ﻓﻲ ﺷﺮﻛﺔ 2 Brothers ﻟﻠﻤﻘﺎﻭﻻﺕ ﻭﺃﻋﻤﺎﻝ ﺍﻟﺒﻨﺎﺀ ،،،
ﻛﺎﻥ ﻳﻮﺳﻒ ﺟﺎﻟﺴﺎُ ﻋﻠﻰ ﻣﻜﺘﺒﻪ ﺍﻟﺨﺎﺹ ﺑﺸﺮﻛﺘﻪ ﺍﻟﺘﻲ ﺃﺳﺴﻬﺎ ﻣﻊ ﻣﺮﻭﺍﻥ ﺻﺪﻳﻘﻪ ﻭﺷﻘﻴﻖ ﻋﻤﺮﻩ ﺍﻟﻮﺣﻴﺪ ﻳﺘﺎﺑﻊ ﺃﺣﺪﺙ ﺍﻻﺻﺪﺍﺭﺍﺕ ﺍﻟﺨﺎﺻﺔ ﺑﻤﻌﺪﺍﺕ ﺍﻟﺒﻨﺎﺀ ﻋﺒﺮ ﺷﺎﺷﺔ ﺍﻟﺤﺎﺳﻮﺏ .. ﻇﻞ ﻳﺘﺎﺑﻊ ﺑﻌﻴﻨﻴﻪ ﺃﺧﺮ ﺍﻟﻤﺴﺘﺠﺪﺍﺕ ، ﺛﻢ ﺍﻟﺘﻔﺖ ﺇﻟﻰ ﺟﻮﺍﺭﻩ ﻟﻴﻨﻈﺮ ﻓﻲ ﺑﻌﺾ ﺍﻟﻤﻠﻔﺎﺕ ﺍﻟﻤﻮﺿﻮﻋﺔ ﻋﻠﻰ ﻣﻜﺘﺒﻪ ...
ﺃﻣﺴﻚ ﻳﻮﺳﻒ ﺑﺄﺣﺪ ﺍﻟﻤﻠﻔﺎﺕ ﺍﻟﻤﻐﻠﻘﺔ، ﺛﻢ ﺑﺪﺃ ﻓﻲ ﻓﺘﺤﻬﺎ ﻭﺍﻻﻃﻼﻉ ﻋﻠﻴﻬﺎ ﻭﻫﻮ ﻋﺎﻗﺪ ﺣﺎﺟﺒﻴﻪ ، ﻣﺎﻫﻲ ﺇﻻ ﻟﺤﻈﺎﺕ ﺛﻢ ﺗﺮﻙ ﺍﻟﻤﻠﻒ ﻭﻭﺿﻌﻪ ﺟﺎﻧﺒﺎً ﻭﺍﻣﺴﻚ ﺑﺄﺧﺮ ﻣﻮﺿﻮﻉ ﺃﺳﻔﻠﻪ ، ﻭﺍﺳﺘﻤﺮ ﻫﻜﺬﺍ ﺇﻟﻰ ﺃﻥ ﺍﻧﺘﻬﻰ ﻣﻦ ﺟﻤﻴﻊ ﺍﻟﻤﻠﻔﺎﺕ ..
ﻇﻞ ﻳﻮﺳﻒ ﻳﺰﻓﺮ ﻓﻲ ﺿﻴﻖ ، ﺛﻢ ﻧﻬﺾ ﻋﻦ ﻣﻜﺘﺒﻪ ، ﻭﺗﻮﺟﻪ ﺑﺒﺼﺮﻩ ﻧﺎﺣﻴﺔ ﻃﺎﻭﻟﺔ ﺍﻻﺟﺘﻤﺎﻋﺎﺕ ، ﻭﻟﻢ ﻳﺠﺪ ﻋﻠﻴﻬﺎ ﺃﻱ ﺷﻲﺀ ، ﺭﻓﻊ ﺳﻤﺎﻋﺔ ﺍﻟﻬﺎﺗﻒ ﻭﺍﺗﺼﻞ ﺑﺎﻟﺴﻜﺮﺗﻴﺮﺓ ﻭ ..
- ﻳﻮﺳﻒ : ﻣﺪﺍﻡ ﺭﻳﻬﺎﻡ ﻋﺎﻭﺯﻙ ﺷﻮﻳﺔ
- ﺭﻳﻬﺎﻡ : ﺣﺎﺿﺮ
ﺩﻟﻔﺖ ﺍﻟﺴﻜﺮﺗﻴﺮﺓ ﺭﻳﻬﺎﻡ ﺇﻟﻰ ﺩﺍﺧﻞ ﺍﻟﻤﻜﺘﺐ ، ﻭﺑﺪﺃ ﻳﻮﺳﻒ ﻓﻲ ﺍﻟﺤﺪﻳﺚ ﻣﻌﻬﺎ ﻭ ..
- ﻳﻮﺳﻒ ﺑﻀﻴﻖ : ﻣﻠﻒ ﻗﺮﻳﺔ ( ﺟﺮﻳﻨﻲ ﺑﺎﻟﻤﺰ ) ﻣﻮﺟﻮﺩ ﻋﻨﺪﻙ
- ﺭﻳﻬﺎﻡ : ﻷ ﻳﺎ ﻓﻨﺪﻡ ، ﻟﺴﻪ ﻣﺠﺎﺵ
- ﻳﻮﺳﻒ : ﺍﺯﺍﻱ ﻣﺠﺎﺵ ، ﺩﻩ ﻣﺮﻭﺍﻥ ﻣﺄﻛﺪ ﻋﻠﻴﻪ ﺍﻥ ﻣﺴﺘﺮ ﺟﻼﻝ ﺑﻌﺘﻪ ﻣﻦ ﺍﻣﺒﺎﺭﺡ ﻉ ﺍﻟﺸﺮﻛﺔ
- ﺭﻳﻬﺎﻡ : ﺃﻧﺎ ﺭﺍﺟﻌﺖ ﻳﺎ ﻓﻨﺪﻡ ﻛﻞ ﺍﻷﻭﺭﺍﻕ ﺍﻟﻠﻲ ﺟﺖ ، ﻭﺍﻟﺒﻮﺳﻄﺔ ﻭﻣﺎﻓﻴﺶ ﺃﻱ ﻣﻠﻒ ﻭﺻﻠﻨﻲ
- ﻳﻮﺳﻒ ﺑﻀﻴﻖ : ﻣﺎﺷﻲ ﻳﺎ ﻣﺪﺍﻡ ﺭﻳﻬﺎﻡ ، ﺃﻧﺎ ﻫﺎﺷﻮﻑ ﺍﻟﻤﻮﺿﻮﻉ ﺩﻩ ﺑﺲ ﻳﺎ ﺭﻳﺖ ﻟﻮ ﺟﺎﻟﻚ ﺍﻟﻤﻠﻒ ﻓﻲ ﺃﻱ ﻭﻗﺖ ﺗﺒﻠﻐﻴﻨﻲ ﻓﻮﺭﺍً
- ﺭﻳﻬﺎﻡ : ﺣﺎﺿﺮ
- ﻳﻮﺳﻒ : ﺗﻘﺪﺭﻱ ﺗﺘﻔﻀﻠﻲ ﺗﻜﻤﻠﻲ ﺷﻐﻠﻚ
- ﺭﻳﻬﺎﻡ : ﺗﻤﺎﻡ
ﻇﻞ ﻣﺮﻭﺍﻥ ﻳﻔﺮﻙ ﺭﺃﺳﻪ ﺑﻜﻠﺘﺎ ﻳﺪﻳﻪ ﻣﺤﺎﻭﻻً ﺗﺬﻛﺮ ﺃﻳﻦ ﻭﺿﻊ ﺍﻟﻤﻠﻒ ، ﻭﻟﻤﺎ ﻳﺄﺱ ﻣﻦ ﻫﺬﺍ ﻗﺮﺭ ﺃﻥ ﻳﻄﻠﺐ ﻣﺮﻭﺍﻥ ﻫﺎﺗﻔﻴﺎً ﻟﻴﺴﺘﻔﺴﺮ ﻣﻨﻪ ﻭ ..
- ﻳﻮﺳﻒ ﻫﺎﺗﻔﻴﺎ : ﺍﻟﻮﻭ .. ﺍﻳﻮﻩ ﻳﺎ ﻣﺎﺭﻭﻭ ، ﺍﻧﺖ ﻓﻴﻦ ؟
- ﻣﺮﻭﺍﻥ ﻭﻫﻮ ﻳﻘﻮﺩ ﺳﻴﺎﺭﺗﻪ : ﺃﻳﻮﻩ ﻳﺎ ﻋﻢ ﺟﻮﻭ .. ﺃﻧﺎ ﻣﻮﺟﻮﺩ ﻫﺎﺭﻭﺡ ﻓﻴﻦ
- ﻳﻮﺳﻒ ﺑﻨﻔﺎﺫ ﺻﺒﺮ : ﻳﻌﻨﻲ ﻓﻴﻦ ﺑﺎﻟﻈﺒﻂ ؟
- ﻣﺮﻭﺍﻥ : ﻉ ﺍﻟﻄﺮﻳﻖ ﺭﺍﺟﻊ ﻣﻦ ﺁﻟﻜﺲ
- ﻳﻮﺳﻒ : ﻳﻌﻨﻲ ﺧﻠﺼﺖ ﺍﻟﻤﺸﻜﻠﺔ ﺍﻟﻠﻲ ﻛﺎﻧﺖ ﻓﻲ ﺍﻟﺘﺼﺎﺭﻳﺢ
- ﻣﺮﻭﺍﻥ : ﻛﻠﻪ ﺗﻤﺎﻡ .. ﺃﻧﺎ ﻇﺒﻄﺖ ﺍﻟﺪﻧﻴﺎ ﻛﻠﻬﺎ ﻣﺘﻘﻠﻘﺶ ، ﻭﺃﺩﻳﻨﻲ ﺭﺍﺟﻊ
- ﻳﻮﺳﻒ : ﺃﻫﺎ .. ﻣﺎﺷﻲ ، ﻗﻮﻟﻲ ﺑﻘﻰ ﻓﻴﻦ ﻣﻠﻒ ﻗﺮﻳﺔ ﺟﺮﻳﻨﻲ ﺑﺎﻟﻤﺮﺯ ؟
- ﻣﺮﻭﺍﻥ ﺑﻌﻔﻮﻳﺔ : ﻣﺎﻫﻮ ﻋﻨﺪﻙ
- ﻳﻮﺳﻒ ﻧﺎﻓﻴﺎً : ﻷ ﻣﺶ ﻋﻨﺪﻱ ، ﺃﻧﺎ ﺩﻭﺭﺕ ﻋﻠﻴﻪ ﻭﻣﺶ ﻻﻗﻴﻪ ﻓﻲ ﺃﻱ ﺣﺘﺔ
- ﻣﺮﻭﺍﻥ ﻣﺘﻌﺠﺒﺎً : ﺍﺯﺍﻱ ، ﺩﻩ ﻣﺴﺘﺮ ﺟﻼﻝ ﻣﺄﻛﺪ ﻋﻠﻴﺎ ﺍﻧﻪ ﺑﻌﺘﻬﻮﻟﻚ ﺍﻣﺒﺎﺭﺡ
- ﻳﻮﺳﻒ : ﻣﺤﺼﻠﺶ ﻭﺍﻟﻠﻪ ، ﺩﻩ ﺍﻧﺎ ﺩﺍﻳﺦ ﻋﻠﻴﻪ
- ﻣﺮﻭﺍﻥ : ﻃﺐ ﺍﻗﻔﻞ ﻣﻌﺎﻳﺎ ﻭﺃﻧﺎ ﻫﺎﻛﻠﻤﻪ ﺃﺷﻮﻑ ﺍﻳﻪ ﺍﻟﻤﻮﺿﻮﻉ
- ﻳﻮﺳﻒ : ﻃﺐ ﻳﺎ ﺭﻳﺖ ﺗﻨﺠﺰﻟﻲ ﻓﻲ ﺍﻟﻤﻮﺿﻮﻉ ﺩﻩ ﺃﻭﺍﻡ ﻷﻧﻲ ﻋﺎﻭﺯ ﺃﺣﺪﺩ ﺍﻟﻤﻄﻠﻮﺏ ﺍﻳﻪ ﺍﻟﻨﻬﺎﺭﺩﺓ ﻋﺸﺎﻥ ﺃﻋﻤﻞ ﻃﻠﺐ ﺷﺮﺍﺀ ﻭﺍﺟﻬﺰ ﻛﻞ ﺣﺎﺟﺔ
- ﻣﺮﻭﺍﻥ : ﺣﺎﺿﺮ ، ﺍﺩﻳﻨﻲ ﺑﺲ 10 ﺩﻗﺎﻳﻖ ﺃﻛﻠﻤﻪ ﻭﺍﻃﻠﺒﻚ ﺑﻌﺪﻫﺎ
- ﻳﻮﺳﻒ : ﺍﻭﻙ
.................
ﺃﻧﻬﻰ ﻳﻮﺳﻒ ﻣﻜﺎﻟﻤﺘﻪ ﺍﻟﻬﺎﺗﻔﻴﺔ ﻣﻊ ﻣﺮﻭﺍﻥ ﺍﻟﺬﻱ ﺻﻒ ﺳﻴﺎﺭﺗﻪ ﻋﻠﻰ ﺟﺎﻧﺐ ﺍﻟﻄﺮﻳﻖ ﺍﻟﺴﺮﻳﻊ ، ﺛﻢ ﻃﻠﺐ ﻫﺎﺗﻔﻴﺎً ﻣﺴﺘﺮ ﺟﻼﻝ ﺻﺎﺣﺐ ﺍﻟﻘﺮﻳﺔ ﺍﻟﺴﻴﺎﺣﻴﺔ ﺍﻟﺠﺪﻳﺪﺓ ﻭ ...
- ﻣﺮﻭﺍﻥ ﻫﺎﺗﻔﻴﺎً : ﺳﻼﻣﻮ ﻋﻠﻴﻜﻢ ﻳﺎ ﻣﺴﺘﺮ ﺟﻼﻝ
- ﺟﻼﻝ ﻫﺎﺗﻔﻴﺎً : ﻭﻋﻠﻴﻜﻢ ﺍﻟﺴﻼﻡ .. ﺍﺯﻳﻚ ﻳﺎ ﻣﺮﻭﺍﻥ ﺑﻴﻪ
- ﻣﺮﻭﺍﻥ : ﺗﻤﺎﻡ
- ﺟﻼﻝ : ﻭﺍﻟﻮﺍﻟﺪ ﺃﺧﺒﺎﺭﻩ ﺍﻳﻪ ؟ ﺻﺤﺘﻪ ﺗﻤﺎﻡ
- ﻣﺮﻭﺍﻥ : ﺍﻟﺤﻤﺪﻟﻠﻪ ، ﻳﻮﻡ ﻛﺪﻩ ﻭﻳﻮﻡ ﻛﺪﻩ ، ﻣﺎ ﺃﻧﺖ ﻋﺎﺭﻓﻪ ﺑﻘﻰ ، ﻣﻀﻴﻊ ﺻﺤﺘﻪ ﻛﻠﻬﺎ ﻓﻲ ﺍﻟﺸﻐﻞ
- ﺟﻼﻝ : ﺍﻟﻠﻪ ﻳﺪﻳﻪ ﺍﻟﺼﺤﺔ ﻭﻳﻘﻮﻳﻪ
- ﻣﺮﻭﺍﻥ : ﺑﻘﻮﻟﻚ ﻳﺎ ﻣﺴﺘﺮ ﺟﻼﻝ
- ﺟﻼﻝ : ﺃﻳﻮﻩ
- ﻣﺮﻭﺍﻥ : ﻫﻮ ﺣﻀﺮﺗﻚ ﺑﻌﺖ ﻣﻠﻒ ﺍﻟﻘﺮﻳﺔ ﺍﻟﺠﺪﻳﺪﺓ
- ﺟﻼﻝ : ﺃﻩ ﻃﺒﻌﺎﺍﺍﺍﺍ
- ﻣﺮﻭﺍﻥ : ﻣﻤﻤﻢ .. ﻏﺮﻳﺒﺔ
- ﺟﻼﻝ ﺑﺎﺳﺘﻐﺮﺍﺏ : ﻫﻮ ﻓﻲ ﺣﺎﺟﺔ ﺣﺼﻠﺖ ؟
- ﻣﺮﻭﺍﻥ : ﺃﺻﻞ ﺍﺣﻨﺎ ﻣﺶ ﻻﻗﻴﻴﻦ ﺍﻟﻤﻠﻒ ، ﻃﺐ ﺍﻧﺖ ﺑﻌﺘﻪ ﻣﻊ ﻣﻴﻦ
- ﺟﻼﻝ : ﺍﻟﻤﻔﺮﻭﺽ ﺃﻧﺎ ﺑﺎﻋﺘﻪ ﻣﻊ ﻣﺤﻤﺪ ﻣﻦ ﺍﻣﺒﺎﺭﺡ
- ﻣﺮﻭﺍﻥ : ﻃﺐ ﺍﺳﺄﻟﻪ ﻛﺪﻩ ﺍﻥ ﻛﺎﻥ ﻓﻌﻼ ﻭﺩﺍﻩ ﻭﻻ ﻷ
- ﺟﻼﻝ : ﻃﺐ ﺛﻮﺍﻧﻲ ﻛﺪﻩ ..
- ﻣﺮﻭﺍﻥ : ﺧﺪ ﺭﺍﺣﺘﻚ
ﻏﺎﺏ ﺟﻼﻝ ﻟﻌﺪﺓ ﺩﻗﺎﺋﻖ ﺑﻴﻨﻤﺎ ﺍﻧﺘﻈﺮﻩ ﻣﺮﻭﺍﻥ ﻋﻠﻰ ﺍﻟﻬﺎﺗﻒ ، ﻇﻞ ﻣﺮﻭﺍﻥ ﻳﻄﺮﻕ ﺑﺄﺻﺎﺑﻌﻪ ﻋﻠﻰ ﻣﻘﻮﺩ ﺍﻟﺴﻴﺎﺭﺓ ، ﻋﺪﻝ ﻣﻦ ﻭﺿﻌﻴﺔ ﻧﻈﺎﺭﺗﻪ ﺍﻟﺸﻤﺴﻴﺔ ، ﻧﻈﺮ ﻓﻲ ﺳﺎﻋﺔ ﻳﺪﻩ ﺍﻟﻔﻀﻴﺔ ﺛﻢ ﺯﻓﺮ ﻓﻲ ﺿﻴﻖ ، ﻭﺃﺧﺬ ﻳﺮﺍﻗﺐ ﺣﺮﻛﺔ ﺍﻟﺴﻴﺎﺭﺍﺕ ﺍﻟﺘﻲ ﺗﺴﻴﺮ ﻣﻦ ﺣﻮﻟﻪ ﻣﻦ ﺍﻟﻤﺮﺁﺓ ﺍﻟﺠﺎﻧﺒﻴﺔ ﻟﻠﺴﻴﺎﺭﺓ ﻭ ...
- ﺟﻼﻝ ﻫﺎﺗﻔﻴﺎً : ﺃﺳﻒ ﻳﺎ ﺑﻨﻲ ﺍﺗﺄﺧﺮﺕ ﻋﻠﻴﻚ
- ﻣﺮﻭﺍﻥ ﺑﺎﻗﺘﻀﺎﺏ : ﻭﻻ ﻳﻬﻤﻚ
- ﺟﻼﻝ : ﺁﺁﺁ ... ﻟﻸﺳﻒ ﻣﺤﻤﺪ ﻣﻮﺩﺍﺵ ﺍﻟﻤﻠﻒ
- ﻣﺮﻭﺍﻥ : ﺍﻳﻪ
- ﺟﻼﻝ : ﻋﻤﻞ ﺣﺎﺩﺛﺔ ﺍﻣﺒﺎﺭﺡ ﺑﻌﺪ ﻣﺎ ﻛﻠﻤﻨﻲ ﻭ ﻣﺎﺟﻠﻴﺶ ﺍﻟﻘﺮﻳﺔ ﻭﻻ ﺧﺪﻩ ﻣﻦ ﻣﻜﺘﺐ ﺍﻻﺳﺘﻌﻼﻣﺎﺕ
- ﻣﺮﻭﺍﻥ : ﻃﺐ ﻭﺍﻟﻌﻤﻞ ﺍﻳﻪ ؟؟ ﺍﺣﻨﺎ ﻣﺤﺘﺎﺟﻴﻨﻪ ﺿﺮﻭﺭﻱ ﺍﻟﻨﻬﺎﺭﺩﺓ
- ﺟﻼﻝ : ﻣﺶ ﻋﺎﺭﻑ ﻭﺍﻟﻠﻪ ، ﺃﻧﺎ ﻣﻌﻨﺪﻳﺶ ﺣﺪ ﺃﺻﻼً ﻳﻐﻄﻲ ﻣﻜﺎﻥ ﻣﺤﻤﺪ ﻫﻨﺎ ﻓﻲ ﺍﻟﻘﺮﻳﺔ ، ﻓﻤﺎ ﺑﺎﻟﻚ ﺑﺎﻟﻠﻲ ﻳﺴﺎﻓﺮ
- ﻣﺮﻭﺍﻥ : ﻳﺎ ﻣﺴﺘﺮ ﺟﻼﻝ ﺣﻀﺮﺗﻚ ﻋﺎﺭﻑ ﻛﻮﻳﺲ ﺍﻥ ﻳﻮﻡ ﺍﻟﺤﻜﻮﻣﺔ ﻋﻨﺪﻧﺎ ﺑﺴﻨﺔ ، ﻭﺍﺣﻨﺎ ﻋﺎﻭﺯﻳﻦ ﻧﻨﺠﺰ ﻭﺍﻟﻤﻠﻒ ﻓﻴﻪ ﺍﻟﺘﺼﺎﺭﻳﺢ ﻭﺍﻟﻤﻮﺍﻓﻘﺎﺕ ﺍﻷﺻﻠﻴﺔ ، ﻭﺍﺣﻨﺎ ﺣﺎﻃﻴﻦ ﺟﺪﻭﻝ ﺯﻣﻨﻲ ﻋﺸﺎﻥ ﻧﻤﺸﻲ ﻋﻠﻴﻪ ، ﻭﺍﻧﺎ ﻋﻤﻠﺘﻠﻚ ﻛﻞ ﺣﺎﺟﺔ ﻣﻦ ﻳﻮﻣﻴﻦ ، ﻛﺎﻥ ﻓﺎﺿﻞ ﺑﺲ ﺍﻟﺠﺰﺋﻴﺔ ﺍﻟﻠﻲ ﺗﺨﺼﻚ ﻋﺸﺎﻥ ﻧﺒﺪﺃ ﺍﻟﺸﻐﻞ ﻭﺁﺁﺁ ......
- ﺟﻼﻝ ﻣﻘﺎﻃﻌﺎً : ﻭﺍﻟﻠﻪ ﻏﺼﺐ ﻋﻨﻲ ، ﻃﺐ ﺃﻧﺎ ﻋﻨﺪﻱ ﺍﻗﺘﺮﺍﺡ ، ﻟﻮ ﺍﻧﺖ ﻟﺴﻪ ﻉ ﺍﻟﻄﺮﻳﻖ ﻋﺪﻱ ﻋﻠﻴﺎ ﻓﻲ ﺍﻟﻘﺮﻳﺔ ﻭﺧﺪﻩ ﺑﻨﻔﺴﻚ
- ﻣﺮﻭﺍﻥ : ﻭﺍﻟﻠﻪ ﺍﻟﻠﻲ ﺑﻴﺤﺼﻞ ﺩﻩ ﻛﺘﻴﺮ
- ﺟﻼﻝ : ﺃﻧﺎ ﺑﻌﺘﺬﺭﻟﻚ ﺗﺎﻧﻲ ، ﻭﺍﻥ ﺷﺎﺀ ﺍﻟﻠﻪ ﻫﺎﻋﻮﺿﻚ
- ﻣﺮﻭﺍﻥ : ﻣﺶ ﻣﺴﺄﻟﺔ ﺗﻌﻮﻳﺾ ، ﺍﻧﺖ ﻋﺎﺭﻑ ﺍﺣﻨﺎ ﺃﻫﻢ ﺣﺎﺟﺔ ﻋﻨﺪﻧﺎ ﺍﻻﻟﺘﺰﺍﻡ ﺑﺎﻟﻤﻮﺍﻋﻴﺪ ﻭﺁﺁﺁ ...
- ﺟﻼﻝ ﻣﻘﺎﻃﻌﺎً ﻣﺮﺓ ﺃﺧﺮﻯ : ﺷﺮﻓﻨﻲ ﺑﺲ ﻳﺎ ﻣﺮﻭﺍﻥ ﺑﻴﻪ ﻭﺍﻧﺎ ﻫﺮﺍﺿﻴﻚ
- ﻣﺮﻭﺍﻥ ﻣﻤﻢ ...
- ﺟﻼﻝ : ﻣﺶ ﻫﺘﺘﻌﻄﻞ ﻛﺘﻴﺮ ، ﻳﻌﻨﻲ ﺍﻧﺖ ﻣﺴﺘﺨﺴﺮ ﺇﻧﻲ ﺃﺷﻮﻓﻚ ﻭﺃﺳﻠﻢ ﻋﻠﻴﻚ ﺑﻨﻔﺴﻲ
ﺻﻤﺖ ﻣﺮﻭﺍﻥ ﻟﺒﺮﻫﺔ ﻣﻦ ﺍﻟﻮﻗﺖ ﻟﻜﻲ ﻳﻔﻜﺮ ﻭﻳﺤﺴﺐ ﺍﻟﻤﺴﺄﻟﺔ ﺑﻌﻘﻠﻪ ، ﻛﺎﻥ ﻳﺴﺐ ﻓﻲ ﻧﻔﺴﻪ ، ﻓﻤﺸﻮﺍﺭ ﻛﻬﺬﺍ ﺳﻴﻌﻄﻠﻪ ﻋﻦ ﺃﻋﻤﺎﻟﻪ ،ﺑﺎﻻﺿﺎﻓﺔ ﺇﻟﻰ ﺍﻹﺟﻬﺎﺩ ﺍﻟﺒﺪﻧﻲ ﻭﺇﺭﻫﺎﻕ ﺍﻟﺴﻔﺮ ، ﻭﻓﻲ ﺍﻟﻨﻬﺎﻳﺔ ﺣﺰﻡ ﺃﻣﺮﻩ ﺑــ ...
- ﻣﺮﻭﺍﻥ ﺑﻀﻴﻖ ﻭﺍﺿﺢ : ﻣﺎﺷﻲ .. ﻋﺸﺎﻥ ﺧﺎﻃﺮﻙ ﺑﺲ
- ﺟﻼﻝ : ﻭﺃﻧﺎ ﺷﺎﻛﺮ ﺗﻌﺒﻚ ﻣﻌﺎﻳﺎ
- ﻣﺮﻭﺍﻥ ﻋﻠﻰ ﻣﻀﺾ : ﺑﺲ ﻳﺎ ﺭﻳﺖ ﻣﺎﻳﺤﺼﻠﺶ ﺩﻩ ﺗﺎﻧﻲ
- ﺟﻼﻝ : ﺍﻥ ﺷﺎﺀ ﺍﻟﻠﻪ ﻣﺶ ﻫﺘﺘﻜﺮﺭ
- ﻣﺮﻭﺍﻥ : ﺃﻭﻙ ﺃﻧﺎ ﺳﺎﻋﺔ ﺑﺎﻟﻜﺘﻴﺮ ﻭﻫﺎﻛﻮﻥ ﻋﻨﺪﻙ ﻓﻲ ﺍﻟﻘﺮﻳﺔ
- ﺟﻼﻝ : ﻭﺃﻧﺎ ﻣﻨﺘﻈﺮﻙ
- ﻣﺮﻭﺍﻥ : ﺍﻭﻙ .. ﺳﻼﻡ
- ﺟﻼﻝ : ﻣﻊ ﺍﻟﺴﻼﻣﺔ
ﺃﻧﻬﻰ ﻣﺮﻭﺍﻥ ﺍﻟﻤﻜﺎﻟﻤﺔ ﻣﻊ ﻣﺴﺘﺮ ﺟﻼﻝ ، ﺛﻢ ﺍﺗﺼﻞ ﺑﻴﻮﺳﻒ ﻟﻴﺒﻠﻐﻪ ﺑﺄﻣﺮ ﻋﻮﺩﺗﻪ ﺇﻟﻰ ﺍﻟﺴﺎﺣﻞ ﺍﻟﺸﻤﺎﻟﻲ ﻻﺣﻀﺎﺭ ﺍﻟﻤﻠﻒ ﺑﻨﻔﺴﻪ ..........
..............................
ﻓﻲ ﺍﻟﻘﺮﻳﺔ ﺍﻟﺴﻴﺎﺣﻴﺔ ،،،،
ﻛﺎﻧﺖ ﻧﻴﺮﺓ ﻣﺴﺘﻐﺮﻗﺔ ﻓﻲ ﺍﻟﻨﻮﻡ ﺣﻴﻨﻤﺎ ﻗﻔﺰﺕ ﻓﻮﻗﻬﺎ ﻓﺎﻃﻴﻤﺎ ﻟﺘﻮﻗﻈﻬﺎ ﻭ ..
- ﻓﺎﻃﻴﻤﺎ ﻭﻫﻲ ﺗﻬﺰ ﻧﻴﺮﺓ : ﺍﺻﺤﻲ ﺑﻘﻰ ﻳﺎ ﻧﺎﺭﻭﻭ ، ﻛﻞ ﺩﻩ ﻧﻮﻡ
- ﻧﻴﺮﺓ ﺑﺼﻮﺕ ﻧﺎﻋﺲ ﻭﻫﻲ ﺗﻀﻊ ﺍﻟﻐﻄﺎﺀ ﻋﻠﻰ ﺭﺃﺳﻬﺎ : ﺣﻠﻲ ﻋﻦ ﻧﺎﻓﻮﺧﻲ
- ﻓﺎﻃﻴﻤﺎ : ﻳﺎﺍﺍﻱ ، ﺑﺘﻘﻮﻝ ﻧﺎﻓﻮﺧﻲ ، ﺍﺳﻤﻬﺎ ﺩﻣﺎﻏﻲ
- ﻧﻴﺮﺓ : ﺃﻧﺎ ﻣﺶ ﻓﺎﻳﻘﺎﻟﻚ
- ﻓﺎﻃﻴﻤﺎ : ﻭﺃﻧﺎ ﻋﺎﻭﺯﺍﻛﻲ ﺗﻔﻮﻗﻴﻠﻲ
ﺍﻋﺘﺪﻟﺖ ﻧﻴﺮﺓ ﻋﻠﻰ ﻓﺮﺍﺷﻬﺎ ﻭﻫﻲ ﺗﺰﻓﺮ ﻓﻲ ﺿﻴﻖ ﻭ ..
- ﻧﻴﺮﺓ : ﻋﺎﻭﺯﺓ ﺍﻳﻪ ﻣﻨﻲ ﺍﻟﺴﻌﺎﺩﻱ ، ﻣﺎﺗﺴﺒﻴﻨﻲ ﺃﻧﺎﻡ ﺷﻮﻳﺔ
- ﻓﺎﻃﻴﻤﺎ : ﻫﻮ ﺍﺣﻨﺎ ﺟﺎﻳﻴﻦ ﺍﻟﻘﺮﻳﺔ ﻫﻨﺎ ﻋﺸﺎﻥ ﻧﻨﺎﻡ ، ﻳﺎ ﺑﻨﺘﻲ ﺩﻩ ﺍﻟﻤﻨﺎﻇﺮ ﺗﺤﻔﺔ ﺗﺤﺖ !
- ﻧﻴﺮﺓ ﺑﻌﺪﻡ ﺍﻛﺘﺮﺍﺙ : ﺍﻥ ﺷﺎﺀ ﺍﻟﻠﻪ ﺗﻜﻮﻥ ﺍﻳﻪ ، ﺃﻧﺎ ﻣﺶ ﻓﺎﺭﻕ ﻣﻌﺎﻳﺎ ﺣﺎﺟﺔ ، ﺃﻧﺎ ﺟﺎﻳﺔ ﻫﻨﺎ ﻋﺸﺎﻥ ﺃﻧﺎﻡ ﻭﺑﺲ
- ﻓﺎﻃﻴﻤﺎ ﻭﻫﻲ ﺗﻤﻂ ﺷﻔﺘﻴﻬﺎ : ﺍﻳﻪ ﺍﻻﺟﺎﺯﺓ ﺍﻟﻐﺮﻳﺒﺔ ﺩﻱ
- ﻧﻴﺮﺓ : ﺃﻩ ﻫﻲ ﻓﻌﻼً ﻏﺮﻳﺒﺔ ، ﻣﺶ ﻛﻔﺎﻳﺔ ﺍﻧﻲ ﺟﺎﻳﺔ ﺃﺻﻼً ﻫﻨﺎ ﺑﺎﻟﻌﺎﻓﻴﺔ
- ﻓﺎﻃﻴﻤﺎ ﺑﺮﺟــﺎﺀ : ﻳﻌﻨﻲ ﺍﻧﺘﻲ ﻳﺮﺿﻴﻜﻲ ﻳﺎ ﻧﺎﺭﻭﻭ ﺃﻓﻀﻞ ﺃﻋﺪﺓ ﻛﺪﻩ ﻟﻮﺣﺪﻱ
- ﻧﻴﺮﺓ : ﻭﻟﻴﻪ ﺗﻘﻌﺪﻱ ﻟﻮﺣﺪﻙ ، ﻣﺎ ﺗﻨﺰﻟﻲ ﺗﺸﻮﻓﻲ ﺍﻟﻤﻨﺎﻇﺮ ﺑﺘﺎﻋﺘﻚ ﺩﻱ ، ﻫﻮ ﺃﻧﺎ ﻣﻨﻌﺘﻚ ﻭﻻ ﺣﻮﺷﺘﻚ ﺣﺘﻰ ، ﻭﺑﻌﺪﻳﻦ ﻋﻨﺪﻙ ﻣﺎﻣﺎ ﺭﻭﺣﻲ ﻣﻌﺎﻫﺎ
- ﻓﺎﻃﻴﻤﺎ : ﻣﺎﻣﻲ ﺃﻋﺪﺓ ﻓﻲ ﺍﻟﺮﻳﺴﺒﺸﻦ ﺗﺤﺖ ، ﻭﻣﺶ ﻋﺎﻭﺯﺓ ﺗﺘﺤﺮﻙ ﻣﻦ ﻣﻜﺎﻧﻬﺎ
- ﻧﻴﺮﺓ : ﻣﺶ ﻣﺸﻜﻠﺘﻲ ، ﺧﻼﺹ ﺍﻧﺰﻟﻲ ﻣﻊ ﻧﻔﺴﻚ
- ﻓﺎﻃﻴﻤﺎ : ﺑﺲ ﺃﻧﺎ ﻣﺶ ﻋﺎﻭﺯﺓ ﺃﻧﺰﻝ ﻟﻮﺣﺪﻱ
- ﻧﻴﺮﺓ ﺑﻘﺮﻑ : ﻟﻴﻪ ﻫﻮ ﺍﻧﺘﻲ ﻟﺴﻪ ﻧﻮﻏﺔ ، ﺩﻩ ﺍﻧﺘﻲ ﺷﻮﻳﺔ ﻭﻫﺎﺗﺒﻘﻲ ﻃﻮﻟﻲ
- ﻓﺎﻃﻴﻤﺎ ﻭﻫﻲ ﺗﺸﻴﺮ ﻟﻨﻔﺴﻬﺎ : ﺃﻧﺎ ﻃﻮﻝ ﻋﻤﺮﻱ ﺻﻐﻨﻨﺔ ﻭﻫﺎﻓﻀﻞ ﺻﻐﻨﻨﺔ
- ﻧﻴﺮﺓ : ﻃﺐ ﺍﺑﻌﺪﻱ ﺑﻘﻰ ﻭﺧﻠﻴﻨﻲ ﺃﻧﺎﻡ
- ﻓﺎﻃﻴﻤﺎ : ﻷ ﻣﺶ ﻫﺎﺳﻴﺒﻚ ، ﺑﺠﺪ ﺃﻧﺎ ﺯﻫﻘﺎﻧﺔ ﺃﻭﻱ ﻭﻋﺎﻭﺯﺓ ﺃﻏﻴﺮ ﺟﻮ
- ﻧﻴﺮﺓ : ﻫﻮ ﺃﻧﺎ ﺍﻟﻠﻲ ﻫﺎﻋﻴﺪﻩ ﻫﺎﺯﻳﺪﻩ ، ﺃﻧﺎ ﻋﺎﻭﺯﺓ ﺃﻧﺎﻡ .. ﺩﻱ ﻓﻴﻬﺎ ﺍﻳﻪ ﻏﺮﻳﺐ ﻭﻣﺶ ﻭﺍﺿﺢ
- ﻓﺎﻃﻴﻤﺎ : ﺍﺑﻘﻲ ﻧﺎﻣﻲ ﺑﻌﺪ ﻣﺎ ﻧﺘﻔﺴﺢ
- ﻧﻴﺮﺓ : ﻳﻮﻭﻭﻩ ، ﻳﺎ ﺑﺖ ﺣﻠﻲ ﻋﻨﻲ
- ﻓﺎﻃﻴﻤﺎ ﻭﻫﻲ ﺗﻘﺒﻞ ﻭﺟﻨﺘﻬﺎ : ﻋﺸﺎﻥ ﺧﺎﻃﺮﻱ ﻳﺎ ﻧﺎﺭﻭﻭ
- ﻧﻴﺮﺓ : ﻷ
- ﻓﺎﻃﻴﻤﺎ ﻭﻫﻲ ﺗﻘﺒﻞ ﻭﺟﻨﺘﻬﺎ ﺍﻷﺧﺮﻯ ﻭﺗﻨﻈﺮ ﻟﻬﺎ ﺑﻌﻴﻨﻴﻦ ﺣﺎﻧﻴﺘﻴﻦ : ﺑﻠﻴﻴﻴﻴﻴﺰ
- ﻧﻴﺮﺓ ﻣﺴﺘﺴﻠﻤﺔ : ﻣﺎﺷﻲ ، ﺑﺲ ﻫﻲ ﺳﺎﻋﺔ ﻭﺍﺣﺪ ﺑﺲ ، ﺃﻛﺘﺮ ﻣﻦ ﻛﺪﻩ ﺗﻌﻴﺸﻲ ﻣﻊ ﻧﻔﺴﻚ
ﺃﻣﺴﻜﺖ ﻓﺎﻃﻴﻤﺎ ﺭﺃﺱ ﺍﺧﺘﻬﺎ ﻧﻴﺮﺓ ﺑﻜﻠﺘﺎ ﻳﺪﻳﻬﺎ ، ﺛﻢ ﻗﺒﻠﺘﻬﺎ ﺑﺤﺮﺍﺭﺓ ﻋﻠﻰ ﻭﺟﻨﺘﻴﻬﺎ ﻭﻫﻲ ﺗﺼﺮﺥ ﺑﺴﻌﺎﺩﺓ ..
- ﻓﺎﻃﻴﻤﺎ : ﻗﻠﺒﻲ ﻳﺎ ﻧﺎﺭﻭﻭﻭ
ﻧﻬﻀﺖ ﻧﻴﺮﺓ ﻣﻦ ﺍﻟﻔﺮﺍﺵ ﺛﻢ ﺩﻟﻔﺖ ﻟﻠﻤﺮﺣﺎﺽ ﻟﻜﻲ ﺗﺴﺘﻌﺪ ﻟﻠﻨﺰﻭﻝ ﻣﻊ ﺍﺧﺘﻬﺎ ﻓﺎﻃﻴﻤﺎ ..
ﺍﺭﺗﺪﺕ ﻧﻴﺮﺓ ﺳﺮﻭﺍﻻً ﻣﻦ ﺍﻟﻨﻮﻉ ﺍﻟـ ( ﺑﺮﻣﻮﺩﺍ ) ﻭﻫﻮ ﺃﺳﻮﺩ ﺍﻟﻠﻮﻥ ﻳﺼﻞ ﺇﻟﻰ ﻣﺎ ﺑﻌﺪ ﺍﻟﺮﻛﺒﺔ ﺑﻘﻠﻴﻞ ، ﻭﺍﺭﺗﺪﺕ ﻣﻦ ﻓﻮﻗﻪ ﻛﻨﺰﺓ ﻭﺍﺳﻌﺔ ﺑﻴﻀﺎﺀ ﺫﻭ ﻛﺘﻒ ﺳﺎﻗﻂ ﻭﻋﻠﻴﻬﺎ ﻧﻘﺸﺔ ﻟﻔﺘﺎﺓ ﺗﻌﺰﻑ ﻣﻮﺳﻴﻘﻰ ﻋﻠﻰ ﺍﻟﺠﻴﺘﺎﺭ ، ﻭﻣﻦ ﺃﺳﻔﻠﻬﺎ ( ﺑﺎﺩﻱ ﺃﺳﻮﺩ ) ﺣﻤﺎﻻﺕ ..
ﺗﺮﻛﺖ ﻧﻴﺮﺓ ﺷﻌﺮﻫﺎ ﺍﻟﻐﺠﺮﻱ ﺍﻷﺳﻮﺩ ﺍﻟﻘﺼﻴﺮ ﻳﺘﻨﺎﺛﺮ ﺣﻮﻝ ﺭﺃﺳﻬﺎ ، ﻭﺿﻌﺖ ﻧﻈﺎﺭﺗﻬﺎ ﺍﻟﺴﻮﺩﺍﺀ ﻋﻠﻰ ﻭﺟﻬﻬﺎ ، ﺛﻢ ﺍﻧﻄﻠﻘﺖ ﻣﻊ ﻓﺎﻃﻴﻤﺎ ﺍﻟﺘﻲ ﺍﻧﺘﻬﺖ ﻫﻲ ﺍﻷﺧﺮﻯ ﻣﻦ ﺍﺭﺗﺪﺍﺀ ﻣﻼﺑﺴﻬﺎ ﺍﻟﻜﺎﺟﻮﺍﻝ ( ﺟﻴﻨﺰ ﺃﺯﺭﻕ ﻓﺎﺗﺢ ﻣﻊ ﺑﺎﺩﻱ ﻣﻦ ﺍﻟﻠﻮﻥ ﺍﻟﺮﻭﺯ )
..............................
ﻓﻲ ﻣﻜﺘﺐ ﻣﺴﺘﺮ ﺟﻼﻝ ﺑﺎﻟﻘﺮﻳﺔ ﺍﻟﺴﻴﺎﺣﻴﺔ ،،،
ﻭﺻﻞ ﻣﺮﻭﺍﻥ ﺇﻟﻰ ﺍﻟﻘﺮﻳﺔ ﺍﻟﺴﻴﺎﺣﻴﺔ ، ﺩﻟﻒ ﺑﺴﻴﺎﺭﺗﻪ ﺍﻟﺠﻴﺐ ﺍﻟﻜﺒﻴﺮﺓ ﺇﻟﻰ ﺍﻟﺪﺍﺧﻞ ، ﺛﻢ ﺻﻔﻬﺎ ﺃﻣﺎﻡ ﻣﻜﺘﺐ ﺍﻻﺳﺘﻘﺒﺎﻝ ﻭﺗﻮﺟﻪ ﻧﺎﺣﻴﺔ ﻣﻜﺘﺐ ﻣﺴﺘﺮ ﺟﻼﻝ ..
ﺍﺳﺘﻘﺒﻠﻪ ﺟﻼﻝ ﺑﺎﻟﺘﺮﺣﺎﺏ ﺍﻟﺸﺪﻳﺪ ، ﻭﺍﻋﺘﺬﺭ ﻟﻪ ﺑﺸﺪﺓ ﻋﻤﺎ ﺣﺪﺙ ، ﻭﻭﻋﺪﻩ ﺑﺰﻳﺎﺩﺓ ﺍﻟﻌﻤﻮﻟﺔ ﺍﻟﺨﺎﺻﺔ ﺑﺸﺮﻛﺘﻪ ﻓﻮﺭ ﺍﻟﺒﺪﺀ ﻓﻲ ﺍﻧﺸﺎﺀ ﺍﻟﻘﺮﻳﺔ ﺍﻟﺠﺪﻳﺪﺓ ، ﺑﺎﻻﺿﺎﻓﺔ ﺇﻟﻰ ﻭﺿﻊ ﺍﺳﻢ ﺷﺮﻛﺔ ( 2 Brothers ) ﻋﻠﻰ ﻣﻮﻗﻊ ﺍﻟﻘﺮﻳﺔ ﺍﻟﺨﺎﺹ ﻛﻨﻮﻉ ﻣﻦ ﺍﻟﺪﻋﺎﻳﺔ ﺍﻻﻋﻼﻧﻴﺔ ﺑﺪﻭﻥ ﺃﻱ ﻣﻘﺎﺑﻞ ﻣﺎﺩﻱ ﻭ ....
- ﺟﻼﻝ : ﺃﻫﻢ ﺣﺎﺟﺔ ﺗﻜﻮﻥ ﻣﺮﺿﻲ
- ﻣﺮﻭﺍﻥ : ﻣﺎﻓﻴﺶ ﺩﺍﻋﻲ ﻟﺪﻩ ﻛﻠﻪ
- ﺟﻼﻝ : ﻷ ﺍﺯﺍﻱ ، ﻛﻮﻥ ﺍﻧﻚ ﺗﻌﺒﺖ ﻧﻔﺴﻚ ﻭﺟﻴﺖ ﻟﺤﺪ ﻋﻨﺪﻱ ﻫﻨﺎ ﻓﻲ ﺍﻟﻘﺮﻳﺔ ﺩﻱ ﻛﺒﻴﺮﺓ ﻋﻨﺪﻱ ، ﻭﺑﻌﺪﻳﻦ ﺍﻧﺖ ﻣﺶ ﻋﺎﺭﻑ ﻣﻌﺰﺓ ﺍﻟﻮﺍﻟﺪ ﻋﻨﺪﻱ ﻋﺎﻣﻠﺔ ﺍﺯﺍﻱ
- ﻣﺮﻭﺍﻥ ﻣﺒﺘﺴﻤﺎً : ﻣﻤﻢ .. ﻳﻌﻨﻲ ﻛﻞ ﺩﻩ ﻋﺸﺎﻥ ﺧﺎﻃﺮ ﺍﻟﻮﺍﻟﺪ ﻣﺶ ﻋﺸﺎﻧﻲ
- ﺟﻼﻝ ﺿﺎﺣﻜﺎً : ﺍﻧﺘﻮ ﺍﻻﺗﻨﻴﻦ ﻭﺍﺣﺪ ، ﻭﺑﻌﺪﻳﻦ ﻫﺬﺍ ﺍﻟﺸﺒﻞ ﻣﻦ ﺫﺍﻙ ﺍﻷﺳﺪ
- ﻣﺮﻭﺍﻥ ﺑﺎﺑﺘﺴﺎﻣﺔ ﻣﺼﻄﻨﻌﺔ : ﺍﻫﺎ ..
- ﺟﻼﻝ : ﺍﻗﻌﺪ ﺑﻘﻰ ﺍﺗﻐﺪﻯ ﻣﻌﺎﻳﺎ ، ﺩﻩ ﺍﻧﺎ ﻫﻌﺰﻣﻚ ﻉ ﻭﺟﺒﺔ ﺳﻤﻚ ﺇﻧﻤﺎ ﺍﻳﻴﻴﻪ ، ﻣﺶ ﻫﺘﻼﻗﻲ ﺯﻳﻪ ﻓﻲ ﺃﻱ ﺣﺘﺔ
- ﻣﺮﻭﺍﻥ ﻭﻫﻮ ﻳﻨﻈﺮ ﻓﻲ ﺳﺎﻋﺔ ﻳﺪﻩ ﺍﻟﻔﻀﻴﺔ ﺍﻟﺮﻭﻟﻜﺲ : ﻷﻷﻷ .. ﺩﻩ ﺃﻧﺎ ﻳﺪﻭﺏ ﺃﻟﺤﻖ ﺃﺭﺟﻊ
- ﺟﻼﻝ ﻭﻫﻮ ﻳﻤﺴﻚ ﺑﺬﺭﺍﻋﻪ : ﻷ ﻭﺍﻟﻠﻪ ﻣﺎ ﻳﻨﻔﻊ
- ﻣﺮﻭﺍﻥ : ﻣﻌﻠﺶ ﻭﻗﺖ ﺗﺎﻧﻲ ، ﺃﻧﺎ ﻋﻨﺪﻱ ﻣﺸﺎﻏﻞ ، ﻫﺎﺧﻠﺼﻬﺎ ﻭﺃﺑﻘﻰ ﺍﺟﻴﻠﻚ ﺃﻗﻀﻲ ﻳﻮﻣﻴﻦ ﻫﻨﺎ
- ﺟﻼﻝ : ﺩﻩ ﺍﻧﺖ ﺗﺸﺮﻓﻨﻲ ﻓﻲ ﺃﻱ ﻭﻗﺖ ، ﻭﺑﻌﺪﻳﻦ ﺍﻟﻘﺮﻳﺔ ﻛﻠﻬﺎ ﺑﺘﺎﻋﺘﻚ ، ﺩﻩ ﺍﻧﺘﻮ ﺍﻟﻠﻲ ﻣﺸﻄﺒﻴﻨﻬﺎ
- ﻣﺮﻭﺍﻥ : ﻉ ﺭﺃﻳﻚ ، ﻋﺎﺭﻓﻴﻦ ﻣﺪﺍﺧﻠﻬﺎ ﻭﻣﺨﺎﺭﺟﻬﺎ
ﺩﻟﻒ ﺃﺣﺪ ﺍﻷﺷﺨﺎﺹ ﺇﻟﻰ ﻣﻜﺘﺐ ﻣﺴﺘﺮ ﺟﻼﻝ ﻟﻴﺒﻠﻐﻪ ﺑﺄﻣﺮ ﻭﺻﻮﻝ ﻭﻓﺪ ﺳﻴﺎﺣﻲ ﻟﻠﻘﺮﻳﺔ ﻭ ..
- ﻓﺮﻳﺪ ﻣﻘﺎﻃﻌﺎً : ﻣﺴﺘﺮ ﺟﻼﻝ ، ﺍﻟﻮﻓﺪ ﺍﻟﺴﻴﺎﺣﻲ ﻣﻮﺟﻮﺩ ﻓﻲ ﺍﻻﺳﺘﻘﺒﺎﻝ
- ﺟﻼﻝ ﻭﻫﻮ ﻳﻨﻈﺮ ﺇﻟﻴﻪ : ﻃﻴﺐ ﻣﺎﺷﻲ ، ﺍﺳﺒﻘﻨﻲ ﻭﺃﻧﺎ ﺟﺎﻱ ﻭﺭﺍﻙ
- ﻣﺮﻭﺍﻥ : ﻫﺎﻣﺸﻲ ﺃﻧﺎ ﺑﻘﻰ ﻋﺸﺎﻥ ﻣﻌﻄﻠﻜﺶ
- ﺟﻼﻝ : ﺩﻩ ﺃﻧﺎ ﻫﺎﺧﻠﺺ ﻣﻊ ﺍﻟﻮﻓﺪ ﺑﺴﺮﻋﺔ ﻭﺃﺭﺟﻌﻠﻚ
- ﻣﺮﻭﺍﻥ : ﻣﺎﻓﻴﺶ ﺩﺍﻋﻲ ، ﻳﺎﻻ ﺃﺷﻮﻓﻚ ﻉ ﺧﻴﺮ
- ﺟﻼﻝ : ﻭﺍﻟﻠﻪ ﻛﺎﻥ ﺑﻮﺩﻱ ﺇﻧﻚ ﺗﻘﻌﺪ ﺃﻛﺘﺮ ﻣﻦ ﻛﺪﻩ ، ﺳﻠﻤﻠﻲ ﻉ ﺍﻟﻮﺍﻟﺪ ﺃﻭﻱ
- ﻣﺮﻭﺍﻥ : ﻳﻮﺻﻞ ﺍﻥ ﺷﺎﺀ ﺍﻟﻠﻪ ، ﻋﻦ ﺍﺫﻧﻚ
- ﺟﻼﻝ : ﺍﺗﻔﻀﻞ .. ﺍﺗﻔﻀﻞ ، ﺃﻧﺎ ﺟﺎﻱ ﻣﻌﺎﻙ ﺃﻭﺻﻠﻚ
- ﻣﺮﻭﺍﻥ ﻭﻫﻮ ﻳﺘﺠﻪ ﻟﻠﺨﺎﺭﺝ : ﻣﺎﻓﻴﺶ ﺩﺍﻋﻲ ، ﺃﻧﺎ ﻋﺎﺭﻑ ﺍﻟﻤﻜﺎﻥ ﻭﻻ ﻧﺴﻴﺖ
- ﺟﻼﻝ ﻣﺒﺘﺴﻤﺎً ﻭﻫﻮ ﻳﺘﺒﻌﻪ : ﻋﻨﺪﻙ ﺣﻖ .. ﺩﻩ ﻣﻜﺎﻧﻚ
..................................
ﻓﻲ ﻧﻔﺲ ﺍﻟﻮﻗﺖ ﺑﻤﻜﺎﻥ ﻣﺎ ﺑﺎﻟﻘﺮﻳﺔ ،،،
ﺍﻛﺘﺸﻔﺖ ﻓﺎﻃﻴﻤﺎ ﻭﺟﻮﺩ ﻣﻨﻄﻘﺔ ﺧﺎﺻﺔ ﺑﺘﺄﺟﻴﺮ ﺍﻟﺪﺭﺍﺟﺎﺕ ، ﻓﺮﻏﺒﺖ ﺑﺸﺪﺓ ﺃﻥ ﺗﺴﺘﺄﺟﺮ ﻭﺍﺣﺪﺓ ﻭﺗﺮﻛﺒﻬﺎ ﻣﻊ ﺍﺧﺘﻬﺎ .. ﻛﺎﻧﺖ ﻧﻴﺮﺓ ﺭﺍﻓﻀﺔ ﻟﻸﻣﺮ ﻓﻲ ﺍﻟﺒﺪﺍﻳﺔ ، ﻭﻟﻜﻦ ﻣﻊ ﺇﻟﺤﺎﺡ ﻓﺎﻃﻴﻤﺎ ﻭﺇﺻﺮﺍﺭﻫﺎ ﺍﺿﻄﺮﺕ ﺃﻥ ﺗﻮﺍﻓﻖ ﻭ ...
- ﻓﺎﻃﻴﻤﺎ ﺑﺘﻮﺳﻞ : ﻳﺎﻻ ﻳﺎ ﻧﺎﺭﻭﻭﻭ ، ﻣﺎﺗﺒﻘﻴﺶ ﺑﺎﻳﺨﺔ ﺑﻘﻰ
- ﻧﻴﺮﺓ : ﻋﺠﻞ ﺍﻳﻪ ﺩﻩ ﺍﻟﻠﻲ ﺍﻧﺘﻲ ﻋﺎﻭﺯﺍﻧﻲ ﺃﺭﻛﺒﻪ
- ﻓﺎﻃﻴﻤﺎ : ﻭﺍﻟﻠﻪ ﺩﻩ ﺟﻤﻴﻞ ، ﻭﺑﻌﺪﻳﻦ ﺃﻧﺎ ﻧﻔﺴﻲ ﺃﺭﻛﺐ ﻋﺠﻞ ﺃﻭﻱ ، ﻭﻣﺼﺪﻗﺖ ﻻﻗﻴﺖ ﺣﺘﺔ ﻣﻘﻔﻮﻟﺔ ﻋﺸﺎﻥ ﺃﺭﻛﺐ ﺑﺮﺍﺣﺘﻲ ﻓﻴﻬﺎ
- ﻧﻴﺮﺓ : ﻃﺐ ﺍﺭﻛﺒﻲ ﺍﻧﺘﻲ
- ﻓﺎﻃﻴﻤﺎ : ﺃﻧﺎ ﻋﺎﻭﺯﺍﻛﻲ ﺗﺮﻛﺒﻲ ﻣﻌﺎﻳﺎ
- ﻧﻴﺮﺓ : ﺑﺲ ﺃﻧﺎ ﻣﺶ ﻋﺎﻭﺯﺓ
- ﻓﺎﻃﻴﻤﺎ : ﻟﻴﻴﻴﻪ ﺑﺲ ؟؟
- ﻧﻴﺮﺓ : ﻛﺪﻩ ، ﻭﺑﻌﺪﻳﻦ ﺃﻧﺎ ﺭﺟﻠﻲ ﻫﺎﺗﻮﺟﻌﻨﻲ ﻣﻦ ﺍﻟﺘﺒﺪﻳﻞ ﻭﺃﻧﺎ ﻣﺶ ﻧﺎﻗﺼﺔ ﻗﺮﻑ
- ﻓﺎﻃﻴﻤﺎ ﻣﺤﺎﻭﻟﺔ ﺍﻗﻨﺎﻋﻬﺎ : ﻃﺐ ﻧﺮﻛﺒﻬﻢ 10 ﺩﻗﺎﻳﻖ ﺑﺲ
- ﻧﻴﺮﺓ : ﺷﻮﻓﻲ ﺍﻱ ﺣﺎﺟﺔ ﺗﺎﻧﻴﺔ ﻳﺎ ﺗﻮﺗﺎ
- ﻓﺎﻃﻴﻤﺎ : ﻳﺎ ﺑﻨﺘﻲ ﺑﺼﻲ ﺣﻮﺍﻟﻴﻜﻲ ﺍﻟﻘﺮﻳﺔ ﻓﺎﺿﻴﺔ ، ﻣﺎﻓﻴﺶ ﺣﺪ ﻣﻮﺟﻮﺩ ﻳﻌﻨﻲ ﻫﺎﻧﻌﺮﻑ ﻧﺮﻛﺐ ﻋﺠﻞ ﺑﺮﺍﺣﺘﻨﺎ
- ﻧﻴﺮﺓ : ﻷ ﺑﺮﺿﻮﻩ
- ﻓﺎﻃﻴﻤﺎ ﺑﻀﻴﻖ : ﻳﺒﻘﻰ ﺍﻧﺘﻲ ﺧﺎﻳﻔﺔ ﻣﻨﻲ ﻋﺸﺎﻥ ﺃﻧﺎ ﻣﻤﻜﻦ ﺃﻛﺴﺒﻚ
- ﻧﻴﺮﺓ ﻭﻫﻲ ﺗﻨﻈﺮ ﻟﻬﺎ ﺑﻨﻈﺮﺍﺕ ﺗﺤﺪﻱ : ﺗﻜﺴﺒﻲ ﻣﻴﻦ ﻳﺎ ﺗﻮﺗﺎ ؟؟ ﺩﻩ ﺃﻧﺎ ﺑﻌﺮﻑ ﺃﺳﻮﻕ ﻋﺠﻞ ﻣﻦ ﻗﺒﻞ ﻣﺎ ﺍﻧﺘﻲ ﺗﺘﻮﻟﺪﻱ
- ﻓﺎﻃﻴﻤﺎ : ﻣﺶ ﺑﺎﻟﻜﻼﻡ ﻳﺎ ﻧﺎﺭﻭﻭ
- ﻧﻴﺮﺓ : ﻃﻴﺐ ﺃﻧﺎ ﻫﻮﺭﻳﻜﻲ
- ﻓﺎﻃﻴﻤﺎ : ﻭﺍﻭ ﻫﻨﻌﻤﻞ ﺳﺒﻖ ﺑﻴﻨﺎ
- ﻧﻴﺮﺓ : ﺃﻩ ، ﺑﺲ ﻟﻮ ﻛﺴﺒﺘﻚ ﺍﻳﺎﻛﻲ ﺗﻄﻠﺒﻲ ﻣﻨﻲ ﺃﺭﻛﺒﻬﺎ ﺗﺎﻧﻲ ، ﻣﻮﺍﻓﻘﺔ
- ﻓﺎﻃﻴﻤﺎ : ﺍﻭﻙ
- ﻧﻴﺮﺓ : ﺃﻩ ﻭﻛﻤﺎﻥ ﺗﺤﻠﻲ ﻋﻨﻲ ﻃﻮﻝ ﺍﻷﺟﺎﺯﺓ
- ﻓﺎﻃﻴﻤﺎ ﺑﻘﻠﻖ : ﺍﻭﻭﻭﺑﺲ .. ﺩﻩ ﺍﻧﺘﻲ ﻭﺍﺛﻘﺔ ﻣﻦ ﻧﻔﺴﻚ
- ﻧﻴﺮﺓ : ﻃﺒﻌﺎ
- ﻓﺎﻃﻴﻤﺎ : ﺍﻭﻙ .. ﺑﺲ ﻟﻮ ﺃﻧﺎ ﺍﻟﻠﻲ ﻛﺴﺒﺘﻚ ﻳﺒﻘﻰ ﻫﺘﺨﺮﺟﻲ ﻣﻌﺎﻳﺎ ، deal ؟
- ﻧﻴﺮﺓ : ﺍﻭﻙ deal .. ..
ﻭﺑﺎﻟﻔﻌﻞ ﺍﺳﺘﺄﺟﺮﺕ ﻧﻴﺮﺓ ﻭﻓﺎﻃﻴﻤﺎ ﺩﺭﺍﺟﺘﻴﻦ ﻣﻦ ﻣﺘﺠﺮ ﺗﺄﺟﻴﺮ ﺍﻟﺪﺭﺍﺟﺎﺕ ﺍﻟﻤﻠﺤﻖ ﺑﺎﻟﻘﺮﻳﺔ ، ﻭﺑﺪﺃﺕ ﺍﻻﺛﻨﺘﻴﻦ ﻓﻲ ﺭﻛﻮﺑﻬﺎ ﻭﺍﻻﻧﻄﻼﻕ ﺑﻬﺎ ..
ﻛﺎﻧﺖ ﻧﻴﺮﺓ ﻓﻲ ﺍﻟﺒﺪﺍﻳﺔ ﻏﻴﺮ ﻗﺎﺩﺭﺓ ﻋﻠﻰ ﻗﻴﺎﺩﺗﻬﺎ ، ﻭﻟﻜﻦ ﺑﻌﺪ ﺩﻗﻴﻘﺘﻴﻦ ﺗﻤﻜﻨﺖ ﻣﻦ ﺗﺬﻛﺮ ﻣﻬﺎﺭﺍﺗﻬﺎ ﺍﻟﻘﺪﻳﻤﺔ ﻓﻲ ﺭﻛﻮﺑﻬﺎ ، ﻭﺍﻧﻄﻠﻘﺖ ﺑﻬﺎ ﻓﻲ ﺃﺭﺟﺎﺀ ﺍﻟﻘﺮﻳﺔ ﺗﺘﺴﺎﺑﻖ ﻣﻊ ﺍﺧﺘﻬﺎ ﺍﻟﺼﻐﺮﻯ ﻓﺎﻃﻴﻤﺎ ..
...........................
ﺧﺮﺝ ﻣﺮﻭﺍﻥ ﻣﻦ ﺍﻻﺳﺘﻘﺒﺎﻝ ﻭﺍﺿﻌﺎً ﻧﻈﺎﺭﺗﻪ ﺍﻟﺴﻮﺩﺍﺀ ﻋﻠﻰ ﻭﺟﻬﻪ ﻭﻣﻌﻪ ﺍﻟﻤﻠﻒ ﺍﻟﻤﻄﻠﻮﺏ ، ﻓﺘﺢ ﺑﺎﺏ ﺳﻴﺎﺭﺗﻪ ﺍﻷﻣﺎﻣﻲ ﻭﺟﻠﺲ ﺧﻠﻒ ﻋﺠﻠﺔ ﺍﻟﻘﻴﺎﺩﺓ ، ﺛﻢ ﺃﻏﻠﻘﻪ ، ﻭﺿﻊ ﺍﻟﻤﻠﻒ ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻪ ، ﻭﺑﺪﺃ ﻓﻲ ﺍﻟﺘﺤﺮﻙ ﻟﺨﺎﺭﺝ ﺍﻟﻘﺮﻳﺔ ..
- ﻣﺮﻭﺍﻥ : ﻳﺪﻭﺏ ﺃﻟﺤﻖ ﺃﺭﺟﻊ، ﺃﺻﻞ ﺃﻧﺎ ﻛﻨﺖ ﻧﺎﻗﺺ ﺃﺗﻌﻄﻞ
ﻛﺎﻧﺖ ﺑﻮﺍﺑﺔ ﺍﻟﺨﺮﻭﺝ ﻣﻦ ﺍﻟﻘﺮﻳﺔ ﺍﻟﺴﻴﺎﺣﻴﺔ ﻏﻴﺮ ﺑﻮﺍﺑﺔ ﺍﻟﺪﺧﻮﻝ ، ﻓﺎﻻﺛﻨﺘﻴﻦ ﺗﺒﻌﺪﺍﻥ ﻣﺴﺎﻓﺔ ﻋﻦ ﺑﻌﻀﻬﻤﺎ ، ﻟﺬﺍ ﻋﻠﻰ ﺍﻟﻤﺘﻮﺟﻪ ﻟﺨﺎﺭﺝ ﺍﻟﻘﺮﻳﺔ ﺃﻥ ﻳﻠﺘﻒ ﻣﻦ ﻃﺮﻳﻖ ﻣﺎ ﺷﺒﻪ ﻣﻨﺤﻨﻲ ﻣﺮﺻﻮﻑ ﺑﺪﺍﺧﻞ ﺍﻟﻘﺮﻳﺔ ﺣﺘﻰ ﻳﺼﻞ ﻟﻠﺒﻮﺍﺑﺔ ﺍﻟﺨﺎﺻﺔ ﺑﺎﻟﺨﺮﻭﺝ ..
ﺍﻧﻄﻠﻖ ﻣﺮﻭﺍﻥ ﻧﺤﻮ ﺍﻟﻄﺮﻳﻖ ﺍﻟﻤﺨﺼﺺ ﻟﻠﺨﺮﻭﺝ ﺑﺴﻴﺎﺭﺗﻪ ، ﻓﻲ ﺍﻟﺒﺪﺍﻳﺔ ﻛﺎﻥ ﻳﻘﻮﺩ ﺑﺴﺮﻋﺔ ﺑﻄﻴﺌﺔ ﺛﻢ ﺑﺪﺃ ﻳﺴﺮﻉ ﻗﻠﻴﻼً ..
ﻻﺣﻆ ﻣﺮﻭﺍﻥ ﺃﻥ ﺑﻄﺎﺭﻳﺔ ﻫﺎﺗﻔﻪ ﺍﻟﻤﺤﻤﻮﻝ ﻋﻠﻰ ﻭﺷﻚ ﺍﻟﻨﻔﺎﺫ ﻟﺬﺍ ﻛﺎﻥ ﻳﺤﺎﻭﻝ ﻭﺿﻊ ﻫﺎﺗﻔﻪ ﻋﻠﻰ ﺍﻟﺸﺎﺣﻦ ﺍﻟﻤﺘﺼﻞ ﺑﺎﻟﺴﻴﺎﺭﺓ ﻭﺍﻧﺸﻐﻞ ﺑﻪ ، ﻭﻟﻢ ﻳﻨﺘﺒﻪ ﻟﺘﻠﻚ ﺍﻟﻔﺘﺎﺓ ﺍﻟﻘﺎﺩﻣﺔ ﻣﻦ ﺑﻌﻴﺪ ....
- ﻣﺮﻭﺍﻥ ﺑﻀﻴﻖ ﻟﻨﻔﺴﻪ : ﻭﺩﻩ ﻭﻗﺘﻚ ﻳﻌﻨﻲ ، ﺍﻭﻭﻭﻑ .. ﺍﺻﺒﺮ ﻋﻠﻴﺎ ﺑﺲ ﺃﺣﻄﻚ ﻓﻲ ﺍﻟﺸﺎﺣﻦ ، ﺍﻭﻋﻰ ﺗﻔﺼﻞ !!!..
ﻓﻲ ﻧﻔﺲ ﺍﻟﻮﻗﺖ ﻛﺎﻧﺖ ﻧﻴﺮﺓ ﻗﺎﺩﻣﺔ ﻣﻦ ﺑﻌﻴﺪ ﺑﺴﺮﻋﺔ ﻓﺎﺋﻘﺔ ﻭﻫﻲ ﺗﺮﻛﺐ ﺩﺭﺍﺟﺘﻬﺎ ، ﻭﻛﺎﻧﺖ ﺑﻴﻦ ﺍﻟﺤﻴﻦ ﻭﺍﻷﺧﺮ ﺗﺪﻳﺮ ﺭﺃﺳﻬﺎ ﻟﻠﺨﻠﻒ ﻟﺘﺮﻯ ﺍﻟﻤﺴﺎﻓﺔ ﺑﻴﻨﻬﺎ ﻭﺑﻴﻦ ﻓﺎﻃﻴﻤﺎ ، ﻭﺍﺑﺘﺴﻤﺖ ﺍﺑﺘﺴﺎﻣﺔ ﺍﻧﺘﺼﺎﺭ ﻭﺍﺿﺤﺔ ﺣﻴﻨﻤﺎ ﺭﺃﺕ ﺑﻌﺪ ﺍﻟﻤﺴﺎﻓﺔ ﺑﻴﻨﻬﻤﺎ ..
- ﻧﻴﺮﺓ ﺑﺴﻌﺎﺩﺓ : ﺃﻳﻮﻭﻭﻩ ، ﻫﻮ ﺩﻩ ﺍﻟﻜﻼﻡ ، ﻛﺪﻩ ﻣﺶ ﻫﺎﺗﻌﺮﻑ ﺗﻮﺻﻠﻲ ، ﺍﻟﻔﺮﻕ ﺑﻴﻨﺎ ﺑﻘﻰ ﻛﺒﻴﺮ ، ﻳﺪﻭﺏ ﺑﺲ ﺃﻭﺻﻞ ﺃﻧﺎ ﻷﻭﻝ ﺍﻟﻘﺮﻳﺔ ﻭﺁﺁ .....
ﺍﻧﺘﺒﻬﺖ ﻧﻴﺮﺓ ﻭﻫﻲ ﺗﺴﻴﺮ ﻋﻠﻰ ﺍﻟﻄﺮﻳﻖ ﺑﺪﺭﺍﺟﺘﻬﺎ ﺃﻥ ﻫﻨﺎﻙ ﺳﻴﺎﺭﺓ ﺿﺨﻤﺔ ﻗﺎﺩﻣﺔ ﻓﻲ ﺍﺗﺠﺎﻫﻬﺎ ﺗﺴﺪ ﻋﻠﻴﻬﺎ ﺍﻟﻄﺮﻳﻖ ، ﻭﻷﻥ ﺍﻟﻄﺮﻳﻖ ﻛﺎﻥ ﻣﻨﺤﺪﺭﺍً ﻓﻜﺎﻧﺖ ﻣﺴﺄﻟﺔ ﺍﻟﻀﻐﻂ ﻋﻠﻰ ﻣﻜﺎﺑﺢ ﺍﻟﺪﺭﺍﺟﺔ ﻟﺘﻔﺎﺩﻱ ﺍﻻﺻﻄﺪﺍﻡ ﺃﻣﺮ ﺷﺒﻪ ﻣﺴﺘﺤﻴﻞ ﻭ
