ﻓﻲ ﺃﺣﺪ ﺍﻟﻜﺎﻓﻴﻬﺎﺕ ،،،
ﻭﺻﻠﺖ ﻋﺎﺋﻠﺔ ﺻﻼﺡ ﺍﻟﺪﺳﻮﻗﻲ ﺇﻟﻰ ﺍﻟﻜﺎﻓﻴﻪ ، ﺛﻢ ﻃﻠﺐ ﺻﻼﺡ ﻋﻼﺀ ﻟﻴﻌﺮﻑ ﻣﻜﺎﻧﻪ ﻭ ...
- ﺻﻼﺡ ﻫﺎﺗﻔﻴﺎً : ﺃﻧﺎ ﻣﻮﺟﻮﺩ ﻓﻲ ﺍﻟﻜﺎﻓﻴﻪ ﻭﻣﻌﺎﻳﺎ ﺍﻟﻤﺪﺍﻡ ﻭﺑﻨﺘﻲ !
- ﻋﻼﺀ : ﺧﻼﺹ ﺃﻧﺎ ﺷﻮﻓﺖ ﺣﻀﺮﺗﻚ ، ﻟﺤﻈﺔ ﻭﻫﺎﻛﻮﻥ ﻗﺼﺎﺩﻙ
- ﺻﻼﺡ : ﻃﻴﺐ ...
- ﺯﻳﻨﺐ ﻫﺎﻣﺴﺔ : ﻋﺎﻭﺯﺍﻛﻲ ﻳﺎ ﻧﻮﺩﺓ ﺗﻀﺤﻜﻲ ﻓﻲ ﻭﺵ ﺍﻟﻌﺮﻳﺲ ، ﻭﻭﺷﻚ ﻳﺒﻘﻰ ﻓﻲ ﺍﻷﺭﺽ
- ﻧﺪﻯ : ﺣﺎﺿﺮ
- ﺯﻳﻨﺐ : ﻭﺍﻗﺮﻱ ﺍﻟﻔﺎﺗﺤﺔ ﻛﺪﻩ ﻓﻲ ﺳﺮﻙ
- ﺻﻼﺡ : ﺧﻼﺹ ﺑﻘﻰ ﻷﺣﺴﻦ ﺷﻜﻠﻪ ﻫﻮ ﺩﻩ ﺍﻟﻠﻲ ﺟﺎﻱ ﻋﻠﻴﻨﺎ
- ﺯﻳﻨﺐ : ﻃﻴﺐ
- ﻋﻼﺀ : ﺳﻼﻣﻮ ﻋﻠﻴﻜﻢ ، ﺍﺳﺘﺎﺫ ﺻﻼﺡ
- ﺻﻼﺡ : ﻭﻋﻠﻴﻜﻢ ﺍﻟﺴﻼﻡ .. ﺃﻳﻮﻩ
- ﻋﻼﺀ ﻣﺼﺎﻓﺤﺎً ﺍﻳﺎﻩ : ﺍﺯﻱ ﺣﻀﺮﺗﻚ
- ﺻﻼﺡ : ﺑﺨﻴﺮ ﻳﺎ ﺑﻨﻲ
- ﻋﻼﺀ : ﺃﻫﻼً ﻭﺳﻬﻼ ﺑﻴﻜﻲ ﻳﺎ ﻫﺎﻧﻢ ، ﺍﺯﻳﻚ ﻳﺎ ﺁﻧﺴﺔ ﻧﺪﻯ
- ﺯﻳﻨﺐ : ﺗﺴﻠﻢ ﻳﺎ ﺑﻨﻲ ﻣﻦ ﻛﻞ ﺷﺮ
- ﻧﺪﻯ : ﺍﻟﺤﻤﺪﻟﻠﻪ
- ﻋﻼﺀ : ﺍﺗﻔﻀﻠﻮﺍ ، ﺃﻧﺎ ﺣﺎﺟﺰ ﺗﺮﺑﻴﺬﺓ ﺟﻮﺍ
- ﺻﻼﺡ : ﻳﺎﻻ ﻳﺎ ﺣﺎﺟﺔ ، ﻳﺎﻻ ﻳﺎ ﻧﺪﻯ
- ﺯﻳﻨﺐ : ﺣﺎﺿﺮ
ﺩﻟﻒ ﺍﻟﺠﻤﻴﻊ ﺇﻟﻰ ﺩﺍﺧﻞ ﺍﻟﻜﺎﻓﻴﻪ ﻭﺟﻠﺴﻮﺍ ﺳﻮﻳﺎً ﻳﺘﺤﺪﺛﻮﻥ ﻭ ..
- ﻋﻼﺀ : ﺃﻧﺎ ﻣﺒﺴﻮﻁ ﺇﻧﻲ ﺍﺗﺸﺮﻓﺖ ﺑﻤﻘﺎﺑﻠﺔ ﺣﻀﺮﺗﻚ ﻳﺎ ﺃﺳﺘﺎﺫ ﺻﻼﺡ
- ﺻﻼﺡ : ﺍﻟﻠﻪ ﻳﻜﺮﻣﻚ ﻳﺎ ﺑﻨﻲ
- ﻋﻼﺀ : ﺗﺤﺒﻮﺍ ﺗﺸﺮﺑﻮﺍ ﺍﻳﻪ
- ﺻﻼﺡ : ﻭﻻ ﺣﺎﺟﺔ ﻳﺎ ﺑﻨﻲ
- ﻋﻼﺀ : ﻷ ﺍﺯﺍﻱ ﻣﺎ ﻳﺼﺤﺶ ، ﻳﺎ ﺟﺮﺳﻮﻥ ﻣﻦ ﻓﻀﻠﻚ
- ﺍﻟﻨﺎﺩﻝ : ﺃﻓﻨﺪﻡ
- ﻋﻼﺀ : ﺗﺤﺐ ﻳﺎ ﻋﻤﻲ ﺗﺸﺮﺏ ﺍﻳﻪ
- ﺻﻼﺡ : ﺷﺎﻱ ﺑﻌﺪ ﺍﺫﻧﻚ
- ﻋﻼﺀ : ﻭﺍﻟﺤﺎﺟﺔ ؟
- ﺯﻳﻨﺐ : ﻋﺼﻴﺮ ﻟﻴﻤﻮﻥ
- ﻋﻼﺀ : ﻭﺍﻧﺘﻲ ﻳﺎ ﺁﻧﺴﺔ ﻧﺪﻯ ؟
- ﻧﺪﻯ ﺑﺨﺠﻞ : ﻟﻤﻮﻥ
- ﻋﻼﺀ : 1 ﺷﺎﻱ ، ﻭ 2 ﻟﻴﻤﻮﻥ ، ﻭﻫﺎﺗﻠﻲ ﻗﻬﻮﺓ ﺑﻌﺪ ﺍﺫﻧﻚ
- ﺍﻟﻨﺎﺩﻝ : ﺣﺎﺿﺮ ﻳﺎ ﻓﻨﺪﻡ
- ﻋﻼﺀ : ﺍﻛﻴﺪ ﺣﻀﺮﺗﻚ ﺳﺄﻟﺖ ﻋﻨﻲ ﻗﺒﻞ ﻣﺎ ﺗﻮﺍﻓﻖ ﻋﻠﻰ ﻣﻘﺎﺑﻠﺘﻲ ﺻﺢ ﻭﻻ ﺃﻧﺎ ﻏﻠﻄﺎﻥ
- ﺻﻼﺡ : ﺍﺣﻢ ... ﺻﺢ ﻳﺎ ﺑﻨﻲ
- ﻋﻼﺀ : ﺗﻤﺎﻡ .. ﻭﻓﻲ ﺩﻩ ﻋﻨﺪﻙ ﺣﻖ ، ﻋﺸﺎﻥ ﺗﻄﻤﻦ ﻟﻠﺸﺨﺺ ﺍﻟﻠﻲ ﻫﺘﺪﻳﻪ ﻟﺒﻨﺘﻚ
- ﺻﻼﺡ : ﺍﻧﺖ ﻟﻮ ﻣﻜﺎﻧﻲ ﻫﺘﻌﻤﻞ ﻛﺪﻩ
- ﻋﻼﺀ : ﺑﺎﻟﻈﺒﻂ .. ﻭﻋﺸﺎﻥ ﻛﺪﻩ ﺃﻧﺎ ﻃﻠﺒﺖ ﻣﻦ ﺣﻀﺮﺗﻚ ﺇﻧﻲ ﺃﻗﺎﺑﻠﻚ ﻭﺃﺗﻜﻠﻢ ﻣﻌﺎﻙ ﻭﻣﻊ ﺍﻵﻧﺴﺔ ﻧﺪﻯ
- ﺻﻼﺡ : ﺃﻫﺎ
- ﻋﻼﺀ : ﻓﻲ ﺍﻟﺒﺪﺍﻳﺔ ﺍﺣﺐ ﺃﻋﺮﻓﻜﻢ ﺑﻴﺎ ، ﺃﻧﺎ ﻋﻼﺀ ﻋﺒﺪﻭﻥ ﺧﺮﻳﺞ ﻛﻠﻴﺔ ﺍﻟﺤﺎﺳﺒﺎﺕ ﺑﺘﻘﺪﻳﺮ ﺟﻴﺪ ﺟﺪﺍ ، ﻗﺪﻣﺖ ﻓﻲ ﻭﻇﺎﻳﻒ ﻛﺘﻴﺮ ﻟﺤﺪ ﻣﺎ ﺭﺑﻨﺎ ﻛﺮﻣﻨﻲ ﻭﺍﺷﺘﻐﻠﺖ ﻓﻲ ﺍﻟﻀﺮﺍﻳﺐ
- ﺻﻼﺡ : ﺗﻤﺎﻡ
- ﺯﻳﻨﺐ : ﺭﺑﻨﺎ ﻳﻮﻓﻘﻚ ﻳﺎ ﺑﻨﻲ
- ﻋﻼﺀ : ﻃﺒﻌﺎً ﺣﺼﻞ ﺍﻧﻲ ﺍﺗﻌﺮﻓﺖ ﺑﺒﻨﺖ ﻭﺍﺗﺨﻄﺒﻨﺎ ﻭﺑﻌﺪ ﻛﺪﻩ ﺍﺗﺠﻮﺯﺗﻬﺎ ﺑﺲ ﻟﻸﺳﻒ ﻣﻜﻤﻠﻨﺎﺵ ، ﻳﻌﻨﻲ ﻫﻤﺎ ﺍﺳﺒﻮﻋﻴﻦ ﻭﺍﻧﻔﺼﻠﻨﺎ
- ﺻﻼﺡ : ﺃﻫﺎ
- ﻋﻼﺀ : ﺍﻛﻴﺪ ﺣﻀﺮﺗﻚ ﻋﺎﻭﺯ ﺗﻌﺮﻑ ﺍﻳﻪ ﺍﻟﺴﺒﺐ ﻓﻲ ﺍﻟﻄﻼﻕ
- ﺻﻼﺡ : ﺍﻳﻮﻩ
- ﻋﻼﺀ : ﻣﺨﺒﻴﺶ ﻋﻠﻴﻚ ، ﺃﻧﺎ ﺍﺗﺼﺪﻣﺖ ﻓﻲ ﻣﺮﺍﺗﻲ ﺑﻌﺪ ﺍﻟﺠﻮﺍﺯ ، ﻭﻳﻌﻨﻲ ﻣﻦ ﻏﻴﺮ ﺍﺣﺮﺍﺝ ﻛﺪﻩ ﻣﻜﻨﺶ ﻳﻨﻔﻊ ﻧﻜﻤﻞ ﺳﻮﺍ
- ﺻﻼﺡ : ﺍﻫﺎ ..
- ﺯﻳﻨﺐ : ﻣﻌﻠﺶ ﺃﻧﺎ ﻣﺶ ﻓﺎﻫﻤﺔ
- ﻋﻼﺀ : ﻳﻌﻨﻲ ﻛﻨﺖ ﻣﻔﻜﺮﻫﺎ ﺣﺎﺟﺔ ﻭﺑﻌﺪ ﺍﻟﺠﻮﺍﺯ ﺍﺗﻔﺎﺟﺌﺖ ﺑﺤﺎﺟﺔ ﺗﺎﻧﻴﺔ ، ﻭﺭﻏﻢ ﺩﻩ ﺃﻧﺎ ﺑﺘﻤﻨﺎﻟﻬﺎ ﺍﻟﺨﻴﺮ ﻣﻊ ﻏﻴﺮﻱ
- ﺻﻼﺡ : ﻃﺐ ﺍﺗﺠﻮﺯﺗﻬﺎ ﻟﻴﻪ ﻣﻦ ﺍﻷﻭﻝ
- ﻋﻼﺀ : ﻛﻨﺖ ﻣﻔﻜﺮﻫﺎ ﺍﻻﻧﺴﺎﻧﺔ ﺍﻟﻠﻲ ﺗﺴﺘﺎﻫﻞ ﺇﻧﻲ ﺃﺩﻳﻬﺎ ﺍﺳﻤﻲ ﻭﺃﻋﻤﻠﻬﺎ ﻛﻞ ﺍﻟﻠﻲ ﻫﻲ ﻋﺎﻭﺯﺍﻩ
- ﺻﻼﺡ : ﺃﻫﺎ
- ﻋﻼﺀ : ﺃﻛﻴﺪ ﺣﻀﺮﺗﻚ ﻋﺎﺭﻑ ﺍﻥ ﻓﻲ ﻓﺘﺮﺓ ﺍﻟﺨﻄﻮﺑﺔ ﻛﻞ ﻭﺍﺣﺪ ﺑﻴﺤﺎﻭﻝ ﻳﻈﻬﺮ ﺃﻓﻀﻞ ﻣﺎ ﻋﻨﺪﻩ ، ﻟﻜﻦ ﺑﻌﺪ ﺍﻟﺠﻮﺍﺯ ﺑﺘﺘﻜﺸﻒ ﻛﻞ ﺣﺎﺟﺔ
- ﺻﻼﺡ : ﻣﻈﺒﻮﻁ
- ﺯﻳﻨﺐ : ﺃﻳﻮﻩ
- ﻋﻼﺀ : ﺩﻩ ﺍﻟﻠﻲ ﻣﻤﻜﻦ ﺃﻗﻮﻟﻪ ﻋﻦ ﺟﻮﺍﺯﺗﻲ ﺍﻟﺴﺎﺑﻘﺔ ، ﺇﻧﻲ ﻓﻲ ﻓﺘﺮﺓ ﺍﻟﺨﻄﻮﺑﺔ ﻛﻨﺖ ﻣﻔﻜﺮ ﺍﻥ ﺍﻟﺒﻨﻲ ﺁﺩﻣﺔ ﺍﻟﻠﻲ ﺍﺧﺘﺮﺗﻬﺎ ﻫﻲ ﺍﻻﻧﺴﺎﻧﺔ ﺍﻟﻤﻨﺎﺳﺒﺔ ﻟﻴﺎ ، ﻟﻜﻦ ﺑﻌﺪ ﺃﻭﻝ ﻳﻮﻡ ﺟﻮﺍﺯ ﺍﺗﻀﺢ ﺍﻟﻌﻜﺲ ﻭﻣﺤﺼﻠﺶ ﻧﺼﻴﺐ ، ﻭﻃﺒﻌﺎً ﻛﺎﻥ ﺍﻓﻀﻞ ﺣﻞ ﺍﻧﻲ ﺃﻧﻔﺼﻞ ﻋﻨﻬﺎ
- ﺻﻼﺡ : ﺍﻟﺤﻤﺪﻟﻠﻪ
- ﻋﻼﺀ : ﻭﺧﻼﻝ ﺳﻨﺘﻴﻦ ﺍﺗﻌﺮﺽ ﻋﻠﻴﺎ ﺑﻨﺎﺕ ﻛﺘﻴﺮ ﻟﻜﻦ ﺃﻧﺎ ﻛﻨﺖ ﺭﺍﻓﺾ ﺍﻟﻔﻜﺮﺓ ﻟﺤﺪ ﻣﺎ ﺍﻟﺤﺎﺟﺔ ﺁﻣﺎﻝ ﻛﻠﻤﺘﻨﻲ ﻋﻨﻜﻢ
- ﺯﻳﻨﺐ : ﻓﻴﻬﺎ ﺍﻟﺨﻴﺮ
- ﻋﻼﺀ : ﺣﺴﻴﺖ ﻣﻦ ﻃﺮﻳﻘﺔ ﻛﻼﻣﻬﺎ ﻋﻨﻜﻮ ﺇﻧﻲ ﺍﻥ ﺷﺎﺀ ﺍﻟﻠﻪ ﻫﻼﻗﻲ ﺍﻵﻧﺴﺔ ﻧﺪﻯ ﻫﻲ ﺍﻟﺒﻨﺖ ﺍﻟﻠﻲ ﺃﺳﺘﺎﻫﻠﻬﺎ
- ﺻﻼﺡ : ﺭﺑﻨﺎ ﻳﻘﺪﻡ ﺍﻟﻠﻲ ﻓﻴﻪ ﺍﻟﺨﻴﺮ
- ﻋﻼﺀ : ﺇﺫﺍ ﺳﻤﺤﺘﻠﻲ ﻣﻤﻜﻦ ﺃﺗﻜﻠﻢ ﻣﻊ ﺍﻵﻧﺴﺔ ﻧﺪﻯ ﺷﻮﻳﺔ ﻟﻮﺣﺪﻧﺎ
- ﺻﻼﺡ : ﻫﻪ
- ﻋﻼﺀ ﻭﻫﻮ ﻳﺸﻴﺮ ﺑﻴﺪﻩ : ﺍﻧﺎ ﻫﺄﻗﻌﺪ ﻣﻌﺎﻫﺎ ﻓﻲ ﺍﻟﺘﺮﺑﻴﺬﺓ ﺩﻱ
- ﻋﻼﺀ : ﻳﻌﻨﻲ ﺣﺎﺑﺐ ﻛﺪﻩ ﺃﺗﻔﺎﻫﻢ ﻣﻌﺎﻫﺎ ﻓﻲ ﻛﺎﻡ ﺟﺰﺋﻴﺔ ﻗﺒﻞ ﻣﺎ ﺗﺎﺧﺪﻭﺍ ﺍﻟﻘﺮﺍﺭ
- ﺯﻳﻨﺐ : ﺍﻳﻪ ﺭﺃﻳﻚ ﻳﺎ ﺣﺎﺝ
- ﺻﻼﺡ ﻋﻠﻰ ﻣﻀﺾ : ﻃﻴﺐ .. ﺭﻭﺣﻲ ﻳﺎ ﺑﻨﺘﻲ ﻣﻊ ﺍﻷﺳﺘﺎﺫ ﻋﻼﺀ
- ﻧﺪﻯ : ﺣـ ... ﺣﺎﺿﺮ
...............................................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،
ﺍﺳﺘﻐﻠﺖ ﻧﻴﺮﺓ ﻋﺪﻡ ﻭﺟﻮﺩ ﺃﺣﺪ ﺑﺎﻟﻤﻨﺰﻝ ﻭﺫﻫﺎﺏ ﻓﺎﻃﻴﻤﺎ ﻟﻠﻨﻮﻡ ﻟﻜﻲ ﺗﻘﻀﻲ ﻭﻗﺘﻬﺎ ﻓﻲ ﺗﺼﻔﺢ ﺍﻻﻧﺘﺮﻧﺖ ، ﻭﺧﺎﺻﺔ ﻣﻮﻗﻊ ﺍﻟﺘﻮﺍﺻﻞ ﺍﻻﺟﺘﻤﺎﻋﻲ ﻓﻴﺲ ﺑﻮﻙ ، ﻓﺒﺪﺃﺕ ﻓﻲ ﺗﺼﻔﺢ ﺃﺧﺮ ﺍﻷﺧﺒﺎﺭ ﺛﻢ ﻓﺘﺤﺖ ﺍﻟﺮﺳﺎﺋﻞ ﻟﺘﺠﺪ ﺭﺳﺎﻟﺔ ﺟﺪﻳﺪﺓ ﻣﻦ ﺍﻟﻠﺤﻦ ﺍﻟﺤﺰﻳﻦ ﻛﺎﻥ ﻣﻀﻤﻮﻧﻬﺎ
)) ﻣﺴﺎﺀ ﻣﻠﻲﺀ ﺑـ ﺍﻟﻮﺭﺩ ﺍﻷﺑﻴﺾ ﻋﻠﻰ ﺃﺭﻕ ﻓﺘﺎﺓ ﻟﻢ ﺃﻋﺮﻓﻬﺎ ﻓﻲ ﺍﻟﻮﺍﻗﻊ ﻭﻟﻜﻨﻬﺎ ﺷﻐﻠﺖ ﻛﻞ ﺗﻔﻜﻴﺮﻱ ﻓﻲ ﻋﺎﻟﻤﻲ ﺍﻻﻓﺘﺮﺍﺿﻲ ((
ﺗﻌﺠﺒﺖ ﻧﺪﻯ ﻣﻦ ﺗﻠﻚ ﺍﻟﺮﺳﺎﻟﺔ ﻭﺣﺰﻣﺖ ﺃﻣﺮﻫﺎ ﻓﻲ ﺃﻻ ﺗﺮﺩ ﻋﻠﻴﻪ ﻭ ...
- ﻧﻴﺮﺓ : ﺩﻩ ﺍﻳﻪ ﺩﻩ ﻛﻤﺎﻥ، ﻫﻮ ﻓﻲ ﻣﻦ ﺍﻟﻜﻼﻡ ﺩﻩ ، ﻷ ﻣﺶ ﻫﺎﻳﻨﻔﻊ ﻛﺪﻩ ، ﻣﺎ ﺍﻧﺎ ﻟﻮ ﺭﺩﻳﺖ ﻋﻠﻴﻪ ﻣﺎ ﻫﻴﺼﺪﻕ ﻳﺒﻌﺘﻠﻲ ﺗﺎﻧﻲ ، ﻭﺃﻧﺎ ﻣﺶ ﻫﺎﺧﻠﺺ .. ﺃﺣﺴﻦ ﺣﺎﺟﺔ ﺃﻃﻨﺸﻪ .. ﺑﺲ ﺍﻟﺼﺮﺍﺣﺔ ﻫﻮ ﻛﺎﺗﺐ ﻛﻼﻡ ﺟﺎﻣﺪ !
.................................................
ﻓﻲ ﺍﻟﻜﺎﻓﻴﻪ ،،،،،
ﺍﻧﺘﻘﻠﺖ ﻧﺪﻯ ﻟﻠﺠﻠﻮﺱ ﻋﻠﻰ ﻃﺎﻭﻟﺔ ﺃﺧﺮﻯ ﻗﺮﻳﺒﺔ ﻣﻊ ﻋﻼﺀ ، ﻭﺑﺪﺃ ﺍﻻﺛﻨﻴﻦ ﺍﻟﺤﺪﻳﺚ ﻭ ...
- ﻋﻼﺀ : ﺍﺯﻳﻚ ﻳﺎ ﺁﻧﺴﺔ ﻧﺪﻯ
- ﻧﺪﻯ ﺑﺼﻮﺕ ﻫﺎﻣﺲ ﻭﻫﻲ ﺗﻨﻈﺮ ﻟﻸﺭﺽ : ﺍﻟﺤﻤﺪ ﻟﻠﻪ
- ﻋﻼﺀ : ﺍﻧﺘﻲ ﻣﺶ ﺑﺘﺒﺼﻴﻠﻲ ﻟﻴﻪ؟
- ﻧﺪﻯ ﺑﺨﺠﻞ : ﺁﺁﺁ ...
- ﻋﻼﺀ : ﺃﻧﺎ ﺃﺣﺐ ﻟﻤﺎ ﺃﺗﻜﻠﻢ ﻣﻊ ﺣﺪ ﻳﻜﻮﻥ ﺑﺎﺻﺼﻠﻲ ، ﻓﺒﻌﺪ ﺍﺫﻧﻚ ﺑﺼﻴﻠﻲ
- ﻧﺪﻯ : ﻃـ ... ﻃﻴﺐ
- ﻋﻼﺀ : ﻋﺸﺎﻥ ﻣﻀﻴﻌﺶ ﻭﻗﺘﻚ ، ﺃﻧﺎ ﻋﺎﻭﺯ ﺃﻃﻤﻨﻚ ﻣﻦ ﻧﺎﺣﻴﺘﻲ ، ﺇﻥ ﻟﻮ ﺣﺼﻞ ﺑﻴﻨﺎ ﻧﺼﻴﺐ ﻣﺶ ﻫﺎﺑﺨﻞ ﻋﻠﻴﻜﻲ ﺑﺄﻱ ﺣﺎﺟﺔ ، ﻫﺎﻛﻮﻥ ﺍﻟﺰﻭﺝ ﺍﻟﻠﻲ ﻳﻬﺘﻢ ﺑﺒﻴﺘﻪ ﻭﻳﺸﻮﻑ ﻃﻠﺒﺎﺗﻪ ﻭﻳﺮﺍﻋﻲ ﻣﺮﺍﺗﻪ
- ﻧﺪﻯ : ﻛــ ... ﻛﻮﻳﺲ
- ﻋﻼﺀ : ﺍﻧﺘﻲ ﻟﻴﻪ ﺑﺘﺪﺭﺳﻲ ﺻﺢ
- ﻧﺪﻯ : ﺍﻳﻮﻩ
- ﻋﻼﺀ : ﻭﻗﺪﺍﻣﻚ ﺑﺘﺎﻉ ﺳﻨﺘﻴﻦ ﻋﺸﺎﻥ ﺗﺨﻠﺼﻲ
- ﻧﺪﻯ : ﺃﻫﺎ
- ﻋﻼﺀ : ﺑﺘﻔﻜﺮﻱ ﺗﻜﻤﻠﻲ ﺩﺭﺍﺳﺎﺕ ﻋﻠﻴﺎ ؟
- ﻧﺪﻯ : ﺣﺎﻟﻴﺎً ﻟﺴﻪ ﻣﺶ ﻋﺎﺭﻓﺔ ﺑﺲ ﺁﺁﺁ ...
- ﻋﻼﺀ : ﻟﻮ ﺣﺼﻞ ﺑﻴﻨﺎ ﻧﺼﻴﺐ ﺃﺗﻤﻨﻰ ﺍﻧﻚ ﻣﺘﻜﻤﻠﻴﺶ ﻭﺗﻜﺘﻔﻲ ﻓﻘﻂ ﺑﺸﻬﺎﺩﺓ ﺍﻟﻜﻠﻴﺔ ﻭﺧﻼﺹ
- ﻧﺪﻯ : ﻫــﻪ
- ﻋﻼﺀ : ﺍﻧﺎ ﺍﺣﺐ ﻣﺮﺍﺗﻲ ﺗﻘﻌﺪ ﻓﻲ ﺍﻟﺒﻴﺖ ﻭﺗﻬﺘﻢ ﺑﻴﺎ
- ﻧﺪﻯ : ﻭﺍﻟﻠﻪ ﺁﺁﺁ ...
- ﻋﻼﺀ : ﻗﻮﻟﻴﻠﻲ ﻟﻴﻜﻲ ﻓﻲ ﺍﻟﻄﺒﻴﺦ ؟
- ﻧﺪﻯ : ﻳﻌﻨﻲ ﺃﻧﺎ ﺑﻌﺮﻑ ﺃﻋﻤﻞ ﺣﺎﺟﺎﺕ ﺑﺴﻴﻄﺔ ﺑﺲ ﺍﻥ ﺷﺎﺀ ﺍﻟﻠﻪ ﺃﻗﺪﺭ ﺁﺁﺁ ....
- ﻋﻼﺀ : ﺑﺤﻜﻢ ﺷﻐﻠﻲ ﻭﺇﻧﻲ ﺳﺎﻋﺎﺕ ﺑﺘﺄﺧﺮ ﻓﺒﺎﺿﻄﺮ ﺃﺟﻴﺐ ﺃﻛﻞ ﺟﺎﻫﺰ ﻭﺍﻛﻞ ﻣﻦ ﺑﺮﺍ ﺍﻟﺒﻴﺖ ، ﻭﻛﻤﺎﻥ ﻟﻤﺮﺽ ﻭﺍﻟﺪﺗﻲ ﻓﻤﺶ ﺑﺘﻄﺒﺦ ﻛﺘﻴﺮ ﻓﺄﻧﺎ ﻣﺶ ﺣﺎﺑﺐ ﺍﻥ ﺩﻩ ﻳﺴﺘﻤﺮ ﺑﻌﺪ ﺍﻟﺠﻮﺍﺯ
- ﻧﺪﻯ : ﺍﺻﻼً ﻛﺘﺮ ﺍﻷﻛﻞ ﺍﻟﺠﺎﻫﺰ ﻣﺶ ﺣﻠﻮ
- ﻋﻼﺀ : ﺑﺎﻟﻈﺒﻂ ، ﻓﺄﻧﺎ ﻋﺎﻭﺯ ﻣﺮﺍﺗﻲ ﺗﻄﺒﺨﻠﻲ
- ﻧﺪﻯ : ﺗﻤﺎﻡ
- ﻋﻼﺀ : ﺍﻧﺘﻲ ﺑﺘﺤﺒﻲ ﺍﻳﻪ ؟
- ﻧﺪﻯ : ﺍﻟﻘﺮﺍﻳﺔ
- ﻋﻼﺀ : ﻣﻤﻢ ... ﺃﻧﺎ ﻣﺶ ﻏﺎﻭﻱ ﻗﺮﺍﻳﺔ ﺑﺲ ﺩﻩ ﻣﺎﻳﻤﻨﻌﺶ ﺍﻧﻲ ﺃﻗﺮﻯ ﺍﻟﺼﺤﻒ ﻭﺃﺗﺎﺑﻊ ﺍﻷﺧﺒﺎﺭ
- ﻧﺪﻯ : ﻷ ﺃﻧﺎ ﺃﻗﺼﺪ ﻗﺮﺍﻳﺔ ﺍﻟﻜﺘﺐ ﻭﺍﻟﻘﺼﺺ ﺍﻟﺮﻭﻣﺎﻧﺴﻴﺔ
- ﻋﻼﺀ : ﺃﻫﺎ ... ﻃﻴﺐ
- ﻧﺪﻯ ﻓﻲ ﻧﻔﺴﻬﺎ : ﺍﻧﺎ ﺣﺎﺳﺔ ﺇﻧﻲ ﻣﺘﺎﺧﺪﺓ ﻣﻦ ﻛﻞ ﺍﻟﻠﻲ ﺑﻴﺤﺼﻞ، ﻭﺇﻧﻲ ﻣﺶ ﻣﺮﻛﺰﺓ ، ﻭﻣﺶ ﻋﺎﺭﻓﺔ ﺃﺧﺪ ﻗﺮﺍﺭ ، ﺃﻧﺎ ﺃﻛﻴﺪ ﺑﺤﻠﻢ ، ﺭﺑﻨﺎ ﻳﻬﻮﻥ ﻭﺗﺨﻠﺺ ﺍﻟﻤﻘﺎﺑﻠﺔ ﺩﻱ
ﻇﻠﺖ ﻧﺪﻯ ﺻﺎﻣﺘﺔ ﻟﻠﺤﻈﺎﺕ ﻻ ﺗﺠﺪ ﻣﺎ ﺗﺘﺤﺪﺙ ﻋﻨﻪ ﺇﻟﻰ ﺃﻥ ﻗﻄﻊ ﺻﻤﺘﻬﺎ ﻋﻼﺀ ﻭ ...
- ﻋﻼﺀ : ﺳﺎﻛﺘﺔ ﻟﻴﻪ
- ﻧﺪﻯ : ﻣﺶ ﻻﻗﻴﺔ ﺍﻟﻠﻲ ﺃﻗﻮﻟﻪ
- ﻋﻼﺀ : ﻃﺐ ﻣﺎ ﺗﺴﺄﻟﻨﻲ ﻋﻦ ﺃﻱ ﺣﺎﺟﺔ
- ﻧﺪﻯ : ﻋﻦ ﺍﻳﻪ ؟
- ﻋﻼﺀ : ﺷﻮﻓﻲ ﺍﻧﺘﻲ ﻋﺎﻭﺯﺓ ﺗﺴﺄﻟﻲ ﻋﻦ ﺍﻳﻪ ﻭﺃﻧﺎ ﺃﺟﺎﻭﺑﻚ ﻋﻠﻴﻪ
- ﻧﺪﻯ : ﺍﺣﻢ ... ﻳﻌﻨﻲ ﻣﺎﻓﻴﺶ ﻓﻲ ﺩﻣﺎﻏﻲ ﺣﺎﺟﺔ ﻣﺤﺪﺩﺓ
- ﻋﻼﺀ : ﺃﻧﺎ ﻋﺎﺩﺓ ﺑﺤﺎﻭﻝ ﺩﺍﻳﻤﺎً ﺃﺭﺗﺐ ﺃﻓﻜﺎﺭﻱ ﻭﺍﻛﺘﺐ ﻛﻞ ﺍﻟﻠﻲ ﻳﺨﻄﺮ ﺑﺒﺎﻟﻲ ﻓﻲ ﻭﺭﻗﺔ ﻋﺸﺎﻥ ﻣﻨﺴﺎﺵ ، ﻟﻴﻪ ﻣﺎﺗﻌﻤﻠﻴﺶ ﺩﻩ
- ﻧﺪﻯ : ﺭﺑﻨﺎ ﻳﺴﻬﻞ
- ﻋﻼﺀ : ﻃﻴﺐ ﺍﻧﺎ ﻫﺎﻛﻠﻤﻚ ﻋﻦ ﻧﻔﺴﻲ
- ﻧﺪﻯ : ﺍﺗﻔﻀﻞ
- ﻋﻼﺀ : ﺃﻧﺎ ﻋﻨﺪﻱ 27 ﺳﻨﺔ ﻭﻛﻨﺖ ﺧﺎﻃﺐ ﻗﺒﻞ ﻛﺪﻩ ﻭﺑﻌﺪﻳﻦ ﻛﺘﺒﺖ ﻛﺘﺎﺑﻲ ﻭﺍﺗﺠﻮﺯﺕ ﻭﺑﻌﺪﻫﺎ ﺍﻧﻔﺼﻠﺖ
- ﻧﺪﻯ : ﺍﻫﺎ
ﺳﻜﺘﺖ ﻧﺪﻯ ﻟﺒﻌﺾ ﺍﻟﻮﻗﺖ ، ﻓﺘﺤﺪﺙ ﻋﻼﺀ ﺑـ ...
- ﻋﻼﺀ : ﻳﻌﻨﻲ ﻣﺴﺄﻟﺘﻨﻴﺶ ﻋﻦ ﻣﺮﺍﺗﻲ ﺍﻷﻭﻟﻰ
- ﻧﺪﻯ : ﺍﺣﻢ .. ﻣﺎ ﺣﻀﺮﺗﻚ ﻗﻮﻟﺖ ﺍﻧﻜﻢ ﺍﻧﻔﺼﻠﺘﻮﺍ
- ﻋﻼﺀ : ﻭﺇﻧﺘﻲ ﻣﺴﺄﻟﺘﻴﺶ ﺳﺒﺐ ﺍﻻﻧﻔﺼﺎﻝ ﺍﻳﻪ ؟
- ﻧﺪﻯ : ﺑﺮﺍﺣﺘﻚ ﻟﻮ ﻋﺎﻭﺯ ﺗﻘﻮﻝ ، ﻭﻻ ﻣﺶ ﻋﺎﻭﺯ ﺗﻘﻮﻝ ﺧﻼﺹ
- ﻋﻼﺀ : ﻣﻤﻤﻢ ... ﻛﻼﻣﻚ ﺩﻩ ﻣﻌﻨﺎﻩ ﺍﻳﻪ ؟
- ﻧﺪﻯ : ﺃﻧﺎ ﻣﻘﺼﺪﺵ ﻭﺍﻟﻠﻪ ﺣﺎﺟﺔ ، ﺑﺲ ﺃﻧﺎ ﺷﺎﻳﻔﺔ ﺍﻥ ﻃﺎﻟﻤﺎ ﻣﺮﺣﻠﺔ ﻣﻦ ﺣﻴﺎﺗﻚ ﺍﻧﺘﻬﺖ ﻣﻊ ﺣﺪ ﻓﻤﺶ ﻻﺯﻡ ﺗﻘﻒ ﻋﻨﺪ ﺍﻟﻤﺮﺣﻠﺔ ﺩﻱ ﻛﺘﻴﺮ ﻭﺗﻔﻀﻞ ﺗﺤﻜﻲ ﻋﻨﻬﺎ
- ﻋﻼﺀ : ﻷ ﺃﻧﺎ ﻋﻜﺴﻚ ﺗﻤﺎﻣﺎً ، ﺍﻟﻤﻔﺮﻭﺽ ﺍﺣﻜﻲ ﻋﻨﻬﺎ ﻷﻥ ﺑﻴﺘﺮﺗﺐ ﻋﻠﻴﻬﺎ ﻣﺴﺎﺋﻞ ﺗﺎﻧﻴﺔ ﻛﺘﻴﺮ
- ﻧﺪﻯ : ﺍﻫﺎ
- ﻋﻼﺀ : ﺃﻧﺎ ﻋﻠﻰ ﻓﻜﺮﺓ ﺣﺒﻴﺖ ﺍﻻﻧﺴﺎﻧﺔ ﺩﻱ ﺃﻭﻱ ، ﻭﻟﺴﻪ ﻟﺤﺪ ﺍﻟﻮﻗﺘﻲ ﺑﺤﺘﺮﻣﻬﺎ ﺭﻏﻢ ﺇﻧﻲ ﻋﺮﻓﺖ ﺍﻥ ﺭﺑﻨﺎ ﻳﺴﺮﻟﻬﺎ ﻃﻴﻘﻬﺎ ﻣﻊ ﺍﻧﺴﺎﻥ ﺗﺎﻧﻲ ﻭﺑﺎﻟﻌﻜﺲ ﺃﻧﺎ ﺑﺘﻤﻨﺎﻟﻬﺎ ﺍﻟﺨﻴﺮ ، ﻫﻲ ﺗﺴﺘﺎﻫﻞ ﺩﻩ
- ﻧﺪﻯ : ﻛﻮﻳﺲ
- ﻋﻼﺀ : ﻭﻳﻮﻡ ﻣﺎ ﻓﻜﺮﺕ ﺃﺭﺗﺒﻄﺖ ﺃﻧﺎ ﺣﺎﺑﺐ ﺍﻥ ﺍﻻﻧﺴﺎﻧﺔ ﺍﻟﻠﻲ ﺃﺭﺗﺒﻂ ﺑﻴﻬﺎ ﺗﺪﻳﻨﻲ ﻛﻞ ﺣﺎﺟﺔ ، ﻛﻞ ﺍﻟﻤﺸﺎﻋﺮ ﺍﻟﻠﻲ ﺑﺤﻠﻢ ﺑﻴﻬﺎ ، ﺗﺪﻳﻨﻲ ﻗﻠﺒﻬﺎ ﻭﻋﻘﻠﻬﺎ ، ﺗﺪﻳﻨﻲ ﺣﻴﺎﺗﻬﺎ ﻭﺗﺒﻘﻰ ﻟﻴﺎ ﺃﻧﺎ ﻭﺑﺲ
- ﻧﺪﻯ : ﺑﺲ ﻫﻲ ﻣﺶ ﻫﺘﺪﻱ ﻣﻦ ﻏﻴﺮ ﻣﺎ ﺗﺎﺧﺪ ﻣﻘﺎﺑﻞ
- ﻋﻼﺀ : ﺃﻧﺎ ﻫﻮﻓﺮﻟﻬﺎ ﻛﻞ ﺍﻟﻠﻲ ﻫﻲ ﻋﺎﻭﺯﺍﻩ ، ﻫﺨﻠﻴﻬﺎ ﺗﻌﻴﺶ ﻓﻲ ﺍﻟﺠﻨﺔ ، ﻫﺎﻋﻤﻞ ﻛﻞ ﺍﻟﻠﻲ ﺃﻗﺪﺭ ﻋﻠﻴﻪ ﻋﺸﺎﻥ ﻣﺎﺗﺤﺴﺶ ﺑﺤﺪ ﻓﻲ ﺣﻴﺎﺗﻬﺎ ﺇﻻ ﺃﻧﺎ
- ﻧﺪﻯ : ﺭﺑﻨﺎ ﻳﻘﻮﻳﻚ
- ﻋﻼﺀ : ﻋﻠﻰ ﻓﻜﺮﺓ ﺃﻧﺎ ﻣﻌﺠﺐ ﺑﻄﺮﻳﻘﺘﻚ
- ﻧﺪﻯ : ﻣﻴﺮﺳﻲ
- ﻋﻼﺀ : ﻭﺍﻟﻠﻪ ﻣﺶ ﺑﺠﺎﻣﻞ ، ﺑﺲ ﺃﻧﺎ ﺷﺎﻳﻒ ﻓﻌﻼً ﺇﻧﻚ ﻣﺨﺘﻠﻔﺔ ﻋﻦ ﺃﻱ ﺣﺪ ﺗﺎﻧﻲ ﻗﺎﺑﻠﺘﻪ
- ﻧﺪﻯ : ﺃﻧﺎ ﺑﺲ ﻣﺶ ﺑﺤﺐ ﺃﺗﻜﻠﻢ ﻋﻦ ﺣﺪ ﻣﺶ ﻋﺎﺭﻓﺎﻩ ﺑﺼﻮﺭﺓ ﻭﺣﺸﺔ ، ﻭﻛﻤﺎﻥ ﻻﺯﻡ ﺃﺭﺍﻋﻲ ﺣﺮﻳﺔ ﺍﻟﻐﻴﺮ ﻓﻲ ﺍﻟﻜﻼﻡ .. ﻳﻌﻨﻲ ﻣﺶ ﺑﺪﺧﻞ ﻓﻲ ﺍﻟﻠﻲ ﻣﺎﻟﻴﺶ ﻓﻴﻪ ، ﺃﻧﺎ ﻣﺶ ﻓﻀﻮﻟﻴﺔ
- ﻋﻼﺀ : ﺃﻧﺎ ﻣﺴﺘﻐﺮﺏ ﺍﻥ ﻟﺴﻪ ﻓﻲ ﺑﻨﺎﺕ ﺯﻳﻚ ﻓﻲ ﺍﻟﺰﻣﻦ ﺍﻟﻠﻲ ﺍﺣﻨﺎ ﻓﻴﻪ
- ﻧﺪﻯ : ﻭﺍﻟﻠﻪ ﻓﻲ ﻛﺘﻴﺮ ، ﺑﺲ ﺍﻟﻜﻞ ﺑﻴﺪﻭﺭ ﻉ ﺍﻟﻤﻈﺎﻫﺮ
- ﻋﻼﺀ : ﻋﻨﺪﻙ ﺣﻖ ، ﻭﺩﻩ ﺍﻟﻠﻲ ﻛﺎﻥ ﺣﺼﻞ ﻣﻌﺎﻳﺎ ، ﺃﻧﺎ ﺍﻧﺨﺪﻋﺖ ﺑﺎﻟﻤﻈﺎﻫﺮ
- ﻧﺪﻯ : ﺭﺑﻨﺎ ﻳﻌﻮﺿﻚ ﺑﺎﻷﺣﺴﻦ
- ﻋﻼﺀ : ﻣﻤﻜﻦ ﺍﺳﺄﻟﻚ ﺳﺆﺍﻝ ﺃﺧﻴﺮ
- ﻧﺪﻯ : ﺍﺗﻔﻀﻞ
- ﻋﻼﺀ : ﺍﻧﺘﻲ ﺍﻳﻪ ﺭﺃﻳﻚ ﻓﻴﺎ
- ﻧﺪﻯ : ﺁﺁﺁ ...
- ﻋﻼﺀ : ﻗﻮﻟﻴﻠﻲ ﺭﺃﻱ ﻣﺒﺪﺃﻱ
- ﻧﺪﻯ : ﻳﻌﻨﻲ ﻣﻘﺪﺭﺵ ﺍﺣﻜﻢ ﻋﻠﻰ ﺣﻀﺮﺗﻚ ﻣﻦ ﺃﻭﻝ ﻣﻘﺎﺑﻠﺔ
- ﻋﻼﺀ : ﻭﺃﻧﺎ ﻣﺶ ﻫﺎﻓﻀﻞ ﺃﻗﺎﺑﻠﻚ ﺑﺪﻭﻥ ﻣﺎ ﻳﻜﻮﻥ ﻓﻲ ﺭﺍﺑﻂ ﺑﻴﻨﺎ
- ﻧﺪﻯ : ﻫﻪ
- ﻋﻼﺀ : ﺑﺼﺮﺍﺣﺔ ﻛﺪﻩ ﺃﻧﺎ ﻫﺎﻃﻠﺐ ﻣﻦ ﻭﺍﻟﺪﻙ ﺍﻧﻨﺎ ﻧﻌﻤﻞ ﻗﺮﺍﻳﺔ ﻓﺎﺗﺤﺔ
- ﻧﺪﻯ ﺑﺪﻫﺸﺔ : ﻧﻌﻢ ؟
- ﻋﻼﺀ : ﺃﻧﺎ ﺷﺎﻳﻒ ﺍﻥ ﺩﻱ ﺍﻟﻄﺮﻳﻘﺔ ﺍﻟﻠﻲ ﺗﺨﻠﻴﻨﻲ ﺃﻗﺪﺭ ﺃﺗﻜﻠﻢ ﻣﻌﺎﻛﻲ ﻭﺃﻓﻬﻤﻚ ﺍﻛﺘﺮ ﺑﺪﻭﻥ ﻭﺟﻮﺩ ﺣﺴﺎﺳﻴﺔ ﺑﻴﻨﺎ
- ﻧﺪﻯ : ﺍﺣﻢ ... ﺍﻟﻜﻼﻡ ﺩﻩ ﺣﻀﺮﺗﻚ ﺗﺘﻨﺎﻗﺶ ﻓﻴﻪ ﻣﻊ ﻭﺍﻟﺪﻱ ، ﻣﺶ ﻣﻌﺎﻳﺎ
- ﻋﻼﺀ : ﺗﻤﺎﻡ
ﻓﻲ ﻧﻔﺲ ﺍﻟﻮﻗﺖ ﻋﻠﻰ ﻃﺎﻭﻟﺔ ﺻﻼﺡ ﻭﺯﻳﻨﺐ ،،،
- ﺯﻳﻨﺐ : ﺷﺎﻳﻒ ﻳﺎ ﺣﺎﺝ ﺍﻻﺗﻨﻴﻦ ﻻﻳﻘﻴﻦ ﻋﻠﻰ ﺑﻌﺾ ﺍﺯﺍﻱ
- ﺻﻼﺡ : ﻭﺍﻟﻠﻪ ﺃﻧﺎ ﻣﺶ ﻣﺮﺗﺎﺡ
- ﺯﻳﻨﺐ : ﻟﻴﻪ ﺑﺲ
- ﺻﻼﺡ : ﻣﻌﺮﻓﺶ ﺍﻟﻮﻟﺪ ﻛﻮﻳﺲ ﺑﺲ ﻣﺘﻜﺎﻟﻤﺶ ﺃﻭﻱ ﻋﻦ ﺟﻮﺍﺯﺗﻪ ﺍﻟﻠﻴﻔﺎﺗﺖ ﻭﻻ ﻟﻴﻪ ﺍﻧﻔﺼﻞ ﻋﻦ ﻣﺮﺍﺗﻪ ﺍﻷﻭﻻﻧﻴﺔ
- ﺯﻳﻨﺐ : ﻳﺎ ﺣﺎﺝ ﻣﺎﻫﻮ ﻗﺎﻝ ﻓﻲ ﻭﺳﻂ ﺍﻟﻜﻼﻡ ﺍﻧﻪ ﻛﺎﻥ ﻣﻔﻜﺮﻫﺎ ﺣﺎﺟﺔ ﻭﻻﻗﺎﻫﺎ ﺑﻌﺪ ﺍﻟﺠﻮﺍﺯ ﺣﺎﺟﺔ ﺗﺎﻧﻴﺔ ، ﺍﻛﻴﺪ ﻃﻠﻌﺖ ﺧﺎﻳﻨﺔ ﻭﻻ ﺑﺖ ﻣﻦ ﺍﻳﺎﻫﻢ ، ﻭﻛﺘﺮ ﺧﻴﺮﻩ ﺳﺘﺮﻫﺎ
- ﺻﻼﺡ ﻭﻫﻮ ﻳﻔﻜﺮ ﻓﻲ ﺍﻷﻣﺮ : ﻣﻤﻤﻢ
- ﺯﻳﻨﺐ : ﻭﺑﻌﺪﻳﻦ ﻳﺎ ﺣﺎﺝ ﺷﻮﻑ ﻫﻮ ﺟﺎﻳﺒﻨﺎ ﻓﻲ ﻣﻜﺎﻥ ﻋﺎﻣﻞ ﺍﺯﺍﻱ ، ﻭﺍﻟﻈﺎﻫﺮ ﻋﻠﻴﻪ ﺷﺎﺭﻱ ﺑﻨﺘﻚ ﻭﻣﺎﻟﻴﻪ ﺩﻣﺎﻏﻪ
- ﺻﻼﺡ : ﻣﺶ ﺑﺎﻟﻤﻜﺎﻥ ﻳﺎ ﺯﻳﻨﺐ ، ﻫﻮ ﺃﻧﺎ ﻫﺠﻮﺯﻩ ﺑﻨﺘﻲ ﻋﺸﺎﻥ ﺃﻋﺪﻧﺎ ﻓﻲ ﻛﺎﻓﻴﻪ ﻏﺎﻟﻲ
- ﺯﻳﻨﺐ : ﻷ ﻣﻘﺼﺪﺵ ﻳﺎ ﺣﺎﺝ ، ﺃﻧﺎ ﺃﻗﺼﺪ ﺍﻧﻪ ﻣﺴﺘﻌﺪ ﻳﺼﺮﻑ ﻭﻣﺶ ﺑﺨﻴﻞ
- ﺻﻼﺡ : ﺑﺼﻲ ﺍﻟﻜﻼﻡ ﺩﻩ ﺁﺁﺁﺁ ...
ﻗﻄﻊ ﺍﻟﺤﻮﺍﺭ ﻭﺻﻮﻝ ﻧﺪﻯ ﻭﻋﻼﺀ ﺇﻟﻰ ﺍﻟﻄﺎﻭﻟﺔ ﻭ ...
- ﻋﻼﺀ : ﺍﺳﺘﺎﺫ ﺻﻼﺡ ﻣﻤﻜﻦ ﻛﻠﻤﺔ ﻋﻠﻰ ﺟﻤﺐ
- ﺻﻼﺡ : ﺍﻳﻮﻩ ﻳﺎ ﺑﻨﻲ ، ﺧﻴﺮ
....
- ﺯﻳﻨﺐ : ﻫﺎ ﻗﺎﻟﻚ ﺍﻳﻪ
- ﻧﺪﻯ : ﻛﻼﻡ ﻛﺘﻴﺮ ﺃﻋﺪ ﻳﺤﻜﻲ ﻋﻦ ﻧﻔﺴﻪ ، ﻭﺳﺄﻟﻨﻲ ﻋﻦ ﻧﻔﺴﻲ ﺷﻮﻳﺔ
- ﺯﻳﻨﺐ : ﻫﺎ ، ﻭﺑﻌﺪﻳﻦ ؟
- ﻧﺪﻯ : ﺑﺲ ﻭﻓﻲ ﺍﻻﺧﺮ ﻗﺎﻟﻲ ﺇﻧﻪ ﻋﺎﻭﺯ ﻳﻘﺮﻯ ﺍﻟﻔﺎﺗﺤﺔ ﻋﻠﻴﺎ
- ﺯﻳﻨﺐ ﺑﻔﺮﺣﺔ : ﺑﺠﺪ ، ﻳﺎ ﻣﺎ ﺍﻧﺖ ﻛﺮﻳﻢ ﻳﺎ ﺭﺏ
- ﻧﺪﻯ : ﺍﻳﻪ ﻳﺎ ﻣﺎﻣﺎ ﻣﺶ ﻛﺪﻩ ، ﺍﻧﺘﻲ ﻋﺎﻭﺯﺍﻩ ﻳﻘﻮﻝ ﻋﻠﻴﻨﺎ ﻣﺪﻟﻮﻗﻴﻦ
- ﺯﻳﻨﺐ : ﻃﻴﺐ ﺧﻼﺹ
ﻭﻗﻒ ﺻﻼﺡ ﻣﻊ ﻋﻼﺀ ﺑﻌﻴﺪﺍً ﻋﻦ ﻧﺪﻯ ﻭﻭﺍﻟﺪﺗﻬﺎ ، ﺛﻢ ﻃﻠﺐ ﻋﻼﺀ ﻣﻨﻪ ﺃﻥ .....
- ﻋﻼﺀ : ﺃﻧﺎ ﻣﺶ ﻋﺎﺭﻑ ﺃﺷﻜﺮ ﺣﻀﺮﺗﻚ ﺍﺯﺍﻱ ﻉ ﺍﻟﻤﻘﺎﺑﻠﺔ ﺩﻱ ، ﻭﻟﻮ ﺗﺴﻤﺤﻠﻲ ﺃﻧﺎ ﻣﻤﻜﻦ ﺃﻃﻠﺐ ﻣﻦ ﺣﻀﺮﺗﻚ ﺇﻧﻲ ﺃﻗﺮﻯ ﺍﻟﻔﺎﺗﺤﺔ ﻋﻠﻰ ﻧﺪﻯ
- ﺻﻼﺡ ﺑﺼﺪﻣﺔ : ﻫﻪ .. ﺗﻘﺮﻯ ﺍﻟﻔﺎﺗﺤﺔ
- ﻋﻼﺀ : ﺑﺼﺮﺍﺣﺔ ﻣﺶ ﻋﺎﻭﺯ ﺃﺿﻴﻊ ﻭﻗﺘﻲ ﻭﻋﺎﻭﺯ ﺃﺗﻌﺮﻑ ﻋﻠﻰ ﻧﺪﻯ ﺍﻛﺘﺮ ﻭﺍﻛﺘﺮ ﻓﻲ ﺍﻃﺎﺭ ﺷﺮﻋﻲ ﻷﻧﻲ ﺍﻥ ﺷﺎﺀ ﺍﻟﻠﻪ ﻧﺎﻭﻱ ﺧﻴﺮ
- ﺻﻼﺡ : ﺑﺲ ﻳﺎ ﺑﻨﻲ ﺇﺣﻨﺎ ﻟﺴﻪ ﻣﺎ ﻗﺮﺭﻧﺎﺵ ﻫﻨﻌﻤﻞ ﺍﻳﻪ ﻭﻻ ﻧﺪﻯ ﻗﺎﻟﺖ ﺭﺃﻳﻬﺎ ﻓﻲ ﺍﻟﻤﻮﺿﻮﻉ ﻛﻠﻪ
- ﻋﻼﺀ : ﺧﺪﻭﺍ ﺭﺍﺣﺘﻜﻢ ﻓﻲ ﺍﻟﺘﻔﻜﻴﺮ ، ﻭﺃﻧﺎ ﻫﻨﺘﻈﺮ ﻗﺮﺍﺭﻛﻢ ﻳﺎ ﺇﻣﺎ ﺑﺎﻟﻤﻮﺍﻓﻘﺔ ﻭﺗﺤﺪﻳﺪ ﻣﻴﻌﺎﺩ ﻟﻘﺮﺍﻳﺔ ﺍﻟﻔﺎﺗﺤﺔ ﻳﺎ ... ﻳﺎ .. ﺍﺣﻢ ﻳﻌﻨﻲ ﻣﺎﻓﻴﺶ ﻧﺼﻴﺐ ﻭﻛﺪﻩ
- ﺻﻼﺡ : ﻣﺎﺷﻲ ، ﺇﺩﻳﻨﺎ ﻓﺮﺻﺔ ﻧﺘﻜﻠﻢ ﻣﻊ ﺑﻌﺾ ﻭﻧﺘﻨﺎﻗﺶ ﻭﺍﻟﻠﻲ ﺭﺑﻨﺎ ﻋﺎﻭﺯﻩ ﻫﻴﻜﻮﻥ
- ﻋﻼﺀ : ﻳﺎ ﺭﺏ ﻳﻜﺮﻣﻨﻲ ﺑﺎﻟﺨﻴﺮ
- ﺻﻼﺡ : ﻳﺎ ﺭﺏ ، ﻣﺎﺷﻲ ﻳﺎ ﺍﺑﻨﻲ ﺃﺣﻨﺎ ﻫﻨﻤﺸﻲ ﻭﺷﻜﺮﺍً ﻋﻠﻰ ﺍﻟﻌﺰﻭﻣﺔ ﺩﻱ
- ﻋﻼﺀ : ﻣﺎ ﻟﺴﻪ ﺑﺪﺭﻱ
- ﺻﻼﺡ : ﻷ ﻳﺪﻭﺏ ﻋﺸﺎﻥ ﻧﻠﺤﻖ ﺍﻟﻄﺮﻳﻖ
- ﻋﻼﺀ : ﺗﻤﺎﻡ .. ﻭﺃﻧﺎ ﻫﻨﺘﻈﺮ ﻣﻦ ﺣﻀﺮﺗﻚ ﺍﻟﺮﺩ
- ﺻﻼﺡ : ﺑﺄﻣﺮ ﺍﻟﻠﻪ .. ﻳﺎﻻ ﻳﺎ ﺣﺎﺟﺔ ﺯﻳﻨﺐ ، ﻳﺎﻻ ﻳﺎ ﺑﻨﺘﻲ
- ﻋﻼﺀ : ﺃﻧﺎ ﺳﻌﻴﺪ ﺇﻧﻲ ﻗﺎﺑﻠﺘﻜﻢ ﺍﻟﻨﻬﺎﺭﺩﺓ
- ﺯﻳﻨﺐ ﺑﻔﺮﺣﺔ : ﻭﺍﺣﻨﺎ ﻛﻤﺎﻥ ﻳﺎ ﺑﻨﻲ
- ﻋﻼﺀ : ﻓﺮﺻﺔ ﺳﻌﻴﺪﺓ ﻳﺎ ﺁﻧﺴﺔ ﻧﺪﻯ
- ﻧﺪﻯ : ﻣﻴﺮﺳﻲ
- ﺻﻼﺡ : ﻃﻴﺐ ﻳﺎ ﻋﻼﺀ ﻳﺎ ﺑﻨﻲ ، ﺃﺷﻮﻓﻚ ﻉ ﺧﻴﺮ
- ﻋﻼﺀ : ﺍﻥ ﺷﺎﺀ ﺍﻟﻠﻪ ، ﻣﻊ ﺍﻟﺴﻼﻣﺔ ﻳﺎ ﺃﺳﺘﺎﺫ ﺻﻼﺡ ، ﻣﻊ ﺍﻟﺴﻼﻣﺔ ﻳﺎ ﻫﺎﻧﻢ
- ﺯﻳﻨﺐ : ﺍﻟﻠﻪ ﻳﺴﻠﻤﻚ ﻳﺎ ﺑﻨﻲ
ﺍﻧﺼﺮﻑ ﺍﻟﺠﻤﻴﻊ ﻋﺎﺋﺪﻳﻦ ﺇﻟﻰ ﻣﻨﺎﺯﻟﻬﻢ ، ﻭﻛﺎﻥ ﺻﻼﺡ ﻃﻮﺍﻝ ﺍﻟﻄﺮﻳﻖ ﺑﺎﻟﻪ ﻣﺸﻐﻮﻝ ﺣﻴﺚ ﻛﺎﻥ ﻳﻔﻜﺮ ﻓﻲ ﺃﻣﺮ ﻧﺪﻯ ﺍﺑﻨﺘﻪ
.........................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻓﻲ ﻏﺮﻓﺔ ﻧﻮﻡ ﺻﻼﺡ ﻭﺯﻳﻨﺐ ،،،
- ﺯﻳﻨﺐ : ﺍﻧﺎ ﺷﺎﻳﻔﺔ ﺍﻧﻪ ﺷﺎﺏ ﻛﻮﻳﺲ ﻭﻋﺎﻭﺯ ﻳﻤﺸﻲ ﻉ ﺍﻷﺻﻮﻝ
- ﺻﻼﺡ : ﺃﻧﺎ ﻣﺶ ﻣﺮﺗﺎﺡ
- ﺯﻳﻨﺐ : ﺍﻧﺖ ﺑﺘﺤﺎﻭﻝ ﺗﺪﻭﺭ ﻉ ﺃﻱ ﺣﺠﺔ ﻋﺸﺎﻥ ﺗﺮﻓﻀﻪ ﻭﺧﻼﺹ
- ﺻﻼﺡ : ﻳﺎ ﺯﻳﻨﺐ ﻣﺶ ﻛﺪﻩ ، ﺑﺲ ﻛﻼﻣﻪ ﻓﻴﻪ ﺷﻮﻳﺔ ﻏﻤﻮﺽ ﻭﺃﻧﺎ ﻣﺶ ﻣﻄﻤﻦ
- ﺯﻳﻨﺐ : ﺍﻧﺖ ﻣﺶ ﺳﺄﻟﺖ ﻋﻠﻴﻪ ﻓﻲ ﺍﻟﺸﺎﺭﻉ ﺑﺘﺎﻋﻪ
- ﺻﻼﺡ : ﺃﻩ
- ﺯﻳﻨﺐ : ﻭﻛﻞ ﺍﻟﻨﺎﺱ ﺍﺟﻤﻌﻮﺍ ﺍﻧﻪ ﻛﻮﻳﺲ ﻭﺍﺑﻦ ﻧﺎﺱ ﻃﻴﺒﻴﻦ ﻭﻓﻲ ﺣﺎﻟﻪ
- ﺻﻼﺡ : ﺃﻳﻮﻩ
- ﺯﻳﻨﺐ : ﻭﺍﻟﺮﺍﺟﻞ ﻃﻠﺐ ﻣﻨﻨﺎ ﺍﻳﺪ ﺑﻨﺘﻨﺎ ﻋﺸﺎﻥ ﻳﺘﻌﺮﻑ ﻋﻠﻴﻬﺎ ﻭﻳﻘﺮﺏ ﻣﻨﻬﺎ ﺑﺎﻷﺻﻮﻝ
- ﺻﻼﺡ : ﺍﻳﻮﻩ
- ﺯﻳﻨﺐ : ﻳﺒﻘﻰ ﻓﻴﻦ ﺍﻟﻤﺸﻜﻠﺔ
- ﺻﻼﺡ : ﺍﺣﺴﺎﺳﻲ ﻳﺎ ﺯﻳﻨﺐ
- ﺯﻳﻨﺐ : ﻷ ﺩﻱ ﻭﺳﺎﻭﺱ ﺷﻴﻄﺎﻥ ﻋﺎﻭﺯﺓ ﺗﺨﻠﻴﻚ ﻛﺪﻩ ﻣﺘﺮﺩﺩ ﻭﻣﺶ ﻋﺎﺭﻑ ﺗﺎﺧﺪ ﻗﺮﺍﺭ
- ﺻﻼﺡ : ﻭﺳﺎﻭﺱ ﺷﻴﻄﺎﻥ ﻭﺳﺎﻭﺱ ﻋﻔﺎﺭﻳﺖ ﺃﻧﺎ ﻣﺶ ﻫﺎﻋﻤﻞ ﺃﻱ ﺣﺎﺟﺔ ﺇﻻ ﻟﻤﺎ ﺃﺷﻮﻑ ﻧﺪﻯ ﻫﺘﻌﻤﻞ ﺍﻳﻪ
- ﺯﻳﻨﺐ : ﻳﻌﻨﻲ ﺍﻧﺖ ﻣﺶ ﻫﺎﺗﻘﻮﻝ ﺭﺃﻳﻚ ؟؟؟
- ﺻﻼﺡ : ﺭﺃﻱ ﺑﻨﺘﻲ ﻫﻮ ﺍﻷﻫﻢ ﻋﻨﺪﻱ !
- ﺯﻳﻨﺐ : ﺧﻼﺹ ﺍﻧﺎ ﻫﺎﺭﻭﺡ ﺍﺳﺎﻟﻬﺎ ﺍﻟﻮﻗﺘﻲ
- ﺻﻼﺡ : ﻷ ﺳﻴﺒﻴﻬﺎ ﺗﻔﻜﺮ ﺑﺮﺍﺣﺘﻬﺎ ، ﻭﻣﺘﻀﻐﻄﻴﺶ ﻋﻠﻴﻬﺎ ﻳﺎ ﺯﻳﻨﺐ
- ﺯﻳﻨﺐ : ﻳﻮﻭﻩ ﻳﺎ ﺣﺎﺝ ، ﺃﻧﺎ ﻧﻔﺴﻲ ﺃﻓﺮﺡ ﺑﺒﻨﺘﻲ
- ﺻﻼﺡ : ﺍﺻﺒﺮﻱ ﻭﺑﻼﺵ ﺗﺴﺘﻌﺠﻠﻲ
- ﺯﻳﻨﺐ : ﺣـﺎﺿﺮ
- ﺻﻼﺡ : ﻳﺎ ﺭﺏ ﺧﻴﺐ ﻇﻨﻲ ، ﻭﻧﻨﺘﻬﻲ ﻣﻦ ﺍﻟﻤﻮﺿﻮﻉ ﺩﻩ ﻉ ﺧﻴﺮ
............................
ﻓﻲ ﻏﺮﻓﺔ ﺍﻟﺒﻨﺎﺕ ،،،
ﻋﺎﺩﺕ ﻧﺪﻯ ﻣﻦ ﺍﻟﺨﺎﺭﺝ ﻟﺘﺠﺪ ﻧﻴﺮﺓ ﻣﺎﺯﺍﻟﺖ ﻣﺴﺘﻴﻘﻈﺔ ﻭﺗﺘﺼﻔﺢ ﺍﻻﻧﺘﺮﻧﺖ ﻭ ...
- ﻧﺪﻯ : ﺍﻧﺘﻲ ﻟﺴﻪ ﺻﺎﺣﻴﺔ ، ﺍﻭﻭﺑﺎ ، ﻭﻛﻤﺎﻥ ﻓﺎﺗﺤﺔ ﺍﻟﻨﺖ ، ﺃﻩ ﻟﻮ ﺑﺎﺑﺎ ﺷﺎﻓﻚ
- ﻧﻴﺮﺓ : ﺷﺸﺸﺶ .. ﻭﻃﻲ ﺻﻮﺗﻚ ، ﺃﻧﺎ .. ﺃﻧﺎ ﻛﻨﺖ ﺑﺸﻮﻑ ﺍﻷﺑﺤﺎﺙ ﺑﺘﺎﻋﺘﻲ
- ﻧﺪﻯ : ﻋﻠﻴﺎ ﺑﺮﺿﻮﻩ ، ﻭﻻ ﺑﺘﺼﻴﻌﻲ ﻉ ﺍﻟﻨﺖ
- ﻧﻴﺮﺓ : ﺍﺻﻴﻊ ﺍﻳﻪ ، ﻫﻮ ﺍﻧﺎ ﺑﺘﺎﻋﺔ ﺍﻟﻜﻼﻡ ﺩﻩ ، ﻗﻮﻟﻴﻠﻲ ﺑﻘﻰ ﻛﻨﺘﻮﺍ ﻓﻴﻦ
- ﻧﺪﻯ : ﻫﻪ
- ﻧﻴﺮﺓ : ﻓﻜﺮﺍﻧﻲ ﻣﺶ ﻭﺍﺧﺪﺓ ﺑﺎﻟﻲ ، ﺍﻟﺰﻭﺍﺀ ﻭﺍﻟﺸﻴﺎﻛﺔ ﺩﻱ ﺃﻛﻴﺪ ﻣﺶ ﻋﺸﺎﻥ ﺯﻳﺎﺭﺓ ﻋﺎﺩﻳﺔ ﻷ ﺩﻩ ﻓﻴﻬﺎ ﺣﺎﺟﺔ ﻣﻬﻤﺔ
- ﻧﺪﻯ : ﺁﺁﺁﺁ ...
- ﻧﻴﺮﺓ : ﻋﺮﻳﺲ ﺻﺢ ؟
- ﻧﺪﻯ : ﻫﻮ ﺑﺎﻳﻦ ﺃﻭﻱ
- ﻧﻴﺮﺓ : ﺍﻧﺘﻲ ﻣﻔﻜﺮﺓ ﺍﻥ ﻛﻞ ﺍﻟﻨﺎﺱ ﺯﻳﻚ ﻛﺪﻩ ﻋﻠﻰ ﻧﻴﺘﻬﻢ ، ﻷ ﺩﻩ ﺍﻧﺘﻲ ﻃﻴﺒﺔ ﺃﻭﻱ
- ﻧﺪﻯ : ﻃﺐ ﻋﺮﻓﺘﻲ ﺍﺯﺍﻱ ؟
- ﻧﻴﺮﺓ : ﻳﺎ ﺑﻨﺘﻲ ﺃﻧﺎ ﺑﻔﻬﻤﻬﺎ ﻭﻫﻲ ﻃﺎﻳﺮﺓ
- ﻧﺪﻯ : ﻳﺎ ﺳﻼﻡ !
- ﻧﻴﺮﺓ : ﺃﻩ ﻳﺎ ﻧﻮﺩﺓ ، ﻭﺑﺼﺮﺍﺣﺔ ﻛﺪﻩ ﻓﻘﺴﺖ ﺍﻟﻤﻮﺿﻮﻉ ﻣﻦ ﺳﺎﻋﺔ ﻣﺎ ﻻﻗﻴﺖ ﺍﻣﻚ ﺯﻳﺎﺭﺍﺗﻬﺎ ﻛﺘﺮﺕ ﻋﻨﺪ ﺍﻟﺴﺖ ﺁﻣﺎﻝ ، ﻭﻛﻼﻣﻬﺎ ﻋﻦ ﻟﺒﺴﻚ ﻭﺍﻧﻚ ﺗﺮﻳﺤﻲ ﻭﻣﺘﻨﺰﻟﻴﺶ ﺍﻟﻜﻠﻴﺔ ، ﻓﺨﻤﻨﺖ ﺍﻧﻪ ﻋﺮﻳﺲ
- ﻧﺪﻯ : ﻷ ﻧﺎﺻﺤﺔ ﻓﻌﻼ
- ﻧﻴﺮﺓ : ﻃﺒﻌﺎً ﻳﺎ ﺑﻨﺘﻲ ، ﻫﺎ ﻫﺘﻌﻤﻠﻲ ﺍﻳﻪ ﻣﻊ ﺍﻟﻠﻲ ﺃﻣﻪ ﺩﻋﻴﺎﻟﻪ ﺑﻴﻜﻲ
- ﻧﺪﻯ : ﻣﺶ ﻋﺎﺭﻓﺔ ﻭﺍﻟﻠﻪ ، ﺃﻧﺎ ﻣﺤﺘﺎﺭﺓ
- ﻧﻴﺮﺓ : ﻋﺎﻭﺯﺓ ﺭﺃﻳﻲ
- ﻧﺪﻯ : ﻗﻮﻟﻲ
- ﻧﻴﺮﺓ : ﻟﻮ ﻣﺴﺘﻌﺪ ﻳﻌﻤﻞ ﻛﻞ ﺣﺎﺟﺔ ﻋﺸﺎﻧﻚ ﻳﺒﻘﻰ ﺣﺮﺍﻡ ﻋﻠﻴﻜﻲ ﺗﻀﻴﻌﻴﻪ
- ﻧﺪﻯ : ﻫـــﺎﻩ
- ﻧﻴﺮﺓ : ﺍﻟﺰﻣﻦ ﺩﻩ ﻋﺎﻭﺯ ﺍﻟﻮﺍﺣﺪ ﺍﻟﻠﻲ ﻳﻌﺮﻑ ﺍﺯﺍﻱ ﻳﺼﺮﻑ ﻋﻠﻰ ﻣﺮﺍﺗﻪ ﻭﻣﺎﻳﺨﻠﻬﺎﺵ ﻣﺤﺘﺎﺟﺔ ﻟﺤﺎﺟﺔ
- ﻧﺪﻯ : ﺑﺲ ﺃﻧﺎ ﺑﺪﻭﺭ ﻉ ﺍﻟﻠﻲ ﻳﺤﺒﻨﻲ ﻣﺶ ﺍﻟﻠﻲ ﻳﺼﺮﻑ ﻋﻠﻴﺎ
- ﻧﻴﺮﺓ : ﺍﻟﺤﺐ ﺑﺘﺎﻋﻚ ﺍﻟﻠﻲ ﻓﻲ ﺍﻟﻘﺼﺺ ﺗﻤﺎﻣﻪ ﺍﻟﻘﺼﺺ ﻭﺑﺲ ، ﻟﻜﻦ ﺍﻟﺤﺐ ﺍﻟﻠﻲ ﺑﺠﺪ ﻫﺘﻼﻗﻴﻪ ﻓﻲ ﺍﻟﺮﺍﺟﻞ ﺍﻟﻠﻲ ﺑﻴﺠﻴﺒﻠﻚ ﻛﻞ ﺣﺎﺟﺔ ﻭﺧﺼﻮﺻﺎً ﺃﺣﺴﻨﻬﺎ !
- ﻧﺪﻯ : ﺑﺮﺿﻮﻩ ﺑﺘﻔﻜﺮﻱ ﻓﻲ ﺍﻟﻔﻠﻮﺱ
- ﻧﻴﺮﺓ : ﻭﺍﻟﻠﻪ ﺩﻩ ﺭﺃﻳﻲ ، ﺍﻟﺮﺍﺟﻞ ﻣﻦ ﻏﻴﺮ ﻓﻠﻮﺱ ﻣﺎﻳﺴﻮﺍﺵ ﻋﻨﺪﻱ ﺣﺎﺟﺔ
- ﻧﺪﻯ : ﺍﻧﺘﻲ ﺑﺘﻘﻮﻟﻲ ﻛﺪﻩ ﻋﺸﺎﻥ ﻟﺴﻪ ﻣﺠﺮﺑﺘﻴﺶ ﺍﻟﺤﺐ
- ﻧﻴﺮﺓ : ﻭﻳﺎ ﺭﻳﺖ ﻣﺎﺟﺮﺑﻮﺵ ، ﺃﻧﺎ ﻫﺒﻘﻰ ﻣﻠﻜﺔ ﻧﻔﺴﺐ ﻭﻣﺎﻓﻴﺶ ﺣﺪ ﻳﻜﺴﺮﻧﻲ ﻭﻻ ﻳﺬﻟﻨﻲ
- ﻧﺪﻯ : ﺃﻧﺎ ﺃﺣﺴﻦ ﺣﺎﺟﺔ ﺃﻋﻤﻠﻬﺎ ﺇﻧﻲ ﺃﺳﺘﺨﻴﺮ ﺭﺑﻨﺎ ، ﻭﻫﻮ ﺑﻤﺸﻴﺌﺘﻪ ﻫﻴﺮﺷﺪﻧﻲ ﻟﻠﻲ ﻓﻴﻪ ﺍﻟﺨﻴﺮ
