ﻓﻲ ﻣﺪﺭﺳﺔ ﻧﻴﺮﺓ ،،،،
ﺣﺎﻥ ﻣﻮﻋﺪ ﺍﻧﺼﺮﺍﻑ ﺍﻟﻔﺘﻴﺎﺕ ﻣﻦ ﺍﻟﻤﺪﺭﺳﺔ ﻭﺑﺪﺃﺕ ﻧﺴﻤﺔ ﻭﺻﺪﻳﻘﺘﻴﻬﺎ ﻓﻲ ﺗﻐﻴﻴﺮ ﻫﻴﺌﺘﻬﻦ ﻭ ..
- ﻫﺎﻟﺔ : ﺟﻬﺰﺗﻲ ؟
- ﻣﻲ : ﺍﻫﺎ
- ﻧﺴﻤﺔ : ﻳﺎﻻ ﺑﺴﺮﻋﺔ ﻟﺤﺴﻦ ﺧﻼﺹ ﺯﻣﺎﻧﺘﻪ ﺟﺎﻱ
- ﻧﻴﺮﺓ : ﻣﻴﻦ ﺩﻩ ؟
- ﻧﺴﻤﺔ : ﺁﺁﺁ ... ﺍﻟﻌﺮﺑﻴﺔ ﻳﺎ ﺑﻨﺘﻲ ﺑﺘﺎﻋﺘﺔ ﺑﻨﺖ ﺧﺎﻟﺘﻲ
- ﻧﻴﺮﺓ : ﺑﺼﻮﺍ ﺑﺼﺮﺍﺣﺔ ﻛﺪﻩ ﺃﻧﺎ ﺧﺎﻳﻔﺔ ﺍﻃﻠﻊ ﻣﻌﺎﻛﻮ ﺣﺪ ﻳﺸﻮﻓﻨﻲ
- ﻫﺎﻟﺔ : ﺍﻧﺘﻲ ﻫﺒﻠﺔ ، ﻭﻫﻤﺎ ﻫﻴﺸﻮﻓﻜﻲ ﺍﺯﺍﻱ
- ﻧﻴﺮﺓ : ﺍﻧﺎ ﻣﻀﻤﻨﺶ ﺍﻟﻈﺮﻭﻑ
- ﻧﺴﻤﺔ : ﻣﺤﺪﺵ ﻫﻴﺸﻮﻓﻚ ﻭﻻ ﺣﺎﺟﺔ ، ﺍﺣﻨﺎ ﻛﺪﻩ ﻛﺪﻩ ﻫﻨﻜﻮﻥ ﺟﻮﺍ ﺍﻟﻌﺮﺑﻴﺔ ، ﻭﻟﻮ ﺑﻔﺮﺽ ﺣﺪ ﺷﺎﻓﻚ ﻫﻨﻘﻮﻝ ﺍﻥ ﺍﻟﻤﺠﻤﻮﻋﺔ ﺍﺗﻠﻐﺖ ﻭﺑﻨﺖ ﺧﺎﻟﺘﻲ ﺑﺘﻮﺻﻠﻚ
- ﻣﻲ : ﺑﺎﻟﻈﺒﻂ
- ﻫﺎﻟﺔ : ﻛﻼﻡ ﺟﻤﻴﻞ
- ﻧﻴﺮﺓ : ﻣﺶ ﻋﺎﺭﻓﺔ ، ﺃﻧﺎ ﺑﺮﺿﻪ ﻣﺶ ﻣﻄﻤﻨﺔ
ﺛﻢ ﺭﻥ ﻫﺎﺗﻒ ﻧﺴﻤﺔ ﻓﺄﺟﺎﺑﺖ ﻋﻠﻰ ﺍﻻﺗﺼﺎﻝ ﻋﻠﻰ ﺍﻟﻔﻮﺭ ﻭ ..
- ﻧﺴﻤﺔ ﻫﺎﺗﻔﻴﺎً : ﺍﻟﻮﻭ .. ﺍﻳﻮﻩ
- ﺍﻟﻤﺘﺼﻞ ...................... :
- ﻧﺴﻤﺔ : ﻷ ﺍﺣﻨﺎ ﺧﻼﺹ ﺟﻬﺰﻧﺎ ، ﻭﻃﺎﻟﻌﻴﻦ
- ﺍﻟﻤﺘﺼﻞ ....................... :
- ﻧﺴﻤﺔ : ﻣﺎﺷﻲ ﻫﻨﺴﺘﻨﻰ ﻫﻨﺎﻙ ، ﺍﻭﻙ
- ﺍﻟﻤﺘﺼﻞ ..................... :
- ﻧﺴﻤﺔ : ﺗﻤﺎﻡ ، ﻳﺎﻻ ﺑﺎﻱ
- ﻫﺎﻟﺔ : ﻫﺎ ﺍﻳﻪ ﺍﻻﺧﺒﺎﺭ ؟
- ﻧﺴﻤﺔ : ﺁﺁﺁ ... ﺑﻨﺖ ﺧﺎﻟﺘﻲ ﻣﺴﺘﻨﻴﺎﻧﺎ ﻗﺪﺍﻡ ﺷﻮﻳﺔ
- ﻧﻴﺮﺓ : ﺃﻫﺎ
- ﻣﻲ : ﺣﻠﻮ ﺃﻭﻱ ، ﻭﺍﻟﺪﻭﺭ ﺩﻩ ﺟﺎﻳﺔ ﻟﻮﺣﺪﻫﺎ ﻭﻻ ﻷ ؟
- ﻧﺴﻤﺔ : ﻣﺶ ﻋﺎﺭﻓﺔ
- ﻧﻴﺮﺓ : ﻳﻌﻨﻲ ﺍﻳﻪ ﺟﺎﻳﺔ ﻟﻮﺣﺪﻫﺎ ؟؟ ﻫﻮ ﻓﻲ ﺣﺪ ﺗﺎﻧﻲ ﺑﻴﺠﻲ ﻣﻌﺎﻫﺎ
- ﻣﻲ : ﺳﺎﻋﺎﺕ ﻛﺪﻩ ﺃﺻﺤﺎﺑﻬﺎ
- ﻫﺎﻟﺔ ﺑﺨﺒﺚ : ﻭﻣﺶ ﺃﻱ ﺃﺻﺤﺎﺏ
- ﻧﻴﺮﺓ ﻓﻲ ﻧﻔﺴﻬﺎ : ﺍﻧﺎ ﻣﺶ ﻣﻄﻤﻨﺔ
- ﻧﺴﻤﺔ : ﻃﺐ ﻳﺎﻻ ﺑﻴﻨﺎ ﻋﺸﺎﻥ ﻣﻨﻀﻴﻌﺶ ﻭﻗﺖ
- ﻫﺎﻟﺔ : ﺍﻭﻙ
- ﻣﻲ : ﻳﺎﻻ
ﻇﻠﺖ ﻧﻴﺮﺓ ﻓﻲ ﺣﻴﺮﺓ ﻣﻦ ﺃﻣﺮﻫﺎ ، ﻫﻞ ﺗﺬﻫﺐ ﻣﻌﻬﻦ ﺃﻡ ﻻ ، ﻭﻟﻜﻨﻬﺎ ﻋﻘﺪﺕ ﺍﻟﻌﺰﻡ ﻋﻠﻰ ﺍﻟﺬﻫﺎﺏ ﻭﺗﺠﺮﺑﺔ ﺷﻲﺀ ﺟﺪﻳﺪ ﻭ ...
- ﻧﻴﺮﺓ ﻓﻲ ﻧﻔﺴﻬﺎ : ﻳﺎ ﺗﺮﻯ ﺃﺭﻭﺡ ﻣﻌﺎﻫﻢ ﻭﻻ ﻷ ؟؟ ﻃﺐ .. ﻃﺐ ﻣﺎﻫﻮ ﻣﻤﻜﻦ ﻳﻜﻮﻧﻮﺍ ﻧﺎﻭﻳﻴﻦ ﻳﻌﻤﻠﻮﺍ ﺣﺎﺟﺔ ﻏﻠﻂ ! ﺑﺲ ﻧﺴﻤﺔ ﻗﺎﻟﺖ ﺍﻧﻬﻢ ﺧﺎﺭﺟﻴﻦ ﻣﻊ ﺑﻨﺖ ﺧﺎﻟﺘﻬﺎ ﻳﻌﻨﻲ ﺑﻨﺖ ﺯﻳﻬﺎ ﺯﻳﻨﺎ ، ﺍﻳﻪ ﺍﻟﻐﻠﻂ ﻓﻲ ﺍﻧﻬﻢ ﻳﺨﺮﺟﻮﺍ ؟؟ ﻣﺎ ﺍﻧﺎ ﻃﻮﻝ ﺍﻟﻮﻗﺖ ﻣﺤﺒﻮﺳﺔ ﻓﻲ ﺍﻟﺒﻴﺖ ﻭﻣﺶ ﺑﺨﺮﺝ .. ﻣﺶ ﻓﻴﻬﺎ ﺣﺎﺟﺔ ﻟﻤﺎ ﺃﺧﺮﺝ ﻣﻊ ﺃﺻﺤﺎﺑﻲ ﺷﻮﻳﺔ ,, ﺃﻧﺎ ﻫﺎﻃﻠﻊ ﻭﺃﺷﻮﻑ ﺍﻟﻨﻈﺎﻡ ﺍﻳﻪ ، ﻭﻟﻮ ﺣﺎﺟﺔ ﻣﺶ ﻋﺠﺒﺎﻧﻲ ﻫﻤﺸﻲ ﻉ ﻃﻮﻝ ، ﺍﻳﻮﻩ ﺩﻩ ﺍﻟﻠﻲ ﺃﻧﺎ ﻫﺄﻋﻤﻠﻪ !!!!..
- ﻧﺴﻤﺔ : ﻳﺎﻻ ﻳﺎ ﻧﻴﺮﻭﻭﻭ ، ﺍﻧﺘﻲ ﻟﺴﻪ ﻭﺍﻗﻔﺔ ﻋﻨﺪﻙ
- ﻧﻴﺮﺓ : ﻫﻪ .. ﺁﺁ .. ﻷ ﺟﺎﻳﺔ ﺍﻫﻮﻭ
- ﻧﺴﻤﺔ : ﺍﻭﻙ
............................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،
ﻛﺎﻥ ﻳﻮﺳﻒ ﻳﺘﺤﺪﺙ ﻣﻊ ﻧﺪﻯ ﺇﻟﻰ ﺃﻥ ﻭﺟﺪﻫﺎ ﻓﺠﺄﺓ ﻣﺎﻟﺖ ﻋﻠﻴﻪ ﻭﻓﻘﺪﺕ ﺍﻟﻮﻋﻲ ﻭ ..
- ﻳﻮﺳﻒ : ﻳﺎ ﺁﻧﺴﺔ !. ﻳﺎ ﺁﻧﺴــــﺔ !! ﺭﺩﻱ ﻋﻠﻴﺎ ... ﻃﺐ ﺃﻋﻤﻞ ﺍﻳﻪ ﺍﻟﻮﻗﺘﻲ .. ﻣﻤﻢ ﺃﺣﺴﻦ ﺣﺎﺟﺔ ﺍﻋﻤﻠﻪ ﺃﺣﻄﻬﺎ ﻓﻲ ﺍﻟﻌﺮﺑﻴﺔ ﻭﺃﻧﺎﺩﻱ ﻉ ﺍﻟﺪﻛﺘﻮﺭﺓ ﺗﻔﻮﻗﻬﺎ
ﺑﺎﻟﻔﻌﻞ ﺣﻤﻞ ﻳﻮﺳﻒ ﻧﺪﻯ ﻭﺣﺎﻭﻝ ﻓﺘﺢ ﺑﺎﺏ ﺳﻴﺎﺭﺗﻪ ﻭﺃﺟﻠﺴﻬﺎ ﻋﻠﻰ ﺍﻟﻤﻘﻌﺪ ﺍﻷﻣﺎﻣﻲ ، ﺛﻢ ﻋﺎﺩ ﻣﺮﺓ ﺍﺧﺮﻯ ﻟﻴﻀﻊ ﺃﺷﻴﺎﺋﻬﺎ ﻓﻲ ﺍﻟﻤﻘﻌﺪ ﺍﻟﺨﻠﻔﻲ ﻟﺴﻴﺎﺭﺗﻪ ، ﻭﺗﻮﺟﻪ ﻣﺴﺮﻋﺎً ﺣﻴﺚ ﺗﻮﺟﺪ ﺳﻴﺎﺭﺓ ﺍﻻﺳﻌﺎﻑ ﺍﻟﻤﺨﺼﺼﺔ ﻟﺤﻤﻠﺔ ﺍﻟﺘﺒﺮﻉ ﺑﺎﻟﺪﻡ ﻭﻟﻜﻨﻪ ﻟﻢ ﻳﺠﺪ ﺍﻱ ﺃﺣﺪ ﻫﻨﺎﻙ ﻭ ...
- ﻳﻮﺳﻒ : ﺍﻟﻠﻪ ! ﻫﻤﺎ ﺭﺍﺣﻮﺍ ﻓﻴﻦ ؟؟؟ ﻣﺶ ﻛﺎﻧﻮﺍ ﻭﺍﻓﻘﻴﻦ ﻫﻨﺎ ﻣﻦ ﺩﻗﺎﻳﻖ ؟؟ ﻃﺐ ﺃﺗﺼﺮﻑ ﺃﻧﺎ ﺃﺯﺍﻱ ؟؟؟ ﻣﻤﻢ ... ﺃﺣﺴﻦ ﺣﺎﺟﺔ ﺃﻋﻤﻠﻬﺎ ﺃﺧﺪﻫﺎ ﻷﻗﺮﺏ ﻣﺴﺘﺸﻔﻰ ﻭﻫﻤﺎ ﻳﺘﺼﺮﻓﻮﺍ .. ﺑﺎﻟﻈﺒﻂ ﺩﻩ ﺍﻟﺤﻞ ﺍﻟﺴﻠﻴﻢ
ﺗﻮﺟﻪ ﻳﻮﺳﻒ ﺇﻟﻰ ﺳﻴﺎﺭﺗﻪ ﻣﺴﺮﻋﺎً ، ﺛﻢ ﺭﻛﺐ ﺑﺠﻮﺍﺭ ﻧﺪﻯ ﻭﻗﺎﺩ ﺍﻟﺴﻴﺎﺭﺓ ﻓﻲ ﺍﺗﺠﺎﻩ ﺃﻗﺮﺏ ﻣﺴﺘﺸﻔﻰ ....
- ﻳﻮﺳﻒ : ﺃﻧﺎ ﻋﺎﺭﻑ ﺍﻥ ﺍﺧﺮﺗﻲ ﻫﺎﺗﻴﺠﻲ ﻉ ﺣﺎﺟﺔ ﺯﻱ ﻛﺪﻩ ، ﻣﺎ ﺃﻧﺎ ﻛﺎﻥ ﻣﺎﻟﻲ ، ﺑﺲ ﻳﻌﻨﻲ ﻛﻨﺖ ﻫﺴﻴﺒﻬﺎ ﻣﻐﻤﻰ ﻋﻠﻴﻬﺎ ، ﻭﺍﻟﻠﻪ ﻗﻠﺒﻲ ﺍﻟﻄﻴﺐ ﺩﻩ ﺍﻟﻠﻲ ﻣﻮﺩﻳﻨﻲ ﻓﻲ ﺩﺍﻫﻴﺔ !
........................
ﺑﺠﻮﺍﺭ ﻣﺪﺭﺳﺔ ﻧﻴﺮﺓ ،،،،
ﺧﺮﺟﺖ ﺍﻟﻔﺘﻴﺎﺕ ﻣﻦ ﺍﻟﻤﺪﺭﺳﺔ ﺛﻢ ﺑﺪﺃﻥ ﺑﺎﻟﺴﻴﺮ ﻗﻠﻴﻼً ﺇﻟﻰ ﺃﻥ ﻭﺟﺪﺕ ﻧﻴﺮﺓ ﻧﺴﻤﺔ ﺗﻠﻮﺡ ﺑﻴﺪﻫﺎ ﻷﺣﺪ ﺍﻷﺷﺨﺎﺹ ﻓﻲ ﺳﻴﺎﺭﺓ ﻣﺎ ﻓﺎﺭﻫﺔ ﻭ ..
- ﻧﺴﻤﺔ ﻣﻠﻮﺣﺔ : ﻫــــﺎﻱ
- ﻧﻴﺮﺓ : ﺩﻩ ﻣﻴﻦ ﺩﻩ ؟
- ﻫﺎﻟﺔ ﻭﻫﻲ ﺗﺸﻴﺮ ﺑﻴﺪﻫﺎ : ﺗﺎﻣﺮ ، ﻫﺎﻟﻮﻭ
- ﻧﻴﺮﺓ : ﺍﻟﻠﻪ ﻣﺎ ﺗﻔﻬﻤﻮﻧﻲ ، ﻣﻴﻦ ﺗﺎﻣﺮ ﺩﻩ ؟
- ﻣﻲ : ﺗﻌﺎﻟﻲ ﻣﻌﺎﻧﺎ ﻳﺎﻻ
- ﻧﻴﺮﺓ : ﺍﺟﻲ ﻣﻌﺎﻛﻲ ﻓﻴﻦ ؟
- ﻣﻲ ﻭﻫﻲ ﺗﺠﺬﺑﻬﺎ ﻣﻦ ﻳﺪﻫﺎ : ﺗﺮﻛﺒﻲ ﻣﻌﺎﻧﺎ ﺍﻟﻌﺮﺑﻴﺔ
- ﻧﻴﺮﺓ ﻭﻫﻲ ﺗﺒﻌﺪ ﻳﺪﻫﺎ : ﻷ ﻃﺒﻌﺎﺍﺍﺍ
- ﻣﻲ : ﻧﺴﻤﺔ ﺗﻌﺎﻟﻲ ﺷﻮﻳﺔ
- ﻧﺴﻤﺔ : ﺍﻳﻪ ﻓﻲ ﺍﻳﻪ ؟
- ﻣﻲ : ﺗﻌﺎﻟﻲ ﺷﻮﻓﻲ ﻧﻴﺮﺓ ، ﻣﺶ ﻋﺎﻭﺯﺓ ﺗﻴﺠﻲ ﻣﻌﺎﻧﺎ
- ﻧﺴﻤﺔ : ﻓﻲ ﺍﻳﻪ ﻳﺎ ﻧﻴﺮﺓ ؟؟ ﺍﻳﻪ ﺍﻟﻠﻲ ﺣﺼﻞ
- ﻧﻴﺮﺓ ﺑﻀﻴﻖ : ﺍﺣﻨﺎ ﻣﺎﺗﻔﻘﻨﺎﺵ ﻉ ﻛﺪﻩ
- ﻧﺴﻤﺔ : ﻣﺶ ﺍﺣﻨﺎ ﻣﺘﻔﻘﻴﻦ ﻧﺨﺮﺝ ﺑﻌﺪ ﺍﻟﻤﺪﺭﺳﺔ ، ﻭﺍﻧﺘﻲ ﻭﺍﻓﻘﺘﻲ ، ﻓﻴﻦ ﺍﻟﻤﺸﻜﻠﺔ ؟؟
- ﻧﻴﺮﺓ : ﺍﻩ ﺍﺗﻔﻘﻨﺎ ﻧﺨﺮﺝ ﻣﻊ ﺑﻨﺖ ﺧﺎﻟﺘﻚ ، ﻟﻜﻦ ﻣﺎﺗﻔﻘﻨﺎﺵ ﺍﻧﻨﺎ ﻫﻨﺨﺮﺝ ﻣﻊ ﻭﻻﺩ
- ﻧﺴﻤﺔ : ﺑﺲ ﺩﻩ ﻣﺶ ﻭﻻﺩ ، ﺩﻩ ﺗﺎﻣﺮ
- ﻧﻴﺮﺓ : ﺍﻧﺎ ﻣﺎﻟﻴﺶ ﺩﻋﻮﺓ ﺑﺘﺎﻣﺮ ﺑﺘﺎﻋﻚ ﺩﻩ
- ﻣﻲ : ﺃﻧﺎ ﻣﻦ ﺍﻷﻭﻝ ﻗﻮﻟﺖ ﺑﻼﺵ ﻧﺎﺧﺪﻫﺎ ﻣﻌﺎﻧﺎ
- ﻫﺎﻟﺔ : ﺍﻭﻭﻑ ، ﻻﺯﻣﺘﻪ ﺍﻳﻪ ﺍﻟﻌﻜﻨﻨﺔ ﺩﻱ
ﺗﺮﺟﻞ ﺗﺎﻣﺮ ﻣﻦ ﺳﻴﺎﺭﺗﻪ ﻟﻴﺮﻯ ﻣﺎ ﻳﺤﺪﺙ ﻣﻦ ﺟﺪﺍﻝ ﺑﻴﻦ ﺍﻟﻔﺘﻴﺎﺕ ﻭ ..
- ﺗﺎﻣﺮ : ﺍﻳﻪ ﻳﺎ ﺑﻨﺎﺕ ﻓﻲ ﺍﻳﻪ ؟ ﺑﺘﺘﺨﺎﻧﻘﻮﺍ ﻋﻠﻰ ﺍﻳﻪ ؟؟
- ﻧﺴﻤﺔ : ﺗﻌﺎﻟﻰ ﺷﻮﻑ ﻳﺎ ﺗﺎﻣﺮ ، ﻧﻴﺮﺓ ﻣﺶ ﻋﺎﻭﺯﺓ ﺗﺨﺮﺝ ﻣﻌﺎﻧﺎ
- ﺗﺎﻣﺮ ﻭﻫﻮ ﻳﺘﻔﺤﺼﻬﺎ : ﻟﻴﻪ ﺑﺲ ؟؟
- ﻧﻴﺮﺓ ﺑﺤﺪﺓ : ﻭﺍﻧﺖ ﻣﺎﻟﻚ ؟
- ﺗﺎﻣﺮ ﺑﺤﻨﻴﺔ : ﻃﺐ ﻟﻴﻪ ﻛﺪﻩ ﺑﺲ
- ﻣﻲ : ﺍﻧﺘﻲ ﻏﻠﻄﺎﻧﺔ ﻳﺎ ﻧﺴﻤﺔ ﺍﻧﻚ ﺗﺠﻴﺒﻬﺎ ﻣﻌﺎﻧﺎ
- ﻫﺎﻟﺔ : ﺍﻩ ﻓﻌﻼ
- ﻧﻴﺮﺓ : ﺍﻧﺎ ﺃﺻﻼً ﻏﻠﻄﺎﻧﺔ ﺍﻧﻲ ﻭﺍﻓﻘﺘﻜﻢ ﻉ ﺍﻟﻠﻲ ﺑﺘﻌﻤﻠﻮﻩ ﺩﻩ ، ﺍﻧﺎ ﻣﺶ ﻛﺪﻩ
- ﺗﺎﻣﺮ ﻭﻫﻮ ﻳﻀﻊ ﻳﺪﻩ ﻋﻠﻰ ﻃﺮﻑ ﺫﻗﻨﻬﺎ : ﻓﻲ ﺍﻳﻪ ﻳﺎ ﺣﻠﻮﺓ ﻣﺎ ﺗﻔﻜﻴﻬﺎ ﺷﻮﻳﺔ ؟
- ﻧﻴﺮﺓ ﻭﻫﻲ ﺗﺼﻔﻌﻪ : ﻧﺰﻝ ﺍﻳﺪﻙ ﻣﻦ ﻋﻠﻴﺎ ! ﻃﺎﺍﺍﺍﺍﺍﺍﺥ
- ﻧﺴﻤﺔ ﺑﺤﺪﺓ : ﺍﻧﺘﻲ ﺍﺗﺠﻨﻨﻲ ؟؟
- ﻫﺎﻟﺔ : ﺍﺯﺍﻱ ﺗﻌﻤﻠﻲ ﻛﺪﻩ ؟؟؟
- ﺗﺎﻣﺮ : ﺑﺲ ﺧﻼﺹ .. ﻣﺎﻓﻴﺶ ﺣﺎﺟﺔ
- ﻧﺴﻤﺔ : ﺃﻧﺎ ﻏﻠﻄﺎﻧﺔ ﺍﻧﻲ ﺣﺎﻭﻟﺖ ﺃﺧﻠﻴﻜﻲ ﺻﺎﺣﺒﺘﻲ
- ﻧﻴﺮﺓ : ﺗﻐﻮﺭ ﺍﻟﺼﺤﻮﺑﻴﺔ ﺍﻟﻠﻲ ﺑﺎﻟﺸﻜﻞ ﺩﻩ ، ﺃﻧﺎ ﻣﺶ ﻋﺎﻭﺯﺍﻫﺎ
- ﺗﺎﻣﺮ : ﺍﻫﺪﻭﺍ ﻳﺎ ﺟﻤﺎﻋﺔ ، ﻣﺶ ﻫﺘﺘﺨﺎﻧﻘﻮﺍ ﻋﺸﺎﻧﻲ
- ﻧﻴﺮﺓ : ﺍﻧﺖ ﻣﻴﻦ ﺃﺻﻼً ﻋﺸﺎﻥ ﺍﺗﺨﺎﻧﻖ ﻋﺸﺎﻧﻚ ، ﺃﻧﺎ ﻣﺎﺷﻴﺔ
- ﻣﻲ : ﻓﻲ ﺩﺍﻫﻴﺔ
- ﻫﺎﻟﺔ : ﺍﻳﺎﻛﺶ ﺗﻮﻟﻌﻲ ، ﺣﺮﻗﺘﻲ ﺩﻣﻨﺎ
- ﻧﺴﻤﺔ : ﻣﺎﺷﻲ ﻳﺎ ﻧﻴﺮﺓ
- ﺗﺎﻣﺮ : ﺍﻧﺖ ﻫُﺒﻞ ، ﺍﺯﺍﻱ ﺗﺨﻠﻮﻫﺎ ﺗﻤﺸﻲ
- ﻧﺴﻤﺔ : ﺍﻧﺖ ﻣﺶ ﺷﺎﻳﻒ ﻋﻤﻠﺖ ﺍﻳﻪ ﻓﻴﻚ ؟؟؟
- ﺗﺎﻣﺮ : ﺍﻟﻘﻠﻢ ﻫﺪﻓﻌﻬﻮﻟﻬﺎ ﻋﺸﺮﺓ ، ﺑﺲ ﻻﺯﻡ ﺗﺒﻘﻰ ﻣﻌﺎﻧﺎ
ﺃﺳﺮﻉ ﺗﺎﻣﺮ ﺧﻠﻒ ﻧﻴﺮﺓ ﻣﺤﺎﻭﻻً ﺍﻟﺤﺪﻳﺚ ﺇﻟﻴﻬﺎ ﻭ ...
- ﺗﺎﻣﺮ : ﺍﺳﺘﻨﻲ ﺑﺲ ﻳﺎ ﻧﻴﺮﺓ
- ﻧﻴﺮﺓ ﺑﺤﺪﺓ : ﺍﺑﻌﺪ ﻋﻨﻲ ﺑﺪﻝ ﻣﺎ ﺃﺻﻮﺕ ﻭﺃﻟﻢ ﻋﻠﻴﻚ ﺍﻟﻨﺎﺱ
- ﺗﺎﻣﺮ : ﺧﻼﺹ ، ﻣﺎﻓﻴﺶ ﺩﺍﻋﻲ ، ﺃﻧﺎ ﻋﺎﻭﺯﻙ ﺑﺲ ﺗﺴﻤﻌﻴﻨﻲ
- ﻧﻴﺮﺓ ﺑﻨﻔﺎﺫ ﺻﺒﺮ : ﺃﻧﺎ ﺃﺣﺴﻦ ﺣﺎﺟﺔ ﺃﻋﻤﻠﻬﺎ ﺇﻧﻲ ﺃﺑﻌﺪ ﻋﻦ ﺧﻠﻘﺘﻚ
ﻗﺮﺭﺕ ﻧﻴﺮﺓ ﺃﻥ ﺗﻌﺒﺮ ﺍﻟﺸﺎﺭﻉ ﺍﻟﻤﺰﺩﺣﻢ ﺑﺎﻟﺴﻴﺎﺭﺍﺕ ﺩﻭﻥ ﺃﻥ ﺗﻨﻈﺮ ﺍﻻﺷﺎﺭﺓ ﺣﺘﻰ ﺗﺒﺘﻌﺪ ﻋﻦ ﺫﻟﻚ ﺍﻟﻤﺪﻋﻮ ﺗﺎﻣﺮ ﻭﻓﺠــــﺄﺓ ....... !!
.............................
ﻓﻲ ﺷﺮﻛﺔ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،،
ﺃﻭﺻﻞ ﻣﺠﺪﻱ ﻓﺎﻃﻴﻤﺎ ﺇﻟﻰ ﻣﻘﺮ ﺷﺮﻛﺔ ﺍﻟﻨﻘﻴﺐ ﺣﻴﺚ ﻳﻮﺟﺪ ﻭﺍﻟﺪﻫﺎ ، ﻭﻗﺒﻞ ﺃﻥ ﺗﺮﺣﻞ ﻓﺎﻃﻴﻤﺎ ﺃﺧﺒﺮﻫﺎ ﺍﻟﺴﺎﺋﻖ ﻣﺠﺪﻱ ﺑـ ...
- ﻣﺠﺪﻱ : ﺑﻘﻮﻟﻚ ﺍﻳﻪ ﻳﺎ ﻃﻤﻄﻢ
- ﻓﺎﻃﻴﻤﺎ : ﺍﻳﻮﻩ ﻳﺎ ﻋﻤﻮ
- ﻣﺠﺪﻱ : ﻣﺘﻘﻮﻟﻴﺶ ﻟﺒﺎﺑﺎ ﻭﻻ ﻟﻤﺎﻣﺎ ﺍﻧﻲ ﺧﻠﻴﺘﻚ ﺗﺴﻮﻗﻲ ﺍﻟﻌﺮﺑﻴﺔ
- ﻓﺎﻃﻴﻤﺎ : ﻟﻴﻪ ؟؟
- ﻣﺠﺪﻱ : ﺁﺁﺁ ... ﻷﺣﺴﻦ ﻳﺰﻋﻘﻮﻟﻚ ﻭﻣﺘﺮﻛﺒﻴﺶ ﻣﻌﺎﻳﺎ ﺍﻟﻌﺮﺑﻴﺔ ﺗﺎﻧﻲ
- ﻓﺎﻃﻴﻤﺎ : ﻫﺎﻩ
- ﻣﺠﺪﻱ : ﻭﺑﻌﺪﻳﻦ ﺩﻩ ﻫﻴﺒﻘﻰ ﺳﺮﻧﺎ ﺍﻟﺼﻐﻴﺮ ، ﻣﺶ ﺍﻧﺘﻲ ﺷﻄﻮﺭﺓ ﻭﺑﺘﺴﻤﻌﻲ ﺍﻟﻜﻼﻡ
- ﻓﺎﻃﻴﻤﺎ : ﺍﻳﻮﻩ
- ﻣﺠﺪﻱ : ﻭﺃﻧﺎ ﻛﻞ ﻣﺮﺓ ﻫﺎﺧﻠﻴﻜﻲ ﺗﺴﻮﻗﻲ ﻓﻴﻬﺎ ﻭﺍﺟﻴﺒﻠﻚ ﺷﻴﻜﻮﻻﺗﻪ ﻭﺣﺎﺟﺎﺕ ﺣﻠﻮﺓ ﻛﺘﻴﺮ ﺑﺲ ﻣﺘﻘﻮﻟﻴﺶ ﻟﺤﺪ
- ﻓﺎﻃﻴﻤﺎ : ﻃﻴﺐ
- ﻣﺠﺪﻱ : ﻫﺎﺗﻲ ﺑﻘﻰ ﺑﻮﺳﺔ ﻟﻌﻤﻮ
- ﻓﺎﻃﻴﻤﺎ ﻭﻫﻲ ﺗﻘﺒﻞ ﺧﺪﻩ : ﻣﻮﻭﻭﻩ ، ﺑﺎﻱ ﻳﺎ ﻋﻤﻮ
- ﻣﺠﺪﻱ : ﺑﺎﻱ ﻳﺎ ﺣﻠﻮﺓ ..
.........
ﻛﺎﻥ ﺻﻼﺡ ﻳﻨﺘﻈﺮ ﻭﺻﻮﻝ ﺍﺑﻨﺘﻪ ﻓﻲ ﺍﻻﺳﺘﻘﺒﺎﻝ ﺍﻟﺨﺎﺹ ﺑﺎﻟﺸﺮﻛﺔ ﻭﻣﺎ ﺇﻥ ﺩﻟﻔﺖ ﺣﺘﻰ ﺣﻀﻨﻬﺎ ﻭﺣﻤﻠﻬﺎ ﺑﻴﻦ ﺫﺭﺍﻋﻴﻪ ﻭ ..
- ﺻﻼﺡ : ﻃﻤﻄﻢ ﺣﺒﻴﺒﺘﻲ ، ﺍﻧﺘﻲ ﻛﻮﻳﺴﺔ
- ﻓﺎﻃﻴﻤﺎ : ﺍﻳﻮﻩ
- ﺻﻼﺡ : ﺍﻳﻪ ﺍﻟﻠﻲ ﺣﺼﻞ ﻓﻲ ﺍﻟﻤﺪﺭﺳﺔ
- ﻓﺎﻃﻴﻤﺎ : ﺃﻧﺎ ﺩﺧﻠﺖ ﺍﻟﺤﻤﺎﻡ ﻻﻗﻴﺘﻲ ﺍﺗﻌﻮﺭﺕ ﻣﻦ ﻏﻴﺮ ﻣﺎ ﺃﻋﻤﻞ ﺣﺎﺟﺔ
- ﺻﻼﺡ : ﻫـــﺎﻩ
- ﻓﺎﻃﻴﻤﺎ ﻣﻜﻤﻠﺔ : ﻭﺭﻭﺣﺖ ﻋﻨﺪ ﺍﻟﺪﻛﺘﻮﺭﺓ ﻗﺎﻟﺘﻲ ﺍﻧﺘﻲ ﻛﺒﻴﺮﺓ ﻭﺟﺎﺑﺘﻠﻲ ﺑﺴﻜﻮﺕ ، ﺑﺲ ﻣﺶ ﻓﺎﻫﻤﺔ ﻟﻴﻪ ، ﻭﺍﻟﺪﺍﺩﺓ ﺣﻄﺖ ﻓﻮﻃﺔ ﻟﻴﺎ
- ﺻﻼﺡ ﺿﺎﺣﻜﺎً : ﺍﺣﻢ ﻫﻬﻬﻬﻬﻬﻬﻬﻪ .. ﻋﺸﺎﻥ ﺍﻧﺘﻲ ﻗﻤﺮ
- ﻓﺎﻃﻴﻤﺎ : ﺑﺠﺪ
- ﺻﻼﺡ : ﺃﻳﻮﻩ ﻳﺎ ﺣﺒﻴﺒﺔ ﺑﺎﺑﺎ ...
- ﺻﻼﺡ ﻓﻲ ﻧﻔﺴﻪ : ﻛﻞ ﺩﻩ ﻓﺎﻃﻤﺔ ﻣﺶ ﻓﻲ ﺍﻟﺒﻴﺖ ، ﻋﻤﺎﻝ ﺃﻃﻠﺒﻬﺎ ﻣﻦ ﺑﺪﺭﻱ ﻭﻫﻲ ﻣﺎﺻﺪﻗﺖ ﺗﻨﺰﻝ ، ﻭﺍﻛﻴﺪ ﺯﻱ ﻋﻮﺍﻳﺪﻫﺎ ﺳﺎﻳﺒﺔ ﺍﻟﻤﻮﺑﺎﻳﻞ ﺑﺘﺎﻋﻬﺎ ﻓﻲ ﺍﻟﺒﻴﺖ ! ﺍﺳﺘﺮ ﻳﺎﻟﻠﻲ ﺑﺘﺴﺘﺮ
- ﻓﺎﻃﻴﻤﺎ : ﺑﺎﺑﺎ ﻫﻮ ﺩﻩ ﺍﻟﺸﻐﻞ ﺑﺘﺎﻋﻚ
- ﺻﻼﺡ : ﻷ ﻳﺎ ﺣﺒﻴﺒﺘﻲ ، ﺑﺼﻲ ﺍﻧﺘﻲ ﻫﺎﺗﻘﻌﺪﻱ ﻫﻨﺎ ، , ﺍﻧﺎ 5 ﺩﻗﺎﻳﻖ ﻭﻫﺎﺧﻠﺺ ﻭﻧﺮﻭﺡ ﺳﻮﺍ
- ﻓﺎﻃﻴﻤﺎ : ﻣﺎﺷﻲ
- ﺻﻼﺡ : ﺍﻭﻋﻲ ﺗﻌﻤﻠﻲ ﺷﻘﺎﻭﺓ
- ﻓﺎﻃﻴﻤﺎ : ﺣﺎﺿﺮ ﻳﺎ ﺑﺎﺑﺎ
............................
ﻓﻲ ﺳﻴﺎﺭﺓ ﻳﻮﺳﻒ ،،،،،
ﻛﺎﻧﺖ ﻧﺪﻯ ﻗﺪ ﺑﺪﺃﺕ ﺗﺴﺘﻌﻴﺪ ﻭﻋﻴﻬﺎ ﺗﺪﺭﻳﺠﻴﺎً ﻭ ..
- ﻧﺪﻯ : ﺁﺁﺁﺁﻩ
- ﻳﻮﺳﻒ : ﺍﻃﻤﻨﻲ ، ﺍﺣﻨﺎ ﺷﻮﻳﺔ ﻭﻫﻨﻮﺻﻞ ﺍﻟﻤﺴﺘﺸﻔﻰ
- ﻧﺪﻯ : ﺍﻧﺎ ... ﺃﻧﺎ ﻓﻴﻦ ؟
- ﻳﻮﺳﻒ : ﺍﻧﺘﻲ ﺩﻭﺧﺘﻲ ، ﻭﺃﻧﺎ ﺣﺎﻭﻟﺖ ﺃﻓﻮﻗﻚ ﻭﻣﻌﺮﻓﺘﺶ ، ﻓﺨﺪﺗﻚ ﻓﻲ ﻋﺮﺑﻴﺘﻲ ﻭﺭﺍﻳﺤﻴﻦ ﻉ ﺍﻟﻤﺴﺘﺸﻔﻰ
- ﻧﺪﻯ ﺑﻔﺰﻉ : ﻫﻪ .. ﻋﺮﺑﻴﺘﻚ
- ﻳﻮﺳﻒ : ﺍﻳﻮﻩ
- ﻧﺪﻯ : ﻭﻗﻒ ﺍﻟﻌﺮﺑﻴﺔ
- ﻳﻮﺳﻒ : ﻧﻌﻢ ؟
- ﻧﺪﻯ : ﺑﻘﻮﻟﻚ ﻭﻗﻒ ﺍﻟﻌﺮﺑﻴﺔ ﺣﺎﻻً
- ﻳﻮﺳﻒ : ﻟﻴﻪ ﻓﻲ ﺍﻳﻪ ؟؟؟ ﻉ ﻓﻜﺮﺓ ﺃﻧﺎ ﻣﺶ ﻫﺎﺧﻄﻔﻚ
- ﻧﺪﻯ : ﺩﻱ ﺃﺧﺮﺕ ﺍﻟﻠﻲ ﻳﻌﻤﻞ ﺧﻴﺮ ﺃﺻﻼً ، ﻳﺎ ﺭﺗﻨﻲ ﻣﺎ ﺭﻭﺣﺖ ﺍﺗﺒﺮﻋﺖ ﺑﺎﻟﺪﻡ ، ﻣﻜﻨﺶ ﺩﻩ ﺣﺼﻠﻲ
- ﻳﻮﺳﻒ : ﺍﻧﺘﻲ ﻟﻴﻪ ﻋﻤﻼﻫﺎ ﻣﺸﻜﻠﺔ ، ﻣﺎﻓﻴﺶ ﺣﺎﺟﺔ ﻛﺒﻴﺮﺓ ﻟﻜﻞ ﺩﻩ
- ﻧﺪﻯ : ﻷ ﻓﻲ .. ﻟﻮ ﺳﻤﺤﺖ ﻭﺑﻌﺪ ﺍﺫﻧﻚ ﻣﻤﻜﻦ ﺗﻮﻗﻒ ﺍﻟﻌﺮﺑﻴﺔ ، ﺃﻧﺎ ﺑﻘﻴﺖ ﻛﻮﻳﺴﺔ
- ﻳﻮﺳﻒ : ﺃﺳﻒ ﻣﺶ ﻫﺎﻗﺪﺭ
- ﻧﺪﻯ : ﺍﻳﻴﻴﻪ ؟؟؟
- ﻳﻮﺳﻒ : ﻣﻌﻠﺶ ﺃﻧﺎ ﻫﺮﺟﻌﻚ ﺍﻟﻜﻠﻴﺔ ﺗﺎﻧﻲ ﻭﺍﻧﺘﻲ ﺣﺮﺓ ﺑﻌﺪ ﻛﺪﻩ ، ﻟﻜﻦ ﻣﺶ ﻫﺎﺳﻴﺒﻚ ﻓﻲ ﺍﻟﺸﺎﺭﻉ ﻟﻮﺣﺪﻙ ، ﻻ ﻗﺪﺭ ﺍﻟﻠﻪ ﻳﺤﺼﻠﻚ ﺣﺎﺟﺔ ، ﺃﺷﻴﻞ ﺍﻧﺎ ﺫﻧﺒﻚ !
- ﻧﺪﻯ : ﻣﻦ ﻓﻀﻠﻚ ﻭﻗﻒ ﺍﻟﻌﺮﺑﻴﺔ
- ﻳﻮﺳﻒ : ﻣﺶ ﻫﺎﻳﺤﺼﻞ ﺇﻻ ﺍﻥ ﻛﻨﺘﻲ ﻋﺎﻭﺯﺍﻧﻲ ﺃﻭﺻﻠﻚ ﺑﻴﺘﻚ ، ﻭﻓﻲ ﺍﻟﺤﺎﻟﺔ ﺩﻱ ﺃﻧﺎ ﻣﻌﻨﺪﻳﺶ ﻣﺎﻧﻊ
- ﻧﺪﻯ ﺑﺨﻀﺔ : ﺑﻴﺖ ﺍﻳﻴﻴﻪ !! ﻷ ﺧﻼﺹ ﺭﺟﻌﻨﻲ ﺍﻟﻜﻠﻴﺔ
- ﻳﻮﺳﻒ : ﺍﻭﻙ
ﻇﻠﺖ ﻧﺪﻯ ﺻﺎﻣﺘﺔ ﻭﻣﺘﻮﺗﺮﺓ ﻭﻫﻲ ﺟﺎﻟﺴﺔ ﺑﺠﻮﺍﺭ ﻳﻮﺳﻒ ، ﺗﺤﺎﻭﻝ ﺃﻻ ﺗﻨﻈﺮ ﺇﻟﻴﻪ ﺃﺑﺪﺍً ﻭﺗﺮﻛﺰ ﻓﻘﻂ ﻓﻴﻤﺎ ﺃﻣﺎﻣﻬﺎ ﻭﺗﺸﻌﺮ ﻛﺄﻧﻬﺎ ﺍﺭﺗﻜﺒﺖ ﺟﺮﻳﻤﺔ ﻭﻛﻞ ﺍﻟﻨﺎﺱ ﺗﻠﻮﻣﻬﺎ ﻋﻠﻴﻪ ...
ﺣﺎﻭﻝ ﻳﻮﺳﻒ ﺃﻥ ﻳﻜﺴﺮ ﺣﺎﺟﺰ ﺍﻟﺼﻤﺖ ﻭ ...
- ﻳﻮﺳﻒ : ﻋﻠﻰ ﻓﻜﺮﺓ ﺃﻧﺎ ﺍﺳﻤﻲ ﻳﻮﺳﻒ
- ﻧﺪﻯ : ....................
- ﻳﻮﺳﻒ : ﺃﻛﻴﺪ ﺍﻧﺘﻲ ﺗﺴﻤﻌﻲ ﻋﻨﻲ ، ﺃﺷﻬﺮ ﻭﺍﺣﺪ ﻓﻲ ﺍﻟﻜﻠﻴﺔ ﻭﻛﻤﺎﻥ ﻣﻦ ﺍﻗﺪﻣﻬﻢ
- ﻧﺪﻯ : ﺍﻭﻭﻑ
- ﻳﻮﺳﻒ : ﺍﻧﺘﻲ ﺑﻘﻰ ﺍﺳﻤﻚ ﺍﻳﻪ ؟
- ﻧﺪﻯ : ....................
- ﻳﻮﺳﻒ : ﺃﻧﺎ ﺑﻜﻠﻤﻚ ﻋﻠﻰ ﻓﻜﺮﺓ
- ﻧﺪﻯ : ﻭﺃﻧﺎ ﻣﺶ ﻋﺎﻭﺯﺓ ﺃﺗﻜﻠﻢ
- ﻳﻮﺳﻒ : ﻃﺐ ﺑﺼﻴﻠﻲ ﺣﺘﻰ ﻭﺃﻧﺎ ﺑﻜﻠﻤﻚ
- ﻧﺪﻯ : ﻷ .. ﻭﻣﻦ ﻓﻀﻞ ﺣﻀﺮﺗﻚ ﺗﺮﻛﺰ ﻓﻲ ﺍﻟﺴﻮﺍﻗﺔ ﻭﺗﺒﺺ ﻗﺪﺍﻣﻚ
- ﻳﻮﺳﻒ ﺑﺎﺳﺘﻐﺮﺍﺏ : ﺣﻀﺮﺗﻲ ... ﻃﻴﺐ
- ﻧﺪﻯ ﻓﻲ ﻧﻔﺴﻬﺎ : ﻳﺎ ﺭﺏ ﺳﺎﻣﺤﻨﻲ ﻉ ﺍﻟﻠﻲ ﺣﺼﻞ ﺩﻩ ، ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ﻳﺎ ﺭﺏ ، ﺃﻧﺎ ﺍﺻﻼً ﻣﻜﻮﻧﺘﺶ ﻓﻲ ﻭﻋﻴﻲ ﻭﻻ ﻛﻨﺖ ﺃﻓﻜﺮ ﺍﻥ ﻣﻤﻜﻦ ﻳﺤﺼﻞ ﺩﻩ ، ﻳﺎ ﺭﺏ ﺃﺭﺟﻊ ﺑﺲ ﺍﻟﻜﻠﻴﺔ ﻭﻣﻌﺪﺗﺶ ﻫﻴﺒﻘﺎﻟﻲ ﺩﻋﻮﺓ ﺑﺄﻱ ﺣﺪ
- ﻳﻮﺳﻒ ﻓﻲ ﻧﻔﺴﻪ : ﻏﺮﻳﺒﺔ ﺍﻭﻱ ﺍﻟﺒﺖ ﺩﻱ .. ﺃﻧﺎ ﺃﻭﻝ ﻣﺮﺓ ﺃﺻﺎﺩﻑ ﻓﻲ ﺣﻴﺎﺗﻲ ﻭﺍﺣﺪﺓ ﺑﺎﻟﺸﻜﻞ ﺩﻩ ، ﻋﺎﺩﺓ ﺍﻟﺒﻨﺎﺕ ﻣﺎﺑﻴﺼﺪﻗﻮﺍ ﺍﻥ ﻭﺍﺣﺪ ﻳﻘﻒ ﻣﻌﺎﻫﻢ ، ﻭﺧﺼﻮﺻﺎً ﻟﻤﺎ ﺃﻛﻮﻥ ﺍﻧﺎ ، ﻟﻜﻦ ﻫﻲ ﻣﺶ ﻃﻴﻘﺎﻧﻲ ﻭﻻ ﻃﺎﻳﻘﺔ ﻧﻔﺴﻬﺎ ﻭﻻ ﺃﻱ ﺣﺎﺟﺔ
.....................
ﺃﺣﻀﺮ ﻣﺮﻭﺍﻥ ﺍﻟﻄﻌﺎﻡ ، ﺛﻢ ﺍﺗﺠﻪ ﻋﺎﺋﺪﺍً ﻟﻠﻜﻠﻴﺔ ﻣﻦ ﻃﺮﻳﻖ ﻣﺨﺘﺼﺮ ﻟﻴﺘﺠﻨﺐ ﺍﻟﺰﺣﺎﻡ ، ﻭﻓﻲ ﻧﻔﺲ ﺍﻟﺘﻮﻗﻴﺖ ﻗﺮﺭﺕ ﻧﻴﺮﺓ ﺃﻥ ﺗﻌﺒﺮ ﺍﻟﺸﺎﺭﻉ ﺍﻟﻤﺰﺩﺣﻢ ﺑﺎﻟﺴﻴﺎﺭﺍﺕ ﺩﻭﻥ ﺃﻥ ﺗﻨﺘﻈﺮ ﺍﻻﺷﺎﺭﺓ ﺣﺘﻰ ﺗﺒﺘﻌﺪ ﻋﻦ ﺫﻟﻚ ﺍﻟﻤﺪﻋﻮ ﺗﺎﻣﺮ ، ﻭﻓﺠــــﺄﺓ ﻇﻬﺮﺕ ﺃﻣﺎﻣﻬﺎ ﺳﻴﺎﺭﺓ ﻣﻦ ﺣﻴﺚ ﻻ ﺗﺪﺭﻱ ﻛﺎﻧﺖ ﻋﻠﻰ ﻭﺷﻚ ﺃﻥ ﺗﺼﻄﺪﻡ ﺑﻬﺎ ، ﻭﻟﻜﻦ ﺃﻭﻗﻔﻬﺎ ﺳﺎﺋﻘﻬﺎ ﻓﻲ ﺃﺧﺮ ﻟﺤﻈﺔ ﻭﺍﺻﻄﺪﻡ ﺑﺎﻟﺮﺻﻴﻒ ﺛﻢ ﺗﺮﺟﻞ ﻣﻨﻬﺎ ﻟﻴﻄﻤﺄﻥ ﻋﻠﻰ ﺍﻟﺴﻴﺎﺭﺓ ، ﺑﻴﻨﻤﺎ ﺗﻌﺜﺮﺕ ﻧﻴﺮﺓ ﻣﻦ ﺍﻟﺨﻀﺔ ﻭﻭﻗﻌﺖ ﻋﻠﻰ ﺍﻟﺮﺻﻴﻒ ﻭ ..........
- ﺗﺎﻣﺮ : ﺍﺳﺘﻨــــــــﻲ !
- ﻧﻴﺮﺓ ﺑﺨﻀﺔ : ﻫــــــــــﺎﻩ
- ﻣﺮﻭﺍﻥ : ﺍﻭﻭﻭﻭﺑﺎ ، ﺩﻱ ﻃﻠﻌﺖ ﻣﻨﻴﻦ ﺩﻱ !!
ﻃﺮﺍﺍﺍﺍﺥ ...
- ﺗﺎﻣﺮ ﺑﺼﻮﺕ ﻫﺎﻣﺲ : ﺍﻭﻭﻑ ، ﺩﻱ ﺣﺎﺩﺛﺔ ﺃﻣﺎ ﺃﺧﻠﻊ ﺃﻧﺎ ﺑﺪﻝ ﻣﺎ ﺍﺩﺑﺲ ﻭﺍﻟﻌﻴﻦ ﺗﻔﺘﺢ ﻋﻠﻴﺎ !!!
- ﻧﻴﺮﺓ : ﻫــــﻪ
- ﻣﺮﻭﺍﻥ ﻭﻫﻮ ﻳﺘﻔﺤﺺ ﺍﻟﺴﻴﺎﺭﺓ : ﻳﺎ ﺩﻳﻦ ﺍﻟﻨﺒﻲ ، ﺍﻟﻮﺵ ﺍﺗﺒﻬﺪﻝ ﻉ ﺍﻷﺧﺮ !!!!
- ﻧﻴﺮﺓ ﻭﻫﻲ ﺗﻨﻔﺾ ﻧﻔﺴﻬﺎ ﻣﻦ ﺍﻟﺘﺮﺍﺏ : ﻣﺶ ﺗﺤﺎﺳﺐ ﻳﺎ ﺃﺥ ، ﻓﻲ ﺑﻨﻲ ﺁﺩﻣﻴﻦ ﺑﺘﻌﺪﻱ ﺍﻟﺸﺎﺭﻉ ﺩﻩ ﻣﺶ ﻗﻄﻂ ﻋﺸﺎﻥ ﺗﺪﻭﺳﻬﺎ
- ﻣﺮﻭﺍﻥ : ﺍﻓﻨﺪﻡ ؟؟ ﺍﻧﺘﻲ ﺑﺘﻜﻠﻤﻴﻨﻲ ﺃﻧﺎ ؟؟
- ﻧﻴﺮﺓ : ﺍﻳﻮﻩ
- ﻣﺮﻭﺍﻥ : ﺍﻧﺘﻲ ﻣﺶ ﻭﺍﺧﺪﺓ ﺑﺎﻟﻚ ﺍﻧﻲ ﺃﻧﺎ ﺿﺤﻴﺖ ﺑﺎﻟﻌﺮﺑﻴﺔ ﻋﺸﺎﻥ ﻣﺪﻭﺳﺶ ﺳﻴﺎﺩﺗﻚ
- ﻧﻴﺮﺓ : ﻭﺍﻟﻠﻪ ﺩﻩ ﺍﻟﻠﻲ ﺍﻟﻤﻔﺮﻭﺽ ﺗﻌﻤﻠﻪ
- ﻣﺮﻭﺍﻥ : ﺣﻀﺮﺗﻚ ﺩﻱ ﺍﺷﺎﺭﺗﻲ ، ﻳﻌﻨﻲ ﺃﻧﺎ ﺍﻟﻠﻲ ﺃﻋﺪﻱ ﻣﺶ ﺍﻧﺘﻲ
- ﻧﻴﺮﺓ : ﺍﻳﻮﻩ ﺍﺗﺤﺠﺞ ﺍﺗﺤﺠﺞ ﺑﺎﻻﺷﺎﺭﺓ ﻋﺸﺎﻥ ﺗﺪﺍﺭﻱ ﺍﻧﻚ ﻣﺎ ﺑﺘﻌﺮﻓﺶ ﺗﺴﻮﻕ ، ﻋﺎﻟﻢ ﻣﻌﻨﺪﻫﺎﺵ ﻻ ﺃﺧﻼﻕ ﻭﻻ ﺿﻤﻴﺮ !
- ﻣﺮﻭﺍﻥ : ﺩﻩ ﺍﻟﻠﻲ ﻫﻮ ﺃﻧﺎ ؟؟؟
- ﻧﻴﺮﺓ ﺑﻀﻴﻖ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ، ﻫﻮ ﺍﻟﻴﻮﻡ ﺑﺎﻳﻦ ﻣﻦ ﺃﻭﻟﻪ ، ﺩﻱ ﻧﺘﻴﺠﺔ ﺍﻥ ﺍﻟﻮﺍﺣﺪ ﻳﻜﺪﺏ
- ﻣﺮﻭﺍﻥ : ﺍﻧﺘﻲ ﺑﺘﻜﻠﻤﻴﻨﻲ ؟
- ﻧﻴﺮﺓ : ﻷ ﺑﻜﻠﻢ ﻧﻔﺴﻲ ﻋﻨﺪﻙ ﻣﺎﻧﻊ
- ﻣﺮﻭﺍﻥ : ﻷ
- ﻧﻴﺮﺓ ﻭﻗﺪ ﺑﺪﺃﺕ ﻓﻲ ﺍﻻﺑﺘﻌﺎﺩ ﻟﻨﻔﺴﻬﺎ : ﺍﻧﺎ ﻣﻌﻨﺘﺶ ﻫﺎﻛﺪﺏ ﺗﺎﻧﻲ ﻉ ﻣﺎﻣﺎ ، ﺍﻟﺤﻤﺪ ﻟﻠﻪ ﺍﻥ ﺭﺑﻨﺎ ﺳﺘﺮﻫﺎ ﻣﻌﺎﻳﺎ ، ﺑﻨﺎﻗﺺ ﻣﻦ ﺩﻭﻝ ﺃﺻﺤﺎﺏ ، ﺍﻧﺎ ﻛﻨﺖ ﻣﻔﻜﺮﺍﻫﻢ ﺣﺎﺟﺔ ﻋﺪﻟﺔ ﻃﻠﻮﺍ ﻭﻻ ﺣﺎﺟﺔ
- ﻣﺮﻭﺍﻥ ﻭﻫﻮ ﻳﺤﺎﻭﻝ ﺍﻟﻠﺤﺎﻕ ﺑﻬﺎ : ﺍﺳﺘﻨﻲ ﺍﺳﺘﻨﻲ ، ﺍﻧﺘﻲ ﻫﺎﺗﻤﺸﻲ !
- ﻧﻴﺮﺓ : ﻧﻌﻢ ﻳﺎ ﺣﻀﺮﺕ
- ﻣﺮﻭﺍﻥ : ﺍﻧﺘﻲ ﻣﺶ ﺷﺎﻳﻔﺔ ﺍﻥ ﻭﺵ ﺍﻟﻌﺮﺑﻴﺔ ﺍﺗﺒﻬﺪﻝ
- ﻧﻴﺮﺓ : ﻭﺍﻟﻤﻄﻠﻮﺏ ؟
- ﻣﺮﻭﺍﻥ : ﻣﻴﻦ ﺣﻀﺮﺗﻚ ﻫﻴﺼﻠﺢ ﺍﻷﺿﺮﺍﺭ ﺩﻱ
- ﻧﻴﺮﺓ : ﻣﻌﺮﻓﺶ
- ﻣﺮﻭﺍﻥ : ﻭﺍﻟﻠﻪ ﺍﻟﻠﻲ ﻏﻠﻂ ﺍﻟﻤﻔﺮﻭﺽ ﻳﺘﺤﻤﻞ ﺩﻩ
- ﻧﻴﺮﺓ : ﺃﻫـــﺎ .. ﻗﻮﻟﺘﻠﻲ ، ﻳﺒﻘﻰ ﻳﻌﻮﺽ ﻋﻠﻴﻚ ﺭﺑﻨﺎ ، ﻭﺍﺑﻌﺪ ﺍﻧﺖ ﺍﻟﺘﺎﻧﻲ ﺑﺪﻝ ﻣﺎ ﺃﺻﻮﺕ ﻭﺃﻗﻮﻝ ﺑﺘﻌﺎﻛﺴﻨﻲ
- ﻣﺮﻭﺍﻥ ﺑﺼﺪﻣﺔ : ﻧﻌﻢ ؟؟ ﺃﻋﺎﻛﺴﻚ ، ﺃﻫﻮ ﺩﻩ ﺍﻟﻠﻲ ﻛﺎﻥ ﻧﺎﻗﺺ ﺃﻋﺎﻛﺲ ﻭﺍﺣﺪﺓ ﺃﺩ ﻋﻴﺎﻟﻲ
