ﻓﻲ ﻣﻜﺘﺐ ﺻﻼﺡ ﺍﻟﺪﺳﻮﻗﻲ ﻟﻠﻤﻘﺎﻭﻻﺕ ،،،،
ﻛﺎﻥ ﻣﻜﺘﺐ ﺻﻼﺡ ﺍﻟﺪﺳﻮﻗﻲ ﻳﻤﺮ ﺑﺄﺯﻣﺔ ﻃﺎﺣﻨﺔ ﻭﺫﻟﻚ ﻧﺘﻴﺠﺔ ﺇﻟﻐﺎﺀ ﻋﺪﺓ ﻣﻘﺎﻭﻻﺕ ﻗﺪ ﺗﻢ ﺍﻻﺗﻔﺎﻕ ﻋﻠﻴﻬﺎ ﻣﺴﺒﻘﺎً .. ﻓﻔﻬﻤﻲ ﺍﻟﻨﻘﻴﺐ ﻟﻢ ﻳﻀﻴﻊ ﻭﻗﺘﻪ ﻭﺇﻧﻤﺎ ﻋَﻤِﺪ ﺇﻟﻰ ﺗﺪﻣﻴﺮ ﺻﻼﺡ ﺍﻟﺪﺳﻮﻗﻲ ﺑﻜﻞ ﻣﺎ ﺃﻭﺗﻲ ﻣﻦ ﻗﻮﺓ ﻛﻲ ﻳﻠﻘﻨﻪ ﺩﺭﺳﺎً ....
- ﻋﻠﻲ : ﺃﻧﺎ ﻣﺶ ﻋﺎﺭﻑ ﺇﻳﻪ ﺑﺲ ﺍﻟﻠﻲ ﺣﺼﻠﻨﺎ ، ﻣﺎ ﺍﺣﻨﺎ ﻛﻨﺎ ﻣﺎﺷﻴﻴﻦ ﻛﻮﻳﺲ
- ﻧﺎﺟﻲ : ﻭﺍﻟﻠﻪ ﻳﺎ ﺃﺳﺘﺎﺫ ﻋﻠﻲ ﺃﻧﺎ ﻛﻞ ﺷﻮﻳﺔ ﻋﻤﻴﻞ ﻳﻜﻠﻤﻨﻲ ﻭﻳﻠﻐﻲ ﻣﻌﺎﻳﺎ ﺍﺗﻔﺎﻕ ﻛﻨﺎ ﻣﺎﺿﻴﻴﻦ ﻋﻠﻴﻪ ﻣﻦ ﻓﺘﺮﺓ ﺃﻭ ﺣﺘﻰ ﺑﺪﺃﻧﺎ ﻧﺸﺘﻐﻞ ﻋﻠﻴﻪ
- ﻋﻠﻲ : ﺍﻟﻤﻜﺘﺐ ﻛﺪﻩ ﻫﻴﺘﺨﺮﺏ ﻣﻦ ﺍﻟﻠﻲ ﺑﻴﺤﺼﻞ ﻓﻴﻪ ، ﻻ ﺣﻮﻝ ﻭﻻ ﻗﻮﺓ ﺇﻻ ﺑﺎﻟﻠﻪ
- ﻧﺎﺟﻲ : ﻫﺎﻧﺒﻠﻎ ﺍﻷﺳﺘﺎﺫ ﺻﻼﺡ ﺑﺪﻩ
- ﻋﻠﻲ : ﻻﺯﻡ ﻧﺒﻠﻐﻪ ، ﻣﺎﻫﻮ ﺍﻛﻴﺪ ﻫﻴﻌﺮﻑ
..............................
ﻓﻲ ﺷﺮﻛﺔ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،
ﻃﻠﺐ ﺷﺎﻛﺮ ﺑﻴﻚ ﻣﻘﺎﺑﻠﺔ ﻓﻬﻤﻲ ﺍﻟﻨﻘﻴﺐ ... ﺷﺎﻛﺮ ﺑﻴﻚ ﻫﻮ ﻭﺍﻟﺪ ﻣﺎﻳﺎ ، ﻭﻫﻮ ﺃﺣﺪ ﺍﻫﻢ ﺭﺟﺎﻝ ﺍﻷﻋﻤﺎﻝ ﺍﻟﻤﻌﺮﻭﻑ ﻋﻨﻬﻢ ﺑﺎﻟﻨﻔﻮﺫ ﺍﻟﻘﻮﻱ ﻭﺍﻟﺴﻠﻄﺔ .. ﻭﻷﻥ ﻣﺎﻳﺎ ﺗﻌﻬﺪﺕ ﺑﺎﻻﻧﺘﻘﺎﻡ ﻣﻦ ﻧﺪﻯ ﻭﺍﺧﺘﻬﺎ ، ﻟﺬﺍ ﺑﺪﺃﺕ ﺑﺘﻨﻔﻴﺬ ﻣﺨﻄﻄﻬﺎ ﻭﺗﺴﻠﻴﻂ ﻭﺍﻟﺪﻫﺎ ﻟﻔﻌﻞ ﻣﺎ ﺗﺮﻳﺪ .....
- ﻓﻬﻤﻲ ﻣﺸﻴﺮﺍً ﺑﻴﺪﻩ : ﺍﺗﻔﻀﻞ ﻳﺎ ﺷﺎﻛﺮ ﺑﻴﻪ ،ﻣﻨﻮﺭ ﺍﻟﺸﺮﻛﺔ
- ﺷﺎﻛﺮ ﻭﻫﻮ ﻳﺪﺧﻦ ﺳﻴﺠﺎﺭﻩ ﺍﻟﻔﺎﺧﺮ : ﺷﻜﺮﺍً ﻳﺎ ﻓﻬﻤﻲ ﺑﻴﻪ
- ﻓﻬﻤﻲ : ﺍﺯﻱ ﻣﺎﻳﺎ ؟ ﺍﺧﺒﺎﺭﻫﺎ ﺍﻳﻪ
- ﺷﺎﻛﺮ : ﻣﻤﻢ .. ﺃﻧﺎ ﺟﺎﻱ ﺍﻟﻨﻬﺎﺭﺩﺓ ﻣﺨﺼﻮﺹ ﻋﺸﺎﻧﻬﺎ ؟
- ﻓﻬﻤﻲ : ﻣﺎﻟﻬﺎ ﻣﺎﻳﺎ ؟؟ ﻓﻲ ﺣﺎﺟﺔ ﺣﺼﻠﺘﻠﻬﺎ
- ﺷﺎﻛﺮ : ﺑﺼﺮﺍﺣﺔ ﺃﻩ .. ﺑﺴﺒﺐ ﺍﺑﻨﻚ
- ﻓﻬﻤﻲ : ﻣﺮﻭﺍﻥ ؟؟ ﻋﻤﻞ ﻓﻴﻬﺎ ﺍﻳﻪ ؟
- ﺷﺎﻛﺮ : ﺍﺑﻨﻚ ﻋﺮﻑ ﺑﻨﺖ ﻛﺪﻩ ﻣﺶ ﺗﻤﺎﻡ ﻭﺁﺁﺁ .. ﻭﻣﺎﻳﺎ ﺣﺎﻭﻟﺖ ﺗﺤﺬﺭﻩ ﻟﻜﻦ ﻫﻮ ﺗﺘﻄﺎﻭﻝ ﻋﻠﻴﻬﺎ ، ﻭﻟﻮﻻ ﺍﻧﻲ ﻋﺎﺭﻑ ﻣﺮﻭﺍﻥ ﻭﺍﺧﻼﻗﻪ ﻣﻜﻮﻧﺘﺶ ﻋﺪﻳﺖ ﺍﻟﻤﻮﺿﻮﻉ ﺩﻩ
- ﻓﻬﻤﻲ ﺑﻨﻈﺮﺍﺕ ﻧﺎﺭﻳﺔ : ﺃﻛﻴﻴﻴﻴﺪ ﺑﻨﺖ ﺍﻟﺰﻓﺖ ﺻﻼﺡ
- ﺷﺎﻛﺮ : ﺃﻧﺎ ﺭﺃﻳﻲ ﺗﺎﺧﺪ ﺑﺎﻟﻚ ﻣﻦ ﺍﺑﻨﻚ ﻛﻮﻳﺲ .. ﺍﺣﻨﺎ ﻋﺎﺭﻓﻴﻦ ﺍﻥ ﺍﻟﺸﺒﺎﺏ ﻃﺎﻳﺶ ﻭﻣﺶ ﻋﺎﺭﻑ ﺑﻴﻌﻤﻞ ﺍﻳﻪ ، ﻟﻜﻦ ﻓﻲ ﺍﻷﺧﺮ ﺑﻴﻌﻘﻠﻮﺍ ، ﻭﻭﻇﻴﻔﺘﻨﺎ ﺍﻧﻨﺎ ﻧﺎﺧﺪ ﺑﺎﻟﻨﺎ ﻣﻨﻬﻢ ﺣﺘﻰ ﻟﻮ ﻏﺼﺐ ﻋﻨﻬﻢ
- ﻓﻬﻤﻲ : ﺍﻃﻤﻦ ﻳﺎ ﺷﺎﻛﺮ ﺑﻴﻪ ، ﺃﻧﺎ ﻣﺶ ﺳﺎﻛﺖ
- ﺷﺎﻛﺮ : ﻭﻳﺎ ﺭﻳﺖ ﺗﺒﻠﻎ ﺳﻠﻴﻢ ﺻﺎﺣﺒﻚ ﺑﺪﻩ
- ﻓﻬﻤﻲ : ﻗﺼﺪﻙ ﺳﻠﻴﻢ ﺍﻟﻜﻮﻣﻲ
- ﺷﺎﻛﺮ ﻭﻫﻮ ﻳﻨﻬﺾ ﻣﻦ ﻣﻜﺎﻧﻪ : ﺃﻳﻮﻩ .. ﻟﻤﺼﻠﺤﺘﻜﻢ ﺍﻥ ﻭﻻﺩﻛﻢ ﻳﺒﻌﺪﻭﺍ ﻋﻦ ﺍﻟﺒﻨﺎﺕ ﺩﻭﻝ .. ﺗﻤﺎﻡ
- ﻓﻬﻤﻲ : ﺣﺎﺿﺮ ... ﺍﻧﺖ ﻗﻮﻣﺖ ﻟﻴﻪ ﻳﺎ ﺷﺎﻛﺮ ﺑﻴﻪ ؟
- ﺷﺎﻛﺮ ﻭﻫﻮ ﻳﻨﻈﺮ ﻓﻲ ﺳﺎﻋﺘﻪ ﺑﺎﻫﻈﺔ ﺍﻟﺜﻤﻦ : ﻳﺪﻭﺏ .. ﺍﻧﺖ ﻋﺎﺭﻑ ﺍﻟﻮﺍﺣﺪ ﻭﻗﺘﻪ ﻣﺤﺴﻮﺏ ﺑﺎﻟﺜﺎﻧﻴﺔ ، ﻭﻣﺸﺎﻏﻠﻲ ﻻ ﺣﺼﺮ ﻟﻬﺎ
- ﻓﻬﻤﻲ : ﺍﻩ ﻃﺒﻌﺎً ، ﺍﻟﻠﻪ ﻳﻜﻮﻥ ﻓﻲ ﻋﻮﻧﻚ
- ﺷﺎﻛﺮ ﻭﻫﻮ ﻳﺼﺎﻓﺤﻪ : ﺷﻜﺮﺍً ﻳﺎ ﻓﻬﻤﻲ ﺑﻴﻪ ، ﻭﺃﻛﻴﺪ ﻫﻨﺘﻘﺎﺑﻞ ﺗﺎﻧﻲ
- ﻓﻬﻤﻲ : ﻃﺒﻌﺎً .. ﻃﺒﻌﺎً
ﺍﻧﺼﺮﻑ ﺷﺎﻛﺮ ﻭﻳﻌﻠﻮ ﻭﺟﻬﻪ ﺍﺑﺘﺴﺎﻣﺔ ﺷﻴﻄﺎﻧﻴﺔ ﻣﺨﻴﻔﺔ ﺧﺎﺻﺔ ﺑﻌﺪ ﺃﻥ ﺍﻃﻤﺌﻦ ﺃﻧﻪ ﺃﺷﻌﻞ ﻧﻴﺮﺍﻥ ﺍﻟﺤﻘﺪ ﻟﺪﻯ ﻓﻬﻤﻲ ﺍﻟﻨﻘﻴﺐ ..
...........................
ﺑﻌﺪ ﻣﺮﻭﺭ ﻋﺪﺓ ﺃﻳﺎﻡ ،،،
ﻓﻲ ﻣﻨﺰﻝ ﺻﻼﺡ ﺍﻟﺪﺳﻮﻗﻲ ،،،،
ﺗﻐﻴﺮﺕ ﻣﻌﺎﻣﻠﺔ ﺻﻼﺡ ﻣﻊ ﺍﺑﻨﺘﻴﻪ ﻛﺜﻴﺮﺍً .. ﻓﻬﻮ ﺑﺎﺕ ﺧﺎﺋﻔﺎً ﻋﻠﻴﻬﻦ ﺟﻤﻴﻌﺎً ﻣﻦ ﺃﻱ ﺷﻲﺀ ﻗﺪ ﻳﺴﺒﺐ ﻟﻬﻤﺎ ﺍﻟﻀﺮﺭ ﻭﺍﻷﺳﻰ ، ﺧﺎﺻﺔ ﺑﻌﺪ ﺗﻬﺪﻳﺪﺍﺕ ﻓﻬﻤﻲ ﺍﻟﻨﻘﻴﺐ ﺍﻟﺼﺮﻳﺤﺔ .. ﻟﺬﺍ ﻃﻠﺐ ﻣﻦ ﺻﺪﻳﻘﻪ ﻋﻠﻲ ﺃﻥ ﻳﺴﺮﻉ ﻓﻲ ﻋﻤﻞ ﺍﺟﺮﺍﺀﺍﺕ ﺍﻟﻘﻴﺪ ﺍﻟﻤﻨﺰﻟﻲ ﻟﻨﻴﺮﺓ ﻭﺍﺳﺘﺨﺮﺍﺝ ﺗﺼﺎﺭﻳﺢ ﺧﺎﺻﺔ ﺑﺄﺟﺎﺯﺓ ﻣﺮﺿﻴﺔ ﻟﻬﺎ ، ﺣﺘﻰ ﻻ ﺗﻀﻄﺮ ﻟﻠﺬﻫﺎﺏ ﺇﻟﻰ ﻣﺪﺭﺳﺘﻬﺎ ﺳﻮﻯ ﻓﻘﻂ ﻓﻲ ﺃﻳﺎﻡ ﺍﻻﻣﺘﺤﺎﻧﺎﺕ ، ﺃﻣﺎ ﺑﺨﺼﻮﺹ ﻧﺪﻯ ، ﻓﺄﺳﻠﻢ ﺷﻲﺀ ﻟﻬﺎ ﻫﻮ ﺃﻥ ﺗﻘﺪﻳﻢ ﺍﻋﺘﺬﺍﺭ ﺭﺳﻤﻲ ﻋﻦ ﺍﻟﺤﻀﻮﺭ ﻓﻲ ﺍﻟﻜﻠﻴﺔ ﺣﺘﻰ ﻳﻀﻤﻦ ﻋﺪﻡ ﻣﻘﺎﺑﻠﺘﻬﺎ ﻟﻤﺮﻭﺍﻥ ﺃﻭ ﻳﻮﺳﻒ ، ﺑﺎﻻﺿﺎﻓﺔ ﺇﻟﻰ ﺃﻥ ﻳﻜﻮﻥ ﻛﻼﻫﻤﺎ ﻗﺪ ﺗﺨﺮﺝ ﻣﻦ ﺍﻟﻜﻠﻴﺔ ، ﻓﺘﻜﻮﻥ ﻧﺪﻯ ﻋﻠﻰ ﺣﺮﻳﺘﻬﺎ ..
ﻟﻘﺪ ﻛﺎﻥ ﺗﻔﻜﻴﺮ ﺻﻼﺡ ﻣﺘﻬﻮﺭﺍً .. ﻭﻟﻜﻦ ﻛﺎﻥ ﺷﺎﻏﻠﻪ ﺍﻟﻜﺒﺮ ﻫﻮ ﺣﻤﺎﻳﺔ ﻓﻠﺬﺍﺕ ﻛﺒﺪﻩ ، ﻓﻜﻞ ﺷﻲﺀ ﻳﻬﻮﻥ ﺃﻣﺎﻡ ﺣﻴﺎﺗﻬﻦ ﺍﻟﻐﺎﻟﻴﺔ ...
ﺃﺻﻴﺒﺖ ﻛﻼً ﻣﻦ ﻧﺪﻯ ﻭﻧﻴﺮﺓ ﺑﺨﻴﺒﺔ ﺍﻷﻣﻞ ﺑﻌﺪ ﺍﻟﻘﺮﺍﺭﺍﺕ ﺍﻟﺘﻲ ﺍﺗﺨﺬﻫﺎ ﻭﺍﻟﺪﻫﻤﺎ ، ﺣﺎﻭﻟﺖ ﺍﻻﺛﻨﺘﻴﻦ ﻛﺜﻴﺮﺍً ﻣﻌﻪ ، ﻭﻟﻜﻨﻪ ﻛﺎﻥ ﻋﻨﻴﺪﺍً ﺑﺪﺭﺟﺔ ﻟﻢ ﻳﺘﺨﻴﻼﻫﺎ ..
- ﻧﺪﻯ : ﺣﺮﺍﻡ ﻭﺍﻟﻠﻪ ﻳﺎ ﺑﺎﺑﺎ
- ﺻﻼﺡ ﺑﻀﻴﻖ : ﺩﻩ ﺍﺧﺮ ﻛﻼﻡ ﻋﻨﺪﻱ
- ﻧﻴﺮﺓ : ﻃﺐ ﻣﺎ ﻛﺪﻩ ﺍﻟﺴﻨﺔ ﻫﺘﺮﻭﺡ ﻉ ﻧﺪﻯ
- ﺻﻼﺡ : ﺗﺮﻭﺡ ، ﻣﺶ ﻣﻬﻢ ، ﺗﺒﻘﻰ ﺗﻌﻴﺪﻫﺎ ﺍﻟﺴﻨﺔ ﺍﻟﺠﺎﻳﺔ
- ﻧﺪﻯ : ﻃﺐ ﻟﻴﻪ ﻛﻞ ﺩﻩ
- ﺻﻼﺡ : ﻫﻮ ﻛﺪﻩ .. ﺃﻧﺎ ﻣﺶ ﻧﺎﻗﺺ ﻭﺟﻊ ﺩﻣﺎﻍ ، ﻭﻛﺪﻩ ﺃﺣﺴﻦ .. ﺁﺁﻩ .. ﻧﺴﻴﺖ ﺃﻗﻮﻟﻜﻢ ﺃﻧﺎ ﻻﻏﻴﺖ ﺍﺷﺘﺮﺍﻙ ﺍﻟﻨﺖ ، ﻣﺎﻓﻴﺶ ﺩﺍﻋﻲ ﻟﻴﻪ ، ﻛﻔﺎﻳﺔ ﺍﻭﻱ ﻋﻠﻴﻜﻢ ﺍﻟﺘﻠﻔﺰﻳﻮﻥ
- ﻧﺪﻯ : ﻳﺎ ﺑﺎﺑﺎ ﺍﺣﻨﺎ ﻣﺶ ﻋﺎﻭﺯﻳﻦ ﺇﻻ ﺍﻧﻨﺎ ﻧﻜﻤﻞ ﺗﻌﻠﻴﻤﻨﺎ
- ﻧﻴﺮﺓ : ﺍﻳﻮﻩ ﻳﺎ ﺑﺎﺑﺎ ﺣﺮﺍﻡ ﻛﻞ ﺩﻩ ﻳﻀﻴﻊ ﻉ ﺍﻟﻔﺎﺿﻲ
- ﺻﻼﺡ : ﺍﻧﺘﻮ ﻫﺘﻜﻤﻠﻮﻩ ﺑﺲ ﻓﻲ ﺍﻟﺒﻴﺖ، ﻭﺍﻟﺪﺭﻭﺱ ﺍﻟﻠﻲ ﻫﺎﺗﻌﺰﻭﻫﺎ ﻫﺘﻜﻮﻥ ﺑﺮﺿﻮﻩ ﻫﻨﺎ ، ﻣﺤﺪﺵ ﻫﻴﻨﺰﻝ ﻓﻴﻜﻮ ﺍﻟﺸﺎﺭﻉ ، ﻭﻃﻤﻄﻢ ﺃﻧﺎ ﺍﻟﻠﻲ ﻫﻮﺩﻳﻬﺎ ﻭﺍﺟﻴﺒﻬﺎ .. ﻣﺎﺷﻲ ؟
- ﻧﺪﻯ : ﻃﺐ ﺩﻩ ﺑﺎﻟﻨﺴﺒﺔ ﻟﻨﻴﺮﺓ ﻭﻃﻤﻄﻢ ، ﻭﺃﻧﺎ ﻳﺎ ﺑﺎﺑﺎ ؟؟ ﺍﻧﺎ ﻣﺎﻟﻴﺶ ﺩﻋﻮﺓ ﺑﺤﺎﺟﺔ ﻭﺍﻟﻠﻪ
- ﺻﻼﺡ : ﺃﻧﺎ ﻗﻮﻟﺘﻠﻚ ﻳﺎ ﻧﺪﻯ ، ﺍﻟﺴﻨﺔ ﺩﻱ ﻣﺶ ﻣﻬﻢ ، ﻫﺎﻗﺪﻣﻠﻚ ﺍﻋﺘﺬﺍﺭ ، ﺃﻱ ﺣﺎﺟﺔ ﺑﺲ ﻣﺤﺪﺵ ﻫﻴﺮﻭﺡ ﻓﻲ ﺣﺘﺔ ﻟﺤﺪ ﻣﺎ ﺗﻌﺪﻱ ﺍﻟﺴﻨﺔ ﺩﻱ ﻉ ﺧﻴﺮ .. ﻓﺎﻫﻤﻴﻦ !!..
ﻟﻢ ﺗﺴﺘﻄﻊ ﻧﺪﻯ ﺍﻥ ﺗﻘﻨﻊ ﻭﺍﻟﺪﻫﺎ ، ﻓﻬﻮ ﻗﺪ ﺍﺗﺨﺬ ﻗﺮﺍﺭﻩ ﺑﺎﻟﻔﻌﻞ ، ﻭﻟﻢ ﻳﺘﺮﻙ ﻟﻬﻢ ﺍﻟﻤﺠﺎﻝ ﻟﻠﻤﻨﺎﻗﺸﺔ ﺃﻭ ﺍﻟﺤﻮﺍﺭ ﺃﻭ ﺣﺘﻰ ﺍﻟﺘﻔﺎﻫﻢ ..
ﺷﻌﺮﺕ ﻧﻴﺮﺓ ﺑﺎﻷﺳﻰ ﻋﻠﻰ ﺍﺧﺘﻬﺎ ﺍﻟﺘﻲ ﺿﺎﻉ ﻋﺎﻣﻬﺎ ﺍﻟﺪﺭﺍﺳﻲ ﻭ ..
- ﻧﻴﺮﺓ ﻭﻫﻲ ﺗﺮﺑﺖ ﻋﻠﻰ ﻛﺘﻒ ﺍﺧﺘﻬﺎ : ﻭﺍﻟﻠﻪ ﻳﺎ ﻧﻮﻭﻭﺩﺓ ﺃﻧﺎ ﺣﺎﻭﻟﺖ ﺍﻗﻨﻌﻪ ﺑﺲ ﻫﻮ ﺩﻣﺎﻏﻪ ﻧﺎﺷﻔﺔ
- ﻧﺪﻯ ﻭﺍﻟﺪﻣﻮﻉ ﻓﻲ ﻋﻴﻨﻴﻬﺎ : ﺃﻧﺎ ﻣﺶ ﻋﺎﺭﻓﺔ ﻫﻮ ﻟﻴﻪ ﻋﻤﻞ ﻛﺪﻩ
- ﻧﻴﺮﺓ : ﺍﻥ ﺷﺎﺀ ﺍﻟﻠﻪ ﻳﻐﻴﺮ ﺭﺃﻳﻪ ﻗﺮﻳﺐ
- ﻧﺪﻯ ﺑﺒﻜﺎﺀ : ﻣﻌﺘﻘﺪﺵ .. ﺍﻫﻲﺀ ..
ﺩﻟﻔﺖ ﻧﺪﻯ ﻭﺍﻟﺤﺰﻥ ﻳﻌﺼﺮ ﻗﻠﺒﻬﺎ ﺇﻟﻰ ﻏﺮﻓﺘﻬﺎ ، ﺣﺎﻭﻟﺖ ﻧﻴﺮﺓ ﺍﻟﺘﻬﻮﻳﻦ ﻋﻠﻴﻬﺎ ، ﻭﻟﻜﻦ ﻣﺎ ﺍﻟﻔﺎﺋﺪﺓ .. ﻭﻫﻲ ﻓﻘﻂ ﺗﻮﺍﺳﻴﻬﺎ ﺑﺎﻟﻜﻼﻡ ﻭﺗﻌﺠﺰ ﻋﻦ ﻓﻌﻞ ﺃﻱ ﺷﻲﺀ ﻟﻬﺎ ..
...............................
ﻓﻲ ﻛﻠﻴﺔ ﺗﺠﺎﺭﺓ ﺍﻧﺠﻠﻴﺶ ،،،
ﻇﻞ ﻳﻮﺳﻒ ﻃﻮﺍﻝ ﻋﺪﺓ ﺃﻳﺎﻡ ﻣﺘﺘﺎﻟﻴﺔ ﻳﺒﺤﺚ ﻋﻦ ﻧﺪﻯ ﻓﻲ ﻛﻞ ﻣﻜﺎﻥ ﻭﻟﻜﻨﻪ ﻟﻢ ﻳﺠﺪﻫﺎ .. ﻛﺎﻥ ﻳﻔﻘﺪ ﺻﻮﺍﺑﻪ ﻷﻧﻬﺎ ﻟﻢ ﺗﻈﻬﺮ ﻣﻨﺬ ﺍﻟﺮﺣﻠﺔ ..
ﺫﻫﺐ ﺇﻟﻰ ﻗﺎﻋﺔ ﻣﺤﺎﺿﺮﺍﺕ ﺍﻟﻔﺮﻗﺔ ﺍﻟﺜﺎﻧﻴﺔ ﻟﻌﻠﻪ ﻳﺠﺪﻫﺎ ﻫﻨﺎﻙ ، ﻭﻟﻜﻦ ﻟﻸﺳﻒ ﻟﻢ ﺗﻜﻦ ﺑﻴﻦ ﺍﻟﺤﺎﺿﺮﻳﻦ ..
ﻓﻜﺮ ﻳﻮﺳﻒ ﺃﻥ ﻳﻠﺠﺄ ﺇﻟﻰ ﺍﻷﺳﺘﺎﺫ ﻣﺪﺣﺖ ﻟﻴﻌﺮﻑ ﻣﻨﻪ ﺇﻥ ﻛﺎﻧﺖ ﻧﺪﻯ ﺗﻮﺍﻇﺐ ﻋﻠﻰ ﻣﺤﺎﺿﺮﺍﺗﻬﺎ ﺃﻡ ﻻ ﻣﻦ ﺑﺎﻗﻲ ﺍﻷﺳﺎﺗﺬﺓ ﻭﺍﻟﻤﻌﻴﺪﻳﻦ ﻭ ...
- ﻣﺪﺣﺖ : ﻭﺍﻟﻠﻪ ﻳﺎ ﻳﻮﺳﻒ ﺍﻟﺒﻨﺖ ﺍﻟﻠﻲ ﺃﻧﺖ ﺳﺄﻟﺘﻨﻲ ﻋﻠﻴﻬﺎ ﺑﻘﺎﻟﻬﺎ ﻛﺎﻡ ﻳﻮﻡ ﻣﺶ ﺑﺘﺤﻀﺮ
- ﻳﻮﺳﻒ ﺑﺪﻫﺸﺔ : ﻫﻪ
- ﻣﺪﺣﺖ ﻣﻜﻤﻼً : ﻭﺍﻟﻠﻲ ﻋﺮﻓﺘﻪ ﺍﻥ ﻭﺍﻟﺪﻫﺎ ﻗﺪﻡ ﺍﻋﺘﺬﺍﺭ ﻋﻦ ﺣﻀﻮﺭ ﺑﻨﺘﻪ ﺍﻟﺴﻨﺎﺩﻱ
ﻛﺎﻧﺖ ﻭﻗﻊ ﺍﻟﻜﻠﻤﺎﺕ ﻋﻠﻰ ﻳﻮﺳﻒ ﻛﺎﻟﺬﻱ ﻳﻠﻘﻲ ﺑﺪﻟﻮ ﻣﺎﺀ ﺑﺎﺭﺩ ﻋﻠﻰ ﺭﺃﺳﻪ ﻭ ..
- ﻳﻮﺳﻒ ﺑﻨﻈﺮﺍﺕ ﺻﺎﺩﻣﺔ : ﺍﻳﻴﻴﻪ ؟؟ ﺗﻌﺘﺬﺭ ﻋﻦ ﺍﻟﺤﻀﻮﺭ ؟؟؟ ﻃﺐ ﻟﻴﻪ
- ﻣﺪﺣﺖ ﻭﻫﻮ ﻳﻘﻠﺐ ﻓﻲ ﺑﻌﺾ ﺍﻷﻭﺭﺍﻕ ﺃﻣﺎﻣﻪ : ﻣﺶ ﻋﺎﺭﻑ .. ﺑﺲ ﺩﻩ ﺍﻟﻠﻲ ﻭﺻﻠﺘﻠﻪ
- ﻳﻮﺳﻒ ﻣﺤﺎﻭﻻً ﺍﻟﺘﺤﻜﻢ ﻓﻲ ﻧﻔﺴﻪ : ﺁﺁﺁ ... ﺷﻜﺮﺍً ﻳﺎ ﺩ . ﻣﺪﺣﺖ ، ﺃﻧﺎ ﺃﺳﻒ ﺍﻥ ﻛﻨﺖ ﺗﻌﺒﺖ ﺣﻀﺮﺗﻚ
- ﻣﺪﺣﺖ : ﻭﻻ ﻳﻬﻤﻚ ﻳﺎ ﻳﻮﺳﻒ ، ﺍﻟﻤﻬﻢ ﺃﻧﺎ ﻣﻨﺘﻈﺮ ﻣﻨﻚ ﺃﻓﻜﺎﺭ ﺟﺪﻳﺪﺓ ﻟﻤﺸﺮﻭﻉ ﺍﻟﺘﻴﺮﻡ
- ﻳﻮﺳﻒ : ﺃﻫﺎ .. ﺃﻛﻴﺪ ﻃﺒﻌﺎً ، ﻋﻦ ﺍﺫﻧﻚ ﻳﺎ ﺩﻛﺘﻮﺭ
- ﻣﺪﺣﺖ ﻭﻫﻮ ﻳﺸﻴﺮ ﺑﻴﺪﻩ : ﺍﺗﻔﻀﻞ
ﺧﺮﺝ ﻳﻮﺳﻒ ﻣﻦ ﻣﻜﺘﺐ ﺍﻷﺳﺘﺎﺫ ﻣﺪﺣﺖ ﺑﺎﻟﻜﻠﻴﺔ ﻭﻫﻮ ﻳﻜﺎﺩ ﻳﺠﻦ ﻣﻤﺎ ﻋﻠﻢ .. ﻟﻢ ﻳﺘﻮﻗﻊ ﻳﻮﺳﻒ ﻫﺬﺍ ﺃﻭ ﻳﺨﻄﺮ ﻋﻠﻰ ﺑﺎﻟﻪ ﺃﻥ ﺗﺨﺘﻔﻲ ﻧﺪﻯ ﺑﻜﻞ ﺑﺴﺎﻃﺔ ﻭﺑﺘﻠﻚ ﺍﻟﻄﺮﻳﻘﺔ ﻣﻦ ﺣﻴﺎﺗﻪ ..
ﺃﺧﺮﺝ ﻳﻮﺳﻒ ﻫﺎﺗﻔﻪ ﺍﻟﻤﺤﻤﻮﻝ ﻟﻴﺘﺼﻞ ﺑﻤﺮﻭﺍﻥ ﻭﻳﺴﺘﻔﺴﺮ ﻣﻨﻪ ﻋﻦ ﺃﻱ ﺷﻲﺀ ﻳﺨﺺ ﻧﻴﺮﺓ ، ﻭﻟﻜﻦ ﻟﻢ ﻳﺠﺐ ﻣﺮﻭﺍﻥ ﻋﻠﻰ ﺍﺗﺼﺎﻟﻪ .. ﻇﻞ ﻳﻮﺳﻒ ﻳﺰﻓﺮ ﻓﻲ ﺿﻴﻖ ، ﺛﻢ ﻭﺿﻊ ﻳﺪﻩ ﻓﻮﻕ ﺭﺃﺳﻪ ﻳﻌﺒﺚ ﺑﺸﻌﺮﻩ ﺫﻫﺎﺑﺎً ﻭﺇﻳﺎﺑﺎً .. ﻭﻛﺄﻧﻪ ﻳﺤﺚ ﻋﻘﻠﻪ ﻋﻠﻰ ﺍﻟﺘﻔﻜﻴﺮ ﻣﻦ ﺃﺟﻞ ﺇﻳﺠﺎﺩ ﺃﻱ ﻃﺮﻳﻘﺔ ﺗﻤﻜﻨﻪ ﻣﻦ ﺍﻻﻃﻤﺌﻨﺎﻥ ﻋﻠﻰ ﻧﺪﻯ ﻭﺍﻟﻮﺻﻮﻝ ﺇﻟﻴﻬﺎ ..
ﻭﻟﻜﻦ ﻗﻄﻊ ﺗﻔﻜﻴﺮﻩ ﻫﺬﺍ ﻭﺟﻮﺩ ﻣﺎﻳﺎ ﺍﻟﺘﻲ ﺍﺭﺗﺴﻢ ﻋﻠﻰ ﻭﺟﻬﻬﺎ ﻋﻼﻣﺎﺕ ﺍﻻﻧﺘﺼﺎﺭ ﻭﺍﻟﻔﺮﺣﺔ ..
- ﻣﺎﻳﺎ ﺑﺎﺑﺘﺴﺎﻣﺔ ﻗﺎﺳﻴﺔ : ﻫﺎﻱ ﺟﻮﻭ .. ﺍﻳﻪ ﺃﺧﺒﺎﺭﻙ
- ﻳﻮﺳﻒ ﻋﻠﻰ ﻣﻀﺾ : ﺗﻤﺎﻡ
- ﻣﺎﻳﺎ ﻣﺤﺎﻭﻟﺔ ﺍﺳﺘﻔﺰﺍﺯﻩ : ﻣﻤﻤﻢ .. ﻷ ﻭﺍﺿﺢ ﺍﻥ ﻓﻲ ﺣﺎﺟﺔ ﻣﻀﻴﻘﺎﻙ .. ﺗﻜﻮﻧﺶ ﺑﺘﻔﻜﺮ ﻓﻲ ﺍﻟﺒﺖ ﺍﻳﺎﻫﺎ
- ﻳﻮﺳﻒ ﺑﺤﺪﺓ : ﻣﺎﻳﺎ ، ﻣﻦ ﻓﻀﻠﻚ .. ! ﺃﻧﺎ ﻣﺶ ﻧﺎﻗﺼﻚ
- ﻣﺎﻳﺎ ﻭﻫﻲ ﺗﻨﻈﺮ ﻷﻇﺎﻓﺮﻫﺎ ﺍﻟﻤﻄﻠﻴﺔ ﺑﻌﺪﻡ ﺍﻛﺘﺮﺍﺙ : ﻉ ﺍﻟﻌﻤﻮﻡ ﻟﻮ ﻛﻨﺖ ﺑﺘﺪﻭﺭ ﻉ ﺍﻟﺒﺖ ﺯﻱ ﻓﻤﺎﺗﺘﻌﺒﺶ ﻧﻔﺴﻚ
- ﻳﻮﺳﻒ ﺑﺘﺮﻛﻴﺰ : ﺗﻘﺼﺪﻱ ﺍﻳﻪ ؟؟
- ﻣﺎﻳﺎ ﻭﻫﻲ ﺗﻨﻔﺲ ﺍﻟﻬﻮﺍﺀ ﻓﻲ ﺃﻇﺎﻓﺮﻫﺎ : ﻫﻮﻭﻭﻑ .. ﺃﻗﺼﺪ ﺍﻧﻬﺎ ﺧﻼﺹ ﺑﺨﺨﺦ ..
- ﻳﻮﺳﻒ : ﺍﻳﻴﻴﻴﻪ ؟؟
- ﻣﺎﻳﺎ : ﻭﻣﺶ ﺑﺲ ﻫﻲ .. ﻷ ﺩﻩ ﺑﺎﺑﺎﻫﺎ ﻛﻤﺎﻥ ﺑﻘﻰ ﺑﺨﺨﺦ
- ﻳﻮﺳﻒ ﻭﻗﺪ ﺃﻣﺴﻚ ﺑﺬﺭﺍﻋﻴﻬﺎ ﻳﻬﺰﻫﺎ ﺑﻌﻨﻒ : ﺗﻘﺼﺪﻱ ﺍﻳﻴﻴﻪ ﺑﻜﻼﻣﻚ ﺩﻩ ؟؟ ﻫﺎ ؟ ﺭﺩﻱ ﻋﻠﻴﺎ !
- ﻣﺎﻳﺎ : ﺍﻗﺼﺪ ﺍﻧﻲ ﻋﻤﻠﺖ ﺍﻟﻠﻲ ﺃﻣﺜﺎﻟﻬﺎ ﻳﺴﺘﺤﻘﻮﻩ ، ﺧﻠﻴﺘﻬﺎ ﺗﻌﺮﻑ ﻗﻴﻤﺘﻬﺎ ﻫﻲ ﻭﺑﺎﺑﺎﻫﺎ
- ﻳﻮﺳﻒ ﺑﻨﺒﺮﺓ ﻣﺨﻴﻔﺔ : ﻋﻤﻠﺘﻲ ﺍﻳﻪ ﺍﻧﻄﻘﻲ ؟؟
..............................
ﻓﻲ ﻧﻔﺲ ﺍﻟﺘﻮﻗﻴﺖ ﺃﻣﺎﻡ ﻣﺪﺭﺳﺔ ﻧﻴﺮﺓ ،،،
ﻛﺎﻥ ﺣﺎﻝ ﻣﺮﻭﺍﻥ ﻻ ﻳﺨﺘﻠﻒ ﻛﺜﻴﺮﺍً ﻋﻦ ﺣﺎﻝ ﻳﻮﺳﻒ ، ﻇﻞ ﻣﺮﺍﺑﻄﺎً ﻷﻳﺎﻡ ﻋﺪﺓ ﺃﻣﺎﻡ ﻣﺪﺭﺳﺘﻬﺎ ﻋﻠﻰ ﺃﻣﻞ ﺃﻥ ﻳﺮﺍﻫﺎ ، ﻭﻟﻜﻦ ﻟﻸﺳﻒ ﻟﻢ ﺗﻈﻬﺮ ..
ﺣﺎﻭﻝ ﺃﻥ ﻳﻌﺮﻑ ﺃﻱ ﺷﻲﺀ ﻋﻨﻬﺎ ﻣﻦ ﺣﺎﺭﺱ ﺑﻮﺍﺑﺔ ﺍﻟﻤﺪﺭﺳﺔ ، ﻭﻟﻜﻨﻪ ﻟﻢ ﻳﺘﻌﺮﻑ ﻋﻠﻰ ﺍﻟﻔﺘﺎﺓ ﺍﻟﺘﻲ ﻳﺴﺄﻝ ﻋﻨﻬﺎ ،
- ﻣﺮﻭﺍﻥ : ﺍﺯﺍﻱ ﻣﺶ ﻋﺎﺭﻓﻬﺎ ؟؟ ﻃﺐ ﻫﻲ ﺍﺳﻤﻬﺎ ﻧﻴﺮﺓ ﺻﻼﺡ
- ﺍﻟﺤﺎﺭﺱ : ﻳﺎ ﺑﻴﻪ ﺩﻭﻝ ﺑﻨﺎﺕ ﻛﺘﻴﺮ ﻫﺎﻋﺮﻓﻬﻢ ﺍﺯﺍﻱ ، ﺃﻧﺎ ﻟﻮ ﺷﻮﻓﺘﻬﺎ ﺃﻗﺪﺭ ﺍﻗﻮﻟﻚ ﺍﻩ ﻫﻲ ، ﻟﻜﻦ ﺍﻻﺳﻢ ﺍﻟﺼﺮﺍﺣﺔ ﻣﺶ ﻋﺎﺭﻓﻪ
- ﻣﺮﻭﺍﻥ : ﻣﺎﺷﻲ ﻣﺘﺸﻜﺮ
ﺍﺳﺘﻤﻌﺖ ﻧﺴﻤﺔ ﻟﺤﻮﺍﺭﻩ ﺑﺎﻟﺼﺪﻓﺔ ، ﺗﺴﺎﺋﻠﺖ ﻓﻲ ﻧﻔﺴﻬﺎ ﻋﻦ ﺫﺍﻙ ﺍﻟﺸﺎﺏ ﺍﻟﺮﻳﺎﺿﻲ ﻣﻔﺘﻮﻝ ﺍﻟﻌﻀﻼﺕ ﺍﻟﺬﻱ ﻳﺴﺄﻝ ﻋﻦ ﻧﻴﺮﺓ ، ﻭﻣﺎ ﺇﻥ ﻟﻤﺤﺘﻪ ﻳﺴﻴﺮ ﻣﺒﺘﻌﺪﺍً ﻧﺤﻮ ﺳﻴﺎﺭﺗﻪ ﺣﺘﻰ ﺃﺳﺮﻋﺖ ﺇﻟﻴﻪ ﻭ ...
- ﻧﺴﻤﺔ ﺑﺼﻮﺕ ﻣﺮﺗﻔﻊ : ﻳﺎ ﻛﺎﺑﺘﻦ ،ﻳﺎﺍﺍﺍ ﻛﺎﺑﺘﻦ
- ﻣﺮﻭﺍﻥ ﺑﻀﻴﻖ : ﺍﻓﻨﺪﻡ ؟ ﺣﻀﺮﺗﻚ ﺑﺘﻜﻠﻤﻴﻨﻲ
- ﻧﺴﻤﺔ : ﺍﻳﻮﻩ ﺍﻧﺖ
- ﻣﺮﻭﺍﻥ ﺑﻮﺟﻪ ﻣﻘﻔﻬﺮ : ﺧﻴﺮ ﻓﻲ ﺍﻳﻪ ؟
- ﻧﺴﻤﺔ : ﻣﺶ ﺍﻧﺖ ﺑﺘﺴﺄﻝ ﻋﻦ ﻧﻴﺮﺓ
- ﻣﺮﻭﺍﻥ ﺑﻠﻬﻔﺔ : ﺍﻧﺘﻲ ﺗﻌﺮﻓﻴﻬﺎ ؟؟
- ﻧﺴﻤﺔ ﺑﺨﺒﺚ : ﺃﻩ ﻃﺒﻌﺎً ﺩﻱ ﺻﺎﺣﺒﺘﻲ ﺍﻷﻧﺘﻴﻢ
- ﻣﺮﻭﺍﻥ : ﻃﺐ ﻫﻲ ﻓﻴﻦ ؟؟ ﻣﺶ ﺑﺘﻴﺠﻲ ﻟﻴﻪ ؟؟
- ﻧﺴﻤﺔ ﺑﻠﺆﻡ : ﻣﻤﻢ .. ﺑﺼﺮﺍﺣﺔ ﺃﻧﺎ .. ﺃﻧﺎ ﻣﺶ ﻫﺎﻋﺮﻑ ﺃﻗﻮﻟﻚ ﺣﺎﺟﺔ ﻭﺃﻧﺎ ﻭﺍﻗﻔﺔ ﻛﺪﻩ ، ﺍﻟﻨﺎﺱ ﺭﺍﻳﺤﺔ ﻭﺟﺎﻳﺔ ﺑﺘﺒﺺ ﻋﻠﻴﻨﺎ ، ﻭﻣﻤﻜﻦ ﺣﺪ ﻳﻔﻬﻤﻨﺎ ﻏﻠﻂ ﻭﺍﺣﻨﺎ ﻭﺍﻗﻔﻴﻦ ﻛﺪﻩ
- ﻣﺮﻭﺍﻥ : ﻋﻨﺪﻙ ﺣﻖ .. ﻃﺐ ﺍﻧﺘﻲ ﺗﺤﺒﻲ ﺍﻳﻪ
- ﻧﺴﻤﺔ ﻭﻫﻲ ﺗﻬﺰ ﻛﺘﻔﻴﻬﺎ : ﻭﺍﻟﻠﻪ ﺍﻟﻠﻲ ﺍﻧﺖ ﺗﺸﻮﻓﻪ
- ﻣﺮﻭﺍﻥ : ﻃﺐ ﺃﻧﺎ ﻣﻤﻜﻦ ﺃﻋﺰﻣﻚ ﻉ ﺣﺎﺟﺔ ﺗﺸﺮﺑﻴﻬﺎ ﻓﻲ ﺃﻱ ﻛﺎﻓﻴﻪ ﻗﺮﻳﺐ
- ﻧﺴﻤﺔ : ﺍﺣﻢ .. ﺑﺲ ﺁﺁﺁ ..
- ﻣﺮﻭﺍﻥ : ﻣﺶ ﻫﺎﻋﻄﻠﻚ .. ﺩﻩ 10 ﺩﻗﺎﻳﻖ ﺑﺎﻟﻜﺘﻴﺮ
- ﻧﺴﻤﺔ : ﺍﻭﻙ ..
ﻓﺘﺢ ﻣﺮﻭﺍﻥ ﺑﺎﺏ ﺳﻴﺎﺭﺗﻪ ﺍﻷﻣﺎﻣﻲ ﻟﻨﺴﻤﺔ ﻟﻜﻲ ﺗﺮﻛﺐ ﻣﻌﻪ ، ﺛﻢ ﺗﺤﺮﻙ ﻫﻮ ﺳﺮﻳﻌﺎً ﻧﺤﻮ ﻣﻘﻌﺪﻩ ﺍﻷﻣﺎﻣﻲ ﻭﻗﺎﺩ ﺍﻟﺴﻴﺎﺭﺓ ﺇﻟﻰ ﺃﻗﺮﺏ ﻛﺎﻓﻴﻪ ..
ﻛﺎﻧﺖ ﻧﺴﻤﺔ ﺗﺘﺄﻣﻞ ﺍﻟﺴﻴﺎﺭﺓ ﺍﻟﺠﺎﻟﺲ ﺑﻬﺎ ﻣﺮﻭﺍﻥ ﻭﻫﻴﺌﺘﻪ ﺑﻄﺮﻳﻘﺔ ﻣﺮﻳﺒﺔ ، ﻟﻘﺪ ﻛﺎﻧﺖ ﺗﺤﺴﺪ ﻧﻴﺮﺓ ﻋﻠﻰ ﻣﻌﺮﻓﺘﻬﺎ ﺑﻤﺜﻠﻪ .. ﻓﻬﻲ ﺭﻏﻢ ﻣﻬﺎﺭﺗﻬﺎ ﺍﻟﺘﻲ ﺍﻛﺘﺴﺒﺘﻬﺎ ﻣﻦ ﺗﺎﻣﺮ ﻓﻲ ﺍﺻﻄﻴﺎﺩ ﺍﻟﺮﺟﺎﻝ ﻭﺍﻻﻳﻘﺎﻉ ﺑﻬﻢ ﺇﻻ ﺃﻧﻬﺎ ﻟﻢ ﺗﺴﺘﻄﻊ ﺃﻥ ﺗﻮﻗﻊ ﺭﺟﻼً ﻣﺜﻞ ﻣﺮﻭﺍﻥ .. ﻟﺬﺍ ﻫﻲ ﺑﺪﺃﺕ ﻓﻲ ﺇﻟﻘﺎﺀ ﺷﺒﺎﻛﻬﺎ ﻋﻠﻴﻪ ﻭ ..
- ﻧﺴﻤﺔ : ﻣﺎﺷﺎﺀ ﺍﻟﻠﻪ ﻋﺮﺑﻴﺘﻚ ﺣﻠﻮﺓ ﺃﻭﻱ
- ﻣﺮﻭﺍﻥ : ﺷﻜﺮﺍً ..
- ﻧﺴﻤﺔ : ﻫﻮ ﺍﻧﺖ ﺗﻌﺮﻑ ﻧﻴﺮﺓ ﻣﻨﻴﻦ ؟
- ﻣﺮﻭﺍﻥ : ﺍﺣﻨﺎ ﻗﺮﺍﻳﺐ
- ﻧﺴﻤﺔ : ﻣﻤﻢ .. ﺑﺲ ﺍﻟﻠﻲ ﺃﻋﺮﻓﻪ ﺍﻥ ﻧﻴﺮﺓ ﻣﺎﻟﻬﺎﺵ ﻗﺮﺍﻳﺐ ﻫﻨﺎ ، ﻳﻌﻨﻲ ﻣﻌﻈﻢ ﺣﻴﺎﺗﻬﺎ ﻛﺎﻧﺖ ﻓﻲ ﺍﻟﺴﻌﻮﺩﻳﺔ ﻭﺗﻘﺮﻳﺒﺎً ﻋﻼﻗﺘﻬﺎ ﺑﺄﻗﺎﺭﻳﺒﻬﻢ ﻣﻘﻄﻮﻋﺔ
- ﻣﺮﻭﺍﻥ : ﻭﺍﻟﻠﻪ ﺍﺣﻨﺎ ﻗﺮﺍﻳﺐ ﻣﻦ ﻧﺎﺣﻴﺔ ﺃﺑﻮﻫﺎ
- ﻧﺴﻤﺔ : ﻭﻣﺎﻟﻪ .. ﺑﺲ ﺃﻧﺎ ﻣﻌﺮﻓﺶ ﺍﺳﻤﻚ
- ﻣﺮﻭﺍﻥ : ﺃﻧﺎ ﻣﺮﻭﺍﻥ
- ﻧﺴﻤﺔ ﺑﺎﺑﺘﺴﺎﻣﺔ ﺧﺒﻴﺜﺔ : ﻭﺍﺍﻭ .. ﺍﺳﻢ ﺣﻠﻮ .. ﻻﻳﻖ ﻋﻠﻴﻚ
- ﻣﺮﻭﺍﻥ : ﺷﻜﺮﺍً ، ﻫﻮ ﺍﻧﺘﻲ ﻣﻌﺎﻛﻲ ﺭﻗﻢ ﻧﻴﺮﺓ
- ﻧﺴﻤﺔ : ﺃﻩ ﻣﻌﺎﻳﺎ ، ﻫﻲ ﻣﺶ ﻣﺪﻳﻬﻮﻟﻚ ؟؟
- ﻣﺮﻭﺍﻥ ﺑﺘﺮﺩﺩ : ﺁﺁﺁ ... ﻷ ﻛﺎﻥ ﻣﻌﺎﻳﺎ ﺑﺲ ﻣﻮﺑﺎﻳﻠﻲ ﺍﺗﺴﺮﻕ ﻭﺁﺁ .. ﻭﺍﻧﺎ ﻛﻨﺖ ﻋﺎﻭﺯﻩ
- ﻧﺴﻤﺔ ﻣﺪﻋﻴﺔ ﺍﻟﺒﺮﺍﺀﺓ : ﺍﻭﻭﻭﻩ ﻳﺎ ﺣﺮﺍﻡ ... ﺭﺑﻨﺎ ﻳﻌﻮﺽ ﻋﻠﻴﻚ
ﻟﻢ ﻳﺴﺘﺮﺡ ﻣﺮﻭﺍﻥ ﻟﻄﺮﻳﻘﺔ ﻧﻴﺮﺓ ﻣﻌﻪ ﻓﻲ ﺍﻟﺤﻮﺍﺭ ...
- ﻣﺮﻭﺍﻥ ﻓﻲ ﻧﻔﺴﻪ : ﺍﻟﺒﺖ ﺩﻱ ﺷﻜﻠﻬﺎ ﻣﺶ ﻣﺮﻳﺤﻨﻲ ﻉ ﺍﻷﺧﺮ ، ﻋﻤﺎﻟﺔ ﺗﻠﻒ ﻭﺗﺪﻭﺭ ﻭﺗﺤﻮﺭ ﻋﻠﻴﺎ ، ﺑﺎﻳﻦ ﻋﻠﻴﻬﺎ ﻛﺪﻩ ﺑﺘﺸﺘﻐﻠﻨﻲ !
ﺍﺳﺘﻐﻠﺖ ﻧﺴﻤﺔ ﺍﻧﺸﻐﺎﻝ ﻣﺮﻭﺍﻥ ﺑﺎﻟﻘﻴﺎﺩﺓ ﻭﺗﺮﻛﻴﺰﻩ ﻓﻲ ﺍﻟﻄﺮﻳﻖ ﻓﻤﺪﺕ ﻳﺪﻫﺎ ﻟﺘﻌﺒﺚ ﺑﺸﻌﺮﻩ ﺑﻤﻴﺎﻋﺔ ﻣﻤﺎ ﺻﺪﻣﻪ ﺑﺸﺪﺓ، ﻓﻨﻈﺮ ﺇﻟﻴﻬﺎ ﻧﻈﺮﺍﺕ ﻧﺎﺭﻳﺔ ﻣﺨﻴﻔﺔ ﻣﻤﺎ ﺟﻌﻠﻬﺎ ﺗﺘﺮﺍﺟﻊ ﻋﻠﻰ ﺍﻟﻔﻮﺭ ﻭ ..
- ﻧﺴﻤﺔ ﺑﺘﺮﺩﺩ : ﻛﺎﻥ ﻓﻲ ﺁﺁﺁ .. ﻛﺎﻥ .. ﻓﻲ ﻛﺪﻩ ﺣﺎﺟﺔ ﻓﻲ ﺷﻌﺮﻙ
- ﻣﺮﻭﺍﻥ : ﻣﻦ ﻓﻀﻠﻚ ﻣﺎﺗﻌﻤﻠﻴﺶ ﻛﺪﻩ ﺗﺎﻧﻲ ، ﻣﺎﺷﻲ
- ﻧﺴﻤﺔ : ﺍﻭﻙ
ﺭﻥ ﻫﺎﺗﻒ ﻣﺮﻭﺍﻥ ﺑﺮﻗﻢ ﻳﻮﺳﻒ ﻟﻌﺪﺓ ﻣﺮﺍﺕ ، ﻭﻟﻜﻨﻪ ﻟﻢ ﻳﺠﺒﻪ ﻻﻧﺸﻐﺎﻟﻪ ﻣﻊ ﻧﺴﻤﺔ ..
- ﻣﺮﻭﺍﻥ ﻭﻫﻮ ﻳﻠﻘﻲ ﺑﺎﻟﻬﺎﺗﻒ ﻋﻠﻰ ﺗﺎﺑﻠﻮﻩ ﺍﻟﺴﻴﺎﺭﺓ : ﻣﺶ ﻭﻗﺘﻚ ﻳﺎ ﺟﻮﻭ ..
ﺻﻤﺖ ﻣﺮﻭﺍﻥ ﻟﺒﺮﻫﺔ ﺛﻢ ﻗﺮﺭ ﺃﻥ ﻳﻘﻄﻊ ﻫﺬﺍ ﺍﻟﺼﻤﺖ ﺑﺴﺆﺍﻝ ﻧﺴﻤﺔ ﻋﻦ ...
- ﻣﺮﻭﺍﻥ : ﺍﻧﺘﻲ ﺑﻘﻰ ﺗﻌﺮﻓﻲ ﻧﻴﺮﺓ ﻣﻨﻴﻦ؟
- ﻧﺴﻤﺔ ﻭﻫﻲ ﺗﻤﻂ ﺷﻔﺘﻴﻬﺎ : ﻋﺎﺩﻱ ﻳﻌﻨﻲ ...
- ﻣﺮﻭﺍﻥ ﻣﺴﺘﻔﻬﻤﺎً : ﻋﺎﺩﻱ ﺍﺯﺍﻱ ؟
- ﻧﺴﻤﺔ : ﻫﻲ ﻣﻌﺎﻳﺎ ﻓﻲ ﺍﻟﻔﺼﻞ ، ﺑﺲ ﺁﺁﺁ ...
- ﻣﺮﻭﺍﻥ ﻭﻫﻮ ﻳﻨﻈﺮ ﺇﻟﻴﻬﺎ : ﺑﺲ ﺍﻳﻪ ؟؟ ﻣﺎ ﺗﺘﻜﻠﻤﻲ ﻳﺎ ..
- ﻧﺴﻤﺔ : ﺃﻧﺎ ﺍﺳﻤﻲ ﻧﺴﻤﺔ ، ﻭﺻﺤﺎﺑﻲ ﺑﻴﻘﻮﻟﻮﻟﻲ ﻧﺴﻮﻭﻡ
- ﻣﺮﻭﺍﻥ : ﻣﺎﺷﻲ ﻳﺎ ﻧﺴﻤﺔ ، ﻛﻤﻠﻲ ﻛﻼﻣﻚ ﻟﻮ ﺳﻤﺤﺘﻲ
- ﻧﺴﻤﺔ : ﺑﺺ ﻫﻲ ﻧﻴﺮﺓ ﺻﺎﺣﺒﺘﻲ ﺃﻩ ، ﺑﺲ ﺃﺧﻼﻗﻬﺎ ﻳﻌﻨﻲ ﻣﺶ ﺃﺩ ﻛﺪﻩ
- ﻣﺮﻭﺍﻥ ﻣﺘﻌﺠﺒﺎً : ﻧﻌﻢ ؟؟
- ﻧﺴﻤﺔ : ﻳﻌﻨﻲ ﻣﻌﺮﻭﻑ ﻋﻨﻬﺎ ﺍﻧﻬﺎ ﻣﻊ ﻛﻞ ﻭﺍﺣﺪ ﺷﻮﻳﺔ ، ﻣﻘﻀﻴﺎﻫﺎ ﻣﻦ ﺍﻷﺧﺮ ﻛﺪﻩ
ﺿﻐﻂ ﻣﺮﻭﺍﻥ ﻋﻠﻰ ﻣﻜﺎﺑﺢ ﺳﻴﺎﺭﺗﻪ ﺑﺼﻮﺭﺓ ﻣﻔﺎﺟﺌﺔ ﻣﻤﺎ ﺟﻌﻞ ﻧﺴﻤﺔ ﺗﺮﺗﺪ ﺇﻟﻰ ﺍﻷﻣﺎﻡ ، ﺛﻢ ﺻﺎﺡ ﻓﻴﻬﺎ ﺑــ ....
- ﻣﺮﻭﺍﻥ ﺑﺤﺪﺓ : ﺍﻧﺰﻟﻲ ﻣﻦ ﺍﻟﻌﺮﺑﻴﺔ
- ﻧﺴﻤﺔ ﺑﺼﺪﻣﺔ : ﺍﻳﻴﻴﻪ ؟؟
- ﻣﺮﻭﺍﻥ : ﺑﻘﻮﻟﻚ ﺍﻧﺰﻟﻲ ، ﺍﻳﻪ ﻣﺶ ﺳﺎﻣﻌﺔ
- ﻧﺴﻤﺔ ﺑﺘﺮﺩﺩ : ﻃﺐ .. ﻃﺐ ﻟﻴﻪ ؟
- ﻣﺮﻭﺍﻥ : ﻋﺸﺎﻥ ﺍﻧﺘﻲ ﻭﺍﺣﺪﺓ ﻛﺪﺍﺑﺔ ﻭﺁﺁﺁ .. ﻭﻣﻤﻜﻦ ﺃﻗﻮﻝ ﻛﻠﻤﺔ ﺗﺎﻧﻴﺔ ﺗﺠﺮﺣﻚ ﺑﺲ ﺃﺧﻼﻗﻲ ﻣﺎﺗﺴﻤﺤﺶ ، ﺍﺗﻔﻀﻠﻲ ﻳﺎﻻ ﺑﺮﻩ
ﺗﺮﺟﻠﺖ ﻧﺴﻤﺔ ﻣﻦ ﺍﻟﺴﻴﺎﺭﺓ ﻭﻫﻲ ﻣﺼﺪﻭﻣﺔ ﻣﻦ ﻃﺮﻳﻘﺔ ﻣﺮﻭﺍﻥ ﻣﻌﻬﺎ ، ﻭﻟﻜﻨﻬﺎ ﻟﻢ ﺗﺼﻤﺖ ﺑﻞ ﺃﺳﺎﺀﺕ ﺇﻟﻰ ﻧﻴﺮﺓ ﻭﺇﺩﻋﺖ ﻋﻠﻴﻬﺎ ﻛﺬﺑﺎً ﺑـ ...
- ﻧﺴﻤﺔ ﻭﻫﻲ ﺗﺼﻔﻊ ﺑﺎﺏ ﺍﻟﺴﻴﺎﺭﺓ ﺑﻘﻮﺓ : ﺑﻜﺮﺓ ﺗﺮﻣﻴﻚ ﺯﻱ ﻣﺎ ﺭﻣﻴﺖ ﺍﻟﻠﻲ ﻗﺒﻠﻚ ، ﺩﻩ ﻃﺒﻌﻬﺎ ﻣﺶ ﺟﺪﻳﺪ ﻋﻠﻴﻬﺎ ﻳﻌﻨﻲ ، ﻭﻋﻠﻰ ﻓﻜﺮﺓ ﻫﻲ ﻣﺶ ﺃﺣﺴﻦ ﻣﻨﻲ ﻓﻲ ﺣﺎﺟﺔ ، ﻫﻲ ﺯﻳﻲ ﺑﺎﻟﻈﺒﻂ .. ﻫﺎﺍﺍﺍﺍ .. ﺯﻳﻲ ﺑﺎﻟﻈﺒﻂ !
ﻟﻢ ﻳﻤﻬﻞ ﻣﺮﻭﺍﻥ ﻧﺴﻤﺔ ﺍﻟﻔﺮﺻﺔ ﻟﻜﻲ ﻳﺴﺘﻤﻊ ﺃﻛﺜﺮ ﺇﻟﻰ ﻫﺬﺍ ﺍﻟﻬﺮﺍﺀ ﺍﻟﺬﻱ ﺗﻠﻔﻈﻪ ، ﻭﺇﻧﻤﺎ ﺿﻐﻂ ﻋﻠﻰ ﺩﻭﺍﺳﺔ ﺍﻟﺴﻴﺎﺭﺓ ﻭﺍﻧﻄﻠﻖ ﻣﺴﺮﻋﺎً ﺑﻌﻴﺪﺍً ﻋﻨﻬﺎ ﺣﺘﻰ ﻻ ﻳﺘﻬﻮﺭ ﻭﻳﻘﺘﻠﻬﺎ ...
ﻭﻗﻔﺖ ﻧﺴﻤﺔ ﺗﺒﺘﺴﻢ ﺍﺑﺘﺴﺎﻣﺔ ﺷﻴﻄﺎﻧﻴﺔ ﻷﻧﻬﺎ ﻇﻨﺖ ﺃﻧﻬﺎ ﺍﺳﺘﻄﺎﻋﺖ ﺃﻥ ﺗﻔﺴﺪ ﻣﺎ ﺑﻴﻦ ﻧﻴﺮﺓ ﻭﻣﺮﻭﺍﻥ ..
- ﻧﺴﻤﺔ : ﻫﻪ .. ﻭﺭﻳﻨﻲ ﺑﻘﻰ ﻳﺎ ﻧﻴﺮﺓ ﻫﺎﻧﻢ ﻫﺎﺗﺮﺟﻌﻮﺍ ﻟﺒﻌﺾ ﺍﺯﺍﻱ ؟ ﻣﺶ ﺃﻧﺎ ﺍﻟﻠﻲ ﺃﺧﺪ ﺍﻟﺒﻮﺍﻗﻲ ﻭﺍﻧﺘﻲ ﺗﺎﺧﺪﻱ ﻣﻦ ﻭﺵ ﺍﻟﻘﻔﺺ !..
................................
ﻓﻲ ﺳﻴﺎﺭﺓ ﻣﺮﻭﺍﻥ ،،،
ﻛﺎﺩ ﻣﺮﻭﺍﻥ ﺃﻥ ﻳﺠﻦ ﻣﻤﺎ ﺳﻤﻊ ، ﻫﻮ ﻳﻌﻠﻢ ﺃﻥ ﺗﻠﻚ ﺍﻟﻔﺘﺎﺓ ﺍﻟﺤﻘﻴﺮﺓ ﻣﺎ ﻫﻲ ﺇﻻ ﻛﺎﺫﺑﺔ ، ﻭﻟﻜﻦ ﻣﺠﺮﺩ ﺗﺨﻴﻞ ﺃﻥ ﻧﻴﺮﺓ ﺑﻬﺎ ﺗﻠﻚ ﺍﻟﺼﻔﺎﺕ ﺃﺛﺎﺭ ﻏﻀﺒﻪ ﻭﺣﻨﻘﻪ ﺍﻟﺸﺪﻳﺪﻳﻦ ، ﻇﻞ ﻣﺮﻭﺍﻥ ﻳﻀﺮﺏ ﺑﻘﺒﻀﺘﻲ ﻳﺪﻩ ﻋﻠﻰ ﻣﻘﻮﺩ ﺍﻟﺴﻴﺎﺭﺓ ﻷﻛﺜﺮ ﻣﻦ ﻣﺮﺓ ﻭﻫﻮ ﻳﺼﺮﺥ ...
- ﻣﺮﻭﺍﻥ ﺑﻌﺼﺒﻴﺔ : ﺍﺳﺘﺤﺎﻟﺔ ﻧﻴﺮﺓ ﺗﻜﻮﻥ ﻛﺪﻩ ، ﻋﻤﺮﻫﺎ ﻣﺎ ﺍﺗﺼﺮﻓﺖ ﻣﻌﺎﻳﺎ ﺇﻻ ﺑﺎﺣﺘﺮﺍﻡ ، ﺑﻨﺖ ﺍﻟﺘﻴﻴﻴﺖ ﺩﻱ ﻛﺎﻧﺖ ﻗﺎﺻﺪﺓ ﺗﺤﺮﻕ ﺩﻣﻲ .. ﺍﻭﻭﻭﻭﻑ ، ﻭﺃﻧﺎ ﻫﺎﻣﻮﺕ ﻭﺃﻋﺮﻑ ﺃﻱ ﺣﺎﺟﺔ ﻋﻨﻬﺎ ﻟﻜﻦ ﻣﺎﻟﻬﺎﺵ ﺃﺛﺮ .. ﺍﻳﻪ ﺍﻟﻠﻲ ﺣﺼﻞ ؟؟ ﺃﻧﺎ ﻫﻴﺠﺮﺍﻟﻲ ﺣﺎﺟﺔ !
ﺛﻢ ﺭﻥ ﻫﺎﺗﻔﻪ ﻣﺮﺓ ﺃﺧﺮﻯ ، ﻓﻤﺪ ﻳﺪﻩ ﻋﻠﻰ ﺗﺎﺑﻠﻮﻩ ﺍﻟﺴﻴﺎﺭﺓ ، ﻓﻮﺟﺪ ﺃﻥ ﺍﻟﻤﺘﺼﻞ ﻫﻮ ﻳﻮﺳﻒ ، ﻟﺬﺍ ﺃﺟﺎﺏ ﻋﻠﻴﻪ ﻭ ...
- ﻣﺮﻭﺍﻥ ﻫﺎﺗﻔﻴﺎً ﺑﻨﺒﺮﺓ ﺻﻮﺕ ﻣﺨﺘﻨﻘﺔ : ﺍﻳﻮﻩ
- ﻳﻮﺳﻒ ﻫﺎﺗﻔﻴﺎً ﺑﺤﺪﺓ : ﺍﻧﺖ ﻓﻴﻦ ؟؟ ﻋﻤﺎﻝ ﺃﻃﻠﺒﻚ ﻣﻦ ﺑﺪﺭﻱ ﻭﻣﺶ ﺑﺘﺮﺩ
- ﻣﺮﻭﺍﻥ : ﻋﺎﻭﺯ ﺍﻳﻪ ﻳﺎ ﺟﻮﻭ
- ﻳﻮﺳﻒ : ﺗﻌﺎﻻﻟﻲ ﺑﺴﺮﻋﺔ ، ﻓﻲ ﻛﺎﺛﺔ ﺣﺼﻠﺖ
- ﻣﺮﻭﺍﻥ ﺑﻌﺪﻡ ﺍﻛﺘﺮﺍﺙ : ﻛﺎﺭﺛﺔ ﺍﻳﻪ ﺗﺎﻧﻲ
- ﻳﻮﺳﻒ : ﻣﺎﻳﺎ ﻋﻤﻠﺖ ﻣﺼﻴﺒﺔ ﻛﺒﻴﺮﺓ ﻓﻲ ﻧﺪﻯ ﻭﻧﻴﺮﺓ
ﺍﺳﺘﺮﻋﻰ ﺍﺳﻢ ﻧﻴﺮﺓ ﺍﻧﺘﺒﺎﻩ ﻣﺮﻭﺍﻥ ، ﻣﻤﺎ ﺟﻌﻠﻪ ﻳﺼﻒ ﺳﻴﺎﺭﺗﻪ ﻋﻠﻰ ﺟﺎﻧﺐ ﺍﻟﻄﺮﻳﻖ ، ﺛﻢ ..
- ﻣﺮﻭﺍﻥ ﺑﻠﻬﻔﺔ : ﻋﻤﻠﺖ ﺍﻳﻪ ؟؟؟
- ﻳﻮﺳﻒ : ﺍﻟﻬﺎﻧﻢ ﺧﻠﺖ ﺃﺑﻮﻫﺎ ﻳﺮﻭﺡ ﻋﻨﺪ ﺃﺑﻮﻙ ﻭﻳﻤﻠﻰ ﺩﻣﺎﻏﻪ ﺑﻜﻼﻡ ﻓﺎﺭﻍ ﻋﻦ ﻋﻢ ﺻﻼﺡ ﻭﺃﺫﺍﻩ ﻓﻲ ﺷﻐﻠﻪ
- ﻣﺮﻭﺍﻥ ﺑﺼﺪﻣﺔ : ﺍﻳﻴﻴﻪ ؟؟
- ﻳﻮﺳﻒ : ﻷ ﻭﺍﺳﻤﻊ ﻛﻤﺎﻥ ............................... !!
ﻣﺠﺮﺩ ﺃﻥ ﻳﻌﺮﻑ ﻣﺮﻭﺍﻥ ﺃﻥ ﻭﺍﻟﺪﻩ ﻓﻬﻤﻲ ﺍﻟﻜﻮﻣﻲ ﺗﺴﺒﺐ ﻓﻲ ﺇﻟﺤﺎﻕ ﺍﻷﺫﻯ ﺑﻮﺍﻟﺪ ﺍﻟﻔﺘﺎﺓ ﺍﻟﺘﻲ ﺍﺣﺒﻬﺎ ﻛﺎﻥ ﻛﺎﻓﻴﺎً ﻟﺠﻌﻞ ﺍﻟﺪﻣﺎﺀ ﺗﺤﺘﻘﻦ ﻓﻲ ﻭﺟﻬﻪ ..
ﺃﻧﻬﻰ ﻣﺮﻭﺍﻥ ﻣﻜﺎﻟﻤﺘﻪ ﻣﻊ ﻳﻮﺳﻒ ﻭﺍﻧﻄﻠﻖ ﺃﻭﻻً ﺇﻟﻰ ﻣﻘﺮ ﺍﻟﻔﺮﻉ ﺍﻟﺠﺪﻳﺪ ، ﻭﺑﺎﻟﻔﻌﻞ ﻟﻢ ﻳﺠﺪ ﺃﻱ ﺃﺛﺮ ﻷﻱ ﻋﻤﺎﻟﺔ ﺃﻭ ﺣﺘﻰ ﻟﻸﺳﺘﺎﺫ ﺻﻼﺡ .. ﻭﻋﺮﻑ ﻣﻦ ﺣﺎﺭﺱ ﺍﻟﻤﻨﻄﻘﺔ ﺑﺄﻥ ﺍﻻﺳﺘﺎﺫ ﺻﻼﺡ ﺗﻢ ﺇﻧﻬﺎﺀ ﺍﻟﺘﻌﺎﻗﺪ ﻣﻌﻪ ، ﻭﻃﺮﺩﻩ ﻣﻦ ﺍﻟﻤﻨﻄﻘﺔ ﻗﺒﻞ ﺃﻳﺎﻡ ﻋﺪﺓ ...
ﻟﻢ ﻳﺼﺪﻕ ﻣﺮﻭﺍﻥ ﻣﺎ ﺳﻤﻊ ﺑﺄﺫﻧﻴﻪ ، ﻭﺿﻊ ﻛﻠﺘﺎ ﻳﺪﻳﻪ ﻓﻮﻕ ﺭﺃﺳﻪ ﻳﺤﺎﻭﻝ ﺃﻥ ﻳﻌﻲ ﻣﺎ ﻳﺤﺪﺙ ﻭ ..
- ﻣﺮﻭﺍﻥ : ﻃﺐ ﻟﻴﻪ ﻛﺪﻩ ﺑﺲ ؟؟ ﻟﻴﻪ ؟ ﻫﻮ ﻛﺎﻥ ﺫﻧﺒﻪ ﺍﻳﻪ ﺍﻟﺮﺍﺟﻞ ﻋﺸﺎﻥ ﻳﺘﺄﺫﻯ ﻓﻲ ﺷﻐﻠﻪ !!
ﺍﻧﻄﻠﻖ ﻣﺮﻭﺍﻥ ﻧﺎﺣﻴﺔ ﺷﺮﻛﺔ ﻭﺍﻟﺪﻩ ...
...............
ﻓﻲ ﺷﺮﻛﺔ ﺳﻠﻴﻢ ﺍﻟﻜﻮﻣﻲ ﻟﻼﺳﺘﺜﻤﺎﺭ ﻭﺍﻟﺘﻄﻮﻳﺮ ﺍﻟﻌﻘﺎﺭﻱ ،،،
ﺩﻟﻒ ﻳﻮﺳﻒ ﺇﻟﻰ ﻣﻜﺘﺐ ﻭﺍﻟﺪﻩ ﻭﺍﻟﻐﻀﺐ ﺑﺎﺩﻳﺎً ﻋﻠﻰ ﻭﺟﻬﻪ .. ﺣﺎﻭﻝ ﺳﻠﻴﻢ ﺃﻥ ﻳﻌﺮﻑ ﺍﻟﺴﺒﺐ ﻭﺭﺍﺀ ﺫﻟﻚ ﺍﻟﻮﺟﻪ ﺍﻟﻐﺎﺿﺐ ﻭ ..
- ﺳﻠﻴﻢ : ﻓﻲ ﺍﻳﻪ ﻳﺎ ﺟﻮﻭ ؟؟
- ﻳﻮﺳﻒ ﺑﺤﺰﻥ : ﻓﻲ ﺍﻥ ﺍﻟﺒﻨﺖ ﺍﻟﻠﻲ ﺣﺒﻴﺘﻬﺎ ﺑﺠﺪ ﺍﻟﻜﻞ ﺑﻴﺤﺎﺭﺑﻨﻲ ﻋﺸﺎﻥ ﺃﻗﺪﺭ ﺍﻛﻮﻥ ﻣﻌﺎﻫﺎ
- ﺳﻠﻴﻢ : ﻳﺎ ﺑﻨﻲ ﻣﺤﺪﺵ ﺑﻴﺤﺎﺭﺑﻚ ، ﺍﻧﺖ ﺭﻛﺰ ﻓﻲ ﻣﺬﺍﻛﺮﺗﻚ ﻭﺑﻌﺪ ﻛﺪﻩ ﻧﺸﻮﻑ ﺍﻟﻤﻮﺿﻮﻉ ﺩﻩ
- ﻳﻮﺳﻒ ﺑﺘﻬﻜﻢ : ﻣﺬﺍﻛﺮﺓ ! ﻫﻪ ، ﻭﻫﻮ ﺃﻧﺎ ﻓﻲ ﺩﻣﺎﻍ ﺃﺻﻼً ﻟﻠﻤﺬﺍﻛﺮﺓ .. ﺍﻧﺎ ﺧﻼﺹ ﻣﻌﻨﺘﺶ ﻋﺎﻭﺯ ﺣﺎﺟﺔ .. ﺃﻧﺎ ﻛﻨﺖ ﻣﻔﻜﺮ ﺍﻧﻚ ﻣﻌﺎﻳﺎ ﻭﺑﺘﺪﻋﻤﻨﻲ ﻟﻜﻦ .. ﻟﻜﻦ ﺍﻟﻠﻲ ﻗﺪﺍﻣﻲ ﻏﻴﺮ ﻛﺪﻩ
- ﺳﻠﻴﻢ : ﻳﺎ ﻳﻮﺳﻒ ﻣﺶ ﻣﻌﻨﻰ ﺇﻧﻲ ﻟﻮ ﻣﻌﻤﻠﺘﻠﻜﺶ ﺍﻟﻠﻲ ﺍﻧﺖ ﻋﺎﻭﺯﻩ ، ﺃﺑﻘﻰ ﺃﻧﺎ ﺿﺪﻙ !
- ﻳﻮﺳﻒ ﻭﻫﻮ ﻳﺘﺠﻪ ﻟﻠﺒﺎﺏ : ﺧﻼﺹ ﻳﺎ ﺑﺎﺑﺎ .. ﺃﻧﺎ ﻣﺎﺷﻲ
- ﺳﻠﻴﻢ : ﻳﺎ ﻳﻮﺳﻒ ﺍﺳﺘﻰ ﺑﺲ .. ﺍﺳﺘﻨﻰ !
...........................
ﻓﻲ ﺷﺮﻛﺔ ﺍﻟﻨﻘﻴﺐ ﻟﻼﺳﺘﻴﺮﺍﺩ ،،،
ﻭﺻﻞ ﻣﺮﻭﺍﻥ ﺇﻟﻰ ﻣﻘﺮ ﺷﺮﻛﺔ ﻭﺍﻟﺪﻩ ، ﺻﻒ ﺍﻟﺴﻴﺎﺭﺓ ﺑﺎﻷﺳﻔﻞ ﺛﻢ ﺻﻌﺪ ﺑﺄﻗﺼﻰ ﺳﺮﻋﺘﻪ ﺇﻟﻰ ﻣﻜﺘﺐ ﻭﺍﻟﺪﻩ ، ﻗﺎﺑﻞ ﺍﻟﺴﻜﺮﺗﻴﺮﺓ ﻓﻲ ﺍﻟﺨﺎﺭﺝ ﻭ ..
- ﻣﺮﻭﺍﻥ : ﺑﺎﺑﺎ ﺟﻮﺍ
- ﺍﻟﺴﻜﺮﺗﻴﺮﺓ : ﺍﻳﻮﻩ ﻳﺎ ﻣﺮﻭﺍﻥ ﺑﻴﻪ ، ﺑﺲ ﻋﻨﺪﻩ ﺁﺁﺁ ...
ﻟﻢ ﻳﻤﻬﻞ ﻣﺮﻭﺍﻥ ﺍﻟﺴﻜﺮﺗﻴﺮﺓ ﺍﻟﻔﺮﺻﺔ ﻟﻜﻲ ﺗﻨﻬﻲ ﻛﻼﻣﻬﺎ ، ﻭﻟﻜﻨﻪ ﺍﻧﻄﻠﻖ ﻛﺎﻟﻘﺬﻳﻔﺔ ﺇﻟﻰ ﻣﻜﺘﺐ ﻭﺍﻟﺪﻩ ﺍﻟﺬﻳﻜﺎﻥ ﻣﻨﺸﻐﻼً ﻓﻲ ﺍﺟﺘﻤﺎﻉ ﻣﺎ ﻭ ...
- ﺍﻟﺴﻜﺮﺗﻴﺮﺓ ﻭﻫﻲ ﺗﺴﺮﻉ ﺍﻟﺨﻄﻲ ﺧﻠﻔﻪ : ﻳﺎ ﻣﺮﻭﺍﻥ ﺑﻴﻪ ، ﺍﺳﺘﻨﻰ ﻣﻦ ﻓﻀﻠﻚ
- ﻣﺮﻭﺍﻥ ﺑﻀﻴﻖ : ﺑﺎﺑﺎ ﻟﻮﺳﻤﺤﺖ
- ﺍﻟﺴﻜﺮﺗﻴﺮﺓ : ﻭﺍﻟﻠﻪ ﻳﺎ ﻓﻬﻤﻲ ﺑﻴﻪ ﺃﻧﺎ ﺣﺎﻭﻟﺖ ﺃﻗﻮﻟﻪ ﺍﻥ ﺣﻀﺮﺗﻚ ﻓﻲ ﺍﺟﺘﻤﺎﻉ ﺑﺲ ﻫﻮ ﺁﺁ ...
- ﻓﻬﻤﻲ ﻣﺸﻴﺮﺍً ﺑﻴﺪﻩ : ﺧﻼﺹ .. ﺭﻭﺣﻲ ﺍﻧﺘﻲ ﺷﻮﻓﻲ ﻭﺭﺍﻛﻲ ﺍﻳﻪ ..
- ﺍﻟﺴﻜﺮﺗﻴﺮﺓ ﻭﻫﻲ ﺗﻮﻣﻲﺀ ﺑﺮﺃﺳﻬﺎ : ﺣﺎﺿﺮ ﻳﺎ ﻓﻨﺪﻡ
- ﻓﻬﻤﻲ ﻧﺎﻇﺮﺍً ﻟﻤﺮﻭﺍﻥ : ﺍﺳﺘﻨﺎﻧﻲ ﻫﻨﺎﻙ
- ﻣﺮﻭﺍﻥ ﺑﻀﻴﻖ : ﻃﻴﺐ
ﺟﻠﺲ ﻣﺮﻭﺍﻥ ﻋﻠﻰ ﺍﻷﺭﻳﻜﺔ ﻭﻫﻮ ﻳﻬﺰ ﻗﺪﻣﻴﻪ ﺑﻌﺼﺒﻴﺔ ﻣﻔﺮﻃﺔ .. ﻓﻲ ﺣﻴﻦ ﺣﺎﻭﻝ ﻓﻬﻤﻲ ﺍﻧﻬﺎﺀ ﺍﺟﺘﻤﺎﻋﻪ ﺑــ ...
- ﻣﺮﻭﺍﻥ : ﺳﻮﺭﻱ ﻳﺎ ﺟﻤﺎﻋﺔ ، ﺩﻩ ﻣﺮﻭﺍﻥ ﺍﺑﻨﻲ .. ﺍﻧﺘﻮ ﻋﺎﺭﻓﻴﻦ ﺍﻟﺸﺒﺎﺏ ﺑﻘﻰ ﻭﺣﻤﺎﺳﻬﻢ
- ﺃﺣﺪ ﺍﻟﻌﻤﻼﺀ : ﺍﻩ ﻃﺒﻌﺎً .. ﺭﺑﻨﺎ ﻳﺨﻠﻴﻬﻮﻟﻚ
- ﻋﻤﻴﻞ ﺃﺧﺮ : ﻣﺎ ﺷﺎﺀ ﺍﻟﻠﻪ ﻛﺒﺮ
- ﻓﻬﻤﻲ ﻭﻗﺪ ﻧﻬﺾ ﻣﻦ ﻣﻜﺎﻧﻪ : ﻧﻜﻤﻞ ﺍﻥ ﺷﺎﺀ ﺍﻟﻠﻪ ﺍﻻﺟﺘﻤﺎﻉ ﺍﻷﺳﺒﻮﻉ ﺟﺎﻱ ﺗﻜﻮﻥ ﺩﺭﺍﺳﺔ ﺍﻟﺠﺪﻭﻯ ﺟﻬﺰﺕ ، ﻭﺍﻟﻤﻠﻔﺎﺕ ﺍﻟﻠﻲ ﺃﻧﺎ ﻋﺎﻭﺯﻫﺎ ﻋﻦ ﺍﻟﺼﻔﻘﺔ ﺗﻜﻮﻥ ﻛﻤﻠﺖ
- ﺃﺣﺪ ﺍﻟﻌﻤﻼﺀ : ﺗﻤﺎﻡ .. ﻋﻠﻰ ﻣﻴﻌﺎﺩﻧﺎ
- ﻓﻬﻤﻲ : ﺷﺮﻓﺘﻮﺍ
ﺍﻧﺼﺮﻑ ﺍﻟﻌﻤﻼﺀ ﻣﻦ ﻣﻜﺘﺐ ﻓﻬﻤﻲ ، ﺛﻢ ﺗﻮﺟﻪ ﻫﻮ ﺇﻟﻰ ﺣﻴﺚ ﻳﺠﻠﺲ ﺍﺑﻨﻪ ﻭﺟﻠﺲ ﻋﻠﻰ ﺍﻷﺭﻳﻜﺔ ﺍﻟﻤﻘﺎﺑﻠﺔ ﻭﺍﺿﻌﺎً ﻗﺪﻣﺎً ﻓﻮﻕ ﺍﻷﺧﺮﻯ ﻭﻧﻈﺮ ﺇﻟﻰ ﺍﺑﻨﻪ ﺑﻜﻞ ﺑﺮﻭﺩ ﻭ ..
- ﻓﻬﻤﻲ : ﺧﻴﺮ ؟
- ﻣﺮﻭﺍﻥ : ﻣﻤﻜﻦ ﻳﺎ ﺑﺎﺑﺎ ﺗﻔﻬﻤﻨﻲ ﻋﻤﻠﺖ ﻛﺪﻩ ﻟﻴﻪ ﻓﻲ ﺍﻷﺳﺘﺎﺫ ﺻﻼﺡ
- ﻓﻬﻤﻲ : ﻋﺸﺎﻥ ﺃﺣﻤﻴﻚ ﻣﻨﻪ ﻭﻣﻦ ﺑﻨﺘﻪ
- ﻣﺮﻭﺍﻥ : ﺗﺤﻤﻴﻨﻲ ﻣﻨﻬﻢ ﻟﻴﻪ ؟؟ ﻫﻤﺎ ﻋﻤﻠﻮﻟﻲ ﺍﻳﻪ ؟؟
- ﻓﻬﻤﻲ : ﺃﻱ ﺣﺪ ﻫﻴﺠﻲ ﺟﻤﺐ ﻣﺴﺘﻘﺒﻠﻚ ﻭﺍﻟﻠﻲ ﺃﻧﺎ ﺭﺍﺳﻤﻬﻮﻟﻚ ﻫﺎﻣﺤﻴﻪ ﻣﻦ ﻃﺮﻳﻘﻚ
- ﻣﺮﻭﺍﻥ : ﻣﺎﺷﻲ ﻭﺷﺎﻛﺮ ﺑﻴﻪ !
- ﻓﻬﻤﻲ ﻭﻗﺪ ﺍﻋﺘﺪﻝ ﻓﻲ ﺟﻠﺴﺘﻪ : ﻣﺎﻟﻪ
- ﻣﺮﻭﺍﻥ : ﻣﺎﻟﻪ ؟؟ ﻣﺶ ﻫﻮ ﺍﻟﻠﻲ ﺟﻪ ﻗﺎﻟﻚ ﺍﻟﻜﻼﻡ ﺩﻩ ﺑﻨﺎﺀﺍً ﻉ ﻛﻼﻡ ﺑﻨﺘﻪ ﺍﻟﻤﺼﻮﻥ
- ﻓﻬﻤﻲ : ﻭﻓﻴﻬﺎ ﺍﻳﻪ ؟؟ ﺍﻟﺮﺍﺟﻞ ﻋﺎﻭﺯ ﻣﺼﻠﺤﺘﻚ .. ﻛﺘﺮ ﺧﻴﺮﻩ ﻉ ﺍﻟﻠﻲ ﻋﻤﻠﻪ
- ﻣﺮﻭﺍﻥ ﻭﻗﺪ ﻧﻬﺾ ﻣﻦ ﻣﻜﺎﻧﻪ : ﻷ ﻓﻌﻼً .. ﺩﻩ ﺍﻟﻤﻔﺮﻭﺽ ﻧﻌﻤﻠﻪ ﺗﻤﺜﺎﻝ ، ﺭﺍﺟﻞ ﺑﻴﺤﺐ ﺍﻟﺨﻴﺮ ﻓﻌﻼً
- ﻓﻬﻤﻲ : ﺍﻧﺖ ﻋﺎﻭﺯ ﺍﻳﻪ ﻳﺎ ﻣﺮﻭﺍﻥ
- ﻣﺮﻭﺍﻥ : ﻛﺎﻥ ﻣﻤﻜﻦ ﺗﻌﻤﻞ ﺃﻱ ﺣﺎﺟﺔ ﻳﺎ ﺑﺎﺑﺎ ﺇﻻ ﺇﻧﻚ ﺗﺄﺫﻱ ﺣﺪ ﻓﻲ ﺭﺯﻗﻪ
- ﻓﻬﻤﻲ : ﻭﺍﻟﻠﻪ ﺃﻧﺎ ﻣﺎﺫﺗﻮﺵ ، ﻫﻮ ﺍﻟﻠﻲ ﺟﻠﺐ ﻟﻨﻔﺴﻪ !
- ﻣﺮﻭﺍﻥ : ﻳﻌﻨﻲ ﻋﺎﻭﺯ ﺗﻔﻬﻤﻨﻲ ﻳﺎ ﺑﺎﺑﺎ ﺍﻧﻚ ﺍﻛﺘﻔﻴﺖ ﺑﺴﺤﺐ ﺍﻟﻤﻘﺎﻭﻟﺔ ﻣﻨﻪ
- ﻓﻬﻤﻲ : ﺍﺣﻢ .. ﺃﻧﺎ ﺣﺒﻴﺖ ﺃﻗﺮﺹ ﻭﺩﻧﻪ ﺑﺲ
- ﻣﺮﻭﺍﻥ : ﺗﻘﺮﺹ ﻭﺩﻧﻪ ﺗﻘﻮﻡ ﺗﺪﻣﺮﻩ ﻳﺎ ﺑﺎﺑﺎ
- ﻓﻬﻤﻲ ﺑﻌﺪﻡ ﺍﻛﺘﺮﺍﺙ ﻭﻫﻮ ﻳﻤﻂ ﺷﻔﺘﻴﻪ : ﻫــﻪ
- ﻣﺮﻭﺍﻥ : ﻃﺐ ﻭﺑﻨﺘﻪ ﺫﻧﺒﻬﺎ ﺍﻳﻪ ﺍﻧﻬﺎ ﻣﺘﻜﻤﻠﺶ ﺩﺭﺍﺳﺘﻬﺎ ؟؟
- ﻓﻬﻤﻲ : ﻛﺪﻩ ﺃﺣﺴﻦ ، ﺧﻠﻴﻬﺎ ﻳﺮﺑﻴﻬﺎ ، ﺍﻟﺘﻌﻠﻴﻢ ﻫﻴﻔﻴﺪﻫﺎ ﺑﺎﻳﻪ ﺍﻥ ﻛﺎﻧﺖ ﻫﻲ ﻋﺪﻳﻤﺔ ﺍﻟﺮﺑﺎﻳﺔ !
- ﻣﺮﻭﺍﻥ ﺑﻨﻈﺮﺍﺕ ﻧﺎﺭﻳﺔ : ﺃﻧﺎ ﻛﺎﻥ ﻣﻤﻜﻦ ﺃﺗﺨﻴﻞ ﺃﻧﻚ ﺗﻌﻤﻞ ﺍﻱ ﺣﺎﺟﺔ ﻳﺎ ﺑﺎﺑﺎ ﺇﻻ ﺇﻧﻚ ﺗﻜﻮﻥ ﺑﺎﻟﺸﻜﻞ ﺩﻩ .. ﺑﺠﺪ ﺃﻧﺎ ﻣﺼﺪﻭﻡ ﻓﻴﻚ .. ﺃﻧﺎ ﻣﺶ ﻣﺼﺪﻕ
- ﻓﻬﻤﻲ ﺑﺒﺮﻭﺩ : ﺑﻜﺮﺓ ﺗﻴﺠﻲ ﺗﺸﻜﺮﻧﻲ ﻉ ﺍﻟﻠﻲ ﻋﻤﻠﺘﻪ ﺩﻩ
- ﻣﺮﻭﺍﻥ : ﺃﺷﻜﺮﻙ !.. ﺻﺪﻗﻨﻲ ﻳﺎ ﺑﺎﺑﺎ ﺃﻧﺎ ﻧﺪﻣﺎﻥ ﺇﻧﻲ ﺁﺁ ... ﻭﻻ ﻣﺎﻓﻴﺶ ﺩﺍﻋﻲ .. ﺍﻧﺎ ﻣﺎﺷﻲ
- ﻓﻬﻤﻲ : ﺍﺳﺘﻨﻰ ﻳﺎ ﻣﺮﻭﺍﻥ ﺃﻧﺎ ﻟﺴﻪ ﻣﺨﻠﺼﺘﺶ !
- ﻣﺮﻭﺍﻥ : ﺑﺲ ﺃﻧﺎ ﺧﻠﺼﺖ !
ﺗﺮﻙ ﻣﺮﻭﺍﻥ ﻭﺍﻟﺪﻩ ﻭﻗﻠﺒﻪ ﻣﻌﺘﺼﺮ ﻣﻦ ﺍﻵﻟﻢ ﻷﻥ ﺷﻜﻮﻛﻪ ﺑﺎﺗﺖ ﺻﺤﻴﺤﺔ ﺍﻵﻥ .. ﻓﻮﺍﻟﺪﻩ ﻫﻮ ﺍﻟﻤﺘﺴﺒﺐ ﺍﻟﺮﺋﻴﺴﻲ ﻓﻲ ﺃﺫﻳﺔ ﻭﺍﻟﺪ ﻧﻴﺮﺓ ، ﺑﻞ ﻭﺍﻷﻫﻢ ﻣﻦ ﻫﺬﺍ ﻫﻮ ﺳﺒﺐ ﺍﻣﺘﻨﺎﻋﻬﺎ ﻋﻦ ﺍﻟﺪﺭﺍﺳﺔ ﻫﻲ ﻭﺍﺧﺘﻬﺎ ﻧﺪﻯ ..
ﻗﺎﺩ ﻣﺮﻭﺍﻥ ﺳﻴﺎﺭﺗﻪ ﻭﻫﻮ ﻳﺒﻜﻲ ﺑﺤﺮﻗﺔ .. ﻛﻴﻒ ﺳﻴﺴﺎﻣﺢ ﻭﺍﻟﺪﻩ ﻋﻠﻰ ﻣﺎ ﻓﻌﻞ ، ، ﻛﻴﻒ ﺳﻴﻨﺴﻰ ﺃﺫﻳﺘﻪ ﻟﻨﻴﺮﺓ ﺗﻠﻚ ﺍﻟﻔﺘﺎﺓ ﺍﻟﺘﻲ ﺧﻄﻔﺖ ﻗﻠﺒﻪ ﻗﺒﻞ ﻋﻘﻠﻪ ، ﻛﺎﻥ ﻳﻀﺮﺏ ﻣﻘﻮﺩ ﺍﻟﺴﻴﺎﺭﺓ ﺑﻜﻞ ﻋﺼﺒﻴﺔ ﺑﻜﻠﺘﺎ ﻳﺪﻳﻪ ، ﻭﻟﻢ ﻳﻨﺘﺒﻪ ﻻﺷﺎﺭﺓ ﺍﻟﻤﺮﻭﺭ ﺍﻟﻤﻀﺎﺀﺓ ﻓﻲ ﺍﻟﻄﺮﻳﻖ ﺍﻟﻌﻜﺴﻲ ، ﻭﻓﺠـــﺄﺓ ﺳُﻤﻊ ﺻﻮﺕ ﺍﺭﺗﻄﺎﻡ ﻗﻮﻱ ﻭ
