟﻠﻲ ﺍﻧﺖ ﻣﻀﻴﻌﻪ ﺑﻘﺎﻟﻚ ﻛﺎﻡ ﺳﻨﺔ ، ﺟﺎﻱ ﺩﻟﻮﻗﺘﻲ ﺗﻘﻮﻟﻲ ﻋﺎﻭﺯ ﺍﺗﺠﻮﺯ ﻋﺸﺎﻥ ﻣﺴﺘﻘﺒﻠﻲ
- ﻣﺮﻭﺍﻥ : ﻗﺒﻞ ﻛﺪﻩ ﻣﻜﻨﺶ ﻋﻨﺪﻱ ﻫﺪﻑ ﻭﻻ ﺩﺍﻓﻊ .. ﻟﻜﻦ ﺍﻟﻮﻗﺘﻲ ﻧﻴﺮﺓ ﻫﻲ ﺍﻟﺪﺍﻓﻊ ﺍﻟﻠﻲ ﻫﻴﺨﻠﻴﻨﻲ ﺃﺧﺪ ﺑﺎﻟﻲ ﺍﻛﺘﺮ ﻣﻦ ﻣﺴﺘﻘﺒﻠﻲ
- ﻓﻬﻤﻲ : ﻣﻤﻢ .. ﺍﺳﻤﻬﺎ ﻧﻴﺮﺓ ! ﻭﺩﻱ ﺑﻨﺖ ﻣﻴﻦ ﻓﻲ ﻣﺼﺮ ﺍﻥ ﺷﺎﺀ ﺍﻟﻠﻪ
- ﻣﺮﻭﺍﻥ ﺑﺘﺮﺩﺩ : ﺑﻨﺖ ﺁﺁﺁ ... ﺑﻨﺖ ﺍﻷﺳﺘﺎﺫ ﺻﻼﺡ
- ﻓﻬﻤﻲ : ﺍﻷﺳﺘﺎﺫ ﺻﻼﺡ ﻣﻴﻦ ؟
- ﻣﺮﻭﺍﻥ : ﺍﻷﺳﺘﺎﺫ ﺻﻼﺡ ﺍﻟﺪﺳﻮﻗﻲ ، ﺍﻟﻠﻲ ﻣﺎﺳﻚ ﻣﻘﺎﻭﻟﺔ ﺍﻟﻔﺮﻉ ﺍﻟﺠﺪﻳﺪ
- ﻓﻬﻤﻲ ﺑﻨﺮﻓﺰﺓ : ﻧﻌﻢ ؟؟؟ ﺑﻨﺖ ﺍﻟﻤﻘﺎﻭﻝ ؟؟ ﺍﻧﺖ ﺍﺗﺠﻨﻨﺖ
- ﻣﺮﻭﺍﻥ : ﻷ ﻳﺎ ﺑﺎﺑﺎ
- ﻓﻬﻤﻲ : ﺭﺍﻳﺢ ﺗﺤﺒﻴﻠﻲ ﺑﻨﺖ ﺍﻟﻤﻘﺎﻭﻝ ﺑﺘﺎﻋﻲ ؟؟
- ﻣﺮﻭﺍﻥ : ﻣﺎﻟﻬﺎ ﺑﻨﺖ ﺍﻟﻤﻘﺎﻭﻝ ﻳﺎ ﺑﺎﺑﺎ ؟؟ ﺑﻨﺖ ﺗﺮﺑﻴﺔ ﻭﻛﻮﻳﺴﺔ ﻭﺍﺧﻼﻕ
- ﻓﻬﻤﻲ ﺳﺎﺧﺮﺍً : ﻳﺎﺳﻼﻡ !.. ﻭﺩﻱ ﻟﺤﻘﺖ ﺗﻌﺮﻓﻬﺎ ﺍﻣﺘﻰ ﻋﺸﺎﻥ ﺗﺤﺒﻬﺎ ؟؟؟ ﺭﺩ ﻋﻠﻴﺎ
- ﻣﺮﻭﺍﻥ : ﺷﻮﻓﺘﻬﺎ ﻛﺎﻡ ﻣﺮﺓ ﻭﺍﺗﻜﻠﻤﺖ ﻣﻌﺎﻫﺎ ﻭﺁﺁ ..
- ﻓﻬﻤﻲ : ﻻ ﻭﺍﻟﻠﻪ ﻋﺸﺎﻥ ﺷﻮﻓﺘﻬﺎ ﻳﺒﻘﻰ ﺧﻼﺹ ﺑﻘﻴﺖ ﺑﺘﺤﺒﻬﺎ
- ﻣﺮﻭﺍﻥ : ﺃﻳﻮﻩ ﻳﺎ ﺑﺎﺑﺎ ، ﺃﻧﺎ ﻋﺮﻓﺖ ﺑﻨﺎﺕ ﻛﺘﻴﺮ ﻗﺒﻠﻬﺎ ﻭﻣﻜﻨﻮﺵ ﻳﻔﺮﻗﻮﺍ ﻣﻌﺎﻳﺎ ، ﻟﻜﻦ ﺩﻱ ﺍﻟﻮﺣﻴﺪﺓ ﺍﻟﻠﻲ ﻗﺪﺭﺕ ﺗﺨﻄﻒ ﻗﻠﺒﻲ
- ﻓﻬﻤﻲ : ﺑﻼﺵ ﻛﻼﻡ ﻷﻓﻼﻡ ﺍﻟﻬﺎﺑﻄﺔ ﺩﻱ
- ﻣﺮﻭﺍﻥ : ﻳﺎ ﺑﺎﺑﺎ ﺩﻩ ﻣﺶ ﻛﻼﻡ ، ﺩﻱ ﺣﻘﻴﻘﺔ
- ﻓﻬﻤﻲ : ﻗﻔﻞ ﻣﻌﺎﻳﺎ ﻓﻲ ﺍﻟﻤﻮﺿﻮﻉ ﺩﻩ ﺃﻧﺎ ﻣﺶ ﻓﺎﺿﻲ ﻟﻠﻜﻼﻡ ﺍﻟﻔﺎﺿﻲ ﺩﻩ ، ﻭﺻﻼﺡ ﺣﺴﺎﺑﻪ ﻫﻴﻜﻮﻥ ﻣﻌﺎﻳﺎ ﻋﺴﻴﺮ
- ﻣﺮﻭﺍﻥ : ﺗﻘﺼﺪ ﺍﻳﻪ ﻳﺎ ﺑﺎﺑﺎ ؟؟ ﺍﻧﺖ ﻧﺎﻭﻱ ﻉ ﺍﻳﻪ؟
- ﻓﻬﻤﻲ : ﺃﻧﺎ ﻃﺎﻟﻊ ﺍﻟﺸﺮﻛﺔ .. ﺳﻼﻡ !
ﺍﻧﺼﺮﻑ ﻓﻬﻤﻲ ﻣﻦ ﻣﻜﺘﺒﻪ ﺗﺎﺭﻛﺎً ﻣﺮﻭﺍﻥ ﻳﺘﺨﺒﻂ ﻓﻲ ﺃﻓﻜﺎﺭﻩ ﻭﻓﻲ ﻣﺼﻴﺮ ﻣﺴﺘﻘﺒﻠﻪ .. ﻟﻜﻦ ﺭﻏﻢ ﻛﻞ ﻣﺎ ﺳﻴﺤﺪﺙ ﺳﻴﻈﻞ ﺛﺎﺑﺘﺎً ﻋﻠﻰ ﻣﻮﻗﻔﻪ ﻭﻟﻦ ﻳﺘﺨﻠﻰ ﻋﻦ ﻧﻴﺮﺓ ...
.....................................
ﻓﻲ ﺷﺮﻛﺔ ﻓﻬﻤﻲ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،
ﻭﺻﻞ ﻓﻬﻤﻲ ﻟﻠﺸﺮﻛﺔ ﻭﻫﻮ ﻓﻲ ﻗﻤﺔ ﺿﻴﻘﻪ ﻳﻌﺎﻣﻞ ﻛﻞ ﻣﻦ ﻳﻘﺎﺑﻠﻪ ﺑﺤﺪﺓ ﻭﻧﺮﻓﺰﺓ ، ﺣﺎﻭﻝ ﺍﻟﻤﻮﻇﻔﻮﻥ ﺗﺠﻨﺒﻪ ﻗﺪﺭ ﺍﻻﻣﻜﺎﻥ ﻭﻋﺪﻡ ﺍﻻﺣﺘﻜﺎﻙ ﺑﻪ ﺣﺘﻰ ﻳﺘﻘﻮﺍ ﺷﺮﻩ .. ﻭﻣﺎ ﺇﻥ ﺩﻟﻒ ﻟﻤﻜﺘﺒﻪ ﺣﺘﻰ ﻃﻠﺐ ﺍﻟﺴﻜﺮﺗﻴﺮﺓ ﻟﻜﻲ ﺗﺄﺗﻲ ﺇﻟﻴﻪ ﻓﻮﺭﺍً ﻭ ....
- ﻓﻬﻤﻲ ﺑﻨﺮﻓﺰﺓ : ﺍﻃﻠﺒﻴﻠﻲ ﺍﻟﻠﻲ ﺍﺳﻤﻪ ﺻﻼﺡ ﺍﻟﺪﺳﻮﻗﻲ ﻭﺧﻠﻴﻪ ﻳﺠﻴﻠﻲ ﺍﻟﻤﻜﺘﺐ ﻓﻮﺭﺍ
- ﺍﻟﺴﻜﺮﺗﻴﺮﺓ : ﺍﻟﻤﻘﺎﻭﻝ
- ﻓﻬﻤﻲ ﺑﺤﺪﺓ : ﺍﻳﻮﻩ ﺍﻟﺰﻓﺖ
- ﺍﻟﺴﻜﺮﺗﻴﺮﺓ ﺑﻘﻠﻖ : ﺣﺎﺿﺮ ﻳﺎ ﻓﻨﺪﻡ
ﺑﺎﻟﻔﻌﻞ ﺍﺗﺼﻠﺖ ﺍﻟﺴﻜﺮﺗﻴﺮﺓ ﻫﺎﺗﻔﻴﺎً ﺑﺎﻻﺳﺘﺎﺫ ﺻﻼﺡ ﻭﺍﺑﻠﻐﺘﻪ ﺑﻀﺮﻭﺭﺓ ﺍﻟﺤﻀﻮﺭ ﻓﻮﺭﺍً ﺇﻟﻰ ﻣﻘﺮ ﺍﻟﺸﺮﻛﺔ ﺍﻟﺮﺋﻴﺴﻲ ﻟﻤﻘﺎﺑﻠﺔ ﻓﻬﻤﻲ ﺑﻴﻚ ﻓﻲ ﺃﻣﺮ ﻋﺎﺟﻞ ..
...............
ﺑﻌﺪ ﺑﺮﻫﺔ ﻣﻦ ﺍﻟﻮﻗﺖ ،،،
ﻭﺻﻞ ﺍﻷﺳﺘﺎﺫ ﺻﻼﺡ ﺇﻟﻰ ﺍﻟﺸﺮﻛﺔ ، ﺛﻢ ﺻﻌﺪ ﺇﻟﻰ ﺍﻟﻤﻜﺘﺐ ﻭﺍﻧﺘﻈﺮ ﺩﻭﺭﻩ .. ﺃﺑﻠﻐﺖ ﺍﻟﺴﻜﺮﺗﻴﺮﺓ ﺍﻻﺳﺘﺎﺫ ﻓﻬﻤﻲ ﺑﻮﺻﻮﻝ ﺻﻼﺡ ﻓﺄﻣﺮﻫﺎ ﺑﺄﻥ ﺗﺴﻤﺢ ﻟﻪ ﺑﺎﻟﺪﺧﻮﻝ ﻭ ..
- ﺍﻟﺴﻜﺮﺗﻴﺮﺓ ﻭﻫﻲ ﺗﺸﻴﺮ ﺑﺮﺃﺳﻬﺎ : ﺍﺗﻔﻀﻞ ﻓﻬﻤﻲ ﺑﻴﻪ ﻓﻲ ﺍﻧﺘﻈﺎﺭﻙ
- ﺻﻼﺡ : ﺷﻜﺮﺍً ﻳﺎ ﺑﻨﺘﻲ
ﻃﺮﻕ ﺻﻼﺡ ﺍﻟﺒﺎﺏ ﻗﺒﻞ ﺃﻥ ﻳﺪﺧﻞ ، ﺛﻢ ﺳﻤﻊ ﺻﻮﺗﺎً ﻣﻦ ﺍﻟﺪﺍﺧﻞ ﻳﺴﻤﺢ ﻟﻪ ﺑﺎﻟﺪﺧﻮﻝ ﻭ ..
- ﺻﻼﺡ : ﺳﻼﻣﻮ ﻋﻠﻴﻜﻢ
- ﻓﻬﻤﻲ ﺑﺎﻗﺘﻀﺎﺏ : ﻭﻋﻠﻴﻜﻢ ..
- ﺻﻼﺡ : ﺧﻴﺮ ﻳﺎ ﻓﻬﻤﻲ ﺑﻴﻪ ؟؟ ﻓﻲ ﺣﺎﺟﺔ
- ﻓﻬﻤﻲ : ﻋﺎﻭﺯﻙ ﺗﻠﻢ ﻛﻞ ﻋﻤﺎﻟﻚ ﻭﺍﻟﻠﻲ ﻳﺨﺼﻚ ﻣﻦ ﺍﻟﻤﻮﻗﻊ ﻭﺗﺴﻠﻢ ﻭﺭﻕ ﺍﻟﻤﻘﺎﻭﻟﺔ ﻟﻠﺴﻜﺮﺗﻴﺮﺓ
- ﺻﻼﺡ ﺑﻌﺪﻡ ﻓﻬﻢ : ﻟﻴﻪ ﻳﺎ ﻓﻬﻤﻲ ﺑﻴﻪ؟؟ ﻫﻮ ﺣﺼﻞ ﺣﺎﺟﺔ ﻻ ﺳﻤﺢ ﺍﻟﻠﻪ ؟؟
- ﻓﻬﻤﻲ : ﺧﻼﺹ ﺍﻧﺎ ﻧﻬﻴﺖ ﺍﻟﺘﻌﺎﻗﺪ ﻣﻌﺎﻙ
- ﺻﻼﺡ ﻓﺎﻏﺮﺍً ﻓﺎﻩ : ﻫـــﺎﻩ
- ﻓﻬﻤﻲ : ﻭﻣﺶ ﻋﺎﻭﺯ ﺍﺷﻮﻑ ﻭﺷﻚ ﺗﺎﻧﻲ ﻓﻲ ﺃﻱ ﻣﻜﺎﻥ ﻳﺨﺼﻨﻲ
- ﺻﻼﺡ : ﻃﺐ ﻟﻴﻪ ﻛﺪﻩ ﺑﺲ ؟؟
- ﻓﻬﻤﻲ ﺑﻌﺼﺒﻴﺔ : ﻣﺶ ﻋﺎﺭﻑ ﻟﻴﻪ ؟؟؟ ﺃﻋﻤﻠﻲ ﻓﻴﻬﺎ ﻏﺒﻲ ﻭﻣﺶ ﻓﺎﻫﻢ ﻭﺍﻧﺖ ﻣﺨﻠﻲ ﺑﻨﺘﻚ ﺗﻠﻒ ﻉ ﺍﺑﻨﻲ ﻭﺗﻀﺤﻚ ﻋﻠﻴﻪ
- ﺻﻼﺡ ﻭﺍﻟﺪﻫﺸﺔ ﺗﻌﻠﻮ ﻭﺟﻬﻪ : ﺍﻳﻴﻴﻴﻪ ؟؟ ﺑﻨﺘﻲ ؟؟
- ﻓﻬﻤﻲ : ﺍﻳﻮﻩ ﺑﻨﺘﻚ .. ﻭﻟﻮ ﺧﺎﻳﻒ ﻉ ﺑﻨﺘﻚ ﺑﺠﺪ ﺗﺒﻌﺪﻫﺎ ﻋﻦ ﻣﺮﻭﺍﻥ ﺍﺑﻨﻲ ، ﺃﺣﺴﻨﻠﻚ ﺗﺨﻠﻴﻬﺎ ﻓﻲ ﺍﻟﺒﻴﺖ ، ﻭﺇﻻ ﻗﺴﻤﺎً ﺑﺎﻟﻠﻪ ﻫﺘﻨﺪﻡ .. ﻭﺍﻟﻠﻪ ﻫﺘﻨﺪﻡ !..
- ﺻﻼﺡ ﺑﻘﻠﻖ : ﻫــﺎﻩ .. ﺁﺁ ..
- ﻓﻬﻤﻲ ﻭﻫﻮ ﻳﺸﻴﺮ ﺑﻴﺪﻩ ﻟﻠﺒﺎﺏ : ﺍﺗﻔﻀﻞ ﻣﻦ ﻏﻴﺮ ﻣﻄﺮﻭﺩ ، ﻭﺍﻟﻤﺤﺎﻣﻲ ﻫﻴﻜﻠﻤﻚ ﻋﺸﺎﻥ ﺍﻟﺸﺮﻁ ﺍﻟﺠﺰﺍﺋﻲ
- ﺻﻼﺡ ﻭﻫﻮ ﻣﻄﺮﻕ ﺍﻟﺮﺃﺱ : ﺍﻟﻠﻲ ﺗﺸﻮﻓﻪ ﺣﻀﺮﺗﻚ .. ﻋﻦ ﺍﺫﻧﻚ
ﺍﻧﺼﺮﻑ ﺻﻼﺡ ﻣﻦ ﺍﻟﻤﻜﺘﺐ ﻭﺗﺪﻭﺭ ﻓﻲ ﺭﺃﺳﻪ ﺃﻻﻑ ﺍﻷﻓﻜﺎﺭ ﻋﻦ ﺳﺒﺐ ﺍﻧﻬﺎﺀ ﺍﻟﺘﻌﺎﻗﺪ ، ﻭﻟﻢ ﻳﺨﻄﺮ ﺑﺒﺎﻟﻪ ﺃﻥ ﺗﻜﻮﻥ ﺍﺑﻨﺘﻪ ﻫﻲ ﺍﻟﺴﺒﺐ ﻓﻲ ﻫﺬﺍ ، ﺑﻞ ﺍﻷﺳﻮﺃ ﻣﻦ ﻫﺬﺍ ﺃﻥ ﺣﻴﺎﺗﻬﺎ ﻣﻬﺪﺩﺓ ...
.............................
ﻓﻲ ﺷﺮﻛﺔ ﺳﻠﻴﻢ ﺍﻟﻜﻮﻣﻲ ﻟﻼﺳﺘﺜﻤﺎﺭ ﻭﺍﻟﺘﻄﻮﻳﺮ ﺍﻟﻌﻘﺎﺭﻱ ،،،
ﺍﺗﺼﻞ ﺳﻠﻴﻢ ﻫﺎﺗﻔﻴﺎً ﺑﺼﺪﻳﻘﻪ ﻓﻬﻤﻲ ﻟﻴﺴﺘﻔﺴﺮ ﻣﻨﻪ ﻋﻦ ﺃﻣﺮ ﺻﻼﺡ ﺍﻟﺪﺳﻮﻗﻲ ﻭ ...
- ﺳﻠﻴﻢ ﻫﺎﺗﻔﻴﺎً : ﺍﺯﻳﻚ ﻳﺎ ﻓﻬﻤﻲ ، ﺍﺧﺒﺎﺭﻙ ﺍﻳﻪ ؟
- ﻓﻬﻤﻲ ﻫﺎﺗﻔﻴﺎً : ﺍﻟﺤﻤﺪﻟﻠﻪ
- ﺳﻠﻴﻢ : ﺑﻘﻮﻟﻚ ﺍﻳﻪ ، ﺍﻧﺎ ﻛﻨﺖ ﻋﺎﻭﺯ ﺍﺳﺄﻟﻚ ﻋﻦ ﻭﺍﺣﺪ ﺷﻐﺎﻝ ﻋﻨﺪﻙ
- ﻓﻬﻤﻲ : ﻣﻴﻦ ﺩﻩ ؟
- ﺳﻠﻴﻢ : ﻫﻮ ﻣﺎﺳﻚ ﻋﻨﺪﻙ ﺷﻐﻞ ﻣﻘﺎﻭﻻﺕ ﺑﺎﻳﻦ ، ﺁﺁﺁ ... ﺍﺳﻤﻪ ﺗﻘﺮﻳﺒﺎً ﺻﻼﺡ
- ﻓﻬﻤﻲ : ﺻﻼﺡ ﺍﻟﺪﺳﻮﻗﻲ
- ﺳﻠﻴﻢ : ﺍﻩ ﻫﻮ
- ﻓﻬﻤﻲ ﺑﻌﺼﺒﻴﺔ : ﻋﻤﻞ ﺍﻳﻪ ﺍﻟﺰﻓﺖ ﺩﻩ ﻛﻤﺎﻥ
- ﺳﻠﻴﻢ : ﺍﻟﻠﻪ ! ﻣﺎﻟﻚ ﺑﺘﻜﻠﻢ ﻋﻨﻪ ﻛﺪﻩ ﻟﻴﻪ ؟؟
- ﻓﻬﻤﻲ : ﻋﺸﺎﻥ ﺑﻨﺖ ﺍﻟﺒﺎﺷﺎ ﻋﺮﻓﺖ ﺍﺯﺍﻱ ﺗﺒﻠﻒ ﺍﻟﻮﺍﺩ ﻣﺮﻭﺍﻥ ﻭﺗﻮﻗﻌﻪ ! ﺃﻝ ﺍﻳﻪ ﻣﺮﻭﺍﻥ ﻋﺎﻭﺯ ﻳﺘﺠﻮﺯ ، ﺗﺨﻴﻞ !!!!
- ﺳﻠﻴﻢ ﺿﺎﺣﻜﺎً : ﻫﻬﻬﻬﻬﻬﻬﻬﻬﻪ ، ﻫﻮ ﻟﺤﻖ ﻳﻘﻮﻟﻚ
- ﻓﻬﻤﻲ : ﺍﻧﺖ ﺑﺘﻀﺤﻚ
- ﺳﻠﻴﻢ : ﺍﻳﻮﻩ ﺑﻀﺤﻚ ، ﺃﺻﻞ ﻳﻮﺳﻒ ﻫﻮ ﻛﻤﺎﻥ ﻟﺴﻪ ﻗﺎﻳﻠﻲ ﻉ ﺍﻟﺒﺆﻳﻦ ﺩﻭﻝ
- ﻓﻬﻤﻲ : ﺃﻧﺎ ﻣﺶ ﻓﺎﻫﻢ ﺣﺎﺟﺔ
- ﺳﻠﻴﻢ : ﺑﺺ ﻳﺎ ﻓﻬﻤﻲ ﺍﻟﻮﺍﺩ ﺟﻮﻭ ﻛﺎﻥ ﺻﺎﺣﻲ ﻣﻦ ﺍﻟﻔﺠﺮﻳﺔ ، ﻭﺩﻱ ﻣﻦ ﺍﻟﻤﺮﺍﺕ ﺍﻟﻨﺎﺩﺭﺓ ﺍﻟﻠﻲ ﺑﺘﺤﺼﻞ ، ﺃﻝ ﺍﻳﻪ ﻋﺸﺎﻥ ﻳﻘﻮﻟﻲ ﺍﻧﻪ ﻋﺎﻭﺯ ﻳﺘﺠﻮﺯ
- ﻓﻬﻤﻲ : ﺍﻫﺎ .. ﻭﺑﻌﺪﻳﻦ
- ﺳﻠﻴﻢ : ﻭﺃﻣﺎ ﺳﺄﻟﺘﻪ ﻋﺎﻭﺯ ﺗﺘﺠﻮﺯ ﻣﻴﻦ ؟ ﻭﻟﻴﻪ؟ ﻭﻋﺸﺎﻥ ﺍﻳﻪ ؟ ﻗﺎﻟﻲ ﻋﺎﻭﺯ ﺃﺗﺠﻮﺯ ﺑﻨﺖ ﺻﻼﺡ ﺍﻟﺪﺳﻮﻗﻲ ﻭﺩﻱ ﺍﺑﻮﻫﺎ ﺷﻐﺎﻝ ﻓﻲ ﻣﻘﺎﻭﻟﺔ ﻋﻤﻲ ﻓﻬﻤﻲ ﻭﺍﻧﻪ ﺑﻴﺤﺒﻬﺎ ، ﺩﻩ ﺣﺘﻰ ﻣﺮﻭﺍﻥ ﺍﺑﻨﻚ ﺑﻴﺤﺐ ﺍﺧﺘﻬﺎ !
- ﻓﻬﻤﻲ ﻭﻫﻮ ﻳﻤﻂ ﺷﻔﺘﻴﻪ : ﻳﺮﻭﺡ ﻳﺘﻨﻴﻞ ﺍﻷﻭﻝ ﻳﻨﺠﺢ .. ﻫﺎ ﻭﻋﻤﻠﺖ ﺍﻳﻪ ؟
- ﺳﻠﻴﻢ : ﻭﻻ ﺣﺎﺟﺔ ..
- ﻓﻬﻤﻲ ﺑﻨﻔﺎﺫ ﺻﺒﺮ : ﺍﺯﺍﻱ ﻭﻻ ﺣﺎﺟﺔ ؟؟ ﺩﻩ ﺃﻧﺎ ﻃﺮﺑﺄﺕ ﺍﻟﺪﻧﻴﺎ ﻉ ﺍﻟﻠﻲ ﺍﺳﻤﻪ ﺻﻼﺡ ﺩﻩ ﻫﻮ ﻭﺍﻟﻠﻲ ﺟﺎﺑﻮﻩ
- ﺳﻠﻴﻢ : ﻟﻴﻪ ﺑﺲ ﻛﺪﻩ ﻳﺎ ﻓﻬﻤﻲ
- ﻓﻬﻤﻲ : ﺍﻧﺖ ﻣﺎﻟﻚ ﺑﺎﺭﺩ ﻛﺪﻩ ﻟﻴﻪ ﻳﺎ ﺳﻠﻴﻢ ؟؟ ﺑﻘﻰ ﺍﺑﻨﻚ ﻳﻘﻮﻟﻚ ﺍﻧﺎ ﻋﺎﻭﺯ ﺍﺗﺠﻮﺯ ﺑﺖ ﻣﺶ ﻣﻦ ﻣﺴﺘﻮﺍﻧﺎ ﻭﻻ ﺗﻠﻴﻖ ﺑﻴﻨﺎ ﻭﺍﻧﺖ ﻋﺎﺩﻱ ﻛﺪﻩ
- ﺳﻠﻴﻢ : ﻃﺐ ﻭﻓﻴﻬﺎ ﺍﻳﻪ ، ﻣﺶ ﻫﻮ ﺑﻴﺤﺒﻬﺎ
- ﻓﻬﻤﻲ : ﻧﻌﻢ ؟؟ ﺣﺐ ، ﺍﻧﺖ ﻋﺎﺭﻑ ﻛﻮﻳﺲ ﺇﻧﻲ ﻣﺶ ﺑﺘﺎﻉ ﺍﻟﻜﻼﻡ ﺍﻟﻔﺎﺭﻍ ﺩﻩ
- ﺳﻠﻴﻢ : ﺑﺲ ﻣﺴﻴﺮﻫﻢ ﻳﺤﺒﻮﺍ ﻭﻳﺘﺠﻮﺯﻭﺍ ﻭﻳﻜﻮﻧﻮﺍ ﺑﻴﺖ ﻭﻳﺴﺘﻘﻠﻮﺍ ﺑﺤﻴﺎﺗﻬﻢ ﻋﻨﻨﺎ
- ﻓﻬﻤﻲ : ﺃﻫﺎ .. ﺩﻩ ﺍﻣﺘﻰ ﺑﺎﻟﻈﺒﻂ ؟؟ ﺍﻭﻣﺎﻝ ﻟﻮ ﻣﻜﻨﺶ ﻭﻻﺩﻧﺎ ﺍﻻﺗﻨﻴﻦ ﺳﺎﻗﻄﻴﻦ ﻭﺑﻴﻨﺠﺤﻮﺍ ﺑﺎﻟﻀﺎﻟﻴﻦ
- ﺳﻠﻴﻢ : ﻃﺐ ﻣﺎﻳﻤﻜﻦ ﺣﺒﻬﻢ ﻟﻠﺒﻨﺎﺕ ﺩﻭﻝ ﻳﺪﻳﻬﻢ ﺍﻟﺤﺎﻓﺰ ﺍﻧﻬﻢ ﻳﻨﺠﺤﻮﺍ ﻭﻳﺘﻌﻠﻤﻮﺍ ﺍﺯﺍﻱ ﻳﺘﺤﻤﻠﻮﺍ ﺍﻟﻤﺴﺆﻟﻴﺔ
- ﻓﻬﻤﻲ ﺑﻌﺼﺒﻴﺔ : ﺩﻩ ﺍﺳﻤﻪ ﻛﻼﻡ ﻓﺎﺭﻍ ﻭﻟﻌﺐ ﻋﻴﺎﻝ
- ﺳﻠﻴﻢ : ﻣﺎﻳﻨﻔﻌﺶ ﺍﻷﻣﻮﺭ ﺗﺘﺎﺧﺪ ﺑﺎﻟﻌﺼﺒﻴﺔ ﺩﻱ ﻳﺎ ﻓﻬﻤﻲ ، ﺍﻫﺪﻯ ﻭﺧﻠﻴﻨﺎ ﻧﺘﻜﻠﻢ ﺑﺎﻟﻌﻘﻞ
- ﻓﻬﻤﻲ : ﺃﻧﺎ ﻟﻮ ﻣﺎ ﺍﺗﺼﺮﻓﺘﺶ ﺩﻟﻮﻗﺘﻲ ﺍﺑﻨﻲ ﻫﺎﻳﻀﻴﻊ ﻣﻨﻲ ، ﻭﺃﻧﺎ ﻣﺶ ﻫﺎﺳﺘﻨﻰ ﻟﻤﺎ ﺍﻟﺒﺖ ﺩﻱ ﺗﻀﺤﻚ ﻋﻠﻴﻪ ﻭﺗﻀﻴﻌﻪ
- ﺳﻠﻴﻢ : ﻃﺐ ﻣﺎ ﻫﻮ ﻳﻮﺳﻒ ﺍﺑﻨﻲ ﻭﺍﻧﺎ ﺑﺤﺎﻭﻝ ﺍﺗﺼﺮﻑ ﺑﺮﺿﻮﻩ ﻣﻌﺎﻩ ، ﺑﺲ ﺑﺎﻟﻌﻘﻞ
- ﻓﻬﻤﻲ : ﻭﺍﻟﻠﻪ ﺃﻧﺎ ﻃﺮﻳﻘﺘﻲ ﻏﻴﺮ ﻃﺮﻳﻘﺘﻚ ، ﻭﺗﻔﻜﻴﺮﻱ ﻏﻴﺮ ﺗﻔﻜﻴﺮﻙ ، ﻭﺃﻧﺎ ﻣﺶ ﻫﺎﺳﺘﻨﻰ ﺿﻴﺎﻉ ﺍﺑﻨﻲ ﻭﺍﻗﻒ ﺳﺎﻛﺖ ﺃﺗﻔﺮﺝ
- ﺳﻠﻴﻢ : ﺑﺲ ﻣﺘﺨﻠﻴﺶ ﻋﺼﺒﻴﺘﻚ ﺩﻱ ﺗﻴﺠﻲ ﻋﻠﻰ ﺍﺑﻨﻚ ﻭﺗﻀﻴﻌﻪ ﻣﻨﻚ .. ﺍﻧﺖ ﻋﺎﺭﻑ ﻣﺮﻭﺍﻥ ﻋﻨﻴﺪ ﺍﺯﺍﻱ ، ﻫﻮ ﻣﺶ ﺻﻐﻴﺮ ﻭﻻ ﻟﺴﻪ ﻓﻲ ﺛﺎﻧﻮﻱ ﻋﺸﺎﻥ ﺗﺘﻌﺎﻣﻞ ﻣﻌﺎﻩ ﺑﺎﻟﺸﻜﻞ ﺩﻩ .. ﺍﺑﻨﻚ ﺭﺍﺟﻞ ﻛﺒﻴﺮ ﺩﻟﻮﻗﺘﻲ ﺑﻐﺾ ﺍﻟﻨﻈﺮ ﻋﻦ ﺍﻧﻪ ﻓﺎﺷﻞ ﻓﻲ ﺍﻟﺪﺭﺍﺳﺔ ﺯﻱ ﺻﺎﺣﺒﻪ ﺍﻻﻧﺘﻴﻢ
- ﻓﻬﻤﻲ : ﺍﻧﺎ ﻣﺶ ﻃﺎﻳﻖ ﺃﺳﻤﻊ ﻛﻠﻤﺔ ﺯﻳﺎﺩﺓ ﻓﻲ ﺍﻟﻤﻮﺿﻮﻉ ﺩﻩ ﻳﺎ ﺳﻠﻴﻢ !
- ﺳﻠﻴﻢ : ﻃﺐ ﺍﻧﺎ ﻫﺎﻛﻠﻤﻚ ﺑﻌﺪﻳﻦ ، ﺑﺲ ﻗﺒﻞ ﻣﺎ ﺗﻌﻤﻞ ﺣﺎﺟﺔ ﺗﻨﺪﻡ ﻋﻠﻴﻬﺎ ﺑﻌﺪ ﻛﺪﻩ ، ﺣﻂ ﺣﺐ ﺍﺑﻨﻚ ﻭﻣﺼﻠﺤﺘﻪ ﻗﺪﺍﻡ ﻋﻴﻨﻴﻚ !!
- ﻓﻬﻤﻲ : ﻳﻮﻟﻊ ﺍﻟﺤﺐ ﻭﺍﻟﻠﻲ ﻋﺎﻭﺯﻩ ، ﻭﺃﻧﺎ ﻳﺎ ﺳﻠﻴﻢ ﺑﻘﻮﻟﻚ ﺍﻫﻮﻭ .. ﺍﻧﺎ ﻣﺶ ﻫﺎﺳﻴﺐ ﺻﻼﺡ ﺍﻟﺰﻓﺖ ﺩﻩ ﺇﻻ ﻟﻤﺎ ﺃﺩﻣﺮﻩ ﻫﻮ ﻭﺑﻨﺘﻪ ﻃﺎﻟﻤﺎ ﻓﻜﺮﻭﺍ ﻳﺠﻮﺍ ﺟﻤﺐ ﺍﺑﻨﻲ
