ﻓﻲ ﺍﻟﻄﺎﺋﺮﺓ ،،،،،
ﻛﺎﻥ ﻳﻮﺳﻒ ﻳﺘﺎﺑﻊ ﻧﺪﻯ ﺍﻟﻐﺎﻓﻠﺔ ﺑﺄﻋﻴﻦ ﻣﺸﺘﺎﻗﺔ ﻧﺎﺩﻣﺔ ﻋﻠﻰ ﻣﺎ ﻓﻌﻞ ﺑﻬﺎ، ﻫﻮ ﺗﺴﺮﻉ ﻭﺃﺧﻄﺄ ﻓﻲ ﺣﻘﻬﺎ .. ﻟﻢ ﻳﻤﻬﻠﻬﺎ ﺍﻟﻔﺮﺻﺔ ﻟﺘﺪﺍﻓﻊ ﻋﻦ ﻧﻔﺴﻬﺎ ، ﺷﻚ ﺑﻬﺎ ﺷﻜﺎً ﻗﺎﺗﻼً ﻹﺍﻧﻬﻰ ﻋﻦ ﻋﻤﺪ ﺣﻴﺎﺗﻬﻤﺎ ﻗﺒﻞ ﺃﻥ ﺗﺒﺪﺃ .. ﻟﻴﺴﺖ ﺍﻟﻤﻬﻤﺔ ﺳﻬﻠﺔ ﻻﺳﺘﻌﺎﺩﺓ ﺣﺒﻬﺎ ﻭﺛﻘﺘﻬﺎ ، ﻭﻟﻜﻨﻪ ﻋﻘﺪ ﺍﻟﻌﺰﻡ ﻋﻠﻰ ﺃﻻ ﻳﻜﻒ ﻋﻦ ﺍﻟﻤﺤﺎﻭﻟﺔ ﻣﻬﻤﺎ ﻛﻠﻔﻪ ﺍﻷﻣﺮ ..
ﻣﺎﻟﺖ ﻧﺪﻯ ﺑﺮﺃﺳﻬﺎ ﻧﺎﺣﻴﺘﻪ ، ﻓﺮﻓﻊ ﺭﺃﺳﻪ ﻗﻠﻴﻼً ﻧﺎﺣﻴﺘﻬﺎ ، ﻭﻗﺒﻞ ﺟﺒﻴﻨﻬﺎ .. ﻣﺮﺕ ﺍﻟﻤﻀﻴﻔﺔ ﻣﻦ ﺟﻮﺍﺭﻫﻤﺎ ﻭﻫﻲ ﻣﺒﺘﺴﻤﺔ ﻭﺗﻤﻨﺖ ﻟﻪ ﺍﻟﺴﻌﺎﺩﺓ .. ﺛﻢ ﺣﻀﺮ ﺇﻟﻴﻪ ﻗﺎﺋﺪ ﺍﻟﻄﺎﺋﺮﺓ ، ﺧﻠﻊ ﻗﺒﻌﺘﻪ ، ﺛﻢ ﻣﺎﻝ ﻋﻠﻴﻪ ﻗﻠﻴﻼً ﻟﻴﺤﺪﺛﻪ ﺑﺼﻮﺕ ﺧﺎﻓﺖ ﻭ ..
- ﺍﻟﻜﺎﺑﺘﻦ ﺑﺼﻮﺕ ﺧﺎﻓﺖ : ﻣﺴﺎﺀ ﺍﻟﺨﻴﺮ ﻋﻠﻴﻜﻢ
- ﻳﻮﺳﻒ : ﻣﺴﺎﺀ ﺍﻟﻨﻮﺭ ﻳﺎ ﻛﺎﺑﺘﻦ
- ﺍﻟﻜﺎﺑﺘﻦ : ﺍﻷﻭﻝ ، ﺃﻟﻒ ﻣﺒﺮﻭﻙ ﻟﻴﻜﻢ ، ﻭﺯﻭﺍﺝ ﻣﺒﺎﺭﻙ ﺍﻥ ﺷﺎﺀ ﺍﻟﻠﻪ
- ﻳﻮﺳﻒ : ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﻛﺎﺑﺘﻦ
- ﺍﻟﻜﺎﺑﺘﻦ : ﺍﻟﻤﺪﺍﻡ ﺃﺧﺒﺮﻫﺎ ﺍﻳﻪ ﺍﻟﻮﻗﺘﻲ
- ﻳﻮﺳﻒ : ﺍﻟﺤﻤﺪﻟﻠﻪ ﺃﺣﺴﻦ
- ﺍﻟﻜﺎﺑﺘﻦ : ﻃﺒﻌﺎً ﺃﻧﺎ ﺑﻌﺘﺬﺭ ﺍﻧﻨﺎ ﺍﺿﻄﺮﻳﻨﺎ ﻧﺠﺒﺮ ﺍﻟﻤﺪﺍﻡ ﻉ ﺍﻧﻬﺎ ﺗﺎﺧﺪ ﻣﻬﺪﻱﺀ ﻣﺆﻗﺖ ﻋﺸﺎﻥ ﻧﻘﺪﺭ ﻧﻜﻤﻞ ﺍﻟﺮﺣﻠﺔ ﺑﻬﺪﻭﺀ
- ﻳﻮﺳﻒ : ﻣﺎﻓﻴﺶ ﻣﺸﻜﻠﺔ ﻳﺎ ﻛﺎﺑﺘﻦ
- ﺍﻟﻜﺎﺑﺘﻦ ﻣﺒﺘﺴﻤﺎً : ﻭﻇﻴﻔﺘﻚ ﺑﻘﻰ ﻳﺎ ﻋﺮﻳﺲ ﺗﻌﻮﺿﻬﺎ ﻋﻦ ﺍﻟﻠﻲ ﺣﺼﻞ ﺩﻩ ﻭﺗﻄﻤﻨﻬﺎ
- ﻳﻮﺳﻒ ﺑﺎﺑﺘﺴﺎﻣﺔ ﻣﺼﻄﻨﻌﺔ : ﺍﻛﻴﻴﺪ ﻃﺒﻌﺎً
- ﺍﻟﻜﺎﺑﺘﻦ : ﻭﻣﺮﺓ ﺗﺎﻧﻴﺔ ﺃﻟﻒ ﻣﺒﺮﻭﻙ ﻟﻴﻜﻮ
- ﻳﻮﺳﻒ : ﺷﻜﺮﺍً ﻳﺎ ﻛﺎﺑﺘﻦ
ﺍﻧﺼﺮﻑ ﻗﺎﺋﺪ ﺍﻟﻄﺎﺋﺮﺓ ﻭﻋﺎﺩ ﺇﻟﻰ ﻗﻤﺮﺗﻪ ﻣﺮﺓ ﺃﺧﺮﻯ .. ﺑﻴﻨﻤﺎ ﻇﻞ ﻳﻮﺳﻒ ﻣﺴﻠﻄﺎً ﻧﻈﺮﻩ ﻋﻠﻰ ﻧﺪﻯ ...
ﻣﺪ ﻳﺪﻩ ﻟﻴﺘﺤﺴﺲ ﻭﺟﻨﺘﻬﺎ ﺑﺄﻃﺮﺍﻑ ﺃﺻﺎﺑﻌﻪ ، ﻛﻢ ﻛﺎﻥ ﻳﺸﺘﺎﻕ ﻟﻠﻤﺴﺔ ﺑﺸﺮﺗﻬﺎ ﺍﻟﻨﺎﻋﻤﺔ .. ﻳﺎ ﻟﻬﺎ ﻣﻦ ﻟﺤﻈﺎﺕ ﻣﺮﺕ ﻛﺎﻟﺪﻫﺮ ﻋﻠﻴﻪ ﻭﻫﻮ ﻋﻠﻰ ﻭﺷﻚ ﺃﻥ ﻳﺨﺴﺮﻫــﺎ .. ﺍﻧﻪ ﺍﻟﻨﺪﻡ ، ﺇﻧﻪ ﺍﻟﺨﻄﺄ ﺍﻟﺬﻱ ﺗﺴﺮﻉ ﻓﻲ ﺍﺭﺗﻜﺎﺑﻪ ... ﻛﻴﻒ ﻳﻤﻜﻦ ﺃﻥ ﻳﺼﻠﺤﻪ ؟ ﻛﻴﻒ ﻳﻌﻮﺿﻬﺎ ﻋﻤﺎ ﻓﺎﺕ . ﻇﻞ ﻳﻨﻈﺮ ﺇﻟﻴﻬﺎ ﻣﺤﺎﻭﻻً ﺃﻥ ﻳﺼﻞ ﻟﻄﺮﻳﻘﺔ ﻣﺎ ﺗﻤﻜﻨﻪ ﻣﻦ ﺗﻘﺮﻳﺐ ﺍﻟﻮﺻــﺎﻝ ﺑﻴﻨﻬﻤﺎ .. ﻫﻲ ﺍﻵﻥ ﺍﻷﻗﺮﺏ ﺇﻟﻴﻪ ﺑﺠﺴﺪﻫﺎ ، ﻟﻜﻦ ﺍﻷﺑﻌﺪ ﻋﻨﻪ ﺑﺮﻭﺣﻬﺎ ﻭﻗﻠﺒﻬﺎ ..
ﻛﺎﻧﺖ ﻧﺪﻯ ﻗﺪ ﺑﺪﺃﺕ ﺗﻔﻴﻖ ﺗﺪﺭﻳﺠﻴﺎً ، ﻫﻲ ﻟﻢ ﺗﺴﺘﻌﻴﺪ ﻭﻋﻴﻬﺎ ﻛﺎﻣﻼً ﺑﻌﺪ ، ﻭﻟﻜﻨﻬﺎ ﺗﻨﻈﺮ ﺇﻟﻰ ﻣﺎ ﺣﻮﻟﻬﺎ ﺑﺄﻋﻴﻦ ﺯﺍﺋﻐﺔ .. ﺗﺮﻯ ﺃﺷﺒﺎﻩ ﺃﺷﺨﺎﺹ ﻣﺎ ﻳﺘﺤﺮﻛﻮﻥ ﺣﻮﻟﻬﺎ ، ﻭﺷﺒﺢ ﺷﺨﺺ ﻣﺎ ﺟﺎﻟﺲ ﺑﺠﻮﺍﺭﻫﺎ .. ﻛﺎﻧﺖ ﺗﻔﺘﺢ ﻋﻴﻨﻴﻬﺎ ﻣﺮﺓ ﻭﺗﻐﻠﻘﻬﺎ ﻣﺮﺓ ﺃﺧﺮﻯ .. ﻟﻜﻨﻬﺎ ﻓﻲ ﺍﻟﻨﻬﺎﻳﺔ ﻟﻢ ﺗﻌﺪ ﺗﺮﻳﺪ ﺍﻟﻤﻘﺎﻭﻣﺔ .. ﺃﺭﺍﺩﺕ ﺃﻥ ﺗﺴﺘﺮﻳﺢ ﻗﻠﻴﻼً ، ﻓﻤﺎﺯﺍﻝ ﺍﻟﻄﺮﻳﻖ ﺃﻣﺎﻣﻬﺎ ﻃﻮﻳﻞ ﻟﻜﻲ ﺗﻜﻤﻠﻪ ﺑﻤﻔﺮﺩﻫﺎ ...
ﺃﻋﻠﻨﺖ ﺍﻟﻤﻀﻴﻔﺔ ﻣﻦ ﺧﻼﻝ ﺍﻟﻤﺬﻳﺎﻉ ﺍﻟﺪﺍﺧﻠﻲ ﺍﻟﻤﻮﺟﻮﺩ ﺑﺎﻟﻄﺎﺋﺮﺓ ﻋﻦ ﻗﺮﺏ ﺍﻟﻮﺻﻮﻝ ﺇﻟﻰ ﻣﻄﺎﺭ ﺩﺑﻲ ﺍﻟﺪﻭﻟﻲ ﻭ ...
- ﺍﻟﻤﻀﻴﻔﺔ ﺑﺼﻮﺕ ﻣﺴﻤﻮﻉ ﻟﻠﺠﻤﻴﻊ ﻋﺒﺮ ﻣﻴﻜﺮﻭﻓﻮﻥ ﺩﺍﺧﻠﻲ : ﻧﺮﺣﺐ ﺑﺎﻟﺴﺎﺩﺓ ﺍﻟﺮﻛﺎﺏ، ﻭﻧﺘﻤﻨﻰ ﻟﻬﻢ ﺳﻼﻣﺔ ﺍﻟﻮﺻﻮﻝ ، ﻟﻘﺪ ﺍﻗﺘﺮﺑﺖ ﺍﻟﻄﺎﺋﺮﺓ ﺍﻵﻥ ﻣﻦ ﻣﻄﺎﺭ ﺩﺑﻲ ﺍﻟﺪﻭﻟﻲ ، ﻭﺯﻣﻦ ﺍﻟﻮﺻﻮﻝ ﺇﻟﻰ ﻫﻨﺎﻙ ﻫﻮ 10 ﺩﻗﺎﺋﻖ ﻓﻘﻂ ، ﻟﺬﺍ ﺑﺮﺟﺎﺀ ﺭﺑﻂ ﺍﻷﺣﺰﻣﺔ ﻭﻭﺿﻊ ﺍﻟﻤﺘﻌﻠﻘﺎﺕ ﺍﻟﺸﺨﺼﻴﺔ ﺟﺎﻧﺒﺎً ، ﻭﻋﻠﻰ ﺍﻟﺮﻛﺎﺏ ﺍﻟﻮﺍﻗﻔﻴﻦ ﺃﻭ ﺍﻟﻤﺘﺮﺟﻠﻴﻦ ﺍﻟﻌﻮﺩﺓ ﺇﻟﻰ ﻣﻘﺎﻋﺪﻫﻢ ﻓﻮﺭﺍً
ﺍﻋﺘﺪﻝ ﻳﻮﺳﻒ ﻓﻲ ﺟﻠﺴﺘﻪ ، ﺛﻢ ﺗﺄﻛﺪ ﻣﻦ ﻋﺪﻡ ﻭﺟﻮﺩ ﺃﻱ ﺷﻲﺀ ﺑﺠﻮﺍﺭ ﻧﺪﻯ ﻳﻤﻜﻦ ﺃﻥ ﻳﺆﺫﻳﻬﺎ ﻭﻫﻲ ﻧﺎﺋﻤﺔ ... ﺃﺭﺍﺩ ﺃﻥ ﻳﺠﻌﻠﻬﺎ ﺗﻔﻴﻖ ، ﻭﻟﻜﻨﻪ ﺧﺸﻲ ﺃﻥ ﺗﺜﻴﺮ ﻓﻀﻴﺤﺔ ﺃﺧﺮﻯ ، ﻟﺬﺍ ﻓﻜﺮ ﺃﻥ ﻳﺘﻤﻬﻞ ﺇﻟﻰ ﺃﻥ ﺗﺼﻞ ﺍﻟﻄﺎﺋﺮﺓ ﺇﻟﻰ ﺍﻟﻤﻄﺎﺭ ، ﻭﻳﻨﺰﻝ ﻣﻌﻈﻢ ﺍﻟﺮﻛﺎﺏ ﻣﻨﻬﺎ ، ﻓﻴﺘﻤﻜﻦ ﻭﻗﺘﻬﺎ ﻣﻦ ﺍﻳﻘﺎﻇﻬﺎ ..
.................................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﻟﻢ ﻳﻤﺮﺭ ﺻﻼﺡ ﻣﺎ ﺣﺪﺙ ﻣﻊ ﻓﺎﻃﻴﻤﺎ ﻣﺮﻭﺭ ﺍﻟﻜﺮﺍﻡ ، ﻭﺇﻧﻤﺎ ﻋﺎﺗﺐ ﺯﻭﺟﺘﻪ ﺯﻳﻨﺐ ﻋﺘﺎﺑﺎً ﺣﺎﺩﺍً ﻭ ...
- ﺻﻼﺡ ﻣﺤﺬﺭﺍً : ﺍﻳﺎﻩ ﻳﺎ ﺯﻳﻨﺐ ﺍﻟﻤﻮﺿﻮﻉ ﺩﻩ ﻳﺘﻔﺘﺢ ﺗﺎﻧﻲ ، ﻻ ﻣﻦ ﻗﺮﻳﺐ ﻭﻻ ﻣﻦ ﺑﻌﻴﺪ
- ﺯﻳﻨﺐ : ﺣﺎﺿﺮ ﻳﺎ ﺣﺎﺝ
- ﺻﻼﺡ ﻭﻫﻮ ﻳﺸﻴﺮ ﺑﻴﺪﻩ : ﻭﺍﻟﻮﻟﻴﺔ ﺁﻣﺎﻝ ﺩﻱ ﻣﻬﻤﺎ ﻗﺎﻟﺖ ﻭﻻ ﻋﺎﺩﺕ ﻣﺎﺗﺴﻤﻌﻴﻠﻬﺎﺵ ﺗﺎﻧﻲ
- ﺯﻳﻨﺐ : ﻃﻴﺐ
- ﺻﻼﺡ : ﻛﻔﺎﻳﺔ ﺍﻥ ﻛﻞ ﻣﻌﺮﻓﺘﻨﺎ ﺑﻴﻬﺎ ﺑﺘﻨﺘﻬﻲ ﺑﺒﻼﻭﻱ ﺳﻮﺩﺓ
- ﺯﻳﻨﺐ : ﻋﻨﺪﻙ ﺣﻖ ﻭﺍﻟﻠﻪ ﻳﺎ ﺣﺎﺝ
ﺳﻤﻌﺖ ﺯﻳﻨﺐ ﺻﻮﺕ ﻃﺮﻗﺎﺕ ﻋﻠﻰ ﺑﺎﺏ ﺍﻟﻤﻨﺰﻝ ، ﻓﺘﻮﺟﻬﺖ ﺇﻟﻴﻪ ﻟﺘﺮﻯ ﻣﻦ ﺍﻟﻄﺎﺭﻕ ، ﺛﻢ ﻓﺘﺤﺖ ﺍﻟﺒﺎﺏ ﻟﺘﺠﺪ ﻗﺒﺎﻟﺘﻬﺎ ﺍﻟﺠﺎﺭﺓ ﺁﻣــﺎﻝ ...
ﻧﻈﺮﺕ ﻟﻬﺎ ﺯﻳﻨﺐ ﻧﻈﺮﺍﺕ ﻛﻠﻬﺎ ﺿﻴﻖ ﻭ ...
- ﺯﻳﻨﺐ ﻋﻠﻰ ﻣﻀﺾ : ﺳﺖ ﺁﻣــﺎﻝ .. ﺧﻴﺮ ؟
ﺑﻤﺠﺮﺩ ﺃﻥ ﺳﻤﻊ ﺻﻼﺡ ﻣﻦ ﺩﺍﺧﻞ ﻣﻨﺰﻟﻪ ﺍﺳﻢ ﺗﻠﻚ ﺍﻟﺠﺎﺭﺓ ﺣﺘﻰ ﺃﺳﺮﻉ ﺧﻄﺎﻩ ﻧﺎﺣﻴﺔ ﺍﻟﺒﺎﺏ ، ﻭﻓﺘﺤﻪ ﻋﻠﻰ ﻣﺼﺮﻋﻴﻪ ، ﻛﺎﻥ ﻋﻠﻰ ﻭﺷﻚ ﺍﻻﺷﺘﺒﺎﻙ ﻣﻌﻬﺎ ﻭﻟﻜﻨﻪ ﻻﺣﻆ ﺍﺭﺗﺪﺍﺋﻬﺎ ﻟﻤﻼﺑﺲ ﺳﻮﺩﺍﺀ ، ﻭﻣﻄﺮﻗﺔ ﻟﺮﺃﺳﻬﺎ ﻓﻲ ﺣﺰﻥ ﻭ ...
ﺻﻼﺡ ﺑﻨﺒﺮﺓ ﻏﺎﺿﺒﺔ : ﻋﺎﻭﺯﺓ ﺍﻳﻪ ﺗﺎﻧﻲ ﻳﺎ ﺁﺁﺁﺁ ...
ﻛﺎﻧﺖ ﺁﻣﺎﻝ ﺗﻤﺴﺢ ﺩﻣﻮﻋﻬﺎ ﺑﻄﺮﻑ ﻃﺮﺣﺘﻬﺎ ﺍﻟﺴﻮﺩﺍﺀ ، ﻛﺎﻧﺖ ﺗﺸﻬﻖ ﻭﺗﺤﺎﻭﻝ ﻛﺘﻢ ﺑﻜﺎﺋﻬﺎ ، ﻭﻓﻲ ﺍﻟﻨﻬﺎﻳﺔ ﺗﺤﺪﺛﺖ ﺑﺼﻮﺕ ﺷﺒﻪ ﻣﺒﺤﻮﺡ ﺑــ ...
- ﺁﻣﺎﻝ ﺑﺒﻜﺎﺀ : ﺍﻟﺒﺖ ﺭﺍﺣﺖ ﻣﻨﻨﺎ ﻳﺎ ﺣﺎﺟﺔ ﺯﻳﻨﺐ
- ﺯﻳﻨﺐ ﺑﻌﺪﻡ ﻓﻬﻢ : ﺑﺖ ﻣﻴﻦ ؟
- ﺁﻣﺎﻝ ﺑﺪﻣﻮﻉ ﻣﻨﻬﻤﺮﺓ : ﺍﻟﺒﺖ ﻫﻨﺎ .. ﻣـ .. ﻣﺎﺗﺖ !
- ﺯﻳﻨﺐ ﺑﺄﻋﻴﻦ ﻣﺼﺪﻭﻣﺔ : ﻳﺎ ﻟﻬﻮﻱ ؟؟ ﺍﻳﻪ
- ﺻﻼﺡ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ، ﺇﻧﺎ ﻟﻠﻪ ﻭﺇﻧﺎ ﺇﻟﻴﻪ ﺭﺍﺟﻌﻮﻥ
- ﺯﻳﻨﺐ : ﻭﺩﻩ ﺣﺼﻞ ﺇﺯﺍﻱ ﻳﺎ ﺳﺖ ﺁﻣــﺎﻝ ؟؟؟؟
- ﺁﻣﺎﻝ ﺑﻘﻠﺐ ﻣﻌﺘﺼﺮ ﻣﻦ ﺍﻟﺤﺰﻥ : ﻫـ ... ﻫﺎﻗﻮﻟﻚ ........
Flash Back ◘◘◘ ﻟﻤﺎ ﺣﺪﺙ ﻣﻊ ﺍﻟﻄﻔﻠﺔ ﻫﻨﺎ ،،،،،
◘◘◘ ﻓﻲ ﺇﺣﺪﻯ ﺍﻟﻘﺮﻯ ﺍﻟﺮﻳﻔﻴﺔ ،،،
ﻭﺻﻠﺖ ﺍﻟﺠﺎﺭﺓ ﺁﻣﺎﻝ ﻭﻣﻌﻬﺎ ﺣﻔﻴﺪﺗﻬﺎ ﺍﻟﻄﻔﻠﺔ ﻫﻨﺎ ﻭﺍﺑﻨﻬﺎ ﺣﺴﻦ ﺇﻟﻰ ﺍﻟﻘﺮﻳﺔ ﺍﻟﺘﻲ ﻛﺎﻧﻮﺍ ﻳﻘﻄﻨﻮﻥ ﺑﻬﺎ ﻗﺒﻞ ﻣﺠﻴﺌﻬﻢ ﻟﻠﻘﺎﻫﺮﺓ ﻣﻨﺬ ﺃﻋﻮﺍﻡ ﻣﻀﺖ ..
ﺭﺣﺐ ﺑﻬﻢ ﺍﻫﺎﻟﻲ ﺍﻟﻘﺮﻳﺔ ﺍﻟﻄﻴﺒﻴﻦ ، ﺛﻢ ﺗﻮﺟﻪ ﺣﺴﻦ ﻭﻭﺍﻟﺪﺗﻪ ﺍﻟﺠﺎﺭﺓ ﺁﻣــﺎﻝ ﺇﻟﻰ ﻣﻨﺰﻟﻬﻢ ﺑﺎﻟﻘﺮﻳﺔ
◘◘◘ ﺩﻟﻔﺖ ﺍﻟﺠﺎﺭﺓ ﺁﻣﺎﻝ ﺇﻟﻰ ﺍﻟﺪﺍﺧﻞ ﻭﻫﻲ ﻣﻤﺴﻜﺔ ﺑﺤﻔﻴﺪﺗﻬﺎ ﻓﻲ ﻳﺪﻫﺎ ﺇﻟﻰ ﺍﻟﻤﻨﺰﻝ .. ﺑﻴﻨﻤﺎ ﺍﻧﺼﺮﻑ ﺍﺑﻨﻬﺎ ﻟﻤﻘﻬﻰ ﻗﺮﻳﺐ ﻣﻦ ﺍﻟﻤﻨﺰﻝ ﻟﻴﻤﻜﺚ ﻓﻴﻪ ﺭﻳﺜﻤﺎ ﺗﻨﺘﻬﻲ ﻭﺍﻟﺪﺗﻪ ﻣﻤﺎ ﺟﺎﺀﺕ ﻟﻔﻌﻠﻪ ...
◘◘◘ ﻛﺎﻧﺖ ﻫﻨﺎ ﺳﻌﻴﺪﺓ ﻟﻠﻐﺎﻳﺔ ﻷﻧﻬﺎ ﺗﺰﻭﺭ ﺗﻠﻚ ﺍﻟﻘﺮﻳﺔ ﺍﻟﺠﻤﻴﻠﺔ ﺍﻟﺘﻲ ﺍﺣﺒﺘﻬﺎ ، ﻛﺎﻧﺖ ﻫﻨﺎ ﻣﻤﺴﻜﺔ ﺑﺪﻣﻴﺘﻬﺎ ﺍﻟﺼﻐﻴﺮﺓ ﻓﻲ ﻳﺪﻫﺎ ﺍﻷﺧﺮﻯ ﻭﺗﺤﺘﻀﻨﻬﺎ ﺑﺬﺭﺍﻋﻬﺎ ﺍﻟﺼﻐﻴﺮ ﻭ ..
- ﻫﻨﺎ ﻭﻫﻲ ﺗﻨﻈﺮ ﻟﺠﺪﺗﻬﺎ ﺑﺒﺮﺍﺀﺓ : ﺗﻴﺘﺔ ﺃﻧﺎ ﻋﺎﻭﺯﺓ ﺃﻋﻤﻞ ﺳﻌﺮﻯ ﺩﻓﻴﺮﺍ
- ﺁﻣﺎﻝ ﻣﺒﺘﺴﻤﺔ : ﺣﺎﺿﺮ ﻳﺎ ﻗﻠﺐ ﺗﻴﺘﺔ ﻫﺎﻋﻤﻠﻚ ﺿﻔﺮﺗﻴﻦ ﺣﻠﻮﻳﻦ ﺯﻳﻚ ﻛﺪﻩ
- ﻫﻨﺎ : ﻷ ﺯﻱ ﻋﻠﻮﺳﺘﻲ
- ﺁﻣﺎﻝ : ﻣﺎﺷﻲ ﺯﻱ ﻋﺮﻭﺳﺘﻚ
◘◘◘ ﻧﻈﺮﺕ ﻫﻨﺎ ﺃﻣﺎﻣﻬﺎ ﻓﻮﺟﺪﺕ ﻋﺪﺓ ﺳﻴﺪﺍﺕ ﺃﺷﻜﺎﻟﻬﻦ ﻣﺨﻴﻔﺔ ﺑﺎﻟﻨﺴﺒﺔ ﻟﻬﺎ ، ﻓﻬﻦ ﻳﻨﻈﺮﻭﻥ ﻟﻬﺎ ﺑﻨﻈﺮﺍﺕ ﻛﻠﻬﺎ ﺗﻮﻋﺪ ، ﻛﻤﺎ ﻛﻦ ﺟﺎﻟﺴﺎﺕ ﻋﻠﻰ ﺑﻌﺾ ﺍﻟﻤﻘﺎﻋﺪ ﺍﻟﺨﺸﺒﻴﺔ .. ﺍﺭﺗﻌﺪﺕ ﻫﻨﺎ ﻣﻦ ﻫﻴﺌﺘﻬﻦ ﻭﺗﻤﺴﻜﺖ ﺑﻄﺮﻑ ﺟﻠﺒﺎﺏ ﺟﺪﺗﻬﺎ .. ﻭﻟﻢ ﺗﻨﻄﻖ ﺑﻜﻠﻤﺔ
ﺭﺣﺒﺖ ﺗﻠﻚ ﺍﻟﺴﻴﺪﺍﺕ ﺑﺎﻟﺠﺎﺭﺓ ﺁﻣﺎﻝ ﻭ ...
- ﺳﻴﺪﺓ ﻣﺎ : ﻳﺎ ﻣﺮﺣﺐ ﺑﺎﻟﺴﺖ ﺁﻣﺎﻝ ، ﺩﻱ ﺍﻟﺒﻠﺪ ﻧﻮﺭﺕ
- ﺁﻣﺎﻝ : ﻣﻨﻮﺭﺓ ﺑﻴﻜﻮ
- ﺳﻴﺪﺓ ﺃﺧﺮﻯ ﻭﻫﻲ ﺗﺸﻴﺮ ﺑﺮﺃﺳﻬﺎ ﻟﻬﻨﺎ : ﻫﻲ ﺩﻱ
- ﺁﻣﺎﻝ ﻭﻫﻲ ﺗﻀﻊ ﻳﺪﻫﺎ ﻋﻠﻰ ﺭﺃﺱ ﺣﻔﻴﺪﺗﻬﺎ : ﺍﻩ ﻫﻲ ..
- ﺳﻴﺪﺓ ﻣﺎ : ﻣﺎ ﺗﻘﻠﻘﻴﺶ ﺍﺣﻨﺎ ﻫﻨﻘﻮﻡ ﺑﺎﻟﻮﺍﺟﺐ ﻣﻌﺎﻫﺎ
- ﺁﻣﺎﻝ : ﻣﺶ ﻫﻮﺻﻴﻜﻮﺍ ﻋﻠﻴﻬﺎ .. ﺩﻱ ﺣﺘﺔ ﻣﻦ ﻗﻠﺒﻲ
- ﺳﻴﺪﺓ ﻣﺎ : ﺍﻃﻤﻨﻲ .. ﺩﻱ ﺷﻜﺔ ﺩﺑﻮﺱ
◘◘◘ ﻛﺎﻧﺖ ﺍﻟﻄﻔﻠﺔ ﻫﻨﺎ ﺗﻨﻈﺮ ﺇﻟﻴﻬﻢ ﺑﺄﻋﻴﻨﻬﺎ ﺍﻟﺼﻐﻴﺮﺓ ﺍﻟﺨﺎﺋﻔﺔ ، ﻫﻲ ﺗﺸﻌﺮ ﺃﻥ ﻫﻨﺎﻙ ﺧﻄﺐ ﻣﺎ ﺑﺘﻠﻚ ﺍﻟﺴﻴﺪﺍﺕ ، ﻭﻟﻜﻨﻬﺎ ﻟﻢ ﺗﻨﻄﻖ .. ﻇﻠﺖ ﻣﺘﺸﺒﺜﺔ ﺃﻛﺜﺮ ﺑﺠﻠﺒﺎﺏ ﺟﺪﺗﻬﺎ
ﺍﻗﺘﺮﺑﺖ ﻣﻨﻬﺎ ﺳﻴﺪﺓ ﺿﺨﻤﺔ ﺍﻟﺒﻨﻴﺎﻥ ﺫﻭ ﺑﺸﺮﺓ ﺳﻤﺮﺍﺀ ، ﻭﺃﻋﻴﻦ ﺑﺎﺭﺩﺓ ﻗﺎﺳﻴﺔ ﻭﺍﺳﻌﺔ ﻭ ...
- ﺍﻟﺴﻴﺪﺓ ﺍﻟﻀﺨﻤﺔ ﻭﻫﻲ ﺗﺘﺼﻨﻊ ﺍﻻﺑﺘﺴﺎﻡ : ﺗﻌﺎﻟﻲ ﻳﺎ ﻛﺘﻜﻮﺗﺔ ﻣﻌﺎﻳﺎ
- ﻫﻨﺎ ﺑﺄﻋﻴﻦ ﻣﺮﺗﻌﺪﺓ : ﻷ
- ﺍﻟﺴﻴﺪﺓ ﺍﻟﻀﺨﻤﺔ : ﺍﻧﺘﻲ ﺧﺎﻳﻔﺔ ﻣﻨﻲ ؟؟ ﺩﻩ ﺃﻧﺎ ﻫﺎﺟﻴﺒﻠﻚ ﺣﻼﻭﺓ
- ﻫﻨﺎ : ﻣﺲ ﻋﺎﻭﺯﺓ
ﺗﻤﺴﻜﺖ ﻫﻨﺎ ﺑﺠﻠﺒﺎﺏ ﺟﺪﺗﻬﺎ ﺃﻛﺜﺮ ﻭﺃﻛﺜﺮ ، ﺍﺣﺘﻀﻨﺖ ﺳﺎﻗﻲ ﺟﺪﺗﻬﺎ ﺑﺬﺭﺍﻋﻴﻬﺎ ﺍﻟﺼﻐﻴﺮﺗﻴﻦ ﻭ ..
- ﻫﻨﺎ ﻭﻫﻲ ﺗﺘﻤﺴﻚ ﺑﺠﺪﺗﻬﺎ : ﺃﻧﺎ ﻋﺎﻭﺯﺓ ﺃﻗﻌﺪ ﻣﻊ ﺗﻴﺘﺔ
- ﺁﻣﺎﻝ ﻭﻫﻲ ﺗﺮﺑﺖ ﻋﻠﻰ ﻛﺘﻔﻬﺎ : ﺭﻭﺣﻲ ﻣﻌﺎﻫﻢ ﻳﺎ ﻫﻨﻮﻧﺔ ، ﺩﻭﻝ ﻫﺎﻳﺠﺒﻮﻟﻚ ﺣﺎﺟﺎﺕ ﺣﻠﻮﺓ
- ﻫﻨﺎ ﺑﺒﻜﺎﺀ ﻭﻫﻲ ﺗﻨﻈﺮ ﻟﺠﺪﺗﻬﺎ : ﻷ .. ﺃﻧﺎ ﻋﺎﻭﺯﺓ ﺃﻓﻀﻞ ﻫﻨﺎ ﻣﻌﺎﻛﻲ
ﺍﻗﺘﺮﺑﺖ ﺗﻠﻚ ﺍﻟﺴﻴﺪﺓ ﻣﻦ ﻫﻨﺎ ﺃﻛﺜﺮ ، ﺛﻢ ﺑﺪﺃﺕ ﺗﻨﻬﺮﻫﺎ ﺑﺤﺪﺓ ﻭﻫﻲ ﺗﺤﺎﻭﻝ ﺟﺬﺑﻬﺎ ﻣﻦ ﺫﺭﺍﻋﻬﺎ ﻭ ..
- ﺍﻟﺴﻴﺪﺓ ﺍﻟﻀﺨﻤﺔ ﻭﻫﻲ ﺗﻨﻬﺮﻫﺎ : ﻳﺎﻻ ﻳﺎ ﺑﺖ ، ﺑﻼﺵ ﺩﻟﻊ ﻣﺮﻱﺀ
◘◘◘ ﺑﻜﺖ ﻫﻨﺎ ﺑﺼﻮﺕ ﻣﺮﺗﻔﻊ ﺭﺍﺟﻴﺔ ﺟﺪﺗﻬﺎ ﺃﻥ ﺗﻈﻞ ﻣﻌﻬﺎ ﻭﺃﻻ ﺗﺄﺧﺬﻫﺎ ﺗﻠﻚ ﺍﻟﺴﻴﺪﺓ ، ﻭﻟﻜﻦ ﺍﻟﺠﺎﺭﺓ ﺁﻣﺎﻝ ﻗﺎﻣﺖ ﺑﻨﺰﻉ ﺫﺭﺍﻋﻲ ﻫﻨﺎ ﺍﻟﻤﺘﻤﺴﻜﺔ ﺑﺴﺎﻗﻴﻬﺎ ﺑﻜﻞ ﻗﻮﺓ ﻭﻭﺑﺨﺘﻬﺎ ﺑﻌﻨﻒ ﻭ ...
- ﺁﻣﺎﻝ ﺑﺤﺪﺓ : ﺧﻼﺹ ﺑﻘﻰ ﻳﺎ ﻫﻨﺎ ، ﺭﻭﺣﻲ ﻣﻌﺎﻫﺎ ﻭﺍﻧﺎ ﻫﺴﺘﻨﺎﻛﻲ ﻫﻨﺎ
- ﻫﻨﺎ ﺑﺼﺮﻳﺦ : ﻷﻷﻷ .. ﺃﻧﺎ ﻣﺲ ﻋﺎﻭﺯﺓ ﺃﻟﻮﺡ ﻣﻌﺎﻫﺎ ، ﻭﺍﻟﻨﺒﻲ ﻳﺎ ﺗﻴﺘﺔ ﺧﻠﻴﻨﻰ ﻣﻌﺎﻛﻲ ، ﺃﻧﺎ ﻣﺲ ﻫﺎﻋﻤﻞ ﺣﺎﺟﺔ ﺗﺰﻋﻠﻚ ﺑﺲ ﻣﺲ ﺗﺨﻠﻴﻨﻲ ﺃﻟﻮﺡ ﻣﻌﺎﻫﺎ
ﺑﺪﺃﺕ ﺍﻟﺴﻴﺪﺓ ﻓﻲ ﺍﻟﺘﺰﻣﺮ ﻣﻦ ﺗﺼﺮﻓﺎﺕ ﺍﻟﻄﻔﻠﺔ ﻫﻨﺎ ﻭ ...
- ﺍﻟﺴﻴﺪﺓ ﺍﻟﻀﺨﻤﺔ : ﻳﺎ ﺳﺖ ﺁﻣﺎﻝ ﺍﺣﻨﺎ ﻛﺪﻩ ﻣﺶ ﻫﺎﻧﺨﻠﺺ ، ﻋﺎﻭﺯﻳﻦ ﻧﻌﻤﻞ ﺍﻟﺤﻜﺎﻳﺔ ﺩﻱ ﺑﺴﺮﻋﺔ
- ﻫﻨﺎ ﺑﺮﻋﺐ : ﻋﺎﺍﺍﺍﺍﺍ ...
- ﺁﻣﺎﻝ ﺑﻨﺒﺮﺓ ﺁﻣﺮﺓ : ﺑﺲ ﺑﻘﻰ ﻳﺎ ﻫﻨﺎ ، ﻭﻳﺎﻻ ﻣﻊ ﻃﻨﻂ .. ﺧﺪﻳﻬﺎ
◘◘◘ ﻗﺎﻣﺖ ﺍﻟﺴﻴﺪﺓ ﺍﻟﻀﺨﻤﺔ ﺑﺤﻤﻞ ﺍﻟﻄﻔﻠﺔ ﻫﻨﺎ ﻣﻦ ﺧﺼﺮﻫﺎ ﻋﻨﻮﺓ ، ﺣﺎﻭﻟﺖ ﻫﻨﺎ ﺃﻥ ﺗﻘﺎﻭﻣﻬﺎ ، ﻇﻠﺖ ﺗﺮﻛﻞ ﺑﻘﺪﻣﻴﻬﺎ ﺍﻟﺼﻐﻴﺮﺓ ﻓﻲ ﺍﻟﻬﻮﺍﺀ ﻭﺗﺼﺮﺥ ﻓﻲ ﺟﺪﺗﻬﺎ ﺃﻻ ﺗﺘﺮﻛﻬﺎ ، ﻭﻟﻜﻦ ﺁﻣﺎﻝ ﻭﻗﻔﺖ ﺗﻨﻈﺮ ﺇﻟﻴﻬﺎ ﺑﺒﺮﻭﺩ ﻭﻗﻠﺐ ﻣﺘﺤﺠﺮ
ﻣﺪﺕ ﺍﻟﻄﻔﻠﺔ ﻫﻨﺎ ﻛﻠﺘﺎ ﺫﺭﺍﻋﻴﻬﺎ ﻓﻲ ﺍﻟﻬﻮﺍﺀ ﻭﻛﺄﻧﻬﺎ ﺗﺤﺎﻭﻝ ﺃﻥ ﺗﺴﺘﻌﻄﻒ ﺟﺪﺗﻬﺎ ﻟﻜﻲ ﺗﺄﺧﺬﻫﺎ ﻣﺮﺓ ﺛﺎﻧﻴﺔ ﺑﻴﻦ ﺃﺣﻀﺎﻧﻬﺎ ، ﺳﻘﻄﺖ ﺩﻣﻴﺘﻬﺎ ﺍﻟﺼﻐﻴﺮﺓ ﻣﻦ ﺫﺭﺍﻋﻬﺎ ، ﻭﻟﻜﻨﻬﺎ ﻟﻢ ﺗﻌﺐﺀ ﺑﻬﺎ ، ﻛﻞ ﻣﺎ ﻛﺎﻧﺖ ﺗﺮﻳﺪﻩ ﺍﻵﻥ ﺍﻟﻄﻔﻠﺔ ﻫﻨﺎ ﻫﻮ ﺃﻥ ﺗﻤﺴﻚ ﺑﺠﺪﺗﻬﺎ ﻟﻜﻲ ﺗﻨﻘﺬﻫﺎ .. ﻭ ﻟﻜﻦ ﺍﻟﺠﺎﺭﺓ ﺁﻣﺎﻝ ﺃﺩﺍﺭﺕ ﻟﻬﺎ ﻇﻬﺮﻫﺎ ﺑﺒﺮﻭﺩ ﺗﺎﺭﻛﺔ ﺇﻳﺎﻫﺎ ﺗﻮﺍﺟﻪ ﻣﺼﻴﺮﻫﺎ ﺍﻟﻤﺠﻬﻮﻝ ﺑﻤﻔﺮﺩﻫﺎ ..
ﻟﻤﺤﺖ ﺍﻟﻄﻔﻠﺔ ﻫﻨﺎ ﺍﺣﺪﻯ ﺍﻟﺴﻴﺪﺍﺕ ﺗُﺤﻤﻲ ﺷﻴﺌﺎً ﻣﺎ ﺣﺎﺩًﺍ ﻋﻠﻰ ﻟﻬﻴﺐ ﺍﻟﻨﻴﺮﺍﻥ ﺃﺛﻨﺎﺀ ﺩﻟﻮﻓﻬﺎ ﺇﻟﻰ ﺍﻟﻐﺮﻓﺔ ﺍﻟﻤﺠﺎﻭﺭﺓ ، ﻓﻈﻠﺖ ﺗﺼﺮﺥ ﺑﻄﺮﻳﻘﺔ ﻫﻴﺴﺘﺮﻳﺔ ﻣﺮﻋﺒﺔ ﻭﺗﻨﺎﺩﻱ ﻋﻠﻰ ﻭﺍﻟﺪﺗﻬﺎ ...
- ﻫﻨﺎ ﺑﺮﻋﺐ : ﻋﺎﺍﺍﺍﺍﺍﺍﺍﺍﺍﺍﺍﺍﺍ ، ﻣﺎﻣﺎﺍﺍﺍﺍ .. ﻋﺎﺍﺍﺍﺍﺍﺍﺍﺍ
....................
ﻓﻲ ﺩﺍﺧﻞ ﺍﻟﻐﺮﻓﺔ ﺫﺍﺕ ﺍﻻﺿﺎﺀﺓ ﺍﻟﺒﺎﻫﺘﺔ ،،،
ﻛﺎﻧﺖ ﺍﻟﻐﺮﻓﺔ ﺍﻟﻤﻮﺟﻮﺩﺓ ﺑﻬﺎ ﺍﻟﻄﻔﻠﺔ ﻫﻨﺎ ﺗﻤﺜﻞ ﺯﻧﺰﺍﻧﺔ ﺍﻟﺮﻋﺐ ﺑﺎﻟﻨﺴﺒﺔ ﻟﻬﺎ ، ﺍﻟﻤﻘﺼﻠﺔ ﺍﻟﺘﻲ ﺳﺘﻤﻮﺕ ﻓﺰﻋﺎً ﻣﻨﻬﺎ ﻭﻋﻠﻴﻬﺎ ، ﻛﺎﻧﺖ ﺗﻨﻈﺮ ﺑﺄﻋﻴﻦ ﺯﺍﺋﻐﺔ ﺣﻮﻟﻬﺎ .. ﻫﻲ ﻏﺮﻓﺔ ﻗﺪﻳﻤﺔ ﻭﺻﻐﻴﺮﺓ ، ﺑﻬﺎ ﻋﺪﺩﺍً ﻣﻦ ﺍﻷﺳﺮﺓ ﺍﻟﺼﻐﻴﺮﺓ ، ﻭﻃﺎﻭﻟﺔ ﺧﺸﺒﻴﺔ ﻗﺪﻳﻤﺔ ﻭﻣﻘﺎﻋﺪ ﻣﺘﻬﺎﻟﻜﺔ .. ﻃﻼﺀ ﺍﻟﻐﺮﻓﺔ ﻛﺌﻴﺐ ، ﻭﺳﻘﻔﻬﺎ ﺷﺒﻪ ﻣﺘﻬﺎﻟﻚ ..
ﻟﻘﺪ ﻛﺎﻧﺖ ﺍﻟﻐﺮﻓﺔ ﻧﻔﺴﻬﺎ ﺗﻤﺜﻞ ﺩﺍﺭ ﺍﻟﻌﺬﺍﺏ ﻟﻠﻄﻔﻠﺔ ﺑﻜﺂﺑﺘﻬﺎ ﻭﻗﺘﺎﻣﺘﻬﺎ ...
ﺩﻟﻔﺖ ﺳﻴﺪﺗﻴﻦ ﺍﺧﺮﺗﻴﻦ ﺇﻟﻰ ﺩﺍﺧﻞ ﺍﻟﻐﺮﻓﺔ ، ﺛﻢ ﺃﻏﻠﻘﺖ ﺇﺣﺪﺍﻫﻤﺎ ﺍﻟﺒﺎﺏ ﺧﻠﻔﻬﺎ ﺑﺪﻭﻥ ﺃﻥ ﺗﻮﺻﺪﻩ ﺑﺎﻟﻤﻔﺘﺎﺡ ... ﻭﻭﺿﻌﺖ ﺍﻷﺧﺮﻯ ﺑﻌﺾ ﺍﻷﺷﻴﺎﺀ ﻋﻠﻰ ﺍﻟﻄﺎﻭﻟﺔ ﺍﻟﻘﺪﻳﻤﺔ
ﺗﺮﻛﺖ ﺍﻟﺴﻴﺪﺓ ﺍﻟﻀﺨﻤﺔ ﺍﻟﻄﻔﻠﺔ ﻫﻨﺎ ﻋﻠﻰ ﺍﻷﺭﺽ ، ﻓﺤﺎﻭﻟﺖ ﺃﻥ ﺗﻬﺮﺏ ﻣﻦ ﺍﻟﻐﺮﻓﺔ ﻭﻟﻜﻦ ﻟﺤﻘﺖ ﺑﻬﺎ ﺛﻢ ﺃﺣﻜﻤﺖ ﺍﻟﺴﻴﺪﺓ ﺍﻟﻀﺨﻤﺔ ﻗﺒﻀﺘﻬﺎ ﻋﻠﻴﻬﺎ ﻭﺃﻣﺴﻜﺖ ﺑﻬﺎ ﻣﻦ ﺷﻌﺮ ﺭﺃﺳﻬﺎ ﻣﺮﺓ ﺃﺧﺮﻯ ﻭﺟﺬﺑﺘﻬﺎ ﺑﻌﻨﻒ ﻧﺤﻮ ﺃﺣﺪ ﺍﻷَﺳﺮّﺓ ﺍﻟﺒﺎﻟﻴﺔ ﺑﺎﻟﻐﺮﻓﺔ .. ﻇﻠﺖ ﺍﻟﻄﻔﻠﺔ ﻫﻨﺎ ﺗﺼﺮﺥ ﻣﺘﺂﻟﻤﺔ ﻣﻨﻬﺎ .. ﺛﻢ ﺃﻣﺮﺕ ﺍﺣﺪﺍﻫﻤﺎ ﺃﻥ ﺗﻮﺻﺪ ﺍﻟﺒﺎﺏ ﺟﻴﺪﺍً ﺑﺎﻟﻤﻔﺘﺎﺡ ..
ﻗﺎﻣﺖ ﺗﻠﻚ ﺍﻟﺴﻴﺪﺓ ﺍﻟﻀﺨﻤﺔ ﺑﺼﻔﻊ ﺍﻟﻄﻔﻠﺔ ﻫﻨﺎ ﻋﻠﻰ ﻭﺟﻨﺘﻬﺎ ﺑﻌﻨﻒ ﻟﻜﻲ ﺗﺼﻤﺖ ..
ﻃﺎﺍﺍﺍﺍﺍﺍﺍﺍﺍﺥ
- ﻫﻨﺎ ﺑﺼﺮﻳﺦ : ﻋﺎﺍﺍﺍﺍ .. ﺁﺁﺁﺁﻩ ... ﻣﺎﻣﺎ .. ﺃﻧﺎ ﻋﺎﻭﺯﺓ ﻣﺎﻣﺎ
ﻧﻈﺮﺕ ﺍﻟﺴﻴﺪﺓ ﺍﻟﻀﺨﻤﺔ ﺇﻟﻰ ﺍﻟﺴﻴﺪﺗﻴﻦ ﺍﻷﺧﺮﺗﻴﻦ ﻧﻈﺮﺍﺕ ﻗﺎﺳﻴﺔ ﻭﺑﺎﺭﺩﺓ ﺛﻢ ﻧﻄﻘﺖ ﺑﻠﻬﺠﺔ ﻣﺨﻴﻔﺔ ﺑـ ...
- ﺍﻟﺴﻴﺪﺓ ﺍﻟﻀﺨﻤﺔ ﺑﺼﻮﺕ ﻣﺮﻋﺐ ﺁﻣــﺮ : ﻳﺎﻻ ﻳﺎ ﻭﻟﻴﺔ ﺍﻧﺘﻲ ﻭﻫﻲ ﺷﻮﻓﻮﺍ ﺷﻐﻠﻜﻢ !..
ﻛﺘﻔﺖ ﺍﺣﺪﻯ ﺍﻟﺴﻴﺪﺍﺕ ﺍﻟﻄﻔﻠﺔ ﻫﻨﺎ ﻣﻦ ﺫﺭﺍﻋﻴﻬﺎ ﺟﻴﺪﺍً ﻭﺛﺒﺘﺘﻬﺎ ﺣﺘﻰ ﻻ ﺗﺘﺤﺮﻙ ، ﺑﻴﻨﻤﺎ ﻗﺎﻣﺖ ﺳﻴﺪﺓ ﺃﺧﺮﻯ ﺑﺘﻘﻴﻴﺪ ﺣﺮﻛﺔ ﻗﺪﻣﻴﻬﺎ ... ﻛﺎﻥ ﺟﺴﺪ ﺍﻟﻄﻔﻠﺔ ﻫﻨﺎ ﺿﻌﻴﻒ ﺟﺪﺍ ﻟﻜﻲ ﺗﻘﺎﻭﻣﻬﻦ ، ﻟﻘﺪ ﻛﺎﻧﺖ ﺿﺌﻴﻠﺔ ﻟﻠﻐﺎﻳﺔ ﺃﻣﺎﻣﻬﻦ .. ﻭﻟﻢ ﻳﻜﻦ ﺃﻣﺎﻣﻬﺎ ﺇﻻ ﺍﻟﺼﺮﺍﺥ ﻟﻌﻞ ﺇﺣﺪﺍﻫﻦ ﻗﻠﺒﻬﺎ ﻳﺮﻕ ﻭﺗﺠﻌﻠﻬﻦ ﻳﺘﻮﻗﻔﻦ ﻋﻤﺎ ﻳﻔﻌﻠﻦ ...
ﺟﺤﻈﺖ ﻋﻴﻨﻲ ﺍﻟﻄﻔﻠﺔ ﻫﻨﺎ ﻣﻦ ﺍﻟﺮﻋﺐ ﺣﻴﻨﻤﺎ ﺭﺃﺕ ﺍﻟﺴﻴﺪﺓ ﺍﻟﻀﺨﻤﺔ ﺗﻘﺘﺮﺏ ﻣﻨﻬﺎ ﻭﺗﺸﻴﺮ ﺑﺮﺃﺳﻬﺎ ﻟﻠﺴﻴﺪﺗﻴﻦ ﺍﻷﺧﺮﺗﻴﻦ ﻭﺗﺤﻤﻞ ﻓﻲ ﻳﺪﻫﺎ ﻣﺸﺮﻃﺎً
- ﺍﻟﺴﻴﺪﺓ ﺍﻟﻀﺨﻤﺔ ﺑﻠﻬﺠﺔ ﺁﻣﺮﺓ ﻭﺻﻮﺕ ﻣﺮﻋﺐ ﻣﺨﻴﻒ : ﺍﻓﺘﺤﻲ ﺭﺟﻠﻴﻬﺎ ، ﻭﺍﻧﺘﻲ ﺍﻣﺴﻜﻲ ﺍﻳﺪﻫﺎ ﻛﻮﻳﺲ ، ﺍﻭﻋﻲ ﻳﺎ ﻭﻟﻴﺔ ﺗﻔﻠﺖ ﻣﻨﻚ
- ﺳﻴﺪﺓ ﻣﺎ : ﺣﺎﺿﺮ
ﻗﺎﻣﺖ ﺍﻟﺴﻴﺪﺓ ﺍﻷﺧﺮﻯ ﺑﺈﺑﻌﺎﺩ ﺳﺎﻗﻲ ﺍﻟﻄﻔﻠﺔ ﻫﻨﺎ ﻋﻦ ﺑﻌﻀﻬﻤﺎ ﺍﻟﺒﻌﺾ ﻣﺴﺎﻓﺔ ﻛﺎﻓﻴﺔ ﻟﺘﺘﻤﻜﻦ ﺍﻟﺴﻴﺪﺓ ﺍﻟﻀﺨﻤﺔ ﻣﻦ ﺭﺅﻳﺔ ﺟﺴﺪ ﺍﻟﻄﻔﻠﺔ ﻫﻨﺎ ﺑﻮﺿﻮﺡ ....
ﻛﺎﻧﺖ ﻫﻨﺎ ﺗﺼﺮﺥ ﺑﻜﻞ ﺭﻋﺐ ﻟﻜﻲ ﺗﻜﻒ ﺗﻠﻚ ﺍﻟﺴﻴﺪﺓ ﻋﻤﺎ ﺗﻔﻌﻞ ، ﻭﻟﻜﻦ ﻫﻴﻬﺎﺕ ، ﻫﻲ ﻋﻘﺪﺕ ﺍﻟﻨﻴﺔ ﻋﻠﻰ ﺍﺗﻤﺎﻡ ﻣﻬﻤﺘﻬﺎ ﻭﻟﻦ ﻳﻤﻨﻌﻬﺎ ﺻﺮﺍﺥ ﻃﻔﻠﺔ ﺑﺮﻳﺌﺔ ﻣﻦ ﺍﻏﺘﻴﺎﻝ ﺑﺮﺍﺀﺗﻬﺎ ..
ﺑﺪﺃﺕ ﺗﻠﻚ ﺍﻟﺴﻴﺪﺓ ﺑﻌﻤﻠﻴﺔ ﺫﺑﺢ ﺍﻟﻔﺘﺎﺓ ﺑﻼ ﺗﺮﺩﺩ ﺃﻭ ﺭﺣﻤﺔ ، ﻭﻣﻊ ﻛﻞ ﺣﺮﻛﺔ ﺗﻘﻮﻡ ﺑﻬﺎ ، ﺗﺘﻌﺎﻟﻰ ﺻﺮﺍﺧﺎﺕ ﻭﺗﻮﺳﻼﺕ ﺍﻟﻄﻔﻠﺔ ﻫﻨﺎ ﻟﻜﻲ ﺗﺘﻮﻗﻒ ، ﻭﻟﻜﻦ ﻛﻴﻒ ﺗﺴﻤﻊ ﻣﻦ ﻣﺎﺗﺖ ﺃﺫﺍﻧﻬﺎ ، ﻭﻣﻦ ﺗﺤﺠﺮ ﻗﻠﺒﻬﺎ ...
ﻭﻓﺠــﺄﺓ ﺻﻤﺘﺖ ﺍﻟﻄﻔﻠﺔ ﻫﻨﺎ .. ﺷﺤﺐ ﻟﻮﻥ ﻭﺟﻬﻬﺎ ، ﻭﺍﺧﺘﻔﻰ ﺑﺮﻳﻖ ﻋﻴﻨﻴﻬﺎ ، ﺳﻜﻨﺖ ﺣﺮﻛﺘﻬﺎ ﺗﻤﺎﻣﺎً ، ﻭﺟﺤﻈﺖ ﻋﻴﻨﺎﻫﺎ ﻭﻫﻲ ﻧﺎﻇﺮﺓ ﻟﺴﻘﻒ ﺍﻟﻐﺮﻓﺔ ﺍﻟﻤﺘﻬﺎﻟﻚ .. ﻭﻓﻐﺮﺕ ﺷﻔﺘﻴﻬﺎ ﻓﻲ ﺭﻋﺐ .... ﺑﻠــــﻰ .. ﻟﻘﺪ ﻓﺎﺭﻗﺖ ﺭﻭﺣﻬﺎ ﺍﻟﺒﺮﻳﺌﺔ ﺍﻟﻄﺎﻫﺮﺓ ﺍﻟﺤﻴﺎﺓ !
ﺷﻌﺮﺕ ﺇﺣﺪﺍﻫﻦ ﺃﻥ ﻫﻨﺎﻙ ﺧﻄﺐٌ ﻣﺎ ﺑﺎﻟﻔﺘﺎﺓ ﺍﻟﺼﻐﻴﺮﺓ ، ﻓﺘﺴﺎﺋﻠﺖ ﻋﻦ ...
- ﺳﻴﺪﺓ ﻣﺎ ﻣﺘﺴﺎﺋﻠﺔ : ﻫﻲ ﺍﻟﺒﺖ ﺳﻜﺘﺖ ﻟﻴﻪ ؟
- ﺳﻴﺪﺓ ﺍﺧﺮﻯ : ﻳﻤﻜﻦ ﻣﻦ ﺍﻟﺨﻀﺔ
- ﺍﻟﺴﻴﺪﺓ ﺍﻟﻀﺨﻤﺔ ﺑﻘﺴﻮﺓ : ﻳﺎﺧﺘﻲ ﺧﻠﻴﻨﺎ ﻧﻜﻤﻞ ﺑﺪﻝ ﻣﺎ ﻛﺎﻧﺖ ﻗﺮﻓﺎﻧﺎ ﺑﺼﻮﻳﺘﻬﺎ
- ﺳﻴﺪﺓ ﻣﺎ : ﺑﺲ ﺍﻧﺎ ﻣﺶ ﻣﻄﻤﻨﺔ ، ﺍﻟﺒﺖ ﺷﻜﻠﻬﺎ ﻗﻄﻊ ﺍﻟﻨﻔﺲ ﺧﺎﻟﺺ ، ﺑﺼﻲ ﻛﺪﻩ ﻉ ﻭﺷﻬﺎ
- ﺍﻟﺴﻴﺪﺓ ﺍﻟﻀﺨﻤﺔ ﺑﺒﺮﻭﺩ : ﺍﺩﻟﻘﻲ ﻣﻴﺎﻩ ﻉ ﻭﺷﻬﺎ ﻫﺘﻼﻗﻴﻬﺎ ﻓﺎﻗﺖ ﻭﺑﻘﺖ ﺑﺘﻨﻄﻂ ﺯﻱ ﺍﻟﻘﺮﺩﺓ ﻗﺼﺎﺩﻙ
- ﺳﻴﺪﺓ ﺍﺧﺮﻯ ﺑﺎﺿﻄﺮﺍﺏ : ﺩﻩ ﺍﻟﺒﺖ ﻭﺷﻬﺎ ﺍﺯﺭﻕ
- ﺍﻟﺴﻴﺪﺓ ﺍﻟﻀﺨﻤﺔ : ﻳﺎ ﻭﻟﻴﺔ ﻣﻨﻚ ﻟﻴﻬﺎ ﺟﻤﺪﻭﺍ ﻗﻠﺒﻜﻢ ، ﻫﻲ ﺩﻱ ﺃﻭﻝ ﻣﺮﺓ ﻧﻄﺎﻫﺮ ﻓﻴﻬﺎ ﺑﺖ ، ﺩﻩ ﺍﺣﻨﺎ ﺑﻘﺎﻟﻨﺎ ﺳﻨﻴﻦ ﺑﻨﻌﻤﻞ ﺍﻟﺤﻜﺎﻳﺔ ﺩﻱ
ﻟﻤﺤﺖ ﺇﺣﺪﺍﻫﻦ ﺍﻟﺪﻣﺎﺀ ﺗﺘﺪﻓﻖ ﺑﻐﺰﺍﺭﺓ ﻣﻦ ﺟﺴﺪ ﺍﻟﻄﻔﻠﺔ ﻫﻨﺎ ، ﻓﺎﻧﺘﻔﻀﺖ ﻋﻠﻰ ﺍﻟﻔﻮﺭ ﻭ ..
- ﺳﻴﺪﺓ ﻣﺎ ﺑﻔﺰﻉ : ﻳﺎ ﺳﺎﺗﺮ ﻳﺎ ﺭﺏ ، ﺑﺼﻲ ﻳﺎ ﻭﻟﻴﺔ ، ﺷﻮﻓﻲ ﺍﻟﺪﻡ ﺍﻟﻠﻲ ﻧﺎﺯﻝ ﺩﻩ ﻣﻨﻬﺎ
- ﺍﻟﺴﻴﺪﺓ ﺍﻟﻀﺨﻤﺔ : ﺩﻩ ﺍﻧﺎ ﻣﺠﺰﺭﺗﺶ ﺟﺎﻣﺪ ﻳﻌﻨﻲ
- ﺳﻴﺪﺓ ﺍﺧﺮﻯ : ﻃﺐ ﻭﻗﻔﻲ ﺍﻟﺪﻡ ﺩﻩ ﺑﺴﺮﻋﺔ ﺑﺪﻝ ﻣﺎ ﺗﺤﺼﻞ ﻧﺼﻴﺒﺔ
- ﺍﻟﺴﻴﺪﺓ ﺍﻟﻀﺨﻤﺔ : ﻗﻮﻣﻲ ﻫﺎﺗﻠﻲ ﺷﻮﻳﺔ ﺑﻦ ﻣﻦ ﺑﺮﺓ ﻧﻜﺘﻢ ﺑﻴﻪ ﺍﻟﺠﺮﺡ
- ﺳﻴﺪﺓ ﻣﺎ ﺑﺴﺮﻋﺔ : ﻃﻴﺐ ... ﻃﻴﺐ
ﻧﻬﻀﺖ ﺃﺣﺪﺍﻫﻦ ﻣﻦ ﻣﻜﺎﻧﻬﺎ ﺑﺴﺮﻋﺔ ﻭﺗﻮﺟﻬﺖ ﺇﻟﻰ ﺑﺎﺏ ﺍﻟﻐﺮﻓﺔ ، ﻭﻗﺎﻣﺖ ﺑﻔﺘﺤﻪ ﻭﺗﻮﺟﻬﺖ ﺍﻟﺨﺎﺭﺝ ...
...................
ﻓﻲ ﺧﺎﺭﺝ ﺍﻟﻐﺮﻓﺔ ،،،،
ﺧﺮﺟﺖ ﺇﺣﺪﻯ ﺍﻟﺴﻴﺪﺍﺕ ﻣﻦ ﺍﻟﻐﺮﻓﺔ ﻭﻫﻲ ﺗﺮﻛﺾ ﻣﺴﺮﻋﺔ ﻧﺎﺣﻴﺔ ﺍﻟﻤﻄﺒﺦ ﻟﺘﺤﻀﺮ ﺑﻌﻀﺎً ﻣﻦ ﺍﻟﺒﻦ ..
ﻭﻗﻔﺖ ﺁﻣﺎﻝ ﺗﻨﻈﺮ ﻟﻬﺎ ﺑﺎﺳﺘﻐﺮﺍﺏ ، ﻭﻣﺎ ﺯﺍﺩﻫﺎ ﺣﻴﺮﺓ ﻫﻮ ﺃﻥ ﺣﻔﻴﺪﺗﻬﺎ ﻟﻢ ﻳﻌﺪ ﻟﻬﺎ ﺃﻱ ﺻﻮﺕ .. ﻭﻗﺒﻞ ﺃﻥ ﺗﺪﻟﻒ ﺗﻠﻚ ﺍﻟﺴﻴﺪﺓ ﻟﻠﺪﺍﺧﻞ ، ﺃﻭﻗﻔﺘﻬﺎ ﺁﻣﺎﻝ ﻟﻜﻲ ﺗﺴﺄﻟﻬﺎ ﻋﻦ ...
- ﺁﻣﺎﻝ ﺑﻘﻠﻖ : ﺍﻟﺒﺖ ﺍﺧﺒﺎﺭﻫﺎ ﺍﻳﻪ ؟
- ﺳﻴﺪﺓ ﻣﺎ ﺑﺘﺮﺩﺩ : ﺁﺁﺁ ... ﻛــ ... ﻛﻮﻳﺴﺔ .. ﺍﻃﻤﻨﻲ ﻳﺎ ﺳﺖ ﺁﻣﺎﻝ
- ﺁﻣﺎﻝ : ﺍﻭﻣﺎﻝ ﻣﺶ ﺳﻤﻌﺎﻟﻬﺎ ﺣﺲ ﻟﻴﻪ ؟؟
- ﺳﻴﺪﺓ ﻣﺎ : ﻣـ ... ﻣﺎ ﺗﺨﻔﻴﺶ ، ﺁﺁﺁ ... ﺍﺣﻨﺎ ... ﺍﺣﻨﺎ ﻗﺮﺑﻨﺎ ﻧﺨﻠﺺ
ﺩﻟﻔﺖ ﺍﻟﺴﻴﺪﺓ ﺇﻟﻰ ﺍﻟﺪﺍﺧﻞ ﺑﺴﺮﻋﺔ ﺣﺘﻰ ﻻ ﺗﺠﻌﻞ ﺍﻟﺠﺎﺭﺓ ﺁﻣــﺎﻝ ﺗﻼﺣﻆ ﺗﻮﺗﺮﻫﺎ ﻭﺍﺿﻄﺮﺍﺑﻬﺎ .. ﺑﻴﻨﻤﺎ ﻇﻠﺖ ﺍﻟﺠﺎﺭﺓ ﺁﻣــﺎﻝ ﻓﻲ ﺍﻟﺨﺎﺭﺝ ﺗﺘﻮﺟﺲ ﺧﻴﻔﺔ ﻣﻤﺎ ﻳﺤﺪﺙ ﺑﺘﻠﻚ ﺍﻟﻐﺮﻓﺔ
- ﺁﻣﺎﻝ : ﺍﺳﺘﺮﻫﺎ ﻳﺎ ﺭﺏ ، ﻭﻋﺪﻳﻬﺎ ﻉ ﺧﻴﺮ
.......................
ﻓﻲ ﻧﻔﺲ ﺍﻟﻮﻗﺖ ﺩﺍﺧﻞ ﺗﻠﻚ ﺍﻟﻐﺮﻓﺔ ﺍﻟﻜﺌﻴﺒﺔ ،،،،
ﻛﺎﻧﺖ ﺍﻟﺴﻴﺪﺓ ﺍﻟﻀﺨﻤﺔ ﺗﺘﻌﺎﻣﻞ ﺑﺒﺮﻭﺩ ﻭﻗﺴﻮﺓ ﻗﻠﺐ ﻣﻊ ﺍﻟﻄﻔﻠﺔ ﻫﻨﺎ ...
- ﺍﻟﺴﻴﺪﺓ ﺍﻟﻀﺨﻤﺔ : ﻫﺎﺗﻲ ﺍﻟﺒﻦ
ﻻﺣﻈﺖ ﺍﻟﺴﻴﺪﺓ ﺍﻷﺧﺮﻯ ﺷﺤﻮﺏ ﻭﺟﻪ ﺍﻟﻄﻔﻠﺔ ﻫﻨﺎ ، ﻭﻓﻤﻬﺎ ﺍﻟﻤﻔﺘﻮﺡ ، ﻓﺎﻗﺘﺮﺑﺖ ﻣﻨﻬﺎ ﻭﻭﺿﻌﺖ ﺍﺫﻧﻴﻬﺎ ﺑﺎﻟﻘﺮﺏ ﻣﻦ ﻓﻤﻬﺎ ﻟﺘﺴﻤﻊ ﺃﺻﻮﺍﺕ ﺃﻧﻔﺎﺳﻬﺎ ﻭﻟﻜﻦ ﻟﻢ ﺗﺠﺪ ﺷﻴﺌﺎً ، ﻓﻠﻄﻤﺖ ﻋﻠﻰ ﺻﺪﺭﻫﺎ ﻓﻲ ﻓﺰﻉ ﻭ ...
- ﺳﻴﺪﺓ ﺃﺧﺮﻯ ﻭﻫﻲ ﺗﻠﻄﻢ : ﻳﺎﺩﻱ ﺍﻟﻨﺼﻴﺒﺔ ، ﺍﻟﺒﺖ ﻗﻄﻌﺖ ﺍﻟﻨﻔﺲ
- ﺍﻟﺴﻴﺪﺓ ﺍﻟﻀﺨﻤﺔ : ﺍﻧﺎ ﻗﻮﻟﺘﻠﻚ ﻫﻲ ﻣﻐﻤﻰ ﻋﻠﻴﻬﺎ
- ﺳﻴﺪﺓ ﺃﺧﺮﻯ ﺑﺄﻋﻴﻦ ﻣﺮﻋﻮﺑﺔ : ﻷﻷﻷ .. ﺩﻩ .. ﺩﻩ ﻣﺶ ﺷﻜﻞ ﻭﺍﺣﺪﺓ ﻣﻐﻤﻰ ﻋﻠﻴﻬﺎ .. ﺩﻱ ... ﺩﻱ ﺑﺎﻳﻨﻬﺎ ﻣـ ... ﻣﺎﺗﺖ
- ﺍﻟﺴﻴﺪﺓ ﺍﻟﻀﺨﻤﺔ : ﻣﺎﺗﺖ ﺍﻳﻪ ﺑﺲ ، ﻫﻮ ﻓﻲ ﺣﺪ ﺑﻴﻤﻮﺕ ﻣﻦ ﺍﻟﻄﻬﺎﺭﺓ ؟
- ﺳﻴﺪﺓ ﺃﺧﺮﻯ : ﺑﺼﻲ ﻛﻮﻳﺲ ..
- ﺍﻟﺴﻴﺪﺓ ﺍﻟﻀﺨﻤﺔ : ﺃﻧﺎ ﻏﻠﻄﺎﻧﺔ ﺍﻧﻲ ﺟﺒﺘﻜﻢ ﻣﻌﺎﻳﺎ ، ﻧﺴﻮﺍﻥ ﻋﺎﻭﺯﺓ ﺍﻟﺤﺮﻕ .. ﻣﺎﻟﻬﺎ ﺍﻟﺒﺖ ﻳﻌﻨﻲ
ﺍﻗﺘﺮﺑﺖ ﺍﻟﺴﻴﺪﺓ ﺍﻟﻀﺨﻤﺔ ﻣﻦ ﻭﺟﻪ ﺍﻟﻄﻔﻠﺔ ﻫﻨﺎ ﻟﺘﺘﺄﻛﺪ ﺑﻨﻔﺴﻬﺎ ﺃﻧﻬﺎ ﺑﺨﻴﺮ ﻭﻟﻴﺲ ﺑﻬﺎ ﺷﻲﺀ ، ﻭﻟﻜﻨﻬﺎ ﺃﺩﺭﻛﺖ ﻣﻦ ﺍﻟﻌﻼﻣﺎﺕ ﺍﻟﺒﺎﺩﻳﺔ ﻋﻠﻰ ﻭﺟﻬﻬﺎ ﺃﻧﻬﺎ ﺑﺎﻟﻔﻌﻞ ﻓﺎﺭﻗﺖ ﺍﻟﺤﻴﺎﺓ ..
ﺍﺿﻄﺮﺑﺖ ﺍﻟﺴﻴﺪﺓ ﺍﻟﻀﺨﻤﺔ ﻭﺃﺻﻴﺒﺖ ﺑﺎﻟﺘﻮﺗﺮ ﻭ ..
- ﺍﻟﺴﻴﺪﺓ ﺍﻟﻀﺨﻤﺔ : ﺩﻱ .. ﺩﻱ ﻣﺎﺗﺖ
ﺷﻬﻘﺖ ﺍﻟﺴﻴﺪﺓ ﺍﻷﺧﺮﻯ ﺣﻴﻨﻤﺎ ﺗﺄﻛﺪﺕ ﺃﻥ ﻣﺨﺎﻭﻓﻬﺎ ﺑﺎﺗﺖ ﺻﺤﻴﺤﺔ ﻭ ...
- ﺳﻴﺪﺓ ﺍﺧﺮﻯ : ﻳﺎﺍﺍﺍﺍﺍﻟﻬﻮﻱ ، ﻃﺐ ... ﻃﺐ ﻭﺍﻟﻌﻤﻞ ؟؟
- ﺍﻟﺴﻴﺪﺓ ﺍﻟﻀﺨﻤﺔ : ﻣﺶ ﻋﺎﺭﻓﺔ .. ﺑﺲ .. ﺑﺲ ﺍﺣﻨﺎ ﻣﺎﻟﻨﺎﺵ ﺫﻧﺐ .. ﺍﺣﻨﺎ ﻣﺘﻌﻮﺩﻳﻦ ﻧﻌﻤﻞ ﻛﺪﻩ ﻓﻲ ﺍﻟﺒﻨﺎﺕ ، ﻭﻛﻠﻬﻢ ﺑﻴﻘﻮﻣﻮﺍ ﻣﻨﻬﺎ ﺻﺎﻍ ﺳﻠﻴﻢ
ﺍﻋﺘﺮﻯ ﺍﻟﺴﻴﺪﺓ ﺍﻻﺧﺮﻯ ﺍﻟﻘﻠﻖ ﻭﺍﻻﺿﻄﺮﺍﺏ ﺧﺎﺻﺔ ﺑﻌﺪ ﺃﻥ ﺗﺄﻛﺪﺕ ﻣﻦ ﻭﻓﺎﺓ ﺍﻟﻄﻔﻠﺔ ﻫﻨﺎ ﻭ ..
- ﺳﻴﺪﺓ ﺃﺧﺮﻯ : ﻳﺎ ﻟﻬﻮﻱ ﺭﺣﻨﺎ ﻓﻲ ﺩﺍﻫﻴﺔ ، ﺩﻩ ﺃﻫﻠﻬﺎ ﻣﺶ ﻫﺴﻴﺒﻮﻧﺎ ، ﺩﻩ ﻳﻤﻜﻦ ﻳﻤﻮﺗﻮﻧﺎ
- ﺍﻟﺴﻴﺪﺓ ﺍﻟﻀﺨﻤﺔ : ﻫﺎﺍﺍﺍﻩ
- ﺳﻴﺪﺓ ﺃﺧﺮﻯ : ﺃﻧﺎ ... ﺃﻧﺎ ﻣﻌﻤﻠﺘﺶ ﺣﺎﺟﺔ ، ﺩﻩ ﺍﻧﺎ ﻳﺪﻭﺏ ﻣﺴﻜﺖ ﺭﺟﻠﻬﺎ ﺑﺲ ، ﺃﻧﺎ ﻣﺎﻟﻴﺶ ﺫﻧﺐ
- ﺍﻟﺴﻴﺪﺓ ﺍﻟﻀﺨﻤﺔ ﺑﺤﺪﺓ : ﻳﺎ ﻭﻟﻴﺔ ﺍﻛﺘﻤﻲ ﺷﻮﻳﺔ ، ﺍﻧﺘﻲ ﺍﻳﻪ ؟؟
- ﺳﻴﺪﺓ ﺍﺧﺮﻯ : ﺃﻧﺎ ﻣﺎﻟﻴﺶ ﺩﻋﻮﺓ
- ﺍﻟﺴﻴﺪﺓ ﺍﻟﻀﺨﻤﺔ : ﺑﻘﻮﻟﻚ ﺍﻳﻪ ﺃﻧﺎ ﻣﺶ ﻫﺎﻟﺒﺲ ﻓﻲ ﺍﻟﻠﻴﻠﺔ ﺩﻱ ﻟﻮﺣﺪﻯ ، ﻭﺧﻠﻴﻨﻲ ﺃﻓﻜﺮﻟﻨﺎ ﻓﻲ ﺣﻞ ﻟﻠﻨﺼﻴﺒﺔ ﺍﻟﺴﻮﺩﺓ ﺩﻱ
ﻭﺿﻌﺖ ﺍﻟﺴﻴﺪﺓ ﺍﻷﺧﺮﻯ ﻛﻠﺘﺎ ﻳﺪﻳﻬﺎ ﻋﻠﻰ ﻓﻤﻬﺎ ﻭ ..
- ﺳﻴﺪﺓ ﺍﺧﺮﻯ ﺑﺘﻮﺗﺮ : ﻃﻴﺐ ﻫﺎﻛﺘﻢ ﻧﻔﺴﻲ ﺍﻫﻮﻭ ، ﺑﺲ ﺷﻮﻓﻴﻠﻨﺎ ﺣﻞ ﺑﺴﺮﻋﺔ
- ﺍﻟﺴﻴﺪﺓ ﺍﻟﻀﺨﻤﺔ : ﻭﻻ ﺩﺍﻫﻴﺔ ﻭﻻ ﺣﺎﺟﺔ ، ﺍﺣﻨﺎ .. ﺍﺣﻨﺎ ﻧﻄﻠﻊ ﻧﻘﻮﻟﻬﻢ ﺍﻥ ﺍﻟﺒﺖ ﺻﺎﻍ ﺳﻠﻴﻢ ﻭﺯﻱ ﺍﻟﻔﻞ ، ﻭﺍﻟﺤﻜﺎﻳﺔ ﻋﺪﺕ ﻉ ﺧﻴﺮ ﺑﺲ ﺍﻟﺒﺖ ﻣﺤﺘﺎﺟﺔ ﺗﺮﺗﺎﺡ ﺷﻮﻳﺔ ، ﻭﻧﺴﻴﺒﻬﺎﻟﻬﻢ ، ﻭﻫﻤﺎ ﺑﻌﺪﻳﻦ ﺑﻘﻰ ﻳﺒﻘﻮﺍ ﻳﻜﺘﺸﻔﻮﺍ ﺣﻜﺎﻳﺔ ﻣﻮﺗﻬﺎ
- ﺳﻴﺪﺓ ﺍﺧﺮﻯ : ﻳﺎﺍﺍﺍﺍ ﻧﺼﻴﺒﺘﻲ !
- ﺍﻟﺴﻴﺪﺓ ﺍﻟﻀﺨﻤﺔ : ﺩﻩ ﺃﺳﻠﻢ ﺣﻞ ، ﻭﺍﻧﺘﻲ ﻳﺎ ﻭﻟﻴﺔ ﺗﻄﻠﻌﻲ ﻗﺼﺎﺩﻫﻢ ﻋﺎﺩﻱ ﻭﺍﻟﻀﺤﻜﺔ ﻣﻦ ﻫﻨﺎ ﻟﻬﻨﺎ ﺑﺪﻝ ﻣﺎ ﻧﺘﻜﺸﻒ
- ﺳﻴﺪﺓ ﺃﺧﺮﻯ : ﻷﻷﻷ ... ﻣﻘﺪﺭﺵ
- ﺍﻟﺴﻴﺪﺓ ﺍﻟﻀﺨﻤﺔ : ﻃﺐ ﺍﻳﺎﻛﻲ ﺗﻌﻤﻠﻲ ﻋﻜﺲ ﺍﻟﻠﻲ ﺑﻘﻮﻟﻚ ﻋﻠﻴﻪ .. ﺷﺸﺸﺶ .. ﻷﺣﺴﻦ ﺍﻟﺒﺎﺏ ﻫﻴﺘﻔﺘﺢ
ﻓُﺘﺢ ﺑﺎﺏ ﺍﻟﻐﺮﻓﺔ ﻟﺘﺪﻟﻒ ﺍﻟﺴﻴﺪﺓ ﺍﻷﻭﻟﻰ ﻟﻠﺪﺍﺧﻞ ﻭﺍﻟﺮﻋﺐ ﻳﻌﺘﺮﻳﻬﺎ .. ﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﺛﻢ ﺍﺩﺍﺭﺕ ﻇﻬﺮﻫﺎ ﻟﺘﺠﺪ ﺯﻣﻴﻠﺘﻴﻬﺎ ﺗﻘﻔﺎﻥ ﺑﻌﻴﺪﺍً ﻋﻦ ﺍﻟﻄﻔﻠﺔ ﻭﻳﺘﻬﺎﻣﺴﺎﻥ ..
- ﺳﻴﺪﺓ ﻣﺎ : ﻓﻲ ﺍﻳﻪ
- ﺳﻴﺪﺓ ﺃﺧﺮﻯ ﺑﺄﻋﻴﻦ ﻣﺮﺗﻌﺪﺓ : ﺍﻟﺒﺖ ﻣﺎﺗﺖ
ﺳﻘﻄﺖ ﻋﻠﺒﺔ ﺍﻟﺒﻦ ﻣﻦ ﻳﺪ ﺍﻟﺴﻴﺪﺓ ﺍﻷﻭﻟﻰ ﻟﺘﺘﺒﻌﺜﺮ ﻣﺤﺘﻮﻳﺎﺗﻬﺎ ﻋﻠﻰ ﺍﻷﺭﺿﻴﺔ ، ﻭﻛﺎﺩﺕ ﺃﻥ ﺗﺼﺮﺥ ﻟﻮﻻ ﺗﺪﺧﻞ ﺍﻟﺴﻴﺪﺓ ﺍﻟﻀﺨﻤﺔ ﻭﻛﺘﻤﻬﺎ ﻷﻧﻔﺎﺳﻬﺎ ﺑﻴﺪﻫﺎ ﻭ ..
- ﺍﻟﺴﻴﺪﺓ ﺍﻟﻀﺨﻤﺔ ﻭﻫﻲ ﺗﻜﻤﻤﻬﺎ : ﺍﻛﺘﻤﻲ ﻳﺎ ﻭﻟﻴﺔ ﻫﺘﻔﻀﺤﻴﻨﺎ
- ﺳﻴﺪﺓ ﻣﺎ ﺑﺨﻮﻑ : ﻳﻌﻨﻲ .. ﻳﻌﻨﻲ ﺁﺁﺁﺁ ....
- ﺍﻟﺴﻴﺪﺓ ﺍﻟﻀﺨﻤﺔ ﺑﻠﻬﺠﺔ ﻗﺎﺳﻴﺔ ﺁﻣــﺮﺓ : ﺑﻘﻮﻟﻚ ﺍﻳﻪ ﻳﺎ ﻭﻟﻴﺔ ﻣﻨﻚ ﻟﻴﻬﺎ ، ﺍﺣﻨﺎ ﻣﺶ ﻧﺎﻗﺼﻴﻦ ﺑﻠﻮﻯ ﺗﺘﺤﺪﻑ ﻋﻠﻴﻨﺎ ، ﺍﻧﺘﻮ ﻫﺘﻌﻤﻠﻮﺍ ﺍﻟﻠﻲ ﻫﺎﻗﻮﻟﻜﻢ ﻋﻠﻴﻪ ﺑﺎﻟﻨﺺ
- ﺳﻴﺪﺓ ﻣﺎ ﺑﻘﻠﻖ ﻭﻫﻲ ﺗﻮﻣﻲﺀ ﺑﺮﺃﺳﻬﺎ ﺍﻳﺠﺎﺑﻴﺎً : ﺣــ ... ﺣﺎﺿﺮ
- ﺳﻴﺪﺓ ﺍﺧﺮﻯ : ﻃﻴﺐ
- ﺍﻟﺴﻴﺪﺓ ﺍﻟﻀﺨﻤﺔ : ﺍﺣﻨﺎ ﻫﻨﻄﻠﻊ ﻣﻦ ﻫﻨﺎ ﺑﻨﺰﻏﺮﻁ ﻭﻓﺮﺣﺎﻧﻴﻦ ﺍﻥ ﺍﻟﻌﻤﻠﻴﺔ ﻋﺪﺕ ﻉ ﺧﻴﺮ ﻭﺍﻟﺖ ﻛﻮﻳﺴﺔ ﺑﺲ ﻋﺎﻭﺯﺓ ﺗﺮﺗﺎﺡ ، ﻭﻫﻨﺎﺧﺪ ﻣﻨﻬﻢ ﺍﻟﺤﻼﻭﺓ ﻛﻤﺎﻥ
- ﺳﻴﺪﺓ ﻣﺎ ﺑﻨﺒﺮﺓ ﺧﺎﺋﻔﺔ : ﺃﻧﺎ .. ﺃﻧﺎ ﻣﻘﺪﺭﺵ ﺃﻋﻤﻞ ﻛﺪﻩ
- ﺍﻟﺴﻴﺪﺓ ﺍﻟﻀﺨﻤﺔ : ﻷ ﻫﺎﺗﻌﻤﻠﻲ ﻛﺪﻩ ﺑﺪﻝ ﻣﺎ ﺗﺮﻭﺣﻲ ﻓﻲ ﺩﺍﻫﻴﺔ ، ﻭﻳﺎﻻ ﻟﻤﻮﺍ ﺍﻟﻌﺪﺓ ﻭﺍﻟﺤﺎﺟﺔ ﻛﻠﻬﺎ ﻣﻦ ﻫﻨﺎ ، ﻭﻧﻔﻀﻮﺍ ﺍﻟﻤﻜﺎﻥ ﻛﻮﻳﺲ ..
- ﺳﻴﺪﺓ ﺍﺧﺮﻯ : ﻃﺐ .. ﻃﺐ ﻭﺍﻟﺒﺖ ؟؟
- ﺍﻟﺴﻴﺪﺓ ﺍﻟﻀﺨﻤﺔ : ﺍﻧﺎ ﻫﻈﺒﻄﻬﺎ .. !!
ﺗﻮﺟﻬﺖ ﺍﻟﺴﻴﺪﺓ ﺍﻟﻀﺨﻤﺔ ﺇﻟﻰ ﺍﻟﻔﺮﺍﺵ ﺍﻟﻤﺴﺠﻲ ﻋﻠﻴﻪ ﺟﺜﺔ ﺍﻟﻄﻔﻠﺔ ﻫﻨﺎ ، ﻭﺑﻜﻞ ﻗﺴﻮﺓ ﻭﺗﺤﺠﺮ ﻗﻠﺐ ، ﻗﺎﻣﺖ ﺑﺘﻌﺪﻳﻞ ﻭﺿﻊ ﺍﻟﻄﻔﻠﺔ .. ﺿﻤﺖ ﺳﺎﻗﻴﻬﺎ ، ﻭﺃﻧﺎﻣﺘﻬﺎ ﻋﻠﻰ ﺟﺎﻧﺒﻬﺎ ، ﺛﻢ ﺃﻏﻠﻘﺖ ﻋﻴﻨﻴﻬﺎ ﺍﻟﺠﺎﺣﻈﺔ ، ﻭﺣﺎﻭﻟﺖ ﺍﻏﻼﻕ ﻓﻤﻬﺎ .. ﻭﻗﺎﻣﺖ ﺑﺴﺤﺐ ﺍﻟﻤﻼﺀﺓ ﺍﻟﻤﻠﻮﺛﺔ ﺑﺎﻟﺪﻣﺎﺀ ﻣﻦ ﺃﺳﻠﻔﻬﺎ ، ﻭﺃﻟﻘﺘﻬﺎ ﻟﺰﻣﻴﻠﺘﻴﻬﺎ ..
- ﺍﻟﺴﻴﺪﺓ ﺍﻟﻀﺨﻤﺔ : ﺧﺪﻭﺍ ﺍﻟﻤﻼﻳﺔ ﺩﻱ ﻣﻌﺎﻛﻮ
- ﺳﻴﺪﺓ ﻣﺎ : ﻣــ .. ﻣﺎﺷﻲ
ﺛﻢ ﻗﺎﻣﺖ ﺍﻟﺴﻴﺪﺓ ﺍﻟﻀﺨﻤﺔ ﺑﺄﺧﺬ ﻣﻼﺀﺓ ﺍﺧﺮﻯ ﻣﻦ ﻋﻠﻰ ﺍﻟﻔﺮﺍﺵ ﺍﻟﻤﺠﺎﻭﺭ ، ﺛﻢ ﺩﺛﺮﺗﻬﺎ ﺑﻬﺎ ، ﻭﻛﺸﻔﺖ ﻓﻘﻂ ﻭﺟﻬﻬﺎ ﻭﻛﺄﻧﻬﺎ ﻏﺎﺭﻗﺔ ﻓﻲ ﺍﻟﻨﻮﻡ ..
- ﺍﻟﺴﻴﺪﺓ ﺍﻟﻀﺨﻤﺔ : ﻛﺪﻩ ﺗﻤﺎﻡ
- ﺳﻴﺪﺓ ﻣﺎ : ﺭﺑـ ... ﺭﺑﻨﺎ ﻳﺴﺘﺮ
- ﺍﻟﺴﻴﺪﺓ ﺍﻟﻀﺨﻤﺔ : ﻣﺎﺗﻨﺴﻮﺵ ﺗﻨﻔﺬﻭﺍ ﺍﻟﻠﻲ ﻗﻮﻟﺘﻠﻜﻢ ﻋﻠﻴﻪ ، ﻭﺇﻻ ﻣﺶ ﻫﺎﻳﺤﺼﻠﻜﻢ ﻃﻴﺐ
- ﺳﻴﺪﺓ ﺍﺧﺮﻯ : ﻣــ .. ﻣﺎﺷﻲ
ﻗﺎﻣﺖ ﺍﻟﺴﻴﺪﺓ ﺍﻷﺧﺮﻯ ﺑﺈﻃﻼﻕ ﺍﻟﺰﻏﺎﺭﻳﺪ ﺍﻟﻌﺎﻟﻴﺔ ، ﺛﻢ ﻓﺘﺤﺖ ﺑﺎﺏ ﺍﻟﻐﺮﻓﺔ ﻭﻟﻢ ﺗﻨﺴﻰ ﺃﻥ ﺗﺮﺳﻢ ﺍﻻﺑﺘﺴﺎﻣﺔ ﺍﻟﻌﺮﻳﻀﺔ ﻋﻠﻰ ﺛﻐﺮﻫﺎ ﻭ ...
- ﺍﻟﺴﻴﺪﺓ ﺍﻟﻀﺨﻤﺔ : ﻟﻮﻭﻭﻭﻭﻭﻟﻮﻭﻭﻭﻟﻲ ، ﻣﺒﺮﻭﻙ ﻳﺎ ﺳﺖ ﺁﻣــﺎﻝ .. ﻃﻬﻮﺭ ﻋﺮﻭﺳﺘﻨﺎ ﺍﻟﺼﻐﻴﺮﺓ
- ﺁﻣﺎﻝ ﺑﻔﺮﺣﺔ : ﺍﻟﺤﻤﺪﻟﻠﻪ ، ﺍﻟﺒﺖ ﻛﻮﻳﺴﺔ
ﻧﻈﺮﺕ ﺍﻟﺴﻴﺪﺍﺕ ﺇﻟﻰ ﺑﻌﻀﻬﻦ ﻓﻲ ﺗﻮﺟﺲ ، ﻭﻟﻜﻦ ﺃﻛﻤﻞ ﺍﻟﺴﻴﺪﺓ ﺍﻟﻀﺨﻤﺔ ﻛﻼﻣﻬﺎ ﺑﻜﻞ ﺟﺤﻮﺩ ﻭ ...
- ﺍﻟﺴﻴﺪﺓ ﺍﻟﻀﺨﻤﺔ : ﺯﻱ ﺍﻟﻔﻞ ﺟﻮﺍ ، ﺑﺲ ﻫﻲ ﻧﺎﻳﻤﺔ ﻣﻦ ﺍﻟﺘﻌﺐ ، ﻣﺎ ﺃﻧﺘﻲ ﻋﺎﺭﻓﺔ ﺑﻘﻰ
- ﺁﻣﺎﻝ ﺑﻘﻠﻖ : ﺍﻭﻋﻲ ﻳﻜﻮﻥ ﺁﺁﺁ ...
- ﺍﻟﺴﻴﺪﺓ ﺍﻟﻀﺨﻤﺔ : ﻣﺘﺨﺎﻓﻴﺶ ، ﺩﻩ ﺃﻧﺎ ﺍﻳﺪﻱ ﻛﺎﻧﺖ ﺣﻨﻴﻨﺔ ﻋﻠﻴﻬﺎ ، ﻳﺪﻭﺏ ﺑﺲ ﺷﻤﻤﺘﻬﺎ ﺍﻟﻤﺸﺮﻁ
- ﺁﻣﺎﻝ ﺑﺎﺭﺗﻴﺎﺡ : ﺍﻟﺤﻤﺪﻟﻠﻪ
- ﺍﻟﺴﻴﺪﺓ ﺍﻟﻀﺨﻤﺔ : ﺍﻭﻣﺎﻝ ﻳﺎ ﺳﺖ ﺁﻣـــﺎﻝ ﻣﺶ ﻫﺎﺗﺤﻠﻲ ﺑﺆﻧﺎ ، ﺩﻩ ﺍﺣﻨﺎ ﻋﺎﻭﺯﻳﻦ ﺍﻟﺤﻼﻭﺓ ﻭﻣﺶ ﻫﻨﺘﻨﺎﺯﻝ ﻋﻨﻬﺎ ، ﻭﻻ ﺍﻳﻪ ﻳﺎ ﻧﺴﻮﺍﻥ
- ﺳﻴﺪﺓ ﻣﺎ ﻭﻫﻲ ﺗﻮﻣﻲﺀ ﺑﺮﺃﺳﻬﺎ ﻓﻲ ﺭﻋﺐ : ﺃﻫﺎ ..
- ﺳﻴﺪﺓ ﺃﺧﺮﻯ ﺑﻘﻠﻖ : ﺃﻳﻮﻩ
◘◘◘ ﻭﺿﻌﺖ ﺍﻟﺠﺎﺭﺓ ﺁﻣﺎﻝ ﻳﺪﻫﺎ ﻓﻲ ﺻﺪﺭﻫﺎ ، ﺛﻢ ﺃﺧﺮﺟﺖ ﺑﻌﺾ ﺍﻟﻨﻘﻮﺩ ، ﻭﺃﺩﺍﺭﺕ ﻟﻬﺎ ﻇﻬﺮﻫﺎ ، ﺛﻢ ﺍﻟﺘﻔﺘﺖ ﻟﺘﻌﻄﻴﻬﺎ ﻟﻠﺴﻴﺪﺓ ﺍﻟﻀﺨﻤﺔ ﺍﻟﺘﻲ ﺗﺤﺪﺛﺖ ﺑﻜﻞ ﺑﺠﺎﺣﺔ ﺑـ ..
- ﺍﻟﺴﻴﺪﺓ ﺍﻟﻀﺨﻤﺔ ﺑﻮﻗﺎﺣﺔ : ﺍﻳﻪ ﺩﻩ ﻳﺎ ﺳﺖ ﺁﻣﺎﻝ ، ﺩﻭﻝ ﻗﻠﻴﻠﻴﻦ ، ﺩﻩ ﺍﺣﻨﺎ ﺗﻌﺒﻨﺎ ﻣﻌﺎﻫﺎ ﺟﻮﺍ
- ﺁﻣﺎﻝ ﻭﻫﻲ ﺗﻌﻄﻴﻬﺎ ﺑﺎﻗﻲ ﺍﻟﻨﻘﻮﺩ : ﺧﺪﻱ ﺩﻭﻝ ﻛﻤﺎﻥ ، ﻣﺶ ﺧﺴﺎﺭﺓ ﻓﻴﻜﻲ
- ﺍﻟﺴﻴﺪﺓ ﺍﻟﻀﺨﻤﺔ : ﻳﺎﺧﺪ ﻋﺪﻭﻳﻨﻚ ، ﻭﺍﺣﻨﺎ ﻓﻲ ﺍﻟﺨﺪﻣﺔ ، ﻟﻮﻭﻭﻭﻟﻮﻭﻭﻟﻲ .. ﻣﺎ ﺗﺰﻏﺮﻃﻲ ﻳﺎ ﻭﻟﻴﺔ ﻣﻨﻚ ﻟﻴﻬﺎ
- ﺳﻴﺪﺓ ﻣﺎ : ﻟﻮﻭﻟﻮﻟﻲ
- ﺳﻴﺪﺓ ﺃﺧﺮﻯ : ﻟﻮﻭﻭﻭﻟﻮﻭﻭﻟﻲ ..
ﺛﻢ ﺍﻧﻄﻠﻘﻦ ﻣﺴﺮﻋﻴﻦ ﺧﺎﺭﺝ ﺍﻟﻤﻨﺰﻝ ﻗﺒﻞ ﺃﻥ ﻳﻨﻜﺸﻒ ﺃﻣﺮﻫــﻦ ..
ﻭﺭﻏﻢ ﻫﺬﺍ ﻛﺎﻧﺖ ﺁﻣﺎﻝ ﺗﺸﻌﺮ ﺑﺄﻥ ﻗﻠﺒﻬﺎ ﻣﻘﺒﻮﺿﺎً .. ﻟﺬﺍ ﺩﻟﻔﺖ ﺇﻟﻰ ﺍﻟﻐﺮﻓﺔ ﺍﻟﺘﻲ ﺗﻮﺟﺪ ﺑﻬﺎ ﺍﻟﻄﻔﻠﺔ ﺍﻟﺼﻐﻴﺮﺓ ، ﻭﻧﻈﺮﺕ ﺇﻟﻴﻬﺎ ﻣﻦ ﺑﻌﻴﺪ ، ﻭﺟﺪﺗﻬﺎ ﺳﺎﻛﻨﺔ ﻓﻲ ﻣﻜﺎﻧﻬﺎ ، ﻻ ﺗﺘﺤﺮﻙ ، ﻓﺄﻏﻠﻘﺖ ﺍﻟﺒﺎﺏ ﻓﻲ ﻫﺪﻭﺀ ﻇﻨﺎ ﻣﻨﻬﺎ ﺃﻧﻬﺎ ﺗﺴﺘﺮﻳﺢ ...
.........................
ﻋﺎﺩ ﺣﺴﻦ ﻣﻦ ﺍﻟﺨﺎﺭﺝ ﻟﻴﺴﺘﻔﺴﺮ ﻣﻦ ﻭﺍﻟﺪﺗﻪ ﻋﻤﺎ ﺟﺮﻯ ﻣﻊ ﺍﺑﻨﺘﻪ ﻫﻨﺎ، ﻓﻄﻤﺄﻧﺘﻪ ﺁﻣﺎﻝ ﻋﻨﻬﺎ ﻭ ...
- ﺁﻣﺎﻝ : ﺍﻟﺒﺖ ﻛﻮﻳﺴﺔ ، ﻭﻛﻠﻪ ﺗﻤﺎﻡ
- ﺣﺴﻦ : ﻃﺐ ﺃﻧﺎ ﻫﺎﺧﺶ ﺃﺷﻮﻓﻬﺎ
- ﺁﻣﺎﻝ : ﺳﻴﺒﻬﺎ ﺗﻨﺎﻡ ﺷﻮﻳﺔ
- ﺣﺴﻦ : ﻣﻌﻠﺶ ﻳﺎﻣﺎ ، ﻗﻠﺒﻲ ﻭﺍﻛﻠﻨﻲ ﻋﻠﻴﻬﺎ ، ﻣﺎ ﺍﻧﺘﻲ ﻋﺎﺭﻓﺔ ﺃﻧﺎ ﺑﺤﺒﻬﺎ ﺃﺩ ﺍﻳﻪ
- ﺁﻣﺎﻝ : ﺭﺑﻨﺎ ﺍﻟﻠﻲ ﻋﺎﻟﻢ ﺃﻧﺎ ﻛﻤﺎﻥ ﻣﺘﻌﻠﻘﺔ ﺑﻴﻬﺎ ﺃﺩ ﺍﻳﻪ ..
...........
ﺩﻟﻒ ﺣﺴﻦ ﺇﻟﻰ ﺩﺍﺧﻞ ﺍﻟﻐﺮﻓﺔ ، ﺛﻢ ﺃﺷﻌﻞ ﻣﺼﺒﺎﺡ ﺍﻟﻐﺮﻓﺔ ، ﻧﻈﺮ ﺇﻟﻰ ﺍﺑﻨﺘﻪ ﻓﻮﺟﺪﻫﺎ ﺳﺎﻛﻨﺔ ﻻ ﺗﺘﺤﺮﻙ .. ﺗﻮﺟﻪ ﻧﺎﺣﻴﺘﻬﺎ ، ﺟﻠﺲ ﺇﻟﻰ ﺟﻮﺍﺭﻫﺎ ، ﺗﺤﺪﺙ ﻣﻌﻬﺎ ﺑﺼﻮﺕ ﺃﺑﻮﻱ ﺣﺎﻧﻲ ، ﺛﻢ ﺭﻓﻊ ﺍﻟﻐﻄﺎﺀ ﻗﻠﻴﻼً ﻋﻦ ﻭﺟﻬﻬﺎ ﻓﻮﺟﺪﻩ ﺷﺎﺣﺐ ﺍﻟﻠﻮﻥ ﻳﺒﺪﻭ ﻏﺮﻳﺒﺎً .. ﻭﺿﻊ ﻳﺪﻩ ﻋﻠﻴﻪ ﻭﺟﺪﻩ ﺑﺎﺭﺩﺍً ..
ﺣﺎﻭﻝ ﺍﻳﻘﺎﻇﻬﺎ ، ﻭﻟﻜﻨﻬﺎ ﻟﻢ ﺗﺴﺘﺠﺐ ، ﻇﻞ ﻳﺼﺮﺥ ﺑﻬﺎ ﺃﻥ ﺗﻔﻴﻖ ، ﻭﻟﻜﻦ ﻻ ﺣﻴﺎﺓ ﻟﻤﻦ ﻓﺎﺭﻗﺖ ﺍﻟﺤﻴﺎﺓ ..
- ﺣﺴﻦ ﺑﺮﻋﺐ : ﺑﺖ ﻳﺎ ﻫﻨﺎ ، ﻗﻮﻣﻲ ﻳﺎ ﺑﺖ ، ﺭﺩﻱ ﻋﻠﻴﺎ
- ﺁﻣﺎﻝ : ﻓﻲ ﺍﻳﻪ ﻳﺎ ﺑﻨﻲ
- ﺣﺴﻦ : ﺍﻟﺒﺖ ﻣﺶ ﺑﺘﺮﺩ ﻋﻠﻴﺎ
- ﺁﻣﺎﻝ : ﻳﺎ ﻧﺼﻴﺒﺘﻲ ، ﻳﻜﻮﻧﺶ ﺟﺮﺍﻟﻬﺎ ﺣﺎﺟﺔ
ﺃﺳﺮﻉ ﻭﺍﻟﺪﻫﺎ ﺑﺤﻤﻠﻬﺎ ، ﻛﺎﻧﺖ ﺍﻟﺪﻣﺎﺀ ﺗﻐﺮﻕ ﺍﻟﻔﺮﺍﺵ ﻣﻦ ﺃﺳﻔﻠﻬﺎ ، ﺍﻋﺘﻠﻰ ﺍﻟﺨﻮﻑ ﻭﺍﻟﺮﻋﺐ ﻣﻼﻣﺤﻪ ، ﺛﻢ ﺭﻛﺾ ﺑﻬﺎ ﺇﻟﻰ ﺍﻟﻮﺣﺪﺓ ﺍﻟﺼﺤﻴﺔ ..
ﻭﻫﻨﺎﻙ ﻛﺎﻧﺖ ﺍﻟﻤﻔﺎﺟﺄﺓ ﺍﻟﺘﻲ ﻧﺰﻟﺖ ﻋﻠﻴﻪ ﻛﺎﻟﺼﺎﻋﻘﺔ ﺑﻌﺪ ﺍﻟﻜﺸﻒ ﻋﻠﻴﻬﺎ
- ﺍﻟﻄﺒﻴﺐ ﺑﺤﺪﺓ : ﺍﻟﺒﻨﺖ ﺟﺖ ﻣﻴﺘﺔ ، ﺍﻧﺘﻮ ﺍﺯﺍﻱ ﺗﻌﻤﻠﻮﺍ ﻓﻴﻬﺎ ﻛﺪﻩ ؟؟؟
- ﺣﺴﻦ ﺑﺪﻣﻮﻉ ﻣﻨﻬﻤﺮﺓ : ﺍﻳﻴﻴﻴﻴﻪ ، ﻣﺎﺗﺖ ؟؟؟ ﻷﻷﻷﻷ
ﻟﻢ ﻳﺼﺪﻕ ﺣﺴﻦ ﺃﺫﻧﻴﻪ ﺣﻴﻨﻤﺎ ﺳﻤﻊ ﻣﻦ ﺍﻟﻄﺒﻴﺐ ﺍﻥ ﺍﺑﻨﺘﻪ ﺍﻟﺼﻐﺮﻯ ﻓﻠﺬﺓ ﻛﺒﺪﻩ ﻓﺎﺭﻗﺖ ﺍﻟﺤﻴﺎﺓ .. ﺧﺎﺭﺕ ﻗﻮﺍﻩ ﻭﺳﻘﻂ ﻋﻠﻰ ﺍﻷﺭﺽ ﺑﺎﻛﻴﺎً ﻧﺎﺩﻣﺎً ﻋﻠﻰ ﻣﺎ ﻓﻌﻞ ، ﻟﻢ ﻳﺴﺘﻮﻋﺐ ﻣﺎ ﺣﺪﺙ ، ﻇﻞ ﻳﺒﻜﻲ ﺑﺤﺮﻗﺔ ، ﻧﺎﺩﻣﺎً ﻋﻠﻰ ﻣﺎ ﺍﻗﺘﺮﻓﺘﻪ ﻳﺪﺍﻩ ، ﻧﻈﺮ ﺇﻟﻰ ﻳﺪﻳﻪ ﺑﺄﻋﻴﻦ ﻣﺤﺘﺮﻗﺔ ﻣﻦ ﺍﻟﻨﺪﻡ .. ﻓﻬﻮ ﺑﻴﺪﻩ ﺃﺧﻄﺄ ﻓﻲ ﺣﻖ ﺍﺑﻨﺘﻪ ﺍﻟﺼﻐﺮﻯ ( ﺧﻄﺄ ﻻ ﻳﻤﻜﻦ ﺇﺻﻼﺣﻪ ) ...
ﻟﻘﺪ ﻣﺎﺗﺖ ﺍﺑﻨﺘﻪ ﻣﺮﺗﻴﻦ ﺇﺣﺪﺍﻫﻤﺎ ﺭﻋﺒﺎً ﻭﺍﻷﺧﺮﻯ ﺫﺑﺤﺎً ... ﻭﻫﻮ ﻭﻗﻒ ﺷﺎﻫﺪﺍً ﻓﻘﻂ ﻟﻤﺎ ﻓﻌﻠﻪ ﻏﻴﺮﻩ ﺑﻬﺎ ..
ﺃﻣﺮ ﺍﻟﻄﺒﻴﺐ ﺍﻟﻤﻤﺮﺽ ﺍﻟﻤﻮﺟﻮﺩ ﻣﻌﻪ ﺑﻜﺘﺎﺑﺔ ﺍﻟﺘﻘﺮﻳﺮ ﺍﻟﻄﺒﻲ ﺍﻟﺨﺎﺹ ﺑﺎﻟﻄﻔﻠﺔ ﻫﻨﺎ ...
- ﺍﻟﻄﺒﻴﺐ ﻟﻠﻤﻤﺮﺽ : ﺍﻛﺘﺐ ﻓﻲ ﺍﻟﺘﻘﺮﻳﺮ ﺍﻥ ﺍﻟﺒﻨﺖ ﻣﺎﺗﺖ ﺑﺄﺯﻣﺔ ﻗﻠﺒﻴﺔ ﻣﻔﺎﺟﺌﺔ ﻧﺘﻴﺠﺔ ﺍﻟﺘﻌﺮﺽ ﻟﺼﺪﻣﺔ ﺣﺎﺩﺓ ..
- ﺍﻟﻤﻤﺮﺽ : ﺣﺎﺿﺮ ﻳﺎ ﺩﻛﺘﻮﺭ ، ﻃﺐ ﻭﺑﺎﻟﻨﺴﺒﺔ ﻟﻠﻨﺰﻳﻒ ؟؟
- ﺍﻟﻄﺒﻴﺐ : ﺩﻩ ﺳﺒﺐ ﺗﺎﻧﻲ ﻟﻮ ﻛﻨﺎ ﻟﺤﻘﻨﺎﻫﺎ ﻭﺃﻧﻘﺬﻧﺎﻫﺎ ﻣﻦ ﺍﻷﺯﻣﺔ ﺍﻟﻘﻠﺒﻴﺔ ﻣﻜﻮﻧﺎﺵ ﻫﻨﻠﺤﻘﻬﺎ ﻣﻦ ﺍﻟﻨﺰﻳﻒ ﺍﻟﻤﺴﺘﻤﺮ ﺍﻟﻠﻲ ﻛﺎﻥ ﻋﻨﺪﻫﺎ ...
- ﺍﻟﻤﻤﺮﺽ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ
- ﺍﻟﻄﺒﻴﺐ : ﻟﻸﺳﻒ ﺍﻟﺠﻬﻞ ﺑﺘﺎﻉ ﻧﺎﺱ ﻛﺘﻴﺮ ﺑﻴﺨﻠﻴﻬﻢ ﻳﻌﻤﻠﻮﺍ ﻓﻲ ﺑﻨﺎﺗﻬﻢ ﺑﻼﻭﻱ ﺳﻮﺩﺓ ﺗﺨﻠﻴﻬﻢ ﻳﻤﻮﺗﻮﺍ ﺑﺪﻭﻥ ﺫﻧﺐ ﻭﻫﻤﺎ ﻣﻔﻜﺮﻳﻦ ﺍﻧﻬﻢ ﺑﻴﺤﻤﻮﻫﻢ ﻭﺑﻴﻌﻤﻠﻮﺍ ﺍﻟﺼﺢ ﻟﻴﻬﻢ
- ﺍﻟﻤﻤﺮﺽ : ﺭﺑﻨﺎ ﻳﺼﺒﺮﻩ ﺑﻘﻰ
- ﺍﻟﻄﺒﻴﺐ : ﺍﻧﺎ ﻣﺶ ﻫﺎﺳﻜﺖ ﻋﻦ ﺍﻟﺠﺮﻳﻤﺔ ﺩﻱ ، ﻭﻫﺒﻠﻎ ﺍﻟﻤﺮﻛﺰ
- ﺍﻟﻤﻤﺮﺽ ﻭﻫﻮ ﻳﻨﻈﺮ ﻟﺤﺴﻦ : ﺑﺲ ﺁﺁﺁ ...
- ﺍﻟﻄﺒﻴﺐ : ﻣﺎﻓﻴﺶ ﺑﺲ ، ﺃﻧﺎ ﻣﺶ ﻫﺎﺳﻤﺢ ﻟﻨﻔﺴﻲ ﺃﻛﻮﻥ ﺷﺮﻳﻚ ﻓﻲ ﺍﻟﺠﺮﻳﻤﺔ ﺩﻱ !..
........................................................
ﻋﻮﺩﺓ ﻟﻠﻮﻗﺖ ﺍﻟﺤﺎﻟﻲ ،،،،
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﺫﺭﻓﺖ ﺁﻣﺎﻝ ﺃﻧﻬﺎﺭﺍً ﻣﻦ ﺍﻟﺪﻣﻮﻉ ﻭﻫﻲ ﺗﺴﺮﺩ ﻣﺎ ﺣﺪﺙ ﻣﻊ ﺣﻔﻴﺪﺗﻬﺎ ، ﺗﻠﻚ ﺍﻟﻤﻼﻙ ﺍﻟﺼﻐﻴﺮ ﺍﻟﺘﻲ ﺫﺑﺤﺖ ﺑﻼ ﺫﻧﺐ .. ﺑﻜﺖ ﺯﻳﻨﺐ ﻫﻲ ﺍﻷﺧﺮﻯ ﻋﻠﻰ ﺭﺣﻴﻠﻬﺎ ، ﻫﻲ ﻟﻢ ﺗﻘﺎﺑﻠﻬﺎ ﺇﻻ ﻣﺮﺓ ﻭﺍﺣﺪﺓ ﻭﻟﻜﻨﻬﺎ ﺗﺘﺬﻛﺮ ﺑﺮﺍﺀﺗﻬﺎ ﻭﻋﻔﻮﻳﺘﻬﺎ ﻭ ...
- ﺯﻳﻨﺐ ﺑﺼﻮﺕ ﺑﺎﻛﻲ : ﺭﺑﻨﺎ ﻳﺮﺣﻤﻬﺎ ﺑﺮﺣﻤﺘﻪ ﺍﻟﻮﺍﺳﻌﺔ ، ﺩﻱ ﻛﺎﻧﺖ ﻣﻼﻙ ﻭﺍﻟﻠﻪ
- ﺻﻼﺡ : ﺍﻟﺒﻘﺎﺀ ﻟﻠﻪ ﻳﺎ ﺳﺖ ﺁﻣﺎﻝ
- ﺁﻣﺎﻝ ﺑﻨﺪﻡ ﻭﺁﺳﻰ : ﺃﻧﺎ .. ﺃﻧﺎ ﻛﻨﺖ ﺟﺎﻳﺔ ﺍﻗﻮﻟﻚ ﺍﻭﻋﻲ ﺗﻐﻠﻄﻲ ﺯﻱ ﻣﺎ ﺍﻧﺖ ﻏﻠﻄﺖ ﻣﻊ ﻫﻨﺎ ، ﺍﻭﻋﻲ ﺗﻌﻤﻠﻲ ﺯﻳﻲ .. ﻓﻲ ﻏﻠﻄﺎﺕ ﻟﻮ ﻋﻤﻠﻨﺎﻫﺎ ﻣﺎﻳﻨﻔﻌﺶ ﻧﺼﻠﺤﻬﺎ ﻣﻬﻤﺎ ﺣﺎﻭﻟﻨﺎ !..
ﻧﻈﺮﺕ ﺯﻳﻨﺐ ﺇﻟﻰ ﺯﻭﺟﻬﺎ ﺻﻼﺡ ﺑﻨﻈﺮﺍﺕ ﻛﻠﻬﺎ ﺁﺳﻰ ﻭﺣﺰﻥ ، ﺑﻴﻨﻤﺎ ﺃﻛﻤﻠﺖ ﺍﺟﺎﺭﺓ ﺁﻣــﺎﻝ ﺣﺪﻳﺜﻬﺎ ﺑـ ...
- ﺁﻣﺎﻝ : ﺍﻟﻮﺍﺣﺪ ﺑﺠﻬﻠﻪ ﻣﻤﻜﻦ ﻳﻀﻴﻊ ﻋﻴﺎﻟﻪ ، ﻭﻳﺮﻣﻴﻬﻢ ﻓﻲ ﺍﻟﻨﺎﺭ ﻭﻫﻮ ﻣﺶ ﺩﺭﻳﺎﻥ ..
ﺻﻤﺘﺖ ﺁﻣــﺎﻝ ﻗﻠﻴﻼً ﺛﻢ ﺑﻜﺖ ﺑﺤﺮﻗﺔ .. ﺑﻜﺖ ﻛﻤﺎ ﻟﻢ ﺗﺒﻜﻲ ﻣﻦ ﻗﺒﻞ ﺣﻴﻨﻤﺎ ﺗﺬﻛﺮﺕ ....
- ﺁﻣﺎﻝ ﺑﺒﻜﺎﺀ ﻣﺮﻳﺮ : ﺁﺁﺁﺁﻩ .. ﻟﻮ ... ﻟﻮ ﺗﺸﻮﻓﻲ ﺷﻜﻠﻬﺎ ﻳﺎ ﺣﺎﺟﺔ ﺯﻳﻨﺐ ﻭﻫﻲ ﺑﺘﺴﺘﺮﺟﺎﻧﻲ ﻭﺗﻌﻴﻂ ﻋﺸﺎﻥ ﺍﺧﻠﻴﻬﺎ ﻓﻲ ﺣﻀﻨﻲ ﻭﻣﺎ ﺗﺮﻭﺣﺶ ﻣﻌﺎﻫﻢ .. ﺁﺁﺁﺁﻩ ... ﻛﺄﻧﻬﺎ ﻳﺎ ﻗﻠﺒﻲ ﻛﺎﻧﺖ ﺣﺎﺳﺔ ﺑﺮﻭﺣﻬﺎ .. ﻭﺃﻧﺎ ﺍﻟﻠﻲ ﻏﺒﻴﺔ ﻭﻣﻔﻬﻤﺘﺶ ﻭﺻﻤﻤﺖ ﺍﻧﻬﺎ ﺗﺮﻭﺡ ﻣﻌﺎﻫﻢ .. ﻳﺎ ﺭﻳﺘﻨﻲ ﻛﻨﺖ ﻣﻮﺕ ﻗﺒﻞ ﻣﺎ ﺍﻋﻤﻞ ﻓﻴﻬﺎ ﻛﺪﻩ ، ﻳﺎ ﺭﺗﻨﻲ !!
ﺍﻧﻬﺎﺭﺕ ﺍﻟﺠﺎﺭﺓ ﺁﻣــﺎﻝ ، ﻭﻟﻢ ﺗﻌﺪ ﺗﻘﻮﻯ ﻋﻠﻰ ﺍﻟﻮﻗﻮﻑ ﻋﻠﻰ ﻗﺪﻣﻴﻬﺎ .. ﺃﺳﺮﻋﺖ ﺯﻳﻨﺐ ﺑﺈﺳﻨﺎﺩﻫﺎ ، ﻭﺳﺎﻋﺪﻫﺎ ﺯﻭﺟﻬﺎ ﺻﻼﺡ ﻓﻲ ﺇﺣﻀﺎﺭ ﻣﻘﻌﺪ ﻗﺮﻳﺐ ﻣﻦ ﺍﻟﺪﺍﺧﻞ ﻟﺘﺠﻠﺲ ﻋﻠﻴﻪ ﻭ ..
- ﺻﻼﺡ : ﺍﺟﻤﺪﻱ ﻳﺎ ﺳﺖ ﺁﻣــﺎﻝ
- ﺁﻣﺎﻝ ﺑﻤﺮﺍﺭﺓ : ﺑﻌﺪ ﺍﻟﻀﻨﺎ ﻣﺎﻓﻴﺶ ﺣﺎﺟﺔ ﺗﺘﻌﻮﺽ !
ﺗﺄﻣﻠﺖ ﺯﻳﻨﺐ ﺣﺎﻝ ﺍﻟﺠﺎﺭﺓ ﺁﻣﺎﻝ ، ﻭﺣﻤﺪﺕ ﺍﻟﻠﻪ ﻓﻲ ﻧﻔﺴﻬﺎ ﺃﻧﻬﺎ ﻟﻢ ﺗﺘﻬﻮﺭ ﻭﺗﻔﻌﻞ ﻣﺜﻠﻬﺎ ﻭﺗﺨﻄﻲﺀ ﻓﻲ ﺣﻖ ﻗﺮﺓ ﻋﻴﻨﻬﺎ ( ﺧﻄــﺄ ﻻ ﻳﻤﻜﻦ ﺇﺻـــﻼﺣﻪ )
