ﺳﻴﺎﺭﺓ ﻣﺮﻭﺍﻥ ،،،،
ﻇﻠﺖ ﻧﻴﺮﺓ ﺻﺎﻣﺘﺔ ﻻ ﺗﺘﺤﺪﺙ ، ﺣﺎﻭﻝ ﻣﺮﻭﺍﻥ ﺃﻥ ﻳﺒﺪﺃ ﻣﻌﻬﺎ ﺍﻟﺤﺪﻳﺚ ﻣﺮﺓ ﺍﺧﺮﻯ ﻭ ...
- ﻣﺮﻭﺍﻥ : ﺗﻌﺮﻓﻲ ﺍﻧﺎ ﻣﺒﺴﻮﻁ ﺍﻧﻚ ﻛﺪﻩ
- ﻧﻴﺮﺓ ﺑﺘﺠﺎﻫﻞ : ﻫــﻪ
- ﻣﺮﻭﺍﻥ : ﻳﻌﻨﻲ ﻟﻮ ﺑﻨﺖ ﺗﺎﻧﻴﺔ ﻓﻲ ﻣﻜﺎﻧﻚ ﻛﺎﻥ ﺯﻣﺎﻧﺘﻬﺎ ﻣﺼﺪﻗﺖ ﺍﻥ ﻣﻌﺎﻫﺎ ﺷﺎﺏ ﺯﻱ ﻭﻟﻔﺖ ﻋﻠﻴﻪ
- ﻧﻴﺮﺓ ﺑﺼﻮﺕ ﺧﺎﻓﺖ : ﻣﻐﺮﻭﺭ
- ﻣﺮﻭﺍﻥ : ﺳﻤﻌﺘﻚ
- ﻧﻴﺮﺓ ﺑﺜﻘﺔ : ﻣﺎ ﺗﺴﻤﻌﻨﻲ ، ﻫﻮ ﺃﻧﺖ ﻣﻔﻜﺮﻧﻲ ﺇﻧﻲ ﻫﺨﺎﻑ ﻣﻨﻚ ﻭﻻ ﺣﺎﺟﺔ
- ﻣﺮﻭﺍﻥ ﻭﻫﻮ ﻳﻨﻈﺮ ﺇﻟﻴﻬﺎ ﺑﻨﻈﺮﺍﺕ ﻛﻠﻬﺎ ﺗﺤﺪﻱ : ﻭﺍﻟﻠﻪ !
- ﻧﻴﺮﺓ : ﺃﻣﺜﺎﻟﻚ ﺩﻭﻝ ﻣﻌﺮﻭﻓﻴﻦ ، ﺗﺎﻓﻬﻴﻦ ﻣﺎﻟﻬﻮﻣﺶ ﺷﺨﺼﻴﺔ ﻭﻋﺎﻭﺯﻳﻦ ﺍﻟﺒﻨﺎﺕ ﺗﻔﻀﻞ ﺣﻮﺍﻟﻴﻬﻢ ﻋﺸﺎﻥ ﺻﻮﺭﺗﻬﻢ ﺗﻜﻤﻞ
- ﻣﺮﻭﺍﻥ : ﻃﺐ ﻟﻤﻲ ﻟﺴﺎﻧﻚ ﺑﺪﻝ ﻣﺎ ﺃﻗﺼﻬﻮﻟﻚ ، ﻭﺧﻠﻴﻨﻲ ﻣﺤﺘﺮﻡ ﻟﻸﺧﺮ ﻣﻌﺎﻛﻲ
- ﻧﻴﺮﺓ : ﻭﻻ ﺗﻘﺪﺭ ﺗﻌﻤﻞ ﺍﻱ ﺣﺎﺟﺔ
- ﻣﺮﻭﺍﻥ : ﺑﻼﺵ ﺃﻧﺎ !
- ﻧﻴﺮﺓ ﻭﻗﺪ ﻟﻤﺤﺖ ﻭﺍﻟﺪﻫﺎ : ﺑﺎﺑﺎ
- ﻣﺮﻭﺍﻥ ﻭﻗﺪ ﺍﻧﺘﺒﻪ ﻟﻤﻦ ﺗﻨﻈﺮ ﺇﻟﻴﻪ : ﺍﺣﻢ ...
- ﻧﻴﺮﺓ ﻭﻫﻲ ﺗﺘﻌﻤﺪ ﺍﻏﺎﻇﺘﻪ : ﺟﺎﻟﻚ ﺍﻟﻠﻲ ﻫﻴﻌﺪﻟﻚ ، ﺍﻓﺘﺢ ﺑﻘﻰ ﺍﻟـ lock
- ﻣﺮﻭﺍﻥ ﻭﻫﻮ ﻳﻔﺘﺢ ﺍﻟﻘﻔﻞ ﺍﻻﻟﻜﺘﺮﻭﻧﻲ : ﺍﻭﻭﻑ
ﺧﺮﺝ ﺻﻼﺡ ﻣﻦ ﺍﻟﻘﺴﻢ ﻭﻋﻠﻰ ﻭﺟﻬﻪ ﻋﻠﻤﺎﺕ ﺍﻟﺘﺠﻬﻢ ﻭﻫﻮ ﺃﻳﻀﺎً ﻳﺤﻤﻞ ﺍﺑﻨﺘﻪ ﺑﻴﻦ ﺫﺭﺍﻋﻴﻪ ، ﺛﻢ ﺭﻛﺐ ﺻﻼﺡ ﺳﻴﺎﺭﺓ ﻣﺮﻭﺍﻥ ﻭﻭﺿﻊ ﺍﺑﻨﺘﻪ ﻓﺎﻃﻴﻤﺎ ﻋﻠﻰ ﺣﺠﺮﻩ ﻭﺿﻤﻬﺎ ﺇﻟﻴﻪ ، ﺛﻢ ﺃﺷﺎﺭ ﻟﻤﺮﻭﺍﻥ ﺑﺎﻟﺘﺤﺮﻙ ﻭ ...
- ﺻﻼﺡ : ﺍﻃﻠﻊ ﺑﻴﻨﺎ ﻳﺎ ﻣﺮﻭﺍﻥ ﻉ ﺍﻟﺒﻴﺖ
- ﻣﺮﻭﺍﻥ : ﺣﺎﺿﺮ
- ﻧﻴﺮﺓ : ﻫﻮ ﺍﺣﻨﺎ ﻣﺶ ﻫﻨﺮﻭﺡ ﺍﻟﺪﺭﺱ ﻳﺎ ﺑﺎﺑﺎ ؟
- ﺻﻼﺡ ﻭﻗﺪ ﺷﺮﺩ ﻓﻲ ﻋﺎﻟﻢ ﺗﺎﻧﻲ : ﻫــﻪ ....
- ﻧﻴﺮﺓ : ﺑﺎﺑﺎ !
- ﻣﺮﻭﺍﻥ : ﺍﺣﻢ ... ﺗﻘﺮﻳﺒﺎ ﻣﺎﻓﻴﺶ ﺩﺭﺱ ﺍﻟﻨﻬﺎﺭﺩﺓ
- ﻧﻴﺮﺓ : ﺃﻧﺎ ﻣﺶ ﺑﻜﻠﻤﻚ ، ﺃﻧﺎ ﺑﻜﻠﻢ ﺑﺎﺑﺎ
- ﺻﻼﺡ ﺑﺼﻮﺕ ﺟﻬﻮﺭﻱ ﺁﻣﺮ : ﻧﻴـــــــــﺮﺓ ! ﺍﺳﻜﺘﻲ ﻣﺶ ﻋﺎﻭﺯ ﺃﺳﻤﻊ ﺃﻱ ﺣﺲ ﺍﻟﻮﻗﺘﻲ
- ﻧﻴﺮﺓ ﻭﻗﺪ ﺷﻌﺮﺕ ﺑﺎﻻﺣﺮﺍﺝ : ﺣـ .. ﺣﺎﺿﺮ
.................................
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،
ﻋﺎﺩ ﺻﻼﺡ ﺇﻟﻰ ﺍﻟﻤﻨﺰﻝ ﻣﻊ ﺍﺑﻨﺘﻴﻪ ، ﻛﺎﻥ ﺻﻼﺡ ﻳﺤﻤﻞ ﻓﺎﻃﻴﻤﺎ ﺍﻟﺘﻲ ﻏﻔﺖ ﻓﻲ ﺍﻟﻄﺮﻳﻖ ﻭﺭﺍﻓﺾ ﺃﻥ ﻳﺘﺮﻛﻬﺎ ﻣﻦ ﺑﻴﻦ ﺫﺭﺍﻋﻴﻪ ﺃﻭ ﺣﺘﻰ ﻳﺠﻌﻠﻬﺎ ﺗﻔﻴﻖ ، ﺛﻢ ﺩﻟﻒ ﺑﻬﺎ ﺇﻟﻰ ﻏﺮﻓﺔ ﻧﻮﻣﻪ ، ﻭﺩﺛﺮﻫﺎ ﻓﻲ ﻓﺮﺍﺷﻪ ، ﺗﻌﺠﺒﺖ ﺯﻳﻨﺐ ﻟﺤﺎﻟﻪ ﻭﺣﺎﻭﻟﺖ ﺃﻥ ﺗﺴﺘﻔﺴﺮ ﻣﻦ ﻧﻴﺮﺓ ﻋﻤﺎ ﺣﺪﺙ ﻭ ..
- ﺯﻳﻨﺐ ﻭﻫﻲ ﻓﻲ ﺣﻴﺮﺓ ﻣﻦ ﺯﻭﺟﻬﺎ : ﻫﻮ ﺃﺑﻮﻛﻲ ﻣﺎﻟﻪ ؟
- ﻧﻴﺮﺓ ﺑﻀﻴﻖ ﻭﻫﻲ ﺗﺪﻟﻒ ﻟﻐﺮﻓﺘﻬﺎ : ﻣﻌﺮﻓﺶ
- ﺯﻳﻨﺐ : ﺍﻟﻠﻪ ! ﻣﺶ ﺍﻧﺘﻲ ﻛﻨﺘﻲ ﻣﻌﺎﻫﻢ
- ﻧﻴﺮﺓ : ﺍﺑﻘﻲ ﺍﺳﺄﻟﻲ ﺑﺎﺑﺎ
- ﺯﻳﻨﺐ : ﻃﻴﺐ ﻭﺍﻟﺪﺭﺱ
- ﻧﻴﺮﺓ : ﻣﺎﻓﻴﺶ ﺩﺭﺱ
- ﺯﻳﻨﺐ : ﻷ ﺍﻟﻮﺿﻊ ﻛﺪﻩ ﻣﺎﻳﺘﺴﻜﺘﺶ ﻋﻠﻴﻪ ، ﺃﻧﺎ ﻻﺯﻡ ﺍﻋﺮﻑ ﻓﻲ ﺍﻳﻪ ﺍﻟﻠﻲ ﺑﻴﺤﺼﻞ
ﺩﻟﻔﺖ ﺯﻳﻨﺐ ﺇﻟﻰ ﻏﺮﻓﺔ ﻧﻮﻣﻬﺎ ، ﻓﻮﺟﺪﺕ ﺻﻼﺡ ﻭﻳﺒﺪﻭ ﻛﻤﺎ ﻟﻮ ﻛﺎﻥ ﻳﺒﻜﻲ ﻭ ..
- ﺯﻳﻨﺐ : ﻣﺎﻟﻚ ﻳﺎ ﺣﺎﺝ ، ﻓﻲ ﺍﻳﻪ
- ﺻﻼﺡ : ﻣﺎﻓﻴﺶ
- ﺯﻳﻨﺐ : ﺍﻧﺖ ﺑﺘﺨﺒﻲ ﻋﻠﻴﺎ ﻳﺎ ﺣﺎﺝ
- ﺻﻼﺡ : ﺯﻳﻨﺐ ، ﻣﻦ ﻓﻀﻠﻚ ، ﺍﺧﺮﺟﻲ ﺍﻟﻮﻗﺘﻲ ﻭﺳﻴﺒﻨﻲ ﻣﻊ ﻃﻤﻄﻢ
- ﺯﻳﻨﺐ : ﻟﻴﻪ ﻣﺎﻟﻬﺎ ؟ ﻓﻲ ﺍﻳﻪ ﺍﻟﻠﻲ ﺣﺼﻞ ﻳﺎ ﺣﺎﺝ
- ﺻﻼﺡ ﺑﻨﺮﻓﺰﺓ : ﺍﻳﻪ ﻳﺎ ﺯﻳﻨﺐ ، ﻫﻮ ﺃﻧﺎ ﻣﺎﻳﻨﻔﻌﺶ ﺃﻗﻌﺪ ﻣﻊ ﺑﻨﺘﻲ ﺷﻮﻳﺔ
- ﺯﻳﻨﺐ : ﻷ ﻳﻨﻔﻊ ، ﺑﺲ ﺷﻜﻠﻚ ﻣﺶ ﻣﻄﻤﻨﻲ ، ﻫﻮ .. ﺍﻟﺒﺖ ... ﺟﺮﺍﻟﻬﺎ ﺣﺎﺟﺔ
- ﺻﻼﺡ ﻭﻗﺪ ﺷﺮﺩ : ﻫــﻪ
- ﺯﻳﻨﺐ : ﺑﻨﺘﻲ ﺟﺮﺍﻟﻬﺎ ﺣﺎﺟﺔ ﻭﺍﻧﺖ ﻣﺶ ﻋﺎﻭﺯ ﺗﻘﻮﻝ
- ﺻﻼﺡ : ﻷ ﺍﻟﺤﻤﺪﻟﻠﻪ ، ﺑﺲ ﻛﺎﻥ ﻣﻤﻜﻦ ﺗﻀﻴﻊ ﻣﻨﻨﺎ ﻭﺍﺣﻨﺎ ﻣﺶ ﺣﺎﺳﻴﻦ
- ﺯﻳﻨﺐ : ﺍﺯﺍﻱ ؟
ﺣﻜﻰ ﺻﻼﺡ ﻟﺰﻭﺟﺘﻪ ﺯﻳﻨﺐ ﻣﺎ ﻣﺮﺕ ﺑﻪ ﻓﺎﻃﻴﻤﺎ ﻣﻦ ﻧﻬﺶ ﻟﺒﺮﺍﺋﺘﻬﺎ ﺑﺪﻭﻥ ﺃﻥ ﻳﻌﻠﻢ ﺃﻱ ﻣﻨﻬﻤﺎ ﻋﻦ ﻫﺬﺍ ﺍﻷﻣﺮ ﺃﻭ ﺣﺘﻰ ﺗﺪﺭﻛﻪ ﺍﺑﻨﺘﻬﻢ ﺍﻟﺼﻐﻴﺮﺓ ، ﻭﻟﻮﻻ ﻓﻀﻞ ﺍﻟﻠﻪ ﻟﻜﺎﻧﻮﺍ ﻳﻌﺎﻧﻮﻥ ﻣﻦ ﻣﺄﺳﺎﺓ ﺑﺤﻖ ...
- ﺯﻳﻨﺐ ﺑﺼﺪﻣﺔ ﻭﻫﻲ ﺗﻠﻄﻢ ﻋﻠﻰ ﺻﺪﺭﻫﺎ : ﻳﺎﻟﻬﻮﻱ ، ﻳﺎﺩﻱ ﺍﻟﻨﺼﻴﺒﺔ ، ﺑﻨﺘﻲ !!
- ﺻﻼﺡ : ﺍﻟﺤﻤﺪﻟﻠﻪ ﺍﻧﻬﺎ ﺟﺖ ﻉ ﺃﺩ ﻛﺪﻩ ، ﺑﺲ ﺩﻱ ﻏﻠﻄﺘﻨﺎ
- ﺯﻳﻨﺐ : ﺍﻟﺒﺖ ﻛﺎﻧﺖ ﻫﺘﺮﻭﺡ ﻭﺍﺣﻨﺎ ﻭﻻ ﻫﻨﺎ ، ﻳﺎ ﻧﺼﻴﺒﺘﻲ ﻳﺎﻧﻲ
- ﺻﻼﺡ : ﺁﺁﺁﺥ ... ﻭﺩﻩ ﺍﻟﻠﻲ ﻗﻬﺮﻧﻲ ﻳﺎ ﺯﻳﻨﺐ ، ﺍﻧﻨﺎ ﻣﻜﻮﻧﺎﺵ ﻣﺪﻳﻦ ﺧﻮﺍﻧﺔ
- ﺯﻳﻨﺐ : ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ ، ﺍﻟﻘﺬﺭ ﺍﻟﻠﻲ ﺁﻣﻨﺎﻩ ﻉ ﺑﻨﺎﺗﻨﺎ ﻳﻌﻤﻞ ﻛﺪﻩ
- ﺻﻼﺡ : ﺑﺎﻳﺪﻱ ﺃﻧﺎ ﺳﻤﺤﺖ ﻟﻜﻠﺐ ﺯﻱ ﺩﻩ ﻳﺪﻧﺲ ﺑﻨﺘﻲ
- ﺯﻳﻨﺐ : ﺷﺸﺸﺶ .. ﻭﻃﻲ ﺻﻮﺗﻚ ﻳﺎ ﺣﺎﺝ ﻣﺶ ﻋﺎﻭﺯﻳﻦ ﺍﻟﺒﺖ ﺗﺴﻤﻊ
- ﺻﻼﺡ : ﻣﻦ ﻫﻨﺎ ﻭﺭﺍﻳﺢ ﻳﺎ ﺯﻳﻨﺐ ﺗﺘﺎﺑﻌﻲ ﺑﻨﺎﺗﻚ ﻛﻮﻳﺲ ، ﺣﻄﻲ ﻋﻴﻨﻚ ﻋﻠﻴﻬﻢ ﻭﻭﻋﻴﻬﻢ
- ﺯﻳﻨﺐ : ﺣﺎﺿﺮ
- ﺻﻼﺡ : ﻭﻣﻌﺪﺗﺶ ﺣﺪ ﻫﻴﻮﺻﻠﻬﻢ ﺗﺎﻧﻲ ، ﺃﻧﺎ ﺍﻟﻠﻲ ﻫﻮﺩﻳﻬﻢ ﻭﺃﺟﻴﺒﻬﻢ ، ﻛﻞ ﺣﺎﺟﺔ ﺗﻐﻮﺭ ﺇﻻ ﺑﻨﺎﺗﻲ
- ﺯﻳﻨﺐ : ﺍﻳﻮﻩ ، ﻋﻨﺪﻙ ﺣﻖ
............................
ﻓﻲ ﻏﺮﻓﺔ ﺍﻟﺒﻨﺎﺕ ،،،،
ﻛﺎﻥ ﻳﺒﺪﻭ ﺍﻟﻮﺟﻮﻡ ﺟﻠﻴﺎً ﻋﻠﻰ ﻭﺟﻪ ﻧﺪﻯ ، ﻭﻛﺬﻟﻚ ﻛﺎﻥ ﺣﺎﻝ ﻧﻴﺮﺓ .. ﻇﻠﺖ ﻛﻠﺘﻴﻬﻤﺎ ﺻﺎﻣﺘﺘﻴﻦ ﻭﺳﺎﺭﺣﺘﻴﻦ ﻓﻲ ﺣﺎﻟﻬﻤﺎ ﻭ ...
- ﻧﻴﺮﺓ ﻓﻲ ﻧﻔﺴﻬﺎ : ﻳﻌﻨﻲ ﻛﺎﻥ ﻻﺯﻡ ﺗﺤﺮﺟﻨﻲ ﻳﺎ ﺑﺎﺑﺎ ﻗﺼﺎﺩﻩ ، ﻭﺣﺪ ﺯﻱ ﺩﻩ ﻣﺎ ﻫﻴﺼﺪﻕ ﻳﻤﺴﻜﻬﺎﻟﻲ ﺫﻟﺔ ، ﻭﺑﻌﺪﻳﻦ ﻫﻮ ﺃﺻﻼً ﻟﻴﻪ ﺑﻴﻄﻠﻌﻠﻲ ﻓﻲ ﻛﻞ ﺣﺘﺔ ﻛﺪﻩ ، ﺃﻧﺎ ﺃﺻﻼً ﺇﻳﻪ ﺍﻟﻠﻲ ﻣﺨﻠﻴﻨﻲ ﺃﻓﻜﺮ ﻓﻴﻪ ، ﻳﻮﻭﻭﻩ
- ﻧﺪﻯ ﻓﻲ ﻧﻔﺴﻬﺎ : ﻳﺎ ﺗﺮﻯ ﺃﻧﺎ ﻓﻌﻼً ﻫﺎﻛﻮﻥ ﺳﻌﻴﺪﺓ ﻣﻊ ﻋﻼﺀ ، ﻭﻻ ﻫﻴﻜﻮﻥ ﻣﺠﺮﺩ ﻭﺍﺣﺪ ﺍﺗﻔﺮﺽ ﻋﻠﻴﺎ ﻓﻲ ﺣﻴﺎﺗﻲ ، ﺃﻧﺎ ﻣﺶ ﺣﺴﺎﻩ ﻗﺮﻳﺐ ﻣﻨﻲ ، ﺣﺴﺎﻩ ﺑﻴﺤﺎﻭﻝ ﻳﻔﺮﺽ ﺷﺨﺼﻴﺘﻪ ﻋﻠﻴﺎ ﻭﻳﻠﻐﻴﻨﻲ ، ﺃﻧﺎ ﻻﺯﻡ ﻣﺘﺴﺮﻋﺶ ﻓﻲ ﻗﺮﺍﺭ ﺍﻻﺳﺘﻤﺮﺍﺭ ﻣﻌﺎﻩ ، ﻫﺪﻳﻠﻪ ﻓﺮﺻﺔ ﺍﺧﻴﺮﺓ ﺍﻋﺮﻓﻪ ﺃﻛﺘﺮ ﻓﻴﻬﺎ ، ﻭﺇﻻ ﻣﺎﻓﻴﺶ ﺩﺍﻋﻲ ﻧﺴﺘﻤﺮ ﺳﻮﺍ
ﻗﻄﻊ ﺗﻔﻜﻴﺮ ﻧﺪﻯ ﺭﻧﻴﻦ ﻫﺎﺗﻔﻬﺎ ﺍﻟﻤﻠﻘﻰ ﻋﻠﻰ ﺍﻟﻮﺳﺎﺩﺓ ، ﻓﺄﺧﺬﺗﻪ ﺛﻢ ﻧﻈﺮﺕ ﻟﻠﻤﺘﺼﻞ ﻭﺍﻟﺬﻱ ﻛﺎﻧﺖ ﺧﻤﻨﺖ ﻣﻦ ﻫﻮ ﻗﺒﻞ ﺃﻥ ﺗﺮﻯ ﺍﺳﻤﻪ ...
- ﻧﺪﻯ : ﺍﻭﻭﻭﻑ .. ﻫﻮ ! ﻣﻀﻄﺮﻳﺔ ﺃﺭﺩ
- ﻋﻼﺀ ﻫﺎﺗﻔﻴﺎً : ﺍﻟﻮﻭ ..
- ﻧﺪﻯ : ﺍﻟﻮﻭ
- ﻋﻼﺀ ﺑﺼﻮﺕ ﻫﺎﺩﻱﺀ : ﻭﺣﺸﺘﻨﻲ ﻳﺎ ﻧﻮﻧﻮ
- ﻧﺪﻯ : ﻧﻮﻧﻮ !
- ﻋﻼﺀ : ﺃﻫﺎ .. ﺟﺎﻱ ﻋﻠﻰ ﺑﺎﻟﻲ ﺃﺩﻟﻌﻚ
- ﻧﺪﻯ : ﺃﻫﺎ
- ﻋﻼﺀ : ﺗﻌﺮﻓﻲ ﺃﻧﺎ ﻋﻤﻠﻚ ﻣﻔﺎﺟﺄﺓ ﺣﻠﻮﺓ
- ﻧﺪﻯ : ﻣﻔﺎﺟﺄﺓ ﺍﻳﻪ
- ﻋﻼﺀ : ﻣﺶ ﻗﺒﻞ ﻣﺎ ﺗﺪﻳﻨﻲ ﺑﻮﺳﺔ ﺟﺎﻣﺪﺓ ﻣﻦ ﺷﻔﺎﻳﻔﻚ
- ﻧﺪﻯ ﻭﻗﺪ ﺻﺪﻣﺖ ﻣﻦ ﻛﻼﻣﻪ : ﻧﻌﻢ ؟
- ﻋﻼﺀ : ﺍﻳﻪ ، ﺑﻮﺳﺔ ﻉ ﺍﻟﻬﻮﺍ ، ﺩﻱ ﻓﻴﻬﺎ ﺍﻳﻪ ﺩﻱ ﻛﻤﺎﻥ
- ﻧﺪﻯ : ﻣﺎﻓﻴﻬﺎﺵ ، ﺑﺲ ﺃﻇﻦ ﺍﻧﻨﺎ ﺍﺗﻔﻘﻨﺎ ﻣﺎﻓﻴﺶ ﺩﺍﻋﻲ ﻟﻠﻜﻼﻡ ﺣﺎﻟﻴﺎً
- ﻋﻼﺀ : ﻳﻮﻭﻭﻩ ، ﻳﺎ ﺑﺖ ﺃﻧﺎ ﺑﺤﺎﻭﻝ ﺃﻋﺒﺮﻟﻚ ﻋﻦ ﻣﺸﺎﻋﺮﻱ ، ﻣﺎﻟﻚ ﻣﺶ ﻗﺎﺩﺭﺓ ﺗﻔﻬﻤﻴﻨﻲ ﻟﻴﻪ
- ﻧﺪﻯ : ﻣﻌﻠﺶ ﺃﻧﺎ ﻛﺪﻩ ، ﻣﺶ ﺣﺎﺑﺔ ﺃﺳﺘﻌﺠﻞ ﺣﺎﺟﺔ
- ﻋﻼﺀ : ﺍﺳﺘﻌﺠﺎﻝ ﺍﻳﻪ ، ﺍﻭﻣﺎﻝ ﻟﻤﺎ ﺃﺧﺪﻙ ﻓﻲ ﺣﻀﻨﻲ ﻭﺃﻓﻌﺼﻚ ﺑﻴﻦ ﺍﻳﺪﻳﺎ ﻫﺘﻌﻤﻠﻲ ﺍﻳﻪ
- ﻧﺪﻯ ﺑﺨﺠﻞ : ﻟﻮ ﺳﻤﺤﺖ
- ﻋﻼﺀ : ﻣﺎﺷﻲ .. ﻣﺎﺷﻲ ﺍﻟﻜﻼﻡ ﺩﻩ ﻣﺎﻳﺼﺤﺶ ﻳﺘﻘﺎﻝ ﻓﻬﻤﺖ ، ﺑﺲ ﺩﻩ ﻣﺎﻳﻤﻨﻌﺶ ﺍﻧﻲ ﺃﻧﻔﺬﻩ ﻋﻤﻠﻲ
- ﻧﺪﻯ ﺑﺼﺪﻣﺔ : ﺍﻳﻪ ؟
- ﻋﻼﺀ : ﺍﻣﺎ ﻧﺘﺠﻮﺯ ﻳﺎ ﻗُﻄﺘﻲ ، ﺍﻟﻤﻬﻢ ﻳﻌﻨﻲ ﺍﻋﻤﻠﻲ ﺣﺴﺎﺑﻚ ﻳﻮﻡ ﺍﻟﺠﻤﻌﺔ ﺍﻟﺠﺎﻳﺔ ﻫﻨﻄﻠﻊ ﺃﻧﺎ ﻭﺍﻧﺘﻲ ﺭﺣﻠﺔ ﺳﻮﺍ
- ﻧﺪﻯ : ﺭﺣﻠﺔ ؟؟ ﻟﻮﺣﺪﻧﺎ ؟؟
- ﻋﻼﺀ : ﺍﻩ ﻃﺒﻌﺎ ﻟﻮﺣﺪﻧﺎ
- ﻧﺪﻯ : ﻛﺪﻩ ﻋﺎﺩﻱ
- ﻋﻼﺀ : ﺍﻳﻮﻩ ، ﺃﻧﺎ ﻋﺎﻭﺯ ﺍﻃﻠﻊ ﻣﻌﺎﻛﻲ ﺭﺣﻠﺔ ﻭﺧﻼﺹ ﻇﺒﻄﺖ ﺍﻟﺪﻧﻴﺎ
- ﻧﺪﻯ : ﻭﺩﻱ ﺑﻤﻨﺎﺳﺒﺔ ﺍﻳﻪ ﺍﻥ ﺷﺎﺀ ﺍﻟﻠﻪ؟
- ﻋﻼﺀ : ﻣﻦ ﻏﻴﺮ ﻣﻨﺎﺳﺒﺔ ، ﺃﻧﺎ ﻋﺎﻭﺯ ﺃﻗﻀﻲ ﻭﻗﺖ ﺃﻛﺘﺮ ﻣﻌﺎﻛﻲ ، ﻭﻧﺘﻌﺮﻑ ﻋﻠﻰ ﺑﻌﺾ ﻭﺁﺁ ... ﻭﻧﺘﻘﺮﺏ ﺍﻭﻱ ﻣﻦ ﺑﻌﺾ ، ﻫﺎﻩ ، ﻓﻬﻤﺎﻧﻲ ؟
- ﻧﺪﻯ : ﻭﻫﻲ ﺍﻟﺮﺣﻠﺔ ﺩﻱ ﻫﻲ ﺍﻟﻠﻲ ﻫﺘﻘﺮﺑﻨﺎ ﻣﻦ ﺑﻌﺾ
- ﻋﻼﺀ ﻭﻫﻮ ﻳﻨﺘﻮﻱ ﻋﻠﻰ ﺷﻲﺀ ﻣﺎ : ﺃﻩ .. ﻓﺮﺻﺔ ﺍﻧﺘﻲ ﻣﺶ ﻓﺎﻫﻤﺔ، ﻭﺑﻌﺪﻳﻦ ﺩﻩ ﺍﺣﻨﺎ ﻫﻨﺮﻭﺡ ﺍﺳﻜﻨﺪﺭﻳﺔ ﻳﻮﻡ ﻭﺭﺍﺟﻌﻴﻦ
- ﻧﺪﻯ : ﺳﻮﺭﻱ ، ﻣﻌﺘﻘﺪﺵ ﺍﻥ ﺑﺎﺑﺎ ﻫﻴﻮﺍﻓﻖ
- ﻋﻼﺀ : ﻣﻠﻜﻴﺶ ﺩﻋﻮﺓ ﺑﺄﺑﻮﻛﻲ ، ﺃﻧﺎ ﻫﺎﻛﻠﻤﻪ
- ﻧﺪﻯ : ﻷ ﻣﺎﻓﻴﺶ ﺩﺍﻋﻲ ، ﻫﻮ ﺍﻛﻴﺪ ﻫﻴﺮﻓﺾ
- ﻋﻼﺀ : ﻣﺶ ﻫﻴﻘﺪﺭ ، ﻭﺍﻧﺎ ﻋﺎﺭﻑ ﻫﻘﻨﻌﻪ ﺍﺯﺍﻱ
- ﻧﺪﻯ : ﻣﻢ ...
- ﻋﻼﺀ : ﺍﻟﻤﻬﻢ ﻋﺎﻭﺯﻙ ﺗﻠﺒﺴﻲ ﻟﺒﺲ ﻣﺎﻓﻴﻬﻮﺵ ﺑﻬﺮﺟﺔ ﻭﻻ ﺣﺎﺟﺔ ﺗﻠﻔﺖ ﺍﻟﻨﻈﺮ ، ﻣﺎﺷﻲ
- ﻧﺪﻯ : ﺍﻣﺎ ﺑﺎﺑﺎ ﻳﻮﺍﻓﻖ ﺍﻷﻭﻝ
- ﻋﻼﺀ : ﻳﻮﻭﻭﻩ ، ﻫﻮ ﻛﻞ ﺷﻮﻳﺔ ﻫﺘﻘﻮﻟﻴﻠﻲ ﺑﺎﺑﺎ ﺑﺎﺑﺎ ، ﻳﺎ ﺑﻨﺘﻲ ﺍﺳﻤﻌﻲ ﻛﻼﻣﻲ ﻣﻦ ﺍﻭﻝ ﻣﺮﺓ ، ﻣﺘﺨﻠﻨﻴﺶ ﺍﺗﻌﺼﺐ ﻭﺍﺿﺎﻳﻖ ﻣﻨﻚ
- ﻧﺪﻯ ﻭﻗﺪ ﺍﺭﺗﻔﻌﺖ ﻧﺒﺮﺓ ﺻﻮﺗﻬﺎ : ﻫﻮ ﺍﻧﺎ ﻋﻤﻠﺖ ﺣﺎﺟﺔ ﻏﻠﻄﺖ ﻋﺸﺎﻥ ﺗﺘﻌﺼﺐ ، ﺑﻘﻮﻟﻚ ﺍﺳﺘﺄﺫﻥ ﺑﺎﺑﺎ ﺍﻷﻭﻝ ﻭﺑﻌﺪ ﻛﺪﻩ ﻧﺘﻜﻠﻢ ، ﺩﻱ ﻓﻴﻬﺎ ﺍﻳﻪ
- ﻋﻼﺀ : ﻻﺣﻈﻲ ﺍﻧﻚ ﺑﻘﻴﺘﻲ ﺑﺘﻌﻠﻲ ﺻﻮﺗﻚ ﻋﻠﻴﺎ ، ﻭﺩﻩ ﺃﻧﺎ ﻣﺶ ﺑﺴﻤﺢ ﺑﻴﻪ
- ﻧﺪﻯ : ﺃﻧﺎ ﻣﻘﺼﺪﺵ ، ﺑﺲ ﺍﻧﺖ ﻣﺶ ﻋﺎﻭﺯ ﺗﻔﻬﻤﻨﻲ
- ﻋﻼﺀ : ﻋﺎﻭﺯﺓ ﺗﻘﻮﻟﻲ ﺇﻥ ﺃﻧﺎ ﻏﺒﻲ ؟
- ﻧﺪﻯ : ﻷ .. ﺍﻧﺖ ﻟﻴﻪ ﺑﺘﻐﻴﺮ ﻓﻲ ﺍﻟﻜﻼﻡ
- ﻋﻼﺀ : ﺳﻼﻡ ﻳﺎ ﻧﺪﻯ
- ﻧﺪﻯ : ﺍﺳﺘﻨﻰ ﻳﺎ ﻋﻼﺀ .. ﺍﻟﻮﻭﻭ
ﺃﻧﻬﻰ ﻋﻼﺀ ﺍﻟﻤﻜﺎﻟﻤﺔ ﺩﻭﻥ ﺃﻥ ﻳﺴﺘﻤﻊ ﺇﻟﻰ ﺭﺩ ﻧﻴﺮﺓ ، ﺑﻞ ﺇﻧﻪ ﺃﻏﻠﻖ ﻫﺎﺗﻔﻪ ﺗﻤﺎﻣﺎً ، ﺣﺎﻭﻟﺖ ﻧﺪﻯ ﺃﻥ ﺗﻄﻠﺒﻪ ﻭﻟﻜﻨﻬﺎ ﻇﻠﺖ ﺗﺴﺘﻤﻊ ﺇﻟﻰ ﺍﻟﺮﺳﺎﻟﺔ ﺍﻟﺼﻮﺗﻴﺔ ﺍﻟﻤﺴﺠﻠﺔ ( ﺍﻟﻬﺎﺗﻒ ﻣﻐﻠﻖ )
- ﻧﺪﻯ ﺑﻀﻴﻖ : ﺩﻩ ﻣﺎﻟﻪ ﺩﻩ ﻛﻤﺎﻥ ، ﻫﻮ ﺃﻧﺎ ﻗﻮﻟﺘﻠﻪ ﺣﺎﺟﺔ ﻏﻠﻂ ، ﻭﺍﻟﻠﻪ ﻫﻮ ﺑﻴﺪﻭﺭ ﻋﻠﻰ ﺳﺒﺐ ﻟﻠﺨﻨﺎﻕ !
- ﻧﻴﺮﺓ : ﺍﻧﺘﻮ ﺍﺗﺨﻨﻘﺘﻮﺍ
- ﻧﺪﻯ : ﺍﻩ
- ﻧﻴﺮﺓ : ﺑﺪﺃﺗﻲ ﺑﺪﺭﻱ ﺍﻭﻱ
- ﻧﺪﻯ : ﻭﻻ ﺑﺪﺭﻱ ﻭﻻ ﺣﺎﺟﺔ ، ﺩﻩ ﺍﻧﺎ ﻓﻲ ﺍﻟﻐﻠﺐ ﺩﻩ ﻣﻦ ﻟﺤﻈﺔ ﻣﺎ ﺍﺗﻘﺮﺕ ﻓﺎﺗﺤﺘﻲ ﻋﻠﻴﻪ
- ﻧﻴﺮﺓ : ﻭﺍﻧﺘﻲ ﺍﻳﻪ ﺍﻟﻠﻲ ﺟﺎﺑﺮﻙ ﻋﻠﻴﻪ ، ﻣﺎ ﺗﻔﻜﺮﺷﻲ ﻭﺗﺮﻳﺤﻲ ﻧﻔﺴﻚ
- ﻧﺪﻯ : ﻫــﻪ
- ﻧﻴﺮﺓ : ﺃﻧﺎ ﻟﻮ ﻣﻜﺎﻧﻚ ﻣﻜﻮﻧﺘﺶ ﻗﺒﻠﺖ ﺑﺒﻨﻲ ﺁﺩﻡ ﺯﻱ ﺩﻩ
- ﻧﺪﻯ ﺑﺎﺿﻄﺮﺍﺏ : ﻷ .. ﺃﻧﺎ .. ﺃﻧﺎ ﻣﺶ ﻫﺎﻳﻨﻔﻊ .. ﺁﺁﺁ ..
- ﻧﻴﺮﺓ : ﻭﺍﻟﻠﻪ ﺍﻟﻌﻈﻴﻢ ﺍﻧﺘﻲ ﻟﻮ ﺳﺒﻴﺘﻪ ﻫﺘﺒﻘﻲ ﺍﻟﻜﺴﺒﺎﻧﺔ ، ﺩﻩ ﺍﺑﺘﻼﺀ ، ﺍﻧﺎ ﻣﻌﺮﻓﺶ ﺍﻟﻠﻲ ﺯﻱ ﺩﻩ ﺑﻴﺠﻲ ﻳﺨﻄﺐ ﺑﻨﺎﺕ ﺍﻟﻨﺎﺱ ﻟﻴﻪ ؟؟ ﻣﺶ ﺑﻴﺤﻤﺪ ﺭﺑﻨﺎ ﺍﻧﻚ ﻭﺍﻓﻘﺘﻲ ﺑﻴﻪ ، ﻷ ﻋﻤﺎﻝ ﻳﺘﺄﻣﺮ ﻭﻳﺒﻴﻊ ﻭﻳﺸﺘﺮﻱ ﻓﻴﻜﻲ ﻛﺄﻧﻚ ﺟﺎﺭﻳﺔ ﻋﻨﺪﻩ ، ﺑﻼ ﻗﺮﻑ !..
- ﻧﺪﻯ ﻭﻗﺪ ﺃﺧﺬﺕ ﺗﻔﻜﺮ ﻓﻲ ﻛﻼﻡ ﺍﺧﺘﻬﺎ ﻣﻠﻴﺎً : ﻣﻤﻢ ...
...........................
ﻓﻲ ﻣﻨﺰﻝ ﻋﻼﺀ ،،،،
ﻛﺎﻥ ﻋﻼﺀ ﻳﺪﻭﺭ ﻓﻲ ﻏﺮﻓﺘﻪ ﺫﻫﺎﺑﺎً ﻭﺍﻳﺎﺑﺎً ﻭﻳﻠﻘﻲ ﺑﺎﻷﺷﻴﺎﺀ ﺍﻟﻤﻮﺿﻮﻋﺔ ﻋﻠﻰ ﻣﻜﺘﺒﻪ ﻋﻠﻰ ﺍﻷﺭﺽ ، ﺟﺎﺀﺕ ﻭﺍﻟﺪﺗﻪ ﻋﻠﻰ ﺃﺛﺮ ﺍﻟﺼﻮﺕ ﺍﻟﻌﺎﻟﻲ ﻟﺘﺤﻄﻢ ﺍﻷﺷﻴﺎﺀ ﻭﺗﻔﺎﺟﺌﺖ ﺑﻤﻨﻈﺮ ﺍﻟﻐﺮﻓﺔ ﺍﻟﻤﺒﻌﺜﺮﺓ ﻭ ...
- ﺳﻨﺎﺀ ﺑﺼﺪﻣﺔ : ﻓﻲ ﺍﻳﻪ ﻳﺎ ﻋﻼﺀ ؟؟ ﻣﺎﻟﻚ ﻣﺘﻌﺼﺐ ﻛﺪﻩ ﻟﻴﻪ
- ﻋﻼﺀ ﻭﻗﺪ ﺿﺎﻕ ﺧﻠﻘﻪ : ﻣﺎﻓﻴﺶ
- ﺳﻨﺎﺀ : ﻣﺎﻓﻴﺶ ﺍﺯﺍﻱ ؟ ﺍﻧﺖ ﻣﺶ ﺷﺎﻳﻒ ﺷﻜﻠﻚ
- ﻋﻼﺀ : ﻳﻮﻭﻭﻩ
- ﺳﻨﺎﺀ : ﻫﻲ ﺍﻟﺒﺖ ﻧﺪﻯ ﺿﺎﻳﻘﺘﻚ
- ﻋﻼﺀ : ﻳﻌﻨﻲ
- ﺳﻨﺎﺀ : ﻋﻤﻠﺖ ﺍﻳﻪ ﻓﻴﻚ ؟
- ﻋﻼﺀ : ﻛﻞ ﻣﺎ ﺍﻗﻮﻟﻬﺎ ﺣﺎﺟﺔ ﺗﻘﻮﻟﻲ ﺍﺳﺘﻨﻰ ﺃﻣﺎ ﺃﻗﻮﻝ ﻟﺒﺎﺑﺎ ، ﺍﺻﺒﺮ ﺃﻣﺎ ﺃﺧﺪ ﺍﺫﻥ ﺑﺎﺑﺎ ، ﺣﺎﺟﺔ ﺗﺨﻨﻖ
- ﺳﻨﺎﺀ : ﻫﺎ ﻭﻋﻤﻠﺖ ﺍﻳﻪ ﻣﻌﺎﻫﺎ ؟
- ﻋﻼﺀ : ﻗﻔﻠﺖ ﺍﻟﺴﻜﺔ ﻓﻲ ﻭﺷﻬﺎ ﻭﻓﺼﻠﺖ ﺍﻟﻤﻮﺑﺎﻳﻞ ﻳﻤﻜﻦ ﺗﺨﻠﻲ ﻋﻨﺪﻫﺎ ﺩﻡ ﻭﺗﺤﺲ ﺑﺎﻟﻠﻲ ﻋﻤﻠﺘﻪ
- ﺳﻨﺎﺀ : ﻋﻨﺪﻙ ﺣﻖ ، ﺷﺪ ﻋﻠﻴﻬﺎ ﻳﺎ ﺣﺒﻴﺒﻲ ﻭﻻ ﻳﻬﻤﻚ ، ﻭﺇﺩﻳﻬﺎ ﻓﻮﻕ ﺩﻣﺎﻏﻬﺎ ، ﺩﻱ ﻟﺴﻪ ﻋﺒﻴﻄﺔ ﻭﺯﻱ ﺍﻟﻌﺠﻴﻨﺔ ﺍﻟﻄﺮﻳﺔ ، ﺗﺸﻜﻠﻬﺎ ﺯﻱ ﻣﺎ ﺍﻧﺖ ﻋﺎﻭﺯ
- ﻋﻼﺀ : ﻣﺎ ﺃﻧﺎ ﻧﺎﻭﻱ ﺃﻋﻤﻞ ﻛﺪﻩ
- ﺳﻨﺎﺀ : ﺍﻳﻮﻩ ﺭﺑﻴﻬﺎ ، ﻣﺘﻐﻠﻄﺶ ﺯﻱ ﺍﻟﻤﺮﺓ ﺍﻟﻠﻲ ﻓﺎﺗﺖ ﻭﺗﺴﻜﺖ ، ﺧﺪ ﺣﻘﻚ ﺍﻭﻝ ﺑﺄﻭﻝ ، ﺍﻭﻣﺎﻝ ﺃﻧﺎ ﻭﺍﻓﻘﺖ ﺗﺘﺠﻮﺯ ﺑﺖ ﺻﻐﻴﺮﺓ ﻟﻴﻪ ، ﻣﺶ ﻋﺸﺎﻥ ﺃﺿﻤﻦ ﺍﻧﻬﺎ ﺗﻜﻮﻥ ﺗﺤﺖ ﻃﻮﻋﻚ
- ﻋﻼﺀ : ﺍﻩ ﺻﺢ ، ﻭﺍﻧﺎ ﻫﻌﺮﻓﻬﺎ ﻏﻠﻄﻬﺎ
..............................
ﻓﻲ ﻓﻴﻼ ﻓﻬﻤﻲ ﺍﻟﻨﻘﻴﺐ ،،،،
ﻓﻲ ﻏﺮﻓﺔ ﻣﺮﻭﺍﻥ ،،،
ﻛﺎﻥ ﻣﺮﻭﺍﻥ ﻣﻤﺪﺍً ﻋﻠﻰ ﻓﺮﺍﺷﻪ ﻳﻔﻜﺮ ﻓﻲ ﻧﻴﺮﺓ ﺗﻠﻚ ﺍﻟﻔﺘﺎﺓ ﺍﻟﺘﻲ ﺳﻠﺒﺖ ﺗﻔﻜﻴﺮﻩ ﻭﺷﻐﻠﺘﻪ ﺑﻄﺮﻳﻘﺘﻬﺎ ، ﺃﺣﻴﺎﻧﺎً ﻳﺸﻌﺮ ﺑﺎﻟﺤﻨﻖ ﻟﻄﺮﻳﻘﺘﻬﺎ ﻓﻲ ﺍﻟﺘﻌﺎﻣﻞ ﻣﻌﻪ ، ﺛﻢ ﻳﺒﺘﺴﻢ ﺣﻴﻨﻤﺎ ﻳﺘﺬﻛﺮ ﺃﻧﻬﺎ ﺗﻔﻌﻞ ﻫﺬﺍ ﻣﻊ ﻛﻞ ﻣﻦ ﺗﻘﺎﺑﻠﻪ ﻣﻦ ﻋﺎﻟﻢ ﺍﻟﺮﺟﺎﻝ .. ﻫﻲ ﻏﺮﻳﺒﺔ ﺍﻷﻃﻮﺍﺭ ﺑﺎﻟﻨﺴﺒﺔ ﻟﻪ ، ﻭﻟﻜﻨﻬﺎ ﺍﺳﺘﺤﻮﺫﺕ ﻋﻠﻰ ﺗﻔﻜﻴﺮﻩ ﻭ ..
- ﻣﺮﻭﺍﻥ : ﻣﺠﻨﻮﻧﺔ ! ﻷ ﻣﺶ ﻃﺒﻴﻌﻴﺔ ، ﺑﺲ ﻫﺒﻠﺘﻨﻲ ﺑﻄﺮﻳﻘﺘﻬﺎ
ﺩﻟﻔﺖ ﻭﺍﻟﺪﺓ ﻣﺮﻭﺍﻥ ( ﺍﻟﺴﻴﺪﺓ ﺃﺣﻼﻡ ) ﺇﻟﻰ ﺩﺍﺧﻞ ﻏﺮﻓﺘﻪ ﻟﺘﺮﺹ ﺑﻌﺾ ﺍﻟﻤﻼﺑﺲ ﻓﻲ ﺩﻭﻻﺑﻪ ﺣﻴﻨﻤﺎ ﺳﻤﺘﻌﻪ ﻳﺘﺤﺪﺙ ﻣﻊ ﻧﻔﺴﻪ ﻭ ..
- ﺃﺣﻼﻡ : ﻫﻲ ﻣﻴﻦ ﺩﻱ ﺍﻟﻠﻲ ﻣﺠﻨﻮﻧﺔ
- ﻣﺮﻭﺍﻥ ﻭﻗﺪ ﺍﻧﺘﺒﻪ ﻟﻮﺟﻮﺩ ﻭﺍﻟﺪﺗﻪ : ﺁﺁﺁ ... ﻣﺎﻣﺎ
- ﺃﺣﻼﻡ ﻭﻫﻲ ﺗﻀﻊ ﺍﻟﻤﻼﺑﺲ ﺩﺍﺧﻞ ﺩﻟﻔﺔ ﺍﻟﺪﻭﻻﺏ : ﺁﻩ ﻳﺎ ﻣﺎﺭﻭ ، ﻣﻴﻦ ﺩﻱ ﺑﻘﻰ
- ﻣﺮﻭﺍﻥ : ﺩﻱ .. ﺩﻱ
- ﺃﺣﻼﻡ ﻭﻗﺪ ﺟﻠﺴﺖ ﺑﺠﻮﺍﺭﻩ ﻋﻠﻰ ﺍﻟﻔﺮﺍﺵ : ﺑﻨﺖ ﺟﺪﻳﺪﺓ ؟
- ﻣﺮﻭﺍﻥ : ﺃﻫﺎ
- ﺃﺣﻼﻡ : ﻭﺍﻳﻪ ﺍﻟﻠﻲ ﺧﻼﻙ ﺗﻘﻮﻝ ﻋﻠﻴﻬﺎ ﻣﺠﻨﻮﻧﺔ ؟
ﺣﺎﻭﻝ ﻣﺮﻭﺍﻥ ﺃﻥ ﻳﻐﻴﺮ ﻣﺠﺮﻯ ﺍﻟﺤﺪﻳﺚ ﻣﻊ ﻭﺍﻟﺪﺗﻪ ﻟﻜﻲ ﻳﺨﻔﻲ ﺍﺭﺗﺒﺎﻛﻪ ﻭ ..
- ﻣﺮﻭﺍﻥ : ﺍﻭﻣﺎﻝ ﻓﻴﻦ ﺍﻟﺸﻐﺎﻟﺔ ، ﺍﻧﺘﻲ ﺑﻨﻔﺴﻚ ﺍﻟﻠﻲ ﺟﺎﻳﺔ ﺗﺤﻄﻲ ﺍﻟﻬﺪﻭﻡ ﻓﻲ ﺍﻟﺪﻭﻻﺏ
- ﺃﺣﻼﻡ : ﻣﻤﻢ .. ﻏﻴﺮ ﻓﻲ ﺍﻟﻤﻮﺿﻮﻉ ﻏﻴﺮ ، ﺑﺮﺿﻮﻩ ﻓﻲ ﺍﻷﺧﺮ ﻫﺘﻴﺠﻲ ﻭﺗﻘﻮﻟﻲ
- ﻣﺮﻭﺍﻥ : ﺍﻫﺎ .. ﺍﻟﻤﻬﻢ ﺍﻧﺘﻲ ﺍﺯﻳﻚ
- ﺍﺣﻼﻡ : ﺍﻧﺎ ﺑﺨﻴﺮ ﻳﺎ ﺑﻨﻲ
- ﻣﺮﻭﺍﻥ : ﻃﻴﺐ ﻳﺎ ﻣﺎﻣﺎ ﻣﺶ ﻫﺎﺗﻘﻮﻣﻲ ﺗﺸﻮﻓﻲ ﺍﻟﺤﺎﺝ ﻓﻬﻤﻲ ، ﺩﻩ ﺃﻧﺎ ﺳﺎﻣﻌﻪ ﺑﻴﻨﺎﺩﻳﻜﻲ
- ﺃﺣﻼﻡ : ﻭﺍﻟﻠﻪ ﺑﺲ ﺃﻧﺎ ﻣﺴﻤﻌﺘﺶ !
- ﻣﺮﻭﺍﻥ : ﺑﺲ ﺃﻧﺎ ﺳﺎﻣﻌﻪ
- ﺃﺣﻼﻡ ﺿﺎﺣﻜﺔ : ﻭﺍﻟﻠﻪ ﺍﻧﺖ ﺍﻟﻠﻲ ﻣﺠﻨﻮﻥ ﻣﺶ ﻫﻲ
...................................
ﻓﻲ ﺍﻟﻴﻮﻡ ﺍﻟﺘﺎﻟﻲ ،،،،
ﺃﻭﺻﻞ ﺻﻼﺡ ﺑﻨﺎﺗﻪ ﺑﻨﻔﺴﻪ ﺇﻟﻰ ﺃﻣﺎﻛﻦ ﺩﺭﺍﺳﺘﻬﻦ ، ﻭﺷﺪﺩ ﻋﻠﻰ ﺇﺩﺍﺭﺓ ﺍﻟﻤﺪﺭﺳﺔ ﺑﻌﺪﻡ ﺍﻟﺴﻤﺎﺡ ﻷﻱ ﺃﺣﺪ ﺑﺎﺻﻄﺤﺎﺏ ﺍﺑﻨﺘﻴﻪ ﻭﺧﺎﺻﺔ ﻓﺎﻃﻴﻤﺎ .. ﻓﻬﻮ ﻣﻦ ﺳﻴﺘﻮﻟﻲ ﺗﻠﻚ ﺍﻟﻤﻬﻤﺔ ﻣﻦ ﺍﻵﻥ ﻓﺼﺎﻋﺪﺍً .. ﺛﻢ ﺗﻮﺟﻪ ﺇﻟﻰ ﻋﻤﻠﻪ ، ﻭﺣﻴﻨﻤﺎ ﻭﺻﻞ ﺇﻟﻰ ﻫﻨﺎﻙ ﺭﻥ ﻫﺎﺗﻔﻪ ﺑﺮﻗﻢ ﻋﻼﺀ ﻓﺄﺟﺎﺏ ﻋﻠﻰ ﺍﺗﺼﺎﻟﻪ ﻭ ...
- ﺻﻼﺡ ﻫﺎﺗﻔﻴﺎً : ﺍﻟﻮﻭ ، ﺍﻳﻮﻩ ﻳﺎﻋﻼﺀ ﻳﺎ ﺑﻨﻲ
- ﻋﻼﺀ ﻫﺎﺗﻔﻴﺎً : ﺻﺒﺎﺡ ﺍﻟﺨﻴﺮ ﻳﺎ ﻋﻤﻲ ، ﺍﺯﻱ ﺣﻀﺮﺗﻚ
- ﺻﻼﺡ : ﺑﺨﻴﺮ ﻳﺎ ﺑﻨﻲ ، ﺧﻴﺮ ﻓﻲ ﺣﺎﺟﺔ
- ﻋﻼﺀ : ﺃﻩ ، ﻛﻨﺖ ﻋﺎﻭﺯ ﺍﻃﻠﺐ ﻣﻨﻚ ﻃﻠﺐ ﻭﻳﺎ ﺭﻳﺖ ﺗﻮﺍﻓﻖ ﻋﻠﻴﻪ
- ﺻﻼﺡ : ﺍﻳﻪ ﻫﻮ ؟
- ﻋﻼﺀ : ﻋﺎﻭﺯ ﻧﺪﻯ ﺗﻄﻠﻊ ﻣﻌﺎﻳﺎ ﺭﺣﻠﺔ ﻳﻮﻡ ﺍﻟﺠﻤﻌﺔ ﺍﻟﺠﺎﻳﺔ
- ﺻﻼﺡ ﺑﺎﺳﺘﻐﺮﺍﺏ : ﺭﺣﻠﺔ ؟ ﺭﺣﻠﺔ ﺍﻳﻪ ﺩﻱ ﻳﺎ ﺑﻨﻲ
- ﻋﻼﺀ : ﺭﺣﻠﺔ ﻻﺳﻜﻨﺪﺭﻳﺔ ﻟﻤﺪﺓ ﻳﻮﻡ ﻭﺍﺣﺪ ، ﺃﻧﺎ ﻋﺎﺯﻡ ﻧﺪﻯ ﻋﻠﻴﻬﺎ
- ﺻﻼﺡ : ﺑﺲ ﻣﺎﻳﻨﻔﻌﺶ ﻳﺎ ﺑﻨﻲ ﻧﺪﻯ ﺗﺴﻴﺐ ﺩﺭﺍﺳﺘﻬﺎ ﻭﺗﻄﻠﻊ ﻣﻌﺎﻙ ﺭﺣﻼﺕ
- ﻋﻼﺀ : ﺩﻩ ﺍﻧﺎ ﺧﻄﻴﺒﻬﺎ ﻳﺎ ﻋﻤﻲ
- ﺻﻼﺡ : ﺑﺮﺿﻮﻩ ، ﻣﺎﻳﺼﺤﺶ
- ﻋﻼﺀ : ﻳﺎ ﻋﻤﻲ ﺃﻧﺎ ﻋﺎﻭﺯ ﺃﺗﻌﺮﻑ ﻋﻠﻰ ﻧﺪﻯ ﺃﻛﺘﺮ
- ﺻﻼﺡ : ﻃﺐ ﻣﺎ ﺗﺠﻲ ﺗﺰﻭﺭﻫﺎ ﻓﻲ ﺍﻟﺒﻴﺖ
- ﻋﻼﺀ : ﻳﺎ ﻋﻤﻲ ﺃﻧﺎ ﻋﺎﻭﺯﻫﺎ ﺗﻐﻴﺮ ﺟﻮ ﻭﺗﺘﻌﻮﺩ ﻋﻠﻰ ﻭﺟﻮﺩﻱ ﻓﻲ ﺣﻴﺎﺗﻬﺎ
- ﺻﻼﺡ : ﻋﺸﺎﻥ ﺗﺘﻌﻮﺩ ﻋﻠﻴﻚ ﺃﻗﻮﻡ ﺃﻧﺎ ﺃﻭﺍﻓﻖ ﺃﺧﻠﻴﻬﺎ ﺗﻄﻠﻊ ﺭﺣﻠﺔ ﻣﻌﺎﻙ ﻟﻮﺣﺪﻫﺎ
- ﻋﻼﺀ : ﻳﺎ ﻋﻤﻲ ﺩﻱ ﻫﺪﻳﺔ ﻣﻨﻲ ﻟﻴﻬﺎ ، ﻭﺍﻟﺮﺣﻠﺔ ﺩﻱ ﻣﻊ ﻣﺠﻤﻮﻋﺎﺕ ﺷﺒﺎﺏ ﺯﻳﻨﺎ ﻳﻌﻨﻲ ﻣﺶ ﻫﺎﺗﻜﻮﻥ ﻟﻮﺣﺪﻫﺎ ﺧﺎﻟﺺ
- ﺻﻼﺡ : ﻣﻤﻢ ..
ﺣﺎﻭﻝ ﻋﻼﺀ ﺟﺎﻫﺪﺍً ﺃﻥ ﻳﻘﻨﻊ ﺍﻷﺳﺘﺎﺫ ﺻﻼﺡ ﺑﺎﻟﻤﻮﺍﻓﻘﺔ ﻋﻠﻰ ﺫﻫﺎﺏ ﻧﺪﻯ ﺇﻟﻰ ﺍﻟﺮﺣﻠﺔ ، ﺍﺧﺬ ﻳﺨﺘﻠﻖ ﻟﻪ ﺍﻟﻤﺒﺮﺭﺍﺕ ﻭﺍﻟﺤﺠﺞ ﻣﻦ ﺃﺟﻞ ﺃﻥ ﻳﻮﺍﻓﻖ ، ﻓﺎﺿﻄﺮ ﺻﻼﺡ ﺗﺤﺖ ﺇﻟﺤﺎﺣﻪ ﺍﻟﻤﺴﺘﻤﺮ ﺃﻥ ﻳﻮﺍﻓﻖ ﻭﻟﻜﻦ ﺑﺸﺮﻁ
- ﺻﻼﺡ ﻭﻗﺪ ﻓﺎﺽ ﺑﻪ ﺍﻟﻜﻴﻞ : ﺧﻼﺹ ﻳﺎ ﺑﻨﻲ ﺃﻧﺎ ﻣﻮﺍﻓﻖ
- ﻋﻼﺀ ﺑﻌﺪﻡ ﺗﺼﺪﻳﻖ : ﺑﺠﺪ ؟
- ﺻﻼﺡ : ﺍﻩ ، ﺑﺲ ﺑﺸﺮﻁ
- ﻋﻼﺀ : ﻗﻮﻝ ﻳﺎ ﻋﻤﻲ
- ﺻﻼﺡ : ﻫﺘﺎﺧﺪ ﺍﺧﻮﺍﺗﻬﺎ ﻣﻌﺎﻫﺎ
- ﻋﻼﺀ : ﺍﻳﻪ ؟؟
- ﺻﻼﺡ : ﻫﻮ ﺩﻩ ﺷﺮﻃﻲ ، ﻳﺎ ﺗﻜﻮﻥ ﺍﻟﺒﻨﺎﺕ ﺳﻮﺍ ، ﻳﺎ ﺇﻣﺎ ﻷ
- ﻋﻼﺀ ﻋﻠﻰ ﻣﻀﺾ : ﻣﺎﺷﻲ
- ﺻﻼﺡ : ﻋﺎﻭﺯ ﺣﺎﺟﺔ ﺗﺎﻧﻴﺔ ، ﺧﻠﻴﻨﻲ ﺃﺭﻭﺡ ﺃﺷﻮﻑ ﻭﺭﺍﻳﺎ ﺍﻳﻪ
- ﻋﻼﺀ : ﻷ ﻣﺘﺸﻜﺮ ﻳﺎ ﻋﻤﻲ
- ﺻﻼﺡ : ﻣﻊ ﺍﻟﺴﻼﻣﺔ
ﺃﻧﻬﻰ ﻋﻼﺀ ﺍﻟﻤﻜﺎﻟﻤﺔ ﻣﻊ ﺻﻼﺡ ﻭﻫﻮ ﻳﺴﺐ ﻭﻳﻠﻌﻦ ﺫﻟﻚ ﺍﻟﺸﺮﻁ ﺍﻟﺬﻱ ﻓﺮﺿﻪ ﻭﺍﻟﺪ ﻧﺪﻯ ، ﻫﻮ ﻛﺎﻥ ﻳﺮﻳﺪ ﺍﻻﻧﻔﺮﺍﺩ ﺑﻬﺎ ، ﻭﻟﻜﻦ ﻭﺟﻮﺩ ﺍﺧﺘﻴﻬﺎ ﺳﻴﻌﻴﻖ ﻣﺨﻄﻄﻪ ، ﻛﻤﺎ ﺃﻧﻪ ﺍﻵﻥ ﻳﻮﺍﺟﻪ ﻣﺸﻜﻠﺔ ﺍﺧﺮﻯ ، ﺣﻴﺚ ﺑﺎﺕ ﻋﻠﻴﻪ ﺃﻥ ﻳﺤﺠﺰ ﻷﺧﺘﻲ ﻧﺪﻯ ﻭﻫﻮ ﻣﺎ ﻟﻢ ﻳﻜﻦ ﻓﻲ ﺣﺴﺒﻨﻪ
- ﻋﻼﺀ : ﺃﻋﻮﺫﻭ ﺑﺎﻟﻠﻪ ، ﺍﺑﻮﻫﺎ ﺍﻟﻔﻘﺮﻱ ﺩﻩ ﺣﻄﻠﻲ ﺍﻟﻌﻘﺪﺓ ﻓﻲ ﺍﻟﻤﻨﺸﺎﺭ ! ﻳﺎ ﺇﻣﺎ ﺍﺧﻮﺍﺗﻬﺎ ﻳﻄﻠﻌﻮﺍ ﻳﺎ ﻷ .. ﺣﺎﺟﺔ ﻓﻘﺮ ، ﻷ ﻭﺍﻟﻨﺼﻴﺒﺔ ﺍﻟﺴﻮﺩﺓ ﺍﻧﻲ ﻫﺪﻓﻌﻠﻬﻢ ﺗﻤﻦ ﺍﻟﺘﺬﺍﻛﺮﻭﺃﺗﺤﻤﻞ ﻣﺼﺎﺭﻳﻔﻬﻢ ﻃﻮﻝ ﺍﻟﺮﺣﻠﺔ ، ﺃﻝ ﺃﻧﺎ ﻛﻨﺖ ﻧﺎﻗﺺ ﺩﻩ !!
.........................................
ﻓﻲ ﺍﻟﻨﺎﺩﻱ ،،،،
ﻛﺎﻥ ﻳﻮﺳﻒ ﻭﺃﺻﺪﻗﺎﺋﻪ ﻳﻀﻌﻮﻥ ﺍﻟﺘﺼﻮﺭﺍﺕ ﺍﻟﻨﻬﺎﺋﻴﺔ ﻟﺮﺣﻠﺔ ﺍﻻﺳﻜﻨﺪﺭﻳﺔ ﺣﻴﻨﻤﺎ ﺍﻧﻀﻤﺖ ﺭﺿﻮﻯ ﻭﻋﻠﻰ ﻭﺟﻬﻬﺎ ﻋﻼﻣﺎﺕ ﺍﻟﻀﻴﻖ
- ﻳﻮﺳﻒ ﻣﺘﺴﺎﺋﻼً : ﻓﻲ ﺍﻳﻪ ﻳﺎ ﺑﻨﺘﻲ ، ﺿﺎﺭﺑﺔ ﺑﻮﺯ ﻟﻴﻪ ؟
- ﺭﺿﻮﻯ : ﻣﺤﺘﺎﺟﺔ ﺍﻭﻓﺮ ﻣﻜﺎﻧﻴﻦ ﻛﻤﺎﻥ ﻓﻲ ﺍﻟﺮﺣﻠﺔ
- ﻳﻮﺳﻒ : ﻷ ﺻﻌﺐ ﺃﻭﻱ ، ﺩﻩ ﺍﺣﻨﺎ ﻣﻘﻔﻠﻴﻦ 3 ﺑﺎﺻﺎﺕ ﻛﺒﺎﺭ
- ﻣﺮﻭﺍﻥ : ﺩﻩ ﻏﻴﺮ ﺍﻟﻨﺎﺱ ﺍﻟﻠﻲ ﻭﺍﻗﻔﺔ ﻓﻲ ﺍﻟﻄﺮﻗﺔ
- ﺃﺣﻤﺪ : ﻣﻌﺪﺗﺶ ﻓﺎﺿﻞ ﻏﻴﺮ ﺍﻧﻨﺎ ﻧﺤﻤﻞ ﻉ ﺍﻟﺴﻘﻒ
- ﺭﺿﻮﻯ : ﻋﺸﺎﻥ ﺧﺎﻃﺮﻱ ﻳﺎ ﺟﻮﻭ ﺣﺎﻭﻝ ﺗﺪﺑﺮﻟﻲ ﺍﻟﻤﻜﺎﻧﻴﻦ ﺩﻭﻝ ﻛﻤﺎﻥ
- ﻳﻮﺳﻒ : ﻣﻤﻢ .. ﻭﻫﻤﺎ ﺗﺒﻊ ﻣﻴﻦ
- ﺭﺿﻮﻯ : ﺑﺮﺿﻮﻩ ﺗﺒﻊ ﻗﺮﻳﺒﻲ
- ﻳﻮﺳﻒ : ﻛﺪﻩ ﻫﻴﺒﻘﻰ ﺣﺎﺟﺰ 4 ﺃﻣﺎﻛﻦ ، ﻭﺩﻩ ﺻﻌﺐ ﺃﻭﻱ
- ﻣﺎﻳﺎ : ﻋﺸﺎﻥ ﻛﺪﻩ ﻣﺶ ﺑﺤﺐ ﺃﻋﺰﻡ ﻗﺮﺍﻳﺒﻲ ﻣﻌﺎﻳﺎ ﻓﻲ ﺍﻱ ﺭﺣﻠﺔ
- ﺭﺿﻮﻯ : ﺩﻩ ﻣﺼﻤﻢ ﺍﻧﻪ ﻳﻄﻠﻊ ﺍﻟﺮﺣﻠﺔ ﺩﻱ ﺑﺎﻟﺬﺍﺕ ﻣﻊ ﺧﻄﻴﺒﺘﻪ ، ﻭﻟﻮ ﻣﻄﻠﻌﺶ ﻫﻴﻔﻀﺤﻨﻲ ﻓﻲ ﺍﻟﻌﻴﻠﺔ ﻛﻠﻬﺎ
- ﻣﺮﻭﺍﻥ : ﺃﻋﻮﺫﻭ ﺑﺎﻟﻠﻪ ﻣﻦ ﺍﻟﻘﺮﺍﻳﺐ ﺍﻟﻠﻲ ﻣﻦ ﺍﻟﻨﻮﻉ ﺩﻩ
- ﻳﻮﺳﻒ : ﻣﺴﺘﻐﻠﻴﻦ
- ﻣﺎﻳﺎ : ﻭﻳﻘﺮﻓﻮﺍ
- ﺃﺣﻤﺪ : ﻛﺒﺮﻱ ﺩﻣﺎﻏﻚ ﻣﻨﻪ
- ﺭﺿﻮﻯ : ﺍﺳﻜﺖ ﻳﺎ ﺃﺣﻤﺪ ﺍﻟﻠﻪ ﻳﻜﺮﻣﻚ ، ﻣﺶ ﻫﺎﻳﻨﻔﻊ ﺃﻛﺒﺮ ﺩﻣﺎﻏﻲ ﻣﻊ ﺍﻟﻨﻮﻉ ﺩﻩ
- ﻳﻮﺳﻒ : ﺑﺼﻲ ﺃﻧﺎ ﺃﺧﺮﻱ ﻣﻌﺎﻩ ﺍﻧﻲ ﺃﻭﻓﺮﻟﻪ ﻣﻜﺎﻥ ﺯﻳﺎﺩﺓ ﻭﺑﺲ
- ﺭﺿﻮﻯ : ﻣﻤﻢ .. ﻃﻴﺐ
- ﺃﺣﻤﺪ : ﺑﺼﻲ ﻭﻗﺖ ﺍﻟﺮﺣﻠﺔ ﺍﻟﻨﺎﺱ ﺑﺘﻘﻒ ﻓﻌﺎﺩﻱ ﻣﺤﺪﺵ ﺑﻴﺪﻗﻖ ﻣﻴﻦ ﺃﻋﺪ ﻓﻴﻦ ،ﻭﻫﺘﻌﺪﻱ
- ﻣﺎﻳﺎ : ﺑﺎﻟﻈﺒﻂ
- ﺭﺿﻮﻯ : 3 ﺃﻣﺎﻛﻦ ﻣﺶ ﻭﺣﺸﻴﻦ ، ﻭﻧﺒﻘﻰ ﻧﺘﺼﺮﻑ ﻭﻗﺘﻬﺎ
- ﻳﻮﺳﻒ : ﺗﻤﺎﻡ .. ﺗﻌﺎﻟﻮﺍ ﻧﺸﻮﻑ ﻫﻨﺮﻭﺡ ﻓﻴﻦ ﺑﺎﻟﻈﺒﻂ
- ﺍﻟﺠﻤﻴﻊ : ﺍﻭﻙ .
............................
ﺃﺑﻠﻎ ﺻﻼﺡ ﺯﻳﻨﺐ ﺑﻄﻠﺐ ﻋﻼﺀ ﻓﻲ ﺍﺻﻄﺤﺎﺏ ﺍﻟﻔﺘﻴﺎﺕ ﻓﻲ ﺭﺣﻠﺔ ﺗﺮﻓﻴﻬﻴﺔ ﻟﻤﺪﺓ ﻳﻮﻡ ﻭﺍﺣﺪ ﻓﻲ ﺍﻻﺳﻜﻨﺪﺭﻳﺔ ﻭﻣﻮﺍﻓﻘﺘﻪ ﻋﻠﻰ ﻫﺬﺍ ﺑﻤﻀﺾ .. ﺭﺣﺒﺖ ﺯﻳﻨﺐ ﺑﺎﻟﻔﻜﺮﺓ ﻟﻜﻲ ﺗﺘﻌﺮﻑ ﻧﺪﻯ ﺃﻛﺘﺮ ﺇﻟﻴﻪ ﻭﺗﺪﺭﺱ ﻃﺒﺎﻋﻪ ﻋﻦ ﻛﺜﺐ ..
- ﺯﻳﻨﺐ : ﻭﻣﺎﻟﻪ ﻳﺎ ﺣﺎﺝ ، ﺧﻠﻲ ﺍﻟﺒﻨﺎﺕ ﺗﻔﺮﺡ
- ﺻﻼﺡ : ﺃﻧﺎ ﺃﺻﻼ ﻣﻮﺍﻓﻖ ﺑﺎﻟﻌﺎﻓﻴﺔ
- ﺯﻳﻨﺐ : ﺩﻩ ﻳﻮﻡ ﻳﺎ ﺣﺎﺝ ، ﻭﺑﻌﺪﻳﻦ ﺍﻟﺒﺖ ﻧﺪﻯ ﻣﺤﺘﺎﺟﺔ ﺗﻌﺮﻑ ﻃﺒﺎﻉ ﻋﻼﺀ ﻛﻮﻳﺲ
- ﺻﻼﺡ : ﻭﻳﻌﻨﻲ ﻫﻲ ﻣﺶ ﻫﺘﻌﺮﻓﻪ ﺇﻻ ﻟﻤﺎ ﺗﻄﻠﻊ ﻣﻌﺎﻩ ﺍﻟﺮﺣﻠﺔ ﺩﻱ
- ﺯﻳﻨﺐ : ﻣﻌﻠﺶ ﻳﺎ ﺣﺎﺝ ، ﺃﻫﻲ ﻣﺮﺓ ، ﻭﺑﻌﺪﻳﻦ ﻫﻤﺎ ﻣﻊ ﺑﻌﺾ ﻛﻠﻬﻢ
- ﺻﻼﺡ : ﺍﻭﻭﻭﻑ ، ﺭﺑﻨﺎ ﻳﻬﻮﻥ
ﻃﻮﺍﻝ ﻳﻮﻣﻴﻦ ﻇﻞ ﻋﻼﺀ ﻣﺘﺠﺎﻫﻼً ﻧﺪﻯ ﻭﻟﻢ ﻳﺠﺐ ﻋﻠﻰ ﺃﻱ ﻣﻦ ﺍﺗﺼﺎﻻﺗﻬﺎ ﺍﻟﻬﺎﺗﻔﻴﺔ، ﻭﺭﻏﻢ ﺃﻥ ﻧﺪﻯ ﻓﻲ ﻗﺮﺍﺭﺓ ﻧﻔﺴﻬﺎ ﻛﺎﻧﺖ ﻣﺮﺗﺎﺣﺔ ﻟﺘﺠﺎﻫﻠﻪ ﺍﻳﺎﻫﺎ ، ﺇﻻ ﺃﻧﻬﺎ ﻭﺍﻇﺒﺖ ﻋﻠﻰ ﺍﻻﺗﺼﺎﻝ ﺑﻪ ﺣﺘﻰ ﻻ ﺗﺘﺮﻙ ﻟﻪ ﺍﻟﻔﺮﺻﺔ ﻟﻴﺘﺸﺎﺟﺮ ﻣﺠﺪﺩﺍً ﻣﻌﻬﺎ ...
- ﻧﺪﻯ : ﻭﺍﻟﻠﻪ ﺍﻟﻮﺍﺣﺪ ﺑﺎﻟﻪ ﺭﺍﻳﻖ ، ﻟﻜﻦ ﻏﺼﺐ ﻋﻨﻲ ﻣﻀﻄﺮﻳﺔ ﺍﺗﺼﻞ ﺑﻴﻪ ﻋﺸﺎﻥ ﻣﺶ ﻧﺎﻗﺼﺔ ﺍﻧﻪ ﻳﻌﻤﻠﻬﺎﻟﻲ ﺯﻋﻠﺔ
- ﻧﻴﺮﺓ : ﺍﻟﺤﺴﻨﺔ ﺍﻟﻮﺣﻴﺪﺓ ﺍﻟﻠﻲ ﺧﺪﻧﻬﺎ ﻣﻦ ﺍﻟﻔﻘﺮﻱ ﺑﺘﺎﻋﻚ ﺩﻩ ﺍﻧﻨﺎ ﻫﻨﻄﻠﻊ ﺭﺣﻠﺔ ﻧﻐﻴﺮ ﺑﻴﻬﺎ ﺟﻮ
- ﻓﺎﻃﻴﻤﺎ : ﻣﻴﻦ ﺍﻟﻔﻘﺮﻱ ؟
- ﻧﻴﺮﺓ : ﺧﻄﻴﺒﻬﺎ
- ﻓﺎﻃﻴﻤﺎ : ﻫﻮ ﻣﺶ ﺍﺳﻤﻪ ﻋﻼﺀ
- ﻧﻴﺮﺓ : ﻷ ﺍﻟﻔﻘﺮﻱ
- ﻧﺪﻯ : ﺑﺲ ﺍﻧﺘﻮ ﺍﻻﺗﻨﻴﻦ ، ﺧﻠﻴﻨﻲ ﺍﻋﺮﻑ ﺍﻛﻠﻤﻪ
ﻭ ﺃﺧﻴﺮﺍً ﻗﺮﺭ ﻋﻼﺀ ﺃﻥ ﻳﺤﻦ ﻋﻠﻰ ﻧﺪﻯ ﻭﻳﻬﺎﺗﻔﻬﺎ ﻭ ..
- ﻋﻼﺀ ﻫﺎﺗﻔﻴﺎً : ﺍﻟﻮﻭ
- ﻧﺪﻯ : ﺍﻟﻮﻭ
- ﻋﻼﺀ ﺑﺎﻗﺘﻀﺎﺏ : ﺍﺧﺒﺎﺭﻙ ﺍﻳﻪ
- ﻧﺪﻯ : ﺍﻟﺤﻤﺪﻟﻠﻪ ، ﺍﻧﺖ ﻟﺴﻪ ﺯﻋﻼﻥ
- ﻋﻼﺀ : ﻫﻴﻔﺮﻕ ﻣﻌﺎﻛﻲ
- ﻧﺪﻯ : ﻳﻌﻨﻲ
- ﻋﻼﺀ : ﻉ ﺍﻟﻌﻤﻮﻡ ﺑﻜﺮﺓ ﻫﻨﺘﺤﺎﺳﺐ
- ﻧﺪﻯ : ﻫــﻪ
- ﻋﻼﺀ : ﺃﻧﺎ ﻛﻨﺖ ﺑﺘﺼﻞ ﻋﺸﺎﻥ ﺃﻛﺪ ﻋﻠﻴﻜﻲ ﺍﻧﻚ ﺗﺠﻬﺰﻱ ﻧﻔﺴﻚ ﺍﻧﺘﻲ ﻭﺍﺧﻮﺍﺗﻚ ﻣﻦ ﺑﺪﺭﻱ ﺑﻜﺮﺓ ﻋﺸﺎﻥ ﻫﺎﺧﺪﻛﻢ ﺍﻟﺮﺣﻠﺔ
- ﻧﺪﻯ : ﻃﻴﺐ
- ﻋﻼﺀ : ﺍﻧﺎ ﻫﺎﻛﻮﻥ ﻋﻨﺪﻛﻢ ﻉ 6 ﺍﻟﺼﺒﺢ ، ﻭﺑﻠﻐﻲ ﺃﺑﻮﻛﻲ ﺑﺪﻩ
- ﻧﺪﻯ : ﻣﺎﺷﻲ
- ﻧﻴﺮﺓ ﺑﺼﻮﺕ ﺧﺎﻓﺖ : ﺍﻟﻔﻘﺮﻱ ﺷﻐﺎﻝ ﻧﻜﺪ ﻉ ﺍﺧﺘﻚ
- ﻓﺎﻃﻴﻤﺎ : ﺍﻫﺎ .. ﺍﻧﺎ ﻣﺶ ﻫﻨﺎﺩﻳﻪ ﺑﻌﺪ ﻛﺪﻩ ﺑﻌﻼﺀ ، ﺃﻧﺎ ﻫﺎﻗﻮﻟﻪ ﻳﺎ ﻓﻘﺮﻱ
- ﻧﻴﺮﺓ : ﺷﺸﺶ .. ﺑﺲ ﻷﺣﺴﻦ ﻫﻮ ﺍﻟﻠﻲ ﻳﺴﻤﻌﻚ ﻭﻳﺘﻜﺪﺭ
- ﻓﺎﻃﻴﻤﺎ : ﻫﻬﻬﻬﻬﻬﻬﻬﻬﻬﻬﻪ ﻓﻘﺮﻱ !..
.................................
ﻓﻲ ﻳﻮﻡ ﺍﻟﺮﺣﻠﺔ ،،،
ﺃﺷﺮﻗﺖ ﺷﻤﺲ ﺻﺒﺎﺡ ﻳﻮﻡ ﺟﺪﻳﺪ ﻟﺘﻌﻠﻦ ﻓﻴﻪ ﻋﻦ ﺑﺪﺀ ﻳﻮﻡ ﺟﺪﻳﺪ ﻣﻠﻲﺀ ﺑﺎﻻﺛﺎﺭﺓ ...
ﺍﻧﺘﻈﺮ ﻋﻼﺀ ﺃﺳﻔﻞ ﻋﻘﺎﺭ ﻧﺪﻯ ﻓﻲ ﺳﻴﺎﺭﺗﻪ ، ﻭﻣﺎ ﻫﻲ ﺇﻻ ﻟﺤﻈﺎﺕ ﻗﻠﻴﻠﺔ ﺣﺘﻰ ﻧﺰﻟﺖ ﻧﺪﻯ ﻭﺑﺼﺤﺒﺘﻬﺎ ﺃﺧﺘﻴﻬﺎ ، ﺯﻡ ﻋﻼﺀ ﺷﻔﺘﻴﻪ ﻓﻲ ﺿﻴﻖ ﺣﻴﻨﻤﺎ ﺭﺃﻫﻢ ، ﻭﻟﻜﻦ ﺣﺎﻭﻝ ﺃﻥ ﻳﺮﺳﻢ ﺍﻟﺒﺴﻤﺔ ﻋﻠﻰ ﻭﺟﻬﻪ ﻭ ..
- ﻋﻼﺀ ﻣﺪﻋﻴﺎً ﺍﻻﺑﺘﺴﺎﻡ : ﺍﺭﻛﺒﻮﺍ ﻳﺎﻻ ﻳﺎ ﺑﻨﺎﺕ ، ﺗﻌﺎﻟﻲ ﻳﺎ ﻧﺪﻯ ﺟﻤﺒﻲ
- ﻧﺪﻯ : ﺍﻭﻙ
- ﻓﺎﻃﻴﻤﺎ : ﺍﺯﻳﻚ ﻳﺎ ﻋﻼﺀ
- ﻋﻼﺀ ﺑﻀﻴﻖ : ﺍﺳﻤﻲ ﺁﺑﻴﻪ ﻋﻼﺀ ، ﺃﻧﺎ ﻣﺶ ﺍﺩﻙ ﻋﺸﺎﻥ ﺗﻘﻮﻟﻴﻠﻲ ﻛﺪﻩ
- ﻓﺎﻃﻴﻤﺎ : ﺑﺲ ﻣﺮﻭﺍﻥ ﺍﻛﺒﺮ ﻣﻨﻲ ﺑﻜﺘﻴﺮ ﻭﺃﻧﺎ ﺑﻘﻮﻟﻪ ﻣﺮﻭﺍﻥ ﻋﺎﺩﻱ
- ﻋﻼﺀ ﻣﺴﺘﻔﻬﻤﺎً : ﻣﻴﻦ ﻣﺮﻭﺍﻥ ﺩﻩ ؟؟
- ﻧﻴﺮﺓ : ﻣﺘﺨﺪﺵ ﻓﻲ ﺑﺎﻟﻚ
- ﻋﻼﺀ ﻭﻫﻮ ﻳﻨﻈﺮ ﻟﻨﺪﻯ : ﻷ ، ﺃﻧﺎ ﻋﺎﻭﺯ ﺍﻋﺮﻑ ﻣﻴﻦ ﺩﻩ ؟؟؟ ﺗﻌﺮﻓﻴﻪ ﻳﺎ ﻫﺎﻧﻢ ؟؟؟
- ﻧﺪﻯ : ﺁﺁﺁ ...
- ﻧﻴﺮﺓ : ﻷ ﻫﻲ ﻣﺶ ﺗﻌﺮﻓﻪ ﻷﻧﻪ ﺻﺎﺣﺐ ﺑﺎﺑﺎ ﻓﻲ ﺍﻟﺸﻐﻞ ، ﻭﻫﻮ ﻛﺎﻥ ﺳﺎﻋﺎﺕ ﺍﻟﻠﻲ ﺑﻴﻮﺻﻠﻨﺎ ﻟﻠﻤﺪﺭﺳﺔ
- ﻋﻼﺀ ﻏﻴﺮ ﻣﻘﺘﻨﻌﺎً : ﻣﻤﻢ ... ﻫﻨﺘﻜﻠﻢ ﺃﻧﺎ ﻭﺍﻧﺘﻲ ﺳﻮﺍ ﻳﺎ ﻧﺪﻯ
- ﻓﺎﻃﻴﻤﺎ ﺑﺼﻮﺕ ﺃﻗﺮﺏ ﻟﻠﻬﻤﺲ : ﺁﺁﺁﺥ ﺍﻟﻔﻘﺮﻱ ﻫﻴﺰﻋﻞ ﻧﻮﺩﺓ
- ﻧﻴﺮﺓ ﺑﺼﻮﺕ ﺧﺎﻓﺖ : ﺷﺸﺶ، ﺑﺪﻝ ﻣﺎ ﻳﺴﻤﻌﻚ ﺍﻧﺘﻲ ﻛﻤﺎﻥ
ﺍﻧﻄﻠﻖ ﻋﻼﺀ ﺑﺴﻴﺎﺭﺗﻪ ﻭﻫﻮ ﻳﺰﻓﺮ ﻓﻲ ﺿﻴﻖ ، ﻭﺑﻮﺍﺩﺭ ﻣﺸﻜﻠﺔ ﻗﺮﻳﺒﺔ ﺗﻠﻮﺡ ﻓﻲ ﺍﻷﻓﻖ ..
..................
ﻛﺎﻥ ﺍﻟﻌﺸﺮﺍﺕ ﻣﻦ ﺍﻟﺸﺒﺎﺏ ﻭﺍﻟﻔﺘﻴﺎﺕ ﻗﺪ ﺑﺪﺃﻭﺍ ﺑﺎﻟﺘﺠﻤﻊ ﺑﺎﻟﻘﺮﺏ ﻣﻦ ﺍﻟﻜﻠﻴﺔ ﻓﻲ ﺍﻧﺘﻈﺎﺭ ﻭﺻﻮﻝ ﺍﻻﺗﻮﺑﻴﺴﺎﺕ ﺍﻟﺘﻲ ﺳﺘﻘﻠﻬﻢ ﺇﻟﻰ ﺍﻻﺳﻜﻨﺪﺭﻳﺔ ، ﻛﺎﻥ ﻳﻮﺳﻒ ﻳﺘﺎﺑﻊ ﻣﻊ ﻣﺮﻭﺍﻥ ﺃﺳﻤﺎﺀ ﺟﻤﻴﻊ ﺍﻟﻤﺸﺘﺮﻛﻴﻦ ﻓﻲ ﺍﻟﺮﺣﻠﺔ ﻭ ..
- ﻳﻮﺳﻒ : ﺑﺺ ﻳﺎ ﻣﺮﻭﺍﻥ ﻣﻌﺎﻳﺎ ﻉ ﺍﻻﺳﻤﺎﺀ ﻛﺪﻩ
- ﻣﺮﻭﺍﻥ : ﻫﺎﺕ ﺍﻟﻜﺸﻒ
- ﻳﻮﺳﻒ : ﺍﺗﺄﻛﺪ ﺍﻥ ﺍﻟﻜﻞ ﻣﻮﺟﻮﺩ
- ﻣﺮﻭﺍﻥ : ﻣﺎﺷﻲ
ﺟﺎﺀﺕ ﻣﺎﻳﺎ ﻭﻫﻲ ﻣﺘﺄﻧﻘﺔ ﻛﻌﺎﺩﺗﻬﺎ ﺣﻴﺚ ﺍﺭﺗﺪﺕ ﺷﻮﺭﺗﺎً ﻗﺼﻴﺮﺍً ، ﻭﻣﻦ ﺍﻷﻋﻠﻰ ﺍﺭﺗﺪﺕ ( ﺑﺎﺩﻱ ) ﻳﻜﺸﻒ ﺍﻛﺜﺮ ﻣﻤﺎ ﻳﺪﺍﺭﻱ ﻭﻭﺿﻌﺖ ﻃﻘﻴﺔ ﻋﺮﻳﻀﺔ ﻓﻮﻕ ﺭﺃﺳﻬﺎ ﺛﻢ ﺑﺪﺃﺕ ﺗﺨﺘﺎﻝ ﻓﻲ ﻣﺸﻴﺘﻬﺎ ﺃﻣﺎﻡ ﺍﻟﺠﻤﻴﻊ ﻣﺘﻌﻤﺪﺓ ﺑﻬﺬﺍ ﺃﻥ ﺗﻠﻔﺖ ﺍﻧﺘﺒﺎﻩ ﻳﻮﺳﻒ ﻭﻧﺠﺤﺖ ﻓﻲ ﺗﺤﻘﻴﻖ ﻏﺮﺿﻬﺎ ﻭ ...
- ﻳﻮﺳﻒ ﺑﻀﻴﻖ : ﺍﻳﻪ ﺍﻟﻠﻲ ﺍﻧﺘﻲ ﻻﺑﺴﺎﻩ ﺩﻩ
- ﻣﺎﻳﺎ : ﺍﻳﻪ ﺭﺃﻳﻚ ، sexy ﺻﺢ ؟؟
- ﻳﻮﺳﻒ : ﻣﺎﻳﺎ ﺍﻧﺘﻲ ﻋﺎﺭﻓﺔ ﺍﻥ ﺍﻟﻠﺒﺲ ﺩﻩ ﻣﺎﻳﻨﻔﻌﺶ ﻓﻲ ﺍﻟﻨﻮﻉ ﺩﻩ ﻣﻦ ﺍﻟﺮﺣﻼﺕ ، ﻭﺃﻧﺎ ﺧﺎﻳﻒ ﻋﻠﻴﻜﻲ
- ﻣﺎﻳﺎ : ﺑﺠﺪ .. ﺧﺎﻳﻒ ﻋﻠﻴﺎ
- ﻳﻮﺳﻒ : ﺍﻳﻮﻩ ، ﺍﻟﻜﻞ ﻫﻴﻘﻮﻝ ﻋﻠﻴﻜﻲ ﺍﻳﻪ ﺍﻟﻮﻗﺘﻲ ، ﻭﺧﺼﻮﺻﺎً ﺯﻣﺎﻳﻠﻨﺎ ﺍﻟﻠﻲ ﻓﻲ ﺍﻟﻜﻠﻴﺔ
- ﻣﺎﻳﺎ : ﺍﻧﺎ ﻣﺎﻳﻬﻤﻨﻴﺶ ﺣﺪ ﺇﻻ ﺍﻧﺖ ، ﻭﺑﻌﺪﻳﻦ ﺍﻟﻠﻲ ﻣﺘﻐﺎﻅ ﻣﻨﻲ ، ﻳﻘﻠﺪﻧﻲ !
- ﺃﺣﻤﺪ ﻭﻫﻮ ﻳﺼﻔﺮ : ﺍﻳﻴﻴﻪ ﺩﻩ ﻳﺎ ﻣﺎﻳﺎ ، ﻓﻮﻭﻭﻭﻓﻮﻭﻭﻭ ، ﺟﺎﻣﺪ
- ﻳﻮﺳﻒ : ﺍﻧﺖ ﺑﺘﺸﺠﻌﻬﺎ
- ﺍﺣﻤﺪ : ﺑﺼﺮﺍﺣﻬﺎ ﻻﺯﻡ ، ﺍﻣﺎ ﻳﺒﻘﻰ ﻣﻌﺎﻧﺎ ﺍﻟﺼﺎﺭﻭﺥ ﺩﻩ ﻻﺯﻡ ﻧﺸﺠﻊ ﻃﺒﻌﺎ
- ﻣﺎﻳﺎ : ﺛﺎﻧﻜﺲ ﺍﺣﻤﺪ ...
ﻛﺎﻧﺖ ﺭﺿﻮﻯ ﺗﻘﻒ ﻋﻠﻰ ﺟﻨﺐ ﺗﺤﺎﻭﻝ ﺃﻥ ﺗﻬﺎﺗﻒ ﻋﻼﺀ ﻟﺘﻄﻠﺐ ﻣﻨﻪ ﺃﻥ ﻳﺘﻌﺠﻞ ﻓﻲ ﺍﻟﺤﻀﻮﺭ ﻭ ..
- ﺭﺿﻮﻯ ﻫﺎﺗﻔﻴﺎً : ﺍﻧﺖ ﻓﻴﻦ ﻳﺎ ﻋﻼﺀ ؟؟
- ﻋﻼﺀ ﻫﺎﺗﻔﻴﺎً 5 : ﺩﻗﺎﻳﻖ ﻭﻫﺎﻛﻮﻥ ﻋﻨﺪﻙ
- ﺭﺿﻮﻯ : ﻳﺎﻻ ﺑﺴﺮﻋﺔ ، ﺍﻟﻨﺎﺱ ﻛﻠﻬﺎ ﺗﻘﺮﻳﺒﺎً ﺟﺖ ، ﻣﻌﺪﺗﺶ ﺇﻻ ﺍﻧﺖ
- ﻋﻼﺀ : ﻃﻴﺐ .. ﺑﺎﻱ
- ﻣﺮﻭﺍﻥ : ﺃﻧﺎ ﻇﺒﻄﺖ ﺍﻟﺪﻧﻴﺎ ، ﻭﺃﻋﺪﺕ ﻛﻞ ﺍﻟﻨﺎﺱ ، ﺑﺲ ﻓﺎﺿﻞ ﻛﺎﻡ ﺣﺪ ﻟﺴﻪ ﻣﺠﺎﺵ
- ﻳﻮﺳﻒ : ﺍﻭﻭﻭﻑ ، ﺧﻠﻴﻬﻢ ﻓﻲ ﺍﻟﺒﺎﺹ ﻋﻨﺪﻧﺎ ﻟﺤﺪ ﻣﺎ ﻧﺸﻮﻑ
- ﻣﺮﻭﺍﻥ : ﺍﻭﻙ
- ﻳﻮﺳﻒ ﺑﺼﻮﺕ ﻣﺮﺗﻔﻊ : ﺭﺿـــﻮﻯ ، ﺍﻟﻜﻞ ﻋﻨﺪﻙ ﻣﻮﺟﻮﺩ
- ﺭﺿﻮﻯ : ﻓﺎﺿﻞ ﻗﺮﻳﺒﻲ
- ﻳﻮﺳﻒ ﻋﻠﻰ ﻣﻀﺾ : ﻃﺐ ﻟﻤﺎ ﺍﻟﺒﻴﻪ ﻳﺸﺮﻑ ﺑﺎﻟﺴﻼﻣﺔ ، ﺧﻠﻴﻪ ﻳﺠﻲ ﻣﻌﺎﻧﺎ ﻉ ﺍﻟﺒﺎﺹ ﺑﺘﺎﻋﻲ
- ﺭﺿﻮﻯ : ﺣﺎﺿﺮ
- ﻳﻮﺳﻒ : ﻳﺎﻻ ﻳﺎ ﻣﺎﺭﻭ ، ﻉ ﺍﻟﺒﺎﺹ
- ﻣﺮﻭﺍﻥ : ﺃﻧﺎ ﻃﺎﻟﻊ ﻣﻌﺎﻙ ﻭﺵ
- ﻣﺎﻳﺎ : ﺍﺳﺘﻨﻮﻧﻲ ﺃﻧﺎ ﺟﺎﻳﺔ ﻣﻌﺎﻛﻮ
- ﻣﺮﻭﺍﻥ : ﺍﻭﻙ
- ﺍﺣﻤﺪ : ﺍﻧﺎ ﻫﻄﻠﻊ ﺍﻟﺒﺎﺹ ﺑﺘﺎﻋﻲ ، ﺃﺷﻮﻓﻜﻢ ﻓﻲ ﺍﻟﺮﻳﺴﺖ
- ﻣﺮﻭﺍﻥ : ﺍﻥ ﺷﺎﺀ ﺍﻟﻠﻪ ، ﺍﻧﺠﻮﻭﻭﻱ
.............
ﺃﺩﺭﻛﺖ ﻧﺪﻯ ﻣﻦ ﺍﻟﻄﺮﻳﻖ ﺍﻟﺬﻱ ﻳﺴﻠﻜﻪ ﻋﻼﺀ ﺃﻧﻬﻢ ﻳﺘﺠﻬﻮﻥ ﻧﺤﻮ ﻛﻠﻴﺘﻬﺎ ، ﺍﺫﻥ ﺳﻮﻑ ﻳﻜﻮﻥ ﻣﻜﺎﻥ ﺍﻟﺘﺠﻤﻊ ﻣﻦ ﻫﻨﺎﻙ ، ﻭﺻﻞ ﻋﻼﺀ ﺑﺴﻴﺎﺭﺗﻪ ﻣﺘﺄﺧﺮﺍً ، ﻛﺎﻧﺖ ﺭﺿﻮﻯ ﻓﻲ ﺍﻧﺘﻈﺎﺭﻩ ، ﻭﻣﺎ ﺇﻥ ﺭﺃﺗﻪ ﺣﺘﻰ ﺃﺳﺮﻋﺖ ﺇﻟﻴﻪ ﻟﺘﻮﺑﺨﻪ ﻋﻠﻰ ﺗﺄﺧﻴﺮﻩ ، ﻭ ...
- ﺭﺿﻮﻯ : ﺍﻳﻪ ﻳﺎ ﻋﻼﺀ ، ﻛﻞ ﺩﻩ ﺗﺄﺧﻴﺮ
- ﻋﻼﺀ : ﻣﻌﻠﺶ ﻳﺎ ﺭﺿﻮﻯ
ﻭﻗﻒ ﻋﻼﺀ ﺃﻣﺎﻡ ﺳﻴﺎﺭﺗﻪ ﻓﻐﻄﻰ ﺑﺠﺴﺪﻩ ﺭﺿﻮﻯ ﺍﻟﺘﻲ ﻛﺎﻧﺖ ﺗﺤﺎﺩﺛﻪ ، ﻭﻟﻢ ﺗﻬﺘﻢ ﻧﺪﻯ ﻟﻸﻣﺮ ﻛﺜﻴﺮﺍً ، ﻓﻬﻲ ﻛﺎﻧﺖ ﻣﻨﺸﻐﻠﺔ ﺑﺎﻟﻨﻈﺮ ﺇﻟﻰ ﺍﻟﺠﻬﺔ ﺍﻷﺧﺮﻯ
- ﻧﻴﺮﺓ ﻣﻦ ﺩﺍﺧﻞ ﺍﻟﺴﻴﺎﺭﺓ : ﻣﻴﻦ ﺩﻱ ؟
- ﻧﺪﻯ ﺑﻌﺪﻡ ﺍﻛﺘﺮﺍﺙ ﻭﻫﻲ ﺗﻨﻈﺮ ﻟﻠﺠﻬﺔ ﺍﻷﺧﺮﻯ : ﻣﻌﺮﻓﺶ
- ﻧﻴﺮﺓ : ﺍﻟﻈﺎﻫﺮ ﺍﻧﻬﺎ ﻗﺮﻳﺒﺘﻪ ﻭﻻ ﺣﺎﺟﺔ
- ﺭﺿﻮﻯ : ﺑﺲ ﺍﺣﻨﺎ ﻋﻨﺪﻧﺎ ﻣﺸﻜﻠﺔ
- ﻋﻼﺀ : ﻣﺸﻜﻠﺔ ﺍﻳﻪ
- ﺭﺿﻮﻯ : ﺍﻧﺎ ﻋﺮﻓﺖ ﺍﺣﺠﺰﻟﻚ ﺑﺲ 3 ﻛﺮﺍﺳﻲ
- ﻋﻼﺀ : ﻫﺎﻩ ، ﻃﺐ ﻟﻴﻪ ؟؟ ﻣﺶ ﺃﻧﺎ ﻣﺎﻛﺪ ﻋﻠﻴﻜﻲ
- ﺭﺿﻮﻯ : ﻫﺎﻋﻤﻞ ﺍﻳﻪ ، ﻛﺎﻥ ﺍﻟﺤﺠﺰ ﺍﻛﺘﻤﻞ ، ﻭﻟﻸﺳﻒ ﺍﻟﺘﺎﻟﺖ ﻣﺸﺘﺮﻙ ﻣﻊ ﺣﺪ ﺗﺎﻧﻲ
- ﻋﻼﺀ : ﻛﻤﺎﻥ !
- ﺭﺿﻮﻯ : ﺳﻮﺭﻱ ﻳﺎ ﻋﻼﺀ ، ﺍﻧﺖ ﻋﺎﺭﻑ ﺍﻟﻨﻈﺎﻡ ﻭﻛﺪﻩ
- ﻋﻼﺀ : ﺧﻼﺹ ﻣﺶ ﻣﺸﻜﻠﺔ ، ﺍﻟﻤﻬﻢ ﺍﻥ ﺃﻧﺎ ﻭﺧﻄﻴﺒﺘﻲ ﺃﻋﺪﻳﻦ ﺟﻤﺐ ﺑﻌﺾ
- ﺭﺿﻮﻯ : ﻷ ﺍﻃﻤﻦ ، ﺍﻧﺘﻮ ﺳﻮﺍ
- ﻋﻼﺀ : ﻛﻮﻳﺲ
- ﺭﺿﻮﻯ : ﺍﻩ ﺳﻮﺭﻱ ، ﻣﺒﺮﻭﻙ ﻉ ﺍﻟﺨﻄﻮﺑﺔ
- ﻋﻼﺀ : ﺍﻟﻠﻪ ﻳﺒﺎﺭﻙ ﻓﻴﻜﻲ ، ﺍﺳﺘﻨﻲ ﺃﻣﺎ ﺃﻋﺮﻓﻚ ﺑﻴﻬﺎ
- ﺭﺿﻮﻯ : ﺍﻭﻙ
- ﻋﻼﺀ ﻭﻫﻮ ﻳﻠﺘﻔﺖ ﻟﻨﺪﻯ : ﺗﻌﺎﻟﻲ ﻳﺎ ﻧﺪﻯ
- ﻧﺪﻯ : ﺣﺎﺿﺮ
ﺗﺮﺟﻠﺖ ﻧﺪﻯ ﻣﻦ ﺍﻟﺴﻴﺎﺭﺓ ﻟﺘﺘﻔﺎﺟﻲﺀ ﺃﻥ ﻣﻦ ﺗﺘﺤﺪﺙ ﻣﻊ ﻋﻼﺀ ﻫﻲ ﺭﺿﻮﻯ ﺗﻠﻚ ﺍﻟﻄﺎﻟﺒﺔ ﺍﻟﺘﻲ ﺻﺎﺩﻓﺘﻬﺎ ﻓﻲ ﺣﻤﻠﺔ ﺍﻟﺘﺒﺮﻉ ﺑﺎﻟﺪﻣﺎﺀ ﻭ ...
- ﻧﺪﻯ ﻭﻫﻲ ﻻ ﺗﺼﺪﻕ ﻋﻴﻨﻴﻬﺎ : ﺍﻧﺘﻲ
- ﺭﺿﻮﻯ ﻭﻫﻲ ﻣﺼﺪﻭﻣﺔ : ﻣﺶ ﻣﻤﻜﻦ !
- ﻋﻼﺀ ﺑﺎﺳﺘﻐﺮﺍﺏ : ﻫﻮ ﺍﻧﺘﻮ ﺗﻌﺮﻓﻮﺍ ﺑﻌﺾ ؟
- ﻧﺪﻯ ﺑﺘﺮﺩﺩ : ﺁﺁﺁ ...
- ﺭﺿﻮﻯ : ﻳﻌﻨﻲ .. ﻣﺶ ﺃﻭﻱ ، ﺃﻧﺎ ﺳﺎﻋﺎﺕ ﻛﻨﺖ ﺑﺸﻮﻓﻬﺎ ﻓﻲ ﺍﻟﻜﻠﻴﺔ ﻭﻛﺪﻩ
- ﻋﻼﺀ ﻭﻫﻮ ﻳﻔﻜﺮ ﻓﻲ ﺷﻴﺌﺎً ﻣﺎ : ﻣﻤﻤﻢ ... ﻃﻴﺐ !
- ﺭﺿﻮﻯ : ﻃﺐ ﻳﺎﻻ ﻧﺎﺩﻱ ﺑﻘﻴﺔ ﺍﻟﻨﺎﺱ ﺍﻟﻠﻲ ﺟﺎﻳﺔ ﻣﻌﺎﻙ
- ﻋﻼﺀ ﺑﻀﻴﻖ : ﻧﺎﺩﻱ ﻷﺧﻮﺍﺗﻚ ﻳﺎ ﻧﺪﻯ ﻋﺸﺎﻥ ﻧﻄﻠﻊ ﺍﻟﺒﺎﺹ
- ﻧﺪﻯ : ﺣﺎﺿﺮ
ﺃﺧﺮﺝ ﻋﻼﺀ ﻣﻦ ﺟﻴﺒﻪ ﻭﺭﻗﺔ ﻣﺎ ﺛﻢ ﺩﻭﻥ ﻓﻴﻬﺎ ﺑﺎﻟﻘﻠﻢ ﻣﻠﻮﺣﻈﺔ ﻣﺎ ، ﻭﻃﻮﻯ ﺍﻟﻮﺭﻗﺔ ﻭﻭﺿﻌﻬﺎ ﻣﺮﺓ ﺃﺧﺮﻯ ﻓﻲ ﺟﻴﺒﻪ .. ﺛﻢ ﺭﻛﺐ ﺳﻴﺎﺭﺗﻪ ﻟﻜﻲ ﻳﺼﻔﻬﺎ ﻋﻠﻰ ﺟﺎﻧﺐ ﺍﻟﻄﺮﻳﻖ ،
ﺗﺮﺟﻠﺖ ﺍﻟﻔﺘﺎﺗﻴﻦ ﻣﻦ ﺍﻟﺴﻴﺎﺭﺓ ﻭﺫﻫﺒﺘﺎ ﺑﺼﺤﺒﺔ ﺍﺧﺘﻬﻤﺎ ﻧﺪﻯ ﺇﻟﻰ ﺍﻷﺗﻮﺑﻴﺲ ، ﺛﻢ ﻟﺤﻖ ﺑﻬﻢ ﻋﻼﺀ ﺑﻌﺪ ﺃﻥ ﺗﺄﻛﺪ ﻣﻦ ﺍﻏﻼﻕ ﺳﻴﺎﺭﺗﻪ ﻭ ...
- ﻧﻴﺮﺓ ﻭﻫﻲ ﺗﻤﺴﻚ ﺑﻴﺪ ﺃﺧﺘﻬﺎ : ﺭﺑﻨﺎ ﻳﺴﺘﺮ ، ﺷﻜﻞ ﺍﻟﺮﺣﻠﺔ ﺩﻱ ﻫﺘﻜﻮﻥ ﻋﻜﻨﻨﺔ ﻋﻠﻴﻨﺎ ﻛﻠﻨﺎ
- ﻓﺎﻃﻴﻤﺎ ﺑﺼﻮﺕ ﺧﺎﻓﺖ : ﺍﻩ ﺑﺴﺒﺐ ﺍﻟﻔﻘﺮﻱ
- ﻋﻼﺀ ﻭﻫﻮ ﻳﺴﻴﺮ ﺑﺠﻮﺍﺭ ﻧﺪﻯ : ﺍﻧﺘﻲ ﻫﺘﻘﻌﺪﻱ ﺟﻤﺒﻲ ، ﻭﺍﺧﻮﺍﺗﻚ ﻫﻴﻘﻌﺪﻭﺍ ﻓﻲ ﺣﺘﺔ ﺗﺎﻧﻴﺔ ﺑﻌﻴﺪ ﻋﻨﻨﺎ
- ﻧﺪﻯ : ﺍﻳﻪ ، ﻷ ﻣﺶ ﻫﻴﻨﻔﻊ !
- ﻋﻼﺀ ﻭﻗﺪ ﺃﻣﺴﻜﻬﺎ ﻣﻦ ﺫﺭﺍﻋﻬﺎ : ﻧﻌﻢ ؟؟؟ ﺍﻧﺘﻲ ﻫﺘﻌﺎﺭﺿﻴﻨﻲ ﻭﻻ ﺍﻳﻪ
- ﻧﺪﻯ ﻭﻫﻲ ﺗﺤﺎﻭﻝ ﺍﻓﻼﺕ ﻗﺒﻀﺘﻬﺎ : ﻷ ﻣﺶ ﺑﻌﺎﺭﺿﻚ ، ﺑﺲ ﻣﺶ ﺩﻩ ﺍﻻﺗﻔﺎﻕ
- ﺭﺿﻮﻯ ﺑﺼﻮﺕ ﻣﺮﺗﻔﻊ ﺁﻣﺮ : ﻳﺎﻻ ﺑﺴﺮﻋﺔ ﻳﺎ ﺟﻤﺎﻋﺔ ، ﺍﺣﻨﺎ ﺍﺗﺄﺧﺮﻧﺎ ﺃﻭﻱ
- ﻋﻼﺀ : ﺍﻭﻙ ﻳﺎ ﺭﺿﻮﻯ
- ﻋﻼﺀ ﺑﻨﻈﺮﺍﺕ ﻏﺎﺿﺒﺔ : ﺍﻃﻠﻌﻲ ﻉ ﺍﻟﺒﺎﺹ ﻭﻓﻮﻕ ﻫﻨﺘﻜﻠﻢ
- ﻧﺪﻯ ﺑﻀﻴﻖ : ﻣﺎﺷﻲ
